رواية أجبرني على الإنجاب الفصل الرابع والثلاثون 34 بقلم منة سمير
رواية أجبرني على الإنجاب الجزء الرابع والثلاثون
رواية أجبرني على الإنجاب البارت الرابع والثلاثون
رواية أجبرني على الإنجاب الحلقة الرابعة والثلاثون
نور باين التوتر والتردد كان لسه هتمشي لاقت حد سحب الكرسي ال قدامها وقعد : كنت عارف انك هتجي
نور : مضطره اني اجي اقابلك عشان افهم
كريم : تشربي ايه
نور : انا مش جايه اشرب انا عايزه اعرف الحقيقه وبس
كريم : يعني انتي عارفه اني مش حرامي ولا مجرم زي ما بتقولي
نظرت اليه باستفهام
فاكمل: مافيش مجرم بيقول الحقيقه يا انسه نور
نور : بص انا اسفه لو كنت قولتلك كدا بس انا عندي أسبابي وحط نفسك مكاني انت لو كنت قاتل ظابط في الجيش مكنش جرَوا وراك كدا
ووواضح كمان انهم مش شرطه كل دا مخليش قدامي سبب واحد بس انك تكون تبعهم
كريم بانتباه : واي ال خلاكي تغيري فكرتك الوقتي
نور : بعد اليوم ال شوفتك فيه انا كنت بدات انسي ومشغلش نفسي بال حصل بس اعصابي كانت تعبانه غصب عني
سكتت قليلا : كنت راحه لواحده صحبتي قريب من شركات ليل الهوارى اكيد عارفه
وانا خارجه ولسه هركب عربيتي لاقيت واحد بيشدني غصب عني يخرجني برا العربيه وشكله وهيئته تخوف حسيت اني شوفته قبل كدا بس مش فاكره فين
ثم سردت لها ما حدث بالتفصيل
كريم وقد بدات ان تتضح اليه الرؤيه : انتي ليكي اي صله بليل الهوارى
نور : ل لاء ماليش
كريم بسخريه : اومال كنتي بتعملي اي في الفرح
نور : مش مهم انك تعرف… وحضرتك علاقتك بيه ايه انت كمان كنت في الفرح
كريم : حاجه متخصيكيش انتي كمان
نور : لا والله
كريم ببرود : اه والله
نور بغضب من بروده وقامت : اساسا انا غلطانه اني جيت اقابلك من الاول ما اتعلمتش من ال حصلي بسببك في اول مره
زفر بضيق وقام مسكها من ايدها بحده : اقعدي
نور : شيل ايدك دي احسنلك
كريم بغضب من طوله لسانها اتعصب وصوته علي عليها قدام الناس : قولتلك اقعدي
دفعها ولكن ليس بقوه كي تجلس
نور :انك واحد
كريم بغضب : انسه نور ياريت تسكتي خالص وتسمعيني عشان الناس متتفرجش علينا اكتر من كدا
واختصارا للكلام الكتير عشان انتي الكلام معاكي صعب
اتجنبي وابعدي نفسك عن اي حاجه ليها علاقه ب ليل الهوارى
نور : وضح كلامك انت قصدك ايه
كريم : حياتك فعلا هتكون في خطر لو انتي كنتي قريبه منه او من رجالته
نور : هو انت
كريم : اليوم ال انا شوفتك فيه انا كنت هربان من رجاله ليل ولحد الوقتي هما بيدوروا عليا
ويمكن حد منهم شافك معايا اليوم دا وكان مفكر انك تعرفيني عشان كدا حاول انه يخطفك
نور بصدمه كبيره : يا نهاررر أاااسوووورد… طب وازاي رحت الفرح ليه امبارح وعملت ايه عشان يبقي يطاردك كدا
كريم : اعتقد انك عرفتي ال يخصك لحد الوقتي يا انسه نور وانا عملت ال عليا وجيت ونبهتك
ونتي حره
نور بغضب : انت بعد ما عرضت حياتي للخطر بتقولي انا حره عادي كدا دي غلطتي ان انقذتك من الناس دي
ومفكر انه مش هيعرف انك كنت في الفرح امبارح بغض النظر انت دخلت ازاي واكيد هيشوفني معاك
ومش بعيد يفكر اننا السبب في ال حصل لمراته
كريم بعدم فهم : هو اي ال حصل لمراته
نور : اضربت امبارح بالنار
كريم بصدمه : كاميليا!
********
ليل
: خلاص يا مراد كفايه روح انت البيت ارتاح شويه لسه مش عارف كاميليا هتخرج امتا
مراد بنوم : خلصنا يا عم قولتلك رجلي ع رجلك مش خارج الا معاك
ليل : ياا ابني انت…. لم يكمل حديثه حتى وجده يغط في نوم عميق
ليل محدثا نفسه : انت هتجبلي الشلل قريب والله
ليل راح غسل وشه عشان يفوق شويه وماينامش تاني..
…
ليل باشا
في ايه
مدام كاميليا صحيت وعاوزه حضرتك
راح ليل اوضتها اول ما شافته لاقيته شكله تعبان اوي ومرهق
همست بضعف وبكاء : ليل
احتضنها بحذر حتي لا يؤلمها قائلا بهمس رجولي : عيون ليل
كاميليا عيطت : انت كنت فين وسايبني هنا
قعد جنبها: انا كنت جنبك طول الليل ولسه خارج من شويه كنت واقف مع مراد برا
كاميليا : معدتش تمشي وتسبني لوحدي تاني انا كنت هموت من الخوف فكرتك مشيت
كانت تبكي بحرقه وهي تشعر بعدم الأمان…
احتضنها وهو يقبل جبهتها حتى تتطمأن : مش رايح في حته وعمري ما اقدر امشي واسيبك يا كاميليا… بس اهدي ي حبييتي وبطلي عياط غلط عليكي
كاميليا بشهقات متتاليه : انا عاوزه امشي من هنا عاوزه اخرج….
ليل احتضن وجهها بين كفيه وهو يمسح دموعها برقه وينظر إليها بعشق فاخيرا قد اطمأن قلبه عليها….
حاضر بس بطلي عياط وارتاحي شويه
اومأت له بصمت ولم تتحدث ظل هو بجانبها حتي هدات وغفت مره اخري في مكانها
ليل : فرح ايه دا بس ياربي اديني بايت بمراتي في المستشفى
قعدتي تقوليلي اول مره اشوف عريس يوم فرحه بيتخانق
انا اول مره اشوف عريس وعروسته ليله فرحهم مقضيناها في المستشفى
ضحك عليه لا إرادي حتي اشتد عليها جرحها فتاوهت بالم
ليل : عشان تعرفي تضحكي عليا كويس بعد كدا…
كاميليا بضحك : وانا مالي انت ال عريس فقر ههههههه
ليل : لما تقومي بالسلامه وانا هطلع عليكي القديم والجديد كله وهعرفك مين الفقري
كاميليا : طب قوم من هنا عشان عاوزه انام
ليل يقترب اكتر وبغمزه : الله ما كنا حلوين الوقتي
كاميليا : لا ي حبيبي لما تبقى تلم نفسك انت الاول وتبطل قله ادب وسفاله
انتفخت خدوها واحمرت من الغضب حتى ضحك عليها بقوه وقام باحتضانها وهو يتمتم في سره : ربنا يهديكي انا شكلي هتعب معاكي اوووي
قام بمحاوطتها من جانبها لتمدد ع صدره حتي لا يشتد عليها جرحها فتتالم
شعرت بالخجل والإحراج منه لكنه تظاهر بالنوم حتي لا تتنتاقش معه وتبتعد
لتغفو هي وهي تتوسط صدره تشعر بالأمان وهي تستمع الي نبضات قلبه
…
روان كانت في الشركه بس مش مركزه في حاجه وقاعده بتفكر في رامي
بس احنا لازم نروح… خلاص بعد ما نخلص شغل هنروح
روااان
هه
مي : هه ايه دا انتي مع الأسف…. بقولك هنخلص ونروح نشوف كاميليا
روان : ماشي بس انتي عارفه اسم المستشفى
مي بنفي : لا معرفش
بس اكيد رامي عارف لانه كان معاهم اساليه
روان : لا اساليه انتي اصلا مش معايا رقمه
مي : ياربي بلاش غباء ي روان رقم ايه هو في مكتبه روحي اساليه
روان باندهاش : في مكتبه هو جه
مي : اه من شويه
قطع كلامهم لما رامي جه عليهم وع وشه الجمود وجه كلامه لمي : الملفات خلصت يا مي تقدري تاخديها ولو في اي حاجه كلميني او كلمي عدنان
حاضر
كان هيمشي مي نغزت روان عشان تتكلم
ااا استاذ رامي
رامي بايجاز : نعم
مي : هو اا ممكن اسم المستشفى ال كاميليا فيها عايزين نروح نزورها
بص لروان ووجه كلامه لمي مره تانيه : احتمال تخرج انهارده وممنوع ليها اي زيارات دلوقتي
زورها في البيت احسن
مي : هي يعني بقت كويسه
رامي : اه احسن عن اذنك
اتفضل
انتي متنحه كدا ليه
روان بغضب : شايفه بيتكلم ازاي ولا كأني واقفه مش معبرني
مي برفعه حاجب: انتوا متخانقين
روان قعدت تكمل شغل : اه او لا اصلا مش فارق معايا
ضحكت مي عليها وراحت هي كمان تكمل شغلها
القهوه بتاعتها بردت خدتها وراحت تجيب واحده تانيه وهي متعصبه
وانا ال كنت هموت من القلق عليه انا ال واحده غبيه… َمعلش ي عم محمد ممكن قهوه لان ال معايا بردت
حظك حلو خدي اهي بتاعه استاذ رامي بس كان مستعجل ومشي
روان : لا لا اعملي واحده تانيه مش مشكله هقف استني…
هي ناقصه سدت نفس حتى في القهوه
لفت وراها لاقيته واقف مع واحده وبيضحك معاها الدم غلي في عروقها
خلاص يا عم محمد انا هاخد دي
شكرا… كانت هتمشي بس البنت قربت من رامي ولمست وشه كانها بتهزر
رامي اضايق من حركتها بس شاف روان وقرر انه يضايقها زي ما عملت معاه امبارح…
وقف وهو بيضحك مع البنت وروان معديه من جنبه ودلقت القهوه ع هدومه: اووو انا اسفه يا استاذ رامي مخدتش بالي
اصلي كنتي مستعجله
قالتها بغل وهي تضغط ع أسنانها ليعلم ما تلمح اليه
رامي بحده : انتي مجنونه اي ال عملتيه دا
البنت : معلش يا رامي اكيد متقصدش روح وغير قميصك دا بسرعه لان القهوه دي سخنه عشان متتحرقش
روان بغيره : يا بنت ال…… خايفه عليه اووووي
اردفت بصوت مسموع قوي من غضبها: اه ياريت تسمع كلام الاستاذه عشان متتحرقش ولو تشوفيله مرهم للحروق تحطهوله يبقي كتر خيرك اوي
عن ااذنكوااا
رامي بحده وهي يمسك دراعها : انتي راحه فين فاكره انك هتعدي بال عملتيه دااا
ابعد ايدك دي عني
يارا : خلاص يا رامي اا
رامي بغضب : اخرسي انتي يا يارا …. ونتي ورايا ع المكتب
***
نور : انت تعرفها
كريم : مين ال عمل كدا فيها
نور :معرفش
كريم ابتسم بسخريه والم : دي هتكون اقل حاجه تحصلها بعد ما رجعتله تاني
نور : انت تقصد ايه وتعرف كاميليا منين
كريم : معرفهاش…. خليكي بعيده زي ما انتي عن الناس دي
نور بسخريه : متشكره جدا ع خوفك دا
كريم : دا مش خوف… انا بحذرك محدش بيسلم من شر العيله دي ف خليكي بعيد احسن
نور : تعرف كاميليا منين
اقعد ومتهربش من سؤالي
اي علاقتك ب كاميليا وليل
كريم بحده : مبهربش… بس هريحك انا ماليش اي علاقه ب ليل بس ليا علاقه بمراته
نور بصتله : ايه
كريم : بحبها
نور :
كريم : كنت بحبها من زمان اووووي بس هي متعرفش لحد ما لاقيتها بتكلمني وبتحكيلي ع ال حصل معاها وان ليل اجبرها تتجوزه وانه بيعاملها وحش وبيهددها بجدتها…. سرد لها كل ما حدث…
نور : يااااه للدرجه دي بتحبها…
كريم بجديه : ولسه بحبها يا نور ….
نور : دلوقتي انا فهمت كل ال حصل داااا ولا كانه فيلم هندي..
كريم : انا لازم امشي الوقتي…
نَور بتفهم : تمام وانا اسفه مره تانيه لو كنت قولت حاجه ضايقتك بس مكنتش اعرف
كريم : ولا يهمك سلام
نور بتنهيده : سلام
*****
انتيييي ال عملتي كداااا؟؟ كنتييي عاوزه تقتيلهاااااااااا؟؟ انتي عارررررررررفه لو حد عرف انك انتي ال عَملتييييييي كدااااااااا هيعملواااااا فينااااااا ايييييي
ليل مستحيل يسيبنا في حااالنا واكيد هيوووووصلك
….
ايوااا اناااا ومش ندمااااانه ابداااا ع ال عملته ياريتها كااانت تموتتتت
واخلص منهاااا ويحس هو
هو بنفس الووووجع عليهاااا عشان انتقم منه…… بس ملحووووقه الجااايات اكتر…..
موت العيله دي كلها هيكون ع ايدي انااا وهعرف كويس اووووي اوووقع ابن الهوارى ازاي…..
المره دي مراته مماتش المره الجايه هخليه هوو يقتله بنفسه
صدمه كبيره 🙂 ياتري مين دووول؟؟
تفتكروا بعد اخيرا ما اعترف بحبه ممكن يقتل كاميليا في يوم؟
؟ وياتري هيكون ايه السبب 🙂🙂
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أجبرني على الإنجاب)
