رواية أجبرتني قسوة الحياة الفصل الثالث 3 بقلم آية السيد
رواية أجبرتني قسوة الحياة الجزء الثالث
رواية أجبرتني قسوة الحياة البارت الثالث
رواية أجبرتني قسوة الحياة الحلقة الثالثة
“مبروك يا عروسه”
قالها خالد وهو ينظر لها بتهكم ويبتسم ببرود لم تجيب فضلت الصمت، تكبح ما بداخلها من مشاعر متضاربة تود لو تصفعه على وجهه…
خالد: طيب ردي عليا؟
أميره : احنا رايحين فين؟
خالد : احنا رايحين على شقتنا
أميره بفزع : شقتنا!!!
خالد : اه شقتنا مش احنا اتجوزنا برده؟!
أميره : أنا بكرهك …انت ليه وافقت عليا رغم كل الي قولتهولك؟
خالد : حبيتك من أول نظره …وبصراحه كان باين عليكي أوي إنك عايزه تطفشيني…
أميره : أنا بكرهك
خالد : الله يسامحك
جلست تتأفف من بروده وردود أفعاله المستفزه
____________
وعندما وصلا الشقة كانت أميره تبكي
خالد : مش هتتفرجي على الشقه؟
أميره ببكاء : مش عايزه
خالد :طيب بطلي عياط بقا مبعضش متخافيش
أميره بتحدي : مش خايفه ..
اقترب منها خالد وكلما يقترب ترجع هي للخلف حتى
اصدمت بالحائط رفع خالد كلتا يديه على الحائط ليحاصرها وينظر بعينيها محاولًا إزالة النقاب عن وجهها فدفعته بعيدًا عنها
وقالت محذره : إياك تقرب مني تاني فاااهم!
خالد : لأ مش فاهم يعني هتعملي ايه؟
أميره بصوت هادي : يعني بالزمه كدا بابا وثق فيك وادالك بنته تقوم انت تضيع الثقه دي ينفع يعني! …….
تعالت ضحكات خالد قائلًا:
-دمك تقيل زي ما قولتيلي… طيب بصي هعمل معاكِ ديل، بما ان احنا جوازنا وكل حاجه تمت بسرعه احنا محتاجين وقت نفهم بعض… ولحد ما نفهم بعض، دي اوضتك وأنا اوضتي الي قصادك
أميره بحزن: بس انا مبعرفش أنام لوحدي
خالد : والله لو عايزاني أنام معاكي معنديش مانع
أميره : لا …أنا عايزه إسراء أختي
خالد بسخريه: لا يحببتي اتعودي… من النهارده دي حياتك الجديده
تنهدت أميره بضيق من طريقة كلامه وقالت في نفسها : واضح اننا هنشوف أيام بمبي مع بعض ………..
_______________
في فجر اليوم التالي استيقظت أميره على صوت الأذان فأخذت تردد وراءه وفتحت عينيها ببطئ لترى نفسها في غرفه غريبه قفزت من سريرها مسرعه
أميره : ينهاري ايه دا أنا فين ؟
سرعان ما تذكرت ليلة الأمس وأنها قد تزوجت ذالك الشاب الذي تدعوده بالمعتوه، فجلست على السرير وبدأت تبكي ثم مسحت دموعها وقامت تصلي الفجر وتدعو الله التيسر، اصتدمت بخالد أمامها
خالد : إنتِ مين؟
إرتبكت أميره فهذه المره الأولى التي يراها خالد بدون نقاب وليس هذا فقط كانت ترتدي توب كات وبنطلون البجامه وتمسك في يدها جاكت البجامه وشعرها اللأسود الناعم ينسدل خلفها إلى نهاية كتفها ارتدت الجاكت سريعًا
أميره بحياء: أنا أميره
خالد بدهشه : إنتِ أميره !!
أميره بوجه عابس : اه أنا فيه حاجه ؟
خالد : فيه ان أول مره أشوفك من غير نقاب
أميره : طيب بعد إذنك عايزه أصلي
خالد : طيب ايه رأيك نصلي مع بعض
خفق قلبها بقوه ورددت
أميره : ماشي هلبس الإسدال على ما تتوضى
خالد في نفسه : ايه البت الحلوه دي …هعيش معاها ازاي بس …اعقل يا خالد اعقل …اللهم إخذيك يا شوشو
رجعت أميره غرفتها تزفر بحنق، لم تود أن يرى وجهها بدون نقاب! لكنه لم يراها بدون نقاب فقط بل رأي أكثر من ذالك!
______________________
في منزل كمال الشربيني، فتحت زوجته عينها وقالت بصوت ناعس
هاله : مالك يا كمال صاحي بدري ليه كدا؟
كمال : أنا منمتش أصلا يا هاله
هاله : ليه يعني تكونش خايف على بنتك! إنت صدقت انها بنتنا ولا إيه وبعدين كان لازم نضحي بيها عشان ولادنا
كمال : لا مصدقتش يا هاله… بس أنا بفكر خالد الشريف ناويلي على ايه …وبعدين مسمعكيش تقولي مش بنتنا تاني ولا عايزها تلاحظ حاجه
هاله : ليه خايف على مشاعرها! يا سيدي أنا عمري ما قولت ولا هقول متقلقش.. بس كل ما افتكر الي حصل زمان بندم اني ربيتها وسطنا
“فلاش باااااك” عودة للماضي
هاله : يعني كدا أنا مش هبقا أم يا دكتور
الدكتور : كل شيء في ايد ربنا
خرج كمال وهاله من عند الدكتور بوجه حزين ونفس منكسره
كمال : متعيطيش يا هاله …احنا هنتبنى بنت ونربيها وهتبقا بنتا
هاله : كان نفسي تبقى بنتي أنا
كمال : ماهي هتبقا بنتك وبنتي كمان
وفعلا ذهبا إلى الملجأ وأخذا بنت ليكون إسمها أميره
وبعد سنه إكتشفت هاله انها حامل ولكن قررت تربية أميره مع أبنائها
“باااك عوده”
هاله : كنا المفروض رجعناها الملجأ تاني
كمال : أهي أميره نفعتنا في وقت زنقه برده
أردف: بس احنا كنا حنينين عليها أوي وعاملناها زي ولادنا وأكتر وجه الوقت الي ترد فيه الجميل
______________________
وبعد أن أنهى أميره وخالد الصلاه
التفت خالد لأميره ليجدها جالسه على سجادة الصلاه تغمض عينيها و تسبح وتستغفر على يديها فظل ينظر إليها ويتأمل ملامحها فتحت أميره عينها فجأه لتلتقي بعيني خالد المسلطه عليها
أميره : في حاجه!!! …بتبصلي كدا ليه
خالد : بتأمل في مراتي يا ستي …لا هو عيب ولا حرام
قلدت كلامه ساخرة : لا هو عيب ولا حرام
ثم أردفت: طيب عن إذنك هقوم أنام
خالد مبتسمًا : بس فين سنانك الي طالعه بره بؤقك مش واخد بالي منها …مكنتش اعرف ان انتِ زي القمر كدا قال ايه بتداري وحاشتك بالنقاب بتضحكي عليا حضرتك!
اقتربت منه أميره وهي تبتسم وأمسكت يديه بحنان قائلة: بجد يعني عجبتك يا دكتور؟
ظن خالت أنها قد لانت له فقال:
خالد : أكيد بعني انتِ تعجبي أي حد
رفعت أميره يديه إليها فظن خالد أنها ستقبلها ابتسم لها، لكنها عضته بقوه
خالد : ااااااااااه ….يا بنت المجنونه… ما كنا حلوين
أمير : عشان تبطل تعاكس بنات الناس
وتركته وركضت مسرعه إلى غرفتها
نظر خالد الى يديه وهو يتألم ويحركها يمينًا ويسارًا وهو ينظر لمكان العضه
خالد أمام غرفتها وقال بصوت مرتفع: منك لله يا بعيده
أخرجت رأسها من الباب ثم مطت لسانها ساخرة وقبل أنا بحاول دخول الغرفه أغلقت الباب في وجهه ووقفت تقول بهمس: دي البدايه بس.. إن ما كنت أوريك مبقاش إسمي أميره كمال
______________________
كانت أميرة تجلس في غرفتها دائمًا لا تخرج إلا عندما تطمئن بأنه خارج البيت لا تراه ولا يراها، وذات يوم قرر خالد أن يخرجها من كهفها طرق خالد باب غرفة أميره فتحت وهي تقول بجمود : نعممم
خالد : احنا عاوزين نتعرف على بعض وبقالك كام يوم مبتطلعيش من أوضتك
لمعت في سمائها فكرة، فإنها تريد الإنتقام منه، لأنه تزوجها رغمًا عنها وهو يعلم جيدًا أنها لا تريده…
خالد : هاااا قولتي ايه؟
أميره : طبعا عندك حق لحظه واحده بس وأنا جايه وعملالك مفجأه هتعجبك موووت
دخلت أميره غرفتها وبعد لحظات خرجت ومعاها الاب توب وفلاشه، ابتسمت بخبث وجلست على أحد المقاعد تفتح الجهاز…
خالد : هااا بقا ايه هيا المفاجأه؟
أميره : بص بقا أولا أنا عايزه أعتذرلك على العضه مكنتش أعرف إنها هتكون جامده كدا… ثانيا بقا جيبالك فيلم جنان هيعجبك أوي
خالد بدهشه : انتي بتسمعي أفلام … المفروض انك منتقبه وتكوني ملتزمه وكدا
كتمت ضحكتها وقال بمياعه
أميره : لا لا لا ميغركش… دا أنا ثافله هيهيهيهيهيهيهيهيهيه
تجهم وجه خالد ونظر إليها فهي حقًا مجنونه ومتقلبة الأحوال، حاول معرفة ما يدور بداخل جعبتها ولكن كيف لك ذالك يا خالد فما بعقول النساء لا يفهمه الرجال! أردف:
خالد : يا ستير يارب …أنا كنت واخد عنك فكره وحشه خالص
أميره :معلش الي ميعرفني يجهلني…. خلينا بقا نركز في الفيلم دا تحفه تحفه
فتحت أميره الفيلم
خالد : إيه دا!! دا..دا رعب؟
أميره بإبتسامه : ما هو أنا مبسمعش غير الرعب أصلا… هو فيه أحلى من الرعب
نظر خالد للفراغ وقد خفق قلبه فلا يحب مثل تلك الأفلام يخاف منها فحتمًا لن ينام الليله..
أميره : انت خايف ولا ايه؟
خالد : لااااا… أنا مبخفش… شغلي شغلي دا أنا بعشق الرعب من صغري أصلًا
ازدرد ريقه برعب من تلك المشاهد التي تبث الرعب داخل شراينه، مر نصف ساعه وخالد يشاهد هذا الفيلم، يغمض عينيه لتلك المشاهد التي يشتد فيها الرعب، أما أميره فكانت مستمتعه لحالته تراقبه بطرف عينها من حين لأخر وتبتسم على رد فعله بخبث، قضمت تفاحة بيدها وقالت:
أميره بخبث: تعرف ان الي بيتفرج على رعب لأول مره أو مش متعود ممكن يشوف حاجات غريبه… أو بتظهرله حاجات غريبه
خالد بإنتباه : إزاي يعني !!
أميره : يعني يطلعله أشباح… لأن الجن بقا بيسرح بيه وممكن يظهرله
خالد بخوف : ربنا يطمنك…. أنا بجد أنا فرحان بيكِ أوي… أنا فعلًا يا زين ما اخترت
أميره : طيب ركز ركز…
أردفت تغني وتبتسم على حالته: بص بص اللقطه دي… طيب بص بص الحركه دي..
كان يراقب رد فعلها بدهشه فكانت تضحك على مشاهد مخيفه ومرعبة بالنسبة له..
______________________
ومن ناحيه أخرى في بيت كمال
إسراء: انتي متصلتيش على أميره يا ماما تطمني عليها
هاله: لا …أصلا أنا زعلانه منها …ابقي كلميها انتِ
إسراء: زعلانه من بنتك العروسه!
هاله : ملكيش دعوه وسيبك من السيره دي بتعصبني
إسراء : بقا يا ماما سيرة أميره بتعصبك…. دا حتى أميره عسل
هاله : اه عسل إسود …وغوري من وشي بقا
إسراء : ياااه للدرجه دي
هاله : الحمد لله انها اتجوزت وخلصنا منها… دا بوظتلكم دماغكم…اتنقبت وقولنا ماشي.. انما تقرب من ولادي ليه بقا …ليه تخليكي تلبسي خمار وكمان مطلعه في دماغك النقاب
نظرت لها إسراء بدهشه
إسراء : بجد يا ماما أنا مش مستوعبه الي بتقوليه …محسساني انها مش بنتك زينا
هاله : قومي يا بت امشي من هنا مش عارفه أنا بتكلم معاكِ ليه أصلا!
قامت إسراء من مكانها متعجبه لرد فعل والدته وتلوي فمها لأسفل من غرابة تصرفاتها…
______________________
قامت أميره من مكانها وهمت بالذهاب فنادى عليها خالد
خالد : رايحه فين ؟
أميره : رايحه أشرب عايز حاجه
خالد : استني هاجي معاكي
أميره : ههههههه…مالك خايف ولا إيه… انشف كدا مفيش رجاله بتخاف
ازدرد ريقه بتوتر وأردف
خالد : مقولتلك مبخفش …أنا عامل عليكِ انتِ لتكوني خايفه
أميره : لا مش خايفه خليك مكانك
ذهبت أميره إلى المطبخ وهي تضحك بشده على هيئه خالد التي تدل أنه يموت رعبًا
أميره بصوت خافت: انت لسه شوفت حاجه …والله الحكايه مسليه…. طيب ما الجواز حلو أهوه وكله مغامرات
نادي خالد بصوت عالي : كل دا بتشربي يا أميره؟
ابتسمت وذهبت إليه أميره وهي تقول : الفيلم خلص…. يلا بقا ننام
خالد : هنام بدري كدا !!! دا الساعه لسه 9!
أميره : اه أنا بنام بدري كدا …تصبح على خير
خالد : طيب متقعدي معايا شويه
أميره : ههههههههه….والله شكلك خايف
خالد : يوووووه ما قلنا مش خايف …روحي يا ستي نامي ..وإنتِ من أهل الخير
دخلت أميره غرفتها وهي تكاد تموت ضحكا على شكل خالد، وأخذت تعد العده لتكمل باقي الخطه
أميره : قال ايه فاكرني هنام … دا أنا هوريك بس أهم حاجه الصبر….
___________________
اتصل خالد بفارس
خالد : فارس وحشتني …متيجي تبات معايا اليله دي
فارس : ليه هي المدام طفشت ولا إيه
خالد : لا لا بس انت وحشتني…. أجي أنا أبات معاك الليله
فارس بضحك : إيه يا عريس مالك عايز تطفش من أولها كدا
خالد : دي قادره مفتريه وظالمه
فارس : طيب يلا اتفضل اقفل من غير مطرود عشان انا بابا بيرن عليا
خالد : كدا يا فارس بتبيعني
فارس : روح يا عريس حل مشاكلك مع مراتك …سلام عليكم
أغلق فارس الخط بوجهه
خالد : انا ايه الي كان رماني الرميه السوده دي بس …
رن هاتف خالد فإذا بها داده أمينه
أمينه : ايه يا واد يا خالد …هي العروسه نسيتك حبايبك ولا ايه
خالد : داده أمينه …وحشتيني ..هتيجي امته …تعالي دلوقت يا داده
أمينه : لا دلوقت ازاي …ان شاء الله أسبوع وراجعه علطول
خالد بخيبة أمل :طيب يا داده…خلي بالك من نفسك
اغلق خالد مع أمينه وقرر أن ينام ليتخلص من كل هذا الخوف… فالنوم هو الحل، قام بتشغيل أيات من القرآن لتدفئة قلبه، حاول أن ينام وظل يتقلب على سريره ويتزكر كل مشاهد الفيلم المرعبه حتى غفا.
وفي غرفة أميره وقد إرتدت ملابس تشبه الساحره التي كانت بالفيلم وذهبت إلى خالد وأغلقت كل أضواء الشقه ما عدا كشاف صغير ومجموعه من الشموع ودخلت إلى غرفة خالد، غيرت صوتها ليكون أخشن وقالت
أميره : هاهاهاهاهاهاهاهاها….قوم ….قووووووم هاهاهاهاهاهاها…. أنا جيييبت… قوووم
وبدأت تحرك يديها بطريقه مرعبه
إستيقظ خالد على هذا الصوت فإرتعب من مظهرها فرك عينيه ثم أخذ يغمض عينيه ويغطي وجهه بالغطاء حتى قالت
أميره : قوووووم بقولك ….
خالد : ايه دا أكيد دي تهيوآت… يا أميييييره إلحقيني
أميره : جاءت الحظه النهائيه …ستختفي من الوجود يا خالد….هخلص عليك
خالد : مش معقول أنا أكيد بحلم …مستحيل يكون دا واقع أبداااااا
أخرجت أميره خنجر ثم قتربت منه وقالت :هقتلك… هقتلك إنت مش لازم تعيش لحظه بعد دلوقت… هحولك لفار وبعدين أدبحك.
خالد بصوت مكتوم : أكيد دا كابوس… يارب أصحى يارب
ابتعدت عنه أميره وأضاءت الغرفه وبدأت تضحك بهستيريه قائله: مكنتش أعرف إن قلبك رهيف كدا… لا وكمان عبيط بتصدق أي حاجه
نظر لها خالد بعينين تشعان احمرار ووجه غاضب
خالد بعصبيه : انتِ مجنونه…. ايه الي عملتيه دا؟
أميره وهي تضحك : آسفه آسفه …مكنتش أعرف إنك هتتخض أوي كدا كنت بهزر معاك…
خالد بغضب: ودا هزار!! أنا بقا هوريكِ الهزار
قام من مكانه ومسك يدها بعن.ف
-إنت هتعمل إيه… بتبصلي كدا ليه؟
-هاخد حقي… مش إنتِ مراتي
رجعت خطوات للخلف بخوف وهي تقول: آسفه والله…. لو سمحت متقربش
سحبها من يدها وألقاها على السرير ثم …..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أجبرتني قسوة الحياة)
