رواية أأستحق هذا العذاب الفصل التاسع والعشرون 29 بقلم ميفو السلطان

رواية أأستحق هذا العذاب البارت التاسع والعشرون

رواية أأستحق هذا العذاب الجزء التاسع والعشرون

رواية أأستحق هذا العذاب الحلقة التاسعة والعشرون

كانت قمر تجلس في احضان جبل ليخرج من جيبه علبه قطيفه همس ..عايز ابتدي حياتي معاكي اهنه في المكان اللي أتمنيتك فيه في المكان اللي حلمنا بيه سوا فاكره يا جلبي لما جولتلك هجبلك الدهب في دهب فاكره كانت دموعها تلمع في عيونها …فتح العلبه فشهقت مره واحده اخرج خاتما من جيبه ذلك الذي اختارته قبل ذلك ووضعه في يديها .ثم نتشه منها باقصي صوره …
ابتسم وقال ..انت مفكره اني جدرت اصلا اخلي حد يلمس حاجه انت نجتيها او لمستيها ،.يومها جعدت جول الليل المس الخاتم وجلبي بيتحسر انه دخل يدك واني خلعته بيدي كت احلم اني البسك اهنه اللي تختاريه .
سالت دموعها ..انت سيبتهولي يا جبل ..بس اني شفتك بتلبسه لبت خالك .
تنهد وقال ..لاه انت ماركزتيش .،مد يده وقرص خدها انت كت مركزه تحرجي جلبي بفستاني موتيني يوميها …احنت راسا بخجل ..،فتح علبه اخري وقال واني بقه ليا نصيب حبيبي يحط دبلتي في يدي ،ثم اخرج دبله فشهقت وبدا قلبها يدق بعنف …خفقات ودقات تصرخ وصلت عنان السماء …كانت تنظر غير مصدقه …فهيا تلك الدبله السوداء التي كانت تنير يد من سيسعدها في الحلم…ظلت تنظر للدبله كالمجذوبه رفعت يدها ولمست الدبله وهو ينظر اليها كانت حاله من السحر تلمس الدبله وفقط وتبتسم بحالميه وهو لا يفهم ولكن يعلم ان بها شيء.
مسكت الدبله تتلمسها لم تلمس خاتمهاها ولكنها مسكت دبلته وهمست…ده هيا صوح …دي دبلته ايوه … ….جمر عشج جبل ….رفع جبل حاجبيه فهذا ما مكتوب علي الدبله من الداخل كانت تتحسس الدبله كانت سوداء وهذا المميز فيها وبداخلها تلمع الكلمات سالت دموعها مد يديه فالبسته اياها بهدوء وظلت ساهمه في يده…
انها نفس اليد التي في حلمها همست …هنسعد يا جلبك ..دبلتك اهه هنسعد ايوه اني هنسعد ما الدبله اهه ..كان مسحورا بسرحانها ويعلم انها حلمت بذلك ايضا ..كان تلاقي ارواح غريب..العشق في ابهي صوره.
رفع وجهها وهمس…عهد عليا لاسعدك كانت دموعها تسيل وتغمض عيونها همست ..دبله الجبل عاشج الجمر …هنسعد هنسعد هو جال هنسعد …
مسك وجهها فتحت عيونها ودموعها تنهمر ..حلمتي بده …هزت راسها بهيام …اندفع وشدها بقوه فتعلقت به وانهارت من البكاء احس ان بداخلها طوفان من العشق والوجع رفع وجهها اليه وانهال عليها لم يعد يتحمل اكثر من ذلك ظل معها وهيا كالهلام بين يديه تريده وسعيده بما هم ..
وكان الله اعطاها لمحه ايه تنير لها طريقها حتي لو لوقت قصير ..لمحه تخطف من دنيا الحزن سعاده حتي لو مؤقته ..حلم ورا حلم ورا حلم حتي اكتمل الحلم وتجلي واقعا يخطف الانفاس كيف ارفض ما اتاها علي طبق من الحب …هنا قررت ان تسعد اخير ..قررت ان تدخل دنيا الفرح وتترك دنيا العذاب لفتره …تنسعد ولو قليلا قررت ان تاخذ من حبه وتعيش عليه سنينها القادمه …لم تعد تحلم الا ان تكون معه أن تسمع همساته ولمساته..سنين الوجع نهشت قلبها ارادت تنعم ببعض المشاعر.يكفيها ماعاشت من سواد يكفيها ستدخل الفرح الي قلبها عنوه كيف تترك وتتخلي عن ما بعثه لها رب العباد فهيا دائما حامده شاكره فبعث الله لها حلمها واقعا ولا اروع ..
ابتعد عنها اخيرا فاغمضت عيونها خجلا لا تعلم كيف ستواجهه وهيا تريده همس بالقرب من وجهها ….فتحيلي عيوني ايوه عيوني عيون الجبل جمر جلب الجبل والله جلبه …ماتجفليهمش واصل يا جلبي حاسس بغليان جواتي مش مصدج ان حبيبي حلم كل حاجه الجصر والفستان والشجره و بدبلتي حلمتي بيها هيا كمان صوح ..نظرت اليه وسالت دموعها فابتسم حلمتي صوح حلمتي بجبل ودبلته حلمتي بجصر جبل حلمتي بشجرتنا مع بعض اني مش مصدج ان ربنا عايشني عشان احججلك الحلم ده ..جمر رايدك ليا والله رايدك حسي بيا ماتبعديش . جمر اني هتجن عليكي يا جلبي ولا يوم عشت الا مابحلم بيكي اسف والله اسف عاللي عملته ماتبعديش هيجرالي حاجه .
تنهدت هيا وهمست بسعاده ،،،،..مش هبعد يا جبل اني مش هكدب خلاص اني رايداك برضك والله خلاص رايداك ولا هجدر ابعد دجيجه . ..
هنا احس بان قلبه سينفلق فشدها يعتصرها .،حاسس اني هيجرالي حاجه حبيبي رايدني حبيبي حلم بدبلتي كتير علي جلبي..حبيبي معايا وهيبقي بتاعي افرح وافرحه والله هفرحك فرح …،،ظل يداعبها فنظرت اليه لاول مره بعشق فهمست ..جبل .
شدها اليه …..بتبصيلي اكده اني اكده هنجن …عيونك دي هتخلعلي جلبي جولي .
همست ..ممكن طلب .
قال بهيام عاشق … ..دانت تامري وانا اجطع حالي .
ابتسمت وهمست ..ممكن تخلينا يعني يعني اكده لحد ما نيجي نسافر .
قطب جبينه ……تنهدت يعني ابقي مرتك يعني اخر السبوع .
ابتسم بحب وضمها ..اللي حبيبي يامر بيه اني هنفذه ولو مش عايزه خالص ماهنطجش والله .
تنهدت ونامت في احضانه احس انها تريد قربه ولاول مره تحاوطه بشده تمني لو يزول كل شيء ويبقيا هكذا ..همس حاسه بايه يا جلبي ،
تنهدت وقررت ان تخرج ما بداخلها قررت ان تسقيه من عشقها حتي لو سينتهي ذلك اخر الاسبوع ..همست .،اول مره افرح من سنين ،،اول مره ابص للدنيا من سنين… اول مره احب الدنيا من سنين .اول مره احس ان ليا جلب بيدج وعايش …اول مره احب اعيش عيشه العشاج واني اللي سليتها من سنين ….
من ساعه ماكت معاك عالجسر زي مايكون الفرح سابني رفعت عيونها اليه تتوسله .،بالله عليك سامحني يا جبل اني كت صغيره والله كت صغيره ..نامت في احضانه ..كت اشوف الدهبات واتمناها وارجع اجول .،لاه جبل هيجبلي…كت ابص للفساتين واجول لاه جبل هيجبلي.كان ابوي يجعد يجيب هدايا وفساتين وينحر فيا لدرجه جابلي شيك امتب فيه اللي رايداه …واني اجول لاه جبلي هيجبلي ..
لحد ما الدنيا انهالت عليا والطمع ملي عيني كلبشت فيه بوجع ساعتها سيبت روحي معاك اه والله عالجسر يا جبل انت انوجعت ومشيت اني مت ومامشيتش ..ماتت كل حاجه في عيوني ماتت الدنيا .روحت يوميها حاسه بنفسي متاخد جعدت سبوع زي المجنونه ماجابلش مخلوج لحد ماحسيت بنفسي بيروح ماتحملت .كان فيه وجع نهش جلبي خلا الدهب سلوك صدا والفلوس ورج شوم .
والله يا جبل يمين اتحاسب عليه ما حلمت يوم بدهب ولا بصيتله ولا جه في عيني .ربنا حط عليا بالكوم بس عارف اني راضيه وجولت ربنا عمل اكده عشان اشيل الدنيا من عنيا جايز لو كت اتجوزتك كت بقيت مره سو تتجبر عليك وتجولك هات وهات .كت غندوره عايزه دنيا وانت كت بتحبني هتلبي ليا طلباتي ..جايز كت تنجهر ما جصر اليد بيقتل الحب وجايز كت اجلبك حرامي و الا نصاب .،ربنا مابيعملش حاجه وحشه لحد .ده خير انت اهه كبرت وعليت واني ربنا رباني وموت لهفتي عالدنيا كت مغروره وبحب امشي شايفه حالي اتأنزح عالناس ..وسبحان الله كل ده راح بس راح بغرزه ووجع .
عارف يا جبل لاول مره هجولك اني صليت عشان اشوف الخير اه والله ….لجيتني بسيبك ولجيتك في حلمي بتنسعد واني بنسعد برضك مافهمتش ماكتش شايفاك غير انك لابس وواجف مبسوط بعيد ..حلمت بالجصر ايوه والممر والفرح والصوره ايوه حلمت بصورتي كت بموت لما جولتلي هحط لحبيبتي صوره اهنه لما شفتوالجصر كت مدبوحه انه مش ليا ..حلمت سنين بكل ده واني جواه والصوت بيجول هتنسعدي يا حلبي ..كان صوتك ودبلتك بس مافهمتش والله مافهمت حاجه ..جولت اهه هينسعد ربنا باعتلي اشاره .
سالت دموعها ومسكت يده …اني حلمت بكل ده يا جبل اني انسعد شويه عايزه انسعد حتي لو مش هنكمل واني عارفه اننا مش هنكمل ما زعلاناش .اني انسعدت معاك للحظه عيشتني حلمي ليله تاخد العجل … نفسي في السبوع ده اسعدك واكفر عن ذنبي يا جبل نفسي لما ترجع يكون جبل انسعد وجمر كمان حست ان ذنبها راح ..كانت دموعها تسيل فهمست ..العشج اللي كان بينا انساب عالجسر وجه مكانه عندك حاجه توجعك وتوجعني .اني بقه عشجي راح وجه مكانه زهد في الدنيا بس دلوك رايده السبوع ده اديك جمر تفرح بيها واني راضيه والله راضيه يا جبل..عايزه اخد فرح الدنيا واحطه في جلبك واشوف لمعه عيونك ده اللي هيبرد جلبي ويريحني نفسي اسعدك جوي السبوع ده .
.
شدها اليه وهمس ..واني ماعايزش حاجه من دنيتي غير اني انسعد معاكي واسعدك يا جلب جبل .سبوع ايه بس …عارف انك مخبيه حاجه بتوجعك وبتبعدك بس اهوه هصبر لحد ماجلبي يحس بيا .
تنهدت ،،جبل تعالي ننسي السبوع ده اي حاجه ننسي اللي فات ننسي جمر ووجعها وننسي جبل واللي عايزه بس ترجع مره لزمان نفسي ارجع عالجسر يا جبل فاكر ،،نفسي ارجع البت الصغيره اللي نفسها تعيش نفسي انسي انا ايه وبيا ايه نفسي نرجع ليله ماكت جايبلي الفستان فاكر كنا بنخطط لايه ونتكلم كيف فاكر جولتلي ايه ووعدتني بايه لما ابقي حلالك وطلبت ايه كل طلباتك هنولهالك واني مبسوطه وفرحانه انك خدت اخيرا وانسعدت …
عشت يامه بفكر حالك كميفه واجعد اتحسر واعض علي يدي جهر وحزن .. ..اخذت يده علي قلبها .،نفسي ده يهدي ويبرد ويحس .،حسسني بيك يا جبل واني هصب عليك سعاده هغرجك بس سبوع في الجنه سبوع دهب في دهب .،سبوع الجمر للجبل ..كان ينظر اليها ويقبل يدها وهيا تنطلق في الكلام ..نفسي بجد اعيش حلمي حتي لو مش هكمل فيه ..
همس بعشق…. ليه يا جلبي مش هنكمل .
تنهدت .،جولتلك ماتسالش وماتفكرش خليني انسي يا جبل همي ووجعي والله لو اجدر ارجع الزمن كنت رجعت ..
همس بعشق ،،هنرجعه والله هنرجعه ..جمر انت رجعتي ليا زمان البيت تدوري عليا بالله عليكي جولي ريحي جلبي .
نظرت اليه بعشق .،ايوه يا جبل رجعت رجعت بعد ماشفتك وبعد مادعيت عليا رجعت لاني ماعرفتش اتنفس من غيرك رجعت وانا كلي شوج ليك كان نفسي تبقي موجود اشيل وجعك واستسمحك واطيب جلبك.كان نفسي اخدك في حضني وابوس راسك واجولك حجك عليا يا واخد جلبي كان نفسي .. بس ربنا ما اردش …انت دعيت بحرجه وربنا استجاب جوي عشان انت اتوجعت جوي واني اتغيرت وربنا ابتلاتي وصبرت ..بس اني مش زعلانه انك دعيت عليا بس مش عارفه كت استحج العذاب ده كله ..كت صغيره والله … بس اللي اني عايزاه دلوك انسي العذاب ولو شويه .. نفسي اسعدك السبوع ده واتسعد معاك رجع جمر وجبل للدنيا كانت دموعها تنهال .،اقتربت منه وهمست …جبل .
كان دامعا ..مسكت يده … سامحني والله كت صغيره ..
هنا شدها اليه واعتصرها بين يديه ..بطلي اسامح ايه بطلي اني حاسس اني مسكت السما بيدي اسامح انت بتجوليلي اسامح واني اللي عذبتك وجهرتك وانت رجعتيلي زمان واني راجع مغلول .طب ليه ماجولتيش كت اتلميت …جمر اني .،
وضعت يدها علي شفتيه …..خلاص ماتجولش حاجه ارجوك ممكن بقه نقضي السبوع ده مع بعض عايزه افضل فاكراه عمري كله وهعيش عليه .
تنهد بغلب ،،،ماتجهرنيش بكلامك ده ابوس يدك اني حاسس ان جلبي هيجف .
ابتسمت بحب …..عارف يا جبل من يوم مامشيت واني نسيت يعني ايه فرح نسيت يعني ايه مره وست … لما مشيت حرجت كل فساتيني كان بينهم الفستان الاحمر ماجدرتش سيبته عشان اعاقب نفسي عشان اتخيل كنت هنسعد ورفست النعمه ..ماشفتش راجل في حياتي من بعدك يا جبل .جمر عاشت من بعدك مات في عنيها كل الرجاله ..لو تعرف اد ايه اتعذبت هتعرف ان ربنا جابلك حجك
قال بقهر ووجع ..بطلي كفايه حج ايه اني مش عايز حاجه .
الا انها هتفت ..سيبني يا جبل سيبني انا ساكته ليا سنين او بالاصح ميته .،القطمه الحجيجه يوم ما اخويا مات يا جبل …فاكر لما جولتلي ربنا يحرج جلبك علي اعز حبيب ..كنت زي المجنونه ساعتها اه والله بقيت اصرخ باسمك واجول جالك حجك يابن العزايزه ..نتشت جلبي اهه .جلبي اتحرج سندي راح بقيت لوحدي كت مرعوبه بس عرفت ان ده كله ابتلاء واني عمري ماهشيلك ذنب اي حاجه حصلتلي سنين وانا بدعيلك وعارفه انك بتكرهني وتدعي عليا بس ولا يوم الا اما نمت ادعيلك .اجعد في لياليا السوده عتمه والله عتمه اجول يا تري انسعد يا تري جلبه ارتاح ،،
قبل يديها وقال…اني اسف كت محروج والله ..انت عندي بالدنيا يا جمر وانا نفسي اسعدك .
ابتسمت بسعاده … ..عندك سبوع يا جبل رجعنا لبعض في الاسبوع ده واخر الاسبوع هبقي ليك بنفس راضيه هبقي مرت جبل العزايزي وهعيش عمري لحد ما اموت مراتك فاكره السبوع ده ..سبوع في الجنه جنه جبل وجمر .
ظل ينظر اليها يشعر برهبه فهيا تطلب وتتكلم عن اسبوع فقط لم يجروء ان يذكر ما بعد ذلك الاسبوع حتي لا تنكمش علي روحها ..ماذا تخفيه من يعشقها قلبه ماذا سيحدث اذا اخذها ..لا يتخيل مصابها ولكن بها امر موجع سينتش قلبه خاف ان ياخذها ايتركها ولا يقربها ويعيشا في سعاده لماذا تفعل ذلك كان علي شفا هاويه من الجنون من التفكير ورعب يجتاحه …قرر ان يسقيها من عشقه قرر ان يعود بها علي الجسر قمر ذو السادسه عشر قمر النجع التي تمشي يتلفت لها الكل ..
قال بحب ..عهد عليا لاسجيكي سبوع من العشج هنعيش عليه عمرنا كله احتضنها بقهر وهيا كلبشت فيه تريد ان ترتوي من قربه .
ظلا هكذا قبل يديها ثم .. قام ..اني جعت كلامك خلاني نفسي اتفتحت ..مش هناكل والا هنجعد نتحدت اكده ودموعك الغاليه دي هرت جلبي .
نظرت اليه بسعاده ..طب بص بقه مش انت جوزي .
ابتسم واقترب وشدها … .يا جلبه علي دي كلمه جوزي جلبي بيهفه …جوليها تاني اكده .
نظرت اليه بدلع وحاوطته بيديها …مش انت جوزي يا جبلي .
همس بعشق ..هنهبل يا بت الايه …جوزك ..جلب جوزك من جوا ..
خبطته وابتعدت ووضعت يدها في وسطها …،،شخلل جيبك بقه يا استاذ عايزه حاجات كتييير جوي .
خفق قلبه …ابتسم بعشق فهيا اول مره تطلب لنفسها شيء .
قال … عيوني داني اجبلك الحلو كله .
قالت ..هتجبلي فساتين ماشي كتير البس كل يوم فستان وعايزه نروح نجيب حاجات بنات اكده دلع ..تدلعني بجولك اهه .
شدها اليه ..ادلعك يا بت هموت .،ماهتحملش اكده واصل ..
همست ..جبلي مش عايز تدلعني داني ناويه ادلعك دلع ..
اقترب مندفعا شدها وهام بها وهيا تستجيب له بعشق ترويه وتشبعه منها …فهمس اخيرا وقلبه يصرخ من سعادته ..هو الفرح ده ليا اني .
لمست خده بحنان ..الفرح لعيونك الحلوه ولجلبك الطيب الفرح يا رب يدخل عليك مايخرج منه واصل واقتربت وقبلت خده ..واستدارت تصعد تلبس ملابسها .
وقف ساهما ينظر في اثرها ..جمر حبيبي الجمر بيشع نور جلبه جمر وهو جمر ..بيكي ايه بس وسبوع اني خايف يا رب ماتوجعني فيها …..
صعدت هيا ..فتحت الشنطه لتشهق فهو من اعد الشنطه ليفاجأها فكلها قمصان نوم شهقت وقفلت الشنطه ،،جليل الحيا جوي اعمل ايه بس فيه ايه اللي حاطه ده ..تسلل الحزن اليها فنهرت نفسها .بطلي بطلي اياك… انسعدي وبس دلعيه وبس ..مسكت احد القمصان ابتسمت اهه طويل وحلو هبقي فيه جمر ..ظلت تتلمسه بحنان ..بحبه جوي لله الامر ..
دخل عليها فشهقت واخفت مافي يدها ابتسم واقترب ..مالبستيش يا جلبي .
همست ..هاه اه هلبس اهه انت روح البس .
اقترب وشدها ..
حبيبي محمر نار شطه ليه اكده مكسوف يا مز انت .
همست ..مكسوفه من ايه بس .
مسك يديها من خلفها ..من الحرير اللي هيبقي جشطه عالجشطه .
شهقت وابتعدت ،،بطل جله حيا واندفعت للحمام بخجل ..
همس ….ابطل جله حيا ..دا جله الحيا هتخش بالكوم شكاير هعبيها واحدفها عليك يا واكل جلبي ..داني هجل ادبي من هنا لسنين جدام ال سبوع ال هبله اياك .
خرجت واخذها وبدا يذهبا للمولات دخلت هيا كانت تقيس الفساتين وتخرج وعيونها تشع سعاده ..كانت تتهادي امامه لتسعده وهيا اصبحت انثي عن حق تزينت وصدح نورها ..قمر وهيا كالقمر يتلألأ منيرا من السعاده .
عادت اليها الحياه تريد ان تري لمعه الاعجاب في عينه عادت الانثي تتهادي بسحر تختال امام من عشقها قلبه .حب الانثي في عين حبيبها ان يراها جميله جميلته وفقط .. وهو يشعر بسعاده هلكت قلبه فحبيبته عادت مشعه تبرق من جمالها ..اكملا اليوم في الشراء واشتري لنفسه بعض الاشياء من اختيارها كانت تبتاع له وهو يمتثل كانها زوجه عاشقه مراعيه لينتهي اليوم ويعودا الفندق .،دخلت هيا وقالت ..أني هلكت ..
شدها اليه وهتف .،مبسوطه يا جلبي ..
احتضنته بقوه .،مبسوطه جوي جوي .اني اشتريت حاجات كتير جوي ..
قبل يدها ..اجبلك الدنيا تحت رجلك بس تؤمري
رفع وجهها …طب ايه ماهتشكرينيش داني لفلفت كتير لما انهريت .
نظرت اليه بخجل واقتربت وقبلت خده ..تسلملي يا جبلي .
استدارت فشدها ….لاه لاه مش اكده وشدها اليه وتاه معها وهيا تستسلم له وتاخذ منه مايجود به.. كانت كالفراشه التي خرجت من شرنقتها وترفرف بسعاده ما هذا الجمال حلم جميل لا تريد ان تخرج منه ..
ابتعد وقال… .،جلبي دوختيه يا بت الناس .
ضحكت ..يعني مبسوط بيا يا جبلي .
قال بعشق ..مبسوط بس داني جلبي هينخلع وهموت عليك دلوك .
تنهدت واحنت راسها وهمست بحزن .،اخر السبوع يا جبل واستدارت وتركته يقف يشعر بالحزن لا يعلم لماذا لا يريد لاخر الاسبوع ان ياتي كان يشعر بالرهبه والخوف احس انه بدل ان يتم زواجه سيتم علي رأسه مصيبه سوداء تعيدها لما كانت عليه .
خرجت خجوله …جميله واقتربت منه خذها في احضانه ..تعالي نسهر في الفراندا ..
ذهبا وناما علي احد الكراسي الممدده وركن ونظرا للسماء سكون جميل سكون العشق ودقاته كان يحاوطها ويداعب ذراعها وهيا تتنهد وتمسك يده الاخري بين يديها …كانت النجوم تلمع …فجاه عدي نجم خاطف فصرخت ..اتمني بسرعه ….انتفضت واغمضت ومسكت يده بيدها وظلت لفتره مغمضه كانت تدعي له ان ينسعد بها وينهي وجعه كانت تدعي له وفقط نست نفسها ونست وجعها وان ذلك اخر اسبوع لها معه كل ما تفكر به هو وفقط سعادته وفقط فالعاشق لا يفكر الا بحبيبه وفقط ..
ابتسم وظل يتاملها وقلبه يرجف ويسمعها تدعو له وفقط ..استدارت ونظرت اليه بسعاده ..دعيت ..ابتسم وهز راسه فخبطته ..اخص عليك ادعي يلا ..تنهد واغمض عيونه وظل صامتا نظرت اليه وهامت به وهو مغمض عيونه ظل هكذا لفتره وفجاه شدها بقوه لاحضانه رجف قلبها تنهد وفتح عيونه ..
ابتسم ونظر اليها بهيام …قالت مندفعه ..اني دعيت ليك سمعتني انك تنسعد وتفرح وتعيش الحلو كله ..انت بقه دعيت ايه جولي .
رفع حاجبيه ..لاه ماهجولش عشان دعوتي تتحجج .
قطبت ..جبلي جولي اخص عليك اني جولتلك .
ضحك ..طب انت هبله اني بقه دعوتي لرب السما بيني وبينه .
تنهدت واندست في احضانه ..اكيد حاحه حلوه زيك اكده .
رفع وجهها ..حلوه بس دا تاخد العجل ..
ابتسمت له ..يا رب حججهالك يا جبلي .
تنهد ..يا رب يا جلب جبلك .
تنهدت …نظرت الي النجوم ..عارف يا جبلي …كنت اجعد ابص للنجوم وافكر فيك انام جنب الشباك وابص واجول جاعد يعمل ايه دلوك ..وافكر لو ماكتش بعدتك كنتي هبقي معاك وبنعمل ايه ..كنت اجعد اعمل جصص في خيالي واكلمك واضحك ..مره وانت داخل عليا شايل واني بجري عليك اشيل منك ومره وانت بتكلمني في التلفون وتجول حجات حلوه تفرحني ..ومره وانت واخدني في حضنك واني عيانه مابتهملنيش واجعد ادلع عليك ..ضحكت ..ساعات كت بحس اني مخبوله ابوي يخش يلاجيني بكلم نفسي في سري واضحك ..نظرت اليه دامعه ..كت ببقي معاك في حكاياتي عمر ماتخيلت حد تاني معايا ..جبل وبس واهه كل اللي عملته جدامي نفسي اشبع منك السبوع ده .
احس ان هذا كثير عليه ..جمر اني اني خايف بيكي ايه .
هبت وخبطته ..اني نكدت عليك صوح وهتجعد بقه تنح وتجول بيكي ايه يلا هننزل .
انصعك ..ننزل مش كتي تعبانه وهلكانه ..
ضحكت ..ايوه اني صوح هلكانه بس مش عايزه اليوم يخلص ..عايز تاكل عليا السبوع اياك ويخلص بسرعه وانحصر ..لاه يا اخويا يلا .
وشدته ونزلا وظلا يتمشياااان معا يثرثران وهو يتكلم عن حياته وما فعله وهيا سعيده وفخوره به ..لتستدير وتمشي بضهرها امامه وترفع يدها وتصرخ …جبلي يا نااااس مافيش زيه ..ضحك عليها ..البت انخبلت .
نظرت اليه كنه اكده استدارت تصرخ …يا عااالم .الواد ده جوزي ومفرحني جوي …يا عالم الواد ده بقي راجلي واني مرته .
اندفع وحملها يدور بها وهيا تضحك ..وتعبث في شعره انزلها بهدوء ..ونظر اليها نظرات عاشق ..ماعارفش انطج ولا اجول جواتي ايه جواتي فرح مالوش وصف . وجدا عرسا يقام ..شدته نسرعه ..تعالي بسرعه ودخلا وظلا يرقصان مع العرسان بفرح وهيا لا تكف عن الضحك والكلان كان سكوتها سنينا جعلها تخرج ما في قلبها مره واحده ..ظلا يرقصان وهيا تقفز حوله كالفراشه لا تري الا هو كانه عرسهما ..ظلا هكذا والليل اوشك ان ينتهي شبك بيدها وعادا بسعاده محتضنها في الطريق . .
مرت بجواره فتاه اجنبيه تنظر اليه باعجاب فجبل ذو طله تخطف الابصار ..نظرت اليها قمر واخرجت لسانها ..بتبصي علي ايه يا سحليه انت ده بتاعي كله وكلبشت فيه اوديك فين يا واد اخبيك فين وانت جمر اكده …واخرجت لسانها مره اخري
انفجر ضاحكا..همس بجوار اذنها ..هتوديني فين اكتر من اكده ..ماعتش احلي من اكده ..
ابتعدت ونظرت اليه ..طب يلا هنطلع عشان هيبصولي في حاجتي اجوم ناطه عليهم مخلصه عليهم …ليضحك عن اخره ..
اقترب وقال ..يعني اني حاجتك يا جلبي .
ابتسمت ولعبت في قميصه ..همست ،،ايوه انت فاكر ايه .
شدها اكثر ..وماهتسيبنيش اتاخد منك .
قالت مندفعه ..دانا اموتهم والله .
همس بعشق ..عشان جبل بتاعك صوح حبيبك .ابتسمت له بعشق .
همس بهيام ..حبيبك العمر كله صوح يا جلبي .
همست بعشق …من يوم ما شفتك وماشفت غيرك .
همس وحاوطها ..واني لحد ماموت هتفضلي في عيني هتكوني ليا عمري كله احبك واعشجك واجيب عيالي منك . هنكمل عمرنا في سعاده اني عارف .
احست بنغزه في قلبها ..احنت راسها ودمعت عيونها تملصت منه لبرهه وحاولت ان تستعيد مرحها ولكن جملته شقت قلبها فهمست بوجع .،ممكن نعاود تعبانه ممكن .
تنهد بغلب ..طب اعمل ايه يا رب تعبت ..اقترب وشدها وعادا دخلت علي الفور الحمام تختلي بنفسها وتركها هو لن يضغط عليا …خلاص ماعتش هجيب سيره عمر وزفت هيا بيها نصيبه هتحدفهالك اخر السبوع اتنيل خد منها وافرح وفرحها لحد ماتعرف فيه ايه وبعدين فطسها حب .،والله لو بيكي ايه ما هتروحيش من حضني دجيجه.
خرجت هيا يبدو عليها البكاء.
اندفع وقال بمرح ..يلا ننام عشان بكره عاملك رحله ايه ناار .واندفع يحكي ليها واخذها في احضانه ونام بها وظل يثرثر الي ان نامت سعيده في احضانه .،تنهد ومسد عليها ..اوعدك اني ماهخليش الحزن يخش جلبك تاني .وقبل راسها ونام يدعو ربه ان يمر الاسبوع بسلام .
ظلا هكذا طوال الاسبوع يخرجان والعشق يصدح حولهما كان مراعيا حنونا وهيا تعطي وتعطي اصبحت مرحه بزياده وهو احس انه عاد صغيرا وعادت اليه حبيبته. كانت نوبات حزنها تقل تدريجيا الي ان تلاشت وشعت سعاده لا توصف وكل همها اسعاده وفقط .
مر الاسبوع كحلم جميل لياتي اخر يوم كان يشعر برهبه هنا قامت ولبست له الفستان الاحمر ووتركت شعرها كان ينظر اليها بعشق .،همست ،،فاكر كت جايبه ليه يا جبل .
احس بقلبه ينبض لتقوم هيا وتشغل الموسيقي وتبدا في التمايل امامه كانت تدور وتدور وتتلمسه بعشق وهو سارحا في ملكوت احس ان الارض والسماء تلاشت احس انه نال جنته كانت تتهادي امامه وهو قام واحتضنها وتمايل معها تنظر لعيونه وفقط وترسل اشارات العشق لينبض قلبه مره واحده ظلا هكذا الي ان انتهت الموسيقي
اندفع يحملها ويدور بها ويصرخ ……،جلبي والله جلبي ودنيتي .انزلها بهدوء .
فهمست….راضي عني يا جبل انسعدت يا جلب جمر .
قال بعشق .،انسعدت بس ماكتش متخيل اني هنسعد اكده ماكتش متخيل ان ايامي معاكي هتبقي بالجمال ده…جبل نال اخيرا اللي حلم بيه وعايزه ..جمري بين يدي بتبصلي وعيونها بتلمع .
ابتسمت هيا وهمست .،اني بقه بجولك علي اد ماسعدتني بتمنالك تنسعد يا جبل ولا تشوف يوم حزن .،علي اد رجفه جلبي بتمني جلبك يدج ولا يخشه الا كل الفرح ..سعدتني يا جبل وعيشتني سبوع في الجنه..سبوع ماكتش احلم بيه سبوع ماكتش اعرف اساسا ان جمر عايشه وليها جلب .،مسكت يده .،شوف .،اهه عايش لسه وفرحان فرحان بيك وبقربك يا جبل .،فاكر لما جولتلك اليد دي يد جدع بس ماهتفرحنيش لاه …اليد دي يد بتمناها ونفسي انت دلوك في عيني دنيا انت الدنيا يا جبل ..عايزه تخرج من السبوع ده وانت راضي وشبعان ويكون خدت اللي حلمت بيه واكتر ..قبلت يده فدمعت عيونه شعر بالخوف فقالت ..يا رب بحق الوجع اللي اتوجعته تنسعد بحق كل حرجه جلب تنسعد بحق كل ليله عشتها مجهور تنسعد .يا رب دعوتك تروح من عرش ربنا وينحط مكانها دعوه لجبل وفرحه وسنين ايامه …كل اللي رايداه دلوك انك تنسعد وبس هعيش عمري فكرالك السبوع ده هعيش عمري بحلم وهجفل عليه واكمل دنيتي راضيه والله راضيه ..بس انت تنسعد ..قامت وقبلت عيونه بجولهالك تاني سامحني يا نن عين جمر من جوا سامحني اني وجعتك سامحني وافرح ..لتغمض عيونها وتسيل دموعها وتهمس يا رب خد فرح الدنيا وحط عليه …..اقتربت وقبلت خده واستدارت مسرعه الي الحمام.
وقف هو يبتلع ريقه بصعوبه احس بكلبشه في صدره لم يعلم لماذا احس بكم ذلك الوجع عندما قالت تلك الكلمات احس ان مصابها جلل وان بها شيء خطير سيبعدها عنه نزلت دمعه من عينه خوفا وهلعا فهمس ….يا رب احفظهالي يا رب ماتبعدها عني .
دخلت هيا الحمام ونزلت دموعها ..خلاص يا جمر انت انسعدتي هتنهبي خلاص وسعدتيه ربنا يفرحه اداكي كتير هتعيشي تفتكري ده العمر كله اديله بقه وشبعيه اديله وفرحيه عشان لما يمشي مايكونش في نفسه حاجه ..مسحت دموعها ولبست قميص نوم طويل وعليه روب وقفت تنظر لنفسها …اتشجعي هو اصلا مش هيحس ولا ياخد باله انت اديله حالك يفرح ويتوه فيكي ولما يجوم تبقي خلصت بس المهم ياخد ويفرح ..مسكت قلبها والوجع يشق صدرها ..يا رب خف وجعي بعد مايعرف يا رب صعبه عليا بس اني راضيه اهه راضيه يا رب ..يا رب بحج لا اله الا الله خف الجضا وخليني اتحمل بعده عني …..تنهدت وابتسمت وفردت شعرها ..ايوه شكلك حلو اهه يلا بقه فرحي الواد ..دا جلبي عاشجاه لما حاسه اني هموت من العشج ده …
خرجت تفرك في يدها وهو يقف قلبه سينخلع اقترب منها وهمس…. جمر اني .
وضعت يدها علي شفتيه وهمست ماعايزاش اسمع ايوتها حاجه خالص بس اكون ليك .
كان لا يريد ان يقربها كان خائفا …جمر ..اني اني همد كمان سبوع ..هاه ونجعد شويه انت كتي فرحانه وكمان ممكن نروح..
وضعت يدها علي شفتيه …جبلي اني لو جعدت عمري كله مش هشبع من سعادتك مسكت يديه …جه وجت حلمنا احنا وبس … اتجهت الي النور وقفلته كان هناك بصيص نور ياتي من الخارج تلاقت عيونهم فوجد لمعه عيونها فرجف قلبه اقتربت وحاوطته وهمست …..،اني كلي ليك يا جبل… جمر مرت جبل العزايزي اني دلوك رايداك راجلي زي مانت رايدني. رايده ليلتي معاك تكون ليا واني ليك وعهد عليا ماهكون لغيرك واصل ..هموت واني مرتك هموت واني فاكره الليله دي ،،ليله جبل وفرح جبل ،،ليله جصه وجع انتهت بفرح .خد وافرح وفرحني ..رايداك دلوك وبس خد وافرح يا جلبي والله جلبي من جوا .
لم يعد يحتمل فحملها واتجه بها الي الفراش ووضعها برويه وركن بجوارها كان ينظر لعيونها وفقط اندفع يهيم بها بقوه وهيا مستسلمه له وبدا يزيح ملابسها ويتلمسها وهيا تشعر انها النهايه كان هو في دنياه ليتجمد فجاه عندما احس ب…….
ان ان ااان …وهووووب غطس من علي ابوه …انا مش عارفه احنا نطينا في الطين كام مره …😁😁😁😁😁ولفي بينا يا دنيا