رواية آصرة العزايزة الفصل الثالث عشر 13 بقلم نهال مصطفى

رواية آصرة العزايزة الفصل الثالث عشر 13 بقلم نهال مصطفى

رواية آصرة العزايزة الجزء الثالث عشر

رواية آصرة العزايزة البارت الثالث عشر

رواية آصرة العزايزة الحلقة الثالثة عشر

🌼 الآصرة الثالثـة عشـر 🌼
‏عندما ألتقي بشخص قال لي يومًا كلامًا جارحًا، أحس أن هذا الكلام يقف بيني وبينه، وأني فعلاً لا أراه، ولا أسمعه…
الكلمات الجارحة تتحول إلى جدران عازلة، وليس بإمكان أي شيء أن يحطم هذه الجدران، أو يهدمها، لا اعتذار، ولا ابتسامات، ولا كلام طيب..
كذب من قال بأن الأيام ستُنسيك ؛ كلا الزمان خير شاهد على كُل ما مررنا بهِ .. الزمان يأتي ليؤكد أن كُل القرارات القاسية التي اتخذتها بالماضي فهي صائبة لدرجة كبيرة ..
“الزمان لا ينسيك حبيبًا ولا عدوًا ”
•••••••••••
قيــل :
أن ‏الحياة ستحطِّمك عدة مرات وقد لا تُنصفك أبدًا .. سترى أمورًا لا تريد رؤيتها، وقد تحزن وتفشل وتُخذل من أقرب الناس لك، ولكن انهض ولا تفقد الأمل أبدًا فيجب أن تتجاوز خوفك، وندمك، وهزيمتك، فإنَّ الحياة لن تقف لتُراعي حزنك، إمَّا أن تقف أنت وتكملها رغم انكسارك أو أنَّك ستبقى طريحًا للأبد.
لبت “ليـلة” طلب شريف الذي جاء عكس طبيعته القاسية معها بعد ما أخذت الأذن من هارون بالنظرات المتبادلة وكأنه اصبح وليـًا لأمرها .. قفلت باب السيارة خلفها وفي نفس اللحظة هبط هارون من سيارته وهو يشعل سيجارة ويسدد تلك النظرات الحارة لشريف الذي يتهامس مع تلك الفتاة وربما يحاول أن يقوم بعمل غسيـل مخ لها .. تفوهت ليلة بنفاذ صبر:
-أفندم !! عايز مني أيـه ياشريف ..
شرع في تنفيذ الخطة التي رسمها مع أمها وهو يحاورها بكلماته الجميلة التي تدس السُم بالعسل :
-وحشتيني !!
-لا والله !! شريف أنتَ بتضحك على نفسـك ولا عليـا !!
اتكئ هارون على مقدمة سيارته وآذنيـه الحارس لها من مكر شريف تتبعهم ، حاول شريف الإمساك بذراعيها اللاتي عارضن ذلك حيث قال متفهمًا :
-ماشي يا ستي أنا غلطان .. وجاي أصلح غلطي أهو ، أحنا كل مرة بنتخانق ونرجع ، أيه حصل المرة دي !!
كانت جملته الأخيرة بمثابة عود من الكبريت ألقاه في حقـل غضبها منه ، خرجت عن هدوءها معاتبة :
-وكمان مش عارف أيه اللي حصل !! أنا هقول لك اللي حصل يا حضرة الظابط، أنت شكيت فيا ، وصدقت الكلام اللي اتقال عليا من واحد أنت متعرفهوش ، وكمان قعلت دبلتي وأنا في بلد غريبة معرفش فيها حد ، وآخر تقليلك مني وأنك دايمًا شايفني فاشلة .. ده الغير المعاملة اللي زي الزفت وأنا بقول يابنت عدي لكن أنتَ عمرك ما عديت حاجة .. وكل الفترة اللي كنا فيها مع بعض أنت فشلت تخليني مطمنة ..
ثم رفعت رأسها بتحـدٍ :
-شريف أفهم بقا ؛ أحنا مش هينفع نكون مع بعض لأن ببساطة أنا مابقتش عايزة خلاص حتى ولو أنت عايزنا نكمل ..
أحس شريف بتذبذب رجولتـه وتجرعه لمذاق الرفض أمام المدعي بهارون ، كاد أن يضرب كلامها في عرض الحيط ويتركها ويغادر ولكنه تذكر المخطط الذي رسمته نادية ، تذكر أن المتبقي فقط ستة أشهر ليعيش في نعيم أملاكها.. انخفضت نبرة صوته التي كانت تحمل سُم نواياه وقال :
-ليـلة .. أنا مش هعرف أحب واحدة زي ما حبيتك ، أنتِ صح وكل كلامك صح وأنا بسبب ضغط شغلي بتصرف تصرفات غريبة، بس ده مش مبرر نسيب بعض بعد ده كله ..
ثم تطاولت يـداه لأول مرة لتُلامس خصلة من شعرها مواصلًا حياكة مكره :
-فرصة تانية وأنا أوعدك هتغيـر هتشوفي شريف واحد تاني .. حبيبتي أنا بعتذر لك ووعد مني مش هيتكرر .. ممكن تقلبي اعتذاري.. لي لي أنا بحبك .
ثم أخرج خاتم خطبة من جديد وقدمه لهـا وقال متأملًا وهو يواصل سحره بالأعين المخادعة :
-وده بدل اللي ضاع منك .. ها قـولتِ أيه ؟! موافقة ؟!
تسرب لهارون شعورًا بالسخط إثر عبثه بعقل تلك المسكينة ولكن ما باليد حيلة ، فهو لا يصح له أن يتدخل بأمر لم تقصده فيـه .. لم تنكـر “ليلة” أن طريقته الحنونة بالحديث أصابت مدخل الرِق بقلبها ، تخدر الغضب منه للحظة ، ابتلعت جمر كلماتها المعارضة ولكن قلبها ما زال عاصيًا على الترويض ، لم يقتنع بتلك السخافـة رغم ميول عقلها ورضوخه ولكن للقلب أحكامه الخاصة ، ارتعشت شفتيها لا تعلم كيف ستتصرف وفي هذه الورطة استنجدت بذلك المجهول الذي ينقذها دومًا كمان انقذها من ظُلمة الطريق من قبل .. عجزت عن أخذ القرار المناسب فتمتمت بتحيـر :
-أنا هاخد الأول رأي حضرة العُمدة !!
تورد الغضب بملامح وجهه مندهشًا غير مصدقًا ما سمعـه :
-و ده أيـه علاقتـه بينا من أصلو !!
هربت من حصار عينيه التي تُمطـر شواظٍ من نار ووقفت أمام هارون وهي تسأله مستنبعة قلب الطفلة التي تملأها برفقته :
-بما أنكم رجالة زي بعض وآكيد فاهمين بعض .. سؤالي هنا ؛ هل في راجل بيتغير يا هارون بيه ، يعني ينفع شخص كان شرير يبقى طيب !!
وقف شريف خلفها وبقيت هي تلك اللقمة الواقفة بين فكي الأسـد ، كل منهمـا يناظر الأخر بنظرات حادة تحمل لهب من الانتقام والتوعد ، عارض شريف ذلك العبث قائلًا :
-ليلة بطلي جنان مين دا عشان يحكم عليـا !!
تجاهلت ثرثرة شريف وسددت النظر لهارون الواقف كالجبل الذي لا يحركه ريح وقالت مترجية :
-ممكن تجاوب .. !! الراجل فعلًا بيتغيـر ؟!
رمق شريف بأسهم الخسـة وعلى ضفة دهاءه ابتسامة طفيفة مستمتعًا بالحرب الدائرة بينهما :
-والله اللي أعرفه أن ديـل الكلب عمره ما هيتعدل ؛ والكلب ده لامؤاخذة دكر يعني راجل .. يعني الاتنين مفيش منهم رجا أنهم يتعدلوا ..
كتمت ضحكتها إثر تلك الطريقة التي يتحدث بها وثقتها القوية بنفسه وقالت بتوجس :
-يعني أنا صح !! مرجعش لانه عمره ما هيتغير ..
قبض شريف على رسغها بعد ما فاض غضبه ليديرها عنوة :
-أنتِ اتجننتي !! أيه الهبل ده .. دا أنتِ شكل الأدوية اللي بتاخديها طيرت آخر ذرة عقل في دماغك .. أنتِ نسيتي نفسك !!
لم تكد تتأوه من قبضته وصوته العالي الذي استرده مع أول تصرف منها من تصرفاتها التي يبغضهـا ؛ سحبها هارون بلطف من يده ليكون هو السد المنيع لها من أي عواصف وقال مهددًا :
-أنا من ساعة ما شوفتك وأنا حايش نفسي عنك علشان ماليش حق ادخل ، لكن دلوق أظن حقي ..شكل قعدتك معانا معلمتكش حاچة ، بس عندينا اللي يده تتمد على حرمة يبقى راچل لامؤاخذه ..
هنا ظهرت رأسها من وراء هارون والتي تتحامى في ظل جسده وأكملت منتصرة :
-على فكرة اللي حصل ده كان اختبار ليك يا شريف بيه ، وأهو اللي خايفة منه حصل ، مع أول موقف مديت اديك وعايرتني بمرض مليش ذنب فيـه ، شوفت بقا أنك عمرك ما هتتغير .. امشي يا شريف وانساني ..
تراجع شريف خطوة للخلف وهو يشير بسبابته بعدما سقط في بئر خدعتها الذي يليق بجُب نواياه وقالت بحنق :
-أنتِ فاكرة هينفعك !! عموما يا ليلة لينا بيت وأهل كلامهم يمشي علينا .. مش واحد زي ده !! خليكي فاكرة إني جيت لك وأنت اللي بعتي واشتريتي واحد منعرفش أصله من فصله ..
يبدو أن قلة الثقة تتناسب طرديًا مع صفة التقليل من الغير .. فـ الشخص المهزوز داخليًا يـود أن يكون الجميع بنفس مكانته ، ثار هارون بوجهه :
-اللي قُدامك ديه لو مشتراش أصله وفصـله اللي يشرف أي حد عن رُتبـة وكام دبورة بيدوها للي زيك عشان يبلطجوا على الناس كان زمانك واقف قصادي تترعش .. اللي قدامك لولا انه بيفهم في الأوصول كان دفنك مطرحك ..
ثم قطع خطوة لعنده وأكمل بنفس النبرة الثابتة القوية التي يرتد صداها بخلاء الجبل حولهم :
-الأصل والفصل بتاعي واللي أنتَ متعرفهوش بيجبرني ما امدش يدي على واحدة ست ولا أقلل منها .. لكن الخسيس اللي زيك أبو أصل ، وفصل متعلمش فيه غير الجعجعة ومد اليد مايشرفناش انه يتحسب راچل علينـا ….
وقف شريف عاجزًا أمامه لا يستطيع النطق ببنت شفة خاصه أنه غريبًا بمكان ومسقط رأس العزايزة .. ربط العجز لسانه وهو يتحاشى النظر لليلة ويقول لاهثًا قبل أن ينصرف من أمامهما
-خليه ينفعك ياليـلة ..
ولى شريف ظهره وقفز بداخل سيارته الشُرطيـة ، فهتف هارون بسخط :
-عيل رِذل !!
يتجلى الأمان فـ أدق أوصافـه عندما يحتمي قلب الأثنى خلف كتف رجـل لا يميـل حتى ولو انهار الجبل فوق رأسه فلا يُصيبك حتى غبار هدمه لحرصه الشديد كي تؤذي بمجرد النفس الذي يتغلل لرئتك يحرص على نقاءه…
“أن‏ سُنة الحياة أن يهرم فيها كلُّ شيءٍ إلَّا النَّوايا الطيِّبة وقوة الرجال ، تَظلُّ غَضَّة .. بديعة .. زاهية .. ويبقى لصاحبها وسامة الأثر وكل الحُب له لوحده .. ”
••••••••••••••
~مرسى علم ..
مع فجـر صبـاح اليـوم التالي ..
يقف كُل من رغد وهاشم بالمطبـخ يجهزان وجبة الفطور سويًا بعد مرور ساعات الليل عليهما لم يزر النوم جفونهما إلا قليـلًا .. فرغت من صنع البيض المقلي كما عودهـا أن تفعـله مثل طريقة أمه .. كان يقطع حلقات من الخيار والجزر ثم جاءت لعنـده وطوقت ذراعـه بعد ما طبعت فوقـه قُبلة رقيـقة :
-لازم تمشي النهاردة !! خليك معايـا وارجع بكرة مش هيجرى حاجة يا هاشم .
-حِنة هيام بكرة وأنا لازم أكون موجود ..
فهبت مقترحة :
-طيب أجي معاك وقولهم زميلتك في الشغل وعزمتها على الفرح لو مش حابب تعرفهم عليا دلوقتِ ..
غمز بطرف عينيـه بدهاء ثم قطف من فوق زهرة وجنتهـا قُبلة وقال :
-طب أنا راضي ذمتـك شغلي هيكون فيه القمر ده كُله منين !! دا أحنا الحتة الطرية الوحيدة اللي بنشوفها في شغلنا بتكون أفعى ..
ضربته برفق وهي تُعاتبـه بخوف :
-بعد الشـر عليـك ..
ترك السكينة من يده ودار لعندها ثم أمسك بكفهـا وقبل أطرافه وأكمل ممازحًا :
-وبعدين لما أقولهم إنك زميلتي في الشغل .. مش هقدر أشوفك قُدامي كُل شويـة من غير ما أخدك فـ حضني .. يبقى أنا جبت التعب لنفسي ..
طوق خصرها بذراعه ليقربها منه أكثـر وأكمل :
-مسألة وقت وكله هيبقى زي ما أحنا عايزين ..
هزت رأسها بقلة حيلة متقبـلة أمرها ومُرها معه وقالت :
-يلا عشان تفطر الأكل هيبـرد ..
شرع الثنـائي في رص الأطباق على السفـرة وبدأت رغد في سكب كاسات العصير وفي تلك اللحظـة ساد الظلام بالمكان وانطفأت الكهرباء.. لم يكد يجلس فوق مقعده فأردف ساخـرًا :
-هي ساميـة نسيت تشحن الكارت ولا أيه !!
ظلام مُعتـم خيم على المكان حتى الستائر الكثيفـة كانت تحجب أي شعـاع من النور يدلهم ، اغتنم هاشم الفرصـة مستخدمًا بوصلة قلبـه للعثـور عليها وهي لا تعرف كيف تتحرك ما لبث أن تدور فوجدت نفسها بين يديه .. تملصت من قبضته بعتب :
-هاشم !! متهزرش أحنا مش في بيتنا !!
-وهي فين المشكلة ؟!
-مامي ممكن تنزل وتشوفنـا ..
-وهو في حد شايف حاجة فـ الكُحل ده !!
رغم ليلتهم المليئة بالحب و برغم إنه قضى تلك الليلة بين ألفِ قُبلة وحضن إلا أنه لم يكفيه ذلك باغتنام تلك الفرصة التي يشعر فيها بوجود الحب ولست رؤيته ، فهو رجُل لا يفرط بفرصـة تجمعه بمن يُحب .. همس لها بصوت لا يسمعه سواهم وهو يبدأ معها جولة من الحُب الثائر بينهم :
-تعرفي إنك أغلى حاجة في حياتي !! ولو خيروني بين الدنيا كُلها وبين حضنك .. عارفة هختار ايه !!
استسلمت لسحر لمساته ودفء أنفاسها التي تُمطر كالفحم على قلبها فتدفئه وهي تُعانقه أردفت :
-ايه !!
دفن بؤره بركانـه المتقد بأبخرة الحب في جدار رقبتها وهمهمت ريح الحب من صدره قائلًا :
-هختار الدنيا كلها في حضنك ..
ضمته كأنها تلتقي به بعد عام من الغربة ، يبدو أنّها لن تتجاوز في حبـه لهفة البدايات أبدًا .. يبدو أن حُبها سيظل في مهده حتى بعد عشرات الأعوام .. يبدو أن قلبها سيحبه بهذا الاندفاع والحماس إلى الأبد ، أصدرت أنين حبه بصدره وهي تقول بهمس :
-يعني هتختار كُل حاجـة !
ثارت جيوش عشقه وهو يقول لها :
-عشان مش هاشم العزايزي متعودش يخسـر أبدًا .
-وأنا وقلبي عاشقين هاشم بيـه العزايزي ..
موجة عاتيـة من العشق ضربت كيان الاثنين ، روحان في جسد واحد بنفس الخُطى بنفس الألحان المتناغمـة بينهمـا التي يعزفونها على وتر الحُب .. وكأن قلوبهم تتنبأ بالفراق الحتمي فأرادت أن ترتوي كيفما تشاء كان يحضنها كإنه آخر لقاء بينهما ، حركاته تتوسل لها بـ تُداوي قَلبه باللقاء كرمًا .. فَما له دواء غير لُقياكِ !! فـحضنك النصُ الذي عجزت الأبجديات عن وصفه .. لحظات مسروقة من الزمن أصابت قلوبهم المُتيمـة بالسُكر حتى حلت الواقعـة فوق رؤوسهم بصوت الزجاج الذي تهشـم بالأرض فصوت صرخة مكتوبة صدر من شِدق “رغد” وفي نفس اللحظة عادت الكهرباء بعد العُطل الفني الحادث ، فصعقت مصدومة :
-هاشم !! الفازة بتاعت مامي اتكسرت !! أنت عارف دي بكام وغالية على قلبها ازاي !!
حملها كي تؤذى أقدامها من فتات الفازة المهشمة بالأرض :
-ما قولت لك نروح بيتنا !!
ثم ألقى نظرة على فتات الفازة وعاد متسائلًا بعينيه الضائقة وهو يجلسها على المقعد :
-هي غالية أوي يعني !!
هزت رأسها بالإيجاب :
-اشترتها في مزاد بباريس من ٧ سنين .. أنا خايفـة من رد فعلها !! يالهوي دي ممكن تجرالها حاجة !!
رفع أنظاره لساعة الحائط هاربًا :
-أوباا ، أنا طيارتي كمان ساعتيـن .. لازم أرجع لصفية ..
-اخس عليك يا هاشـم !! بتخلع وتسيبني ؟!
اقترب منها ضاحكًا وهو يحملها بين يديـه قائلًا :
-تعرفي عني كده بردو !! إحنا نخلع سوا عشان نكمل كلامنـا ..
ثم ضاقت عينيـه بمكر محب وهو يلامس درجات السُلم :
-هتسأليني وتقوليلي أيه هو !! هقولك من قبل النور ما يجي بثانيـة إلا ثانيـة …
ما كاد أن يتجاوز لنصف درجات السُلم ففوجئ بساميـة تقف لهم على رأسـه .. تحمحم كُل منهما وهو ينزلها برفق هماسًا :
-مش وقت أمك خالص !! ايه صحاها ؟!
جزت على فكيها :
-قلت اسمها مامتك ..
-ولا وقت تناكتك .. أنا على آخري .
ثم تركها بعد ما ألقى بأذنها همس جملته وهرول نحو سامية التي مال على كفوفها ليقبلهما ثم نصب قامتـه ليعانقها :
-أحلى سامية ، تصدقي بالله أنا جاي من قنا مخصوص عشان حماتي وحشتني ، لسه بقول لرغد تصحيكي تفطري معانا ، قالت لي عندك صُداع !!
ثم قبل رأسها وأكملت بحنوه المعتاد الذي يسبق به خصمه من النوع اللطيف :
-تحبي ننزل نشوف دكتور يا حبيبتي !
ابتلعت ساميـة غصة غضبها منه وربتت على كتفه :
-أنا كويسة يا حبيبي .. أنت جيت أمتى .
راوغ على فعلته المجنونة بأنه جاء من قنا مخصوص إثر إغراء ابنتها له .. فقال :
-من شوية أصل عندي معسكر كمان ساعتين ، جيت اسلم بس على رغد وهطير .. وكويس إني شوفتك .. يا دوب ألحق أمشي ..
قبل رأسها مرة ثانيـة :
-ألف سلامـة عليكِ يا حبيبتي ..
ثم جهر بنبرته العسكرية التي يلجأ لها دومًا كي تُنجيه من أي فخ :
-رغد شوفي موبايلي شحن ولا لسـه !!
تابعت رغد خطواته هاربة من سطو نظرات أمها وقالت بتوجس وهي تخفي الضحك وهي تركض كي تهرب من وقع الجريمة التي اقترفها الاثنان قبل قليـل :
-هشوف جوزي يا مامي ….. الف سلامة عليكِ .
زفرت سامية بغضب مدفون :
-صبرني يا رب على الاتنين دول ..
••••••••
‏تعبث بك الحياة حتى ترُيك وجهًا قاسيًا لم تعتده، تُرّبي فيك غربة وأنتَ بقلب وطنك ، ويأسًا ضاريًا يحرق أحلامك وقلبك في آن واحد .. وأحيانًا تمـد يديها لك لتُراقصك على نغم تلك الأمنيات التي المحققة .. على لحن صوت شخص وجوده كافيًا أن يشعل قلبك بالحياة .. بل هو الحياة .. الحياة ذات وجهين ، وجه يهذبك والآخر يراقصك، مهما طال عُمر الأول حتمًا سيزورك غيث الثاني ليمحو شقوق ما مضى ..
لم تنم إلا ساعتيـن فقط حتى استيقظت على صوت رنين هاتفها من صديقاتها اللاتي لم يكُفن عن الاتصالات .. فتحت الكاميرا وشرعت في سرد تفاصيل يومها المكدس بهِ بذلك الرجل المغري لعقلها وكيف واجه شريف ودافع عنها ، ساعة والنصف قضتها “ليلة” في سرد قصة رجل يسمى هارون العزايزي .. تنهدت برئـه منشرحة وأكملت بفرحة :
-قولت له إنك عايزة أروح معبد الكرنك .. فكر شوية ، وبعدين قال لي نروحوا ..
ثم أكملت بحماس :
-النهـاردة هسجل أول حلقـة .. أنا متحمسـة موت بجد أنا حبيت الحياة هنا أوي ، مش عايزة الأسبوع يخلص .
تدخلت جوري في الحديث بعد ما نزعت ” ماسك ” النضارة من فوق وجهها :
-المهم هارون ده أيه حكايته ، يعني هيقضيها كتير كده مرشد سياحي للاستاذة .. لي لي فين صورته .
ردت بيأس :
-معرفتش اصوره ، شكله مش بيحب التصوير .. بس كان نفسي تشوفوه امبارح وهو بيرعب شريف .. أول مرة أحس أني ليا ضهر كده من بعد وفاة بابي .. تعبت من إني لازم اواجه كل حاجة بنفسي .. هارون ده حالة خاصة لوحده ..
تفوهت عُلا بمزاح :
-ازاي بقا ، فهمينـا أكتـر ..
رددت بجهـل :
-مش عارفة أوصفه ، أوي لسه مش عارفة أحدد هو أي نوع من الرجالة ، يعني شهم وراجل أوي وجدع وكمان لما بتكلم بيسمعني ، كلامه قُليل مش بعرف أخرج منه معلومة واحدة .. بس مسيري هعرف ..
فتدخلت جوري بحماس :
-بصي أنتِ تقفلي معانا وترني عليه دلوقتِ تصحيه من النوم وتقوليلو يلا عشان نلحق مشوارنـا ..
عارضتها :
-ايه قلة الذوق دي ؟! لا طبعا هسيبه ينام براحته أنا مش رخمـة .
-يادي الغباوة ، يا بنتي اسمعي مني .. صحيه عشان يحس أنك مهتمة وعايزة تخلصي شغلك بسرعة ، وطول الوقت فهميه ان وجودك هنا مؤقت وهتمشي ..
أجابت بإصرار :
-مستحيل، أنا قليلة ذوق عشان أصحيـه الساعة دي !!
ثم هبت مفروعة :
-أحيه !! أنا نسيت أقولكم أنهم المفروض قروا فاتحته على اللي اسمها زينة دي !!
كلاهن في نفس واحد :
-ايه !!!!!!
~ بغُرفة هارون .
بعد ما أدى صلاة الفجـر في موعدهـا ووثبت ليضع القليل من رائحة المسك بيده قبل أن يفركهما ويمسح على وجهه ، اتجه إلى خزانـة ملابسـه فغير مساره صوت رنين هاتفـه ، طالع الشاشـة بملل فوجد اسم ( زينة) ، تأفف ممتعضًا :
-وهي ناقصة خوتـة !!
سحب الشاشة وفتح مُكبر الصوت وهو يقول بنفور ويوصل مهامه بثقُل :
-خير عليكِ يا زينة !
هبت ملهوفة :
-خير !! خير وبس ده ألف خير عليك يا سيد الناس .. صحي النوم يا هارون .. إكده استناك الليل كله تحددتني وأنت متسألش ، طب في عريس مايچيش قراية فاتحته !
أخرج ملابسه الأجنبية التي لا تنتمي لأعرافهم الصعيدية والعُمدية عبارة عن بنطال أسود وسترة شتوية سوداء ويعلوها ” جاكت” شتوي باللون البيـج .. ألقاه على السرير بملل و رد عليها متعمدًا قفل الحديث :
-ان شاء الله خير يا زينة ..
انتهت من وضع حمرة شفتيها وقالت بدلال :
-چاي الليلة على العشا أعملك أحسن وكل ..
-مش عارف يا زينـة !!
-لا ، لازمًا تچي يا هارون ، أنا دِلوق خطيبتك وكُل طلباتي مُچابة ..
نزع سترته الخاصة بالنوم و أجاب بملل :
-ربك يسهل يا زينة ، هخلص مصالحي وأشوف ..
انكمشت معالم وجهها :
-ومصالحك دي أهم مني ؟!
عض على شفته السفلية وهو يجلس على طرف السريـر قائلًا بضيق:
-وكل عيشنا يا زينة ، مش هنسيبوه ونقضوها سرمحة ..
-طب على مهلك عليّ ، ده چزاتي أني مكالماك أصبح عليك !
-تُشكري ..
تدللت وهي تتجه نحو فراشها :
-يعني مش هتقولي حتى مبروك يا عروسة !
-مبروك يا زينة !
هتفت بصرع من الفرحة :
-الله يبارك فيك يا سيد الناس وعقبال ما أكون في بيتك وفي حضنك وشايلة اسمك وأم ولادك أنت نفسك أچيبلك كام عيل ؟!
تأفف باختناق فقلبه لم يتحمل منها جُملة إضافية :
-ياصبر الصبـر .. !!
ثم انخفضت نبرة صوتها :
-تعرف من إمبارح والنوم مش مهوب من ناحيتي ، كل ما اتقلب إقده اتخيلك قَصادي واتقلب إقده اشوفك تضحك لي وتقولي بحبك قوي يا زينة ، الله بالحق عتحبني يا سي هارون كد ايه !!
رد بامتعاض:
-ما تقومي تنامي يا زينة، قِلة النوم لحست رأسك ..
ثم انسحب بهدوء ليحافظ على الجزء المتبقي من عقله :
-زينة معاي مُكالمة شُغل اقفلي من عندك دِلوق ..
قفل المكالمة قبل أن ينتظر ردهـا ثم رمى الهاتف بملل :
-چيب وچع الرأس لروحي !!
ثم امتدت يده وتناول الهاتف مرة آخرى وبحث عن رقم ” ليلة” المُسجل على هاتفه بـ ” الاستاذة ” وبدون تردد ضغط على زر اتصال ، كانت ليلة تحت سطو اقناع جوري بأن تهاتفه وما زالت مصرة على رأيها حتى جهرت مفزوعة عندما رأت اسمه على الشاشة :
-بنات العمدة بيتصل… قصدي هارون بيه بيرن اعمل ايه بسرعة .
صرخ الفتيات في نفس واحد :
-طبعًا ردي …
ألغت مكالمـته وقالت بوجهها المُحمر :
-لا مش دلوقتي .. حفظوني بس أقول أيه وبعدين هرجع أكلمه !
صاحت علا :
-انتِ عملتي ايه !!
-قفلت في وشه..
هتفت علا ممسكة برأسها :
-جوري ردي انتِ .. دي هتشلني .
تراقصت حواجب هارون باستغراب إثر إنهاء المكالمة الهاتفية ورفضها .. تحمحم ملتمسًا لها العذر فلم يخلق من يتجاهل مكالمته:
-تلاقيها نايمة !! وبعدين !!
نفض غبار ما حدث ثم وثب ليبدل ملابسـه وبعد مرور برهة من الوقت عاد رنين هاتفه ، ربط حزام خصره الجلدي ونظر من أعلى على الاسم فتحير قائلًا لنفسه :
-ماهي صاحيـة أومال قفلت ليه !!
تناول الهاتف ووضعه على آذانه تلك المرة حيث جاءها صوته الرجول قائلًا:
-صحيتك !!
-طيب قول صباح الخيـر الأول .. الناس الطبيعية بتقول كده الصبح .
بصوت ترنيم عصفور مشاكس جاءت نبرة صوتها مهزوزة يكسوها التوتـر والارتباك وقلب مضطرب يبدو ذلك بسبب أول مُكالمة هاتفية بينهم ، تحمحم بخفوت وقال مستمتعًا بصوتها الذي يعزف بمسامعه :
-يسعـد صباحك يا ستي ..
ردت بنفس النبرة التي كانت تتحدث بها بالراديو :
-و أنت كمان .. أحنا المفروض هنخرج أمتى ..
رفع أنظاره للساعة فوجدها السادسـة :
-أنا لبست .. شوفي أنتِ قاعدلك كد أيه وتكوني جاهزه ..
قفزت فوق السرير وهي لا تعلم أين تذهب :
-هاه !! حالًا انا أصلا قربت أخلص .. انا صحيت من بدري وكنت بذاكر وكمان كلمت صُحابي البنات .. وكنت مترددة أكلمك ولا لا .. بس خلاص خلاص هجهر وارن لك مش هتأخر عليك ، تمام !
تعجب من نفضة صوتها وتجلجلها بالكلام وقال:
-محدش طاير وراكِ على فكرة !!
شُلت مدارك عقلها وهي تغسل اسنانها بالفرشاة و المعجون :
-يعني ايه ؟!
-يعني عـ مهلك ، بلاش تتسربعي .
-يعني ايه تتسربعي ؟!
مسح على رأسه مكتفيًا بتلك الابتسامة المخالفة لما يشعر به من جزعٍ برأسه :
-يعني خلصي وكلميني يا ليلـىٰ ..
مرت قرابة النصف ساعة فكان أمام المرآة أوسم شاب ثلاثيني يعد ترتيب ملابسه ويرتدي نظارته الشمسية ثم ينثر القليل من عطره المفضل .. غادر الغرفة فالتقى بهيام التي تتجول بالطرقة أمام بابها ، ما أن رأته ارتمت بحضنه :
-مستنياك من بدري يا حبيبي ..
ربت على كتف أخته بعد ما قبل رأسها :
-مالك ، فيكي أيه طب احكي لي ..
ابتعدت عنه وهي تتشجع لتروي له غصة قلبها :
-هارون ، أنا مش عايزة اتجوز ضيا .. أحب على يدك أعمل حاچة وبوظ الچوازة دي ..
عقد حاجبيـه باستغراب :
-ديه چلع عرايس ولا حصل حاچة من وِلد المحروق ديه !
هزت رأسها بالنفي وهي تقـول بحزن :
-قلبي متوغوش ومش مرتاحة يا هارون ..
مسح على رأس أختـه بحنو :
-هيام ، سيبك من قلبك وعقلك عشان دي حاچات ما تحركش رچالة ، حصل حاچة من وِلد الـ دي !
أومأت بالإيجاب ففرت خصلت شعرها الناعمة كخيوط الحرير وهي تقول :
-أيوة يا هارون .. بيغلط فيكم كتير وفي أبوي .. وبيشرب وكذا مرة أحذره إني هقولك لو مبطلش بيسوق فيهـا ومفيش حد هامهُ ؛ هارون لو ليّ خاطر عندك فركش الچوازة دي ..
هز رأسه وبمعالم ثابتة لا تعكس ما يدور بداخل عقلـه ، قبل رأسه أخته وقال بهدوء تام :
-متفكريش في حاچة وروحي اجهزي ،عاوز أخت هارون العزايزي تكون أحلى عروسة ، وضيا أنا هعرف أشده زين .. متعتليش هم ..
قاطعته باعتراض:
-بس يا هارون ..
حسم حديثهم إثر رنيـن هاتفه باسم ” الاستاذة “، ثم قال :
-متنكديش على روحك وعلي صفية .. أنتِ مش حكتي لي خلاص ، شوفي ناقصك أيه وخدي العربية مع جابر وأنزلي هاتيه …
•••••••••••••••••
مع دقـات السـاعة الحادية عشـر ظهـرًا .. تقف رُقية مع أمها التي ترتعـد من الرعُب إثر طلب ابنتها بمجلس العزايزة إثر شكوى بكر عليهـا .. وقفت رقيـة أمام ذلك الرجل العجوز الذي يرتدي زيًا أزهريـًا وعلى يمينه رجل وعلى يساره رجل آخر ، وجه الأوسط سؤاله لديهـا :
-يا دكتورة رقيـة ؛ أنتِ من فعلتِ بالمدعى بكر فياض وأهله هذا !
نظرت لهلال الجالس على مكتبه الصغيـر بجواره منصـة المجلـس وقالت بثبات :
-حصل يا شيخنا ..
-ما السبب ؟!
تجلى حلقها وقالت بصوت لا يتزحزح :
-جيه بيتنا من غير معاد هو وأهله رغم أنه عارف أني رافضة الچواز منه .. وكمان اتهمني في شرفي في وسط دارنا ، والشرف دم عندينا حسيت إني لازمًا افوقه ..
تدخل بكر موضحًا الصورة :
-جنابك رقية بت عمي وحيدة ومالهاش حد ، والشرع والقانون عيقولوا أنها مش هتتجوز أيدحد غيري .. وطالما إكده نأجلو شرع ربنا ليه ؟!
غلت الدماء برأس هلال والنائب عن أخيـه وقال معترضًا :
-يا مولانـا نحن نتعلم منك سمات الدين والأخلاق، وحديث الأخ بكـر صحيح ولا يُلام عليه ولكن عندما يتعلق الأمر بأن الفتاة أرادت أن تتجوز من شخص آخر غيره ، هنا يحق له فعل ما يشاء متمسكًا بحقه الجائر على قلب تلك المسكينة .. لكن الأنسة رقية لا تُريد الزواج من الأساس ، لِم الإجبار والتعنيف !! لِم قذف المحصنات واتهامها بشرفها والفتاة لا تفعل أي شيء يهين العرف والقانون ، هي لا تُريد الزواج هذا حقًا لهـا ..
ثم تطلع لبكر بتحدٍ :
-وما اقترفه الأخ بكر يتنافي مع الدين والعرف ، وهو فرض نفسه على فتاة لم تُريده بدافع الأموال ، وهذه تهتمة جديدة يا سيدي .. خالف مقصد وأهم ركن بالزواج والشرع الذي يُبني على المودة والرحمة ولست الشجع والمطامع والأموال…
ثم رفع كفـه ذو الكم الفضفاض وجهر :
-وآخيرًا ، فالمدعو بكـر لم يكُف عن ازعاج ابنة عمه وملاحقتها بكل مكان ، ولقد ذهبت بنفسي لقعر داره وحذرته بالحسنى ولكنه أكمل في طريقه ، طريق البلطجة والتشبيح …
نظر الشيخ لبكر وسأله :
-ما رأيك بما قاله الإمام هلال ..
أخفض بكر رأسه وقال :
-رايدها وحاببها يا شيخنـا ، وعاوزها في شرع ربنا ..
غلت الدماء بعروق هلال وهو يقبض على جمر سخافات بكر كالقابض على الجمر ، حيث اتبع جاهرًا :
-عذر اقبح من ذنب يا مولانا.. تلك المشاعر النقية لا يخالطها السب والقذف والتطاول على فتاة ضعيفة مثلها بهذه الحياة .. نحن هنا لنصرة الضعيفة ولست لإذلاله ..
نظر الشيخ لبكر بغل بعد ما تشاور مع طاقم التحكيم:
-تم رفض دعوة المدعو بكر فياض ، وعليه بتقديم الاعتذار لابنة عمه الدكتورة رقية ابو الفضـل ويمضي تعهدًا بعدم تعرضه لها بعد الآن …والزواج بينهما لابد أن يكون قائمًا بالتراضي بين الطرفين …
صاحت صفاء بالزغاريد لانها كانت مرتعدة من حكم مجلس المشايخ بأن يصدرون فرمانًا بزواج ابنتها من المدعو بكر ، ضمت ابنتها بين يديها وشكرتها بفخر :
-حبيبة قلب أمك ، ينصر دينك المرة الچاية عايزاك تقطعي خبره …
ربتت على كتف أمها ورمقته بسخط :
-ضربني وبكى وسبقني واشتكى .. كان عشمان في الچوازة بس يستاهل ..
جاء هلال من الخلف ووجهه بالأرض :
-مبارك يا أخت رقية ..
هتفت صفاء بامتنان :
-يسلم خشمك يا حبيبي ، لولاك كان وِلد الضلال بكر استقوى على البت ، يحرسك لشبابك يا هلال يا ولدي .. تشكر .
أخفض رأسه بعرفان :
-شكر على واجب يا أمي .. سانتظركم بالسيارة..
انسحب بهدوء تام وهو يتحاشى النظر لعندها إير ضربات الفرح التي أصابت قلبه ، يا ترى لتبرئتها أم لصدور حكم نهائي بعدم تعرض بكر لها أم لانها ساعدها في محنتها وبرأ ذنبه من الكذب التي تقيد أنفاسه .. نظرت صفاء لابنتها وهي تعاتبها :
-يا بت طب بُصي على الرچل واشكريه .. أنت باصة فين ؟!!!!
وضعت سبابتها بفاهها منتظرة رحيلـه فقالت بتوتر :
-تعرفي ياما ماعقدرش ابص في وشه ..
-ده ليـه يا ضنايا ؟! الرجل فلقة قمر وأخلاق واحترام ووشه سمح والنور عيفج من وشه .
قاطعتها بقلب متراقص من السعادة :
-لا ياما ، وشه منور ويوتر ايه حد ،ما عقدرش أرفع عيني في عينيه ؛ أنتِ فهماني طب !!
-يا مُري منك !!!
ثم ربتت على كتفها :
-يالا ياختي عشان منعوقوش عليه ، الرچل كتر خيره مهملناش واصل ..
••••••••••••••••
قرأ هاشم جُملة أخته المُرسلة منها أمس وهو بالطيارة ، فاستقبلهـا بالضحك الساخر وهو يقول لنفسه :
-البت دي قلبها حاسس بأخوها ولا أيـه ؟!!!
حتى عاد لمنزلهم مع آذان صلاة الظهـر في ذلك الوقت كانت السيارات تنقل عفشة أخته من بيتهما وخلفهم نسوة البيت ليرصون أغراض العروس ببيتها ، وصل البيت وهو ينادي على أمه التي ما رأته اندلعت الفرحة بأصوات الزغاريد ، فأجاب بدون فهم :
-بتزغردي في وشي أنا ليـه.. ماهي العروسة قاعدة هناك أهي !!
انضم الاختان لعنده ثم ألقت نجاة عليه التحية من بعيـد ، هللت هاجر فارحة وهي تصفق :
-وصـل ، عريسنا الحِلو وصل .. يا عريس يا عريس …
تأرجحت عينيه بعدم فهم حتى التفت لسؤال امه :
-أنتَ فينك من امبارح يا هاشم !!
رد بثبات :
-مأمورية على السريع خلصتها ورچعت ، أنتوا مالكم !! وفين هارون عاوز أبارك له ..
جاء هيثم من أعلى وما أن رأى أخيه أطلق صفيرًا قويًا :
-هاشم باشا وعريسنا حلو ، والنعمة حلو وعروستـه أمورة أهي !!
غمغم هاشم بشكٍ:
-هي العيلة دي مرفوع عنهم الحجـاب وعارفين أنا كُنت بعمل أيه في مرسى علم !!
ربتت صفية على كتفه بحنان :
-مبروك يا حبيبي .. فرحتى بيكم ما تتوصفش ..
-الله يبارك فيكي يا صفية !! بس أنا مالي بردو ؟
تدخلت هاجر لتزف له الخبر :
-إمبارح قرينا فاتحة هارون وزينة ، وأنت ونغم ..
-يالف نهار أبيض … يألف نهار مبروك .
ثم تأرجحت عينيه بالمكان غير مدرك ما سمعـه :
-انا ونغم مالنا ..مفهمتش ؟!
زفـه هثيم فارحًا :
-اتقرت فاتحتكم عقبالي يا رب .. قول آمين يا عريس .
-نغم مين وأنتو مين وأيه الچنان اللي أنا سامعه ديه !! ما تقولي حاجة ياما !! في أيه يا هيام ؟
كان يدور حول نفسه من وقع ما سمعـه ، لا زال مقتنعًا أنها مزحة من أخوته فقالت صفية ببراءة الذئب من دم ابن يعقوب :
-أبوك يا هاشـم ، قال البت يتيمة وإحنا أولى بيهـا والفرحة تبقى فرحتين وطلب يدها من خالك .. واتقرت فاتحتكم .
-أي وأنا فين ؟! أنتوا كيف تعملوا العملة دي من غير ما ترچعولي !!
عارضته صفية :
-ما أنت ليك ١٤ سنه غائب عن العزايزة ياحبيبي وحياتك كلها برة قنـا ، قلنا نختارلك إحنا عارفين البنات كلها .. أنت هتعرف منين !!
رفع سبابته رافضًا والغضب يتناثر مع حروف كلماته :
-صفية أنا مش عاوز اخطب حد ولا عاوز اتجوز من أصوله والفاتحة اللي اتقرت دي أنا معرفش عنِها حاچة .. ولا مسئول عنها .
ضربه هيثم على كتفه :
-ياعم هو حد لاقي چواز ميتجوزش!! متبقاش فقري .
تدخلت هيام باعتراض :
-أنتو كيف ما تاخدوش شورة العريس ياما !! لا مالكمش حق .. عاچبك إكده !!
فأكملت هاجر :
-والله قلبي كان حاسس أن هاشم ماعارفش .
صرخ بوجههم لينهي تلك المهزلة :
-صفية يمين تلاتة لو الموضوع ديه ما اتفركش ما هتشوفي وشي تاني .. بلاش تختبري صبر هاشم ولدك عشان أنتِ عارفاني ..
دبت على صِدرها بصدمة :
-وتكسـر كلمة أبوك !! يا دي العيبة ؟!
-وأكسر الدنيا كلها ولا حد يلوي دراعي ويغصبني على حاچة مش عاوزها ..
ثم أشار بسبابته :
-تكلمي أخوكي دِلوق وتفهميه ، قوليلو هاشم مش بتاع چواز ولا ناوي يتنيل .. فاهمة ياما ..
كاد أن يخطو ولكنها أوقفتها معترضة :
-ما مسيرك تتجوز ، مالك متزرزر ليـه !! ولا أنتَ ناوي تقعد جاري كيف خد الندابـة !! يا ولدي متصغرش أبوك ، ده يطب فيها ساكت !!
ثار مدافعًا عن حبـه ورغد قلبـه :
-وأنا مش هارون ياما عشان تضحكوا عليّ بالكلمتين دول محدش هيموت قبل أجله ، هاشم ماعيضحيش على حساب حياته ، مختصر الحديت أنا قولت كلمتي ياما .. وبلاش تعاندوني .. وإلا هتشوفوا هاشم واحد تاني …
ألقى قذيفـة كلماته بساحة منزله ثم تركهم وذهب لغرفته ، تسددت نظرات العتاب من بناتها التي أردفت أحداهن :
-لا مالكيش حق ياما ..
تدخل هيثم مقترحًا ليُلطف الأجواء :
-أنتو مقرتوش فاتحتي أنا ليه !! حتى على البت نوال الشغالة أنا راضي …
دفعته صفية بغيظ :
-وهي ناقصاك أنتَ كمان !!
تأرجحت النظرات بين الثلاثـة فتيات حتى ضربت نجاة كف على الآخر بتعجب من حكمة الأقدار :
-المكتوب على الچبين لازمًا هتشوفه العيـن ….
••••••••••••••••
~بالأقصـر ..
-المكان يجنن يا هارون بيـه .. حاجة خُرافـة بجد ..
قالت ” ليلة ” جملتها بعد ما تفقدت أرجاء المعبد ومع كُل تمثال كان هارون يسرد لها قصتـه وتاريخه ومن بناه ، كانت تدون المعلومات التي تروق لها باهتمام على لوحة الشاشة الالكترونية التي بيدها .. كانت خطواتها تسبقه وكان صوته يحاصرها من كُل صوب وحدب .. أثناء سيرهم جهة المعبد أردفت بغزل بريئ :
-على فكرة اللبس الكاجول فيك يجنن ..
-ليـه والچلابية وحشة ؟!
-لالا خالص بالعكس ؛ بس مدياك سن أكبـر من سنك ،عكس الكاچول .. كده أحلى .
غمغم بضيق وهو ينزع نظارته الشمسيه :
-لا مش أحلى اكيد ..
ثم تنهدت لتُغير مجرى الحديث الذي أن ناطحت به ستجلب لرأسها الصخب لا أكثر ، نزعت الكاميرا المُعلقة برقبتها :
-ممكن تصورني هنـا !!
تناول منها الكاميـرا وقال :
-هتسچيلي دِلوق !! طب حفظتي ..؟!
-لا مش هسجل هنا ، بس التمثال عجبني ممكن تصورني جمبه !!
وقفت بجوار التمثال وشرع بالتقاط العديد لها من الصور تحت أجواء من المرح والضحك وهي تناقشه بتفاصيل الصور وتطلب منه أن يعيد التقاطها على الرحب والسعة منه وكأنها أصبح مديرًا لأعمالها لست مجرد ضيفة عنده .. طلبت من أن يعيد تلك اللقطة الأخرى بنفس الزاوية حتى انتهى من جولة التصوير بعد العديد من الصور التي أخذت تفحصهم أثناء مواصلتهم للطريق نحو التمثال “ساكمت” .. قالت بإعجاب :
-تصويرك يجنن .. بجد كل الصور أحلى من بعض .. تعرف أن في أسطورة بتقول أن الشخص المُحب بس هو اللي بيصورك صور حلوة ..
ثم وقفت أمامه بقامتها التي لا تتجاوز كتفه وقالت:
-كده أنا اطمنت إني مش تقيلة ولا حاجة على قلبك ..
رد بإيجاز :
-طب زين …
وصل الثنائي لتماثيل الآلهة ” ساكمت ” التي قرأت أساطيرها من قبل .. وقفت لتصيح بحماس لتبرز ثقافتها بالأساطير :
-تعرف أن التمثال ده أساطيره كتير !!
رفع حاجبه بأنه لا يوجد فائدة من تفكيرها المتواصل بالأساطير الكاذبة وقال :
-برضو أساطير !!
-استنى عليا بس هعجبك والله ..
ثم اقتربت من التمثال خطوة وقالت :
-تعرف أنه اسمه أله الأمومة والحب والحرب والصحة .. يعني لو ست كان نفسها تخلف كانت تيجي تلف حولين التمثال ٦ مرات وبعد كام شهر تلاقي نفسها بقيت حامل .. لو واحد نفسه يتجوز البنت اللي بيحبها بيطوف حولين التمثال ٥ مرات ، كل طلب له عدد طواف معيـن …
ثم عادت له بنفس الشغف :
-ومش بس كده ، ده الأسطورة بتقـول كمان أن الألهـة ” ساكمت” لعبت دور كبير أوي أنها تجمع العشـاق اللي بينهم مستحيلات كتيـر ، زي مثلا …
كانت ” ليلة ” تسرد على آذانه تفاصيـل الأسطورة التي اطلعت عليها والتي ستبدأ بتصوير أول حلقاتها التي جاءت لأجلها ، كانت تخطو نحو التمثال بحركات طفولية يملأها الحماس وما أن شرعت في ذكر الأمثلة دارت لهارون الواقف بمكانه عاقدًا ذراعيه أمام صدره يستمع لهـا باهتمـام معجبًا بطريقتها العفوية التي تروي بها تلك الخرافات التي راقت له من بهجة أسلوبها .. وقفت أمامه وأكملت :
-مرة ملكـة وقعت في حُب خادم عند أبيها الملك ، وجات تتوسل لساكمت أن أبوها يوافق ، وراحت السنين وجات السنين حبيبها ده طلع حرب وكانت المفأجاة أنه رجع لأبيها برأس أكبر عدو له .. وقتها الملك كان منبهر وقاله أطلب أي طلب هيكون مُجاب ، وكان الطلب ده أيد بنته ..
تأرجحت عينيه التي يخر منها النظرات الساحرة بخفـة روحها في رواية القصص والأساطير التي لم يُخلق أحد يرويها مثلها ، رفع سيف حاجبه وقال بهدوء يغلفه بسمـة لطيفة :
-الرك على النصيب يا ليـلي ..
تغنجت أمامه بمرح :
-أنتَ مش مصدقني !! طيب هحكي لك حاجة كمان .. كان في واحدة اسمها ” تيفيت” كل ما تنام تشوف أن في رجل غامض بيحاول يخطفها ويخوفها ، وراحت تشتكي لـ ” ساكمت” ..
ثم اتسع بؤبؤ عينيها وهي تسأله بحماس:
-تعرف طلع مين الرجل ده ؟!
حك ذقنه ويبدو أنه عثر على ملاذه في رواياتها الخرافية :
-حبيبها .
اصدر صوت قرقعت أصبعيها وهي تحييه :
-براڤو عليك ، بس مش حبيبها من البشر .. ده طلع أله الحرب ” خارمس” .. بس المشكلة أن البنت كانت بتحب واحد اسمه ” أسموس ” .. ولما بقا ” ساكمت ” عرفت غضبت أوي وقررت تعاقبه وتُحيله لـ حجر او تمثال .. ودي كمان جوزت العشاق لبعضهم ..
هز رأسه معجبًا بأسلوبها في القص ولست تلك الخرافات التي ترويها وقال :
-جميـل ..
قطعت ليلة جُملته وأكملت :
-تعرف الجميل بقا أن الكلام ده في ناس بتعمله لحد دلوقتي على سبيل الهزار والتجربة عشان يتأكدوا من صحة الأسطورة وأنها مش مجرد كلام !!
هارون مذهولًا :
-لا يا شيخة !! وكانوا بيعملـوا أيه عاد وِلد المهاويس دولت ؟!
رفعت جفونها لعنده بتوجس :
-أخاف أقولك ونجربها كـ لعبة الأسطورة تتحقق ولعنتها تصيبنا ، يتكتب لنـا نصيب في بعض .. وقتها مفيش حاجة هتقدر تفرقنا وكمان ممكن تقع في حُبي !
ثم هزت كتفيها لتبرئ مكر نواياها :
-أنا بحذرك بس عشان اللعب مع الجماعة دول بيقلب جد ! وأنتوا قوانينكم مابترحمش !!
انفجر ضاحكًا والسخرية تملأ فاههُ ثم انحنى لعندها هامسًا لينفي كل معتقداتها بأسلوبه الراقي:
-أهو ديه بالظبط أكبر خرافة أنتِ قولتيهـا ، لأنه شيء ولا ينفع يكون في أحلامنا من أصلو .
راقت لها العبث بقوانين اللعبة وقالت بجزل طفولي مبطن بالتحدي:
-مادام أنتَ شايف كده ، أيه رأيك نجرب !!!!!
لم تتلقى ردًا على طلبها إلا صمتًا يميزه ابتسامة خفية لا تُرى ولكنها تُحس ، ترجمها عقلها على أنها قبول لعرضها وقالت بشغف لا ينتهي :
-يبقى نجرب أظن مفيش مستحيل أكتر من حالتنا ، بس مش هنطوف زي ما هما كانوا بيعملوا عشان حرام طبعًا .. بس هنعمـل حاجة تانـية تحقق الأسطورة !!!!
••••••••••

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية آصرة العزايزة)