روايات سيلا والنمر الفصل العشرون 20 بقلم منار مصطفى

روايات سيلا والنمر البارت العشرون

روايات سيلا والنمر الجزء العشرون

روايات سيلا والنمر الحلقة العشرون

بعد ما رغو كتير..
طلعت.. ناهد بالسؤال اللي هيقلب الموازيييين..
ناهد.. ما تحكولنا عن نفسكم يابنات..
يوسف… ايوه معاكم للمايك..ونبتدي بريمو.
ريم.. نعم اشمعني انا ان شاء الله..
يوسف .. ماهو معروف القمر اللي لازم يبتدي..
ريم. بضحكه عبيطه.. ايوه انا القمر..
روكا.. قمر في عينك.
ريم..نعم مش عجباكي ولا ايه ياست روكا..
عامر… ايه ياجدعان ماتقومو تضربو بعض . ماحد فيكو يبتدي وخلاص.
ريم.. خلاص ياروكا ابتدي..
روكا.. لا والله ابدا ابتدي انتي.
ريم.. لا طبعا انتي الكبيره..
روكا.. كبيره في عينك.. انا كبيره مقام..
ريم.. طيب خلاص ابدئي.
روكا.. لا والله ابدا انتي حبيبتي ابدئي انتي..
كلهم اعدين يبصو لريم شويه وروكا شويه..
ناهد… بس انتي وهي ايه توم وچيري اتكلم يلا.
روكا.. عجبك كده.
ريم.. انا مالي انتي اللي قلبتيها علينا..
بدر… ماتبس بقي ايه والله ولا واحده فيكم عندها حاجه في حياتها تتحكي..
ريم… تصدق بالله انا اصلا مش عارفه اقول ابه عشان كده بتوع🤣🤣🤣.
بدر… مانا قولت كده
ريم.. كفك بقي✋
بدر..✋
ناهد لا انا اقوم اجيب العصايه بتاعتي..
ريم.. لا اعدي خلاص وربنا هتكلم..
ناهدد. ..ناس متجيش غير بالعين الحمرا..
ريم…طيب اقول ايه..
ناهد… اي حاجه تيجي في بالك…يعني عرفينا عن نفسك. اهو نخلي الاعده دي كأننا لسه كلنا بنتعرف علي بعض..
ريم… اشطا…
بصي ياست نوني…
ريم… انا اسمي ريم..
بدر.. بضحك.. ايه ده بجدد
يوسف.. ايه الاسم الجديد ده
بدر.. اه حلو اوي
يوسف.. لا وغريب.
ريم . شايفه بقي الرخامه بتاعت ابنك وصاحبه طب مش مكمله..
ناهد.. بس ياواد انت وهو..
روكا.. بس ايه يانوني ماصراحه عندهم حق.. هو ابه اللي انا اسمي ريم ماحنا عارفين..
ريم.. بت انتي اسكتي انا مش طيقاكي .
روكا.بتحاول توصل عشان تضربها وعامر في وسطها…انا اللي مش طيقاكي…
عامر.. بيحاول يحوشهم.. بس ايه اعد جمب ولاد اختي ماتحوش ياعم يوسف….
سما.. بس ياحبيبتي انتي وهي العبو مع بعض..
روكا.. مقرفه..
ريم.. شايفين جر الشكل.
ناهد.. هي العصايه…
ريم. بتحاول تمسكها خلاص والله هتكلم بس سكتيهم.
ناهد.. اشوف حد يتكلم…بس.
الشباب..حطو ايدهم علي بوئهم..
روكا.. ايه ده انتو بتعملو كده ليه.
عامر.. اعملي زينا من غير اسئله بدل ما تتحول احنا عارفينا..
روكا.. بسرعه حطت ايدها ووراها سما.. وسيلا…
ريم.. مبتجوش غير بالعين الحمرا..
ناهد… اخلصي انتي كمان.
ريم. طيب حاضر هقول اهو…
ريم.. انا اسمي ريم.
وفضلت تبص عليهم بعينها
وكلهم في نفس واحد كانو كاتمين الضحك.. وفطسو من الضحك ومعاهم ناهد…وريم..
صوت ضحكهم كان جايب المكان كله..
ريم… طيب مانا مش عارفه ابدأ ازاي..
يوسف.. بضحك..اسمك احنا عارفينه هاتي البي بعد كده.
ريم.. بغباء اقول اسم بابي يعني..
رجعو تاني يضحكو..
سما.. يابت انتي غبيه..
ريم.. طب خلاص والله هقول…
بس من غير ضحك بقي.. ماشي..
الكل ماشي…
ريم.. انا عندي 21سنه درست تجاره اعمال.. لحد الوقت مشتغلتش.. او بمعني اصح.. مش لاقيه الحاجه اللي انا عيزاها وهلاقي نفسي فيها.. معنديش مشكله اني اشتغل حاجه ملهاش علاقه بتخصصي بس مشكلتي اني مش عارفه انا عايزه ايه..يعني لسه ملقتش الحاجه اللي اعملها وانا حباها..انا عايشه مع مامي وبابي..
بابي.. اسمه رؤوف العقاد
مامي.. نهي
ريم.. طول ماهي بتضحك مبتسمه وبتحكي وهي عادي بس ملامح وشها كل ماتحكي تتغير
ليا اخ اسمه سيف. هو اكبر مني باربع سنين سيف.. كان كل حاجه ليا واقرب حد ليا كنت بحسه ابويا مش اخويا.. كنت لما اكون زهقانه ياخدني يخرجني الناس كانو بيفكرونا اتنين مرتبطين مش اخوات..كان حنين عليا جدا..ومعوضني عن حنان امي وابويا..
بدر.. اسف. بس هو مش موجود يعني ولا ايه..
ريم.. لا موجود بس مبقاش موجود. سيف قرر يدرس في لندن.. بابي ومامي دعموه جدا ووافقو علي طول محدش فيهم اعترض.. انا بس اللي كنت مضايقه جدا ودخلت في مرحله اكتئاب وفالاخر بردو سافر وبعد ما خلص دراسه قرر انه يأعد هناك يكمل حياته ويشتغل.. وفعلا عمل كده فالاول زعلت من قراراه بس من يوم ماسافر يدرس وانا خلاص اتعودت صحيح طول الفتره دي كنت مستنيه رجعوعه بس بعد ماقال انه قرر يكمل حياته العمليه هناك..اتصدمت بس فوقت بسرعه.. ماهو هو بردو عايز يبني مستقبله ومش هيفضل اعدلي يعني.. ومن وقتها وانا بقيت لوحدي..والبنات هما كل حياتي..
ناهد.. طيب ومامتك وبباكي.
ريم.. سرحت شويه..وكملت بابتسامه سخريه مامي وبابي. موجودين ومش موجدين.
ناهد.. يعني ايه .
ريم.. يعني.. هما موجودين وعايشين مع بعض في نفس البيت بس لو قولتلك اني ممكن المح حد فيهم مره كل اسبوع مش هتصدقيني.. بصي مامي وبابي كانو بيشتغلو بابي كان عميد في جامعه دوليه.. ومامي كانت دكتوره . تعبو علينا انا وسيف كتير عشان يوصلو بينا للانا فيه ده وفالاخر بعد ماعملو فلوس كويسه وامتو مستقبلنا قررو يأعدو من شغلهم ويشوفو حياتهم.. ومن وقتها مقضينها خروجات وسفر ومل اللي همهم انهم يوفرو لسيف كل اللي يحتاجه ويوفرولي كل طلباتي…
هما صحيح تعبو بس انا مكنتش عايزه كده كنت محتجاهم جمبي في اوقات كتير في حياتي بس مكنتش بلاقيهم قبل نا سيف يسافر كنت ولا بضايق ولا بزعل لان هو كان مالي حياتي حرفيا. بس بعد ما سافر بقيت لوحدي.
مامي وبابي طيبين جدا وبابي احن اب فالدنيا بس الحنيه مش فلوس بس انا كنت محتاجه حنيتهم عليا معنويا اكتر من ماديا وفجأه دموعها نزلت… لف يوسف ايده علي كتفها وايده التانيه مسك ايدها اما سيلا وسما وروكا حسو بحزن ريم وابتدو يعيطو علي دموعها في صمت
انا في مره خدت برد.. وحرارتي وصلت 40وكنت تقريبا مش دريانه باي حد وابتديت اخرف..وفضلت كده حوالي 3ايام محدش فيهم اصلا لاحظ وجودي فالبيت محدش خبط عالباب يشوفني موجوده او لا نايمه ولا صاحيه هاكل ولا لا.. محدش حس بيا.. فالفتره دي روكا كانت مشغوله جدا بشغلها كان عندها اول عرض تعمله وكان معاده قرب وسما كانت مسافره مع اهلها سيلا اللي كانت مش مشغوله وفضلت تتصل عليا مكنتش برد عالموبايل لاني مكنتش دريانه اصلا فا قلقت عليا وجاتلي البيت..بابي مكنش موجود. و.مامي ساعتها كانت نازله.. يادوب سلمت عليها من عالباب.. وعرفتها اني في اوضتي..
دخلت سيلا عليا.. كانت فكراني نايمه….
فلاش.. باك..
سيلا…انتي يابنتي.. اصحييي ايه انتي من اهل الكهف ولا ايه.. ولا موبايل بتردي ولا بشوفك وفالاخر الاقيكي نايمه اصحي يامدهوله انتي…وفجأه سيلا.. ريم.. ريم.. انتي كويسه. ريم.. انتي فيكي ايه…
باك…انا كنت سمعاها تقريبا. بس مكنتش قادره ارد..
اتصلت سيلا بروكا.وابتسمت من وسط دموعها. عشان مكنتش عارفه تتصرف.كالعاده خايبه طول عمرها. روكا سابت شغلها وجات جابتلي الدكتور بسرعه..
والحمد الله عدت. علي خير وبقيت كويسه.ورجعت دموعها نزلت تاني و. من بعدها انا تقريبا مليش غيرهم هما كل حياتي بجد.. انا ديما معاهم مش عشان هما اهم حاجه في حياتي وبس.. بس يمكن عشان سبب هما اول مره يعرفوه .. عشان انا خايفه اموت ومحدش يحس بيا..
فاللحظه دي.. يوسف قرب راسها لصدره.. وفضلت ريم تعيط والبنات يعيطو عليها وطبعا الشباب متأثريين بسببها ناهد قامت من مكانها.وراحت اعدت جمبها..
شدتها من حضن يوسف..
اوعي ياواد.. انت استحليتها ولا ايه…
ناهد… خدتها في حضنها…بس يا حبيبتي اهدي..
بصي بقي هقولك كلمتين.. اولا يمكن باباكي ومامتك غلطانين..بس ممكن لو سمعوكي هيتأثرو ويعرفو ان اللي عملوه ده غلط ولو اني شايفه انهم مش قاصدينه لانك بتقولي انهم طيبين.. بس يمكن ضغوط الحياه والعيشه هما السبب… الوقت كل اب وام عايزين يسابقو الزمن عشان يوفرو لولادهم عيشه طيبه..يوفرولهم تعليم كويس يأمنو مستقبلهم هما حبهم ليكي من وجهه نظرهم انهم يوفرولك كل طلباتك هو غلط طبعا المفروض احاول اعدل بين الحب المادي والحب المعنوي مينفعش ازود ميزاني في حاجه والميزان التاني يختل.. بس صدقيني لما تبقي ام يمكن تخسي انهم فعلا مكنوش قاصدين… وطبعا ربنا مش بيدي كل حاجه وزي ما شوفتي الجاني الوحش لازم تشوفي الحلو انتي ربنا مديكي اصحاب زي الفل بنات جدعه وبميت راجل صخاب حلوه بجد…
ريم.. فعلا هما كل حاجه ليا
ناهد… ياسلام طب واحنا فين من كل ده..
انا عيزاكي تعتبريني زي مامتك ياريم واي وقت تحبي تتكلمي تحكي تاخدي رأيي في اي موضوع.. انا معاكي…
يوسف بمرح.. منصحكيش..
ضحكت ريم من وسط دموعها..
ناهد.. بس ياواد.. طب ده هو نفسه بيجي يصدعني وياعد يحكيلي لما يكون مخنوق تنكر..
يوسف.. مقدرش يانوني..
ريم.. بصي والله بجد حقيقي البنات هما اللي مخليين حياتي ليها معني بس والله والله مش عشان انتو موجودين.. انا من يوم ماعرفتكم وانا بقيت مبسوطه اكتر بفرح لما نتجمع هنا بفرح لما نخرج واشوفهم بفرح لما بنتقابل…
بجد الشباب كمان عوضوني عن وجود سيف.
مهاب. ..طيب اوي ويمكن اكتر حد بحسه هادي فيهم.
يوسف.. مجنون كده وبيضحكني وبيعرف يخرجني من اي مود وحش..
عامر.. بحسه كده راسي ورايق ومش شايل للدنيا هم…
بدر… بحسه اخويا الكبير بجد جدع وراجل اه هو اللي يشوفه وهو متعصب يخاف منه وبجد كنت بقلق منه ويمكن هو الوحيد اللي مكنتش بحب اهزر معاه اخاف يقلب بس بصراحه لما عرفته اكتر حسيته طيب وجدع ومحترم.. وراجل بجد ..
عامر.. نعم كل ده لبدر. واحنا كل واحد كلمتين..
بدر.. الناس مقامات يا ابني…
ريم. بضحك.. والله كلكم حبايبي وبحبكم جدا وخصوصا نوني بجد جميله ومريحه وطيبه وفيها حنيه مشوفتهاش في حد.. ربنا يديمكم في حياتي..
ناهد.. مش عايزه اشوف دموعك تاني..احنا كلنا معاكي..وحاولي تتكلمي مع مامتك وبباكي..
ريم.. بضحك .. لمايرجعو بقي هما زمانهم فالمطار اصلهم مسافرين لندن عشان يشوفو سيف وياعدو هناك شويه..
ضحكمو الكل عليها..
ناهد.. مش مهم لما يرجعو..
ريم ان شاء الله يانوني المهم انا اسفه عشان كأبتكم وزعلتكم وعيطكم…
ناهد.. لا ياحبيبتي المهم انك تخرجي اللي جواكي عشان ترتاحي..
يلا اللي بعدها…
سما.. انا هحكي عشان معنديش تفاصيل اصلا.
ناهد. قولي…
انا بقي عندي 22سنه.. متخرجه من كليه فنون جميله بحب الرسم جدااا عندي جاليري صغير جدا بعرض في اللوحات بتاعتي وشويه تحف كده.. مش عملاه عشان فلوس وشغل اد ماهو هوايه..
عايشه مع بابي وبابي واختي الصغيره…
بابي… اسمه ابراهيم.
مامي.. فريده.
اختي الصغيره عندها 17سنه اسمها أسيل.
عيلتي هما كل حياتي يمكن اكون عكس ريم.. انا مشكلتي اني مرتبطه بيهم زياده عن اللزوم ديما خايفه ان اسيبهم او يبعدو عني ديما شايله همهم من غير اي سبب مش عايزه اخرج واسيبهم مش عايزه اكون مقصره مع حد فيهم. مامي بتصعب عليا لو سبتها وخرجت مع انها مش عيزاني اعمل كده ديما اقولي شوفي حياتك واتبسطي..
روكا.. فعلا.. سما تحسوها.. ام في نفسها كده شايله هم الكل .
ناهد.. بس دي مش حاجه وحشه علي فكره..دي حنيه زايده .والمهم انكم بتعمليها مع اهلك..
سما.. انا عارفه بس مامي وبابي اللي بيضايقو بيقولةلي بتشيلي نفسك الهم..
بس. وطبعا مفيش في حياتي اي حد غير التلاته دول وبقيتو انتو مأخرا وبجد انت. فرقتو في حياتنا كلنا ..
ناهد.. وانتو كمان والله.
سما.. انا خلصت معيطكوش اهو..
مهاب.. طيبه وحنينه.
سما.. رخم
ناهد…يلا اللي بعدها..
روكا.. يلا ياسيلا..
سيلا.. لا مش بعرف. يلا انتي..
ناهد..مفيش حاجه اسمها مش هعرف كله هيحكي حتي انا والعيال دي..
روكا.. طيب خلاص ابتدو انتو كمان معانا..
عامر.. لا انتو الاول …
روكا… طب تصدق ان مفيش حد هيبدأ قبلك..
عامر.. ماهما عارفين كل حاجه عني.
روكا.. ياسلام ماحنا مش عارفين وبعدين طب ماحنا نعرف كل حاجه عن بعض.. ومع ذلك حكينا عشانكم..
عامر.. طب خلاص براحه. ياساتر…
روكا.. اخلص…
عامر.. حاضر.. معاكم عامر الالفي 30سنه داخل عال31
عندي شركه مقاولات.. ..
ليا اخت واحده اسمها نسرين متجوزه وعايشه في امريكا عندها ولدين توأم زياد ويزيد. الفرق بيني وبينها 10سنين. تقريبا كده امي مكنتش عايزه تجيب غير اختي بس بس الحاج كان بيتشاقي كتير وانا جيت غلطه.. ضحكو الكل عليه..امي وابويا عايشين في بيت عيله ابويا عمامي وعماتي انا بقي بعد ما اشتغلت وكبرت قررت اعد لوحدي بس هما طيبين جدا ملهمش في اي حاجه نفسهم ومني عينهم يفرحو بيا..
ريم.. نجبلك عروسه ومفرحهم.
عامر.. لا خلاص انا لقيت العروسه . وغمز لروكا..
بدر… ماتتلم باد اريال احنا ولا ايه.
عامر.. الله مانا بقول لقيت العروسه وانا بشقطها..
بدر… لا يبقي هفكر.
عامر.. وانت مال امك. لاموأخذه يانوني..
ناهد.. انت ياواد فعلا جيت غلطه..
بدر.. انتي اللي دلعتيه.
ناهد.. عندك حق تربيه زباله..
عامر.. المهم.. سيبك منهم ده انا عريس لقطه..
روكا.. بدلع.. انت مصيبه..
عامر.. والله احلي مصيبه…
انا خلصت ومفيش عندي حاجه تاني..المهم والنبي اقنعو العروسه..
ناهد…والله ده يبقي غلطه.. عمرها..
عامر… والله انتي ظلماني طب حتي اسأليها كده هتقولك انها موافقه..
ناهد.. بخبث مش لما تيجي..
روكا.. حاولت تغير الموضوع.. يلا بقي اللي بعده..
يوسف.. انااا..هقول…. معاكم خدامكم يوسف العمروسي 30سنه.. عندي شركه برمجه. لقبي مع صحابي فالهزار چو وفالشغل عبقرينو بحب شغل الكمبيوتر جدا.والبرمجه مبحبش حاجه تقف ادامي.. طول عرض عيون عسلي.. دمي خفيف..
قاطعه بدر.. نعم بروح امك انت كده بتعنل اعلان جواز..
يوسف . وانا في حد يملي عيني غيرك ياقلبي..
بدر.. طب اتلم عشان في بنات بدال ما اقول اقسمك نصين..
ضحكو كلهم علي يوسف وبدر…
يوسف.. قاسي اوي…المهم. انا عايش.. مع امي وابويا.. وليا اخت زي عامر.. وهي كمان متجوزه ومسافره مع جوزها..عندها بنوته صغيره وبس مفيش اي جديد..
مهاب.. انا بقي.. مهاب العربي 30سنه هو تقريبا كلنا نفس السن.. عايش مع ابويا امي متوفيه من خمس سنين. ليا اخ. اكبر مني ب3سنين متجوز بنت عمي وبيشتغل برا هو كمان هو تقريبا كده الكل هربان من البلد..وبس انا وابويا بس اللي عايشين مع بعض..شغال مع بدر . في نفس التيم..ظابط فالحمايه المدنيه.. وبس..شكرا. اه صحيح نسيت اقول يعني ان عيني رمادي.. 🤣🤣🤣🤣
بدر.. بهت عليك ياعاقل..
روكا.. يلا يابدر.. قول..
بدر. ما انتو تقريبا عارفين كل حاجه..
سيلا.. لا مش كله..قول يلا..
بدر.. مانتي اعده ساكته من الصبح اول ماتفوقي هتفوقي عليا ..
سيلا.. لو كان عاجبك..
بدر.. ماشي ياستي..
انا مليش حاجه احكيها عموما.. غير اني قربت علي 31خلاص.. مليش اخوات..كان ليا اخ واتوفي من زمان كان صغير حوالي 8سنين كنت انا اكبر منه بسنه.. ومن بعدها بقيت لوحدي ابويا كمان اتوفي مبقاش في غيري انا ونوني هي كل حياتي… طبعا كلكم عارفين اني بشتغل ظابط فالحمايه المدنيه فالداخليه..اهل ابويا وامي موجودين بس كل واحد فيهم بعيد عن التاني يعني يشوفو بعض فالمناسبات مليش غير نوني وصحابي وبقيتو انتو كمان.. وبس
روكا…ايه الخم بتاعكم كلكم ده خلاص بقيتو ملايكه مفيش في حياتكم اي حاجه كده ولا كده…
يوسف.. بنات يعني ييووووه متعديش .
ريم. رافعه حواجبها 🤨
يوسف.. بس كان زمان بقي هدينا خلاص..
مهاب.. ده في عالم خوافه بجد..
يوسف.. اصل بيقولك من خاف سلم🤣🤣🤣🤣
بدر… مش كده يعني ياروكا.. بس ملها حجات عبيطه مفيش حاجه جد… خصوصا ان اعلبنا الفتره اللي فاتو مركز في شغله بجد..
ناهد… يلا سيلا…احكي
سيلا.. لا احكي ايه.مش بعرف..
ناهد.. ما كلهم حكو يلا بقي.
سيلا.. نوني بليز مش هعرف مش عندي حاجه تتحكي.
بد.ر.. يلا ياسيلا.. قولي..
سيلا.. بدر.. مش بعرف بجد.
بدر… لا بتعرفي يلا بقي..
سيلا…طيب مبدأيا كده اللي هيضحك هزعله.
بدر.. لا محدش يقدر. يضحك..
ناهد.. خليني اشوف سنان حد فيهم وشوفي هعمل فيه ايه..
يوسف.. لا ثواني طيب . يعني ازاي مضحكش بعد جملتها دي..🤣🤣🤣🤣
سيلا.. لبدر.. اهو شايف من اولها بيضحك..
يوسف.. ماكنتي اتكلمتي علي طول انا كلمه متضحكش دي لوحدها بتضحكني.🤣🤣🤣
سيلل.. عشان رخم..
يوسف.. لا خلاص بصي انا سكت اهو..🙊🙊🙄
سيلا… انا عندي21سنه..
اتخرجت من كليه اعلام بشتغل صحفيه..
بابي.. اتوفي من زمان… كنت عايشه في انجلترا كانت مامي بتسافر لبابي ديما كنا بنروح نقضي معاه وقت ونرجع. وانا عندي 10سنين مامي قررت انها تستقر…مع بابي وننزل مصر زيارات وعملت كده فعلا.وبابي اتوفي وقررت مامي تاعد عشان تقريبا احنا ملناش حظ هنا قرايبها وقرايبه كل واحد في دنيته كل واحد مهتم بنفسه واولاده فقالت هننزل لمين.وفعلا عملت كده طبعا احنا صحاب كلنا من الطفوله.. يعني نعرف بعض من واخنا صفيرين كنت ديما املمهم عالنت وكنت بضيع وقتي بالطريقه دي.لخد ما خلصت ثانوي.. بعدها كل حاجه اتغيرت وبعد ماكنت معتمده علي مامي في كل حاجه..اتحملت المسؤوليه لوحدي . مامي تعبت جالها كانسر فالمخ.. واتوفت قبل ماتتوفي بيومين كانت تعبانه جدا واليوم اللي قبل وفاتها كانت حالتها ساءت اوي.. وابتدي صوتها يتخنق بالعياط.. ودموعها تنزل…
انا معرفتش اعمل حاجه لمامي.. او كنت حاسه انها هتموت.. فا محبتش اني ابهدلها.. اكتفيت بس بأني اعد معاها.. ويوم وفاتها… كانت بتحاول تتحامل علي نفسها.. وفجأه وقعت في وسط الاوضه.. جريت عليها.. قومتها خدتها في حضني.. كانت بتطلع فالروح وبتعمل صوت اول مره اسمعه.. كنت واثقه انها خلاص هتموت مقدرتش انقذها. اصل احنا مكناش نعرف حد.. او مش مختلطين بحد والناس بره غيرنا احنا هنا.. وانا عمري ماتحطيت فالظروف اللي توجع دي عشان اعرف اتصرف.. فضلت وخدتها في حضني ومش عايزه اسيبها.. نظره عينها عمري ماهنساها… كان كلها خوف.مامي كانت عارفه اني بخاف او عدم الاستقرار والسفر والتنقل من مكان لمكان خلوني بقيت مش قادره اتأقلم بقيت اخاف مامي وقتها. مكنتش قادره تتكلم….بس قبل ماتموت بثواني قالتلي ارجعي ياسيلا…بعدها. راحت مني… البيت كان ليه ريحه مش قادره انساها ريحه الموت.. الموت ليه ريحه.. واحساسه وحش بجدد. بعدها معرفتش اتصرف فضلت اعده كتير بيها عالارض معرفش عدي ساعات اد ايه بس مكنت عارفه المفروض اعمل ابه…وبعدها.. البنات عرفو وفضلو معايا عالتليفون.. ومامت سما مسابتنيش وقالتلي ازاي ابدأ.. وفعلا خلصت كل حاجه.. مكنتش بعرف اعمل حاجه في حياتي من غير مامي ويوم ما وقفت عشان اعمل حاجه وقفت عليها وهي بتتغسل.. كان الوقت بيمر كأنه سنين .. كنت حاسه اني في كابوس كنت بدعي اني اصحي من النوم ويطلع حلم.. بس طلع حقيقه وماتت مامي.. ورجعت انا علي مصر. عشان اعيش مع نناه. كنت بحبها جدا.. وللاسف ملحقتش الاقي حد يسدني كتير وكأن ربنا عايز يخليني اعتمد علي نفسي اكتر.. و اتوفت نناه هي كمان وبردو معرفتش اتصرف بس المرادي كنت في وسط صحابي وهما عملو كل حاجه… ومن بعدها بقيت لوحدي… انا مش معترضه بجد وحقيقي صحابي معايا. وواقفين ديما جمبي وساندني . بس بردو حاسه ان في حاجه نقصاني..انا ديما خايفه مهزوزه بخاف من حجات كتير بتوترني.. الصوت العالي.. الضلمه..الوحده.. انا جت عليا اوقات كنت بخلي كل يوم واحده من البنات تفضل تكلمني لحد مانام وبعد كده تقفل…ديما اخساس الموت مسيطر عليا ..انا حسيت بوجع ريم عشان انا موجوعه نفس الوجع ده.. بس انا بقي معنديش اهل خالص.. يعني كده او كده هموت لوحدي ومحدش هيحس بيا غير لنا اغيب شويه او مردش عالتليفون.. انا بس نفسي في حاجه ديما ادعي ربنا بيها ان لما اموت اكون مع صحابي.. عشان يعرفو اني مت ميسبونيش لحظه موتي اكون لوحدي…..
صحابها.. كانو مفحومين من العياط.. ونوني كانت بتعيط..جامد
الشباب باين عليهم التأثر جامد.
بدر.. نفسه ياخدها في حضنه ومش عارف..بس للحظه واحده مقدرش يسيطر علي نفسه..
لفه ايده علي راسها وقرب دماغها من صدره..فضلت سيلا تعيط من غير صوت…
ناهد… لا بقولكم ايه.. انا لما طلبت منكم تتكلمو كنت عايزه نعرف بعض ونحكي في اي حاجه مكنتش اعرف ان كل حد فيكم شايل كده جواه…
ناهد..سيلا.. حبيبتي اهدي… وراحت عليها.. خدتها في حضنها…مامتك ارتاحت صدقيني المرض ده لعنه عاللي بيتصاب بيه.. وكونك بقي انك مش عارفه تتصرفي.. ده مش غباء بس في ناس الصدمه بتخليهم مش قادرين يتحركو حتي..وفي ناس الموقف بيكون جديد عليهم بس اقولك حاجه مع الوقت بتكوني اقوي يمكن ربنا ليه حكمه في كده.. صح ولا ايه..
سيلا.. هزت دماغها براحه…
ناهد.. وبعدين ياستي لو ينفع تعتبرين زي مامي اكون مبسوطه جدا خصوصا ان كان نفسي في بنات وللاسف مجبتش..
سيلا.. طبعا يانوني..
يوسف… بقول ايه.. ده كان يوم اسود ياروكا لما احتفلنا بيكي وكان يوم مهبب لما اترقيت وكان مطلعلوش شمس لما جينا نحتفل بيكو..
ريم.. بضحك… كأبناكم صح..
يوسف.. كأبتونا ايه بس.. ده انا ثواني وهقوم اقطع شراييني ياشيخه…
ضحك الكل عليه..
يوسف… انا عايز اشرب عصير.. حرقتو دمي…
بدر…قوم هات انت بقي.. واعملي قهوه..
يوسف.. يعني يتحرق دمي وانا اللي اقوم…
بدر.. اه..
ناهد.. استني نسمع روكا.. وبعد كده نقوم نجيب حاجه.نشربها وناكلها
يوسف.. نسمع روكا اه قصدك وبعد كده نروح نجيب سكاكين ومقطع شرايينا.
روكا… يعني هي جت عليا ياچو.
يوسف.. ياستي بلا چو بلا نيله كان سؤال اسود يانوني والله..
كلهم فاصلين من الضحك وهو بيتكلم وهو متعصب..
عامر.. بضحك طب انت مضايق ليه الوقت..
يوسف.. ياعم انا حسيت ان ثواني وهق م اموت. نفسي..
سيلا.. وسط دموعها.. خلاص انا سكت وبعدين انا قولت مش هعرف من الاول.
يوسف.. امال لو كنتي هتعرفي تحكي كنتي عملتي ايه..
سيلا.. طب خلاص انا سكت…
يوسف.. لروكا…. هتحكي حاجه زيهم.. ولا ايه ظروفك..
روكا.. لا مش زيهم🤣🤣🤣🤣انا واحده مرحه.
يوسف.. اهو ده الكلام.. بس كلاق تلاته وسط الكلام الاقي ابويا انتحر وامي هربت وعيلتي القطر فرمهم.. هقوم اجيب رقبتك…
روكا.. بضحك.. لا صدقني مفيش🤣🤣🤣🤣
يوسف.. طيب احكي وادي اعده .
روكا..بص ياسيدي.. انا اكبر واحده فالعيال دي بس علي فكره انا اصغر منهم شكلا🙄
عامر.. حصل ياباشا….
روما… انا عندي 25سنه… اسمي روقيه النجار بس انا مش بحب الاسم ده خالص عشان كده مفيش حد في حياتي بيناديني باسم غير روكا..
بحب.. اللبس والموضه كده وده اللي خلاني اعمل الشركه بتاعتي..اهلي من اسكندريه…..
يوسف.. مقاطعها.. ايه ده الله اسكندرانيه.. قولي ايووووه كده…
روكا.. فضلت تضحك..
عامر… ولا ملكش دعوه بيهت..
يوسف.. طب تقول ايوووه بس..
عامر.. ماتظبط ياد..
روكا… نوني هاتي العصايه..
ناهد.. شكلي كده هجبها.
يوسف.. خلاص سكت اهو🙊🙊🙊🙊 طب بتقولو احيه🤔🤔🤔
ناهد . لا انا اجيب العصايه
يوسف.. خلاص والله🙊🙊🙊🙊🙊😒😒
ريم. وسما وسيلا وروكا.. مش قادريتدن يسكتو..
مهاب.. تافهه..
بدر… لمهاب.. هو فاضله تكه وهقوم اظبطه..
يوسف.. ياعم مش بستفسر..😏
روكا.. المهم…انا استقليت بحياتي.. وسيبتهم..
ناهد.. وليه معملتيش شغلك ده في اسكندريه..
روكا.. ابتدت تتوتر.. وبصت لسيلا.. وكأنها بتسألها بعنيها اعمل ايه..
روكا.. انا فعلا كنت بشتغل هناك بس. سيبت الشغل وجيت القاهره…..
ناهد.. طب واهلك..
روكا.. هما شبه مقاطعني.او بمعني اصح.. بيعاقبوني علي غلطه.. حصلت.. هما بيكلموني كل فتره كبيره وانا بكلمهم عشان بيوحشوني.. بس انا حاسه ان الموقف ده مش هينسهولي. ابدا..والدليل معاملتهم. معايا.. انا يمكن ابان جامده ومش فارقلي بس والله العظيم انا محتجاهم.اوي.. انا فشغلي بواجهه ناس كتير ورجاله مش تمام لازم طول الوقت اكون لابسه الوش ده عشان محدش يقربلي. بس الست الجامده والقويه والجريئه واللي مبتخفش من حد ديما بتبقي شايله كتير وشايله حمل وهي من جواها اصلا محتاجه سند.. محتاجه حد تحكيله محتاجه تحس ان مش كل حاجه فوق كتافها .انت. فاهمني..
يوسف.. طيب بدون دخول في تفاصيل.. يعني عايزه تجاوبي اوك مش عايزه براحتك طبعا..
روكا.. قول. ياچو
يوسف… يعني اسف بس ولله فضول مش اكتر.. ايه الغلطه اللي اهلك يقاطعوكي عشانها..
فاللحظه دي سيلا اتوترت جدا ويمكن اكتر من روكا.. وفضلو البنات يبصو ابعض..شويه..
اما روكا.. فاخدت نفس كبير.. واعدت بكل ثبات .
روكا… انا كنت بحب واحد جدا تقدر تقول بحبه من اعدادي مثلا يعني حب طفوله كان هو كل حاجه في حياتي بمعني الكلمه.. اهله ناس.. مرتاحيين ماديا جدا اتفدملي كذا مره واهلي كانو رافضيين رفض تام.. كان بيجي لوحدو لحد ما يقدر يقنعهم عشان يعرف يجيب اهله ماهو مينفعش يجي ويترفض ومعاه اهله.ساعتها حتي لو اهلي بعد كده وافقو اكيداهلو مش هيرضو..
طبعا انا وقتها حسيت انهم بيقفو ادام سعادتي
ومش عايزني اخون مبسوطه..واني ارتبط بالبني ادم اللي بحبه… اتحبست.فالبيت.. واضربت وحصل فيا بلاوي بس كنت مصممه عاللي في دماغي .
يوسف.. طب هما كانو رافضيين ليه.
روكا.. هما كانو رافضيين لانهم بيقولو انه وحش ومش كويس وبص هو انا مع الوقت. اتأكدت انهم كانو صح.. بس للاسف بعد فوات الاوان…
عامر وكان ملامحه اتغيرت من اول ما ابتدت تحكي والتزم السكوت واكتفي بالسجاير وهز رجله… بس وقف عند جملتها.. بعد فولت الاوان يعني ايه…
بصتله.. روكا.. وهي حاسه بضربات قلبها.. هتطلع…
بدر.. حس ان عامر.. اتغير لمجرد.. ذكرها انها كانت بتحب.
روكا.. انا سبت اهلي ومشيت معاه…
عامر… نعم.. ازاي.. يعني ايه…
يوسف.. براحه.. انا قولت هو يوم اسود ..
روكا.. مازن قالي ان الحل الوحيد اني اسيب البيت .. ونحطهم ادام الامر الواقع ونتجوز… وإلا مش هنعرف نكون مع بعض.. ايامها انا كان عندي 18سنه..يعني كنت عيله كنت فاكره ان هو حب عمري وان هو كل حاجه في حياتي.كان هو اول حد يدخل حياتي… فعلا عملت زي ما قاللي. واتجوزنا.وبعدها اهلي قاطعوني.. مقدرتش اعد في اسكندريه اكتر من كده فقررت اني اجي القاهره. ..وكان معايا مبلغ.. صغير ابتديت بيه..الشركه. بتاعتي ومع الوقت كبرت .. اعدت معاه سنه ونص.. كنت فاكره ان دي احلي ايام حياتي..كبرت الشركه.. ومع الوقت ابتديت احس انه متغير.. كان بيقول ضغط فالشغل بتاعه.. وفمره. كنت مسافره اجيب خامات وشغل من بره.. وكنت قيلاله اني هرجع في معاد وعنلتهاله مفجأه وجيت في معاد تاني…
دخلت الڤيلا. كانت هاديه.. قولت يمكن نايم.. طلعت فوق وبفتح الباب. شوفت منظر عمري ما هنساه…وللاسف كان سكرتيرتي..وبعدها اطلقت منه وسبتله البيت ولما اهلي عرفو معلقوش غير بكلمه واحده ده اختيارك … بس بابي طيب اوي ..اشترالي الڤيلا اللي انا فيها.. ولما سألته ليه جبتهالي وانت مقاطعني قاللي كلمه عمري مهنساها.. انا اقاطعك اه بس مرمكيش فالشارع… انتي اختارتي.. ودي نتيجه اختيارك ولازم تكمليها لوحدك للاخر…
وفعلا من يومها وانا مكمله لوحدي… اه بيكلموني وبكلمهم بس في جزء اتكسر ..بس هي دي حكايتي.
مهاب… انا اول مره اعرف انك كنتي متجوزه.
يوسف.. وانا كمان.. اصلا مش باين عليكي…
بدر.. عينه علي عامر.. اللي وشه اتحول.. وساكت وبيشرب سجلير ورا بعض.. ورجله مبطلتش هز…
روكا.. بتبص عليه بطرف عينها..
ناهد… بصي يا روكا.. حقيقي انتي غلطتي من الاول..
روكا.. عارفه.. بس انا حبيت بجد.ووثقت
ناهد…. مهما كان ياروكا… الحب حاجه حلوه بس مينفعش تلغي اهلك عارفه لو الراجل بيموت فيكي.. وسبتي اهلك عشانه فالاول بيبقي مبسوط ويقول انه‍ا بدتني عن الكل واهلها اولهم . بس مع اول موقف الحياه بتحطكم فيه.. صدقيني.. الراجل.. بيبان علي حقيقته.. ومش بعيد يعايرك انك بعتي اهلك… صدقيني الاهل بيبقي ليهم نظره مختلفه عن نظره اللي بيحب.. اه بتبقي مرايه الحب عاميه وسكينه الحب سرقاكي… ومش شايفه غير حبك ليه.. ومش بعيد تحسي ان اهلك بيكرهوكي. ومش بيحبولك الخير..
روكا.. فعلا فالوقت ده كان ده احساسي..
ناهد… الاهل ليهم نظره تانيه ياروكا..
وعشان كده.. لازم لازم تراضيهم..
روكا… حاولت كتير تقريبا خمس سنين من ساعت ما اطلقت وانا بحاول وهما مش موافقين..
ناهد.. انتي غلطتي ولازم تتحملي نتيجه غلطك.. افضلي حاولي لحد ما يرضو عنك.
بدر…. بيحاول.. يغير الموضوع….
خلاص بقي الفقره الحزينه دي الحمد لله يلا يا يوسف قوم هات حاجه نشربها واعملي قهوه…
يوسف.. انت مبتنساش…
الشباب.. عارفين ان عامر… اتغير فا بيحاولو يلطفو الجو.. والبنات .. حاسسين بروكا… اللي هي كمان سرحت… واتوترت بسبب سكوت عامر….
فضلو اعدين شويه كمان مع بعض…
بدر.. لعامر.. ايه ياعم… فينك .
عامر.. مفيش معاكم .بس مصدع شويه…
بدر.. اجبلك مسكن..
عامر.. لا لا لما اروح..
سما… مايلا بقي الوقت اتأخر..
روكا… يلا انا كمان مصدعه ومحتاجه ارتاح…
مهاب.. طيب يلا.
ريم.. هروح اعد لوحدي. 😒
يوسف.. بس يبقي اعد معاكي..
ريم.. اتلم…
يوسف. انا غلطان..الحق عليا.عشان متهافيش..
ريم.. لا يا خويا مبخفش..
يوسف.. طب يلا ياعم الجامد..
قامو البنات وسلمو علي نوني….والشباب كمان…. بعد ما الكل سبقو..عالعربيات معادا بدر اللي كان واقف مع عامر وناهد..
ناهد ..مالك ياعامر.
عامر.. ابدا يانوني سلامتك..صداع بس.
ناهد.. عليا ياواد. ده انا اللي مربياك…
بد.ر.. سبيه الوقت يا نوني..
ناهد.. لا مش هسيبه كده..
عامر.. صدقيني مفيش حاجه بس محتاج اروح الوقت
ناهد.. ماشي هسيبك بس هتيجي تحكيلي وعشان اسهلها عليك.. انا عارفه مالك..
عامر.. ماشي يانوني..سلام.
ناهد.. سلام…
مشي بدر. وعامر..
بدر… نهدي كده وبراحه وبلاش تتعصب خليك هادي…
ولو مش هتقدر. تتحكم في نفسك الوقت انحجج باي شغل وانا اوصلها مع سيلا..
عامر.. لا انا تمام بابدر…
بدر.. عامر..
عامر.. تمام والله صدقني…
بدر.. ماشي ياصاحبي.. وصلو عند البنات..
بدر.. يلا
عامر.. راح علي طول ركب عربيته…
روكا.. سلمت عالبنات.. والشباب.. يلا باي..
سيلا.. باي..
ركبت روكا… واول ما قفلت الباب.. داس عامر بنزين… عمل صوت.. جامد فالارض…
سيلا.. انا مش مطمنه..
بدر..متقلقيش..
ريم.. هو في ايه. انا كمان مش مطمنه.
يوسف.. خير متقلقوش…يلا روحو وشويه ونطمن عليهم..
بدر.. يلا يامهاب وصل سما علي طول..
مهاب.. ماشي يلا سلام ياشباب..
الكل سلام وكله راح ركب عربيته وطار…..
طول الطريق عامر ساكت.. روكا بتحاول تكلمه مبيردش. بتحاول تخليه يهدي السواقه مش بيرد…واخيرا وصلو بيتها….✋✋✋✋