روايات سيلا والنمر الفصل السابع 7 بقلم منار مصطفى
روايات سيلا والنمر البارت السابع
روايات سيلا والنمر الجزء السابع
روايات سيلا والنمر الحلقة السابعة
في صباح يوم جديد. صحيو البنات… وفجأه…………….ريم ..يابنات اصحو.. سيلا مش موجوده..
روكا… هتكون فين تلاقيها صحيت قبلنا ونزلت تتمشي عالبحر….
ريم… انا بتصل بيها تليفونها مغلق..
قامت روكا…بقلق .. هي وسما…هتكون فين البت دي.. تكونش يابنات بدر كلمها عشان يصالخها علي رواقه.🤔🤔
ريم.. تفتكري….
قامت سما… ولمحت الدولاب مفتوح …يابنات…
روكا… ايه خضتيني…في ايه..
سما… سيلا هدومها مش هنا سيلا شكلها سافرت…
ريم وروكا … نعممم.
روكا.. انتي بتتكلمي جد وريني كده…
وقامت روكا وريم شافو الدولاب ولفو فالاوضه واتأكدو انها فعلا سافرت…..
روكا… البت دي مجنونه .
سما.. بتستعبط بجد لما هي مصممه وهتعمل اللي في دماغها ليه مقالتش .. استنت لما اقنعت مامي.. ما كنا نزلنا سوا..
روكا… تصدقي بجد البت دي فصلتني جدا..
ريم.. استنو اكلم الريسبشن …
واتصل ريم.. واتأكدت انها فعلا مشيت..
ريم… مشيت فعلا من ساعتين…
روكا… حضرت شنطتها ازاي وازاي مسمعنهاش وحجزت امته الطياره.
ريم… علي فكره سيلا مش عجباني حاسه كده بحاجه غريبه..
سما… حاجه ايه…
روكا… وانا كمان..
سما… لا قولو في ايه
ريم… انا حاسه انها معجبه ببدر.. وحاسه انها اضايقت بسبب تعامله معاها..
سما… بجد.
روكا.. يابت انتي هتفضلي غبيه لحد امته دي واضحه زي الشمس..
سما… معرفش بقي انا مش باخد بالي من الحجات دي..
ريم… يابنتي حجات ايه.. ده حب ياماما حب.. يعني بيبان كده فالعين والتصرفات والكلام بس هقول لمين..انتي فالحه غيير فالاكل والنوم وماما والبيت..
روكا… بضحك… بس يابت انتي ضحكتيني وانا مليش نفس..
سما… بصو هو صحيح زودها معاها بس هو عنده حق..
روكا… هو اه عنده حق بس كان اوڤر بقي وحرجها ادامنا.
ريم… اه حسيت..بس بصي لما تربطي كل الاحداث ببعض وبما انه هو ظابط.. اكيد حس انها متسلطه عليه ماهو الصدفه استحاله تبقي بالمنظر ده كذا مره ورا بعض..
روكا… فعلا صدفه غريبه
ريم… تفتكري بدر والشباب عرفو..
روكا… يابنتي هيعرفو ازاي احنا طالعين عالساعه خمسه الصبح كلنا مع بعض واكيد طلعو نامو زينا… بنت اللذينه ولا بان عليها حاجه…
ريم… طب هنقولهم ولا لما ننزل..
روكا… خليها لما ننزل بقي..
ورن تليفون ريم…
ريم… الووو.
يوسف… صباح الفل.
ريم.. صباح النور ياچو.
يوسف.. ايه مش نازليين ولا ايه..
ريم… هنقوم اهو نظبط نفسنا وننزل..
يوسف… تمام..احنا كمان صحينا.. هنظبط نفسنا ونلبس ونستناكم بس والنبي بلاش سنه.
ريم… حاضر ربنا يهدي روكا بس علينا..
يوسف… لا قوليلها چو بيقولك فالسريع.
ريم.. بضحك حاضر..يلا باي.
يوسف… باي ياقمر…
روكا… مالك يابت ايه السهوكه دي..
ريم… مالك ياحجه مركزه معايا ليه وبعدين فين السهوكه دي..
روكا . عينك فضحاكي يا ختي مش لسه مديه محاضره للبت سما عن لغه العيون..
ريم.. طب بلاش انتي يامسهوكه.. ولا مبتشوفيش نفسك مع سي عامر😒😒
روكا… لا عامر ده حاجه تانيه ده مز كده وراسي وحلو كده في نفسه مأنكرتش انا هخاف..
ريم… ماشي يا اختي..
سما… اه فالحه يس ترخمي عليا.
ريم… بت انتي وهي انتو هتستلموني ولا ايه.. يلا انجزو عشان ننزل.
روكا… يلا يا اختي قومو…
وقامو البنات… ولبسو ظبطو نفسهم…ونزلو تحت قابلو الشباب…
مهاب… هي فين سيلا انتو مش هتستنوها..
عامر.. اه صح فين سيلا كل ده بتلبس…
بصو البنات لبعض….
بدر… في حاجه ولا ايه.. مش راضيه تنزل صح.
يوسف هي لسه زعلانه…
روكا… ايه استنو واحده واحده لا هو مش كده بس..
عامر.. في ايه مالك بتقطعي كده ليه..
روكا… اصل بصراحه صحينا مش لقيناها وهدومها مش موجوده.. وبنتصل بيها مغلق وعرفنا من الريسبشن انها سافرت..
بدر… باستفسار نعم سافرت…يعني اقصد انها امبارح قالت هتأعد وكانت تمام..
عامر… اه صح كانت بتضحك علينا المجنونه دي…
يوسف.. انت. مشوفتوهاش وهي ماشيه..
ريم.. ولا حسينا بيها اصلا غير لما صحينا.وملقينهاش..بس المشكله ان موبايلها مغلق مش عارفه ليه.
مهاب… انتو جايين بالعربيه بتاعتك صح.
روكا.. ايوه..
مهاب… يعني سافرت طيران واكيد الموبايل مغلق عشان كده..
روكا .. بس دي بتخاف اصلا من الطيران جدااا ورفضت اننا نيجي طيران عشان كده جينا بالعربيه
عامر.. لا بجد زعلت منها..
روكا.. وانا كمان لما ارجع هطين عيشتها…
يوسف.. طب ايه يلا..
الكل يلا.. اما بدر… فا مره واحده حس بخنقه وضيقه معرفش يفسر سببها كل الحكايه انه حس انه اضايق لما عرف انها سافرت..
راحو عالبحر… ورفض بدر ينزل وكان بيحاول يبان طبيعي بس هو من جواه كان في حاجه مخلياه مش مبسوط..فضل اعد يشرب في سجاير وقهوه..وكان خلاص قفل من السفريه وكان عايز يرجع بأي طريقه…
عدي اليوم من غير اي جديد… كلهم كانو مبسوطين وسهرو بليل مع بعض معادا بدر اللي اعتذر عن النزول بحجه انه مصدع ومحتاج ينام…وخلص اليوم علي كده وتاني يوم اتقابلو تحت..وفضلو مع بعض فالبحر طول الوقت وكل كابلز فيهم اتعلقو ببعض وكانو مبسوطين مع بعض..بعد ما طلعو من البحر واعدو.كلهم مع بعض..جه تليفون لفهد من صاحبت والدته ..
بدر. بقلق.. الووو اذيك ياطنط
روحيه.. اذيك يا بدر يا حبيبي عامل ايه..
بدر.. الحمد لله بخير.. خير في حاجه ياطنط.
روحيه.. لا ابدا يا حبيبي بس انا كنت مسافره بقالي حوالي عشر ايام ورجعت امبارح ولما جيت بحاول اكلم ناهد مش بترد .
بدر…😲😲😲😲نعممم هي مش معاكي..
روحيه ..بقلق.. معايا فين..
وحكالها بدر كل اللي حصل..
روحيه.. انا اسفه يابدر ولله ما اعرف لو اعرف مكنتش كلمتك هي اكيد كانت عيزاك تسافر وتتبسط وقالتلك كده عشان تسافر..
المهم انا هجرب تاني يمكن مش شايفه التليفون
بدر… لا نوني فيها حاجه هي متصلتش بيا امبارح خالص.. وانا للاسف اتشغلت بكذا حاجه عنها…ومكلمتهاش انا هرجع حالا علي مصر…بس من فضلك ياطنط ياريت لو ينفع تروحيلها بسرعه عالڤيلا وتطمنيني عشان اكيد لسه في وقت لحد ما اوصلها…
روحيه… طبعا اهروحلها انا عند الدكتور الوقت عندي معاد هخلص واطلع عليها ومتقلقش ان شاء الله خير هطمنك..
بدر…شكرا ياطنط سلام الوقت..
روحيه.. سلام…
عامر… بقلق.. نوني مالها يا بدر..
بدر… مش عارف بس اكيد فيها حاجه..انا لازم ارجع..
يوسف.. استني بس نكلمها الاول .
بدر… بقولك مبتردش علي صاحبتها وضحكت عليا قالت هتسافر معاها عشان انا اسافر… وطلعت صحبتها مسافره.. من عشر ايام… انا غبي غبي…
مهاب.. اهدي بس يا بدر خير …
بدر… اهدي ايه بس.. واتصل بشركه الطيران.
لو سمحت انا عايز احجز علي اول طياره راجعه القاهره..
الموظف. اقرب طياره كمان 3ساعات
بدر… مفيش اي طياره قبل كده.
الموظف للاسف لا يا فندم..اقرب طياره بعد 3 ساعات…
بدر… طب احجزلي تيكت باسم المقدم بدر الخياط
الموظف … تمام يا افندم… ممكن رقم الڤيزا..
بدر… تمام…. واداله بدر الرقم وظبط كل حاجه وقفل
بدر… انا هطلع الم شنطتي بسرعه واخلص مع الفندق لحد معاد السفر.. ومشي بدر بسرعه..
عامر.. استني يابدر
يوسف.. تعالو نروح وراه..
ريم.. طيب روحو انتو وطمنونا عشان بس ميضايقش..
يوسف.. يضايق ايه بلاش عبط تعالو يلا بس..
عامر.. يلا تعالو نشوفو..
وراح الكل ورا بدر عالجناح
روكا… هو في حاجه..مين نوني..
عامر… دي والدت بدر.. وضحكت علينا كلنا للاسف وقالت هتسافر مع صحبتها عشان بدر يوافق يطلع السفريه دي معانا..وطلعت مسافرتش..
روكا .. ربنا يستر…
وطلعو كلهم لقو بدر بيحضر
عامر…. بدر براحه لسه معاك وقت انا نازل معاك.
بدر… لا خليكو انتو وبعدين انت جي بعربيتك.
عامر.. مش مهم هوصل بعديك علي طول انت عارف هاخد الطريق بس عه.
بدر.. بلاش عبط طريق ايه اللي تاخده بسرعه ولما يحصلك حاجه انا هكون مبسوط..
عامر.. بردو هسافر انهرده خلاص السفريه باظت..
مهاب… عامر عنده حق.. لازم نسافر..
يوسف… انا هكلم الريسيبش وهعمل شيك اوت
بدر.. بالله عليك بلاش مناهدي انا مش ناقص متقطعوش اجازتكم انا هروح واطمنكم.
روكا… هما بيتكلمو صح يابدر لازم يكونو معاك اقولك احنا كمان هنرجع صحابك مش احسن مننا ولا احنا مش بقينا صحاب..
بدر.. طبعا ولله ياروكا.. بس عشان خاطري بلاش..
ريم.. لا روكا بتتكلم صح احنا كلنا هننزل خلاص..
سما… انت سافر يابدر واحنا هننزل وراك بالعربيات
بدر… بعد ما حط الحاجه فالشنطه ويوسف خلص كل اجراءات الفندق… واتصلت روكا هي كمان خلصت كل حاجه
بدر.. انا اسف بجد ياجماعه ليكم بوظتلكم الاجازه
روكا…بلاش عبط بقي وبعدين اهدي يابدر ان شاء الله هتبقي كويسه يمكن خرجت ونسيت تليفونها..
بدر… مبتردش علي صحبتها من امبارح.. وكمان انا مكلمتهاش.. وملاحظتش اصلا انها مكلمتنيش..
ريم… ولله هتبقي كويسه .طيب هي لوحدها معندكش اخوات او حد يطمنك عليها..
بدر… للاسف لا..
وفاللحظه دي اتصلت سيلا..علي روكا..
روكا… دي سيلا اخيرا فتحت تليفونها..
روكا… انتي فين ياجزمه ولله لما اشوفك هطين عيشتك.
سيلا بضحك… طب براحه بس قطر دخل عليا.
روكا.. قطر في عينك.. ولله كلنا زعلانين منك..وقافله موبايلك كل ده ليه
سيلا… حقكم عليا بس صدقيني كنت مخنوقه ومكنتش هرتاح غير لو عملت كده وبعدين كنت قفلاه وانا فالطياره ولما نزلت نسيت افتحه وجيت وظبط نفسي ولقيت تفسي نمت ولسه صاحيه.. قولت اكلمك عشان اخد نصيبي من التهزيق وحشني لسانك يامزه…
روكا.. ماشي ياسيلا لما اشوفك بس هيبقي ليا كلام تاني معاكي.وبعدين الطيران الوقت بقي خلو الخوف راح..عموما احنا نازليين بعد شويه..
سيلا…. ليه في ايه .يعني انا مشيت فالسر عشان متجوش معايا وتبوظو اجازتكم تقومو انتو تنزلو…
روكا… لا ولا كنا هنعبرك اصلا ياجزمه…بس هنززل عشان حصل………………؟….وحكيتلها روكا…
سيلا.. طب مفيش حد معاها..
روكا… للاسف لا…مفيش غير صحبتها قالت هتروح بس لسه عند الدكتور والمشكله انه لسه فاضل حوالي 3ساعات علي اول طياره
سيلا… طيب هاتي العنوان من بدر…
روكا… عنوان ايه…
سيلا.. روكا بلاش غباء عنوان بيته وانا هروحلها واطمنكم
روكا… براڤو عليكي يا بت ياسيلا…
عامر… في ايه..
روكا.. بدر.. عنوان بيتكم ايه..
بدر… ليه..
روكا… سيلا هتقوم بسرعه تروحلها..
مهاب… صح كده.
عامر… حلو اوي بجد.
بدر… كان عايز يوافق عشان يطمن بس كان مضايق من سيلا..بدر.. ملوش لزوم ياروكا اشكري سيلا…واكيد صاحبتها لما تروح هتطمني..
يوسف… نعم مش فاهمك انا
عامر.. لبدر مش وقته يابدر احنا عايزين نطمن علي نوني..
بدر.. بس…
روكا مبسش يابدر…
سيلا… روكا اديني بدر…
روكا.. بدر..
سيلا… اه اديهولي…
روكا… سيلا عايزه تكلمك يابدر…
خد بدر .. التليفون من روكا…
بدر… ايوه ياسيلا..
سيلا… خدت نفس عميييييييق اول ما سمعت صوته…
ممكن تديني العنوان من فضلك..
بدر… سيلا انا…قاطعته سيلا..
بدر من فضلك بلاش تضيع وقت عشان لو تعبانه لا قدر الله ده مش في مصلحتها.. ولو مش حابب ان انا بالذات اللي اطمنك لاني عارفه انك مضايق مني… معلش استحمل المرادي عشان خاطر مامتك… ولو في ايدك حاجه تقدمهالها متتأخرش يابدر .. لو امي ترجع تاني.. مش هأخر ثانيه واحده فأني انقذها حتي لو اللي هيساعدني اكتر شخص بكرهه في حياتي..
بدر…. اضايق لمجرد احساسها انه مش بيحبها او بيضايق منها ومش فاهمه ان تصرفاتها بس هي اللي ضايقته..
بدر.. مش كده خالص ياسيلا كفايه انك بس حابه تساعديني وتطمني علي امي..
سيلا… خلاص يبقي يلا هات العنوان متضيعش وقت من فضلك..عشان مترجعش تندم..
بدر… حاضر ياسيلا… واداها بدر العنوان.
سيلا… انت مش بعيد عني ..ان شاء الله نص ساعه واكون فالعنوان وهطمنك. ومتقلقش هطمنك وهعمل اي حاجه عشان اساعدها…
بدر… مش عارف اقولك ايه…
سيلا… ولا حاجه ويلا عشان متعطلنيش..
بدر . بابتسامه حاضر.. سلام.
سيلا.. سلام..قامت سيلا عشان تلبس وتروح بسرعه..
اعد بدر علي الكرسي وحط ايده الاتنين علي راسه
عامر اعد جمبه وطبطب علي ضهره..متقلقش ياصاحبي.. هتبقي كويسه..
يوسف ولله انا حاسس ان مفيش حاجه. .
مهاب.. خير يارب..
بدر… يارب..
عامر… قومو حضرو شنطكم يلا…
روكا… ياخبر نسيت حوار الشنط ده..
عامر… اطلعو حضرو شنطكم يلا عشان ميبقاش ورانا حاجه .
ريم… يلا نحضرها بسرعه ونغير هدومنا وننزل
يوسف .. خلصو وعرفونا ونخلي حد ياخد الشنط ننزل نحطها في العربيات عشان اول ما بدر يمشي نطير وراه…
ريم … تمام.. يلا يابنات.. نخلص بسرعه
طلعو البنات… تغيرو هدومهم وحطو حاجتهم في الشنط وتممو علي كل حاجتهم ..وخلصو بسرعه..واتصلو بيوسف..
ريم.. يوسف خلصتو…
يوسف.. اه تمام كله تمام..
ريم.. واحنا كمان..
يوسف.. اتصلي بحد يجي ياخد الشنط وانا هتصل انا كمان اوك.
ريم.. اوك
بدر…. يوسف…نزل شنطتي معاكم.. مش هاخدها انا مش عايز حاجه تعطلني.
يوسف.. تمام خليها معانا متخدش حاجه انت..
وبعد وقت بسيط … نزل يوسف وعامر ومهاب وروكا مع العاملين ظبطو شنطهم ورجعو تاني عالجناح عند بدر
بدر…الساعه 8ولسه فاضل حوالي ساعه ونص عالطياره الوقت مبيجريش.
عامر.. هيفوت ياصاحبي متقلقش.. وان شاء الله علي 11تكون فالقاهره…
بدر.. يارب.. سيلا متكلمتش فات ساعه وقالت نص ساعه وتوصل..
يوسف… بدر.. اهدي بلاش توتر ليك ولينا هي متعرفش البيت واول مره تروح طبيعي يعني تتأخر..
وفاللحظه دي اتصلت سيلا علي تليفون روكا…وكانت المكالمه فديو كول
روكا… دي سيلا..
بدر.. ردي بسرعه.
روكا.. ايوه ياسيلا فينك كل ده…
سيلا …اديني بدر..
روكا… خد يابدر عيزاك بدر قلبه كان واقع في رجله..
بدر… بصوت يوجع .ايوه ياسيلا. وقام وقف وكلهم كانو حواليه..
سيلا.. بدر انا وصلت وباب الجنينه كان مفتوح بس بخبط عالباب محدش بيرد..
بدر… يعني ايه.. سيلا الڤيلا منوره.
سيلا… ايوه فيه..
بدر.. طب ايه انا امي كده جرالها حاجه..
سيلا.. مممن تهدي وتبطل توترني من فضلك.. بص مفيش مكان اعرف ادخل منه باب خلفي او اي حاجه..
بدر… اه فيه باب المطبخ ورا…
سيلا… طب شوف كده امشي كده صح..
بدر.. اه تمام امشي علي اخر حرف الڤيلا وحودي وامشي شويه هتلاقي باب ده بتاع المطبخ
سيلا.. تمام.. كانت ماشيه سيلا بخوف. الڤيلا هاديه والمكان ساكت والجو في توتر…..
سيلا.. انا خايفه..اوي..
بدر.. امشي ياسيلا متخافيش.
سيلا… حاضر
وصلت عند الباب.. حاولت تفتحه كان مقفول
سيلا… ده مقفول من جوه..وبعدين الازاز مش مبين حاجه
بدر.. اعد يمشي ايده علي شعره .
شايف سيلا بتتلفت شمال ويمين..بتدور علي حاجه..
عامر.. في حاجه ياسيلا..
سيلا.. لا بس بدور علي حاجه افتح بيها..
سيلا لحظه خليكو معايا…
فضلت سيلا تحاول تفتح..لاكن مكنش راضي..
سيلا.. بدر مفيش حل غير اني اكسر الازاز..
بدر… امسريه ياسيلا مستنيه ايه…
رجعت سيلا تبص في الارض.. لحد ما لقت حجر صغير..
بدر… سيلا شوفي واحد اكبر ده صغير هتتعوري..
سيلا.. مفيش متقلقش هعرف..
بدر…طيب براحه
سيلا… خليك معايا…مسكت سيلا الحجر..وكسرت الازاز بس صرخت مره واحده. الازاز قطع ايدها..والموبايل وقع منها
بدر…. سيلا سيلا انتي كويسه..
روكا.. في ايه..يا سيلا..
سما… سيلاااا.
عامر… في حد فالڤيلا ولا ايه.
بدر…. سيلاااااا
مسكت سيلا الموبايل..من الارض..
اهدو. اهدو انا كويسه اتعورت بس…. ورفعت ايدها عشان تأكدلهمكانت غرقانه دم
بدر… انتي اتعورتي جامد انا قولتلك…
سيلا… محصلش حاجه خليكو معايا افتح المفتاح…ودخلت ايدها من وسط الازاز..ولسه بدر هيقولها خلي بالك صوتت تاني…واتعورت تاني..
بدر…اسف اسف ولله..
سيلا…ومره واحده هاااييي الباب اتفتح واتنطتت زي الاطفال ونسيت وجع ايدها…
ريم.. براڤو يا سيلا…
يوسف كملي يلا ..
بدر… ابتسم علي شكلها وهي فرحانه..
سيلا.. خدي بالك وانتي داخله وخدي معاكي اي سكينه او حاجه تحمي بيها نفسك..
سيلا.. كشرت.. هو في عندكم عفاريت.
بدر… عفاريت ايه يا سيلا اللي هتاخدي سكينه..عشانهم سيلا انا لحد الوقت معرفش امي مالها تعبانه ولا في حرامي يعني امني نفسك..
سيلا.. حاضر حاضر متقلقش… ودخلت سيلا وعملت زي ما بدر. قالها كانت ماشيه متوتره…..
دورت فالڤيلا تحت مكنش في حد..
بدر… سيلا هو اللي فالارض ده دم ولا انا مش واخد بالي…
بصت سيلا… اه ده دم يابدر..
بدر.. بخوف… امي جرالها ايه
سيلا… لا متخفش ده مش من مامتك ده مني انا
بدر… كل ده منك سيلا حاولي تربطي ايدك بحاجه
سيلا.. مش مهم الوقت . بدر مفيش حد..تحت
بدر.. اطلعي فوق او نادي عليها .
سيلا.. طيب هي اسمها ايه…
بدر… قولي يانوني..
سيلا… بفرحه.. نوني.. وبكل عبط زي الهبله هي دي اللي كنت بتكلمها وانت عالبحر..
بدر.. ابتسم من جواه عشان احساسه طلع صح وان هي فعلا سمعته..اه هي..
سيلا…ابتدت تنادي عليها….
نوني نوني. نوني. نوني
وطلعت فوق
سيلا… بدر.. اوضتها فين…
بدر… اول اوضه هتقابلك علي ايدك اليمين دي اوضتها..
سيلا.. وقفت وخبطت..
بدر… افتحي ياسيلا لسه هتخبطي..
سيلا… حاضر حاضر متزعأش
فتحت سيلا الباب… واتفاجئت بالمنظر😲😲😲😲😲
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
