روايات سيلا والنمر الفصل الخامس 5 بقلم منار مصطفى
روايات سيلا والنمر البارت الخامس
روايات سيلا والنمر الجزء الخامس
روايات سيلا والنمر الحلقة الخامسة
فضلت سيلا مبتسمه بعد ما بدر مشي …
ريم مالك يابت في ايه..
روكا.. انتي يانيله بنكلمك وايه المز اللي موصلك ده ياخربيتك تعالي احكيلي…
ريم.اه صحيح نسيبك تتكلمي فالتليفون تطلعلنا بالوحش ده
سيلا.. لو تعرفو اللي حصلي..
سما بنوم.. في ايه قلقتينا..
سيلا.. تعالو احكيلكم…
دخلت سيلا اعدت عالسرير بتعب… قلعت الهيلز من رجليها…
روكا… ما تحكي في ايه يابت انتي ناقص نستناكي تقلعي هدومك..
سيلا بس والنبي ياروكا احسن انا حصلي موقف كنت هموت..
ريم… يابت قولي في ايه لازم السسبنس بتاعك ده..
سما.. احكي قبل ما اجي اموتك هموت واناااام.
سيلا.. طب خلاص انتو هتاكلوني…
بصي ياستي انتي وهي.. خلصت مكالمه مع مستر مراد… ودخلت عالفندق ركبت الاسانسير لقيت شاب لسه داخل قبلي وباين عليه انه سكراااان طينه.. طبعا انا جيت علي جمب وانتو عارفني لما بتلخم واضرب لخمه..
روكا… انتي هتقوليلنا…
سيلا.. المهم… دوست علي الزرار وطبعا من لخمتي دوست من غير ما اشوف وكان الدور اللي تحت ده..لقيت ايه بقي.. الزفت اللي راكب معايا بيقرب مني وبيقول كلام سافل وفجأه مسكني من وسطي بيقربني ليه.. ولحسن حظي الاسانسير وقف ضربته وزقيته وجريت…
سما.. ياخبر اسود ومنيل عملك حاجه..
روكا.. ياخبر ابيض مصوتيش ولميتي عليه امت لا إلا الا الله ليه..
سيلا.. انا كنت بموت في جلدي من رعب وبعدين لما زقيته ووقع سمعته بيستحلفلي وبيقولي مش هسيبك.. روحت انا بقي واستخبيت في اخر الدور فالمكان بتاع الجناح.. وانا بسند عملت صوت عالباب وطبعا اللي جوه الجناح فكروني بخبط.. وجه.. النمر وفتح..الباب….
روكا… حطت ايدها علي قورتها… انتي سخنه يابت نمر ايه..
سيلا… اللي طلعني هنا..
روكا… هو اسمه نمر..
سيلا.. ما انا هفهمك سبيني تحكي بس..
سما.. سبيها متقطعيهاش..
سيلا…المهم اول ما فتح الباب دي كانت بالنسبالي الصدمه..
روكا… ليه صدمه ليه.
سيلا.. يابنتي استني هحكيلك..
ما هو ده اللي انا خبطه بالعربيه فالقاهره..
روكا.. اللي جرستيه فالشارع وانتي اللي خبطاه وطلع ظابط.
سيلا…اااااايوه هو… وهو كمان اللي كان في الڤيلا ساعت ضرب النار…ولتصاب بسببي…
روكا…. ياخبر ابيض اللي مان فاكرك مع الارهابييين انا لو منه هقول انك مزقوقه عليه..
سيلا… ماهو ده اللي حصل بقي..هو فعلا قاللي كده….
المهم.. لما لقيت صوت الولد بيقرب.. زقيته علي جوه.. وقفلت الباب…
سما… ياخربيتك ياسيلا انتي عملتي كده..
سيلا… كنت هعمل ايه انا كنت مرعوبه المشكله بقي…
انه خوفني جداا ولقيت صحابه جوه وكانو اعدين من غير تيشرتات واعدين بالشيش والسجاير وحاجه ايه هنا يعني لو حقيقي زي ما قال دخلت علي حد غيرهم كده مكنوش سابوني..وقال لصحابه هنعمل عليها حفله…ولما ابتديت اخاف اكتر.. بقيت اعده اعيط.. وانهارت حسيت ان كل حاجه وقفت… وفجأه سابني وقاللي ان اللي عملتيه ده غلط.. ومينفعش تدخلي كده ولا خوفك يلغي تفكيرك…وكملتلهم سيلا باقي اللي حصل كله..
سيلا.. بس وطلعني لحد هنا هو ده كل اللي حصل.
سما… تسمعي مني المفيد .
سيلا.. ايه…
سما…انتي غلطانه فعلا يا سيلا هو عنده حق.. هو اه المفروض مكنش خوفك بالمنظر ده بس بردو خ فك من الموقف هيخليكي تحكمي عقلك بعد كده…ومن هنا ورايح متبقيش متسرعه وطريقتك في شغلك مينفعش تبقي هي المتحكمه في حياتك الشخصيه..
ريم.. حضنت سيلا.. يالهويي بقي الصغنن ده كان هيحصل في كده..
روكا… صح ياسيلا المفروض تخلي بالك وانا مش شيفاه غلطان بصراحه..بس صحيح ايه حوار نمر ده..
سيلا… ما هو يوم اللي حصل فالڤيلا لما اتصاب بالنار….
وفقد الوعي..صاحبه كان بيتكلم فاللاسلكي.. وقالهم هاتو الاسعاف النمر اتصاب…
روكا… يمكن اسم حركي او لقب عيله..وانتي يامنيله مش قادره تسأليه علي اسمه.
سيلا..انا في ايه ولا ايه انا كنت ميته في جلدي اصلا…
روكا.. بس صراحه يعني الواد مزززز بقولك ايه اصحابه حلوييين كده زيه..
ريم… ااااه ااه والنبي صحابه مزز كده زيه..
سما… مفيش فايده في قلت ادبكم…هي كانت مركزه في ايه ولا ايه..
سيلا… يعني هما صراحه يعني اه مززز…
سما… رحزتي ياسيلا في شكلهم…
روكا.. تربيتتتتتي..
سما.. اتنيلي تربيه زباله.. انا هنام مش قادره ..
ضحكو البنات وراحو هما كمان نامو…..
اما عند الشباب.. بعد ما نزل بدر…
عامر… تعالي قوللي بقي ايه اللي حصل ده..
بدر… زي ما شوفت ما كله كان ادامكم..
عامر… انت رعبت البت علي فكره كان فاضله اقل مم دقيقه وقلبها يقف.
بدر… عشان غبيه.. ومفكرتش صح.. افرض كانت استخبت في نفس المكان اللي الواد ده نازل فيه ولا طلعو اللي جوه اوسخ من اللي كان بيجري وراها.
يوسف… بدر عنده حق…هي اه اترعبت بس مش هتكررها تاني…بس صراحه البت صاروووخ..
بدر… ماتحترم نفسك يا چو بدل ما ابوظ وشك.
مهاب… لا ابعدو عن البنت دي دي ليها سوابق مع بدر.. وعندي احساس كده ان السناره هتغمز… شويه مصايب كمان ويبقو زي السمن عالعسل..
ضحك.. عامر ويوسف علي مهاب…
بدر.. خلاص خليت السناره غمزت.. يا ابني البت دي من ساعت ما شوفتها وكل موقف مصيبه..وبعدين دي عيله صغيره..
عامر… ماهي العلاقات اللي بتبتدي بمصايب بتختم بحجات حلوه..
بدر… اتنيل انت كمان.. انا مليش فالجو ده ولا حابه بصراحه يعني هزار وخروج وهلس عالخفيف تمام انما علاقه والجو ده مليش دماغ ليه وبعدين كفايه عليا نوني..
يوسف… دي نوني ما هتصدق…
بدر… نوني .. نوني.. ياخبر نسيتها استنو اطمن عليها.. وطلع تليفونه واتصل بيها كذا مره مردتش…
مهاب… يمكن نايمه سيبها تنام..
بدر… شكلها كده.. خلاص هكلمها الصبح.. يلا ننام مش قادر..
وطارو الشباب…. فالنووووم….
في صباح يوم جديد كله..احداث وحماس..
صحيو البنات والشباب. فطرووو ولبسو مايوهات البحر.. ونزلو علي تحت…
لبس الشباب.. شورتات وفوقيها تيشرتات خفيفه… عشان يقلعوها لما ينزلو…
اما البنات… روكا وريم… لبسو مايوه قطعتين ريم. مايون لونه ازرق لون السما مناسب مع لون البحر.. اما روكا.. فالبست مايوه تايجر….سيكسي جدا
وسيلا وسما.. لبسو مايوه قطعه واحده سما كانت لابسه مايوه ابيض في بينك… وسيلا لبست مايوه اسود.. وليه فاتحتين علي شكل دايره من علي وسطها…كان شكل يجنن..وطبعا لبسو من فوق الكاش مايوه الشفاف…ونزلوو…تحت… وهما ماشييين.. لمح بدر واصحابه البنات وكان معاهم سيلا…
عامر… اوبااااا مش دي البت ..
بدر.. اه هي…
يوسف… لا احنا نروح معاهم ونحكيهم بقي مش يمكن يحصل حاجه كده ولا كده..
بدر… وحيات امك…
مهاب… منقذ من يومك يا چو…
يوسف… مبحبش اتكلم علي نفسي كتير…
بدر… ضربه علي دماغه اسكت شويه..
عامر… هما رايحين عالبحر ولا ايه شكلهم مش نازل البسيين..
بدر…ماشي معاهم من غير ولا كلمه…
يوسف… اه شكلهم كده..
فضلو ماششين وراهم ولفت روكا بعينها ورا لمحتهم…
اوباااااا ايه المزز اللي ورانا دول..
ريم.. فين وبصت…
روكا… الله يخربيتك يافضيحه علي طول كده ..
ريم… اوباااا دول مزز بجد ايه الاجسام دي..
سما… اتربي يابنتي احنا دخلنا فالاجسام..
سيلا… هما فين دول..
روكا… بت ياسيلا.. ده المز بتاع امبارح معاهم اوعي تقولي ان دول صحابه…
بصت سيلا بطرف عينها لمحتهم من تحت النضاره…
سيلا… ايوه هما…
روكا… لا احنا لازم نشكر النمر وصحابه عالموقف البطولي اللي عملوه معاكي…
ريم… طبعا دول انقذو صحبتنا يعني مش اي حاجه…
سما…والله انتو ما شوفتو دقيقه تربيه موقف بطولي ايه ونيله ايه….
سيلا… اتلمو بقي بجد احسن يسمعونا وشكلنا يبقي زي الزفت هتأعدو فين…
روكا… مش نستني يأعدو. هما…الاول وبعدين نعد جمبهم..
سيلا… مانروح ناعد علي رجليهم احسن..
ريم… الله ياريت..
سما ضربتها علي كتفها… يابت اتربي بوظتي واتعلمتي قلت الادب من روكا…
روكا… هو في احلي من قلت الادب يا ابله نظيره…
راحوو البنات اعدوووو عالبحر…
واعدو الشباب في الكراسي جمبهم….
فضلو البنات يتكلمو ويهزرو وشويه ويبصو عليهم..
وطبعا الشباب ميتوصوش…
عامر… لا جامده بجد…
بدر… هي مين يا رومانسي..
عامر… خليك في حالك ياعم…
يوسف… طب قوللي انا ده انا چو حبيبك صراحه هما كلهم جامدين…
مهاب… بصراحه اه..
وفجأه عامر.. ويوسف بصوت عالي الكل سمعو.. ايوووووووه يا مهاااااب 🤣..
بدر.. بضحك الله يخربيت دماغكم وطو صوتكم وانت يامهاب اتعديت بهتو عليك الزباله دول..
مهاب.. يعني هي جت عليا ياعم بدر…
اشمعني انتو..
بدر… ومالو يا خويا فالصف جمب اخواتك..
بصو عليهم البنات اول ما ضوتهم عللي..
روكا.. اقطع دراعي ان ما كانو بيتكلمو علينا..
ريم… خدتي بالك صح صح انا خدت بالي.
سيلا… شكلهم كده…
وابتدو البنات يتكلمو بصوت اعلي شويه ونسيو الشباب.. وطبعا الشباب بيتكلمو هما كمان مع بعض.
روكا.. مش هننزل الميه ولا ايه..
ريم… اه يلا بقي…
سما… مش كنا نزلنا فالبسيين وخلاص الميه كلها صخور…
سيلا.. ما احنا هنطلع عالمارينا وننزل من هناك.
سما.. نعم يا اختي ننزل فين…انا بغرق عالشط…تقوليلي ننط من عالمارينا…
روكا… يابنتي الميه مش عاليه
سما.. لا انا بخاف…
روكا… استني نشوف الولد اللي هناك ده. معاه لايڤ چاكت وبيصور تحت الميه نخليه يجي معانا..
سما.. نعم ينزل معانا يعني..
ريم.. ايوه يا بنتي عادي.. ماهما بينزلو عشان الناس اللي مبتعرفش تغطس بيعلموهم وبيصورونا تخت الميه وطبعا بتأجري الوقت معاهم ربع ساعه نص ساعه زي ماتحبي…
سما.. ايوه مانا عارفه ياختي كل اللي بتقوليه ده بس انا مش هنزل مع ولد..
روكا.. بت انتي متعقدنيش يا ابله نظيره.
هنا الشباب.. كانو سامعيين روكا… وضحكتهم جابت الشاطئ..
وبصو عليهم…
سما.. عاجبك كده اهم بيضحكو علينا..
روكا… بصوت عاللي للشباب…وبصوتها المايع..
عصبتني….اعمل ايه يعني..
عامر.. من بعيد.. بيرفعلها ايده…وبابتسامه تقتل…
لاحظت انا علي فكره..
سما… نعم في ايه…
عامر… ابدا انا اقدر صحبتك اللي بتقول..
سما…بعصبيه بسيطه حست ان شكلها وحش.. علي فكره انا بعرف اعوم.. بس فالبسييين..
ضحكو عليها اكتر الشباب… وبدر مبتسم وضحكته تقتل وسيلا متبعاه في صمت ومبتسمه زيه..
سما.. انتو بتضحكو علي ايه…
مهاب.. ولا حاجه مالك متعصبه ليه بس.. وبعدين ايه الفرق بين البسيين والبحر.. لو بتعرفي تعومي هنا هتعرفي تعومي هنا…
ريم… وحياتك ولا حتي البيسين 🤣
ضربتها سما علب ايدها
سما.. من غير ماتحس اندمجت مع الشباب في الكلام اكتر من صحابها…
لا طبعا مش زي بعض يا استاذ…
مهاب..مهاب.. اسمي مهاب…
سما.. اتشرفت بحضرتك…
عامر. من بعيد رفع ايده بابتسامه وشال النضاره علي راسه من فوق وعينه علي روكا.. وانا عامر…
ابتسمت روكا.. ابتسامه انثويه باحته مع رافعه حاجب..تجنن..
يوسف.. وانا يوسف او چووو…
ريم… وانا ريم..
الشباب .. اتشرفنا بيكم..
البنات.. ميرسي..
روكا.. حبت تساعد سيلا.. وحضرتك متعرفناش عليك.. ولا مش حابب.
نزل بدر.. النضاره شويه عن عينه.. وبان لون عينه فالشمس تخوف تقتل تجذب ..لا طبعا.. ده شرف ليا
انا بدر..
عامر…موجهه كلامه لسيلا والقمر.. قولتي اسمك ايه..
سيلا…انا سيلا..
يوسف وده معناه ايه..
سيلا.. حضرتك عايز معناه بالتركي ولا اليوناني ولا العربي..
يوسف.. ليه هو ليه تلت معاني ده اسم صغير..
سيلا.. مش لازم يكون كبير بس هو ليه تلت معاني..
عامر… وايه هما بقي…
معنى إسم سيلا في اللغة اليونانية: بمعنى الشخص اللي بتثق فيه الناس المسؤول معنى إسم سيلا في اللغة التركية: يعني العودة إلى الوطن بعد الغربه معنى إسم سيلا في اللغة العربية: إسم مشتق من السيول..
يوسف… ياخبر اسود . كل ده..
عامر… الاهم من كل ده انها حفظاهم…
مهاب… ايوه صح انا ولله ما اعرف معني اسمي..
بدر… شاور.. علي سيلا…قول للقاموس المعجم وهي تجبلك معناه…
ضحك البنات والشباب بكل صوتهم علي جمله بدر…
اما سيلا فا كشرت ورفعت حواجبها واعدت عالكرسي عدل وبصت للبحر…
عامر..لبدر.. عجبك كده ضايقتعا…
بدر.. ياعم ضايقت ايه ماهي عامله زي القاموس فعلا..عامر.حب يغير الموضوع عشان حس ان سيلا اضايقت…
طب..مش ناويين تنزلو البحر..
روكا… ياريت .
ريم.. اه اوي الشمس موتتني..
مهاب…وانتي يا انسه سما…
سما.. انا خليني اعد استناكم هنا افضل..
روكا.. لا مفيش هتنزلي يعني هتنزلي يلا قومي انتي وهي….
قام الشباب.. قلعو التيشرتات… وكان شكل جسمهم يهبل..
اما البنات قلعو الكاش مايوه معادا سيلا اللي جالها تليفون من مراد …
سيلا… يوووووه بقي..
روكا… لا كده كتير مترديش
سيلا.. مينفعش لا زم ارد…
روكا طب انجزي
سيلا حاضر اسبقوني طيب..
عامر. لروكا.. ايه يلا.
روكا يلا..
عامر.. يلا يابدر… هكلم نوني عشان اطمن عليها واجي…
بصت عليه سيلا.. وفضولها كان هيموتها تعرف مين نوني دي وحست انها مضايقه…
عامر.. طيب تمام.. سلملي عليها..
ريم.. ويوسف طلعو سبقوهم عالمارينا وروكا وعامر وراهم..
مهاب.. لسما.. متخافيش ولله
سما.. لا مقدرش الميه من هنا شكلها يرعب امال فوق هتبقي عامله ازاي..
مهاب.. هنا ترعب.. عشان الصخور شكلها بخوف بس لو شفتيها من عالمارينا هتلاقيها صافيه خالص وجميله تعالي متقلقيش وعلي فكره انا كنت سباح يعني مش هتغرقي متخافيش..
سما.. بجد ولا بتقول كده..
مهاب.. لا ولله العظيم.. مش بقول كده.. انا من صغري كنت بتعلم سباحه.. ودخلت بطولات بس وقفت لما دخلت شرطه وقفت بطولات مش تمارين يعني متقلقيش .وعامر ويوسف وبدر.. بردو بيعرفو يعومو يعني متخافيش ولله.
سما.. طيب انا هشوفها بردو الاول من فوق لو شكلها يخوف مش هن ل هوفرج عليكو وخلاص٠.
مهاب.. طب تمام يلا….
ردت سيلا علي مراد.. ايوه يامستر
مراد…… عامله ايه.
سيلا… الحمد لله بخير.
مراد طب الحمد لله.
سيلا.. خير يامستر..
اما عند… ناهد… الووو يا حبيبي.. صباحك فل..
بدر.. فل ايه بس يانوني.. مبتديش من انبارح والصبح صحيت بتصل مبترديش وقعتي قلبي..
ناهد… ياحبيبي انا كويسه بليل لما اتكلمت الصوت كان مقفول مسمعتش.. ولما وصلت مردتش اكلمك ونمت.. شويه وانت صحتني اهو ملحقتش انام ولله.
بدر.. المهم انك كويسه ياحبيبتي وبعدين فالحه تنامي الوقت يانوني ده انتي فضحتينا لما نمنا اول ما جينا..
ناهد… طب انتو شباب المفروض متناموش..
بدر… انتي عجزتي ولا ايه يا قمر.
ناهد… عجزت في عينك يا ولد..
بدر… طب انال ايه.. ما تظبطي كده هتخليني اغير رأيي فالعريس اللي جيبهولك..
ناهد.. جايبلي عريس بجد.
بدر… الله اللله مالك باناهد هرموناتك طفحت ولا ايه انتي مصدقتي انا بهزر..🤨🤨
ناهد… يا واد بطل قلت ادب.. ويلا روح سبني انام شويه..
بدر.. ما شي ياستي نامي مش عايز شقاوه ومنلعبش بديلنا هه.. ليا عيون في كل حته.
ناهد… هفقعهملك انا ان شاء الله العيون دي.. ولا امشي ومتتصلش بيا تاني مش ناقصه خوتت دماغ.
بدر… ماشي يانوني الحق عليا بطمن عليكي..
وعند سيلا… ماشي يامستر.. ميرسي لسؤالك..
مراد.. خلي بالك من نفسك..
سيلا.. حاضر سلام. ..
قفلت سيلا.. وقلعت الماش مايوه وكان بدر.. اعد علي الكرسي بالجنب مديها ضهره ومش شايفها..كانت سيلا مركزه معاه وسمعاه وهو بيقول اخر جملتين..
بدر..لما تصحي كلميني..وطمنيني عليكي
ناهد … قال يعني بيقلق عليا..
بدر… يعني يانوني لو مقلقتش عليكي هقلق علي مين بس..وانا ليا غيرك
ناهد..ماشي ياحبيبي خلي بالك من نفسك..
بدر.. ماشي ياحبيتي وانتي كمان…
ناهد…سلام…
بدر… بحبك يانوني..
ناهد.. وانا كمان يا قلب نوني سلام بقي ياولد.
بدر… بضحك .. سلام…
قفل معاها بدر… وقام وقف.. ولف لقي.. سيلا واقفه باصه ناحيته ومتنحه… كان واثق انها سمعته وانها هتفسر ده علي انه بيحب بس مهتمش .. لاكن اللي عجبه شكلها فالمايوه..رغم انه حس انه مضايق من شمل جسمها المغري فيه…
بدر… احم… مش هتنزلي الميه..
سيلا.. ……. ……….
بدر… بيشاور بايده علي عينها.. ايه.. روحتي فين.
سيلا..هه. بتقول حاجه..
بدر… واضح انك سرحانه ومش سمعاني اصلا..
سيلا.. لا بس سرحت شويه حضرتك كنت بتقول حاجه
بدر… بقولك مش هتنزلي…
سيلا.. اه هنزل انا كنت راحه اصلا..
بدر… طب يلا نروحلهم…
سيلا.. اوك…
سيلا.. مشيت جمبه وهي ساكته…
وصلو المارينا….
بدر…. ايه بتعرفي تعومي ولا زي صحبتك…
سيلا.. بعرف اعوم طبعا..او تقدر تقول اني زي صاحبك …معايا بطولات..
بدر… يارااجل..هنشوف…
سيلا بتحدي… هتشوف..
الشباب.. والبنات. من تحت يلا
روكا.. ايه كل ده ياسيلا..يلا انزلي…
عامر… اوعي تكوني زي صاحبتك وتفضحينا…
سما.. انا فضحتكم..
روكا.. لا ابدا ياروحي… الناس كلها بس شافتك وانتي بتغرقي ولابس لايڤ چاكت .
مهاب.. عاجبك كده ماكنتي نزلتي من سكات…
سما.. مانا مش بحب البحر اصلا ..
روكا.. يلا يا سيلا نطي مالك في ايه…
بدر…ايه متنطي..
سيلا.. ما تنط انت وانت مالك بيا 😡
بدر… الله يبقي خايفه..
سيلا … مش خايفه..
بدر…اسمعي مني بس.. ولله خايفه…
سيلا بتحدي….
وقفت عالمارينا… ونطت زي المحترفين بالظبط…
بدر… وقف معجب بالتحدي اللي في عنيها..
ونط هو كمان…
عامر.. ايه ده مانتي طلعتي حلوه اهو
روكا..سيلا واخده بطولات علي فكره…وكانت سابحه شاطره جدا…
مهاب.. زمايل يعني …
سيلا.. يعني حاجه زي كده
مهاب.. طب ايه ما تيجي نعمل سباق…
سيلا.. بلاش انا..
مهاب… اشمعني…
سيلا… يعني عشان هتخسر…
مهاب.. الله.. لا ماقلقيش بس مترجعيش تعيطي لو كسبتك..
سيلا… سيلا مبتخسرش…
يوسف… شكلك هتطحن انا لو منك ارجع في كلامي..
عامر… اه حسيتها واثقه صح..
روكا.. اتنيلي اسكتي لما تسابقو الاول احسن يغلبك ويبقي شكلك وحش…
ريم… لا سيلا هترفع راسنا….
سما… اه والنبي يا سيلا عوضي اللي انا عملته احسن هياخدو فكره وحشه عن البنات.
مهاب… ايه.. يلا ولا هترجعي في كلامك..
بدر…. بلاش يامهاب.. خلينا حلويين كده عشان مفيش حاجه تحصل .. خلي اليومين دول يعدو…
سيلا بتحدي… يلا يامهاب ولا خايف زي صاحبك…
بصلها بدر.. وهو رافع حواجبه….
بدر… بلاش انا هه..
سيلا… وانت بتتكلم ليه ان شاء الله طب احنا الاتنين واخدين بطولات وبنتحدي بعض انت المفروض تسكت عشان اكيد هتخسر…
بدر.. يابنتي انا لو بعوم عوم كلابي دراع واحد مني هجيبك انت مش شايفه طولك…
الكل ضحك… وسيلا متغاظه..
عامر.. لا احب اقولك انه مش شرط وعلي فكره بدر.. غلب مهاب قبل كده ..
مهاب.. صراحه اه هو مش شرط…
سيلا.. حبت تردها لبدر..اوووف يعني غلبك وهو بيعوم عوم كلابي وانت المفروض بتعرف اصول السباحه اكتر منه علي كده انت خسران وشش يعني..
مهاب.. لا متقلقيش. هكسبك…
سيلا هنشوف…
وقفو جمب بعض… سيلا ومهاب… وابتدو يجهزو…واصحابهم واقفين وراهم….
يوسف.. هتروحو لحد العلامات الصفرا اللي هناك وترجعو وعمل يوسف صفاره..
وابتدو سيلا ومهاب مع تشجيع صحابهم….
ورغم جسم مهاب وطوله إلا ان سيلا كانت في نفس مستواه تقريبا… ووصلو مع بعض…ولفو ورجعو.. بأقوي سرعه…وكان فاصل بينهم اقل من شبر.. لصالح سيلا….
صفرو صحابهم ليهم واعدو يهزرو ويضحكو…
يوسف… غلبتك يا مهاب.. كسفتنا..
مهاب.. لا كنا زي بعض بس بجد طلعتي شاطره
سيلا.. ميرسي…
عامر.. لا بجد براڤو ..انتي كده بس جباره…
سيلا.. انا قصيره😡😡
عامر.. لا روكا..
روكا… عادي علي فكره قصيره قصيره انا ست مينفعش اكون طويله علي فكره…
ريم… اتنيلي،،.
عامر.. بدر.. شكلنا وحش…سيلا كانت سبقاه عوض خسارتنا…عالاقل نبقي واحد واحد
بدر… لا بلاش.. كفايه كده..
سيلا.. بتخاف…
بدر.. بلاش اسلوب التسخين ده هه..
سيلا.. طب يلا وريني شطارتك….
وقف بدر.. جمبها وابتدا يوسف صفارته…
وكان في حاجه جوا بدر.. عيزاه يكسبها بأي طريقه عشان يضايقها.. وفعلا بذل بدر كل مجهوده.. عشان يكسبها وكسبها بالفعل….
الشباب.. هااااي.
روكا… ولا يهمك ياروحي . وبعدين انتو هتجيبو الجسم الصغنن ده للطول ده كله ده زي ماقل بدراع واحد يجيبها..
سيلا.. واقفه متغاظه وساكته..
بدر… قولتلك بلاش انا..
سيلا………
فضلو يهزرو ويعومو ومهاب يحاول يقنع سما تفك اللايڤ چاكت…
وريم ويوسف مقضينها هزار وتريقه وجنان…
وروكا. وعامر.. واقفين يضحكو ويتكلمو…مع بدر…اما سيلا… فا ابتدت تبعد عنهم وتعوم وتدخل جوه…
بدر…. رايحه فين…
سيلا… هجيب حاجه من السوبر ماركت….
يوسف وريم بضحك… قصف جبههه🤣🤣🤣🤣🤣👊
بدر… تعالي هنا ياسيلا بلاش تدخلي لوحدك…
سيلا… طنشته…وابتدت تعوم وتدخل لجوه وصلت للعلامه الصفرا…. وتوقعو انها ترجع لاكن كملت….صحابها فضلو ينادو عليها وهي مش بترد…
سما… سيلا ارجعي هتتعبي…
ريم…هي بتعمل ايه المجنونه دي….
روكا… اخرجي ياسيلا يلا…
اما بدر. فاكان واقف مضايق منها…..
عامر… هي بتعرف تعوم الوقت تيجي…
وقفت سيلا… وبصت عليهم وفضلت تقولهم باي من بعيد …
وابتدت ترجعلهم تاني… لاكن وقفت مره واحده. بدون اي مقدمات😲😲😲😲😲
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
