روايات سيلا والنمر الفصل الخامس عشر 15 بقلم منار مصطفى
روايات سيلا والنمر البارت الخامس عشر
روايات سيلا والنمر الجزء الخامس عشر
روايات سيلا والنمر الحلقة الخامسة عشر
وصلتهم روكا للتربيزه الخاصه بيهم..اعدو كلهم مع بعض
يوسف. جمب ريم.
مهاب جمب سما..
بدر جمب نوني..وجمبه عامر والكرسي بتاع روكا وبعدهم سيلا..
بعد ما اعدو كانت فاضل حوالي عشر دقايق والعرض يبتدي…
قامت روكا..
عامر.. رايحه..فين.
روكا… العرض هيبتدي لازم اقوم اقول كلمه قبل افتتاح العرض.
عامر… تمام.. متتوتريش.
روكا… متقلقش انا تمام.
عامر… يلا ياحبيبي روحي.
بصتله روكا بابتسامه ومشيت. وطلعت علي الستيدچ اللي هيقف عليه المودل..
روكا….طلعت عالاستيدچ.ومسكت المايك..كانت خايفه ومتوتره جدا بس بمجرد طلوعها ابتدت بقوتها وجرأتها تتحكم في نفسها..
كانو البنات اعدين تحت وعينهم عليها وابتسامتهم مش مفارقاهم عشان خاطر روكا كانو فرحانين بيها جدا وبنجاحها….وطبعا كان في مصوريين وصحفيين بيصورو طبعا سيلا معملتش ده لان الجريده بتاعتها بتعتمد عالاخبار والحوادث ملهاش دعوه بالموضه…..
روكا…بصوتها اللي كله دلع وابتسامتها اللي مش بتفارقها. مساء الخير عليكم جميعا…اولا انا مبسوطه جدا من وجودكم معايا ودعمكم ليا مبسوطه اكتر من الناس اللي كانت معايا من البدايه لحد اليوم اللي وصلت فيه انهرده.. مش عايزه اطول عليكم بس هقول كلمه سريعه..انا يمكن وصلت للانا فيه الوقت في وقت قصير جدا وقدرت اثبت نفسي لنفسي قبل ما اثبت نفسي ادام اي حد. بس الفتره دي علي اد ماهي كانت قصيره علي اد ماهي كانت متعبه جدا وخصوصا العرض بتاع انهرده يمكن اول عرض اعمله ومياخدش مني وقت وعلي اد سهولته علي اد ماكان في تفاصيل متعبه جدااا ومجهود فظيع وحابه اشكر كل التيم اللي معايا حقيقي تعبو جدا وتقريبا مكنوش بينامو يارب يعجبكم ومره تانيه احب اشكر كل الحضور…نورتوني…. يلا نبتدي…
نزلت روكا من عالاستيدچ..وراحت عالتربيزه واعدت جمب عامر..
ابتدت الانوار تقل فالقاعه والاضاءه اتركزت عالاستيدچ…الموسيقي ابتدت تشتغل…
ثواني..
وابتدت اول عارضه تدخل….واشتعلت القاعه بالحماس والاعجاب بالتصاميم كل واحد فيهم كان بيقول لروكا رأيه باعجاب وانبهار…
نوني.. كانت من المشجعين وكان عاجبها ذوقها جدا فاختيار الالوان وانواع القماش كان كل فستان ليه شكل خاص مكنش في تصميم شكل التاني ..تقريبا العرض كله كان مبهج جدا الالوان كلها موجوده مفيش لون متكرر….وبعد عرض دام حوالي ساعه ونص
جه اخيرا معاد اخر فستان ….فستان الزفاف وده كان الختام بتاع العرض…قامت روكا ودخلت جوه عشان تغير فستانها وتبتدي تدخل مع المودل كلهم.كانت روكا مختاره فستانين الفستان الاول اللي راحت بيه واختارت فستان كمان تظهر بيه فالاخر مع المودلز..
وثواني دخلت اخر مودل بفستان الزفاف.. ووراها كل المودلز من الجانبين…وابتدت الموسيقي تتغير ..ودخلت روكا من وسطهم…ومشيت وسط المودلز..وقدمت التحيه لكل الموجودين والكل بيصقف..والشباب تحت بيصفرو
…
روكا…. مساء الخير مره تانيه .. كده الكوليكشن.. خلص خلاص… اتمني يكون عجبكم واتمني اكون رضيت كل الاذواق.. ويارب ديما اكون عند حسن ظنكم …شكرا جدا ويارب تكونو استمتعتم وقضيتو سهره سعيده.. ميرسي…
دخلت تاني ووراها المودلز…..
بعد فتره بسيطه طلعت روكا.. وقفها صحفي وخد منها كلمتين وخدلها كام صوره عشان تتحط علي غلاف مجله..
وخلصت وراحت عالتربيزه..
سيلا.. حضنتها… مبروك ياروحي الكوليكشن يجنن.
روكا.. بجد والنبي.
ريم .وهي بتحضنها انتي بتسألي ده انا عايزه اخدهم كلهم من حلاوتهم.
سما.. ولله ياروكا بجد المرادي تفوقتي علي نفسك
نوني…باستها نوني. ايه الشياكه والحلاوه دي بجد ذوقك يجنن.
روكا.. حبايبي ربنا يخليكو ليا بجد..
عامر… قرب منها وباسها .مبروك. بجد يجنن.
روكا… بجد ياعامر.
عامر .. اه والله العظيم مفيش حاجه فيهم مش اوي كلهم يجننو..
يوسف.. مبروووووك. ياروكااا وباسها.
روكا.. الله يبارك فيك ياچووو..
مهاب… وهو بيسلم عليها ويباركلها…بجد ياروكا انا اول مره في حياتي احضر عرض ازياء وكنت باعد اقول ايه الزهق ده ايه اللي يخليني اشوف حد لابس وبيتحرك ادامي عشان اشوف التصميم بس بجد طلع موضوع العرض ده حاجه جميله كده ومبهج بجد واللي حلاه اكتر اكيد ذوقك..
روكا… لا والله انا كده هعيط عالكلام الحلو ده ..
مهاب… تستاهلي اكتر من كده .
روكا.. بجد ميرسي يامهاب..
بدر… خلاص بقي افضلو كده انفخو فيها لحد ما تتنك علينا اكتر… وتتغر وفالاخر هتفرقع في وشنا..🤨🤨🤨
روكا.. بضحك.. ياباي علي طول كده بتحدف دبش.
نوني… سيبك منه ايش فهمه ده..
روكا.. ايوه يانوني انا بقول كده..
بدر… لا والنبي.
نوني… اه وانتو ايش فهمكم انتو في لبسنا بس..
بدر…بابتسامه لا بهزر والله مبروك يانوني.. وسلم عليها وباسها..بجد العرض. كان تحفه…. واليوم جميل والكوليكش يجنن.
روكا.. مش مصدقه اخيرا سمعت كلمه حلوه.
بدر.. بضحك.. تستاهليها ياروكا..
روكا.. بجد ميرسي. ليكم كلكم.. حقيقي انهرده من احلي يوم في حياتي.. وعنيها دمعت وجودكم معايا فرق كتير اوي.. حسيت اني مش. لوحدي.. وحسيت اني ليا ضهر.. صحاب واخوات وام جميله زيك يانوني..
حضنتها.. نوني… وسيلا عينها دمعت عشان روما ووقفت جمبها وماسكه ايدها..
ريم… بت انتي.. هتقلبيها نكد والله ادخل اقطعلك الفساتين.اللي تعبتي فيها دي كلها..
يوسف… اسمعي منها دي شريره وتعملها…
روكا.. بضحك لاخلاص…
عامر.. واقف جمبها وباصص عليها ومبتسم ومربع ايده..
عامر…خلاص بقي هنقلبها نكد ولا ايه..المفروض تتبسطي.
روكا.. لا خلاص. مش هنقلبها نكد وحقيقي انا مبسوطه.بجد..
يوسف.. طب الوقت روكا.. بتعيط من الفرحه..سيلا بتعيطي ليه..يخربيت النكد .
سيلا.. بابتسامه.. ماهي صحبتي..
يوسف… عشان صحبتك تجامليها فالعياط..
سيلا.. ايوه طبعا امال اسيبها تعيط لوحدها…
حضنتها روكا….بس ياچو ملكش دعوه بسيلا…
يوسف… حاضر..بس. سيبكو انتو بجد بجد . انتو انهرده مزز.
بدر… ماتتلم واظبط ياد انت بتعاكسهم ولا ايه.
يوسف.. صراحه اه.
روكا… الله عالاقل بيقول كلام حلو مش زي ناس.
بدر.. ناس مين.ان شاء الله .
روكا… واحد صاحبنا مبيطلعش غير دبش.. طب بزمتك ايه رأيك فينا مش حلويين.
عامر… حلووين بس يابنتي انتو المفروض كنتو طلعتو عملتو انتو العرض..
بدر… حنين
عامر… ياساتر..
روكا.. مش بقولك بيحدف دبش.
بدر… تصدقي انا غلطان اني جيت.
روكا.. لا خلاص ياعم.. دبش دبش
ناهد. بقول ايه.. ما ادام العرض خلص ايه رأيكم نروح عندنا البيت ناعد نكمل سهرتنا ونحتفل بروكا…
بدر… فكره حلوه يلا تعالو وهنطلب اكل ونتعشي سوا..
عامر.. انا اشطا..
روكا.. وانا كمان بس مش عايزه اتعبكم بجد
ناهد…تعب ايه فين التعب ده بس ده انا بقيت مابصدق اشوفكم…
يوسف.. انا تمام ريم.
ريم.. وانا كمان.
مهاب.. وانا اوك ادام فيها اكل.
سما.. انا كمان اوك..
روكا.. اول مره متعترضيش يعني.
سما.. اصل مامي عارفه ان اليوم ده بتاعك وعارفه اني معاكي يعني طول اليوم..
ناهد.. وسيلا طبعا معانا…
سيلا… لسه هتتكلم قاطعهم صوت موبايلها..معلش ثواني ارد عالموبايل وارجعلكم.
ناهد.. ماشي ياحبيبتي..
سيلا… الووو.
مراد.. ايوه ياسيلا.
سيلا.. ايوه يامستر مراد..
مراد.. انتي فين..
سيلا… خير في حاجه ولا ايه.انا فالعرض بتاع روكا صاحبتي.
مراد… سيلا .. فضيلي نفسك حالا في انفجار حصل حالا في مول سيتي دريم….انا هبعتلك مصور علي هناك وانتي روحي بسرعه ..
سيلا.. ايوه بس انا .
مراد.. مفيش بس ده شغل ياسيلا
سيلا.. ايوه بس انا مش عايزه اسيب روكا لوحدها.ممكن عبد الرحمن او حد تاني يروح
مراد… سيلا بقولك ده شغل اولا ثانيا عبد الرحمن تليفونه مقفول مش عارف اوصله والباقي معاهم شغل مفيش غيرك ادامي.
سيلا.. حاضر يامستر.
مراد.. بسرعه يا سيلا.
سيلا.. تمام..
قفلت سيلا.. معاه وهي بتنفخ.ومش عارفه تعمل ايه..وخايفه روكا تزعل.
روكا.. مالك مكشره ليه مين بيكلمك.
سيلا.. وهي بتبص بطرف عينها علي بدر..مستر مراد..
روكا.. ماله ده.
سيلا….انا اسفه بجد ياروكا مش هقدر اكمل معاكي..واسفه يانوني مش هقدر اجي معاكم.
ناهد ….ليه بقي مفيش اعذار..
بدر… ايه خارجه.
بصتله سيلا.. لا مش خارجه يابدر بس جالي شغل ضروري .
بدر.. الساعه داخله علي 11شغل الوقت.
سيلا… للاسف بقي حظي كده انت نسيت اني صحفيه وممكن انزل الفجر عادي..
بدر… وشغل ايه ده بقي اللي جالك فجأه.
سيلا… في انفجار حصل في مول سيتي دريم..والدنيا بايظه هناك.
بدر.. ايه انفجار..
سيلا… اه انفجار وبعدين مالك مستغرب ليه وصحيح مش ده شغلكم..
بدر.. ايوه بس هو مفيش غيرنا في مصر بيشتغل فالحمايه المدنيه..
سيلا.. المهم وبصت لروكا ونوني..
معلش سامحوني.. واتبسطو..انتو بجد كان نفسي اكمل باقي اليوم معاكم بس غصب عني ولله…واكيد هتتعوض.
روكا… طيب انا عندي اقتراح..خلونا نأجلها يوم تاني عشان سيلا تكون معانا.
ناهد…انا معنديش مانع..
عامر.. تمام اهو كلنا نكون مع بعض..
ناهد.. خلاص يبقي بكره ماهو مينفعش نأجل الاحتفال..
روكا… ياستي بكره بكره انا اصلا هاخد يومين كده راحه عشان حاسه بأرهاق فظيع…
ريم…وانا صايعه اكيد جايه اهو حتي نكون براحتنا اكتر بدل اللبس ده.
يوسف… ماله اللبس ماهو قمر اهو.
ريم… بضحك بجد.
يوسف اه ولله.
ناهد.. باواد بطل معاكسه فالبنت.
يوسف.. حاضر يانوني.
بدر.. هتتملو ايه انجزو..
مهاب.. خلاص خلونا بكره.
سما.. تمام وانا هظبط مع مامي الست دي كرهتني بعد ماكان مفسها اخرج اكيد الوقت نفسها ترجع في كلامها.
روكا…. دي ماهتصدق انتي ولله مفتريه..
سما… هي مش بتقولي حاجه ولله بس بتصعب عليا.
مهاب.. بصوت واطي يالهوي عالحنين .
سما… ابتسمت بكسوف..
بدر… خلاص يبقي بكره..
سيلا… ياجماعه بجد انا مش عايزه الغبط اي حاجه اتفقتو عليها .
بدر… ماخلاص كلهم تمام وبكره من انهرده مش هتفرق ولا انتي مش عايزه تيجي..
سيلا.. انا لا ليه يعني بس مش عايزه بوظلكم اليوم..
ناهد… لا مش هيبوظ اهو كمان بكره تيجو بدري عشان نسهر براحتنا.وملاقيش حد فيكم بيقول اروح..
سيلا.. ماشي يانوني…ياقمر…هيتأذنكم بقي انا عشان الحق اروح بسرعه .
سلمت عليهم ومشيت…
بدر… بعد اذنكم لحظه..
راح.. ورا سيلا..
بدر… سيلا…
سيلا… سمعت صوته وقفت ولفت لقيته جاي وراها بخطوات ثابته.
سيلا… ايو ه يابدر في حاجه..
بدر… انتي مروحه البيت.
سيلا.. هو انت ليه مش مصدق اني عندي شغل علي فكره انت ممكن تعمل اتصالاتك.وتتأكد من الخبر اكيد يعني مش بحاول امشي وخلاص.
بدر… اششششش ايه في ايه انا سألت سؤال واضح مش محتاج كل الكلام اللي بتحدفيه ده.
سيلا.. يعني ايه.
بدر… يعني انا مصدقك علي فكره مش مكدبك.. بس بسألك انتي مروحه البيت.
سيلا… لا راحه عالمول..
بدر… اللي هو ازاي يعني.
سيلا… هو ايه اللي ازاي..
بدر… هتروحي كده بلبسك ده..
سيلا… لبسي.. ماله..اه ايه ده انا نسيت خالص بس معنديش حل طبعا اكيد هروح كده مفيش وقت لازم اروح بسرعه.
بدر… سيلا انتي عبيطه.. انتي مش شايفه انتي لابسه ايه ..
سيلا.. بدر بليز وطي صوتك.
بدر… حاضر انتي تؤمري مش هعلي صوتي ..
سيلا… طيب بدل ما انت بتتريق كده قولي اعمل ايه.. بقولك مفيش وقت الخبر بتاع الانفجار لسه حاصل ولازم اروح بسرعه عشان اشوف شغلي .
بدر… يتخرق الشغل ياسيلا هتروحي تشوفي شغلك بفستان سواريه بالمنظر ده..
سيلا.. طيب انا لازم اروح حالا قولي اعمل ايه البيت بعيد هروح وارجع تاني هيكون كل القنوات والجرايد بعتت الصحفيين وانا مبحبش اقصر في شغلي..
مسكها بدر من ايدها.. ولف بيها من ورا كان المل مشغولين مع بعض.. فالكلام مخدوش بالهم من بدر وسيلا.
سيلا.. بدر.. سيب ايدي.
بدر… ماشي ومكمل ولا سأل فيها..
سيلا… بدر ..طيب براحه بجد .. مش عارفه امشي من الهيلز هقع رجلي وجعتني وانت بتمشي بسرعه ..
بدر… ببرود انتي مش مستعجله…
سيلا… مستعجله بس مش عايزه اتكسر.. مش كفايه ايدي هتبقي ايدي ورجلي.
بدر.. ممكن تمشي وانتي ساكته.
سيلا… لا.
بدر.. نعم..
سيلا.. قصدي يعني مش بعرف امشي كده زي العبيطه..
دخل بدر بيها عالاسانسير.. وطلعو لدور فالفندق في محلات تجاريه.. دخل بيها محل..
بدر.. ثواني تكوني مختاره خاجه مناسبه.عشان متتأخريش..
سيلا… وده اسمه ايه بقي.
بدر… اظن لو عايزه تخلصي وتروحي بسرعه.يبقي تختاري حاجه تلبسيها بسرعه..
سيلا… اووووف.
بدر… انفخي براحتك.
سيلا.. يعني انا هعرف اختار لبس الوقت وادور.
بدر.. مش محتاجه تدوري علي فكره. اقولك خليكي انتي هنا وانا هختارلك..
سيلا.. كانت مش قادره تفسر طريقت بدر.. بس مرضيتش تفسد اللحظه بأسألتها وحبت تعيش اللحظه لانها مانت عجباها بجد.. حاسه انه خايف عليها بيغير عجبها فكره انه يختارلها اللبس .
سيلا.. بابتسامه تحدي وهتعرف بقي تختار.
بدر… والله هتشوفي..
سابها.. بدر.. وراح… يبص بسرعه اختار لها تيشيرت نص كم.. ازرق.. وعليه.. رسمه نجوم صغيره جدا لونها سيلڤر.. كأن التيشرت شكل السما بليل ونجومها ظاهره واختارلها بنطلون چينس ازرق..كانت واقفه من بعيد تتابعه.. ومربعه ايدها.. ومبهوره من اختياره اللي عجبها جدا…
رجعلها بدر.. بيهم…
بدر… بصي شوفي دول كده… تقريبا حلويين للشغل وهتبقي خفيفه.. انا حاولت اختار المقاس علي ادي ادخلي قيسي بسرعه كده..
سيلا.. بصاله وهي سرحانه في عيونه..
بدر… هتفضلي متنحه كده اخلصي فات ربع ساعه…
سيلا…حاضر..
خدتهم منه ودخلت تقيسهم..
وطلعو مقاسها بالظبط… فتحت سيلا الباب.. وكانت قصيره خالص بالمسبه لطول بدر…خصوصا لما قلعت الهيلز..
سيلا…كويسين والمقاس حلو..
بدر… المهم عاجبك. الطقم.
سيلا.. بابتسامه طفوليه.. اه اوييييي بجد
بدر.. بابتسامه عليها ماشي ياستي مبروك عليكي..يلا بقي بسرعه.عشان تلحقي..
سيلا…هو ابه اللي يلا بسرعه هروح ازاي كده.
بدر… ايه مش عاجبك اللبس..
سيلا…انا اقصد علي رجلي ولا هروح بالهيلز.
بدر… اوف نسيتها دي…انتي مقاس رجلك كام..
سيلا….🙄🙄🙄
بدر… اخلصي…
سيلا..36
بدر… نعممممم وده هلاقيه ازاي ان شاء الله.
سيلا.. بطريقه طفوليه..وايدها مربعاها علي صدرها معرفش بقي اتصرف مش جرتني من ايدي وصممت اني اقلع الفستان ومرحش بيه..
بدر.. طب حطي الهيلز في رجلك وتعالي معايا. عشان هنا مفيش اي حاجه تتلبس فرجلك اصلا.. تعالي نشوف المحل اللي بعده..
سيلا… هتأخر….😔😔
بدر… هوصلك..
سيلا.. بابتسامه عبيطه.. بجد😯😃 اقصد يعني🙄 ونوني..
بدر…. انجزي ياسيلا..
سيلا.. حاضر…
خرجت سيلا وهي لابسه الهيلز وماسكه الفستان في ايدها..
بدر.. للكاشير.. اداله الڤيزا…هناخد الطقم ده وياريت تاخد الفستان تحطه في شنطه.
الشاب.. تحت امر حضرتك مبروك عليكي
سيلا.. بابتسامه عبيطه.. ميرسي..
بدر.🤨🤨🤨
سيلا.🙄🙄
خرجت سيلا.. ورا بدر من غير ولا كلمه…
بدر.. تعالي في محل هناك اهو…دخلو المحل …
بدر. بسرعه اختار كوتشي ابيض.
الشاب اللي شغال فالمحل..تحت امر حضرتك اساعدك ازاي.
بدر…عايز الكوتشي ده ايه اصغر مقاس فيه.
الشاب.. 37
بدر… مفيش 36
الشاب.. لا ده مقاس صغير اوي ومش هتلاقيه موجود هنا و37ده اصغر مقاس موجود…بس ممكن تجربه عادي هو تلبيسه صغير واكيد مع الشراب هيبقي تمام..
بدر.. اه صح.. في شرابات.
الشاب.. اه في.
بدر.. طيب تمام هنجربه بس ياريت بسرعه عشان متأخريين جدا..
سيلا واقفه مش عارفه تتكلم حقيقي انقذها وعرف يتصرف…
طلع.. بدر موبايله…
الووو..
عامر… ايه ياعم انت فين. انا اعد ارغي في اي هبل عشان الهيهم عنك..
بدر… عامر.. بقولك ايه..
عامر.. ايه.
بدر…. خد نوني وصلها معاك في طريقك.
عامر… في حاجه ولا ايه قلقتني..
بدر.. هفهمك بعدين..
عامر.. طب انا مقدور عليا.. انما نوني لو سألت هقولها ايه..
بدر.. امممم قولها.. راح مع سيلا اقولك.. انا هقولها اديهالي..
عامر… انا قولت اختفاءك وراه حاجه..
بدر… اخللللص.
عامر.. خدي يانوني بدر.
ناهد.. ايوه يابدر فينك.
بدر.. ايه يانوني انا مع سيلا بتجيب لبس عشان مش هينفع تروح بفستانها ده.
ناهد.. ماشي انا مستنياك.
بدر.. لا مانا بكلمك عشان كده.. بقولك ايه.. هي اتأخرت وعايزه تروح بسرعه فا معلش يعني تروحي مع عامر وانا اوصلها..
ناهد.. ماشي مفيش مشكله.
بدر… متزعليش يانوني.
ناهد… ازعل من ايه ياواد.. خليك معاها الوقت اتأخر بردو .
بدر.. ماشي ياحبيبتي هرجع اكلمك تاني.
ناهد.. ماشي يلا سلام…
وقفلت والشباب عرفو ان بدر مشي. ومشيو هما كمان..
عند بدر.. وسيلا..
الشاب.. اتفضلي حضرتك..
قيسي الكوتشي…
خدته سيلا منه.. وقاسته..
بدر.. كويس..
سيلا. مش عارف.
بدر . هو ايه اللي مش عارفه واسع ولا تمام.
سيلا.. هو مش واسع اوي كويس بس في مشكله..
بدر.. ايه..
سيلا … قربت من بدر بأحراج..
الشاب.. طيب انا هسيبكم اول ماتقررو انا تحت امركم بعد الشاب عشان حس ان سيلا عايزه تقول حاجه.
بدر.. في ايه.
سيلا.. اصل الكوتش ده في رباط.
بدر.. وايه مشكلتك مع الرباط مش فاهم.
سيلا.. مشكلتي اني مش بعرف اربطه وبيتفك كل شويه وهيلخمني..ومينفعش امشي زي الاطفال والرباط مفكوك.
بدر.. يعني هي دي كل مشكلتك..
سيلا.. اه
بدر… وطي.. ومسك الرباط..
سيلا.. باحراج.. بدر انت بتعمل ايه.
بدر.. هربطهولك.
سيلا… لا من فضلك قوم متعملش كده.
بدر..خلصي يا سيلا..
سيلا.. مش هخليك تعمل كده يعني عيب مينفعش اصلا اني اخليك تربطلي الرباط.وبعدين انت مش مضايق او خايف علي شكلك.
بدر… لا ولا مضايق ولا خايف علي شكلي..واظن مش هينفع تربطيه ويفضل يتفك وتفضلي كل شويه توطي..
سيلا.. طيب..
بدر… اخلصي متأخريناش..
سيلا.. قربت رجلها منها..
مسك بدر الرباط. وربطهولها كويس جدا…
ومسك رجلها التانيه ربطلها الرباط..
سيلا.. كانت محرجه جداا وكانت مضايقه من نفسها
بدر.. تمام كده.. اظن لما تروحي البيت مش هتعرفي تربطيه اصلا.
سيلا… بزعل… انا اسفه..
بدر… علي ايه
سيلا.. عشان خليتك تعمل كده.
بدر.. بلاش عبط.. وعلي فكره انا مش بيهمني اي حد .يعني مممن اقف في وسط شارع مليان ناس واعمل كده.
سيلا.. بحب… شكرا بجد.
بدر .. يارب نخلص ومسكها من ايدها…وراح عالكاشير .
الشاب.. تمام.
بدر.. اه تمام اتفضل الڤيزا ..
خد الولد الحساب.. وحطلها الهيلز في شنطه..
خرجت مع بدر..
بسرعه..
ركبو الاسانسير نزلو. عالبارك بتاع الفندق.. كانو الشباب مشيو…
بدر.. اركبي…
سيلا.. ايه ده دي عربيتك.
بدر… اه اهلصي مش عايزه تروحي بسرعه.
سيلا.. طب وعربيتي .
بدر .. هنرجع ناخدها..
سيلا.. طيب..
ركبت. سيلا وركب بدر…واتحركو..
سيلا.. بجد ميرسي يابدر..
بدر.. علي ايه انا معملتش حاجه..
بقولك ايه..
سيلا. نعم..
بدر… انتي بتخافي.
سيلا.. نعم.. تقصد ايه..
بدر… انتي لسه هتسألي…اربطي الحزام كويس.
سيلا.. انت هتعمل ايه..
ومره واحده بدؤ داس بنزين والعربيه عملت صوت فظيع..
سيلا.. بدر.. لا براحه.. بدر انا بخاف..
بدر.. كان سايق ومولع سيجارته… ولا سأل فيها…
سيلا.. بدر.. عشان خاطر نوني .
بدر.. لا. مش عايزه تروحي بسرعه.
سيلا.. لا انا اصلا مش عايزه اروح.
بدر… هششششش بلاش صداع..
مسكته سيلا من ايده…
سيلا.. عشان خاطري براحه..
بدر….. لمستها.. خليته في دنيا تانيه. بصلها…بابتسامه
سيلا.. بص ادامك هنموت ولله..
بدر.. بهدوؤ.. مسك ايدها بين ايده… وبقي سايق يأيد واحده… شششش متخافيش.. انا معاكي..
سيلا.. ارتبكت من مسكت ايده..
فضلت باصه في عنيه..
بدر… متخافيش اوك.
سيلا.. هزت دماغها بالموافقه كانت مغيبه تماما..
فضل بدر ماسك ايدها..وهي مستسلمه…
وفوقت قياسي كان بدر . وصل المكان…كان المكان عباره عن دخان وعربيات مطافي وعربيات اسعاف وشرطه…
بدر… هتفضلي متنحه كده كتير اخلضي وصلنا..شوفي شغلك..
سيلا.. ايه .. اه طيب.. وسحبت ايدها من ايده بأحراج..
ركن بدر العربيه ونزل هو وسيلا.. كلمت سيلا علي موبايلها المصور.. وعرفت تلاقيه بسرعه.. وابتدت سيلا شغلها.. والتحقيق الصحفي اللي بتعمله. كان بدر.. باصصلها من بعيد.. ومبسوط منها…ومكنش قادر يسيطر علي ابتسامته…عدي وقت كانت سيلا خلصت شغلها.. وفجأه😳😳😳😳😳😳😳😳😳😳😳😳😳😳استر يارب
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
