روايات سيلا والنمر الفصل الثامن والعشرون 28 بقلم منار مصطفى
روايات سيلا والنمر البارت الثامن والعشرون
روايات سيلا والنمر الجزء الثامن والعشرون
روايات سيلا والنمر الحلقة الثامنة والعشرون
أعدت سيلا علي سريرها وسط اوراق كتير..ومسكت قلمها.. وابتدت تكتب المقال الصحفي الخاص بالحادثه بعد ما جمعت كل المعلومات …كانت الحادثه مأثره في سيلا جدا.. وعلي اد خوف سيلا وتوترها لاكن ديما في شغلها مبتخفش وفضولها هو اللي مأثر عليها…
ابتدت سيلا تكتب.. وفصلت خالص عن العالم….وابتدت تعيش مع المقال…..
***المقال***.
أصبحنا نعيش في مجتمع يسيطر عليه الجريمه.بصوره مخيفه…
أصبحنا نسمع كثيرا عن الجرائم البشعة التى تحدث فى المجتمع خلال الفترة الأخيرة، والتى ربما لا نتخيل أنها تحدث فى المجتمع المصرى من الأساس، وتزايدت في الفتره الاخيره جرائم..السرقه والنصب والنهب والسلب وقطع الطرق.. وتجاره المخدرات وتجاره الاعضاء
وتجاره الاسلحه وتجاره الاثار..والرشوه.والاغتصاب.
..والارهاب..الذي سبق وتكلمت عنه في مقالي الاخير..واخيرا جرائم القتل…التي تعد من اخطر الجرائم…والتي زادت في الفتره الاخيره بصوره مرعبه…ويعد القتل…
هو عملية إنهاء حياة كائن حي بفعل كائن حي آخر وهناك نوعين من القتل… القتل الخطأ والقتل العمد…
في الحالتين النهايه واحده إنهاء حياه إنسان…ولاكن.. اقساهم وأبشعهم… القتل العمد…
القتل فعل شنيع. أن تأخذ بيدك حياة شخص، هذا من أفظع الأفعال التي يرتكبها الإنسان. وهنا تتجمع الكثير من الاسئله ..
ما الذي يحدث؟ هل يتجرَّد الشخص من إنسانيته في هذه اللحظات؟
كيف يتقدم على هذا الفعل؟
فهل لا تحزنه الصرخات.؟.
هل لاتخيفه منظر الدماء؟
نظرات الرعب في أعين ضحيته لا تأثر به ؟
أسئلة كثيره ومرعبة نسألها لأنفسنا في كل مرة نسمع عن جريمة قتل.
وفي مقالنا هذا… سوف نتحدث علي جريمه حي التجمع…
التي لا تمس للأدميه بشئ..
فقد.. تم العثور علي جثتين لبنتين تربطهم صداقه..قويه..ألقو حدفهم علي يد قاتل غامض…
فوجد كلآ منهم مطعونه عدت طعنات…وغارقين في دماءهم ..وايضآ حارس الڤيلا..اللذي.. تلقي اربع طعنات…
ولكن العنايه الإلاهيه.. انقذته…
فقد تم قتلهم..علي يد القاتل فور أحتفال إحدي ألبنتين بعيد ميلادها. ..والتي تدعي ((سهيله.. هاني.. عزام))).. أبنت رجل الاعمال…المعروف(( هاني عزام)))صاحب شركات الشحن والتفريغ. ..والذي كان خارج البلاد.. مع زوجته وابنه الصغير..
…فبعد… انتهاء.. الحفل.. انصرف الاصدقاء جميعا… ولم يبقي مع .سهيله.. غير صديقتها المقربه.. مليكه.. ماهر.. الصاوي….والغريب في الحادثه… إنه تم اكتشاف الجريمه.. بعد العيد ميلاد بيومين…فبعد.. شعور الاصدقاء بغيابهم.. قامو بالاتصال عليهم عدت مرات ولم يلقو اي رد.. فتحركو لڤيلا سهيله للاطمئنان عليهم في نفس اليوم اللذي تم إبلاغ رجال الشرطه بالجريمه..من قبل جيرانهم… فور شمهم.. لرائحه كريهه.. وعلي الفور تحرك رجال المباحث.. وتحرك الاصدقاء.. ليكتشفو افظع جريمه.. قد تراها عينك…
فالقاتل.. لم يقصد السرقه…فقد. دخل في وقت متأخر.. قاصد القتل.. ودخل علي حارس الڤيلا..في غرفته.. وضربه اربع طعنات… فإذا كان القاتل قاصد السرقه..فطبيعي ان يكون الحارس. خارج الغرفه .وعندما رآه تشاجر معه وقتله…ولكن…القاتل.. دخل الغرفه.. بالقصد وطعن الحارس.. في غرفته وعلي سريره…
وتم..تعطيل الكاميرات نهائيآ فأخر ما صورته كاميرات المراقبه.. كان حفل العيد ميلاد…
والغريب.. انه كان لايوجد بصمات لاي شخص غريب.. فقط بصمات سهيله ومليكه.. والحارس.. وبعض الاصدقاء…
وبعد ان طعن الحارس… دخل علي البنتين.. وقتلهم بكل وحشيه..بطريقه غير آدميه..ولا تمس للإنسانيه بأي شئ.. فقد طعن سهيله.. عدت طعنات متفرقه في جميع اجزاء جسمها…وقام بطعن مليكه… عدت طعنات.. ولم يرحمهم.. ولم يبالي لصراخهم و بكائهم وتوسلاتهم..بأن يرحمهم.. فقط رحمهم عندما سكنت روحهم…وفارقو الحياه تمامآ…
فالقاتل شخص ذكي. جدا.. لم يترك اثر لأي شئ يدينه ولاكن.. دائما الجاني يترك.. شئ للوصول إليه..
فلا نعلم.. هل هو.. الحارس.. اللذي نجاه الله.. لكي يفضح سره.. أم شئ اخر سنعرفه مع التحقيقات..
حادثه غريبه من نوعها… فإذا كانت .. ليست بقصد السرقه.. فما السبب من وراء كل هذه الوحشيه…
غموض..واسرار.. وخبايا..في هذه القضيه…
لم نفصح عنها بعد..
ومازالت التحقيقات مستمره…..
تابعونا.. لكي نوافيكم بآخر التحقيقات.. الجديده…
*بقلم*
..سيلا.المهدي..
خلصت…سيلا اخيرا المقال… لمت ورقها وقلمها.. وبصت فالساعه لقتها 5الصبح.. فردت ايدها وهي بتتاوب من التعب…شالت الاوراق جمبها… ونامت.. شويه لحد معاد.. شغلها…..
……فالوقت ده.. كانت روكا…خدت شاور.. وجهزت.. عشان تمشي…وقفت شويه تبص للاوضه.. بتاعتها قبل ماتخرج…
خرجت وقفلت وراها..اتفجأت بوجود والدتها..
روكا… ايه ده مامي انتي صاحيه..
صفيه… كنت عارفه انك مش هتصحيني وهتمشي من غير ما اسلم عليكي عشان كده منمتش اصلا وفضلت مستنياكي…
روكا… مش عايزه اضايقك ولا احس اني بودعك..
صفيه… انتي هتيجي تاني صح.
روكا.. هاجي اكيد.. يامامي.. ممكن اسبوعين اخلص شغل مهم واجي اعد معاكي يومين وامشي..
صفيه…اوعي تتأخري عليا تاني ياروكا.. انا مصدقت رجعتي تاني لحضني
روكا… انا اللي مصدقت يا مامي.. واستحاله ابعد عن حضنك تاني…
صفيه.. بجد ياروكا..
روكا.. بجد يا احلي صافي فالدنيا..
صفيه.. هتكلميني.. كل يوم..
روكا… كل يوم ايه ده انا هكلمك كل شويه.. بس يارب متزهقيش..
صفيه… لا مش هزهق.. كلميني انتي بس…
روكا.. حاضر…ساره نايمه…
صفيه.. اه نايمه هي والولاد.. تعالي سلمي عليها
روكا… لا بلاش خليها..عشان الولاد ميصحوش حرام هي مش بتنام كويس وانا اول ما اوصل. هكلمها…
جه صوت ساره من وراها..
ساره.. بقي كده ياست روكا.. ده اللي اتفقنا عليه…مش قولتلك عايزه اشوفك قبل ما امشي.. حضنتها. روكا…
ياروحي..انتي صاحيه والله مش عايزه بس اقلقك ده اليومين اللي اعدتهم معاكي.. حسيت انهم بيعذبوكي.. ومش بتنامي خالص..
ساره… ياستي انا اتعودت..المهم اني اشوفك..
روكا.. هتوحشيني..
ساره… عشان خاطري ياروكا.. متغبيش عنا تاني.. انا مصدقت انك رجعتي…
روكا… مش هتأخر عليكم والله عشر ايام اسبوعين وهتلاقوني نطيت وهزهقكم بس اخلص الشغل اللي ورايا ده كله وكمان ياستي هكلمكم كل شويه.. وانتو كمان كلموني ده انا مصدقت بابي وافق..
ساره.. هقرفك انا وسولي كل شويه..
روكا.. طب لو الارف بالشكل ده انا موافقه ياستي…انا مش عارفه همشي ازاي واسيب سولي وتمارا…
ساره… خلصي شغلك وارجعيلهم بسرعه..
روكا.. ان شاء الله…
صفيه.. مش هتسلمي علي بابي ياروكا…
روكا…. هو صاحي..
صفيه… لا انا سيباه.. ناينم.
روكا..مش عايزه اضايقه..
صفيه.. ميتهيأليش هيضايق.
روكا.. خدت نفس طويل… هشوفه.. بس مش هصحيه.. عشان مقلقوش..
صفيه.. ماشي ياحببتي ..ادخليله وانا هستناكي تحت..يلا ياساره..
ساره.. حاضر يامامي..
نزلت والدتها واختها…
راحت روكا.. عالباب.. خبطت براحه.. وفتحت…كان هاشم نايم..
قربت روكا.. من السرير..
ووطت علي خده باسته…هتوحشني اوي.كان نفسي تكون صاحي ومستنيني اسلم عليك.. بس مش مهم هرجعلك تاني.. مش هتعرف المرادي تخلص مني…بحبك يا احلي اب فالدنيا دي كلها…
وخرجت… براحه من الاوضه…وقفلت وراها…ونزلت تحت…
وفتح عينه هاشم.. وملامح الحزن علي وشه.. وشبح ابتسامه. مرسوم علي شفايفه. من كلام روكا…وقام براحه. وقف علي الشباك.. يشوفها وهي ماشيه…
لمح..روكا.. واقفه مع صفيه وساره…وبتسلم عليهم وتحضنهم..
ركبت عربيتها ومشيت.. حس هاشم انها خدت روحه معاها من تاني بعد مارجعتهاله اليومين دول…وفضل باصص علي العربيه.. وشايف طيفها بيبعد شويه بشويه.. لحد ما اختفي من ادامه…
فضل واقف.. سرحان…
كانت صفيه.. طلعت هي وساره.. دخلت ساره اوضتها..
ودخلت صفيه هي كمان…شافت هاشم واقف علي الشباك…
صفيه… لما انت صاحي.. مقومتش سلمت عليها ليه لما دخلتلك وعملت نفسك نايم…
هاشم… مقدرتش..
صفيه… سامحها بقي ياهاشم.. كفيانا حزن ووجع..
هاشم… سامحتها من زمان ياصفيه.. بس لسه حاسس اني موجوع.. منها اوي.. علي اد ما بتخطفني في لحظه بكلمه ولا ضحكه.. بس مش عارف…بحاول امنع نفسي عشان تحس بغلطها. لاني لو ممسكتش نفسي هضعف ادامها.. وهي هتحس انها مغلطتش..
صفيه.. فهماك بس انا حاسه انها المرادي متغيره بجدد.
هاشم.. وانا متأكد من ده …بس لازم اخد وقتي ولازم هي تحس بالذنب شويه مش اول ما تيجي وتترمي في حضني انسي..وإلا مش هتتعلم من غلطتها..
صفيه.. ربنا يهديها.. ويرجعها حضننا تاني..
هاشم.. يارب….
صفيه.. تعالي ننام شويه.. قبل ما تصحي لشغلك..
هاشم.. ماشي مع ان النوم راح..
صفيه.. تعالي بس ريح.. وهيجي تاني..
هاشم.. ماشي…
…………..
مر الوقت بسرعه… علي ابطالنا….عدو كام ساعه..
كان اغلبهم صحي لشغله…
وكانت روكا.. وصلت القاهره..وفي طريقها للشركه…اتصلت بوالدتها طمنتها.. عليها..
وبعد وقت بسيط.. اخيرا وصلت…شركتها..
كان الشغل متلغبط.. وحجات كتير متأخره..
فصلت تماما وابتدت تشتغل.. وترد عالايميلات وتقبل طلبات..وفضلت تشتغل.وتعوض فترت غيابها… وبعد وقت. طويل عدي.. خدت بريك… واتصلت بسيلا… وحاولت تبان بطبيعتها..
روكا… الوووو
سيلا… ايه ده روكا. ده رقمك بجدد انتي بتتصلي عليا.
روكا… مالك يابت في ايه وانا كنت مخطوفه ولا ايه..اه ياختي رقمي..
سيلا… انتي فين ياجزمه وحشتيني..
روكا.. انا جيت وفالشركه يا اختي بشتغل..
سيلا.. ايه ده بجد.طب احلفي كده..
روكا.. احلف وانا ههزر معاكي يابت ولا ايه.
سيلا.. طب جيتي امته..
روكا.. جيت الصبح.. علي 8ونص كده..
سيلا.. نعم 8ونص وبتكلميني الساعه 2انتي عبيطه يابت.. مكلمتنيش ليه من ساعت ماجيتي ياجزمه.
روكا… اسكتي ياسيلا اليومين اللي غبتهم جيت لاقيت الشغل متطربق علي بعضه ..وكل حاجه بايظه.. اول ماجيت فضلت اشتغل واحاول انقذ ما يمكن انقاذه.. وخلاص فصلت قولت اخد بريك.. اشرب قهوه وسيجاره دماغي بايظه..
سيلا… مش انتي اللي مشيتي وسبتلهم السايب فالسايب احسن اشربي بقي..عشان تبقي تسبيني تاني..
روكا… شمتانه فيا ياجزمه..
سيلا.. اه عشان مشيتي
روكا… كان لازم افصل يا سيلا .لو كنت فضلت كان جرالي حاجه بجدد
سيلا.. بعد الشر ياجزمه.
روكا… البت ريم وسما عاملين ايه..
سيلا.. بخير الحمد الله هيفرحو اوي عشان جيتي..
روكا.. هنا كمان وحشوني اوي..
سيلا… طب انا مليش دعوه عايزه اشوفك هتقوليلي بعدين بقي عشان جيت من سفر.. وعشان روحت عالشغل وفاصله والكلام. ده.
روكا.. لا يا اختي مش هقول اصلا انا بكلمك عشان تجيلي بعد الشغل. انتي والعيال وحشتوني ومفتقدامكم جدا..ووحشتني الاعده معاكم…
سيلا… هخلص شغل واجيلك…
روكا.. انا هخلص كمان ساعه كده وهروح.. عشان اخد شاور كده واظبط نفسي. ..
سيلا.. انا لسه مش هجيلك الوقت انا ورايا شغل كتير ماسكه قضيه كبيره ومسحوله…
روكا.. خلاص هروح انام شويه لحد ماتيجو..
سيلا.. ماشي ياقلبي انا فرحانه اوي وحشتيني ياجزمه
.روكا… والله انتي وحشتيني اكتر..
سيلا.. انتي كويسه..
روكا.. اه زي الفل..
سيلا.. اكيد..
روكا.. بت انتي متبقيش زنانه واقفلي خليني اخلص لما تيجي نبقي نتكلم..
سيلا.. ماشي ياستي..انا هكلم البنات واقولهم..
روكا.. اوك ياروحي…
سيلا. باي..
روكا.. باي…
……..
رن تليفون المكتب..
سيلا.. الووو.
مراد… سيلا تعاليلي عالمكتب.
سيلا.. حالا مستر مراد
ثواني وخبطت سيلا..
مراد.. تعالي ياسيلا…
سيلا… خير يامستر.. شوفت المقال..
مراد… هايل طبعا مفيش كلام…والمفروض انه بيتطبع الوقت..
سيلا.. تمام.. في جديد
مراد.. المفروض انه في جديد.. كنت عايزك بس… يعني..
سيلا.. في ايه يامستر..قول
مرادد. صراحه عايزك تروحي المشرحه وصلي اخبار الوقت انه تم التشريح واكيد في اخبار جديده..
سيلا.. طيب وحضرتك مالك متردد ليه.
مراد… يعني عشان اول مره تروحي المشرحه مش عايز اخوفك..
سيلا .بابتسامه يعني هتيجي اكتر من المنظر اللي شوفته امبارح يامستر ..حضرتك انا شوفت جثتين هخاف اروح المشرحه…
مراد.. ايه اكتسبتي مناعه..
سيلا.. بضحكه حاجه زي كده تقريبا نحست..
مراد.. بابتسامه.. طب الحمد للله يلا بقي فالسريع كده تجيبي اخر الاخبار…
سيلا.. تمام بعد اذنك.
مراد.. اتفضلي….
خرجت.. سيلا.. من الجريده.. وكلمت بدر..
بدر… ايه ياحبيبي الاخبار..
سيلا.. الحمد لله تمام.
بدر.. انتي خرجتي ولا ايه..
سيلا… انا خرجت اه بس راحه عالمشرحه..
بدر.. ياساتر يارب في وشي كده..
سيلا بضحكه بتخاف ولا ايه..
بدر… لا هخاف من ايه بس الملافظ سعد…
سيلا.. بضحك.. حفك عليا.. ياسيدي..
بدر.. طب سيبك من السيره دي.. قوليلي الجميل مبسوط ولا انا بيتهيألي..
سيلا.. لا مش متهيألك انا فعلا مبسوطه…
بدر.. ليه بقي ..
سيلا… روكا رجعت … وكلمتني.. وهروحلها بليل..
بدر.. بجد..
سيلا.. اه والله
بدر.. طب الحمد لله هي كويسه.
سيلا.. اه الحمد لله..
بدر… طب ياستي لو اعرف ان رجوعها هيفرحك كده كنت رحت جبتهالك من بيت اهلها..
سيلا… كنت هتجنن عشانها بس الحمد لله اهي جت..
بدر.. طب ايه حكايت هتروحيلها دي ان شاء الله بعتيني في ثانيه..كل يوم عدي عليا عدي عليا الوقت بعتيني عشان روكا جت.
سيلا.. لا والله مقصدش بس عايزه اطمن عليها..
بدر.. عارف ياقلبي انا بضحك معاكي…
سيلا.. ماشي هكلمك لما اخلص قبل ما اروحلها…
بدر.. صحيح ياسيلا..
سيلا.. نعم..
بدر.. نوني قالتلي انك كلمتيها امبارح..تطمني عليها..
سيلا… 😳😳وقالتلك حاجه تانيه..
بدر…لا ابدا قالتلي اني اقولك تيجي يوم تتغدي وتعملك مكرونه عشان انتي سألتيها تتعمل ازاي..
سيلا… ياساتر علي مامتك دي فتااااانه..
بدر… بضحك.. بقي بزمتك في حد يروح لنوني يسألها.. علي حاجه ده زمان جيرانك عرفو 🤣🤣🤣🤣
ده كان أكرملك تدخلي عالنت تشوفي الطريقه ولا انك تقولي لنوني..
سيلا… ماشي يانوني لما اشوفك..
بس علي فكره بقي هي قالت الوصفه وانا اللي عملتها..
بدر.. طبعا ياقلبي المهم النفس..
سيلا.. طب امشي بقي عشان مضايقه من نوني..
بدر.. بضحك طب وانا مالي انا..
سيلا… انت بتضحك وبتضايقني صح..
بدر.. بضحك… والله ابدا…
سيلا.. يلا امشي عشان الحق..
بدر.. ماشي ياقلبي خلي بالك من بنوتي.. الحلوه….
سيلا.. حاضر..باي.
بدر.. باي…
……..قفلت سيلا… وكلمت ريم وسما وهي فالطريق تبلغهم ان روما جت واتفقو يروحلها بليل البنات كانو فرحانين جداا.. وكانت سيلا بتكلم ريم وهي فالبريك.. مع عامر…وقفلت سيلا وراحت تشوف شغلها..
اما ريم.. قفلت معاها..
عامر… روكا رجعت ياريم بجد..
ريم.. اه رجعت انهرده الصبح.. كلمت سيلا.. وهنروحلها بليل..
عامر.. هي كويسه..
ريم.. سيلا بتقول بخير. بس جت الصبح عالشركه عشان كان عندها شغل كتير…وشويه وهتروح واحنا هنروحلها بليل نكون هلصنا شغل…
سكت عامر.. وسرح.. وفضل يشرب فالسيجاره وهو شارد..
ريم… اعده تسرق نظراتها ليه…عامر.. انت كويس..
عامر… مش عارف..
ريم… مش عارف يعني ايه..
عامر… مبقتش عارف اذا كنت كويس ولا لا..
ريم.. ماتفك كده انت وهي في ايه.. هي شويه وهتبقي تمام.. وانت كمان لازم تبقي تمام..وبعدين انهرده هنكسر دماغها متقلقش
عامر… لا ياريم.. سيبوها كفايه اللي هي حاسه بيه..
ريم.. بابتسامه.. انت بتحبها اوي كده..
عامر… مكنتش فاكر اني بحبها كده. ولا كنت فاكر اني ممكن اتعلق بحد كده من الاساس.. اكيد كنت هرتبط هتجوز بس اني احب كده انا نفسي مستغرب نفسي..
ريم.. بقولك ايه…
عامر… قولي.
ريم.. ايه رأيك.. نعمل خطه حلوه كده.. انا.وانت نخليها تفك شويه..
عامر. بابتسامه..علي هبل ريم.خطه مره واحده
ريم. اسمع مني انا هظبطك..
عامر.. ماشي ياستي عندك . خطه..
ريم.. 🙄🙄الوقت لا.. بس نفكر..
عامر.. واقولك خطه وفردتي دراعاتك وحسستيني ان انتي اللي هتجيبي الديب من ديله..
ريم.. لا بقولك ايه متستقلش بقدراتي انا هفكرلك في خطه حلوه..
عامر.. ماشي ياستي اما نشوف..
………….
وصلت سيلا المشرحه.. كان المكان مليان مصوريين.. والكل كان بيقول ان اهل سهيله ومليكه موجودين…
القلق والتوتر كان ماللي المكان.. والمعلومات الجديده اللي قدرت توصلها سيلا..كانت صدمه بالنسبالها..كلمها مراد فاللحظه دي..
مراد.. ايوه ياسيلا…انتي وصلتي..
سيلا.. ايوه يامستر مراد وصلت .
مراد ايه الاخبار في معلومات جديده.. في مصيبه.. بس لسه. ظابط. المباحث.. هيروح عالڤيلا.. وبعد كده هيروح عالقسم.. ويستدعو اصحابهم..
مراد.. طب قوليلي في ايه .
سيلا.. مش هينفع الوقت خليني اقفل عشان الظابط خارج واهل البنتين معاه..
مراد.. اوك تمام سلام..
سيلا. قفلت من غير ماترد .. السلام…
وكملت شغلها…وحاولت تسمع معلومات اكتر….
……….
اما روكا.. بعد ما خلصت شغلها روحت عالڤيلا بتاعتها…
واول ما وصلت وفتحت الباب…
حست بنغزه وجع في قلبها.. وشافت التكسير.. اللي كان عالارض… حست بشريط بيعدي ادامها بالموقف اللي حصل بينها وبين عامر… عينها دمعت اول ما افتكرت.. وافتكرت وقفته ادامها وهما بيتخانقو حاسه بريحته فالمكان اد ايه وحشها…ومفتقداه…
سابت الشنطه.. والموبايل.. وابتدت تنضف الارض من التكسير وحاولت تمحي اي حاجه تحسسها باي وجع.. او تفكرها بالموقف…
……………
بعد وقت طويل.. مشيت سيلا من المشرحه… وراحت.عشان تقابل صحابها… وتطمن علي روكا.. لاكن كانت هترجع بليل عالقسم تشوف التحقيق وصل لايه…
……..
وصلو البنات عند روكا…
فتحت.. روكا….وحشتوني…
ريم.. روكااااا وحشتيني ياكلبت البحر كده مكنتيش بتردي عليا..
سما.. اوعي كده سبيها شويه .. وحشتني..
سيلا.. زقتهم الاتنين وحضنت روكا.. وعيونها مدمعه وحشتيني اوي.. كده تمشي…وتسبينا..
روكا.. خلاص بقي احسن اعيط والله…
انتو وحشتوني اكتر…
اعدو البنات وحكتلهم عاللي حصل مع اهلها…
سيلا.. طيب دي بدايه حلوه.
سما.. فعلا والله ياروكا.. دي احلي حاجه حصلت..ويمكن اللي حصل مع عامر ده كان خير ليكي…
اتغيرت نظره روكا. للحزن. وسرحت.. فضلت ريم وسيلا يبرقو لسما. عشان ج
فكرتها بعامر…
سما. ايه.. في ايه..
لا بقولكم ايه.. متبصوليش كده انا مقولتش حاجه غلط.. وعلي فكره بجد ربنا مبيعملش حاجه وحشه واكيد ده حصل عشان ترجع علاقتها مع باباها تبقي احسن…
ريم.. وهي بتجز علي سنانها.. عارفين يامدب.. ان في خير بس مش وقته نضايقها مصدقنا رجعت..
روكا.. سيبوها يابنات هي بتتكلم صح.
سما.. شوفتو..
روكا.. يمكن الحسنه الوحيده فاللي حصل ان فعلا حاسه بتغيير في علاقتي مع بابي.. ودي حاجه كانت بالنسبالي صعبه…
سما.. طيب وعلي فكره بقي بخصوص. عامر..روكا بجد عامر بيحبك..
روكا.. مش عايزه اتكلم عنه ولا عايزه اتكلم في حاجه فالموضوع ده ممكن..
سيلا.. خلاص يابنات..
ريم.. هو ايه اللي لا خلاص لا مش خلاص…الرجل ياعيني
هيموت عليها ونسي زعله منها وعايز بس يراضيها انتو مشفتهوش انهرده مان بيتكلم عليها ازاي…
روكا.. وهي رافعه حاجبها.. وانتي روحتي شوفتيه ليه ان شاء الله عشان تتكلمي عليا معاه بقولك ايه اوعي تدخلي فالموضوع ده ولا يقولك اقابلك انتي او اي حد فيكم عشان يصلح الموقف فهمتو..
ريم.. لا ما انا مروحتش ده كان في الشركه..
روكا.. شركت ايه..
ريم…🙄بتبص لسيلا وسما.. نسيت انها متعرفش انها اشتغلت معاه…
روكا.. بت انتي وهي انطقو في ايه بتتنيلو تبصو لبعض كده ليه..
سما.. مفيش ياروكا..
روكا.. والله العظيم لو ماقولتو في ايه نهاركم هيبقي اسود..
سيلا.. بخوف… ريم.. اشتغلت مع عامر فالشركه بتاعته..
ريم..🙄🙄
روكا.. بت انتي بصيلي هنا..انتي اشتغلتي معاه..
ريم.. لا😳
روكا.. لا ايه هما قالو اشتغلتي.. معاه انطقي يازفته..
ريم.. والله كنت هقولك بس انتي مشيتي..
روكا.. اتكلمي..
ريم.. يوم ما كنا عند نوني اخر مره لما يوسف وصلني وقفنا نتكلم شويه وقاللي عالشغل اني اشتغل معاه وكده انتي عارفه اني مليش فالكمبيوتر والجو ده عرفاني طبعا حماره تكنولوچيا😁😁
روكا.. بت انطقي بسرعه بدل ما اسود عيشتك
.
ريم…طب براحه انتي مخوفاني..😔
روكا.. اخلصي
ريم.. بس قاللي اني اشتغل مع عامر.. وقاللي ان هو هيكلمه…وكده…وبس.. عامر قاله تمام وروحت بس كده…
روكا.. بصالها وساكته…
ريم.. بصي انتي عارفه اني نفسي اضيع وقتي واشتغل واعمل حاجه مفيده في حياتي.. بس والله العظيم لو انتي مضايقه انا هسيب الشغل من بكره ولو عيزاني ابلغ عامر الوقت حالا هكلمه واقوله..
روكا.. ايه العبط ده.. لا طبعا متسبيش الشغل احنا مصدقنا اتنيلتي وعملتي حاجه مفيده.. انا اكيد مش زعلانه …
ريم.. بجديا روكا..
روكا.. اه بجد…. ومره واحده علت صوتها سرعت ريم. بس والله ياريم لو اتكلمني عليا وجبت. سيرتي ولا حاول يخليكي تقابليني بيه هيكون يومك اسود..
ريم.. قطعتيلي الخلف يابعيده..
روكا.. سمعتي..
ريم.. فضلت تهز دماغها مره بحاضر ومره لا..
روكا.. سمعتي..
ريم.. طيب..
روكا. اشوف حاجه غير دي تتعمل..
سيلا.. ممكن اقول خاجه..
روكا.. اتنيلي انتي كمان انت. جايين تحرفو دمي انا عارفه
سيلا.. خالص والله بس يعني.. بجد ياروكا.. لازم تديه فرصه..
روكا.. خدت نفس طويل وسكتت..
ريم.. حاولت تغير الموضوع…
ايه ددددددده.
روكا. يخربيتك سارينه ايه في ايه.
ريم . ماال ايدك..
روكا.. اتنيلت اتعورت يومها..
ريم.. اه صح.. ما احنا شوفنا الدم
روكا.. شوفتوته فين انت. جيتو هنا…
سيلا..ايوه وقلبنا الدنيا عليكي..
وحكولها علي الاماكن اللي دورو فيها.. واللي عملوه .
وفضلو يرغو…
كتير…
ومشيو البنات من غند روكا عشان يسبوها ترتاح…
وودعت سيلا البنات…
وراحت عالقسم …
كانت التحقيقات لسه شغاله… وعرفت سيلا… معلومات جديده عن الحادثه.. اللي هتقلب الرأي العام
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
