روايات سيلا والنمر الفصل الثامن عشر 18 بقلم منار مصطفى
روايات سيلا والنمر البارت الثامن عشر
روايات سيلا والنمر الجزء الثامن عشر
روايات سيلا والنمر الحلقة الثامنة عشر
خرجت سيلا من مكتب مراد.. وهي مضايقه من الطريقه اللي كلمها بيها..ومضايقه من المصور.. اللي حكاله..
كانت واثقه ان سبب عصبيت مراد هي غيرته عليها من اللي سمعه من المصور…
دخلت مسكت التليفون بسرعه واتصلت علي بدر ..
بدر…. الووو.
سيلا.. ايوه يابدر. انا سيلا..
بدر… سيلا… خير في ايه مال صوتك..
سيلا… مش مهم الوقت المهم ان مستر مراد هيكلمك بخصوص الكاميرا تقريبا المصور حكاله كان متعصب جدا وطريقته وحشه…وعايز الكاميرا..
بدر… طيب اهدي
سيلا.. اهدي ايه بقولك متعصب وطريقته زي الزفت.. وبيحملني غباء المصور.. انا مالي دي عهدتخ هو مش عهدتي.
بدر… طيب خلاص اهدي ممكن انا هتصرف .التليفون ده اقدر اكلمك عليه ولا لا.
سيلا.. ايوه ده تليفون خاص بمكتبي.
بدر.. طيب تمام اقفلي الوقت عشان معايا رقم عالوايت غالبا هو..
سيلا.. تمام.
بدر .هكلمك تاني..
سيلا.. اوك باي..
قفل معاها بدر….وفتح علي مراد.
بدر… الوووو.
مراد .. صباح الخير استاذ بدر.
بدر… تمام.. مع حضرتك العقيد بدر الخياط..مين حضرتك
مراددد.. انا مراد. رئيس تحرير ومالك جريده الحدث اللي بتشتغل فيها الانسه سيلا..
بدر… اه اهلا وسهلا
مراد.. انا مش هطول علي جنابك.. بس من فضلك المصور اللي كان مع سيلا في حادثه المول امبارح قال انه نسي معاك الكاميرا هنتعب حضرتك يعني محتاج الكاميرا عشان نقدر نجهز الشغل.
بدر… تمام بس انا في شغلي واكيد الكاميرا مش معايا الوقت..
مراد.. يعني ايه.
بدر.. يعني اخلص شغلي وتقدر تخلي المصور اللي سابها يتواصل معايا وانا هديهاله .
مراد… ايوه بس حضرتك انا محتاج الكاميرا دي حالا لان بيتوقف عليها شغلي انهرده واكيد مش هستني جنابك تخلص شغل ممكن تقولي الكاميرا موجوده فين وانا هبعته ياخدها..
بدر… مظنش هينفع وبعدين يعني دي مش غلطتي المصور اللي سابها هو اللي غلطان محدش قاله ينساها.. ومظنش اني هسيب شغلي عشان اجي اجيبهالكم…
مراد.. انا مطلبتش من جنابك تسيب شغلك.. بس بردو مش هينفع نستني حضرتك لما تخلص شغلك عشان اقدر استلم الكاميرا بتاعتي احنا لسه في اول اليوم واظن عشان نستني حضرتك هتكون جرايد تانيه نزلت الخبر..
بدر… والله دي مش مشكلتي الوقت.. دي مشكلت المصور اللي نسي عهدته معايا..
مراد… يعني ايه..
بدر… يعني لو عايز الكاميرا .. هتضطر.. تستناني. لما اخلص..
مراد… بعصبيه.. وانا مش هستناك تخسرني شغلي..
بدر.. ببرود.. والله دي مشكلتك مع المصور مش معايا انت اللي مشغل معاك. واحد مسطول..
مراد.. افندم.
بدر.. زي ما سمعت وبعد اذنك انا عندي شغل..
مراد… الغلط مش عليك الغلط فعلا عالمصور وعلي سيلا انا ليا تصرف تاني معاها…
بدر… اتعود مترميش غلطك علي حد ملوش ذنب.. واظن سيلا عملت شغلها علي اكمل وجه..والكاميرا مش عهدتها..
مراد.. والله دي حاجه متخصش جنابك وانا ليا حساب معاهم هما الاتنين..
بدر… تمام… وانا بقولك لو سيلا مسيتها بكلمه بس ضايقتها.. اعتبر انك ملكش حاجه عندي..
مراد.. نعممم انت بتهددني…
بدر…والله احسبها زي ما تحسبها سلام وقفل بدر التليفون في وشه…
مراد.. كان شايط.. ورمي كل حاجه علي مكتبه…
مشكلته ولا كانت فالكاميرا ولا حتي فالخبر اللي عايز يغطيه قبل الجرايد التانيه.. مشكلته كانت في غيرته علي سيلا من الكلام اللي سمعه من المصور.. وفريقت بدر اللي اكدت ان في بنهم حاجه…
قام.. مراد كان تقريبا عقله مش فيه..
وراح علي مكتب سيلا..وفتح الباب مره واحده ودخل وقفل الباب وراه…
سيلا.. اتخضت من فتح الباب وقفله بالمنظر ده ومنظره اللي ميبشرش بخير ابدا…
مراد… مين بدر ده ياسيلا..
سيلا.. مستر مراد في ايه.
مراد.. سيلا انا ماسك اعصابي بالعافيه ردي علي سؤالي..
سيلا… اظن دي حاجه ملهاش دعوه بالشغل.
مراد… لا ليها ولو انتي شايفه ان ملهاش دعوه بالشغل ده يخصك انتي لاكن انا شايف ان ليها علاقه بالشغل خصوصا ان في عهده تخص شغلنا معاه..
سيلا… بدر… ده اللي فك القنبله امبارح بعد الانفجار اللي حصل..
مرادد..ايوه تعرفيه منين ده..
سيلا…..تقدر تقول صديق معرفه صحاب..
مراد .صحاب؟
سيلا.. مستر مراد ممكن اعرف حضرتك متنرفز ليه بالمنظر ده..انا شايفه ان مفيش اي سبب يوصل حضرتك للحاله دي…الماميرا والمصور نسيها وده شئ ميخصنيش.. بدر. معاه الكاميرا والمفروض اللي يرجعها المصور اللي نسيها معاه مش انا…
حضرتك بقي متعصب كده ليه هه ممكن اعرف..المصور ده قالك ايه..
مراد.. سيلا…قولتي ايه فالموضوع اللي اتكلمنا فيه مع بعض..
سيلا.. اظن يامستر مراد احنا في مكان شغل الوقت وده مش وقت مناسب خالص.. تاني حاجه ده ماله ومال اللي احنا بنتكلم فيه الوقت.
مراد .. سيلا انا بحبك..
سيلا.😳……
مراد… سيلا انا هتجنن من امبارح ومنمتش من اللي المصور قاله..انتي في حاجه بينك وبين بدر ده..
سيلا……….
مراد… ردي يا سيلا.
سيلا…مستر مراد.. بعد اذنك
مراد.. ردي ياسيلااا.
سيلا…بعصبيه مفرطه.. انا مفيش في حياتي اي حد واظن حتي لو في ده شئ يخصني انا وبس..واظن ان ولا من حقك ولا من حق غيرك انه يحاسبني..ومش عشان حضرتك فاتحتني في موضوع ارتباط ييقي حضرتك بقيت واصي عليا واحب.اعرف حضرتك ان مش معني اني وافقت اني اقبل عزومتك واوافق اني اسمع منك موضوع كنت حابب تفاتحني فيه يبقي انا موافقه عليه.. انا لما خرجت مع حضرتك ده كان بناءآ علي طلبك الزايد وعشان انا بقدرك وبحترمك محبتش اني افضل قليله الذوق وعشان انا بقدرك وافقت ومرضتش ازعلك..
ومظنش ان جزائي في تقديري ليك يديك الحق انك تدخل في حياتي وتتكلم معايا بالشكل ده..وانك تسمع كلام مصور ملهوش اي لازمه ويخليك تقف ادامي تتهمني بالتقصير.
مراد.. انا متهمتكيش بالتقصير يا سيلا.
سيلا… لا اتهمتني…لما تقولي انك عايز الكاميرا حالا وان يعتبر شغلي موصلكش يبقي اتهمتني.. لما الكل يعتذرلك انه مشغول واللي ميردش ومتلاقيش حد فاضي غيري في وسط مانت عارف ومتأكد ان انا اللي مشغوله ومع ذلك اسيب اللي ورايا.. واروح اشوف شغلي.. وفالاخر تتهمني بالتقصير يبقي ده اسمه ايه…
لما تسيب الكلام عن الشغل وفالاخر اكتشف ان سبب عصبيتك هو بدر…. يعني الموضوع طلع مش تقصير لان حضرتك عارف ومتأكد من البدايه اني مقصرتش بس حبيت تطلع غضبك فيا بسبب اللي وصلك من المصور… بس انا عايزه اقول لحضرتك كلمه قبل ما امشي.. غيرتك عليا دي مش مقبوله.. كان ممكن اقبلها في حاله واحده لو كان في حاجه واضحه وصريحه بيني وبين حضرك. لاكن احنا مفيش بينا حاجه.. حضرتك عندك شعور بالاعجاب من ناحيتي ويادوب مفاتحني فيه…
مراد… بس صدقيني ياسيلا انا بحبك.. انا مستعد اعمل اي حاجه عشانك. وانا متأكد انك عارفه وحاسه بحبي ليكي.. سيلا انابخاف عليكي من اي حاجه ممكن تحصلك.. انتي عارفه ياسيلا.. ان بكلمه مني كان ممكن انزل اي حد يشوف هو الحادثه ويعمل عليها تقرير بس انا عايز اشوفك ناجحه وبتتقدمي بفضلك عن اي حد موجود فالجريده هنا يمكن ده غلط وظلم ليهم بس انا عايز اشوفك بتنجحي عايز اشوفك بتعلي ادامي.. عايزك تثبتي نفسك.. اظن انا لو مش بحبك مش هتمني نجاحك.. سيلا انا بحبك بجد.. وعمري ماحبيت حد ادك.. يمكن زي ماقولتي انا فعلا كلام المصور جنني ومن امبارح مقدرتش انام من كتر التفكير خصوصا لما مردتيش قلقت عليكي اكتر… يمكن يكون حوار الشغل والكاميرا ده مجرد.. تلكيكه بداري بيها عن البركان اللي كان جوايا بس بردو يا سيلا انتي قولتيها.. انا غيرت عليكي.. اه غيرت ومش هتكسف اني اقول كده ينكن بردو زي ما قولتي مش من حقي اني اغير..بس اللي بيحب بجد يا سيلا بيدي لنفسه كل الحق.. بيدي لنفسه صلاحيات مش بتاعته بس حقيقي غصب عني.. انا واثق انك مش بتحبيني ربع الحب اللي بحبهولك..بس ده عمره ما هيقلل من حبي ليكي .صدقيني انا بحبك يمكن اكون غلطت في رد فعلي .. بس صدقيني غصب عني ياسيلا.
وارجوكي متمشيش .
سيلا.. كان صعبان عليها مراد ازاي عري نفسه ادامها ازاي بينلها ضعفه في حبها… بس غصب عنها ما هو اصل الحب مفيهوش شفقه.. يافي حب يامفيش..
سيلا… لازم امشي يامستر مراد.. مبقاش ينفع.
مراددد… طيب بصي ياسيلا ..هسيبك تمشي تروحي بس عشان تهدي مش اكتر لاكن مش عشان تستقيلي وتسيبي الشغل مينفعش الحوار يوصل لكده..
سيلا.. حضرتك اللي وصلته لكده مش انا.
مراد… وانا اعتذرت خلاص عشان خاطري بقي انسي اي حاجه الوقت…انا فعلا غلطت في رد فعلي بس خلاص هصلح غلطي ده وياريت تقبلي اعتذاري وتقدري الشعور اللي حسيت بيه..
سيلا… تمام يامستر مراد
مراد… تمام ياسيلا.. تقدري تروحي الوقت والكاميرا انا هتصرف وهرجعها..
سيلا… بعد اذن حضرتك….
خرجت سيلا وهي مضايقه جدا من اللي حصل…
خدت شنطتها من مكتبها.. ونزلت ركبت عربيتها ومشيت…..
بعد مده بسيطه روحت كان يادوب معاد الظهر…
اول ماروحت مسكت موبايلها وكلمت بدر…
سيلا…. الووو.
بدر… ايوه ياسيلا انتي روحتي ولا ايه..
سيلا… ايوه يابدر روحت خلاص..
بدر.. ايه اللي حصل..
سيلا… مش وقته يابدر.. انا دماغي هتتفرتك من الصداع ومودي زي الزفت مش قادره اتكلم بس كنت عيزاك تجهز الكاميرا عشان مستر مراد هيبعت المصور ياخدها منك..
بدر… انا خليت واحد صاحبي هنا بيفهم في حوار التصوير والتقطيع والكلام ده.. وخليته قطعلي من الفديو الجزء اللي يخصك…
سيلا… تمام بس اوعي تكون شيلت اكتر من كده
بدر… قولتلك شيلت اللي يخصك وبس باقي الفديو زي ماهو…واتأكدت بنفسي كمان..
سيلا.. ماشي يابدر.. تمام انا هنام الوقت عشان حاسه اني تعبانه.
بدر… سيلا..قوليلي طيب ايه اللي حصل قبل ماتنامي..
سيلا… بعدين يابدر.. صدقني مش قادره اتكلم..
بدر… بعصبيه.. هو ايه اللي بعدين يا سيلا.. عرفيني حصل ايه… اللي اسمه مراد ده عمل معاكي اي حاجه…
سيلا… يابدر.. صدقني مفيش مجرد شد مش اكتر…هو سمع من المصور تقريبا اللي حصل كله. وكان بيتهمني بالتقصير وطبعا انا مليش دعوه التقرير قدمتهوله الكاميرا بقي دي مش بتاعتي دي عهدت المصور..
بدر.. طب لما هي عهدت المصور انتي مالك..
سيلا… يعني.. عادي بقي.
بدر… هو ايه اللي عادي بقي ماتتكلمي ياسيلا.
سيلا.. بدر.. هو حب يتلكك مش اكتر انا كنت هسيب الشغل هالص بسبب الطريقه اللي كلمني بيها وكنت هقدمله استقالتي بس لما هو حس ان الموضوع دخل فالجد…فضل يتأسف كتير.. لان هو بيتخانق معايا وعارف اني مليش دعوه بالحوار اللي حصل.
بدر.. طيب هو هيتلككلك ليه يعني..
سيلا.. عشان ..
بدر.. عشان ايه ياسيلا…
سيلا..عشان لما المصور حكاله عن اللي حصل فاهو فكر ان في يعني حاجه بيني وبينك…
بدر… نعم..وهو ماله اصلا..
سيلا… عشان مراد. عايز يرتبط بيها يا بدر..
بدر… يرتبط بيكي..طيب حتي لو هو ماله بردو انتي قولتيها بنفسك عايز!!! يعني هو مش مرتبط بيكي ولا في بينكم اي حاجه رسميه عشان .عشان يضايق.
سيلا.. ماهو ده اللي انا قولتهوله..
بدر… هو انتي عشتميه بحاجه ياسيلا..
سيلا……..ساكته.
بدر.. فقد سيطرته ماتنطقي..
سيلا….. بخوف من نبره صوته.. لا لا والله هو اللي بيحبني وطلب انه يتجوزني..
بدر… امال هو مال اهله بقي.
سيلا.. بدر ممكن براحه..
بدر… هو ايه اللي براحه…دع واحد بيتحكم فيكي من غير اي وجهه حق.. ده ناقص يقولك كلمي مين ومتكلميش مين.. طبعا ماهو لاقي الهبله اللي بتلبيله طلباته..
سيلا… بدر… انا مسمحلكش تتكلم معايا بالطريقه دي..
واظن انت متعرفش عني حاجه عشان تحكم عليا..ولا انا محتاجه اني ابررلك اي حاجه.. بس عشان انا مش بحب طريقه الاتهام دي انا هقولك…
فاللحظه دي خبط باب مكتب بدر….
بدر… خليكي معايا لحظه..
سيلا.. تمام..
عسكري.. بدر. باشا… سياده اللواء عايز حضرتك.
بدر… تمام بلغه اني جايله حالا.
العسكري.. تمام يا افندم..
بدر.. سيلا.. هقفل معاكي الوقت روحي نامي وبعدين نتكلم.
سيلا.. اوك..
بدر.. سلام.
سيلا.. سلام.
دقايق وكان بدر. بيخبط علي مكتب اللواؤ..وبعد مادخل وقدم التحيه العسكريه.
بدر.. تحت امرك يا افندم..
اللواء.. اعد يابدر…
بدر.. اعد.. خير يا افندم.
اللواء.. خير متقلقش.. بس جاتلي اشاره من الداخليه.. بترقيتك…
بدر… ترقيتي.. انا!! ليه يا افندم..
اللواء… اللواء حافظ سلامه بلغ الداخليه.. انك امبارح..كنت موجود بالصدفه في موقع الانفجار اللي حصل فالمول..وانك ساعدته في ابطال قنبله كانت في عربيه ولولا انك كنت موجود كان زمان العربيه انفجرت وكانت حصلت كارثه تانبه غير اللي حصل فالمول..
بدر.. يا افندم انا معملتش حاجه كل الحكايه ان القدر هو اللي وداني هناك مش اكتر..
اللواء… ايه ياحضرت الظابط انت زعلان ولا ايه ان جه قرار بترقيتك…. لرتبه عقيد..
بدر… بالعكس.. يا افندم بس اتفاجئت مش اكتر..
اللواء.. الفتره اللي فاتت يابدر.. كنت بتأدي شغلك علي اكمل وجهه وكل ده كان بيوصل للداخليه وهما عينهم عليك من فتره والحقيقه ديما الحاجه اللي بتحصل من غير مترتبلها بتبقي احلي يعني انت امبارح روحت المكان وقدرك خلاك تشوف شغلك اللي انت اصلا مش مكلف بيه.. وتعمله وتخلصه علي اكمل وجهه وبدون اي خسائر واللي يشيد بشغلك لواء تاني خالص غير اللي انت شغال معاه… يعني انت كمان بتخلي انا صورتي احسن فالداخلبه.. معني ان لواء يشيد بشغل ظابط من فريق تاني.. خالص.. ده بيحسن من صورتي وان انا كمان شايف شغلي صح والفريق اللي تحت ايدي.. سمعته سبقاه..
بدر.. العفو يا افندم.. وكله بشغل سعادتك معانا وبفضل توجيهاتك ..
اللواء.. مبروك يا بدر..
بدر.. الله يبارك في حضرتك ويارب ديما اكون عند حسن ظن حضرتك..
اللواء.. طيب سؤال بقي بعيدعن الترقيه.. انت مالك يابدر شكلك مش مبسوط.. انا حتي حاسس انك مفرحتش بالترقيه اللي جاتلك… انت عارف انك زي ابني وانت ومهاب ليكو معزه عندي خاصه..وعارفكم اكتر من نفسكم.
بدر… ابدا والله يا افندم انا زي ناقولت لحضرتك اتفاجئت.. بالترقيه خصوصا زي ما حضرتك قولت انا مكنتش عامل حسابها انا روحت المكان فعلا.. ومكنتش رايح شغل انا كنت هناك بالصدفه.الباحته.والباقي حضرتك عارفه دي حاجه تاني حاجه انا مش زعلان ولا حاجه انا بس تقريبا مطبق من امبارح.. لان بعد الحادثه دي انا روحت متأخر يادوب غيرت هدومي وظبط نفسي وجيت فا عشان كده مش متظبط..
الواء. ماشي انا هعمل نفسي مصدقك .. ولو حابب تروح تقدر.. تروح ترتاح. اظن مفيش وراك شغل..
بدر.. لا لسه في ورايا كذا حاجه اخلصهم بس بسرعه
اللواء.. خلاص يابدر.. شوف اللي وراك وخلصه وتقدر.. تروح ترتاح.. وباذن الله اخر الاسبوع هتتم ترقيتك رسميآ يا بطل..
بدر… بابتسامه خفيفه.. بأذن الله وشكرا لحضرتك يا افندم.
اللواء.. انا اللي بشكرك يابدر.. اتفضل يلا شوف شغلك..
وقف بدر.. وادي التحيه العسكريه.. تمام يا افندم.. بعد اذن سعادتك..
خرج.. بدر.. وقابل مهاب…
مهاب…. مبروووزك يا سياده العقيد..
بدر.. مبتسم الله يبارك فيك يامهاب.
مهاب… بقيت تطلع مأموريات فالسر .
بدر.. ولا سر ولا حاجه هي جت صدفه زي ما شوفتو امبارح روحت اوصل سيلا وحصل اللي حصل.
مهاب.. طلعت وش الخير اهو عشان متظلمش البنت.
بدر . ياعم انا ولا ظلمتها ولا حاجه.. كل الحكايه بس كام موقف حصلو وراحو لحالهم والوقت بقينا تمام.
مهاب.. طب سيبك من كل ده انت مالك .
بدر.. تمام مفيش..
مهاب.. وحيات نوني عليا….
دخلو المكتب بتاع بدر.. ومهاب قفل وراه واعد عالكرسي ادامه..
بدر.. ياابني والله مافي مأريف بس شويه.
مهاب.. من ايه طيب بقي بزمتك حد تجيله ترقيع من الهوا كده ويبقي مأريف.
ايه اللي حصل طيب.. انت سيبتنا وكنت تمام ورحت مع سيلا في حاجه حصلت مابينكو..
بدر.. والله لحد الصبح مكنش فيه..
مهاب.. وبعد الصبح…
بدر.. ابدا.. بس…
مهاب.. بس ايه ماتحكي..
بدر.. ماشي.. ابتدا … بدر. يحكيلو اللي حصل كله
مهاب.. طيب بردو انا مش شايف ان زنبها حاجه..
بدر.. انا مقولتش ان زنبها حاجه بس انا اتعصبت من اللي اسمه مراد ده.
مهاب.. انت حبيتها. يابدر..
بدر… انا.
مهاب.. اه انت ومتحاولش تضحك عليا احنا مش عشره يوم يا صاحبي احنا عشره سنين .. انت مبتشوفش نفسك لما بتشوفها بتبقي عامل ازاي.. ولا بتشوف نفسك وانت بتحاول تخطف نظره منها وانتو شاديين مع بعض . والغريب اني اول مره اشوفك ملهوف علي بنت كده.. اخنا عرفنا بنات كتير وخرجنا وصيعنا .. بس الغريب انك المرادي ماغير..
بدر.. بص مش عارف.. بس يمكن يكون عندك حق.. انا حاسس ان فيا حاجه غريبه. ومش قادر احدد ايه ده ومش قادره اجزم بأنه خب لانه مينفعش يا مهاب..
مهاب… هو ايه اللي مينفعش ياصاحبي . مينفعش تحب وتتحب وترتبط وتعمل عيله وتعيش زي باقي الخلق..
بدر.. مش كده بس مينفعش اعلق واحده بيا يامهاب.. احنا شغلنا صعب احنا بنبقي داخلين عالشغل واحنا بنتشاهد.. يامهاب.. بنبقي داخلين عالشغل وعارفين ان في احتمالين ملهمش تالت ياننجز المهمه وننجح من غير اي خساير او منطلعش منها اصلا…
مهاب.. حتي لو مفيش حد عارف نصيبه فين.. وبعدين ما كلنا هنموت مل واحد بس موته مختلفه وبعدين ماهي ممكن تتجوز حد تاني خالص ويموت باي طريقه تانيه ايه المشكله.
بدر.. مقولتش مشكله بس مع سيلا بالذات الوضع مختلف.
مهاب.. اشمعني..
بدر.. لان سيلا ملهاش حد يامهاب.. فا مش هاجي انا كمان وازود حملها..
مهاب.. هو انت ليه محسسني انك هتتجوزها عشان تموت..يا ابني هو في حد فينا عارف هيموت امته.
بدر.. مش عارف بقي انا بقولك اللي حاسس بيه…
مهاب.. اسمع مني ياصاحبي.. متضيعش عمرك علي تفاهات ولو ليك نصيب تعيش يوم واحد بس بعد اعدانا دي.. يبقي تعيشه وانت مبسوط..انت وهي ..ومتفكرش عشان ربنا هو اللي ممشينا ..
بدر… ونعم بالله..
مهاب… انت تروح تصالحها وتصلح العك اللي عملته معاها عشان انا عارف طريقتك اكيد هبيت فالبت الغلبانه..
بدر.. ماشي هشوف المهم.اتفقت مع العيال هتيجو انهرده..
مهاب.. اه ان شاء الله الكل مظبط نفسه ولا في اي مشكله.
بدر.. لا خالص.. انا بس بأكد عليك.
مهاب.. لا كله تمام .. انا هعدي علي سما كمان اخدها في طريقي.
بدر.. والعه معاك.
مهاب.. والنبي خليك في نفسك متقؤش انت بس.
بدر.. لا ياعم مش هقر..المهم انت عامل معاها ايه.
مهاب.. تمام..
بدر.. سما طيبه ومؤدبه.
مهاب.. عارف وحقيقي انا حاسس انها هي اللي هتبقي من نصيبي.
بدر.. طيب حلو جدا وعايز اقولك انك مش هتلاقي زيها.. ومن كلام البنات ان اهلها محترمين..
مهاب.. فعلا وبصراحه انا بفكر بجد. اني اخد خطوه رسميه.
بدر… حلو اوي.. عشان يتفك النحس بتاعنا..
مهاب.. 🤣 فعلا بس انا حابب استني شويه مش اكتر..
بدر.. ليه طيب..
مهاب.. بص انا عارف ان سما ابتدت تعلق بيا. بس لازم نقرب اكتر من بعض ولا انت شايف ايه.
بدر.. انا شايف انك صح بس بردو مطولش يعني.
مهاب.. لا مش هطول متقلقش.
المهم هسيبك انا بقي اشوف اللي ورايا وانت كمان خلص اللي وراك.. .وتاني مره مبروك ياصاحبي..
بدر.. ماشي ياعم الله يبارك فيك وعقبالك يا صاحبي.
مهاب.. يلا سلام مؤقت
بدر.. سلام…
خرج مهاب واتصل بدر. بنوني…يطمن عليها.
ناهد… ايوه يا حضرت.. المقدم الحبيب..
بدر.. بمشاكسه.. حضرتك معاكي العقيد بدر..
ناهد… يارب ياسيدي وانا اكرهه..
بدر.. ماشي ياستي عموما انا بكلمك بس عشان اعرفك اني اترقيت وبقيت عقيد..
ناهد. بفرحه.. بجد يابدر.
بدر.. اه والله يانوني..ابنك بقي عقيد
ناهد… مبروك ياحبيبي. وايه سبب الترقيه..
بدر.. لا ده موضوع طويل مش ناقص رغي يا نوني الله يباركلك خليني اخلص عشان اظبط العشا بتاع بليل..
ناهد…. لا هتقولي الوقت وانا العشا وكل حاجه ظبطها خلاص.
بدر.. مفيش مفر يعني.
ناهد.. لا احكي…
وابتدا بدر يحكيلها كل حاجه
ناهد… واالله سيلا دي وش الخير انا بحبها من اول ما شوفتها..وواضح ان في ناس تانيه بتحبها..
بدر.. اقفلي ياناهد اقفلي انا اللي غلطان اني كلمتك هتصاحبيني ولا ايه..
ناهد.. ماشي لما تجيلي واشوفك..
بقولك ايه..
بدر.. هاا
ناهد.. اكدت عليهم..
بدر.. مهاب كان لسه معايا وبيقول ان كله تمام.
ناهد هما هيجو علي كام كده.
بدر.. تقريبا علي 9كده.
ناهد.. طب انت هتتأخر..
بدر.. الساعه الوقت..3وانا لسه ورايا شويه حجات واظن لو حضرتك فضلتي ترغي كده اكيد هتأخر…
ناهد.. طب اقفل يا جزمه ومتتلككش بيا يلا سلام.
بدر.. سلام يانوني…
قفل معاها بدر.. وراح لشغله..وعدي الوقت وبدر. روح بيته.. كانت الساعه 6خد شاور.. وجهز ونزل لنوني..لقاها بتحضر المكان وبتجهز كل حاجه ومستنيه الاكل يوصل.. عشان تظبطه.
بدر.. ايه يانوني بتعملي ايه.
ناهدد.. خضتني يابدر.. ايه هكون بعمل ايه بجهز السفره.. عشان لما الاكل يجي.
وظبط. الجنينه بره..
وعملت الحلو كل حاجه جاهزه.
بدر.. والله مافي حلو غيرك.
ناهد.. بس يابكاش…
بدر.. انا غلطان..
ناهد.. منمتش ليه شويه قبل ما يجو انت مطبق من امبارح.
بدر.. عادي بقي يانوني انا لو نمت اصلا محدش هيعرف يصحيني.. واللي هيجي جمبي انتي عارفه هعمل في ايه.
ناهد.. انت هتقولي…طب تعالي يلا ساعدني.
بدر.. لا اساعدك ايه انا رايح مشوار وجاي..
ناهد.. مشوار ايه ده..
بدر.. رايح.. ادي المصور الكاميرا بتاعته..
ناهد.. متتأخرش
بدر.. انا هعدي بعد كده علي سيلا. عشان مبتردش.
ناهد.. ليه في ايه زعلتها ولا ايه ما انا عرفاك.
بدر.. ولا زعلتها ولا حاجه.. انا بس كنت متعصب شويه الصبح وجت فيها.
بدر. كان واقف عالباب بتاع المطبخ ساند بايده علي الباب..
ناهد… يا ابني حرام عليك نفسك. انت ليه بتعمل كده.. علي طول عصبيه البنت مش حملك يابدر.. دي رقيقه وطيبه وتحسها لسه بريئه متضيعاش من ايدك يابدر.. وبلاش تكابر فالحب يا ابني. .وشيل من دماغك حتت الموت دي..
بدر.. مش حكايه موت ياامي بس.
ناهد.. مبسش يابدر.. طاوع ده مره يا ابني وشاورتله علي قلبه..وفرحني بيك قبل ماموت..هو انا مستهتلش افرح بيك يابدر.
بدر.. خدها في حضنه. متقوليش كده عشان خاطري يامي انا مليش غيرك.. واوعدك اني هعمل اي حاجه تفرحك صدقيني.
ناهد.. ربنا يسعدك ويرفحك ويفرحني بيك.
بدر.. يلا هروح انا بسرعه اوك.
ناهد.. ماشي متتأخرش…
بدر. حاضر لو عوزتي حاجه كلميني .
ناهد.. ماشي سلام
خرج.. بدر… وراح لمكان اتفق عليه مع المصور.
. بدر .. الوووو انا وصلت انت فين.
المصور.. داخل عليك..
ثواني ودخل عليه المصور.. وكان مراد معاه..
مراد .. اهلا بدر. باشا..
بدر.. مين انت … طيب ده والمصور عارفه شوفته امبارح.انما انت مين..
مراد.. انا مراد رئيس تحرير جريده الحدث
بدر.. ااااه. ماشي اهلا بيك..
ومد ايده بالكاميرا .. للمصور… اتفضل الكاميؤا بتاعتك.
مراد.. للمصور. تقدر تمشي انت الوقت..
بدر.. لا لحظه واحده.. وكمل كلام للمصور.. بعد كده. تحافظ عالعهده اللي في ايدك… واتعلم امك متصورش غير شغلك وبس. مش اي حاجه تتصور خصوصا لو كانت ولا تخص شغلك ولا تخصك…
المصور.. تقصد ايه.. اوعي تكون مسحت حاجه…
بدر… بصوت عالي .. اتكلم عدل يلا.. انت نسيت نفسك ولا ايه…
المصور. انا اما مقصدش بس انا كنت بشوف شغلي.
بدر.. وشغلك اللي كنت بتشوفه موجود معاك اتكل علي الله.
هز مراد دماغه للمصور انه يسمع الكلام ويمشي..
المصور.. بعد اذنكم…
بدر.. بياخد نفس من سيجارته…
بدر.. لمراد.. تأمرني بحاجه تاني.
مراد… اظن مش حلو الشويتين اللي عملتهم دول والطريقه اللي كلمتتني بيها الصبح بردو.
بدر.. اولا انت مش هتقولي اتكلم ازاي ومتكلمش ازاي.. وانا مبعملش شويتين انا لو عايز اوديه هو واللي مشغله و ا الشمس هيحصل… وثالثا انا معرفكش عشان اكلمك بطريقه مختلفه .. انت كنت عايز الماميرا وده مكنش وقت راحه عندي عشان اجي اديهالك. انا كان عندي شغل. ومش مشكلتي اني اسيب شغلي واتحمل غلطت المصور بتاعك..
مراد… هو انا ممكن اسألك سؤال.
بدر.. اتفضل…
مراد… هو انت ايه علاقتك بسيلا.
بدر… ضحك… وانت مالك.. اظن دي حاجه متخصكش اصلا..
مراد.. لا تخصني لاني هتجوز سيلا…
بدر.. ببرود… ايه ده بجد. طب مبروك. بس بردو انت مالك انا ابه علاقتي بسيلا.. ولعدين لما انت هتتجوزها وفي بينكم ود اهو الحمد لله.. ما تسألها هي جاي تسألني انا ليه
مراد.. مانا سألتها..بس الحقيقه مفهمتش.
بدر.. طيب وانا مالي دي مشكلتك انك مفهمتش ..
مراد.. ماشي تمام..
بدر.. رمي السيجاره فالارض وداس عليها وخرج
اخر نفس من سيجارته…
وسابه وراح ركب العربيه…وقبل ما يتحرك…
بدر.. بصله..ابقي شغل معاك ناس مصحصحه شويه و
عرفهم ان اللي يتصور شغل وبس.. ماشي سلام😉😉😉
مراد وقف في وسط الشارع عفاريت الدنيا بتتنطت في عينه وعايز يولع فالدنيا بحالها….
اما بدر.. فاعلي اد ماكان مبسوط انه عرف يحرق دمه علي اد ما هو كمان كان عفاريت الدنيا بتتنطت في وشه من جمله مراد انه هيتجوز سيلا.. ساق بأقصي سرعه عنده وراح لسيلا… 🙆♀️🙆♀️🙆♀️🙆♀️🙆♀️🙆♀️🙆♀️ يا ستااااااااار
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
