روايات سيلا والنمر الفصل الثالث والعشرون 23 بقلم منار مصطفى
روايات سيلا والنمر البارت الثالث والعشرون
روايات سيلا والنمر الجزء الثالث والعشرون
روايات سيلا والنمر الحلقة الثالثة والعشرون
عدي.. اليوم علي ابطالنا..فيهم اللي كان مضايق بس ارتاح لمجرد انه اطمن علي روكا.. زي سيلا وريم وسما.. واللي مبسوط ان روكا بخير زي بدر..ويوسف ومهاب..
واللي كان موجوع من البعد زي عامر…
علي اد ما الموقف اللي حاصل واجع عامر.. بس حس انه مفتقدها.. انها وحشته… اه مبقالهمش كتير مع بعض.. علاقتهم ابتدت برحله ومشوارهم ابتدا بمقابلات. كام شهر.عدو علي علاقتهم لاكن اتولد فيهم حب ومشاعر صادقين.. ماهو اصل الحب مش عشره زي مابيقولو مبيجيش بالسنين ولا العمر. وبردو هو مش شويه كلام حلو الحب بيجي بالموقف بالحنيه بالاحتواء .. بالسند اللي بجد بالشخص اللي يقدر يشغل يومك .اللي يقدر يرسم ضحكه علي وشك اللي لو نزلت دموعك يقدر يمسحها. الحب مش كلمه من حرفين(حب) الحب اللي بجد اللي تلاقيه فيه كل الحروف متجمعه….عشان يشكلو علاقه تخلي القلب يدق بجد..
الحب.اهتمام.. تضحيه . الحب اللي بجد هو اللي تحس ان بعد البني ادم اللي بتحبه مأثر فيك بجد.. وعدم وجوده فارق معاك..ماهو لو وجوده مش فارق معاك بسبب شويه زعل يبقي عمرك ماحبيت ازعل بس لازم يكون عدم وجوده واجعك وفارق معاك..اه زعلان.. بس وجودك كان هيراضيني الحب كلام كتير لو فضلنا نتكلم فيه مش هنلاقي سطور نكتب فيها…
……. في صباح يوم جديد علي ابطالنا….
بدر… كان في شغله.. واتصل بسيلا…
سيلا….الووو.
بدر… صباح الخير..
سيلا… قصدك مساء الخير.. الساعه 2
بدر… معلش خليها عليكي..
سيلا… مكلمتنيش ليه..
بدر .. كان في شغل وكان في اجتماع..مهم..فالداخليه.
سيلا… ليه..
بدر… ايه عيزاني اقولك عشان تعملي سبق صحفي علي قفايا..
سيلا…🤣🤣 خليني اطلع منك بأي مصلحه تكرهلي الخير..يعني
بدر… تموتو فالمصايب..
سيلا… صيغه الجمع دي عايده علي مين البنات😒
بدر… هي البنات تموت فالمصايب بس انا اقصد الصحفييين فاتخيلي بقي ..لو اجتمعت المصيبه في ايد صحفيه. وبنت كمان…
سيلا… بابتسامه… تصدق انا كده هزعل..
بدر… لا ياستي وانا ميرضنيش زعلك..بس مش هقدر.. انتي عارفه شغلنا حساس. والسريه مطلوبه..
سيلا… ولله وانا هسيحلك..يعني..
بدر…. مش حكايه تسيحيلي بس لما تعرفي هتسكتي ولا فضولك فالشغل هيخليكي تدوري والحوار يتعرف قبل ما احنا نشوف شغلنا وكل حاجه هتبوظ..
سيلا… علي فكره بقي انا بجد كنت بسألك عشان اطمن عليك.ومجاش في بالي شغلي خالص.. وانا عارفه ان شغلكم فيه سريه وطبعا دي حاجه بحترمها..كل واحد فينا بيشوف شغله بطريقته..
بدر… طيب ياستي جميل.. المهم متبقيش زعلانه..
سيلا… لا مش زعلانه بس ساعت ما اعرف واروح اشوف شغلي اياك تدخل..
بدر… ماشي ياستي انا موافق.
المهم…هتعملي ايه انهرده
سيلا… ابدا.. انا هخلص شغل.. واحتمال بس لسه مش متأكده.. اروح انا وريم لروكا..اسكندريه.. بس مستنيه ريم تأكد عليا
بدر… نعم.
سيلا.. هو ايه اللي نعم.
بدر… قررتي كده يعني مره واحده منك لنفسك.انك تسافري..
سيلا… لا بس انا قلقانه عليها.. وبجد مش هرتاح غير لو شوفتها…واطمنت عليها بنفسي..وبعدين هو انت ليه زعلان كده..
بدر… مين قال اني زعلان.انا بسأل بس..اصلنا يعني اتكلمنا امبارح وقولنا هنسيبها تفصل ونديها مساحتها شويه..والمهم انها وسط اهلها يعني مفيش حاجه تقلق
سيلا.. بيتهيألك..يمكن دي اكتر حاجه قلقاني مش عارفه ايه موقف اهلها..وبردو احنا منعرفش هي فعلا عند اهلها ولا لا..
بدر… يعني راحت لحد اسكندريه عشان تروح تاعد لوحدها. ما كان ممكن تروح السخنه او تروح تاعد في اي فندق تريح دماغها شويه..مش محتاجه ذكاء يعني..
سيلا… ربنا يستر بقي.. انا المهم عندي اني اشوفها كويسه. انا عموما لو روحت هروح وارجع في نفس اليوم.. عشان مش هقدر اخد اجازه. ..الفتره اللي فاتت كنت باخد كتير..
بدر… ماشي بس بردو مفيش مرواح..
سيلا… ليه ان شاء الله..
بدر.. سيلا.. انا قولت وخلاص مفيش مرواح مينفعش تروحو لوحدكم وترجعو بليل لوحدكم..
سيلا… ايوه بس انا قلقانه عليها..ومش عيزاها تحس انها لوحدها واننا مسألناش عليها..روكا لما بتعرف ان اي حد فينا فيه اي حاجه بتبقي هي اول واحده واقفه جمبنا مينفعش نسيبها في موقف زي ده
بدر… هنطمن عليها ان شاء الله بس صدقيني هي الوقت محتاجه تكون لوحدها…
سيلا… ماشي..بقولك ايه ممكن تبعتلي رقم عامر..
بدر… عامر ليه..
سيلا.. يعني اصل حاسه اني كنت قليله الذوق معاه وعايزه اعتزرله..
بدر… هو مش زعلان.
سيلا.. ياسيدي انا عايزه اعتزرله..
بدر… حاسس بغيره لمجرد انها هتكلم حد غيره ماشي ياسيلا بس اعتزري واقفلي بسرعه منرغيش كتير..
سيلا… ليه بقي ان شاء الله
بدر… هو ايه اللي ليه.. هتفضلي ترغي مع عامر فالتليفون بمناسبه ايه..
سيلا… طب مانا برغي معاك بقالي كتير..
بدر… سيلا..عدي يومك هه.
سيلا.. ياساتر..طيب…
بدر… هتعملي ايه بعد الشغل
سيلا… معرفش ولا حاجه بس ممكن اروح لريم.
بدر…. خلصي شغل وكلميني عرفيني هتعملي ايه.
سيلا.. اوك..
بدر… يلا سلام..
سيلا… متنساش الرقم .
بدر… زني تاني ومش هبعته..
سيلا.. خلاص بس ابعته هه.
بدر.. سلام ياسيلا..
سيلا.. بابتسامه سلام…
ثواني وبعت بدر. الرقم لسيلا..
اتصلت سيلا علي عامر…
عامر…. الوووو
سيلا…الوووو ازيك ياعامر.
عامر… تمام مين معايا.
سيلا… انا سيلا..
عامر… اهلا ياسيلا.. عامله ايه معلش…اول مره تكلميني ومش عارف رقمك سامحيني…
سيلا… لا ولا يهمك.. انا خدت رقمك من بدر..
عامر… ياقمر رقمك نور موبايلي انتي عامله ايه…
سيلا…. انا بخير .. الحمد الله وبصراحه طريقتك دي سهلت عليا اللي متصله بيك عشان..
عامر…. مش فاهم.
سيلا .يعني .. بصراحه طريقتك ذوق جدا وانا كنت متوقعه انك تكلمني بطريقه غير دي..
عامر… ليه بس.. انتي زعلانه مني ولا ايه..
سيلا… بابتسامه.. انت طيب اوي علي فكره..والمفروض تكون انت اللي زعلان مني عشان الطريقه السخيفه اللي كلمتك بيها..
عامر… بقي انتي تعبتي نفسك وخدتي رقمي من بدر..وكنتي قلقانه من طريقتي طيب ياستي انا مش زعلان منك ولا اقدر ازعل.منك اصلا.. عشان اولا انتي اختي الصغيره واحنا صحاب ومفيش اخوات ولا صحاب بيزعلو من بعض.. صح ولا غلط..
سيلا… صح.
عامر..ثانيا بقي وده الاهم…انتي كنتي قلقانه علي روكا.. وانا مقدر قلقك ده وعارف ان من حقك لما تدخلي تلاقي المنظر.. ده تقلقي عليها.. وتبقي مش طيقاني كمان..عشان انا السبب..
سيلا… بجد ياعامر انت جميل وطيب اوي.. وحقيقي انا كنت مضايقه جدا من نفسي وكنت خايفه تكون زعلت مني..
عامر… والله مازعلت ابدا
سيلا… علي فكره انا عايزه اقولك حاجه..
عامر… اتفضلي…
سيلا… انا عارفه ان من حقك انك تزعل بس والله انا صاحبت روكا..واعرفها اكتر منك..وانا اسفه اني بدخل نفسي في حاجه تخصكم.. بس صدقني روكا.. مكنتش تقصد انها تخبي او تكدب..يمكن. تكون اتشغلت بعلاقتها معاك.. يمكن.. تكون محبتش تفتكر علاقتها القديمه وهي معاك.. ويمكن تكون انت جيت عوضتها عن وجع في حياتها لدرجه انها نسيت تعرفهولك..انا عارفه ان ممكن يكون كلامي مش مقنع ليك.. بس صدقني.. روكا.. صريحه جدا وجريئه لدرجه انت مش هتتخيلها يعني مبتخافش ولا تتحرج واكيد هي مخافتش او اتحرجت انها تقولك.هي بس فرحت بعلاقتها معاك.. رجعتها زي الاول تاني .تضحك وتحب وعينها تلمع بحبها ليك…انا اسفه اني قولتلك الكلام ده بس مقدرتش مقولهوش…
عامر… اولا مش عايزك تتأسفي..عشان زي ماقولتلك انتي غاليه عندي ياسيلا. وموقفك ده ودفاعك عن روكا يثبتلي انك حقيقي جدعه وبتحبيها اوي…وعايز بس اعرفك حاجه انا واثق ان روكا مكنتش بتكدب لسبب واحد اني اكيد كنت هعرف.. ولا قصدت انها تخبي لان دي حاجه متتخباش..بس الفكره..اللي وجعتني ان حتي لو مكنش جه وقت ولا فرصه كان لازم تقول .. يمكن زي مابتقولي نسيت معايا علاقتها القديمه.. بس انا راجل وغصب عني اتصدمت.. انتي عارفه يعني ايه ياسيلا انك تحبي شخص.. وعلاقتكم تطور بسرعه وفجأه في اعدت صحاب ودردشه عاديه تتفاجئي ان الشخص اللي بتحبيه ده.. كان متجوز وانفصل.. انتي واصلك احساسي ده…
سيلا… بص انا مش عارفه اقولك ايه.. بس احساسك واصلي..وزي ماقولتلك ان من حقك تزعل والموضوع كبير مش صغير بس لو انت بتحبها بجد مش هتسيبها..وهتعظو الموقف ده مع بعض
عامر.. في كلام بيطلع منك وسط العصبيه.. وانتي مش حاسه بنفسك.. نصه حقيقه ونصه كدب.. صدقيني انا لما قولت لروكا.. ان كل حاجه خلصت.. مكنتش عايز ده.. بس والله كنت متعصب..سيلا انا بحب روكا.. ومش هسيبها .. لا عشان كانت متجوزه ولا حتي عشان مطلقه. بس الفكره نفسها ضايقتني..
سيلا… عامر.. روكا بتحبك .. روكا تعبت اوي في حياتها واتوجعت اوي.. متسبهاش عشان خاطري..
عامر.. بابتسامه.. مش هسيبها ياسيلا..محدش بيسيب روحه.. بس الفتره الجايه اكيد هتعبك معايا..
سيلا.. انا ليه…
عامر… عشان انتي عارفه صاحبتك اكتر مني المفروض.. اكيد انتي عارفه ان روكا.. الفتره الجايه هيبقي صعب اني احاول اشوفها او اكلمها.. هي هتكون رافضه…
سيلا.. بص لازم هي كمان تسمعك عشان انت بردو مش غلطان.. هي اه عنيده ودماغها جزمه بس هي بتحبك.
عامر… عشان هي زي مانتي بتقولي كده انا هحتاجك معايا..
سيلا… وانا تحت امرك في اي حاجه .
عامر.. الاول انا عايزك تفضلي وراها عالموبايل لحد ماتزهق وترد.. ولازم تعرفي منها هتيجي امته وقبل ماتيجي..تكوني معرفاني..
سيلا.. ماشي بس هي ترد.. انا كنت هروحلها انهرده انا وريم ونرجع في نفس اليوم عشان شغلي.. بس بدر. قاللي مينفعش نروح ونرجع لوحدنا بليل..
عامر… لا طبعا مينفعش..انا بفكر ان انا اللي اروحلها .
سيلا.. لا طبعا انت بالذات مينفعش..
وبعدين كان ممكن تروحلها لو هي علاقتها باهلها كويسه.. لاكن هي علاقتهم مش حلوه ويادوب هي هتحاول تصلحها تقوم تروح انت هما طيقنها عشان يطيقوك.
عامر… ماهو عشان كده انا قلقان اروحلها واعملها مشكله تانيه..
سيلا… صح ده اللي بقوله.. المهم انت خليك وانا هفضل وراها بالموبايل..
عامر.. ماشي ولو وصلتي لاي حاجه كلميني…
سيلا.. حاضر.
عامر.. بجد ميرسي اوي ياسيلا..
سيلا.. انا اللي ميرسي انك قبلت اعتذاري وأنك مش زعلان وميرسي بجد عشان حبك لروكا…انا هسيبك بقي تشوف شغلك.. واي وقت عايز مني اي حاجه انا موجوده..
عامر… تسلمي يااحلي اخت فالدنيا..
سيلا.. بابتسامه باي…
عامر.. باي..
……….
بعد ما سيلا قفلت مع عامر اتصل بيه يوسف…
يوسف….الووو.
عامر… ايوه ياچو..
يوسف.. بترغي مع مين ده كله…
عامر….دي سيلا كانت بتكلمني..
يوسف.. في اخبار عن روكا ولا ايه..
عامر…. لا ابدا دي كانت بتعتزرلي فكراني زعلت منها لما كلمتني في بيت روكا…
يوسف…اه. المهم انت عامل ايه..
عامر… تمام..
يوسف.. مفيش جديد.
عامر… لا خالص…
يوسف… خير ماقلقش كله هيعدي المهم اننا اطمنا عليها.
عامر… يارب.. المهم انت كنت عايز حاجه ولاايه..
يوسف…. لا انا بطمن عليك بس بردو كنت عايز اقولك حاجه .
عامر… خير في مصيبه اكيد..
يوسف.. لا والله بص انا عارف ان مش وقته بس كنت عايز اقولك حاجه بخصوص ريم..
عامر… مالها خير..
يوسف.. عايزك تشوفلها شغل معاك..
عامر… ريم… طب ماتشغلها معاك. ياحنين.
يوسف.. والله عرضت عليها بس هي قالت ملهاش قي شغل الكمبيوتر والبرمجه..ده..
عامر… طب وهي ليها فالمقاولات..
يوسف… ياعم انت اكيد عندك حاجه ليها شوف اي حاجه تنفع في تخصصها انا بردو اللي هقولك
عامر.. انا معنديش مشكله ..ممكن اخليها تمسك حاجه في الحسابات.. او اي حاجه فالاداره.
يوسف.. بس كده تمام تجيلك امته بقي..
عامر..ياعم عايزه تيجي الوقت تيجي انا كده كده عندي شغل كتير انهرده عشان مجتش امبارح لو عايزه تيجي خليها تيجي..
يوسف.. قشطا انا هكلمها.كده تظبط نفسها..وشةيه بس اخلص اللي ورايا واجبها واعدي عليك.. اشطا..
عامر… اشطا..
يوسف.. يلا اسيبك بقي الوقت.
عامر.. ياريت والله انزل من علي دماغي شويه.
يوسف.. طيب يا اخويا سلام
عامر.. سلام
…قفل يوسف.. مع عامر واتصل بريم عشان يعرفها..
يوسف..الووو
ريم.. الووو
يوسف… صباح الفل انتي لسه نايمه ولا ايه.
ريم.. لا انا لسه صاحيه كنت بعمل نسكافيه.
يوسف. ماتعمليلي واحد معاكي ينوبك فيا ثواب..
ريم.. ياسيدي تعالي واللي يرجع يبقي عيل احلي مج نسكافيه كمان…
يوسف.. خليها مره تانيه..المهم..انا لسه قافل مع عامر..
ريم.. في اخبار عن روكا ولا ايه.
يوسف….لا ده انا كنت بكلمه عشانك.
ريم.. عشاني انا ليه.
يوسف.. عشان الشغل يا غبيه..
ريم . اه نسيت… طب وايه.
يوسف . هو ايه اللي ايه… تقومي الوقت تفطري وتجهزي نفسك… واخلص بس اللي ورايا.وهعدي عليكي نروحله سوا..
ريم.. هنروحله انهرده الوقت اتأخر
يوسف.. ياستي عادي هو قاللي انه هيخلص متأخر عشان عنده شغل..
ريم.. ايوه بس اي مقابلات للشغل بتبقي الصبح.
يوسف… ريم ياحبيبتي بلاش غباء الله يرضي عنك اولا انتي مش راحه انترڤيو في شركه غريبه.. احنا صحاب والله
ريم..طيب ياعم براحه بس متزوقش كده.
يوسف.. طيب يلا قومي بقي اجهزي لحد ما اعدي عليكي ..
ريم.. اوك تمام.
يوسف.. يلا باي…
ريم.. باي…
…….
سيلا… خلصت شغل…واتصلت بريم..
ريم… الووو.
سيلا… عامله ايه..
ريم.. تمام مردتش روكا عليكي بردو..
سيلا.. لا خالص انا كل شويه اتصل مبتردش..المهم انا ممكن اعدي عليكي.
ريم.. بقولك ايه مش هينفع انهرده نسافر..
سيلا.. لا ماهو مش هينفع اصلا بدر مش راضي.
ريم.. الله بقينا نسمع الكلام.
سيلا.. مش كده والله بس هو بيقولي مينفعش تروحو لوحدكم وترجعو بليل..بس شويه كده وهعدي عليكي فاضيه..
ريم… ماشي هستناكي.. لا صحيح مش هينفع..
سيلا.. ليه..
ريم.. اصل يوسف هيعدي عليا نروح لعامر عشان اشوف الشغل..
سيلا… هتعدو علي عامر وعشان شغل شغل ايه يابت من ورانا…
ريم.. اصل ريم كان قاللي يعني اني اشتغل معاه.. وانا قولتله مليش في شغله ده خالص فقالي اني اشتغل. معاه وكلم عامر وعامر قاله تمام وهنعدي عليه..
سيلا… ماشي ياختي بقيتي تتفقي مع يوسف من ورانا..
ريم.. لا خالص والله الكلام جه كده يوم ما كنا راجعين من عند بدر..
سيلا.. ماشي حبيبتي ربنا يوفقك يارب وترسي علي شغلانه بقي..وتشرفينا
ريم… بصي هرفع راسكم..انا متحمسه جداا.
سيلا.. خير لن شاء الله خلاص هسيبك تجهزي..
ريم… طيب انتي هتروحي ولا تعملي ايه..
سما… مش عارفه… انا ممكن اروح بسرعه..اعدي علي سما عشان اطمن علي طنط وفاء..وهروح اصلا انا زهقانه جدا ومش عايزه اروح..
ريم.. طب روحي كده وانا لو خلصت بدري هعرفك نخرج او اجيلك..
سيلا.. ماشي ياريمو..
ريم.. يلا باي.
سيلا.. باي
…..
خلصت سيلا ولمت حاجتها عشان تروح لسما تطمن علي مامتها…والغريب ان الوضع عندها فالشغل من ناحيت مراد كان هادي خالص…والغريب انها كانت تقريبا مبتشفهوش والوقت اللي كان بيكون في مكتبه مكنش بيبعتلها… . بس هي كانت حابه ده عالاقل مؤقتا.. عشان مكنتش عارفه تواجهه وڤنفس الوقت مش عايزه الباب يتفتح .ولايحصل بسببها مشكله بين بدر ومراد…
……عدي..وقت ووصلت سيلا عن سما… وبعد السلام
سيلا… الف سلامه علي حضرتك ياطنط
وفاء…الله يسلمك ياسيلا وحشاني اوي…كده مشوفكيش طول الفتره دي….
سيلا… غصب عني والله عندي شغل كتير ..
وفاء… ربنا. يوفقك يارب.حبيبتي..
المهم اي وقت تحتاجي اي حاجه متتردديش انك تكلميني.
سيلا.. طبعا ياطنط..هو انا ليا غيركم..المهم.. انتي مالك سلامتك..
وفاء… ابدا.. جمبي واجعني بقاله فتره عملت شويه تحاليل والدمتور قال ان الملي تعبانه شويه..
سيلا… خير ان شاء الله الف سلامه عاي حضرتك..
وفاء.. الله يسلمك ياحبيبتي..
فضلو اعدين شويه واستأذنت وفاء منهم عشان ترتاح شويه…
سيلا… مالك ياسما
سما.. مفيش بس قلقانه علي مامي..
سيلا.. يابنتي ماهي مويسه اهي..ان شاء الله تبقي زي الفل.
سما.. يارب…المهم انتي عامله ايه.
سيلا.. انا تمام..
سما.. مفيش اخبار عن روكا بكلمها كل شويه بردو مش بترد.
سيلا… ولا بترد عليا بردو انا قلقانه عليها اوي…وعايزه اروحلها..
سما…انا من رأيي نسيبها ترتاح شويه هي اكيد مضايق..وبردو نسيبها مع اهلها يمكن تقدر تصلح اللي بينهم.
سيلا.. يارب ياسما.. روكا تعبت كتير..ونفسي بجد اشوفها مرتاحه..
سما..وانا كمان بجد. هتفرق معاها جدا وعالاقل عقدت الزنب اللي هي حاسه بيها تجاه اهلها دي.تخف شويه.
سيلا… عندك حق سيلا بتبان قويه قدامنا وان الموضوع عاظي بالنسبالها بس انا عارفه انه مأثر عليها نفسيا..وتاعبها بتفضل حاطه وقتها كله فالشغل عشان تروح تنام ومتفكرش بس انا عارفه انها تعبانه ودماغها مبتبطلش تفكير..خصوصا ان هي وباباها كان علاقتهم غريبه وجميله كانو قرييبين من بعض كده ومرتبطين اوي ومش سهل ان فالاخر يبعدو كده..
سما.. عندك.. حق عشان كده بقولك لازم نسيبها شويه يمكن تصلح اللي حصل.
سيلا.. ماهو بدر قاللي كده ومرضيش اصلا اني اروح..
سما… بتريقه.. اه عندو حق و بقينا نسمع الكلام.
سيلا.. قصدك ابه يالت انتي.
سما.. انا انا مقصديش حاجه..
سيلا.. بتلمحي لايه ياسما.. عموما متقلقيش مفيش حاجه هو بيعتبرنا صحاب وبس.
سما.. لا ياشيخه وانتي بيدخل عليكي الكلام ده انتي متشوفيهوش ولا ايه..
سيلا.. بقولك ايه انتي هتفوقي عليا وبعدين خليكي في سي مهاب بتاعك..
سما..ماله مهاب ان شاء الله
سيلا.. بتمسك شنطتها.. مالوش يا حبيبه..
سما.. ايه ده انتي راحه فين
سيلا.. هروح بقي حاسه بارهاق.مش قادره.
سما.. ماتخليكي شويه متبقيش رخمه.
سيلا …مش قادره والله محتاجه ارتاح اصلا انا مش عايزه اروح ومليش مزاج اروح البيت بس عايزه ارتاح..
سما طب خليكي شويه متبقيش رخمه اصلا اليومين دول مش عارفه اشوفك غشان مش قادره اسيب مامي..
سيلا.. وهي بتبوسها.. هجيلك تاني والله.
سما.. ماشي خلي بالك من نفسك..
سيلا.. ماشي حبيبتي..باي.
سما. باي..
……مشيت سيلا.. وحاسه بخنقه.. فظيعه مش قادره تروح.. وروكا.. وحشتها اوي قلقانه عليها جدا.ومش عارفه تعملها حاجه.. فضلت تلف بالعربيه وخدتها رجلها عند نوني من غير ماتحس..
وحست ان فعلا الست دي ليها تأثير كبير وحقيقي..وانها اول حد ممكن يجي علي بالك.. لما تحس انك محتاج تتكلم…
مسكت موبايلها.. تتصل ببدر.. تشوفه فين..عشان مكلمتوش من وقت ماخرجت من الشغل…لاكن كان الموبايل مغلق…
راحت علي نوني…..
بعد مده وصلت .
ناهد… اهلا اهلا بالقمر..
سيلا … ازيك يانوني
ناهد…الحمد لله يا حبيبتي..جايه لبدر ولا ليا بقي ياست سيلا.
سيلا… لا والله ابدا.. جايه عشانك.
ناهد…ده ايه الرضا ده كله.. والمفجأه الحلوه دي..
سيلا.. حبيبتي يانوني.. انا كنت ناشيه بالعربيه حاسه اني مخنوقه ومش عايزه اروح رجلي جابتني عندك…
ناهد… ياستي يارب رجلك تغلط كده علي طول…قوليلي تشربي ايه وبعدين نعد نشوف ابه اللي مضايق القمر اوي كده..
سيلا.. متتعبيش نفسك انا مش عايزه حاجه .
ناهد.. تعب ايه انا بدري اعده وزهقت وبعدين انا عايزه اشرب قهوه..
سيلا..خلاص خلبهم اتنين…
ناهد… ماشي باست سيلا.. احلي فنجان قهوه..واهو بالمره اشوفلك الفنجان…
سيلا… ايه ده الله انتي بتعرفي..
ناهد.. طب ده انا احسن واحده تقرا الفنجان.. حتي اسئلي بدر.. فنجاني نيقعش الارض ابدا…
سيلا.. ماشي يانوني.
ناهد. مش هتأخر عليكي…
……….اما عند ريم ويوسف..وصلو شركه عامر…
كان بابن ملامح الحزن علي وش عامر.
عامر… نورتي الشركه ياريم..
ريم.. ميرسي ياعامر.. انت عامل ايه.
عامر..الحمد لله بخير..
يوسف… ريم بس اللي منوره..
عامر… مانت متلقح في وشي علي طول..
يوسف.. ماشي ياعم..
عامر.. تشربو ايه..
يوسف.. قهوه…
عامر… وانتي ياريم..
ريم… اي عصير..
عامر… اتصل بالبوفيه…
عامر… ابعتولي اتنين قهوه مظبوط وعصير برتقال عالمكتب..
عامر… يوسف.. قاللي انك عايزه تشتغلي معايا ياريم..
ريم… والله لو ليا مكان في شركتك طبعا ده شرف ليا
عامر.. والله لو عالمكان يجهزلك حالا والشرف لينا ياستي..
ريم.. ميرسي ياعمر..
عامر.. بصي مبدأيآ كده في شغل فالحاسابات وفي فالاداره..بس انا برجح الاداره اكتر.. هيبقي فيها من تخصصك اكتر.. وفنفس الوقت هتتعلميها بسرعه
ريم.. الاداره مره واحده
عامر.. متقلقيش…هتدربي مؤقتا تحت اشراف المدير التنفيذي وبعد كده. هيبقي الشغل معايا انامباشرتآ.
ريم.. طيب وامته هيبقي شغل معاك..
عامر… والله دي حاجه هتعتمد عليكي انتي يعني…حسب فهمك انتي للشغل.. كنتي متحمسه ومستوعبه الشغل ومركزه النوضوع هيبقي اسرع..ومتقلقيش الشغل سهل مش صعب بس محتاج تركيز عشان غلطه بسيطه توقع الشركه..
ريم.. متقلقش ان شاء الله هبهرك..
عامر.. ياستي اتمني وانا واثق من ده اصرارك عالشغل اللي في عينك ده هيخليكي تطلعي احسن ماعندك…
ريم.. ان شاء الله..طيب هستلم من امته..
عامر… من بكره..
ريم.. كده علي طول .
عامر… اه طبعا وميغركيش اني لذيذ انا فالشغل معرفش حد🤨🤨هندلع هعلقك انتي ويوسف .
يوسف.. وانا مالي ياعم هو انا اللي هشتغل..
عامر… ماهو انت اللي متصدر..يبقي تتعلق.
ريم.. لا والله العظيم انا هرفع راسك وراسه..
عامر.. هنشوف…
يوسف.. اه والنبي ميغركيش عامر الحلو الچان والكيوت.. ده فالشغل ميعرفش ابوه..
ريم.. انتو هتخوفني ليه اقوم امشي.
عامر.. بابتسامه لا لا سيبك منه هو بس متغاظ عشان هتشتغلي معابا وهو لا وعايز يأثر عليكي عشان تغيري رأيك..
يوسف… بقي كده.
ريم.. ايوه شكلك بتنفسن
يوسف.. اتنيلي هنفسن عشانك..
ريم.. لا والله انت تطول اشتغل معاك..
خبط.. الباب.. وكان عامل البوفيه..
عامر.. سمحله بالدخول..اداهم القهوه والعصير وخرج .
يوسف.. انت خلصت ولا لسه
عامر… خلصت ابه.
يوسف.. الشغل..
عامر.. اه.. تقريبا خلاص
يوسف.. طيب ماتيجي نتعشي سوا..انا وانت وريم..ولو حد فاضي من الشباب وعايز يجي نقوله..
عامر.. لا اعفيني انا انهرده.. كان عندي شغل كتير وحاسس بصداع مش قادر عايز ارتاح..
يوسف.. ياعم تعالي. معانا وفك كده شويه..
عامر . انا تمام والله بس مليش مزاج وزي مابقولك محتاج ارتاح..
يوسف.. ماشي ياعم…
نقوم احنا بقي يلا..
ريم.. يلا ..
عامر… متتأخريش مع الواد ده عشان لو جيتي بكره متأخر انتي عارفه اللي هيحصل 8ونص بالدقيقه تكوني هنا..
ريم.. الصبح🙄
عامر… لا بليل …اه الصبح..
ريم.. ماشي ياعم متزوقش بالدقيقه هكون هنا.
عامر.. تمام اول ماتيجي تجيلي عالمكتب عشان افهمم كل حاجه وتستلمي شغلك مع المدير التنفيذي..
ريم.. تمام..
يوسف.. يلا عايز حاجه..
عامر.. تسلم ياچو..خلي بالك منها.
يوسف. في عيني..
عامر.. نورتي ياريم.
ريم.. ميرسي ياعامر..باي…
عامر.. باي..
…………………..
سيلا… القهوه جميله اوي يانوني حقيقي كنت محتجاها…
مسكت.. ناهد الفنجان.. وقلبته عشان تشوفه لها.. بالف هنا ..
مالك .بقي ابه اللي مضايق القمر..
سيلا..والله مش عارفه يمكن عشان روكا..بس انا مش مظبوطه…
ناهد… كل حاجه هتتصلح متقلقيش..
سيلا.. يارب..
ناهد مسكت الفنجان…وفالوقت ده دخل بدر…
بدر.. السلام عليكم..
ناهدد. عليكم السلام…ايه اللي جابك الوقت..
بدر… طب ايه امشي يعني..
ناهد.. اه ياريت..
بدر.. ازيك ياسيلا.
سيلا… الحمد لله..
بدر.. لناهد… انا جعان..
ناهد… انت علي طول همك علي بطنك..
بدر ..انا ياشيخه حرام عليكي انا من ساعت مافطرت الصبح مكلتش..
ناهد… ماشي هقوم احضر العشا اهو بالمره سيلا تتعشي معانا..
سيلا.. لا ميرسي يانوني انا يادوب هقوم امشي..
ناهد… لا تمشي ايه هو الواد ده هينكد علينا ولا ايه.
بدر.. ياستي انا جيت جمبكم اقولك اعتبريني مجتش…
سيلا… بضحك.. لا والله يانوني.. بس يادوب.. اقوم بقي.. الساعه 10وانا اصلا مرهقه جدا..
ناهد… طب ده انا لسه مقريتلكيش الفنجان..استني اقرهولك وبعدين احضر الاكل..
سيلا.. بتوتر.. من وجود بدر.. لا لا يانوني فنجان ابه خلبه مره تانيه نكون لوحدنا وبصت علي بدر..
بدر.. بصوته الرجولي وهو باصص علبها بعينه اللي تقتل…ماتهليها تقراهولك.. خابفه ولا ايه..
سيلا.. بتوتر من نظرته.. لا مش خايفه هخاف من ايه…بس عشان اروح..
ناهد .انا مش هأخرك ومسكت ايدها. اعدي .. بصي ياستي… الفتره الجايه.. هتتنقلي ناقله كبيره في شغلك.. وهتقدري تثبتي نفسك.. وكمان
في حاجه… شاغله بالك اليومين دول ومبتبطليش تفكير فيها…
سيلا.. اكيد روكا..
ناهد… لا. مش روكا دي حاجه في حياتك
انتي…حاجه مخبياها جواكي…
بدر… بنظرته اللي تقتل وعينه اللي مثبتها في عنيها..
مخبيه ايه..
سيلا.. بتوتر… لا مش مخبيه حاجه..اكيد فالشغل.بس
ناهد..لا ده مش شغل.. ده في حياتك العاطفيه…
سيلا.. بابتسامه وهي بتمسك شنطتها . انا كده هتأخر يانوني لازم امشي..
ناهد.. اعدي بس.. لسه الفنجان مخلصش..
بدر.. بابتسامه وهو عينه في عين سيلا.. سبيها يانوني..
سيلا.. وهي بتبصله باحراج…هبقي اجيلك تاني يانوني..
ناهدد…ماشي ياقلب نوني…
قوم ياواد اتحرك وصلها..
بدر.. طيب يانوني قايم اهو متزوقيش.
.. مشيت سيلا وبدر. معاها يوصلها لعربيتها…
بدر… مقولتليش انك جايه ليه..
سيلا.. ابقي شوف تليفونك الاول.
بدر.. ماله..وطلعه من جيبه.. اه ده فاصل شحن مخدتش بالي.
سيلا.. ابقي خد بالك المره الجايه..
بدر.. طب ومكلمتنيش ليه من ساعت الصبح مش قولتلك خلصي شغل وكلميني عرفيني هتعملي ايه..
سيلا.. كلمتك مره وانا خارجه راحه لسما اداني غير متاح وانا جايه اظاني مغلق.
بدر… انتي روحتي لسما مش قولتي راحه لريم..
سيلا.. ماانا كلمت ريم قالتلي انها راحه هي ويوسف عند عامر..
بدر.. اه صح.. يوسف قاللي..
سيلا.. واضح انك مش مركز خالص انهرده..
بدر.. فعلا انا فاصل خالص…انهرده محتاج انام..
سيلا… طيب روح اتعشا ونام..
بدر… انتي مالك..فيكي حاجه مش مظبوطه..
سيلا.. لا خالص انا تمام..
بدر.. بجد مش شايفه شكلك ولا ايه…
سيلا… مفيش والله بس مش مظبوطه شويه..
بدر.. مالك..
سيلا.. والله ماناعارفه يمكن عشان روكا..وحاسه اني مخنوقه عايزه اروح ارتاح وفنفس الوقت مش عايزه اروح البيت..
بدر.. ليه ده كله ..
سيلا… الدموع لمعت في عنيها من كتر ما هي مخنوقه
مفيش يابدر.. والله وفتحت الباب.. اناوهروح بقي..
بدر.. لفها ليه.. تاني.. مالك ياسيلا..في حاجه حصلت فالشغل ولا ايه…
سيلا.. والله ابدا صدقني مفيش انا بس حاسه بخنقه مش عارفه سببها..صدقني…
بدر… طيب ليه الدموع اللي في عنيكي دي..
سيلا… بدر.. صدقني انا كويسه..بس معرفش فيا ايه… حاسه ان مامي وحشتني ومن الصبح وهي في بالي وكمان. مخنوقه عشان روكا مش معايا وعشان هي موجوعه وانا مش عارفه اعملها حاجه. وريم.. مشغوله مع يوسف عشان موضوع شغلها وسما مشغوله مع مامتها عشان تعبانه..وحسيت فجأه اني لوحد
والجو العام حواليا كئيب… يعني حسيت اني لوحدي
بدر…وهو بيمسح دموعها.. طب ممكن متعيطيش….وكأنه داس علي زرار بعد كلمته دي.. وابتدت دموعها تنزل اكتر… قرب منها بدر.. وخدها في حضنه..كانت مش باينه في ايده…
بدر… اولا مينفعش تكتئبي وتكوني كده ومينفعش ان اي حاله حاصله في حيات حد تأثر علي نفسيتك كده ميينفعش حد يكون هو محور حياتك ومتحكم فالمود بتاعك عادي بتحصل روكا بتمر بظرف سما مامتهاتعبانه وطبيعي مش هتقدر تسيبها وريم.. انتو نفسكم عايزينها تشوف شغل وتستقر…وعلي فكره بقي انا معاكي مش سايبك بس واضح اني مش غالي عندك زيهم..
سيلا.. لا طبعا اكيد مش كده بس مانت كمان عندك شغلك
بدر.. تحبي. اغير هدومي.. ونروح ناعد في اي مكان…
بعدت عنه سيلا وهي بتمسح دموعها . لا انا كويسه.. هروح اخد شاور وانام.. وهبقي احسن وانت كمان ادخل كل ونام عشان شكلك مرهق..
بدر.. انتي كلتي ايه انهرده..
سيلا.. مش كلت. من ساعت ما صحيت وانا مليش نفس مش حاسه اني جعانه..
بدر.. يعني انتي مفطرتيش من الصبح وامبارح.. اكيد
مكلتيش من وقت ماروحتي لروكا..
سيلا.. صدقني مش حاسه اني جعانه..
بدر.. طبيعي مش هتحسي عشان المود الزفت اللي انتي فيه ده…
سيلا…انا هروح اخد شاور.. واكل حاجه قبل مانام..
بدر.. مش هتاكلي ياسيلا..
سيلا.. صدقني هاكل..
بدر.. اول ماتوصلي كلميني.. اياك متعمليش كده..
سيلا.. حاضر..
بدر.. يلا عشان متتأخريش.. سوقي براحه..
سيلا.. حاضر..باي
بدر.. باي..
…….
دخل بدر.. بعد ما سيلا مشيت…
كانت ناهد حضرت العشا..
ناهد.. الاكل جهز…
بدر.. طب اخد شاور الاول..
ناهد.. شاور ايه تعالي كل الاول وبعدين..خد شاور الاكل هيبرد..
بدر.. ماشي..
اعد بدر كل حاجه بسيطه…وحس انه مش عايز ياكل..
ناهد.. متاكل..
بدر.. لا مش قادر.. خلاص..
ناهد…امال ايه جعان جعان دي…
بدر… اصلي لازم اخد شاور وانزل عندي مشوار .
ناهد.. مشوار ايه بس…ده انت لسه جايه..
بدر.. معلش بقي يانوني مشوار مهم…
ناهد…طيب يا اخويا…
طلع بدر.. ياخد ..شاور…
ورن جرس الباب.. فتحت ناهد….
ناهد… عامر اهلا اهلا ياواد.. انت بقيت مبتشألش عليا و
ده مش صح..
عامر…والله ابدا يانوني مانا كنت هنا اول امبارح خايف تزهقي مني..
ناهد… لا ياخويا تعالي انت كل يوم وانا مش هزهق..
عامر… بدر رجع..
ناهد….اه رجع.. قول كده جاي عشان بدر..
عامر.. لا والله انا جاي عشانك..عايز اتكلم معاكي
ناهد… كنت عارفه انك جاي.طب تعالي اتعشي الاول الاكل عالسفره..وبعدين اعملك فنجان القهوه بتاعك وناعد نتكلم
عامر…لا مش قادر. يانوني مليش نفس .
ناهد… انا قولت هتاكل يعني هتاكل. وشك مصفر وشكلك مكلتش حاجه انهرده.هتكسر كلمتي ولا ايه..
عامر….مقدرش يانوني..اكسر كلمتك بس مش قادر .
ناهد.. الزعل ملوش دعوه بالاكل علي فكره.. يلا متوجعش قلبي.
عامر.. ماشي..
ناهد.. حطت ايدها في ايده…اهو كمان علي بال ماناكل يكون الواد بدر مشي ومتكلم براحتنا..
عامر.. هو خارج تاني ولا ايه..
ناهد…انا عارفه بيقول عنده مشوار ياسيدي..
اعدو عالسفره وابتدو ياكلو.. كان بدر خد شاور بسرعه..
ونزل كان لابس تيشيرت لونه اخضر. وبنطلون چينس
بدر.. لعامر…ايه ده انت جيت امته
.عامر…ده شكله مشوار مهم مظبط نفسك ونازل بتجري رايح فين…
ناهد.. شكله رايح يصيع..
بدر.. اصيع فين هو انا بتاع صياعه يانوني برده…
وقرب من ودن عامر… ماتتلم بلاش تسخين هي ناقصه..
عامر.. بنفس الصوت.. انت رايح فين..
بدر.. هقولك بعدين..
عامر..لا الوقت..وإلا انت عارف هسخنها وهي متتوصاش..
بدر.. عدي يومك هه قدم السبت.
عامر.. خلاص لا بينلها سبت ولا حد.
بدر.. يعني عشان لابينلها سبت ولا حد..تسخنها عليا..
عامر. اه
بدر.. طب الله يباركلك اقفشها وألهيها عني انت شايف اصلا بتبصلنا ازاي.. دي هتاكلنا..وهقولك بعدين.
عامر..ماشي ياعم..
ناهد.. بصوت عالي مره واحده. خضت عامر وبدؤ.. انتو بتقولووو ايه
عامر.. الله في ايه نوني قطعتيلي الخلف..
بدر… مش خلفك لوحدك ياخويا..انا ماشي..
ناهد… م تاعد تشوف صاحبك معن
مش دم صحيح..
عامر… خليه يمشي بقي يانوني انا قولتلك انا جاي عشان عايز اتكلم معاكي انتي..
بدر… انا عارف بتيجو تحكولها علي ايه..
ناهد… مش عاجبك ياجزمه بكره تيجي تحكيلي زيهم ومش هسمعك..
بدر.. وهو ماشي.. مش هاجي يانوني انا مستغني عن السر اللي هاجي احكهولك….
سلام ياصاحبي هكلمك
عامر.. ماشي..
ناهد.. بكره تيجي تبوس ايدي عشان اسمعك.
بدر… وقف وبصلها ..وبابتسامه مش هنولهالك.
ناهد.. حدفته بعلبه المناديل طب يلا امشي
بدر.. وطي عشان متجيش فيه.. تصدقي انتي ملكيش امان
ناهد.. يلا ياواد بلاش رغي..
بدر.. سلام يانونتي.
ناهد.. بابتسامه سلام يا خويا..
مشي بدر…
عامر.. مش ناويين تعقلو بقي…
ناهد… اتنيل مش لما تعقل انت..
عامر.. انا ليه وانا مجنون..
ناهد… زعلت روكا ليه ياعامر…
عامر… حتي انتي يانوني..وانا اللي فاكر ان انتي الوحيده اللي هتحسي بيا..
ناهد… ومين قال اني مش حاسه بيك..اوعي ياواد تكون فاكر اني مش حفظاك وعرفاك انت وبقيت العيال زيكم زي بدر… وبفهمكم من نظرت عينكم..
وعشان كده انا حاسه بيك.. بس نتكلم بالعقل..
عامر..نتكلم..
ناهد… اولا انت رد فعلك طبيعي واي راجل في مكانك كان هيحصل فيه كده واللي يقولك غير كده كداب..
تاني حاجه.. هي ممكن تكون مقصدتش تكدب عليك.. وحتي لو كدبت .. بالعقل كده هتكون كدبت ليه.. حبت وكل يوم كانت تتعلق بيك.. وكل يوم الموضوع بيزيد صعوبه عليها..فأنها تقولك بس حتي لو غلطت مش هنعلقلها المشنقه…
البني اظام بيغلط يابني .. بس اللي بيسامحو اتنين ربنا .. سبحانه وتعالي . والشخص اللي بيحب من قلبه.. ده الوحيد اللي بعد ربنا بيسامح ولو انت حبيتها من قلبك هتسامحها..
عامر..انا موجوع يانوني اوي..
ناهد… عشان حبتها ياعامر…الحب بيوجع اوي … ماهي لو متفرقش معاك.. مش هتتوجع..
عامر.. عندك حق . طب انا حاسس اني تايهه.. مش عارف اعمل ايه..
ناهد… لازم الاول تأعد مع نفسك.. تسأل نفسك سؤالين لو عرفت اجابتهم… هتعرف تعمل ايه…
عامر… ايه هما…
ناهد… اول سؤال.. واهم سؤال.. هيفرق معاك انها كانت متجوزه يعني مش انسه واكيد انت فاهمني. لو الموضوع ده بالنسبال مهم مش هتقدر تكمل لو مش فارق اكيد هتكمل..
وتاني. سؤال هتسامحها انها مش هقول كدبت ولا خبت هتسامعها عشان اتأخرت في انها تقولك انها كانت متجوزه…
لو قدرت يبقي انت عارف طريقك.. لو مقدرتش بردو تبقي عارف طريقك….
فضل.. عامر.. باصصلها شويه….
وابتسملها…
انا همشي يانوني..
ناهد… ابتسمتله… امشي ياقلب نوني.. وربما يهديك للاختيار الصح ..بس المهم .. منظلمش.. ياعامر.. عشان اوقات كتير البني ادم بيتحط في اختبارات الحياه في اللي بيختار صح وفي اللي بينتكس ويختار غلط…ولو هي من اللي انتكسوو اختارو غلط فاده عشان سنها..الصغير..هي دفعت تمن غلطتها… مرتين .. مره خيانه .. من شخص فكرته هو الدنيا ومره اهلها اللي عاقبوها.. وقاطعوها ..متجيش انت للمره التالته تدفعها تمن نفس الغلطه.. حرام يا ابني الضرب فالميت حرام..
فكر ياعامر.. واختار طريقك اللي يريحك.. من غير ماتجرح
عامر… حاصر يانوني… تصبحي علي خير..
نوني.. وانت من اهل الخير….
مشي… عامر.. من عند نوني.. ودماغه… فيها حرب. كلام نوني بيرن في ودنه.. السؤالين اللي سألتهمله.. بيتعادو في دماغو… واخيرا عرف هو عايز ايه….
اما..عند سيلا…
وصلت الڤيلا.. وهي حاسه انها نفسيا مش مبسوطه….
خدت شاور.. وخرجت لبست بيجامه شورت.. اعدت بشعرها وهو مبلول عالسرير.. مسك الموبايل.. واتصل بروكا..كتير مردتش…
فتحت الواتساب بينهم.. وداست عالريكورد…وسجلتلها..
سيلا… انا عارفه انك مخنوقه ومضايقه.. ومش عايزه تكلمي حد بس انا عايزه اطمن عليكي.. انا مخنوقه ونفسيا زي الزفت واتخنقت بالعياط.. مش عارفه اعملك ايه..وده مضايقني.. انا يومي وحش من غيرك اوي ياروكا.. مودي زي الزفت مش طايقه نفسي ولا طايقه حد حاسه ان عامله زي الطفل اللي مامته سابت ايده وتاه منها.. ارجعي بقي او حتي سمعيني صوتك.. عشان اعرف انام…وبعتت…
وسابت الموبايل وهي بتعيط…
سمعت صوت نغمه الواتس فتحت بسرعه..لما شافت اسم روكا
روكا… انا كويسه ياسيلا اطمني عليا انا عند اهلي مش هقدر احكيلك اي حاجه الوقت.. بس عيزاكي تطمني وطمني العيال وبطلي عياط.. يابت انتي.. بدل ما اجيلك.. وبعدين مالك مخنوقه وارفانه ومكتئبه ومش طايقه حد. دي اكيد هرمونات ياسيلا..
سيلا دموعها نازله ومبتسمه..وداست تسجلها.
سيلا.. وهي بتضحك وسط دموعها.. حتي وانتي متضايقه قليله الادب… وحشتني ياروكا.. يومي ناقص من غيرك بجد ووحشني قلت ادبك ولسانك الطويل..
روكا…. طبعا ياروحي قله الت
ب ملهاش علاقه بالزعل خالص.. …انتي اللي وحشتيني انتي والبنات. هرجع قريب بس احس اني احسن شويه وهتلاقيني فوق دماغك..
سيلا… هستناكي.. بصي انا مش هسألك عليا اي حاجه والله بس انتي كويسه في حاجه حصلت وحشه من باباكي او مامتك..
روكا.. بت انتي انتي خدتي عليا اوي انا غلطانه اني عبرتك بس صعبتي عليا وانتي بتعيطي زي العيال كده.. عموما مفيش حاجه.. تمام الي حدا ما بس لما اجي بقي هحكيلك..يلا اقفلي وروحي اتخدمي يابت بلاش هرموناتك تطفح عليا انا مش ناقصه..
سيلا.. ماشي ياروحي. تصبحي علي خير.
روكا.. وانتي من اهل الخير يا روحي..
…..قفلت سيلا وهي مبسوطه ان روكا ردت.. عليها..بس من صوتها سيلا حست انها بتكلمها كده عشان تضحكها لاكن هي من جواها موجوعه اوي صوتها فضحها حتي وهي بتحاول تغير نبرته..
اما روكا.. فقفلت مع سيلا وسابت الموبايل ورجعت لملامحها الحزينه تاني…
روكا.. من الناس اللي مهما كانت موجوعه متقدرش تشوف حد زعلان ومتقفش جمبه.. في ثواني تخفي وجعها وتتظاهر بالقوه…..
…. اما عند سيلا الباب خبط.. حست بقلق.. لبست بسرعه تيشيرت وبنطلون ورجع الباب خبط تاني نزلت براحه تفتح…كانت نازله خايفه….
وفتحت الباب.. وفجأه🙈🙈🙈🙈🙈🙈🙈🙈🙈
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
