روايات سيلا والنمر الفصل الثالث عشر 13 بقلم منار مصطفى
روايات سيلا والنمر البارت الثالث عشر
روايات سيلا والنمر الجزء الثالث عشر
روايات سيلا والنمر الحلقة الثالثة عشر
ركبت سيلا عربيتها ومشيت واول حاجه عملتها فتحت تشوف اللوكيشن بتاع المكان وبعد مظبطت وجهتها عالطريق.. بصت فالمرايه عشان تظبط نفسها ظبطت الروچ وشعرها ومره واحده…..
سيلا…. يانهار مش فاااااايت…
هعمل ايه انا فالورطه دي…
سيلا لنفسها.. وورطه ليه يعني.عاديي.
بس.. هو قالي اغير البدي. وصمم اني اغيره..اقوم انا بعد ما اروح ويوصلني البسه تاني.
عادي.. هو ماله اصلا بيتحكم فيكي بصفته ايه.. حبيبتك خطيبك جوزك..هو ملوش دعوه .
ايوه بس… كده منظري هيبقي وحش بجد..اعمل ايه.. اروح واقولهم اني مش قادره اخرج… بس كده هيزعل ده كلمني مخصوص عشان اروح…طيب اعدي علي اي مكان اشتري منه بدي تاني..
.بس.. مفيش وقت واصلا علي بال ما اروح شويه وهيمشو الوقت اتأخر…
طب. ما اروح وخلاص…بس كده ممكن يقلب اكتر وهيحس اني احرجته.
عادي. علي فكره ماهو كل شويه يحرجني قدامهم او واحنا لوحدينا..
بس.. هو مش بيبقي قاصد .. انا اللي بضايقه او بيحصل موقف يبوظ اي لحظه كويسه بينا…وبعدين كان واضح اوي ان البدي ضايقه يعني ممكن يكون غيران عليا..
لا عادي مش شرط.. يمكن خايف علي شكله ومنظره ادام الناس..
لا.. مظنش. عموما انا هروح ومش هغير البدي.. وهشوف لما يشوفني هيعمل ايه..وهيبان اذا كان خايف علي منظره.. ولا هو غيران عليا.. الكائن.ده غريب. مبفهمش. تصرفاته…يلا عموما كله هيبان…
وساقت عربيتها متوجهه للمكان اللي هما فيه….
نروح للشباب….
روكا… ايه قالتلك ايه جايه…
بدر.. اه هتيجي..
روكا..مجنونه ولله ما اعرف انها مش جايه..
عامر… حصل خير خلاص المهم انها جايه..
سما…نوني عامله ايه يابدر الوقت..
بدر… احسن كتير الحمد لله.
سما… الحمد لله يارب ديما..
بدر..يارب اللهم امين.
روكا…انتو رتجعين بكره الشغل.
بدر… اه خلاص كفايه كده بقي اول مره الاجازه تطول خصوصا ان البلد اوضاعها مش. مظبوطه..
روكا… فعلا معاك حق ..
وفضلو يتكلمو في حجات مختلفه…ومر وقت بسيط ووصلت سيلا المكان.ركمت عربيتها.. ودخلت عالكافيه..
وعرفت مكانهم من صوتهم.. ومشيت ناحيتهم…لمحتها.ريم… سيلا.جت.وشاورتلها بأيدها…
والكل بص ناحيتها..
مشيت سيلا بخطوات ثابته وعلي وشها ابتسامه بسيطه.. وفنفس الوقت بتبص بطرف عينها علي بدر. عشان تشوف ملامحه..
الغريب انها حسته عادي.. لاكن بدر.. كان وصل لاعلي درجات الغضب.. وصلت سيلا الترابيزه عندهم…وابتدت تسلم عليهم..
حضنت ريم وبعدها سما..وجت عند روكا..روكا. قالبه وشها عشان قفلت في وشها.
روكا…. لا ولله هما تسلمي عليهم وتحضنيهم وانا تقفلي في وشي.
سيلا.. متزعليش حقك عليا بس كنت متعصبه شويه وحضنتها وسلمو علي بعض..وسلمت عالشباب..
عامر…ايه ياعم مالك قالبه وشك علينا كده ليه…
سيلا.. مش في حاجه.
عامر.. لا ولله ماهو واضح علي شكلك.
سيلا.. مالو شكلي بقي.
عامر… قمر.انا اقدر اقول غير كده..
ضحكو مع بعض..ومدت ايدها تسلم علي بدر…
سيلا.. ازيك يابدر…
بدر… مدلها ايده.. وسلم عليها تمام
يوسف…انتو مش كنتو مع بعض انهرده..
سيلا… وانت ايه اللي مضايقك عايز ايه.
يوسف… ياستي انا غلطان بس كتر السلام يقل المعرفه.
سيلا… بجد.
يوسف. بضحك…انتي بتصدقي اي حاجه كده ياسيلا.
روكا.. دي سيلا ياچو يعني اعبط خلق الله.
سيلا… اتلمي😡
روكا. ممكن اعرف بقي قالبه وشك علينا ليه..وقفلتي في وش اهلي ليه..
سيلا.. مفيش…
روكا… لا في قوليلي مالك وابه اللي خرجك مع مراد..
سيلا… مش وقته ياروكا .. بعدين..
عامر… الله هو في اسرار ولا ايه.
يوسف… واضح.. كده
بدر.. اعد متابع كلامهم وساكت حاطت رجل علي رجل وبيشرب سيجارته وبيبص عليهم من غير كلام.
سيلا ..ولله مافي اسرار ولا حاجه هي روكا . بس بتحب. تستظرف.
روكا.. لا ياشيخه.. عايزه تقولي انك خرجتي معاه.اخيرا بعد مالسانه اتدلل كده من غير سبب وبعدين كنتي متعصبه علينا ليه حضرتك..اكيد في حاجه حصلت.
سيلا بعصبيه…قولتلك مفيش حاجه..وبعدين ايوه متعصبه..بس منكم مش من مراد.
عامر…طب اهدي كده بس من غير عصبيه متعصبه مننا ليه.
سيلا…. عشان بعد ما اتفقتو وظبطو مع بعض.. جايين تكلموني وبمنتهي الاستفزاز تقولولي مش جايه ليه علي اساس اني اعرف.
عامر…ولله فعلا احنا كنا فاكرينك جايه عشان كده مكلمنكيش وبعدين انا عن نفسي مكلمتش غير روكا.. وهي كلمت البنات وكلمت چو وهو كلم مهاب يعني مكلمتش واحد واخد علي اساس ان التاني هيقوله بس فاكنت عارف انك مع بدر فا طبيعي اوي انه هيقولك.
سيلا. بغضب لا مقالش ومظنش بدر كان هيقول..
بدر…بعد سكوت طال كتير وهو بيتفرج عليها وهي غضبانه زي الاطفال..
وليه بقي مظنش بدر كان هيقول..
سيلا… عشان انت لو كنت عايز تقول كنت قولت بس واضح انك ديما مش حابب وجودي.
بدر… يابنتي هو انا اعدوك..ولو عالمواقف اللي حصلت قبل كده خلاص انا نسيتها…كل الحكايه اني اتفقت مع عامر اننا نخرج زي مانتي سمعتي كده…وعامر قالي نكلم البنات قولتله تمام مفيش مشكله كلمهم اتفق معاهم.
روكا… نعم ياسي بدر مكنتش عايزنا ولا ايه.
بدر.. بضحك مع روكا. .عشان يستفز سيلا اكتر. لا ياصاحبي مقصدش بس بشرحلها اللي حصل وبعدين متقوليش كده تاني..انتي غاليه عندي…
عامر… نعم ان شاء الله كيس جوافه انا..
بدر… اتلهي..
روكا. بدلع.. الله وانت مالك.
عامر.. بقي كده ماشي ياختي..
سيلا.. حست بالغيره بس مش من روكا.. لاكن من طريقت بدر معاها… خصوصا انه مش بيتعامل معاها كده ديما في حاجز بينهم..
بدر. بس فاعامر.. عشان عارف انك معايا افتكر اني هقولك
عامر… باااس ادي كلمت الحق طلعت يعني عامر ملوش دعوه. اتخانقي مع بدر بقي..
سيلا..ولا هتخانق ولا حاجه…عادي… هو لو عايز كان قال من الاول.
بدر… يابنتي انتي دماغك دي علي ادك.. مانا كلمت عامر. بعد مانتي كنتي بتتكلمي واتفقتي انك هتخرجي.. فامحبتش ابقي رخم مش اكتر..
سيلا. ولله… انت شايف كده.
بدر… باستفزاز اه
عامر… المهم مين مراد ده بقي… جو ولا ايه.
سيلا.. بابتسامه… بلاش رخامه..
عامر.. لا مانا لازم اعرف.
روكا… مش هنقولك😜
عامر.. اهون عليكي.
روكا.. لا يابيبي متهونش..
سيلا..عادي ياعامرولله ده رئيس تحرير الجريده اللي انا شغاله فيها والمالك بتاعها.
عامر… ايوه تشرفنا مين هو بقي.
روكا… انا هقولك..اصله بيحب سيلا مجنون بيها وضحكت.
سيلا.. اتلمي ياروكا..
بدر.. ليه بس مش عيزاها تعرفنا ليه احنا مش بقينا صحاب.
سيلا.. بصاله بغضب..
روكا.. هو عايز يرتبط بيها بس سيلا مش موافقه وديما بتصده وديما يعزمها وهي بتتهرب منه عشان كده استغربت انها وافقت انهرده…
بدر… حاول يستفزها اكتر…طب ليه مش يمكن غيرت رأيها هتقطعي عليها…
يوسف… الله رئيس التحرير مره واحده..
عامر… وهو يطول يرتبط بالقمر..
ريم.. المهم ياقلبي.. مش هتاكلي احنا لسه واكلين قبل ماتيجي بشويه الاكل يجنن.
بدر… اه صحيح مش هتاكلي وغمزلها.ولا كلتي مع الجو. اكيد.
روكا. بضحك.. يا لهوي يابدر ده انت لما بتبقي رايق بتبقي مسخره.
مهاب…لا بدر…ده مصيبه بس يكون رايق.
سيلا بغضب… يارب ديما يكون رايق.. ادام الحفله عليا حلوه اوي كده..
بدر.. بضحك.. صراحه هي حلوه وعجباني..
سيلا….كانت مضايقه جداااا وابتدت تحس انها هتعيط ومش هتقدر تتحكم في دموعها…قامت وقفت بسرعه عشان متعيطش ادامهم..
روكا… راحه فين ياسيلا..انت زعلتي ولا ايه..
عامر… راحه فين..
سيلا… لا ابدا مش راحه هدخل بس التويلت.وارجع.
عامر.. طيب هتاكلي الاكل تحفه هنطلبلك نفس الاكل اللي طلبناه علي بال ماتيجي.
سيلا..,بابتسامه حزينه. لا ميرسي ياعامر…انا كلت زي بدر قال.بعد اذنكم.
فضل بدر . باصص عليها لحد ما اختفت من ادامه كان مضايق عشانها بس كان مضايق منها في نفس الوقت.
روكا… لبدر.. ماتخف عليها ياعم شويه البت مش حملك.
عامر.. اه صح يابدر.. شكلها زعلت.
بدر… وانا عملت ايه بس انا بهزر…معاها هي اللي بتقلب علي طول ولا يمكن مراد ده زعلها.
روكا. لا يا خويا اطمن مزعلهاش ده يتمنىها الرضا بس هي ولا يفرق معاها انا بس اللي مستغربه انها وافقت تخرج وهعرف السبب المهم انك تخف عليها..عشان موعلكش
عامر…. خبطها بكتفه في كتفها شرير اوي.
بدر… ماتتلم ياض..
روكا… قوله والنبي
عامر… الله انت مالك ياعم.. محدش ليه دعوه بروكا. ولا ايه.
روكا… بدلع اللي تشوفه.
بدر…الله بعتيني في اول محطه.. ماشي ياستي الله يسهله…
عامر… ويسهلك يا اخويا.. بس خف شويه.
روكا.. اه والنبي دي سيلا جميله.
بدر.. خليكو في حالكم.. انتو بس
يوسف.. بتقولو ايه
روكا.. ملكش دعوه خليك مع الاموره.
ريم.. نعم يا اختي ملها الاموره.
يوسف.. سيبك منهم دول غيرانين..
ريم.. ايوه صح..
روكا . اتلهي انتي وهو..هاتي يابت الولاعه بتاعتي..
عامر.. ماكفايه سجاير ياقلبي بقي متعبتيش.
روكا… سيجاره بس وبعدين مانت ماسك البزازه بتاعتك دي من اول ماكلت….
عامر… انا خايف علي صدرك..
بدر… بضحك.. خايف علي ايه ياخويا..
روكا… عاجبك كده جبتلنا الكلام.
عامر… هو اللي نيته وسخه.
فضلو يضحكوو.
وقام وقف بدر..
عامر.. رايح فين.
بدر… رايح الحمام .
عامر… الله يسهلهو.
رجعله.. بدر وحط ايده علي كتفه..نعم قصدك ايه.
عامر..رفع ايده باستسلام…ياعم انت مش داخل الحمام انت بقيت تفهم غلط ليه.
بدر.. بحسب…
روكا.. بضحك..خواف اوي..
عامر.. جربي بوكس من ايده علي سبيل الهزار وانتي تعرفي🤣🤣🤣🤣
مشي بدر… وراح ناحيت التويلت..
اما سيلا. بعد ما دخلت.. انفجرت من العياط.
مكنش عندها سبب انها تعيط.. بس كانت حاسه بخنقه فظيعه.. كان جواها شحنه متعرفش سببها بس كان لازم تخرجها.مسحت دموعها وخرجت من الحمام وقفت ادام المرايه. وهي باصه علي نفسها.. ودموعها نازله.. كانت مضايقه من طريقت بدر…اللي بتتغير كل شويه معاها اتعلقت بيه في وقت صغير بس ديما صورته مبتسبهاش حست انه بقي جزء مهم من حياتها بس هو مكنش محسسها بده شويه متعصب وقليل جدا لما يحسسها انه مهتم بيها اه مكنش اهتمام يحسسها انه في حاجه بينهم بس كان بيفرحها.. عالاقل وافتكرت لما كلمها.هو ونوني وقالها تيجي وافتكرت لما قالها عالبدي. ولما جه معاها للدكتور ومسبهاش افتكرت لما خدها في حضنه وهي بتخيط ايدها افتكرت طريقته لما كان محتاجلها لما والدته تعبت افتكرت لما اتخانق عشانها مع نفس الولد اللي كان بيجري وراها وهو سكران في شرم.. افتكرت لما اضرب بالنار وخباها ورا ضهره وفضل ماسك نفسه لحد ما اطمن انها بقت في امان .افتكرت تفاصيل كتير.. كانت مضايقه من طريقته مع روكا بيهزر وبيضحك وبيعاملها كويس هي وصحابها طب ليه انا مش بيعمل معايا كده.. حتي البدي معلقش عليه تاني..كانت فاكره انها هتستفزه بس هو مهتمش ولا علق عليه.. حست انها مش فهماه.. واخيرا مسحت دموعها وظبطت نفسها….
وخرجت من الحمام.. فضلت واقفه ادامه الحمام.. تاخد نفسها وتخرجه بتخاول تبان طبيعيه.. ومشيت ناحيت التربيزه بتاعتهم….وراحت اعدت…
اما بدر… كان واقف وراها لما خرجت واتأكد انها كانت بتعيط.. زي ماحس.. واستني انها تمشي.. وبعد كده راح وراها…
اعدت . سيلا..
روكا.. كل ده بتعملي ايه ده كله.
سيلا.. كان في كذا حد جوه..
لاحظت روكا.. عينها بس. مرضيتش تعلق..
كانت سما ومهاب مندمجين مع بعض فالكلام. اوي..
وكمان يوسف وريم
ثواني وجه. بدر..
واعد جمب سيلا من سكات..
وشويه وقالها.. تشربي ايه..
سيلا… شكرا مش عايزه
بدر… تشربي ايه
سيلا.. قولتلك مش عايزه
بدر.. هطلب انا وهجبلك حاجه انتي مش عيزاها.
سيلا. باستفزاز اوك هشرب شيشه.
بدر.. فضل يضحك..ومقدرش يمسك نفسه..
اما سيلا فا كانت بصاله وهي مبتسمه ضحكته سحرتها ولاول مره تشوفه بيضحك بهيستريا كده.
سيلا.. هو انا قولت حاجه تضحك.
بدر.. لسه مكمل..
عامر.. في ايه ياعم مالك حد زغزك ولا ايه.
سيلا.. مش فاهمه.
روكا. بضحك.. ماله ده..
بدر.. مفيش انا تمام.. ورجع يضحك تاني.
عامر.. بضحك.. هي السيجاره اللي شربتها من شويه دي عرفي ولا ايه..
بدر… وحيات امك اتلم ياحشاش.
عامر.. بضحك..طب بتضحك علي ايه بجد.
بدر.. ياعم انت مالك ماتخليك.. فالقمر اللي معاك. دي
عامر.. ماتتلم ياعم
بدر.. حاضر وفضل يضحك.
روكا. ده مش طبيعي. عملتيله ايه يابت ياسيلا.
سيلا.. اتلمي ياروكا. انا مجتش جمبه
سكت بدر.. اخيرا..
ورجعت روكا وعامر يتكلمو.
سيلا.. ممكن اعرف بتضحك ليه…
بدر.. اصل مش لايق عليكي الشيشه دي خالص..هو انتي بتشربي.
سيلا.. لا بس انت ايه اللي مضايقك عايزه اجرب.
بدر. ياستي انا مش مضايق بس لو مش بتشربي هيبقي منظرك وحش لو فضلتي تكحي وكده يعني انا خايف علي منظرك.
سيلا.. لا ملكش دعوه بمنظري..
بدر… بضحك.. طب تحبي تشربيها بطعم ايه
سيلا.. اي حاجه.
بدر.. كمان ملكيش مزاج..
ماشي..نده بدر الويتر.. واحد قهوه مظبوط وشيشه تفاح. وعصير فراوله..وبص لسيلا.بتحبي الفراوله.
سيلا.. اه مش بطال.
بدر..ماشي ياستي.
بدر.. حد عايز يشرب حاجه..
عامر.. انا قهوه.
روكا.. وانا كمان.
ريم.. انا مش عايزه..سما ولا انا
مهاب ويوسف قهوه
بدر.. يبقي خمسه قهوه وواحد عصير فراوله وشيشه تفاح.
مشي الويتر..وبعد شويه جه الويتر بالطلبات..
الويتر.. احط الشيشه فين..
بدر.. هاتها هنا فالنص ..يقصد بينه هو وسيلا.
ادامهم الطلبات ومشي..
بدر.. اتفضلي اشربي..
روكا.. ايه ده هي الشيشه دي مش ليك.
بدر.. بضحك لا دي لسيلا..
روكا.. نعم هي سيلا بتشرب.
عامر.. ايه اللي جننك كنتي بعقلك
سيلا.. عادي عايزه اجرب فيها حاجه.
عامر.. لا ياباشا.جربي..
روكا.. دي سما مش واخده بالها لو شاغتك هتنفخك وتنفخني..
ريم.. ايه دي بتڜربي شيشه ياسيلا.
سيلا..انا شربت لسه.
سما.. شيشه ايه مين دي اللي هتشرب.
سيلا. عادي ياسما ليا مزاج اجرب
سما. لا طبعا من امته وانتي بتشربي منك لله ياروكا
روكا.. مش قولتلك اديكي جبتيلي الكلام..
سيلا.. طب ايه هتفضلو باصين عليا كده.
بدر.. وطي عليها براحه اصلك بقيتي فرجه.
بصتله سيلا بغضب..تقصد ايه.
رفع ايده. باستسلام ولا حاجه بس ده اللي انا قولته انتي ملكيش فيها وادي صحابك اكدو علي كلامي.. وهتخلي منظرك مش حلو.
سيلا.. لاملكش دعوه بمنظري وقولي اشرب ازاي..
مسك منها بدر الشيشه وابتدي يشرب منها يسخنهالها..وادهالها اتفضلي اشربي
سيلا.. نعم وانا هشرب مكانك.
بدر… انتي تطولي.
سيلا.. مغرور اوي..
بدر…يلا اشربي ولا انادي عالويتر اغيرلك اللي.
سيلا.. لا خلاص.. وحطت اللي بتاع الشيشه علي شفايفها…وابتدت تشرب واول ماخدت نفس فضلت تكح تكح تكح..
بدر.. اداها مايه بسرعه..مانا قولت كده قولتي اطلعو من البلد..
سيلا بعد ما وقفت كحه.. انت دعيت عليا..
بدر.. احسن..
سيلا.. انت فرحان فيا
بدر.. فوق ماتتخيلي..
روكا… جربتي يا اهتي وكنتي هتموتي من اول نفس..والنبي شكلك كنت بتضحك علي كده..
بدر… قريتيني.
روكا.. ضحكتيه عليكي ياختي.
سيلا.. خليكو في حالكم.
سما.. احسن يا سيلا قولتلك بلاش.
خلص يومهم.. واتفقو يقومو…عشان الوقت اتأخر
سما… هتفضلو يابنات ولا امشي انا الوقت اتأخر..الساعه اتنين ونص
روكا..لا يلا انا كمان همشي عندي شغل بدري ومش هلحق انام وصاحيه من بدري..
سيلا.. وانا كمان همشي..
مهاب… طب يلا بقي عشان احنا كمان نلحق ننام شويه
بدر.. تمام.. يلا بينا..
نادي بدر.. عالويتر.. ودفع الحساب…وقامو خرجو عند العربيات..
سما.. ياريتني ماجيت بالعربيه وگنت جيت معاكي ياريم الوقت اتأخر اوي..
ريم.. خايفه من ايه يا خوافه
مهاب.. يلا انا همشي وراكي بالعربيه لحد ما توصلي..
سما.. لا عشان متتأهرش وتلحق تروح..
مهاب . لا متقلقيش مش هتأخر..
عامر.. وانا همشي ورا روكا .
يوسف… ايه التدبيسه.. دي..
ريم.. نعم قصدك ايه اصلا مش عيزاك تيجي ورايا انا مش بخاف.
يوسف.. انا مقصدش عليكي ياقلبي انا اقصد علي سيلا🙄
سيلا.. بضحك.. لحقت نفسك ياچو..
يوسف… اعمل ايه قدري..
روكا.. بضحك.. وطبعا بدر هيوصل سيلا..
بصلها بدر. وهو بيضحك وبيهز دماغه شمال ويمين..
مش سهله انتي.
روكا.. طبعا.
سيلا.. لا ياسيدي شكرا خليك انا مش بخاف وبرجع ديما متأخر عشان شغلي ويمكن برجع بعد الوقت ده بكتير. .
يعني متقلقش مش هتدبسك روكا..
بدر.. انتي شايفه كده.
سيلا.. اه..
بدر… ماشي.. يلا ياشباب اركبو عربيتاكم..
سلمو علي بعض..
روكا.. وطت علي بدر…وقالتله براحه.. انت مش هتزصلها بجد.خليك وراها عشان خاطري.
بدر..من غير ماتقولي متقلقيش كده كده هي في طريقي.
عامر… انتي بتوصي بدر يابت ولا ايه.
روكا.. بت في عينك.يلا ادامي.
عامر.. يلا ياقلبي.
بدر.. بصوت عالي.ابتديت اقلق علي فكره هتطرقع.
عامر..عيب عليك…احنا رجاله اوي.
بدر… ماشي يا خويا هنشوف..
مشيو الشباب ورا بعض..
اما سيلا..فادورت عربيتها ومشيت بعد ما سلمت عليهم..
شويه.. ولمحت عربيت بدر.. وراها..
مسكت موبايلها وكلمته..
بدر… يانعم..
سيلا..هو مش انت قولت مش هتيجي ورايا..
بدر.. انا قولت كده.
سيلا.. اه.
بدر.. لا مش اه .. انتي اللي قولتي. انك واخده علي كده..وانا نفزت رغبه حضرتك.
سيلا.. مش باين يعني ما انا شايفه حضرتك ورايا.
بدر… ماهو طبيعي طريقي نفس طريقك ولا حضرتك مش عيزاني اروح لبيتي.
سيلا.. اه يعني انت مش ماشي ورايا.
بدر.. لا وانا همشب وراكي ليكي.
سيلا… ماشي.،
بدر… ماشي.
سيلا. باي.
بدر.. باي.
سيلا… رخم ..وبارد ومستفز ومغرور.😡
ابتسم بدر.. عشان عارف انه عصبها..
بعد.. مده. وصلت سيلا..للڤيلا….وقفت عربيتها بره..وبدر وقف عربيته وراها…وفضل اعد فيها بغرور وهو بيشرب سيجارته..
خرجت.. سيلا من عربيتها.. ووقفت اظامها وهي باصه عليه ومربعه ايدها الاتنين ..
ومره واحده نزلت ايدها ومشيت ناحيه بدر وصلت عند شباك العربيه وهو متجاهلها ولسه باصص ادامه.
سيلا.. مش قولت انك ماشي في طريقك ومروح.. وقفت ليه وليه جيت ورايا.
خد بدر.. اخر. نفس من سيجارته……وبصوته اللي يقتل…قالها…اركبي..
سيلا.. نعم
بدر… اركبي..
سيلا. بصتله باستغراب.. ليه.
بدر.. اخيرا بصلها بعينه ..اللي تخوف من جمالها.
قولتلك اركبي.
سيلا. بارتباك.. حاضر.
لفت سيلا وهي حاسه انها متوتره.
فتحت الباب…وركبت براحه… وحاولت تبان جامده اديني ركبت في ايه.
بصلها بدر… وفضل باصص عليها شويه..من غير ولا ملمه.
سيلا..بدر في ايه بتبصلي كده ليه انت كده بتخوفني..
بدر… لبستي البدي ليه ياسيلا..
سيلا.. بارتباك…يعني ايه..
بدر… بهدوء.. انتي عارفه انا اقصد ايه.
سيلا.. عادي يعني. لبسته.
بدر.. بس انا لما جيت. عشان اوديكي للدكتور. طلعتك عشان تغيريه.. تقومي انتي ترجعي وتلبسيه وتخرجي.
سيلا… بس انا مش خرجت معاك بيه.
بدر… شئ ميخصنيش يعني.صح..
سيلا.. مقصدش كده علي فكره.. وبطل تفهم كلامي بطريقتك.
بدر… اللي هي ايه طريقتي ..
سيلا…بصوت عالي شويه ..طريقتك اللي ديما كلها اتهام ديما شايفني وحشه وديما شايفني غلط.انت مش بتشوف غير الوحش اللي فيا وبس.
بدر.. بهدوء… اولا ياريت توطي صوتك وانتي بتتكلمي لاني بكرهه الصوت العالي جدا..
ثانيا وده الاهم.. مين قال اني. شايفك وحشه وغلط
بس تصرفاتك مش صح ياسيلا ويمكن ده بس اللي بيضايقني..مش هتكلم عالمواقف اللي فاتت اللي انت غلطانه فيها مليون فالميه ومع ذلك بتكابري.. عيبك انك عنيده وبتعاندي فالغلط كمان.
سيلا.. غلط ايه وعنيده ايه… انا اصلا معملتش حاجه.
بدر.. انتي مش شايفه انك غلطانه خالص.
سيلا.. بصوت متعصب..لا مش شايفه انت اللي مصمم تطلعني غلطانه وخلاص..
بدر.. بعصبيه واتخلي عن هدوءه…قولت وطي صوتك.. وقسما بالله ياسيلا لو صوتك ده علي تاني ماهتشوفي وشي تاني في حياتك ولا حتي صدفه…
سيلا… فضلت بصاله وساكته ولاكن علامات الغضب والعصبيه علي وشها بس خافت من صوته ومن تهديده انه ميشوفهاش تاني…
بدر… لو انتي مش غلطانه فاللي فات وحضرتك مبتغلطيش انا بس اللي حمار وبفهم غلط. موقف انهرده تفسريه بأيه..ها… لبستي البدي ليه…
سيلا.. بصوت واطي… ما انت مكنتش معايا.
بدر.. بصوت عالي.. وفرقت ايه مش فاهم. معاكي ولا مش معاكي..فرقت ايه يمكن انا راجل حمار مبفهمش وطبعا حضرتك نابغه وفاهمه كل حاجه
سيلا..ممكن بلاش تريقه…
بدر… حاضر اتفضلي قولي فرقت ايه.
سيلا.. انت لما قولت غيريه .كان مضايقك.. وانا قولت انك حابب مخرجش معاك كده.. وانا لما خرجت مع مراد…انت مكنتش معابا يعني مضايقتكش ولما جيت مكانتش مقصوده عشان انا فعلا كنت خرجت بيه.فاطبيعي اني اجي بيه لان مكنتش هلحق اغير..
بدر… ولله يعني انتي حللتي ان انا اضايفت لما خرجتي بيه معايا فا اخرج بيه وهو مش معايا.. بزمتك انتي مقتنعه.
سيلا… طيب امال ايه تحليلك انت لو انا غلط.
بدر… تحليلي ان قولتلك ميتلبسش يبقي ميتلبسش ومش هو بس اي حاجه فيها تشبهه او تبين جسمك وكمل بجرأه انتي مبسوطه وصدرك باين كده مبسوطه والبرا بتاعك لونه باين.
سيلا.. وشها جاب الوان 😲ومبقتش عارفه تنطق من جرأته واتحرجت لدرجه انها كانت هتعيط…لفت ضهرها ليه وهي بتمسك الباب عشان تنزل.. بدر انا هنزل..
وقبل ماتفتح.. كان بدر داس علي السنتر لوك من عنده وقفل الباب…
بدر… استني عندك انا مخلصتش كلام… يعني انتي لا تبقي غلطانه وعنيده او تهربي لما تتزنقي…ايه احرجتك طب متحرجتيش ليه لما لبستيه متحرجتيش ليه لما كل حد شاف منظرك ده انهرده سواء تعرفيه او متعرفيهوش..
كل ده وسيلا.. مدياله ضهرها…ومش قادره تبصله خلاص.. بس دموعها كانت نازله في صمت…
بدر… انا بكلمك علي فكره بصيلي…
سيلا…….زي ماهي ولا بتتكلم ولا بتبصلي..
بدر… مسك كتفها بأيده.. ولفها ليه…
بكلمك علي فكره..
سيلا.. مسحت دموعها بسرعه بس هو شايف انها بتعيط..
يعني فوق انك شايفني غلطانه.. ووحشه. وكمان مش بفكر… انا كمان في نظرك بنت مش كويسه مبسوطه بنظره الناس عليا صح..
بدر… لا ياسيلا مش صح.. انا مقولتش كده ومينفعش تقولي انتي كده..
سيلا… ممكن اسألك سؤال.
بدر…اتفضلي..
سيلا… انت عرفتني انا والبنات من فتره مش كبيره بس بقينا بنشوف بعض وقربنا من بعض يعني كلنا بقينا صحاب.. ليه مش بتتعامل معايا زي ما بتتعامل معاهم..ليه مش بتتكلم معايا بنفس طريقتك معاهم..
ليه.. مش بتكلمهم علي لبسهم.. روكا. لبسها يمكن افظع مني وريم كمان.. سما يمكن شويه بس كلهم بيلبسوعادي كب كات شورت مايوه. يع تقريبا كلنا زي بعض..اشمعني انا..
طب. بلاش دي…
ليه عامر. ويوسف ومهاب.. مش عملو كده معايا ومحدش فيهم شافني زي مانت شوفتني..
تقدر تجاوبني..
هنا..بدر.لسانه اتلجم ومبقاش عارف يقول ايه.. هو نفسه مش لاقي اجابه..
بدر… بصي ياسيلا.. يمكن انا اعرفك.. قبلهم.. يعني حصل بينا موقفين تقريبا.. والتالت كان في شرم.. انتي اللي عرفتيني علي صحابك وانا عرفتك علي صحابي يعني من غيرنا مكنوش عرفو بعض.. وبقولك كده ليه اولا سما.. عايشه مع اعلها.. وريم كمان.. روكا.. اه عايشه لوحدها.. بس روكا جامده قويه . جدعه بميت راجل.. يعني اللي يقرب منها هتعرف تلبسه في حيطه..انكا انتي فوق انك عايشه لوحدك.. انتي زي الطفله.. وياستي انتو زي ما بتقولي بقيتو اصحابنا..يعني المفروض نخاف عليكم وبوم ما هيحصل حاجه مش هتعجبني في حد فيهم هقولهم.. عشان احنا صحاب واخوات.. بدر هنا كان بيقصد علي صحابها.. انما هي خدت الكلام عليها هي كمان..
سيلا…..صحاب واخوات
بدر.. اه.. بابنسبالي انا اصحاب واخوات..
سيلا.. صح..
بدر… ممكن متزعليش بقي.. وتفكي وشك ده..
سيلا.. بابتسامه حزينه..ودموعها نازله.. حاضر.
بدر… ممكن تمسخي دموعك دي…وقرب ايده من خدها ومسح دموعها.. غمضت سيلا عينها وحست برعشه في جسمها من لمسته.. وفاقت علي صوته..
بدر… يلا انزلي عالبيت…
فتحت سيلا. عينها وهزت دماغها
ولسه هتنزل… سيلا.
سيلا. بصتله.
بدر.. البدي ميتلبسش تاني.اتفقنا.
سيلا. هزت راسها بالموافقه.
بدر.. لا انا اسمع
سيلا.حاضر.. ولفت عشان تنزل
بدر.. سيلا.
سيلا.. ايوه
بدر….متزعليش مني.
سيلا… مش زعلانه.
بدر.. بجد..
سيلا… اووووف افتح الباب يلا.
بدر… انا بعد اوف دي ممكن منزلكيش منها اصلا.
سيلا.. يعني ايه.
بدر.. لا ابدا متاخديش علي كلامي.يلا انزلي.
سيلا. طيب افتح.
بدر. فتح الباب..مفيش مره هتعزميني علي حاجه.
سيلا.. لا مش بعزم رجاله عندي..اصلي مش قليله ادب..
بدر…. اللله بتلعبي معايا ماشي ياسيلا..
ركبت سيلا العربيه وركنتها جوه الڤيلا وقفلت الباب..وبدر… طار….لما اطمن عليها..
عدت ايام وكل واحد مندمج في شغله ومعاد الديفيليه قرب..
روكا وعامر
قربو من بعض اكتر…ويوسف وريم.. حتي مهاب وسما ..وخلال الفتره دي كان الكل مشغول مكنوش بيشوفو بعض كانو مقضينها تليفونات وبس..اما بدر وسيلا مكنوش بيتكلمو خالص وكل واحد فيهم من جواه في صوتين صوت يتكلم ويطمنو علي بعض وصوت بيقول لا وكل طرف فيهم مستني التاني يبدا. لاكن الوضع كان متغير عند نوني سيلا كانت بتكلمها تطمن عليها…وبدر كان بيعرف من والدته كان مبسوط من جواه بس كان عايز يبعد عشان يقيم احساسه من ناحيتها عشان يجرب بعدها عنه هيفرق او لا و يشوفها هي هتعمل ايه.. بسس اللي مكنش قادر ينكره ان صوتها وحشه اوي….
وقبل معاد الديفيليه بيومين.☝️☝️☝️☝️☝️☝️☝️☝️
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
