روايات سيلا والنمر الفصل التاسع 9 بقلم منار مصطفى
روايات سيلا والنمر البارت التاسع
روايات سيلا والنمر الجزء التاسع
روايات سيلا والنمر الحلقة التاسعة
وتم نقل والدته بعد ما فاقت شويه لاوضه خاصه….
ناهد… بصوت واضح عليه التعب..
بدر.. انت جيت. امته وانا ايه اللي حصلي وازاي جيت هنا.
بدر … نوني حبيبتي ارتاحي الوقت وهحكيلك كل حاجه ووطي علي راسها باسها انا ناهد.. فا غمضت عينها تاني من التعب… وفضلت سيلا واقفه تتابعم من بعيد وهي مبتسمه….
بدر…. سيلا .. سيلا…
سيلا… هه.
بدر.. ايه مالك تعالي اعدي ارتاحي شويه..
سيلا… انا كده كويسه..انت هخرج بره عشان اسيبكم براحتكم وعشان منقلقهاش… ارتاح انت شويه جمبها اكيد اليوم كان طويل…
بدر… لا طبعا مش هتخرجي بره…هتفضلي هنا…
وبعدين هي مش حاسه بحاجه ونامت..وانا مش تعبان عشان ارتاح.. انتي اللي شكلك تعبانه ومجهده خالص…
اووووووووف انا ازاي نسيت.
سيلا…نسيت ايه.؟
بدر…. سيلا انتي كلتي امته اخر مره…
سيلا… مش فاكره..
بدر…يعني ايه مش فاكره…في حد بينيسي كل امته…
سيلا… لا بس اليوم اللي سافرت فيه رجعت البيت عالضهر..كده.. وروحت نمت.. تقريبا صحيت علي الساعه 9بليل.. قمت شربت نسكافيه وكلت بسكوت… واعدت شويه فضيت الشنطه بتاعتي.. ورچعت نمت تاني.. صحيت تاني يوم شربت نسكافيه ونزلت الشغل خلصت حاجه بسرعه كده.. ورجعت علي اخر النهار.. وكل ده كنت نسيت افتح الموبايل… كنت جايبه معايا بيتزا بس قولت اكلم البنات اطمنهم..وبعدين اكل بس. وبعد كده لما عرفت منكم اللي حصل روحت عالڤيلا بسرعه بس كده…
يعني انتي بقالك يومين علي نسمافيه وبسكوت..
سيلا…اه عادي بس مش جعانه يعني..
بدر… مش جعانه ..😒
مسك بدر تليفونه… واتصل عمل اوردر… بيتزا..
سيلا… بدر.. ملوش لزوم. علي فكره صدقني انا مش جعانه..
بدر….يابنتي انتي مبتعمليش حاجه في حياتك .. غير تعندي وبس…
سيلا…انااااا.
بدر… ايوه انتي…يابنتي انتي من بدري بره وعملتي مجهود ونزفتي وايدك مفتوحه لازم تاكلي حاجه مينفعش كده..وبعدين انا كمان جعان ومش بعرف اكل لوحدي..
سيلا… ماشي..
بدر… تعالي يلا اعدي ارتاحي شويه…
سيلا..حاضر… واعدت سيلا علي كنبه صغيره زي كنبه الانتريه.. وحست ان جسمها تاعبها جدااا.وسندت ايدها الاتنين علي ايد الكنبه وحطت دماغها علي ايدها…
دقايق بسيطه.. وعنيها راحت فالنوم…
بعد شويه جه مكالمه لبدر.. بتأكد وصول الاوردر.. قام وقف عشان ينزل يجيبه.. ولسه هيقول لسيلا انه نازل يجيب البيتزا لقاها طايره.. سابها نايمه. وفتح الباب براحه. ونزل جاب البيتزا وجاب عصير لسيلا.. وطلع تاني.. فتح الباب. وحط الحاجه عالترابيزه وراح اعد جمب سيلا..
بدر… فضل باصص علي وشها شويه.. حاسس انه منجذب ليها بطريقه غير طبيعيه بس مش قادر.. يعترف بينه وبين نفسه حتي عالاق انه اعجاب.. قرب ايده براحه من وشها.. ولمسه خدها..وشال الخصله اللي نازله علي وشها مخبيها وحطها براحه ورا ودنها…ونزل بايده براحه يلمس شفايفها..لاكن فجأه اتصدم من تصرفه…
وبعد ايده. وحطها علي شعره ومررها علي شعره بسرعه..
.سيلا.. سيلا…
سيلا…بنوم.. اممم.
بدر.. سيلا يلا قومي الاكل وصل..يلا قومي عشان تاكلي..
سيلا… بنوم.. مش عايزه.. سيبني انام ..
بدر.. شدها براحه من دراعها.عشان ترفع راسها وتقوم…
سيلا.. اوووف.. سيبني انام من فضلك.. شويه بس.
بدر.. مفيش شويه بس. يلا قومي.. كلي ونامي..
سيلا… قامت وهي مش قادر.ه..
فتح بدر.. البيتزا.. واداها واحده مسكتها في ايدها.. ورجعت غمضت وتاني وهي مسكاها.
. بدر…سيلا يلا بلاش. دلع قومي كلي ..
سيلا.. حطت الاكل في بوقها..وفضلت تاكل واحده واحده وكلت….نص واحده.. سيلا..انا مش قادره.
بدر.. هو انتي حتي كلتي واحده كامله عشان تقولي مش قادره..
سيلا….بدر.. ولله مش قادره.
بدر.. طب كمليها وللله وهسيبك…
سيلا…كلت شويه ومقدرتش تسيطر علي نفسها…
بدر..حس انها فعلا مرهقه.. وسابها تنام….
وثواني وكانت سيلا في سابع نومه…
رفع بدر رجلها وعدلها كويس عشان تعرف تنام…
وغطاها…
وشال الاكل ونضف المكان….
وراح اعد علي الكرسي.. جمب والدته.. وبعد شويه حس بالتعب.. نزل راسه عالسرير ونام هو كمان….
اما عند الشباب.. فكانو سايقين ورا بعض.. كان كل ما عامر يزود السرعه تزود وراه روكا….
وبعد شويه…روكا.. وقفت علي جمب
روكا…. بقول ايه يابنات…حد يجي يسوق الحبه دول انا فصلت خلاص ورجلي وجعتني مش قادره.
سما…………
ريم………..
روكا… انتي يازفته منك ليها ايه كل ده نوم خلو عندكم دم
وحد يجي يسوق شويه خلاص بجد فصلت…
ريم… بنوم يوووه ماتفصلي بقي شويه يعني سوقتي كل ده ومش قادره تكملي الحبه دول..
روكا… بت انتي بقولك ايه.. اخلصي انا تعبانه واديكي بتقولي سوقت كل ده.. اخلصي ولله مش قادره..
ريم.. روكا… شوفي حد غيري انا مش هعرف اسوق وانا نايمه…😘وادتها بوسها وسندت راسها تاني.. ونامت..
روكا… رخمه😡
روكا… سماسيمو حبيبتي..
سما.. بصوت نايم… متلاقيش ياروكا.. وبعدين لو جيت سوقت هتوصلو الضهر.. انتي عارفه انا بسوق براحه…كملي كملي يلا يا قلبي..
روكا.. وجع في قلبك منك ليها…
………
عامر… مهاب. هي روكا مش ورانا…
مهاب……..في سابع نومه.
عامر… الله يحرقك يامهاب نفسي اعرف بتجيب النوم ده كله منين…
يوسف بص كده وراك….
يوسف… لا هما كانو ورانا…علي طول.
عامر.. مسك موبايله… استني اكلم روكا كده… ركن عربيته واتصل …
عامر….. الووووو
روكا…. ايوه ياعامر..
عامر… انتي فين في حاجه ولا ايه.
روكا… لا تمام.
عامر… امال انتي مش ورانا ليه..
روكا…اصلي ركنت عشان اخلي حد من الجزم دول يجي يسوق بدالي شويه.. نايمين ومش راضيين خالص..
عامر… انتي تعبانه ولا ايه..
روكا.. لا خالص.. رجلي بس وجعاني… وكمان الجزم دول نايمين طول الطريق حسيت انهم هينيموني…
عامر… طب بقولك ايه…انا ركنت اطلعي عشان مينفعش تفضلي واقفه كده احنا بليل والطريق غلط عليكو ..وقبل ما يكمل كلامه وقفت عربيه.. فيها شابين…عند روكا..
الشاب… القمر.. عنده مشكله ولا ايه..
روكا.. بارتباك.لا ميرسي
الشاب.. في حاجه في عربيتك ولا ايه قولي متتكسفيش..
روكا.. لا لا شكرا….ودورت عربيتها وطلعت بسرعه..
عامر.. روكا اطلعي بالعربيه
روكا..طلعت طلعت ياعامر…
عامر… شوفتي بقي اللي قولته طلع صح ازاي…
روكا… خلاص ولله طلعت..
عامر… تمام اطلعي هتلاقيني راكن يلا تعالي.
روكا.. حاضر.. يلا باي..
عامر… لا مفيش باي.. خليكي معايا عالتليفون لحد ما تيجي…
روكا… خلاص طلعت ولله اقفل بقي..
عامر… سمعتي قولت ايه..
روكا… ماهو انا مش هعرف اسوق وانا ماسكه الموبايل الهاند فري فالشنطه..
عامر… سيبي الموبايل عالتابلوه مفتوح..
روكا… ياساتر علي دماغك حاضر…
وساقت روكا.. لحد ما لمحت عربيت عامر.. وكشاف الانتظار منور…
ووصلت ووقفت بالعربيه وراه..نزل عامر….ويوسف…
روكا…. اااااه يارجلي مش قادره..
عامر… ايه عجزتي يا قطه..
روكا.. عجزت في عينك.
عامر… طب تعالي يلا معايا ويوسف هيسوق…
ريم صحيت.. ايه ده وصلنا…
روكا ..ناموسيتك كحلي ياست زفته لا لسه فوقتي الوقت.
ريم… مالكم واقفين ليه كده طيب..
روكا… عشان البعيده معندهاش دم رجلي وقفت وهلبس بيكم فاي رصيف نمتو وهتنيموني معاكم..
يوسف… روحي يلا مع عامر.. وانا هاجي مكانك..
روكا… معلش يا چو هتعبك..
يوسف… هنعمل ايه طيب قدرنا..
روكا… لعامر… شايف جر الشكل تصدق انا غلطانه يلا سوق مكاني ومن غير معلش..
يوسف… بضحك… ماشي ياستي.. تحت امر البرنسس..
روكا… وهي رافعه كتفها ايوه كده…
عامر… يلا يا لمضه..
روكا… حاضر متزوقش..
ركب يوسف مكان روكا…
يوسف.. صباح الفل نمتي انتي وارتاحتي..وسايبه الغلبانه دي..
ريم… نمت ايه انا نمت انا منمتش خالص..
يوسف.. ماهو واضح دي المخده لازقه في وشك..
ريم… بضحك…ولله كنت فاصله خالص
يوسف.. ماشي ياستي..كملي نوم.
ريم.. لا انا فوقت خلاص..
يوسف.. ايه ده بجد فوقتي ليه..
ريم… يعني عادي اصل..
يوسف… بسسسس مش ناقص لخمه الله يكرمك…ودور العربيه وطلع…وطلع عامر وراه…
اما سما ومهاب مكانوش حاسين بحد اصلا..
عامر… احسن الوقت.
روكا… اه انا كنت مش قادره خالص رجلي وقفت..
عامر.. سلامتها.
روكا.. مين دي.
عامر.. رجلك😉😉
روكا… اتلم ياعامر..
عامر… الله انا قولت حاجه بقول سلامتها..
روكا.. بدلع ماشي ياسيدي الله يسلمك.
عامر… لو عايزه تنامي شويه نامي..
روكا… لا انا مش بعرف انام فالطريق..خالص.. كنت حاسه بس اني فاصله بسببهم الدنيا ليل والجو ساكت وهما في سابع نومه حسيت ان خلاص لازم اقف وبعدين لو نمت انت هتفصل زي ومش هتعرف تنام..
عامر.. لا انا واخد علي كده وبعدين انتي مش شايفه الحلوف اللي ورا ده نايم ازاي ..ولا هزني..
روكا.. بضحك.. عامل زي سما هي كمان بتعشق النوم فظيعه بجد..
عامر… انا كمان استحاله انام علي طريق ويوسف وبدر زيي مش عارف ده مخلوق من ايه..
روكا… وسيلا كمان زيي سما قتيله ريم مص نص ..واحنا جايين كانت سيلا مسلياني..
عامر… ياباشا اعتبريني بدل سيلا.. وهسليكي ولو تحبي اتنطط كمان انا فالخدمه..
روكا.. بضحك لا بلاش ركز انت بس بدل ماندخل في حاجه…
عامر.. عيب عليكي معاكي.. محترف سواقه..
روكا.. مش اوي كده…
عامر.. لا اوي بقولك ايه متشككيش في قدراتي لو عيزاني اطير بالعربيه الوقت هطير..
روكا…. لا قلبك ابيض…
عامر… بجد ولله لو عايزه تنامي ريحي شويه..
روكا… ولله انا كده تمام بس انا محتاجه الوقت نسكافيه دماغي هتضرب.
عامر… بس كده. غالي والطلب رخيص وركن عامر علي جنب…سكرك ايه🤨
روكا…سكري ايه يامجنون وقفت ليه..
عامر… الله مش عايزه نسكافيه..
روكا… ايوه هتجيبه منين هو في بني ادم ادامك.
عامر… ده في احلي بني ادم..
روكا.. اتلم..
عامر… يلا قولي..
روكا…..من غير سكر..
عامر… اه صحيح من غير سكر انا غبي اوي في سكر يحط سكر.
روكا… بكاش اوي..
عامر… ده انا غلبان… وفتح عامر باب العربيه ونزل فتح شنطه العربيه… وكانت كأنها.. كافيتريا متنقله…
حاطط فيها مكنه قهوه وسخان للميه. عشان الشاي وكوبايات كتير وعصاير..
نزلت روكا تشوفه بيعمل ايه…واتفاجئت بالمنظر…
روكا… ايه ده يا خربيت عقلك.. انت قالبها كافيه فاضلك تربيزه وكرسيين وشيشه..
عامر… انتي بتقولي فيها.🤣معايا شيشه ولله تيجي ناعد فالجو الحلو ده ونطلع الشيشه نشرب حجرين..
روكا… لا ده انت خربان خالص..🤣🤣🤣
لمح يوسف عامر واقف ركن جمبه..
يوسف.. ايه في حاجه ولا ايه..
عامر… لا روكا عايزه نسكافيه…
يوسف.. طب ما تعمل لاخوك كبايه معاك..
ريم… ايه ده الله انت معاك نسكافيه..انا عايزه
عامر… لا كده انا لازم اشغلها اقف عالطريق السريع واللي عايز يركن واهو نستنفع..
مسكت ريم شنطتها طلعت منها 100جنيه امسك يا سيدي انا اول زبونه..
عامر… الله دي باينها هتلعب ياعمووووري..
ضحكو الشباب. مع بعض.. وعملهم عامر النسكافيه…ورجعو ركبو العربيه….وطارو بيها تاني….
بعد شويه…
روكا… كنت محتاجه النسكافيه بشكل..
عامر… انت تأمر واحنا ننفز ياباشا.
روكا… ميرسي ياعامر. بجد..
عامر… كل ده علي كبايه نسكافيه ده انا كل يوم اعملك واحده.
روكا… واللي يرجع.
عامر… يبقي عيل ابن عيل…
وفضلو علي الوضع ده الشباب في كلام وهزار .. وبعد مده اخيرا القاهره وطالعين عالمستشفي…
صحي مهاب.. ايه ده روكا امال فين الواد چو..
روكا… صباح الفل انت نايم مع اهل الكهف..
مهاب… ولله كنت فاصل خالص.
عامر… انت هتمثل انت علي طول فاصل..
مهاب… هو الواد يوسف فين…
عامر… روكا.. تعبت من السواقه والبنات نايمين مش راضيين يصحو يبدلو معاها يوسف خد مكانها وهي جت معانا…
مهاب… ماشي تمام… ايه فاضل كتير ..
عامر.. لا خلاص قربنا استني اكلم بدر عشان لو محتاج حاجه…
اتصل عامر ببدر….
واول ما اتصل بدر صحي بسرعه قفل صوتوالتليفون عشان سيلا ووالدته ميصحوش..وخرج بره يتكلم..
بدر…بصوت نايم.. ايوه ياعامر وصلتو..
عامر… اه احنا داخلين عالمستشفي خلاص عايز حاجه قبل ما نيجي..
بدر… اه بقولك ايه…اطلع عالڤيلا عندي الاول وخلي حد من الشباب يجيب عربيتي.
عامر… ليه.ماعربيتي موجوده..
بدر.. ياعم اسمع اللي بقولك عليه..نوني هتأعد يومين في المستشفي.. عشان لو حبيت اتحرك وانتو مش معايا تبقي العربيه تحت رجلي وبعدين سيلا سايبه عربيتها عندي فالڤيلا وشويه كده هروح اوصلها تاخدها عشان هي من امبارح هنا اكيد عايزه تروح…
عامر… ماشي تمام احنا اصلا كده كده هنعدي علي الڤيلا واحنا فالطريق..هنزل مهاب يجيبها ويطلع ورانا…
بدر… يوسف نايم ولا ايه.
عامر… لا بيسوق بدل روكا وروكا جت مكانه تعبت من السواقه والبنات نايمين فا بدلو..
بدر… ماشي ياحنين هنشوف احنا بعدين طقم الحنيه ده..
عامر… خليك في حالك ..
بدر. مانا في حالي ياعم انا جيت جمبك…
عامر… بضحك ماشي.. يلا روح لو عوزت حاجه تاني قولي انا ساعه بالكتر ابقي عندك
بدر… ماشي تمام.. يلا سلام.
عامر… سلام….
بعد وقت بسيط وصلو عالڤيلا. ونزل مهاب ياخد عربيت بدر..
يوسف… في ايه وقفتو عند الڤيلا لبه
عامر… بدر عايز عربيته…
ركب مهاب العربيه واتحركو الشباب ورا بعض… وبعد فتره بسيطه وصلو المستشفي… وركنو العربيات وطلعو لاوضه ناهد…وصلو للاوضه وخبط عامر…
فتح بدر…حمدالله عالسلامه…
دخلو كانت سيلا نايمه صحيت علي صوتهم قامت.. وجريو عليها صحابها سلمو عليها واطمنو علي ايدها….
وناهد صحيت علي صوتهم..
عامر… كده بردو يانوني تقلقينا عليك…
يوسف.. نوني عامله ايه الوقت ياحبيبتي..
مهاب… حمدالله علي سلامتك يانوني قلقتينا عليكي…
ناهد… انا كويسه وحشتوني…هو ايه اللي حصل ورجعتو ليه… وايه البنات الحلويين دول…
بدر… اللي حصل انك رعبتينا يانوني…
ناهد… ايه اللي حصل وانا ايه اللي جابني هنا بس… فهموني انا فقدت الذاكره ولا ايه ياعيال.
مهاب… ذاكرت ايه اللي فقدتيها يا نوني ما انتي فاكره كل حاجه اهو ده احنا هنفقد الذاكره وانتي لا..
بدر… اتلم يالا بدل ما اقسمك نصين متتكلمش مع نوني كده.
ناهد… ضربت نوني بدر علي ايده لا جدع اوي ما انتي اللي مصاحب شويه عاهات..
يوسف.. عاجبكو كده اديكو فتحت ها اهو..
ضحكو البنات علي طريقت نوني وطريقت الشباب معاها.
ناهد… ايه فتحتوها دي واد يايوسف اتلم..
عامر .. بضحك وحشتينا يا نوني ولله..
ناهد ايه اللي حصل بجد.. انا فعلا مش فاكره حاجه كل اللي فكراه اني كنت باخد شاور وحسيت بتعب وخرجت عشان ارتاح.. ومش فاكره ايه الليه حصل.. يالهوي ده انا مكنتش لابسه..
بدر… ياستي اسكتي العيال واقفه فضحتيني…
ضحكو كلهم..علي نوني..
والبنات اكتفو بابتسامه وكانو واقفين بعيد جمب سيلا باحراج باستثناء روكا…
روكا… حمد الله علي سلامتك ياطنط..
عامر.. ضرب وشه يا ختيييييي استلمي المحضر اللي هيتفتحلك.
ناهد… طنط طنط ايه لا بقولك ايه انا مش بحب الكلمه دي..
روكا.. بضحك طيب خلاص خلاص ولا تزعلي نفسك ياقمر حمد الله عالسلامه يانوني..
ناهد.. بضحك.. ايوه كده انا كده احبك وبعدين انتي اللي قمر تعالي هاتي بوسه…
راحت روكا.. عندها ووطت عليها باستها…
ناهد… انتي مين.. ومين البنات الحلويين دول اخيرا شوفت بنات بدل الغفر اللي انا في وسطهم علي طول دول…
روكا.. بضحك… انا روكا.. ودي ريم ودي سيلا ودي سما..
ناهد… اول مره يدخلو عليا بحاجه عدله.
روكا والبنات فضلو يضحكو…
بدر… مش هنخلص.. هي فاقت عشان ترازينا..
ناهد… اتلم ياولد.. يلا احكيلي..ايه اللي حصل
بدر… ماشي ياستي مبدأيا كده احنا لينا حساب بعدين عالكدبه بتاعت سفرك مع صاحبتك…
ثانيا بقي….
وابتدي بدر.. يحكيلها عاللي حصل.. من وقت ما صاحبتها اتصلت وعرف بدر.. ان هي مسافرتش.. لحد ما سيلا جت وانقذتها…
ناهد… طيب والبنات دول مين..
عامر… دول صحاب يانوني واتعرفنا عليهم في شرم.. وقضينا الوقت مع بعض.. وسيلا سافرت قبلنا بيوم.. ولما مبقيناش عارفين نتصرف هي عرضت تجيلك تطمن عليكي وفعلا خدت العنوان وجتلك..
بدر… وبسببك يانوني وبسبب كدبتك اللي وقفت قلبي سيلا ايدها باظت لما كسرت الازاز عشان تعرف تدخلك…
ناهد…حبيبتي انا اسفه تعبتك معايا.. وبهدلتك..
سيلا.. متقوليش كده يانوني.. ومتتأسفيش حضرتك زي مامي.. وبعدين بدر بيبالغ انا معملتش حاجه فعلا المهم انك بخير ولو علي ايدي .. فداكي..
نوني.. لا تعالي.. هاتي بوسه بقي…
راحت… سيلا حضنتها وباستها..
يوسف.. بدر… امك مصدقت تبوس…
نوني… اتلم ياواد ايه امك دي..
وفجأه يالهوييييي يعني الازاز اتكسر .
بدر… خبط ايده علي بعض. ده كل اللي همك..
الشباب والبنات فضلو يضحكو..
مهاب… دي فاقت ورجعت اقوي من الاول يابدر..
ناهد… انا اعده علي قلبكم..
مهاب.. بضحك دايما يارب يانوني…وحشتيني ولله.
عامر…. بعيدا بقي عن الضحك والهزار..
بس انتي غلطتي يانوني المفروض لو حتي عايزه تكدبي علي بدر عشان يرصي يسافر كنتي عرفتي حد فينا عالاقل كنا اطمنا عليكي كل شويه..
ناهد بحزن.. ماانا مرضتش وانتو كنت هتعملو زيو وانا مرضتش انكد عليكو وخصوصا علي بدر شايل همي ديما وموقف كل حياتو عشاني. وحتي لما بيخرج معاكو يسهر بيرجع بسرعه بسببي..
اعد جمبها بدر.. ومسك ايدها…ايه اللي انتي بتقوليه ده يا امي.. انا مليش غيرك.. ولو مكنتش هشيل همك هشيل هم مين.. انتي عارفه بسبب كنت هموت مجرد اني بعيد عنك ومش عارف اعملك حاجه دي لوحدها كانت مموتاني..ولولا سيلا نزلت قبلنا وجت لحقتك كان ممكن يجرالك حاجه..
ناهد… لا متخفش ياخوبا اعده علب قلبك انت والعيال دول..
انتو عارفين احلي حاجه حصلت ايه في تعبي ده…
الشباب..ايه.
ناهد…انكم جبتولي البنات الحلوه دول اهو الواحد يرتاح من خلقتكم شويه ويشوف حاجه حلوه…
يوسف قلبتي علينا يانوني..
بدر… باعتنا في ثانيه…
عامر… نوني تعمل اللي هي عيزاه المهم تبقي كويسه…
بعد مده من الضحك والهزار مع نوني ومشاكستها مع الشباب اللي مبتخلصش..
كان البنات مبسوطين جدا بيهاحسوها من سنهم وحبوها جدااا ..الضهر اذن…
بدر… يلا يابنات روحو انتو اكيد تعبانين من السفر..
ناهد.. ايه ياواد قلت الذوق دي انت بتطردهم..
بدر… ياستي اسكتي شويه بطردهم ايه لا طبعا.. بس جايين من سفر طويل وشكلهم مرهق جدا واكيد عايزين يرتاحو.. وسيلا معاكي من امبارح الساعه 8ده انتي لو وخداها مقاوله مش هتاعد معاكي كل ده..
ناهد… وانت مالك غيران منهم ..
بدر… صراحه اه كان ليه 3شركا فيكي شكلهم هيبقو 7.
ناهدد …. لا ده كان الاول الوقتي بقينا خمسه عليكم. بقينا فريقين واحنا الاكتر…
عامر… الله ده بينه هيبقي مرار طافح هتتفقو علينا يانوني..
ناهد.. طبعااا.
يوسف… طب ودعيهم بقي عشان اخر مره هنخليكي تشوفيهم انهرده واعملي حسابك احنا اللي فالقلب ومش هنوافق علي شركا فيكي..
ناهد…. وانا بعد ما شوفتهم بقيت طيقاكو..
ضحك البنات والشباب عليها.
روكا… انا عن نفسي موافقه يانوني..
ناهد… ايوه كده خلينا نتفق عليهم..
ناهد… بس يلا بدر عنده حق.. روحو يلا ارتاحو بس اوعو متجوش تاني..
روكا.. احنا نقدر ده انا هاين عليا ابات معاكي ده انتي ميزهقش منك..
سما.. حمدالله علي سلامت حضرتك مره تانيه..
ريم… المره الجايه نيجي نلاقيكي فايقه اكتر عشان نبتدي التنفيز في خطتنا…
مهاب… وقعنا مع ريا وسكينه…
ناهد شكرا ليكو ياحبايبي.. شكرا ليكي ياسيلا.. بجد تعبتك معايا وبهدلتك
سيلا.. متقوليش كده يانوني. انا هرجعلك تاني..
ناهد… هستناكي…
بدر… هنزلهم واوصل سيلا الڤيلا عشان عربيتها وارجعلك تاني.
ناهد.. ماشي ياحبيبي براحتكم…
سلمو البنات عليها…ونزلو الشباب يوصلوهم
ركبت روكا وسما وريم.. بعد ما سلمو عالشباب…ومشيو
بدر… يلا روحو انتو كمان
عامر.. لا احنا اعدين..
بدر… اعدين فين هي رحله انجز لسه ادامها يومين ابقو ارجعو تاني.. بس يلا روحو ناملكم شويه من الطريق ده..
ييوسف.. متأكد انك مش عايزنا..
بدر… لا ولله روحو كده ظبطو نفسكو ونامو شويه ولو احتاجتكم اكيد هكلمكم.
مهاب… طب قول ماستغناش..
بدر… ما انا طبعا مستغناش يا ابو لسان طويل…
عامر… هنام ساعتين كده وارجعلك..
بدر.. خليك بقولك لو احتاجتك هجيبك غصب عنك..
عامر… ماشي ياعم عموما هكلمك لما اصحي..
بدر.. ماشي ياعم يلا سلام..
مشيو الشباب . وبدر ركب عربيته.. وسيلا معاه…
وكانت محرجه لاول مره تركب معاه ويبقو لوحدهم فضلت ساكته وهو كمان مكنش عارف يقول ايه..
لحد ما وصلو الڤيلا..
بدر…. شكرا يا سيلا..
سيلا… تاني شكرا..ماقولنا مفيش بينا كده.
بدر.. طبعا . هتقدري تسوقي بايدك دي..
سيلا.. اه متشغلش بالك اصلا المسافه بينا مش كبيره…
بدر… طب يلا اركبي وانا هبقي وراكي.. لحد ما توصلي…
سيلا.. لا طبعا روح لنوني عشان لو عازت منك حاجه..
بدر… نوني اكيد نايمه شويه..
سيلا.. بس.
بدر… مافيش بس يلا خلصي..
سيلا.. حاضر…
ركبت
.. سيلا واتحركت وبدر وراها لحد ما وصلت لڤيلتها…
سيلا… شكرا يابدر تعبتك..
بدر… مش قولنا مفيش شكرا🤨🤨
سيلا وابتسمت بخجل.. معلش نسيت.. سلملي علي نوني.. وحمدالله علي سلامتها.
بدر.. يوصل الله يسلمك ياسيلا..
سيلا.. هو انا ينفع ابقي اجي اطمن عليها.
بدر… انتي بتستأذني يا سيلا .. انتي بعد اللي عملتيه تأمري وانا انفز خصوصا ان هي اصلا ما هتصدق😏😏
دي مصدقت خلصت مننا..
سيلا.. بضحك ربنا يخليهالك…
بدر… يارب..
سيلا…يلا عشان متتأخرش علبها.
بدر… طيب ياستي متزوقيش ده بدل ما تعزميني علي كوبايه شاي..
سيلا… تعالي ولله مقصدش..
بدر.. بضحك… انا بهزر ولله انا هروح عشان متأخرش عليها فعلا..
سيلا.. ماشي ياسيدي..
بدر.. ماصدقتي
سيلا.. الله.
بدر… ياستي بهزر.. يلا ادخلي..
سيلا.. حاضر باي.
بدر.. باي…
واستني بدر لحد ما دخلت وقفلت…😍😍😍😍
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
