رواية يكفيني منك عقابا الفصل الثالث 3 بقلم عبير سليم
رواية يكفيني منك عقابا الجزء الثالث
رواية يكفيني منك عقابا البارت الثالث
رواية يكفيني منك عقابا الحلقة الثالثة
تجلس عطر في غرفتها و هي تستمتع بمشاهدة أحد الأفلام الرومانسيه فتستئذن عليها نورة في الدخول : تعالي يا نورة
نورة : بتعملي إيه يا عطر جومي يا حبيبتي عشان اخد الفرش و اغسله
عطر : سيبك من الفرش دلوك و تعالي اجعدي اتفرجي معاي عالفيلم ديه
نورة : لا اتفرج إيه اني ورايا شغل مفضياش و لو جعدت نسمه حتفرج علية الدنيا
عطر : ماشي يا ست نورة اديني جمت اهوه
تبدأ نورة في اخذ الملاءة و عينها على الفيلم
واه ايه جلة الحيا دي هما دول متجوزين يا عطر
عطر : لاء بيحبوا بعض يا نورة
نورة : اه تصدجي دول باين عليهم بيحبوا بعض جوي دول متشعلجين في بعض و كأن الدنيا مفيهاش غيرهم
عطر : ما هو الحب كده يا نورة يخللي الأحباب يحسوا ان الدنيا فضيت عليهم و مفيهاش غيرهم
نورة : و انتي عرفتي الحديت ديه منين يا عطر هو انتي بتحبي
عطر : بحب لا و الله يا نورة لا عمري حبيت و لا جلبي دج لحد بس تعرفي يا نورة اني نفسي جوي أحب نفسي ادوج طعمه و اعرف اللي بيحبوا دول بيحسوا بايه يا نورة
نورة : اجولك أني يا عطر بيحسوا كيف ما جلتي ان الدنيا مفيهاش غيرهم و لما تشوفي اللي بتحبيه و توعيله جلبك يبجى حيفط من مكانه
و حالك يبجى مش حالك و تحسي انك تايهه
عطر : و ايه كمان يا ست نورة ديه واضح اني حتعلم منيكي
عرفتي منين الكلام ديه جولي اوعاكي تكوني انتي اللي بتحبي و اني معرفش
نورة : ايه حب ايه لا ديه اني بس جلت حاجه خطرت في بالي أجده
عطر : يا بت يعني مفيش حاجه اجده و اللا أجده
نورة : لا و غلاوتك عندي لا في أجده و لا أجده
ياللا اني نازله
عطر : ماشي ماشي اهربي بس حتروحي مني فين لزمن اعرف حكايتك ايه
نورة : واه عليكي يا عطر مجلتلك مفيش انتي عايزة يبجى فيه بالعافيه
عطر : طب جوليلي عتاب بتعمل ايه تحت نزلت من شويه و مطلعتش
نورة : و اني طالعالك وعيتلها طالعه عالجنينه كنها رايحه تروي زرعها اللي هيا زرعاه
عطر : ماشي يا نورة انزلي انتي و اني دلوك حنزلها
تاخد نوره الحاجه و تنزل و عطر تقعد تكمل الفيلم و هي سرحانه مع أحداثه
اما عتاب كانت في الجنينه بتروي زرع كانت زرعاه هي و اختها و رحمه و عامر و مصعب و هما صغيرين و متعوده انها هي اللي بتسقيه دايما بنفسها
كانت بتسقي الزرع و هي بتدندن باغنيه : من حبي فيك يا جاري يا جاري من زمان بخبي الشوق و اداري ليعرفوا الجيران بخبي الشوق و اداري و اداري ليعرفوا الجيران
_ما كنتش اعرف ان صوتك حلو جوي أجده يا عتاب
عتاب بقلب حيخرج من مكانه و عينها حتنطق من عشقها ليه : عامر انت واجف اهنيه من ميته
عامر : من شويه بس الصراحه لجيت صوتك حلو و الاغنيه جت في وجتها جلت اسمعها منيكي
عتاب بفرحه لاعتقادها انه يقصدها بعبارة جت في وجتها : جت في وجتها كيف يعني تجصد ايه
عامر : لا مجصدش حاجه اني جصدي انها حلوة من أغاني زمان الجميله
المهم جوليلي هو انتي ليه مصرة انك انتي اللي تروي الزرع بنفسك ما عم خليل موجود و مهتم بالجنيه
عتاب : لا هو يهتم بالجنيه كلها على كيفه و على هواه لكن الزرع ديه محدش يراعيه و لا يهتم بيه غيرنا احنا
عامر : احنا مين
عتاب : جصدي اني و عطر و انت و مصعب و رحمه مش احنا اللي زرعناه و احنا صغار يبجى المفروض احنا اللي نهتم بيه و اللا لاء يا عامر
عامر : أيوة فعلا معاكي حج بس
عتاب : عارفه انكم مش على بالكم او اشغالكم واخداكم عشان أجده جلت اراعيه أني
بص الزرع كبر و بجي شكله جميل كيف يا عامر
عامر : أيوة فعلا يا عتاب شكله و ريحته حلوة جوي تسلم يدك اللي مهتميه بيه و بتراعيه
عتاب : تسلم و تعيش يا عامر ربنا يخليك بس جللي راجع بدري يعني من شغلك في حاجه
عامر و عينه بتلف في المكان : إيه لا أبدا اني بس لجيت نفسي زهجان جلت اما اجي استريح شويه
عتاب : ربنا يريح جلبك يا رب
عامر : تسلمي يا عتاب اني داخل عن اذنك
يسيبها عامر و يدخل للبيت و هي عينها عليه و بتكلم نفسها : يا ترى حياجي اليوم اللي تحس فيه بحبي و عشجي ليك يا عامر و اللا لاء
يا رب انت العالم اني بحبه ازاي اجعله من نصيبي يا جادر يا كريم يا رب
يدخل عامر البيت و هو كله اصرار انه يتكلم مع عطر و يحط ابوه قدام الامر الواقع يسأل عنها نسمه
نسمه باستغراب لأن دي اول مره عامر يسأل فيها عن عطر : في اوضتها يا سي عامر في حاجه
عامر : أيوة يا نسمه جوليلها عامر عايزك ضروري و خليها تنزلي
بس جوليلي الاول الجماعه فين
نسمه : الست زينب في اوضتها و الست حفصه هي كمان في اوضتها و الحاج نعمان من وجت ما خرج لسه مرجعش
عامر : طيب كويس جوي خليها تنزلي بسرعه
تطلع نسمه عشان تناديله عطر تلاقيها في الحمام فتخبط عالباب : انتي جوة يا عطر
عطر : ايوة يا نسمه اني بتحمم عايزة حاجه
نسمه : لا ديه مش اني اللي عايزاكي ديه عامر واد عمك هو اللي عايزك و بسرعه
عطر : عايزني و بسرعه ليه حوصل حاجه
نسمه : مخبراش و الله
عطر : طيب جوليله عشر دجايج و نازله
فضل عامر واقف تحت و عينه عالباب شويه خايف ابوه يرجع و عالسلم شويه في حيرة مش عارف حيعمل ايه و لا حيقوللها ايه و لا رد فعلها حيكون ايه لما تعرف انه بيحبها
لقاها نازله عالسلم زي البدر المنور ريحة عطرها فواحه في المكان جمالها ينطق الحجر
قلبه كان بيدق مع كل خطوة بتخطيها عالسلم و هي نازله و بتبسمله
ابتسامتها ليه كانت كفيله انها تخليه يعلن الحرب على اي حد ممكن يفرق بينه و بينها على أتم الاستعداد انه بخطفها و يروح بيها لآخر الدنيا
ايوة يا عامر نسمه جالتلي انك عاوزني خير في حاجه
عامر : عطر اني عاوز اجولك إني
عطر : جول يا عامر في ايه
عامر : عطر أني
في تلك اللحظه و قبل أن يكمل كلمته الباب اتفتح و عين عطر و عامر اتوجهت ناحية الباب و ناحية اللي داخل
إلى هنا تنتهي حلقتنا الليلادي و يا رب تكون عجبتكم و تكونوا فهمتوا حاجه
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية يكفيني منك عقابا)
