رواية يا انا يا انتي الفصل الرابع 4 بقلم سلسبيل أحمد

رواية يا انا يا انتي الفصل الرابع 4 بقلم سلسبيل أحمد

رواية يا انا يا انتي الجزء الرابع

رواية يا انا يا انتي البارت الرابع

رواية يا انا يا انتي الحلقة الرابعة

– انتي كنتي فين انتي بايته بره ؟؟
“بصيت ورايا لاقيته يوسف و بيكلمني بطريقه مستفزه فا مردتش عليه وبصيت قدامي”
– كنتي فين كل ده! وشكلك عامل كده ليه!
بصتله بنفاذ صبر على دخله ماما علينا وزعقت: هوا ايه الهبـ.ل الى انت فيه عالصبح ده !!!! انا زهقت منك خلي عندك د.م وابعد عني بتفهم ولا لاء!!!!
– فيه ايه يا ليلي بتزعقي كده ليه على الصبح!!!
” قومت من على الكرسي بغضب وطلعت اوضتي ”
– حصل ايه يا يوسف؟؟
= مفيش.. هي اتعصبت فجأة.. انا..
انا كنت رايح الشغل بعد اذنك
فاطمه: انا عملت لها القهوه اطلعها؟
– لا يا فاطمه هاتيها انا طالعه لها
” سمعت الباب بيخبط قومت افتح ولو كنت لاقيته قدامي كنت حقيقي ممكن اقـ.تله ”
– امسكي القهوه
“اخدت الفنجان منها وهي دخلت قعدت وبصتلي وتوقعت هتقول ايه”
– انتي كنتي فين.؟
= انتي عارفه اني ساعات ببات عند نادين
– ومن غير ما اعرف؟ انا بقالي داخله في يومين مشوفتكيش؟ ليه ياحببتي عاوزة تسبيني قلقانه علطول
= مفيش داعي تقلقي اصلا يا ماما !
– طب كنتي بتزعقي مع يوسف ليه؟
= لأن طريقته معايا بقت مستفزه كل شوية يتدخل فالي ملوش فيه وبيقولي كنتي فين عرفيه حدوده كويس يا ماما ! انا والله العظيم مليش طوله بال على كل ده وحضرتك عارفه !!!!
– طيب يا ليلي بطلي عصبيه هو بيطمن عليكي
= مش من حقه!!
– ده ابن عمك!
= ايا كان هو مين محدش له حق عندي !! لو سمحتي بقا فهميه !!!
” شربت القهوه وهي خرجت وسابتني كنت عايزه اصوت ولكن خلاص قررت اني مش هسمحله تاني يتصرف بطريقته دي معايا! ”
>>>>>>>>>>>>>>>>>>>>>>>>>>>>>>>>>>
|| في شركه عزيز عبدالرحمن | مكتب يوسف||
” كنت قاعد بحاول اركز في الشغل بس مش عارف فا قومت عشان اروح لمكتب جدو ”
– هعطلك عن حاجه؟
= لا يا يوسف تعالي
– في موضوع مهم عايز اتكلم مع حضرتك فيه بخصوص ليلي..
= قول خير ؟
– ليلي …
= مالها؟
– بصراحه يعني ليلي تصرفاتها .. هي كانت بتـ
“بصلي بتركيز وانا اخدت نفس وتراجعت”
– هي عصبيه اوى يعني يا جدو وانا مش قادر افهمها
= اه.. لازم كنت اتكلم معاك هدى عندها حق..
– مش فاهم
= يعني.. اكلمك عنها عشان تقدروا تتفاهمو
– اه.. ماشي ياريت
= طيب انا هنزل كمان ربع ساعه اروح المصنع عشان فيه مشكلة هناك وبليل لما أرجع نتكلم فالمكتب
– طب اجى معاك؟؟
= لا تابع هنا مع مريم لحد ما ارجع
” خرجت من المكتب بقلة حيلة معرفش ليه مش قادر اقوله.. او مش عايز ؟؟ مكنتش فاهم نفسي!..”
>>>>>>>>>>>>>>>>>>>>>>>>>>>>>>>>>>
|| في فيلا عزيز ||
” كنت قاعده في اوضتي و اتفاجئت ان الداده بتقولي صحابك تحت فا نزلت لهم الجنينه ”
– بتعملوا ايه هنا
عمر: حوار ميستناش وانتي مش بتردي على موبايلك
بصتلهم برفعه حاجب: فيه ايه!
” مسك ورقة مطبوعه وحطها فى ايدي ”
“قريتها وكنت متفاجئة نوعا ما”
– هي السباقات دي بتبقي عندنا؟
= لا ماهو ده الى خلاني استغرب ده اول مره يتعمل في مصر!
ابتسمت: احنا لازم نشترك!!
احمد: عرفت من ناس صحابي ان مش اي حد بيسجل وان كمان ليهم شروط وتفاصيل معينه
عمر: دي حقيقة
– طب وهنعمل ايه؟
نادين: قالو في حفله هتتعمل بليل بخصوص الموضوع ده لازم نحضرها
= حفله؟ فين هنا فالقاهرة ؟
– أيوه في مكان كده أعتقد هتبقي في فيلا برضو
= طب حلو يجماعه نروح!
احمد: اشطا هنعدي عليكي الساعه 9
– أوكيه
>>>>>>>>>>>>>>>>>>>>>>>>>>>>>>>>>>>
|| في الشركه | الدور الخاص بالإدارة ||
– مريم فيه ايه؟
بصتلي وكان وشها مقلوب: احنا هنعمل إجتماع حالا
= حصل ايه؟
– تعالي
” دخلنا اوضة الاجتماعات فتحت اللاب توب ”
– بص ركز معايا دى فكرة مميزات جديده كانت هتتصنع في التلاجات وكل حاجه كانت مظبوطه الفكرة كانت خلاص هتتنفذ لكن فاضلها تعديل صغير ولحد دلوقتي كل الافكار الى جاتلي مش قادره اوصفلك زفت!!!
= طب هدي نفسك ممكن! الافكار عبارة عن ايه؟
– بص في حاجات مقبولة لكن التكلفة عالية! واحنا شركتنا مميزة بأن اسعارها اقل من باقي السوق! فاهم
= فاهمك أكيد.. يبقي نعمل اجتماع وبهدوء نشوف حل يخلينا نشتري المواد الخام دي بسعر أقل..
– ازاي بس يا يوسف!
= متقلقيش يا مريم اهدي مش هتعرفي تتصرفي لو اتعصبتي
ابتسمتلي: آسفه.. انا بس عمليه اوي وبخاف على الشغل
ضحكت: باين من غير ما تقولي.. لكن متقلقيش انا معاكي وهنلاقي حل سوا
– طيب.. ممكن اطلب منك طلب
= أكيد
– اتكلم انت عشان حاسه اعصابي هتفلت لو اتكلمت المشكلة دي بقالها 22 يوم
= انتي دقيقة اوي
رفعت كتافها بسلاسه: الشغل علمني كده
– عموما ولا يهمك هتكلم انا
= تمام.
>>>>>>>>>>>>>>>>>>>>>>>>>>>>>>>>>>>>
|| في فيلا عزيز | الدور الأرضي ||
” كنت قاعده بعد ما جهزت عشان فطومه قفشت فيا ادوق الكيكة قبل ما امشي ولما الباب خبط قومت افتح وانا في ايدي حتة و باكلها ”
– مريم؟
بصتلي وضحكت: وشك؟
رديت بملل: اممم عارفه فيه شوكلاته
” لقيت يوسف جاي وراها و كمان جدو فا دخلت اقعد ”
فاطمه: بألف هنا يا حببتي اجبلك حتة كمان
يوسف: لا هاتيلي انا بقا
مريم: عايزة ادوق.. بس مش بوشي
” كلهم ضحكوا وانا عملت نفسي مسمعتش”
عزيز: عاملين ايه
ماما جت هي وفاطمه بـ باقي الصنيه: الحمدلله كويسين خدوا يلا كل واحد طبق أهو
بصيت لفاطمه: كده خلصت!
ابتسمت: اعملك تاني من عيوني!
يوسف: ناقص تاكلنا
” بصتله بتناحه وهو استفزني ولعب لي حواجبه ! ”
عزيز: اسكتي يا هدي يوسف و مريم عاملين شغل هايل
” هنبدأ بقا تلزيق انا اقوم امشي احسن ”
– جدو انا هنزل عندي معاد سلام يا ماما
عزيز: استني يا ليلي
بصتله: نعم؟
= خدي يوسف معاكي
بصتله بصدمه: نعم !!!
– اه بدون نقاش
= بس هو شكله راجع تعبان
بصتله فا ابتسم بخبث: بس معنديش مشكلة اجي
قربت ناحية جدو: انا من امتي بخرج معايا حد؟
– انتي مسمعتيش عن الى بيحصل اليومين دول؟ انا قلقان عليكي يا حببتي
= انا مش صغيره!
– محدش قال كده بس برضو اهو تخرجوا سوا تروحي معاهم يا مريم
= انا عندي مواعيد تانيه للأسف
بصيت لجدو بنفي: وهو مستحيل يجي معايا اصلا دي حفله تبع صحابي! ومش اي حد بيد..
” سكت ومرضتش اقول ان مش اي حد بيدخل عشان ميشكش فيا.. وفضلت افكر طب هل لو رفضت هيشك فيا؟ ولو اخدت يوسف معايا هعرف ازوغ منه؟! ”
” سمعت صوت البايك بتاع صحابي فا عرفت انهم وصلوا بره ”
– تمام يا جدو الى تشوفه انا خارجه صحابي وصلوا
” خرجت وهو كان ورايا لقيت احمد وعمر و نادين وعلى وشهم علامات استفهام.. لكن من تعابير وشي فهموا اني مش هتناقش دلوقتي.. وركبت بصمت وطلعنا ورا بعض على الطريق ”
” لحد ما وصلنا الفيلا الى كانت مليانه ناس وكانت على مستوي مختلف تماما و دخلنا كلنا تبع كود احمد قاله للأمن.. ”
– هو ايه المكان ده؟ ولما كل صحابك معانا امال جاية لمين
بصتله بقلبة وش: تعرف تسكت؟ مش عاجبك روح!
ابتسم: انتي بقي فاكره إن بأسلوبك ده همشي يعني؟
” ابتسمت بسخريه ولما قعدنا جوه طلعت موبايلي وبعت رسالة ليهم على جروبنا ”
– هنزوغ من يوسف يا شباب
احمد كتب: هنطلع الدور التاني من الفيلا فوق هنعرف نشرب براحتنا والحاجه كلها فوق اصلا انا مرتب معاهم
عمر: خلاص اشطا بعد ما يقولوا التفاصيل نطلع ورا بعض من غير ما ياخد باله
” قفلت الفون وانا ببتسم وهو مكنش مرتاح وهو قاعد.”
>>>>>>>>>>>>>>>>>>>>>>>>>>>>>>>>>>>>
صلي على محمد
” لقينا واحد دخل الفيلا واتجمع حواليه كذا شخص مسك المايك وبدأ يتكلم ”
– أهلا بيكم.. طبعا مش اي متسابق هيبقي معانا دي حاجه تم توضيحها.. تاني حاجه الى هيدخل السبق ده ناس مميزه في الأول هنعمل سبق ودي زي اختبار عشان نختار منه المشاركين كمان هيبقي فيه مبلغ معين للاشتراك ومبلغ تاني للمشاهدين ده هيبقي رهان.. هيتأهل معانا 10 مجموعات المجموعه هتبقي اربع أفراد هيكون في جايزه شخصية ومركز للمجموعه كلها.. وهنوزع اكواد عشان نعرفكم تفاصيل اكتر ومواعيد كل حاجه.. دلوقتي تقدروا ترجعوا للحفله هاف فان..
” المزيكا بدأت تعلي والدنيا تتزحم فا سحبنا نفسنا بهدوء قبل ما يوسف يلاحظ وطلعنا الدور التاني وانا كنت اخر واحده تدخل ”
احمد: اخيرا !!! ده عيل خنيق !!!
نادين: هو لي عين بجد يجي تاني؟
– انا زهقت منه والله لكن مش وقته دلوقتي طلع الحاجه
” أحمد طلع الحاجات الى معاه وانا بصتلها بستغراب”
– هي دي بو ـ.دره؟
عمر هز راسه: دي بقا ليفيل تاني خالص.. دنيا تانيه حرفيا
– بس انت عارف اننا مجربناش قبل كده
نادين: ايوه وملناش فيه
أحمد ضحك: ما احنا طول عمرنا بنجرب يجماعه عادي بعدين الحاجات دي ختها من تحت من الحفله مش بتاعتي فا يلا بينا بقا نجرب الصنف الجديد بتاعهم
” بدأ يعمل خطوط وبدأ اول وشد الخط وبعده كان عمر انا ونادين بصينا لبعض فا انا بدأت بجراءه كا عادتي ”
– لكن اول ما اخدتها حسيت بشعور غريب
= احمد… ولـ..ـع لنا بقا عشان شكلها تقيله
– عنيا
>>>>>>>>>>>>>>>>>>>>>>>>>>>>>>>>>>>>
” كنت قاعد وفجأة لاقيتهم اختفوا اتنرفزت من الحركه وخرجت بره ولما لاقيت البايك عرفت انهم لسه فالفيلا فا بدأت ادور عليها و الدنيا كانت زحمه ”
” حاولت اطلع الدور التاني ولكن منعوني فا بقيت متأكد ان أكيد هي فوق وقبل ما اعمل خناقه عشان اطلع لها جاتلي فكره.. خرجت بره الفيلا وشوفت حتي اقدر اطلع منها فا نطيت للشباك وفتحته ودخلت ولقيت اتنين مرمين معرفهمش سبتهم زي ماهما وخرجت من الاوضة وفضلت ادور فالدور ”
” لحد ما فتحت اوضة معينه ولقيتها.. كانوا كلهم قاعدين محدش فيهم في وعيه! ”
قربت ناحيتها بسرعه: ليلي !! ليلي ردي عليا ؟؟ ليلي
قامت وهي بتتمايل: اوف بقا!
مسكت دراعها: انتي شربتي ايه هاه !!
” حاولت تزقني ولكن كانت هتقع ولحقتها ”
” اتنفست بسرعه وكنت بحاول اسيطر على عْضبي ”
مسكتها: امشي قدامي اتحركي
” نزلنا من الدور وهي عماله تقع عليا لحد ما وصلنا لتحت عند البايك ”
– انتي اتببهتي وشربتي ايييه !!! ردي عليا
ضحكت بعدم وعي: انت والله بالك يا يوسف ايه ده ؟
“قربت وحطت ايدها على وشي بعدين مسكت خدودي”
– بس برضو هتفضل قلبظ يا يوسف خلي بالك
= اه ده انتي رايحه منك عالاخر ! اوعي ايدك دي
” مكنتش عارف اتصرف واهبب ايه دخلت بيها الجنينه تاني وقعدتها قدامي وكلمت السواق يجيب العربية من الفيلا بس لما وصل سبتها جوه عشان ميشوفهاش كده ”
” ومسافه ما رجعت لقيتها قايمه وبتدخل الحمام فا روحت وراها ”
– ليلي رايحه فين ؟؟
” دخلت على الحوض وفضلت ترجع فا سندتها ”
– ليلي فوقي خليكي معايا !! فهميني انتي ختي ايه !!!
“فضلت ترجع جامد وانا بدأت اخاف جدا عليها”
وقفت ترجيع وبصتلي وعينيها مدمعه: بطني مش قادره
اعصابي بدأت تفلت: انتي شربتي ايه ؟؟؟ ادوكي ايه؟
– عمر.. عمر واحمد
= ادوكي ايه؟؟
– على فكره يا يوسف انت بتعمل كل ده عشان بتكرهني وعايز تعرف جدو اني بشرب حاجات
= لا انا مش بكرهك عرفيني بس اخدتي ايه مش هقول لحد صدقيني
– تؤ تؤ انت عايز تعرفه كل الى بعمله عشان يكرهوني اكتر صح؟ هو انت يا يوسف جاي بعد كل ده عاوز تعلمني؟ خلاص! الوقت فات فاهم؟ عارف انا دلوقتي مش.. انا دلوقتي عايزه اروح لبابا.. دلوقتي.
كملت وهي بتضحك: اصل انا اخدت منهم بوـ..دره.. شميتها وحاسه اني خلاص..
“بصتلها بصدمه وعدم استيعاب !!!!”
” لكن قبل ما استوعب الى قالته وقعت بين ايدي..! ”
>>>>>>>>>>>>>>>>>>>>>>>>>>>>>>>>>>>>>

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية يا انا يا انتي)