رواية يا انا يا انتي الفصل الثالث 3 بقلم سلسبيل أحمد

رواية يا انا يا انتي الجزء الثالث

رواية يا انا يا انتي البارت الثالث

رواية يا انا يا انتي الحلقة الثالثة

– سبق و قولتلك تبعد عني وعن حياتي جاي عايز تبقي في فريقي؟
– خلينا مع بعض احسن ما نكون ضد بعض
= وانت متقدرش تبقي ضدي يا يوسف
– ليه؟ جربيني
ابتسمت بسخريه: مترجعش تعيط
ضحك: لا متقلقيش
” وقد كان.. شاورت لهم من بعيد يجوا ”
– انا بقول يجماعه نخرج نحتفل بالسبق ده
عمر بص ليوسف بدهشه: لحقت تقنعها؟؟
احمد بغيره: انتي موافقة يوسف يبقي معانا
ابتسمت: الصبر حلو يا احمد
” طلعنا كلنا بالبايك على مكان من الى بحبهم وبعيد عن الناس وبعدين وقفنا فا يوسف وقف ونزل ”
– ايه المكان ده؟!
نادين: لا اتعود هي ليلي أماكنها غريبة
بصيت لأحمد: مجهز الحاجه؟
– أيوه بس؟
قربت وهمست في ودنه: متقلقش انا عارفه اخره ومش هيقدر يعمل حاجه
– انتي تعرفيه؟
= بعدين افهمك.
– ماشي يا ليلي
“رجعت ابصله وابتسم وهو كان باين عليه عدم الرضا.. مع انه لسه مشفش حاجه قعدنا واحمد طلع الحاجه وهو كان بيراقب في صمت وبيحاول يجمع لو الى شايفه صح ولا لاء!”
عمر: انت كده يا صاحبي بقيت معانا رسمي ودي اول طلعه ليك اتفضل
” عمر مد ايده بسجاره الحشـ…. ويوسف خدها لكن مولعهاش و انا اخدت من احمد واحده و ولعتها و راقبت تعابير وشه بصلي بغل فا ضحكت وشربت منها ”
” اتجـ..ننت اول ما شوفت الى هي بتعمله !!! انا عمري ما تخيلت الموضوع يوصل لحد كده!!! شوفتها بتشرب سجـ.اير وقولت ان دي اقصي حاجه ممكن تعملها لكن ده !!! مقدرتش اسيطر على نفسي ”
” روحت نطرت السجا.ره من ايدها وزعقت ”
– هو انتي اتجننتي !!!
بصتله بصدمه: انت حيـ.وان !!!!!
وقبل ما اكمل كلام لقيت احمد قام زقه جامد: اياك تلمسها انت فاهم !!!!
يوسف صْربه بالبوكس ومسك دراعي بقوة شدني ناحيته نطرت ايده من عليا واتفاجئت بـ احمد سبقني و بيمسك فيه وبدؤا يصْربوا بعض عمر جري يحوش بينهم وفضل يزعق وانا مكنتش مصدقه الى بيحصل
روحت قدام احمد و زعقتله: بس كفاية !!!! انا قولت بس !!!! سامع !!
بصلي بعْضب وبص لعمر: خليه يغور من هنا !!
يوسف قرب ناحيتي: احنا الاتنين هنمشي من هنا !!
– انت شكلك مجنـ.ون !!! اوعي كده كفاية الى عملته وامشي من غير مشاكل فاهم؟؟؟
استفزتني فا زعقت فيها جامد: انتي شكلك اتهبلتي خالص !!!! انا مش هتحرك من مكاني واسيبك في القـ.ـرف ده !!!!
“احمد كان هيقرب تاني فا عمر مسكه”
– اسكت بقا !!!
نادين بعصبيه: ما تمشي وتسيبها !!! انت عايز منها ايه !! تطلع مين عشان تعمل كل ده؟؟ ها !
بصتلهم وبصتلها لقيتها ساكته فا اتكلمت انا: اطلع ابن عمها!
احمد: انت شكلك بتحْرف
نادين: ليلي هو ده ابن عمك!
عمر: اسمه يوسف نصار عزيز شوفته في التسجيل
لقيتها بدأت تتعصب وقربت مني زعقت بجنـ.ون: انا قولتلك ملكش دعوة بيا ! انت ايه مبتفهمش! كونك ابن عمي ده مش معناه اي حاجه ولا يفرقلي في اي شيء !! انا محدش له حكم عليا ايا كان هو مين
– وانتي لو مروحتيش معايا هعرف جدك وامك كل حاجه ايه رأيك بقا !! ودول ليهم حكم عليكي
نادين: ليلي اهدي! هي هتروح معاك جماعه يلا نمشي
احمد: لا احنا مش هنسيبك
عمر: خليهم لوحدهم يا أحمد!
” أحمد كان معترض ومضايق فا يوسف بصله بغضب وتحذير انوه يقرب من ليلي! ”
عمر: ليلي احنا هنمشي بس مش هنبعد لو فيه حاجه كلمينا ماشي؟
” خدوا بعضهم ومشيوا ومفضلش غيري انا وهو عمري ما في حياتي ما وصلت لدرجه عصبيه زي دي قبل كده عمري ما وصلت لها !!!! كنت حاسه اني عايزه اقـ.تله روحت ناحيه الازايز الى كنا شارينها وكسرت واحده وقربتله ”
– انت عايز مني ايه ها !!!! عايز من حياتي ايه!!! من سمح لك تتدخل فيها بالشكل ده هااا !!!!! مين !!!
= نزلي الى في ايدك دي !!
– مش هنزلها !!! انا صدقني مش هستحملك كتير !!
= انتي فكراني ايه عشان اشوفك بتعملي الى عملتيه قدامي واسكت ؟؟
– ميخصكش في حاجه !! ولو عايز تعرفهم اتفضل قولهم مبخافش!! روح قولهم وبرضو هعمل الى عاوزه وميخصكش ولا يخص اي بني ادم غيري !
= لا يخصني غصب عنك ! ونزلي البتاعه دي قولت انتي واضح نسيتي ازاي تبقي بني ادمه كويسة ! وماشية مع ناس مش شبهك اصلا !!! ايه العالم ده؟؟
“ضحكت وهو استغرب رد فعلي”
– وانت بقا جاي بعد حوالي 16 سنه تعملي فيها ابن عم كبير ؟ انت اهـ.بل يلا؟؟ وبعدين مين الى مش شبهي؟ انتي تعرفني؟ تعرف حاجه عن حياتي اصلا! مين قالك اني مش بعمل اسوء من كده ؟ هاه
برم شفايفه بغصْب: ليلي !!! اسكتي و متحاوليش تستفزيني اكتر من كده
– انت تعرف بسهر في اماكن عامله ازاي؟ ولا مع مين غير صحابي دول؟ متعرفش صح
ضحكت وبصتله: بس لو حابب ممكن اخدك معايا
قربلي مره واحد ومسك ايدي الى فيها الازازه: ارميها
زعقت: مش هرميها يا يوسف !!!!
زعق بنفس النبره: بقولك ارميها
كملت بأستفزاز اكتر: لو فاكرني زي مريم تبقي غلطان البنت الكيوت الحلوة الى مستني تشوفها مش موجوده الأحسن تروح تتحشر في حياة مريم هتلاقي حاجات جميلة انما انا تنسي !!! فاهم !! متجربش تقرب مني مره تانيه عشان هتلاقي الاسوء
” وصل لقمة غضبه وانا مكنتش راضيه افلت الازازه من ايدي فا مسكها بسرعه و بعدم تركيز عشان يرميها مني لكنه اتعور من سنها فا شال ايده وانا رميتها بحْضه!! بعدت خطوة لورا وانا شايفاه ماسك ايده والد.م بقي ظاهر ”
” فتحت عيني بصدمه ومكنتش عارفه اتصرف راح عند البايك بتاعته و طلع قماشه لفها على ايده ورجع بصلي وشي كان بلا تعابير!! مكنتش مبينه اني اتحْضيت ”
قرب ناحيتي ومسك دراعي: اركبي ومتفكريش تروحي اي مكان غير البيت
زقيته بقوة: اوعي! متلمسنيش
” ركبت البايك بعصبيه عشان اعْور من وشه وكان طول الطريق ماشي ورايا وصلنا الفيلا وتقريبا الساعه كانت 10 فا ماما وجدو كانو صاحين لكن انا مكلمتش حد وطلعت اوضتي وقفلت الباب ”
– يوسف؟ انتوا كنتوا مع بعض؟! حصل حاجه ؟
ابتسمت وداريت ايدي: لا ابدًا يا هدهد احنا اتقابلنا فالطريق
عزيز: طب تعالي اقعد معانا
– تعبان شوية فا هطلع أنام وكمان عشان انزل بكره بدري
– طيب يا حبيبي تصبح على خير
= وانتوا من اهله يا جدو.
” طلعت اوضتي وشلت القماشة من ايدي الجرـ ح كان سطحي فا طهرته و لفيت ايدي وغيرت هدومي بهدوء وبعدين قعدت لكن ضغطي كان عالي اوي وكنت حاسس اني دايحْ حاولت اهدي اعصابي بس كنت مرهق نفسيا من كل الى حصل عمري ما تخيلت ليلي تبقي كده! معرفش اي مشكلتها الى وصلتها لده لكن.. انا لازم اتصرف انا في اسوء موقف ممكن اتحط فيه! لأني متربتش ابقي سلبي! متربتش اني محافظش على حياة الى يخصوني! واشوفهم بيآذوا نفسهم واقف ساكت ”
– انا مش مرتاحه ان ليلي تيجي كده من غير ما تكلمنا وتطلع شكلهم كانو سوا واتخانقوا او حاجه زي كده
= متقلقيش يا هدي انا موصي يوسف يخلي باله عليها
– مقلقش ازاي.. انا قلقانه عليها من وقت مـ.وت مهدي وهي لحد دلوقتي عمرها ما قدرت تتقبل ده!! يا حمايا احنا مش بنجيب سيرته قدامها عشان خايفين من رد فعلها! الموضوع حساس بالنسبه لها اوي!!
– طيب وانتي ليه بتقولي الكلام ده دلوقتي
= عشان يوسف ميعرفش اي حاجه عنه يعني.. يوسف ميعرفهاش! فا مينفعش يتعامل معاها من غير ما يبقي فاهمها
– في دي معاكي حق.. هحاول اتكلم معاه
= وتعرفه برضو ميحسسهاش انوه عرف حاجه لما تقوله او يحسسها ان فقدان بابها فعلا مأثر عليها
– متقلقيش يا هدي ان شاءالله خير
>>>>>>>>>>>>>>>>>>>>>>>>>>>>>>>>>>>
|| تاني يوم ||
” صحيت محْنوقه ومتنرفزه وكمان احلامي كانت كلها كوابيس وجابلتي ضيق نفس بصيت في الساعه لقيتها 10 استغربت اني صحيت بدري لكن قررت استغل الفرصه نزلت بعد ما غيرت لقيت دادة فاطمه في المطبخ ”
– صباح الخير صاحيه بدري يعني يا لولة
= اه عايزه قهوه فالسريع عشان خارجه ماما نايمه؟
– لا خرجت تشتري حاجه
= وجدو و يوسف
– راحو الشركه
= حلو اوي اقولك بلاها قهوه
” خرجت بسرعه وانا بحمد ربنا ان مفيش حد لانى مكنتش طالبة اي حوارات عالصبح!! ”
>>>>>>>>>>>>>>>>>>>>>>>>>>>>>>>>>>
” صلي على محمد ”
|| في مجموعة عزيز عبدالرحمن ||
” كنت قاعد في مكتبي الى وصلته بدري جدا لأني مكنتش قادر اقعد على بعضي في البيت و لا كنت عارف اركز حتي في الشغل بعد ما وصلت.. لقيت حد بيخبط على الباب فا اتعدلت ”
– اتفضل
= يا تري ايه الأخبار في اول يوم شغل؟
كانت مريم فا ابتسمت: زي الفل
“قعدت قصادي وعينيها راحت ناحيه ايدي”
– ايه ده انت كويس!
= مجرد حْدش
– بجد؟ انت تمام يعني
= اه متقلقيش.. المهم انا كنت جايلك اصلا كنت عايز انزل المصنع وكده ابص برضو اشوف ايه الدنيا
– بص هو جدو ماسك الشركه هنا و بابا ماسك المصنع وانا الحقيقه موجوده اكتر في الشركه هي اريح يعني يعتبر بعيد عن العمال وكده
= اه.. انا كنت عارف ان عمي مهدي الله يرحمه ماسك المصنع مع عمي عبدالله وانهم كانوا ظبطينه سوا يعني
– أيوه دي حقيقة.. بس اشمعنا بتسأل
= لأني بفكر ابقي هناك اكتر يعني.. انتي وجدو ماسكين هنا فاهمه
– بس هو الأحسن يعني.. أقصد.. هو..
بصتلها بستغراب: ايه؟
– أعتقد انوه من الأفضل تبقي هنا في الشركة
= اشمعنا يعني
– ءء.. يعني زي ما قولتلك اصل المصنع دوشة عمال وكده..
= ماهو عشان كده فكرت ابقي مع عمي
– ايوه فهماك.. عموما انا هستأذن عشان عندي شغل كتير.
” خرجت ومفهمتش ليه مكنتش عاوزاني اروح المصنع.. قولت ابقي اتكلم مع جدو فالموضوع! ”
>>>>>>>>>>>>>>>>>>>>>>>>>>>>>>>>>
||في الشيخ زايد | في فيلا نادين ||
– يوووه خلاص بقا روقي يا ليلي!
= ايييه؟؟؟ بعد كل ده ؟؟ انتي مش متخيله؟؟ انا جدو سايبني وماما سيباني ويجي فجأة بتاع زي ده يقرفني في حياتي !!
احمد: كنتي سبتيني عليه!
– انت بالذات اسكت! قولتلك قبل كده مش كل حاجه خناق عاجبك البونيه الى فوشك؟
“نادين وعمر ضحكوا”
– انا لازم اخلص منه يجماعه !!!
عمر بصلي بملل: انتي مكبره الموضوع على فكره بعدين ايه خلاكي تجبيه معانا لما هو مش هيقبل الوضع ؟
– عشان فاكر انوه يقدر يفرض نفسه عليا !! وانا عارفه انوه ملوش فالجو ده وكان هيمشي ومش هيحتك بينا
احمد: و اديه هيلزق لنا
– انا مضايقه ومتنرفزه دلوقتي
عمر: خلاص يبقي نموف اون من الموضوع بطريقتنا
أحمد ابتسم: وانا عامل حسابي ومعايا حاجات حلوة اوي
عمر: فل طلع
قعدت بزهق: ياريت بقا تبقي حاجات تقيلة عشان افصل من القرف ده
>>>>>>>>>>>>>>>>>>>>>>>>>>>>>>>>>>
|| في فيلا عزيز عبدالرحمن ||
” كنت قاعد مش على بعضي بعد ما اتغديت انا وجدو و مرات عمي وهي مجتش؟! مكنتش فاهم راحت فين تاني ومش عارف هل صح ولا لاء اني اخبي عليهم الى شوفته.. الى كنت مستغربة ازاي هما عادي انها مجتش لحد دلوقتي و الساعه بقت اتنين بليل! ”
” خرجت من اوضتي والكل كان نايم وقعدت شوية فالجنينه على امل انها تيجي لكن مفيش! ملهاش اثر”
>>>>>>>>>>>>>>>>>>>>>>>>>>>>>>>>>>
صلي على محمد
|| تاني يوم | في فيلا نادين ||
– ليلي… قومي يا ليلي اصحي
= اه دماغي مصدعه مش قادره.. انا فين
– قومي انتي فضلتي بايته معايا يابنتي
فتحت عيني: مش قادره افتكر كويس بعد ما احمد طلع الحاجه و شربنا
= وقتها انتي كنتي رايحه في دنيا تانيه وقولتي انك مش هتعرفي تروحي كده فا طلعتي اوضتي نمتي وهما مشيوا بليل اوي
– اممم.. محتاجه قهوه
= اعملك؟
– لا انا هروح بقا
” نزلت من عندها و كانت الساعه 9 الصبح فوقت بالعافيه و ركبت البايك واول ما دخلت الفيلا روحت المطبخ ”
– فطومه اعمليلي قهوه ضروري واظبطيها
= من عنيا يا لوله
“قعدت على الكرسي و مسكت راسي بألم من الصداع”
– انتي كنتي فين انتي بايته بره ؟؟
“بصيت ورايا لاقيته يوسف و بيكلمني بطريقه مستفزه فا مردتش عليه وبصيت قدامي”
– كنتي فين كل ده! وشكلك عامل كده ليه!
بصتله بنفاذ صبر على دخله ماما علينا و…
>>>>>>>>>>>>>>>>>>>>>>>>>>>>>>>>>>>