روايات

رواية هذه ليلتي الفصل السادس والعشرون 26 بقلم نجمة براقة

رواية هذه ليلتي الفصل السادس والعشرون 26 بقلم نجمة براقة

رواية هذه ليلتي الجزء السادس والعشرون

رواية هذه ليلتي البارت السادس والعشرون

رواية هذه ليلتي
رواية هذه ليلتي

رواية هذه ليلتي الحلقة السادسة والعشرون

في المكتب

ادم بجدية _ هاتيلي الورق اللي عاوز يتمضي علي مكتبي

بسمه _ استنا يكون خلصت القهوة بتاعتي

ادم بحده _ هاتيلي الورق علي مكتبي

بسمه تحسه انه فيه حآجه وتتعدل في كلامها_ حاضر

بيروح المكتب ويقعد وهو شارد

بسمه_ الورق

بياخدهم منها ويمضي عليهم ويدهملها

بسمه _ تحب تعرف مواعيد النهارده

ادم _ الغي كل المواعيد مدخليش حد عليه

بسمه _ مالك

ادم _ اتفضلي علي شغلك

بسمه _ طيب تحب اعملك قهوه

ادم _ ممكن قهوه ساده

بتمشي بسمة وهو بيدور بالكرسي ويشرد

 

 

 

 

 

 

 

 

 

بسمه _ القهوة

ادم _ سيبيها عندك

بسمه _ اهي.. ممكن اعرف في ايه

ادم يدور بعصبيه_ وانتي مالك .. ليه رغايه وبتدخلي في اللي ميخصكش

بسمه _ انا اسفه . عن اذنك

ادم بزهق _ استني

بسمه _ افندم

ادم بزهق _ متزعليش انا بس مشغول شويه

بسمه _ ولا يهمك

ادم _ تمام اتفضلي

بسمه _ حاضر.. وبتمشي وتسيبه

ادم محدث نفسه _ بتتعصب عليها ليه هى ايه دخلها.. كل الغلط عليك انت اللى ضيعت ليلي من ايدك خليت يامن يحميها ويكون جمبها فى اكتر وقت محتجاك فيه، عاوزها تفضل مستنياك ازاى ما لازم تحبه

في احدي المولات

شامي بيقابل المدير ويقوله انه هيشتغل من بكره فرد امن.. وبعدين بيطلع من المول ويوقف شويه في انتظار ناردين اللي مش عارف هتيجي ولا لأ .. وبعد انتظار يفهم انها مش جاية ف بيمشي على الشارع وفجاه توقف فى وشه عربية ويبص على اللى بيسوق يلاقيها هي

ناردين تنزل وتروح عنده_ مش تفتح

شامي بإبتسامة _ انتي ماشيه تدوسي في ولاد الناس

ناردين _ الطريق للعربيات مش ماشي على الرصيف ليه

شامي _ علشان مكتوبلي اقابلك تاني . انا قولت ارتحت منك خلاص

ناردين بإبتسامة _ شكلك مش هترتاح مني خالص

شامي _ لا الله يباركلك انا ما صدقت بعدت عنكم باقل الخساير بعد كده هموت علي ايدك

ناردين بإبتسامة _ هو كده انا حاسه ان ده هيحصل

شامي بإبتسامة حالمه _ لو هموت على ايدك انا موافق

ناردين بخجل _ احم. طيب جاي هنا ليه

شامي_ كنت بدور على شغل

ناردين _ طيب ايه

شامي_ لقيت وهبتدي من بكره

ناردين _ الف مبروك

شامي _ طبعا انتي مش هتهوبي نحية المول دة بعد النهارده

ناردين _ لا طبعاً مستحيل انا ارتحت من شوفتك اصلا

شامي بإبتسامة _ انا قولت كده بردو… ايه جابك النهاردة صحيح

ناردين _ جايه اشتري شويه حاجات مكنتش اعرف اني هقابلك هنا بصراحه

شامي بإبتسامة _ وانتي هتعرفي منين يعنى

ناردين _ اممم طيب انا داخله عاوز حآجه

شامي _ يا الصدف انا كمان هدخل نسيت اشتري حاجه مهمه

ناردين _ انت كنت ماشي

شامي_ ما انا بقولك نسيت ودلوقتي افتكرت

ناردين بإبتسامة _ ماشي اتفضل

شامي_ اتفضلي انتي الأول

 

 

 

 

 

 

 

 

 

 

بيدخلو هما الاتنين وبيلفو في المول وخلاص

ناردين _ مش شيفاك اشتريت حآجه يعني

شامي _ ولا انا شايفك اشتريتي حآجه

ناردين _ انا لسه بدور علي نوع شامبو ومش لقياه

شامي بإبتسامة _ اه طيب دوري وانا هلف لفه علي حآجه وارجعلك

ناردين بإبتسامة _ ماشي

بيمشي من جمبها وهي بتتصل عليه من رقم توقه

شامي بإبتسامة _ يااا مواعيدك

ناردين _ مالها مواعيدي

شامي _ جيتي في وقتك

ناردين _ ليه بقا

شامي _ اصل البنت قريبه مني ولسه كنت واقف معاها

ناردين _ ياسلام شوفت دعواتي اهي اتقبلت. المهم بلغتي حقدي ولا لسه

شامي بضحك_ لا لسه

ناردين _ امال عملت ايه

شامي _ ولا حآجه . انا اهو عمال ادور ليها علي حآجه تذكار مش عارف اجبلها ايه

ناردين بإبتسامة _ الزهر لعب معاك ولا ايه

شامي _ الحياة كلها ابتسمتلي لما قابلتها تانى

ناردين بإبتسامه _ ياعم علي السهوكه

شامي _ انا بتسهوك يا توقه ماشي . المهم قوليلي اجبلها ايه

ناردين _ معرفش هات اللي يعجبك وانا اقولك ليه

شامي_ ما انا مش عارف اجبلها ايه

ناردين _ هاتلها شيكولاته البنات بتحب الشيكولاتة

شامي_ مش بخيل اوي كده.. اممم خلاص عرفت هجبلها ايه

ناردين _ ايه

شامي_ قدامي ارنب صغير شكله حلو متأكد انه هيعجبها

ناردين _ ههههه متنساش الملوخية

شامي _ دا لعبه مش حقيقي

ناردين بإبتسامة _ اكيد هيعجبها

شامي _اتمنا . يلا طيري علشان الحقها قبل ما تمشي

ناردين _ شامي

شامي بإبتسامة _ افندم

ناردين _ مش بتقولها ليه انك بتحبها

شامي _ علشااان مينفعش.

ناردين _ ليه مينفعش

شامي _ وبعد ما اقولها هعمل ايه

ناردين _ يمكن هي مستعده تسيب كل حاجه علشانك جرب تقولها

شامي _ مينفعش يا توقه هي فين وانا فين، عمرنا ما هنجتمع. حتي لو هي عاوزاني وهتسيب كل حآجه اكيد هيجي يوم وتحس بنقص معايا.. دا غير ان ابوها مستحيل هيسبني ولا يسيبها

ناردين _ يعني مفيش امل تكونو لبعض

شامي _ للأسف

ناردين _ للأسف

شامي _ بس انا حقيقي بحبها ولو بأيدي مش هخليها تمشي

ناردين بدموع _ طيب ما تعمل كده . اكيد مش هترفض تكون معاك

شامي _ انا قولتلك مينفعش حتي لو هي عاوزاني لازم تنسا ده لمصلحتها

ناردين بدموع _ مش بسهوله ممكن الواحدة تنسا الشخص والوحيد اللي حبته. انا اهو حبيتك وبرغم انك مبتحبنيش بس بردو مش قادره أبطل احبك

شامي بخيبه _ انا وانتي مننفعش نكون لبعض المفروض اني. مكلمكش اصلا بس اتعودت عليكي اكلمك كل يوم . الاحسن انك تنسيني ولو قدرتي متكلمنيش انا مش هزعل بالعكس هتمنالك كل الخير

ناردين بدموع _ حاضر

شامي_ طيب انا هقفل علشان الحقها قبل ما تمشي

ناردين _ يارب تلحقها

شامي _ اكيد هلحقها

بيقفل معاها ويروح يدور عليها يلاقيها ركبت عربيتها ومشيت

ناردين ماشية بالعربية وبتبكي من غير صوت وتحدث نفسها _ مكنش لازم اروح هو عنده حق. مستحيل نجتمع مع بعض

صلاح بيروح ل نادر ويتفق معاه علي معاد الخطوبه

نادر _ تمام الاسبوع الجاي كويس يكون عزمنا الناس وجهزنا نفسنا

صلاح _ علي خير .. انا مبسوط بالنسب ده يمكن اكتر من ادم نفسه

نادر _ ومين سمعك. انتو نسبكم يشرف اي حد وادم شب كويس ومتعلم

صلاح _ ربنا يكرمك. ايوه كده خلينا نخلص علشان نشوف شغلنا بقا

بيمشي صلاح و نادر بيدخل عند جيلان يلاقيها نايمه ف بيقعد جمبها ويصحيها

 

 

 

 

 

 

 

 

 

 

نادر _ انتي قومي

جيلان بدوخه_ بابا

نادر بحده_ بطلي النوم ده واعملي حسابك خطوبتي الاسبوع الجاي

جيلان _ حاضر وبتنام تاني

نادر _ قومي انا وبكلمك

جيلان بدوخه _ افندم

نادر _ متناميش تاني قومي اغسلي وشك

جيلان بدوخه_ شويه وهقوم

نادر _ ولا دقيقة

جيلان بتقوم وهي دايخه

نادر بحده _ فوقي وبلاش دلع

بيجي يقوم ف يشوف علبة المنوم يمسكها ويروح عند جيلان وبغضب_ ايه ده

جيلان بدوخه_ معرفش . ف تلاقي قلم نازل علي وشها يوقعها على الأرض

نادر بغضب_ انتي ناقصه ضياع تقومي تاخدي منوم وكمان من غير كشف عاوزة تعملي فيه ايه تاني… ربنا يخدك ويخلصني منك انتي عملي الاسود اللي ربنا بلاني بيه

جيلان تغمض عينيها وتنام علي الأرض

نادر يقومها بغضب _ قومي كده وفوقي ويشدها تحت الحنفية ويشغلها علي دماغها

جيلان تشهق _ ااه خلاص فوقت

نادر _ اخر مره تاخدي الزفت ده لو عاوزة تموتي انتحري علي طول علشان مش هعالجك لو جالك المرض

جيلان بتعب_ حاضر

بيشمي ويسيبها وهي بتطلع علي البلكونة وتبص علي عز اللي واقف كعادته بيبص لبلكونتها

وتوقف جمب الحاجز وتتمطوح

عز بقلق _ ابعدي هتوقعي

جيلان تبصله بدوخه وتبتسم وتميل علي الحاجز

عز _ جيلان هانم هتوقعي بجد

جيلان تضحك ودموعها تنزل وتمشي وتسيبه وترجع تنام

عز يحدث نفسه بحزن _ بتعملي في نفسك ايه انتي بس .. البنت دي لو محدش لحقها هتموت.. اعمل ايه… انا هكلم نادر واللى يحصل يحصل

نادر _ خير ياعز

عز بتردد_ انا بطلب السماح من معاليك عشان اللي هقوله بس لازم اتكلم

نادر _ ادخل في الموضوع علي طول

عز_ جيلان هانم مش كويسه لازم تساعدوها والا ممكن تعمل في نفسها حآجه

نادر _ وانت اللي ايه عرفك انها مش كويسه وبتدخل في اللي ملكش فيه ليه

عز بخجل _ ضميري يحتم عليه اني احذر حضرتك من اللي ممكن يحصل

نادر _ وانت شوفت ايه علشان تقول كده

عز بتردد_ مشوفتش بس الهانم طول الوقت في اوضتها واكتر من مره بحسها هتوقع من فوق.. مش متوازنه

نادر بغضب _ متنساش انت مين انا لولا انك انقذتها وانقذت سمعتي كنت حاسبتك علي تدخلك ده

عز _ انا مقصدش اتخطا حدود عملي بس انا بقولك اللي شايفه

نادر _ متبقاش تشوف انت هنا اطرش اعما اخرس واتفضل على شغلك

عز بخيبه _ امر معاليك

 

 

 

 

 

 

 

 

بيمشي ويسيبه ويرجع يوقف مع الحرس

ليلى بتصحا تلاقي نفسها نايمة في حضن يامن ومحاوطها بأديه.. تبصله وتتأمل ملامحه بإبتسامة خفيفه وتمشي ايدها على وشه لغيت ما يصحا ف تغمض عينيها بسرعة

يامن يفوق ويبصلها ويضحك_ علي اساس اني محستش بايدك يعني … عارف انك صاحيه … ليلي .. الظاهر انها نايمه بجد اما اقوم اكول الشيكولاتة قبل ما تصحا

ليلي تفتح عينيها_ الا الشيكولاتة

يامن _ انتي صاحيه اهو

ليلي بخجل _ اه كنت هقوم بس زي مانت شايف مكتفني

يامن بإبتسامة _ فرصتي وجاتني بعد عذاب

ليلي _ ع فكره انت قليل الادب

يامن_ ليه هو انا شاقطك من شارع الهرم

ليلي _ شارع الهرم؟ طيب قوم

يامن بإبتسامة _ لأ مش هنقوم النهارده

ليلى _ مش هناكول

يامن _ دا احنا هناكول وناااكول ثم يقترب منها وهي تذقه

ليلى بنرفزه_ ناكول طفح من ابو عيش ده دا انت قليل الادب

يامن يضربها على وشها ضربه خفيفه _ عييب تقولي لجوزك قليل الادب

ليلي _ ماهو انت بتعمل حاجات عيب

يامن _ وفيها ايه

ليلى بلخبطه _ فيها انك كنت مؤدب

يامن _ ههههه ولسه مؤدب انتي ظلماني

ليلي بخجل _ كداب

يامن _ الله يسامحك

ليلي بجديه _ بطل هزار وقولي . ينفع اكلم ادم اطمن عليه

يامن _ ليه تطمني على ادم

ليلى _ معرفش عمل ايه مع صلاح واكيد هيزعل عشان مسألناش

يامن _ لازم طبعا . بس بصراحه انا بغير عليكي كلامك مع ادم دلوقتي مينفعش

ليلى _ بتهزر. يعني مش عاوزني اكلمه تاني خالص

يامن_ اه. هو بحبك مش هينسا من يوم ومش عاوز في يوم حبه يأثر عليكى

ليلي _ وانا بحبك انت ومش هيأثر فيه مهما يعمل او يقول بس ادم عمره ما قصر معايا في سؤال ولا في مشكله مينفعش اسيبه كده

 

 

 

 

 

 

 

 

 

 

يامن_ ماشي كلميه بس افتكريني، خليني على طول في بالك انتي وبتتعاملي معاه

ليلي بإبتسامه _ عمري ما هخذلك خليك متأكد من كده

يامن_ انا واثق من كده بس بنبهك

ليلي بإبتسامة _ طيب هناكول ؟

يامن_ ماشي يلا بيجي يقوم وهي تشده

ليلي بإبتسامة _ رايح فين

يامن بمداعبه_ ااااه. انتي قليلة الادب كنتى مؤدبه وهضيعيلي مستقبلي

ليلي _ ههههه وانت هتحافظ علي مستقبلك لمين ما انا اللي هضيعهولك

يامن بضحك_ بنتعلم بسرعه اهو

منزل فهد

فهد بيطلع علي السطوح وياخد روكي معاه واول ما بيوصل بيدخلو عن نور

فهد_ روكي استني يا روكي مش كده عييب

نور بتلاقي روكي دخل عندها ف تمسكه وتلاعبه _ اخينا زعلك صح

روكي_ هوو 😂

نور_ زعلك؟.. خلاص متزعلش يلا نعوضه.. بتطلع بره تلاقي فهد بيدور عليه

نور_ مزعل الكلب ليه

فهد بخبث_ هو جه عندك

نور_ اه تصدق

فهد_ رغم اني حزرته يقربلك عشان غلط نقرب للحاجات الشرسه

نور_ ده عسل مش شرس

فهد_ لا انا بكلمه هو مش انتي

نور_ ههههه انا شرسه

فهد بإبتسامه_ ايوه

نور برخامه_ طيب خد كلبك واتكل

فهد_ عازمك علي العشا النهارده

نور بإبتسامه.مبتعشاش مع بادي جاردات

فهد _ ما انا سبتها خلاص

نور _ بردو مبتعشاش مع حد

فهد _ نووور هستناكي

نور_ لا مش جايه

فهد_ هستناكي

نور _ عافيه يعني

فهد بياخد روكي ويمشي _ الساعة سبعة ظبط تكوني عندي

نور _ الله قولت لأ… انتااا مش جايه … طيب مش رايحه هه

بالليل

 

 

 

 

 

 

 

 

 

 

فهد بيكون مجهز عشا علي ضو الشموع وبيبص لساعه وبمجرد ما بتيجي سبعه بتدخل عليه

نور _ احم انا جيت

فهد بإبتسامة _ وتقدري متجيش

نور _ مكنتش هاجي ع فكره

فهد _ وانا كنت هسيبك يعني كنت هجيبك متكتفه

نور _ دي مش عشوه اللي هتزلني بيها وبعدين ايه الاكل ده وايه الشموع دي كمان

فهد _ قولت اعملك عشا علي ضوء الشموع تلاقيكي محدش عبرك وعمل عشانك. كده

نور بإبتسامة _ الحقيقه اول مره

فهد _ اتفضلي .. بيشدلها الكرسي وتقعد

نور بخجل _ كنت هعرف أقعد لوحدي

فهد_ خلي الطقوس تكمل

نور _ متشكره

فهد _ اتفضلي طيب

نور _ خليها شويه مش جعانه دلوقتي

فهد _ اوك نستنا عشر دقايق . ويكون خلصو تسمحيلي بالرقصه دي

ليلي بخجل _ لا مبعرفش

فهد يمدلها ايده وهي تمسكها بارتباك وتقوم معاه ويبتدو يرقصو وهو يحط ايده علي خصرها وهي تبص لبعيد بارتباك شديد

فهد _ مفيش داعي للكسوف انا بس بعملك جو انما انا. مستحيل ابصلك

نور بارتباك _ ع فكره انت انسان مش كويس وسع مش هرقص

فهد يمسكها باحكام وبابتسامه _ انا بقولك بس علشان متتكسفيش على الفاضي

نور _ ومين قالك اني عاوزاك تبصلي اصلا

فهد _ البنات اللي عدو عليه قد شعر راسي اكيد مش هيصعب عليه افهم انتي حاسه بأيه

نور تزقه بنرفزه _ انا غلطانه انى قبلت دعوتك. وبتمشي خطوه ف بيمسك ايدها ويرجعها تانى وبابتسامه _ انتي خلقك ضيق ليه . اتعلمي البرود عشان تعرفي تتعاملي معايا

نور _ هو انا هقعد معاك كتير ولا ايه

 

 

 

 

 

 

 

 

 

 

 

 

 

فهد _ طبعااا انتي لو طلعتي من هنا نادر ورجالته هيمسكوكي ومش بعيد يد.بحوكي ويجيبولك ابو رجل مسلوخه

نور _ ابو ايه

فهد _ ابو رجل مسلوخه.. مش عرفاه

نور بإبتسامة _ اسمع عنه بس هو ايه هيجيبه ليهم

فهد _ دا مش ابو رجل مسلوخه بس. دا الغول والغوله والمستذئبين وليلة طويله

نور _ ههههه طيب هناكول ولا ايه

فهد _ هناكول طبعا اتفضلي

نور تقعد وتبصله وتضحك من غير صوت

فهد _ بتضحكي ليه

نور بضحك _ مضحكتش بيتهيالك

فهد _ لا بتضحكي انا شايفك

نور _ مفييش كل

فهد _ ماشي يلا بالهنا

نور تبصله وتحدث نفسها _ كداب انا عارفه ان مفيش حد بيدور عليه انا قاعده بمزاجي اصلا . كده كده اهلي عارفين اني مخطوفه خليني مخطوفه شويه كمان اما نشوف اخرتك

فهد محدث نفسه _ مش عارف لما تمشي هضايق مين .. بس يلا خليكي قد شهر كده

فيلا صلاح

ادم بيدخل من غير ما يسلم على حد

صلاح _ طيب قول مساء الخير

ادم من غير نفس _ مساء الخير . عن اذنكم داخل اخد دوش

صلاح_ طيب اعمل حسابك الخطوبه اول الاسبوع الجاي

ادم _ ماشي. وبيطلع لفوق وقبل ما يدخل اوضته يفتكر ناردين ويروح يطمن عليها

ادم يفتح الباب _ ممكن ادخل

ناردين _ تعاله

ادم يقعد جمبها _ عامله ايه دلوقتي

ناردين بشرود_ تمام

ادم_ مالك

ناردين_ مفيش

ادم _ احكيلي يا ناردين متخافيش انا مش زي بابا

ناردين _ مفيش يا ادم انا كويسه

ادم يحط ايده علي.كتفها بحب_ فيه هو انا.مش عارفك. قوليلي متخافيش انا هساعدك

ناردين تميل رأسها على كتفه وتبكي من غير صوت

ادم بقلق_ انتي بتبكي

 

 

 

 

 

 

 

 

 

ناردين ببكاء_ انا مش مرتاحه كده يا ادم. حاسه حياتي ملهاش لازمه

ادم _ طيب عاوزة تعملي ايه

ناردين_ معرفش..مش عارفه انا عاوزة ايه

ادم_ طيب ايه رأيك تنزلي تشتغلي معايا في الشركة

ناردين_ ياريت

ادم_ تمام بكره هتنزلي معايا وفكي كده

ناردين_ حاضر

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية هذه ليلتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى