رواية نزوه محرمه الفصل العاشر 10 بقلم مروان فرج

رواية نزوه محرمه الجزء العاشر

رواية نزوه محرمه البارت العاشر

رواية نزوه محرمه الحلقة العاشرة

.
حامد….نبي نقولك ع شي ي امل ياريت تسامحيني علي كل شي درته ليك…💔
امل…. باستغراب خيرك ياحامد شن في ليش تحكي هكي
حامد….ني معاش نقدر نعيشك العيشه هادي تعبت ونبي نقولك ع شي
امل …شني
حامد…..انتي طالق 🔥
امل…..بصدمه وقعدت ساكته ومش عارفه شن تقول او ليش حامد دار هكي
حامد…. سكر الخط ف وجه امل طول
امل….رنت ع حامد مره تانيه بس حامد سكر تلفونه بكل ومباش يرد وخلاه امل قلبها 💔
امل…ناضت وقعدت تشوف في روحها ع المرايه عيونها دموع وتبكي بس من داخل مش فاهم ولاشي برغم من انها ماتحبش حامد بكل بس هيك لما طالقها خافت من كل شي ف داخلها وكان صوتها الداخلي يقول “كيف حامد؟ كيف يطلقني؟ كنا عايشين مع بعض لسنين، كيف وصلنا للمرحلة هادي؟”…🔥
زعما هادي لعبه من العابه بس ليش يطلقني وفي نفس اللحظه بينها وبين نفس تقول ارتحت منه ومن مشاكل يلي كان يديرلي فيهم ورح نبدا حياتي جديده ومافيش حد يقدر يتحكم فيااا🙂🔥
وكانت كل ماتفكر في كلامه، يزيد شعورها بالخذلان. ناضت من علي سريرها وفتحت الروشن وقعدت وتقعد تشوف ف السماء والنجوم وقالت إنشاء الله هذا القرار الصح ورح نبدا صفحه جديده من حياتي🤍
في حوش صلاح… الساعه3 في اليل 🔥
صلاح… قاعد في دار نومه ، عيونه بين هلبااا ورق قدامه يفكر يطلق حنان ويرتاح منها نهائي من مشاكلها من كل شي بس كان خايف ع صغاره يضيعو ومن جهه تانيه يفكر ف امل ونا يبيها بس مش قادر كيف يدير تصريفه لخوه عشان يفضي الجو ليه وقعد يفكر ❤️
وهوا في حالة صمت، يتأمل في الاوراق التي كانت رح ترتبطه بي نهاية فصل طويل في حياته، وبين هو قاعد مع نفسه، يفكر في اللحظات التي جمعته مع أمل، كيف مشاعره بدأت تتغير، خاصة بعد مره تلاقي فيها معا ام ويفكر في جسمها معاه هوا وياه ف دار نومه🔥🤤
صلاح اتكي ع سريره وقال “اللي بيني وبين حنان انتهى… بس أمل؟ مازال عندها مكان خاص في قلبي.” وقعد يدخن وقرر أنه لازم يواجه نفسه أكثر، ويرتب أولوياته واول اوياته حتكون امل…🔥
تاني يوم الصبح….🔥
في مزرعة الحاج عبدالجليل…🔥
الحاج عبدالجليل كان مقعمز هوا واولاده، راكان وعبدالجبار وكان الصبح ديما متعودين يشربو ويفطرو جميع قبل لاكل حد فيه يطلع ويمشي لعمله
الحاج عبدالجليل، وهو يشرب في قهوته ، قال:
“الوقت جا يا راكان… صلاح عنده مشاكل كبيره، وسند وحامد هم سبب المشاكل هادي، لازم نوقفو مع صلاح ونحاول نصلح الأمور.” لاني امس سمعت بحاجات جديده والوضع يخوف وخصوصا المصنع متاع بوهم بدت تطلع عليه حاجات جديده
راكان:”صحيح يا بوي، لازم نساعدوه خصوصًا اني نعرفه صلاح من زمان وهوا كويس غير مش عارف شن يلي خلاه يغرق ف المشاكل …🔥
عبدالجبار، باهي شن مقابل يابوي عشان نساعدوه؟
الحاج عبدالجليل بهدوء: “واضح في السبب يعني مافيش داعي للكلام هذا تواا وشاف لركان وقاله نبيك تمشي تتلاقي معا صلاح وتقوله بوي يبيك.”
راكان…. إنشاء الله وشرب راكان قهوته وطلع ركب ف سيارته ومشي…..🔥
في حوش عيله علي ❤️
حنان ….كانت مقعمزه برااا وتشرب ف قهوتها وشاده تلفونها وعيونها حمر من البكي ومش طايقه تشوف حد من عليتها
وهيا شاده فنجانها وتفكر اكيد الكلبه امل هياا يلي لعبت ف راس صلاح🙂💔
وخلاتخ يتنساني ويبي يطلقني
“شن صار بس؟ كيف صلاح صار يعاملني هك وين حبه ليا يعامل فيا كأنني ماكنت يومًا جزء من حياته؟”💔
وهيا مقعمزه وتفكر جابها بوها علي وقف قدامها وقاللها انتي بخير ي حنان
حنان …. تبكي: “بابا، صلاح معاش يبي حتى يسمع مني، ولا حتى الصغار معاش سال عليهم… شني ندير؟”
علي: “أنتي دريتي اللي خلاه يوصل لهكي… افعالك هما يلي وصلولك لاهني وامك السبب والصغار؟ نا بندير حل ليهم، مش حنخليهم هنا حنقول لصلاح يجي يرفعهم عنده 🔥
وفي نفس الوقت، وحنان تحكي معا بوها وصلتها رساله وكاتبها فيها أنشاء اللله ف اليومين هادم نبعتلك ورقت طلاقه والصغار نبيهم جهزيهم رح يقعدو معاي
حنان….انهارت وشدت في بوها يدرلها حل وانا يلي يبيه صلاح حاضر….🔥
صلاح بعت الرساله لحنان وكان يبي يعيشها حجيم هك ويتلدد بتعدبيها وحتي لما يرجعها عشان يبدا يتحكم فيها ويخليها زي الخاتم ف صبعه 🙂
ناض صلاح وحط تلفونه وخش للحمام دوش وطلع لبس قميص ابيض معا سروال اكحل وجاكيت وحط عطره وقعد يساوي في روحه عالمرايه وفي اللحظه هاذي رن عليه اكرم المحامي
صلاح…. ايوووا
اكرم…. صباح الخير باشا مهندس صلاح كيف حالك
صلاح…. تمام بخير شن حالك انتاا
اكرم….بخير الحمد لله لو فاضي مر علياااا في المكتب متاعي عندي شوي حاجات بنقولك عليهم
صلاح…. إنشاء الله مسافه الطريق ونكون بحداك
اكرم …تمام إنشاء الله وسكر الخط 😳
صلاح…سكر الخط وكان ف داخله شعور غريب زعما شن في ليش كلمني ع الصبح يالا نمشي ونشوف رتب روحي ومشي واول مافتح باب الخوش لقي امل نازله من ع الدروج وتلاقا هوااا وياها قدام الباب…🔥
أمل ….كانت ماشية بخطوات هادية، عيونها تعبانة ومليانة وجع، لابسة شال خفيف، وراسها نازل.❤️
صلاح…شاف امل وقلبه يدق بقوة، ونظراته عليها
صلاح….صباح الخير امل وين ماشيه مالا
أمل …رفعت راسها ببطء، صباح النور ماشيه بناخد شوي حاجات ليا ولي الصغار😊
صلاح… ارتاحي ف حوشك توا نا نجيبلك يلس تبيهم كله واسمعي بنقولك لو حامد يبي يرجع ويسكن هني عادي كلمي نا معاش نبي مشاكل خلاص وقعد يشوف لملامح امل
امل.. شكلك ماسمعتش… شن يلي صار…يصلاح يلي بيني وبين حامد انتهي💔
صلاح …..قرب أكثر علي امل كيف يعني شن صاير ،😳
امل….انا وحامد اطلقنا خلاص ومعاش في شي بكل بيناتنا والحمد لله ارتحت منه وقعدت حره😐
صلاح….جاه شعور من الراحه والفرح ومعاش عرف كيف يمسك نفسه وقالها إنشاء الله مش حنقصر معاك ارتاحي وخليك معا الصغار وكل شي تبيه رح نجيبهلك كلا توا ني عندي مشوار وبعدين نروح ونقولك ع موضوع مهم😉
امل…. باستغراب موضوع شني ي صلاح
صلاح….كل شي ف وقته حلوو
امل….باهي تمام ورجعت للحوش وصلاح ع طول طلع للسوق وخدي شويه حاجات لي امل وبعتهم لحوشها ومشي طول لمكتب المحامي اكرم
وصل صلاح للمكتب قعمز ،وولع سبسي وجي اكرم وقعمز
صلاح ….مقعمز وعيونه حمرا من قلة النوم والتعب، وإيده تدق ع الطاولة من العصبية.😑
صلاح..أكرم… قولي شن وصلت فيه؟ المصنع… نبي حل.”
أكرم “المصنع، ي صلاح… المصنع صار عليه ، مشاكل قانونية، ديون، قضايا مفتوحة… ما عادش مصنع، صار وجع راس. وأنا كـ محامي وصديق… نشوف الأفضل تبيعه وترتاح من الموضوع هذا من الاساس😐
صلاح…. ضرب الطاولة بيده بقوة، وعيونه ولعت:
“تبيع؟ نبيع عرق بويا؟ خيرك ي اكرم انتاا شن صايرلك
أكرم بهدوء “هدي روحك… اسمع للآخر… نعرفك ما تبيش تخسر لا المصنع ولا الكرامة. لكن حط في راسك: القضايا متراكمة، وعليه ديون ف وسند دار مصايب… لو ماتبيش تبيعه ع الاقل ديري فيه تنازل لي حامد وبعدين في خطه تانيه نقولك عليه مهم الفتره اهيا تمشي ع خير
صلاح سكت، وعيونه تهرب في المكتب، يفكر… قلبه يعصر فيه الوجع.
صلاح”حامد… توا بنسلمها لحامد بعد اللي دار؟”
أكرم (بواقعية):”صلاح… مرات لازم تضحي بحاجة باش تحمي حاجة أكبر. المصنع لو يستلمه حد من العيلة، أفضل من يجي غريب ياخده بدرهم بخس، ولا ينحجز عليه. أنت شوف صح، مش بعاطفتك.”😐
صلاح..ناض من مكانه، ومشي للروشن وقعد ساكت زي قلبه اللي فيه عاصفة.
صلاح يحكي في داخله “أنا نبي ننتقم من حامد وسند… لكن لو بعتله المصنع، كأني نعطيه مفاتيح بويا بيدي… لكن… لو ما بعتش، حيجيني العذاب كله.”
أكرم قرب منه، وحط يده ع كتفه: “فكر كويس… مرات لازم تخسر معركة باش نربح الحرب.”🔥🔥
صلاح … توا نفكر ونقولك ماادير شي الا لما نقولك تمام
اكرم…ع طول ونا نستني في تلفونك 🔥
صلاح طلع من مكتب أكرم، ملامحه متعبة، خطواته تقيلة، والسبسي في فمه نزل من الدروج وصل تحت وجي بيركب في سيارته رفع راسه ولقي راكان واقف تحت، مستنيه، ساند ظهره ع السيارة، لابس جكيت جلدي، ونظرة عيونه كلها ثقة وقوة.🙂
راكان “السلام عليكم… صلاح بن سالم، صح؟”
صلاح وقف مكانه، يستغرب شوية:”وعليكم السلام… انت منو؟”😳
راكان ….معقوله نسيتي ي صلاح اني “راكان… ولد الحاج عبدالجليل. يمكن اسم بوي مش غريب عليك.”صح والل نسيته
صلاح…. اووووو راكان شن حالك وشن حال عمي
“الحاج عبدالجليل… صح، نعرفه، كان صاحب بوي الله يرحمه.
راكان….وطلع دخان من جيبه وولع سبسي الحمد لله بخير وينك معاش تبان بكل شن نسيتنا
صلاح….لا والله بس شوي ظروف صارو معاي وانتا عارف الدنيا هاذي كلها وانشاء الله تمشي لامور
راكان به مش مشكله مهم بنقولك انا بوي يسال عليك يبي يحكي معاك، يبي يشوفك. وعرف اللي صاير معاك، وحاب يساعد.”
صلاح… عقد حواجبه، يضحك ضحكة صغيرة مليانة مرارة:”يساعد؟ في الزمن هذا حتى خوي يغدر، وانت جاي تقولي بوي يحب يساعد؟”🔥🙂
راكان هز راسه، وقرب منه أكثر، كلامه كله رجولة وهيبة:
“يا صلاح… مرات الدنيا تخليك تشوف الناس كلها خوانة. لكن مش الكل زي سند… ومش الكل زي حامد. بوي عارف معدن بوكم، وعارف انك مظلوم. وهو مش جاي يطلب منك شي… هو جاي يعطيك كتف وقت الضعف.”
صلاح وقف، فكر شوية، عيونه تلمع كأنه بين نارين:
“وين نلقاه؟”
راكان ابتسم ابتسامة واثقة:”المزرعة… تعرفها. ديما بابها مفتوح لولد سالم. تعال امتى تبي… 🔥🙂
صلاح”إن شاء الله… قريب نجيكم.”
راكان ركب سيارته …نستني فيك ي صلاح ماتتاخرش
وطلع راكان وقعد صلاح واقف بين وبينه نفسه ويقول كيف نسيت عمي عبدالجليل وقعدو دكريات المزرعه يدكر فيه من لما كانوو صغار وهوا وركان وسيرين يلعبو معا بعض وركب في سيارته ومشي
عند سند….🔥🔥
سند ….وهوا يلبس وتلفونه ع ودنه ههههه اي عارف ني مش قوتلك نهايته ع يدي😂💔
صار قوتلي توا كيف طلع من مكتب المحامي باهي مليح عندي مشوار وبعدين نتلاقو…..هيا سلام توا وسكر الخط ورتب روحه وطلع
واول ماطلع سند من الحوش لقي حنان مقعمزه براا ، مغطية وجهها بشال خفيف، عيونها يبكو بصمت، دموعها تنزل على خدودها💔
سند شاف لحنان “تي يا حنان… للدرجة هادي
قعد سند واقف ف مكانه وقلبه راف ع اخته وهو يشوفها في الحالة هادي، ومشي بخطوات سريعة، ركب سيارته، ومشي طول لحوش حامد
نزل، من السياره ودق الباب بقوة)😐🔥
حامد …فتح الباب عيونه حمرا، وجهه تعبان، لحيته كبيره واضح عليه السهر.
سند (بصوت وهوا راقيله:”شن صار في يلي قوتلك عليه ي حامد كلمت صلاح او لا
حامد …ببرود ماكلمتش حد ومعاش تكلمني علي حد
سند….”دير حل… دير أي شي! خليك راجل ، وخلي صلاح يرجّعها. حنان مش ناقصها وجع، وانت تعرف، والله العظيم لو طلقها، لا خير فيه ولا خير فينا.”وماتبيش ندير شي تاني مش كويس 😐💔
حامد نزل راسه، “والله يا سند، ماعاش عرفت كيف نوصل لصلاح… سد كل طريق عليا، وني تعبت خلاص معاش نبي شي
سند ….عندي ليك حل خلي صلاح يرجع حنان ونعطيك نص المصنع راهو لانا من بكره بنفتحه ويبدأ ليااا😐
حامد …..حنشوف صلاح وبعدين ساهل عطيني شويه وقت وإنشاء الله خير
سند…سيب حامد ومشي للسيارة، ركب ف سيارته كان عنده شوي مشاوير وماقدرش يروح للحوش عشان مايتلاقاش هوا وحنان…💔
تسريع الأحداث …🔥
مشي الوقت وجي اليل وروح صلاح لحوشه ومن داخله فرحان لانا واخيراا الفرصه يلي يستني فيها جت لعنده امل اطلقت ومافيش شي يمنعه انا يوصل يلي يبيه معاها
قعد صلاح يرتب في روحه هكي عشان يمشي يحكي معا امل ويتقرب منها وجهز روحه ومشي للباب فتح الباب ولقي امل جايبلته العشي خداها منها وقالها نبي نحكي معاك تفضلي خشي🤤
امل …ترددت شوي وبعدين خشت للحوش🔥
وفاللحظه هادي حنان من كثر التفكير في صلاح ركبت ف سيارتها ومشت لحوشها عشان تحكي معا صلاح لانا معاش قدرت تتحمل لايرد عليها ولا شي بكل….🔥
وصلت حنان لحوشها درست السياره براا ونزلت وخشت للسور بدون صوت لقت سياره صلاح براا وصلت قدام الباب ومابتش ادق الباب خدت مفتاح الحوش وقلبها يدق 💔وفتحت الباب واول مافتحت الباب انصدمت….😱