رواية نزوه محرمه الفصل الرابع عشر 14 بقلم مروان فرج
رواية نزوه محرمه الجزء الرابع عشر
رواية نزوه محرمه البارت الرابع عشر
رواية نزوه محرمه الحلقة الرابعة عشر
.
.
ناض صلاح معا الساعه10 الصبح دار قهوه قعمز ع الصالون وشد تلفونه وجوه رايق وهوا يشرب في قهوته رن تلفون ولقي راكان يرن عليه رد عليه
راكان…خطتنا بدت تمشي سند وحامد صاروا في الحبس، وأول ضربة جات من لجنه الرقابه، المصنع صار تحت التحقيق… وهما ف الحبس توا واحتمال معاش يطلعو منها بكل”وزي ماتبي صار ي صلاح 🔥🙂
صلاح…”بابتسامه خبيثه هكي يبدأ الانتقام… 🔥!”
راكان ..”صلاح… وصلتني أخبار من ناس داخل أنهم توا يحققو معاهم ونا سند حاول يقاوم وكان مش فاهم شي بس تعاملو معاه وضروبه 😂💔
صلاح “ههههههه أخيرًا! كانت جت الساعه يلي كنت نستني فيها ،اللحظة يلي كنت منتظرها من زمان راح يدفعوا الثمن غالي، كل ألم وكل جرح سببهولي، راح نرجعه ليهم مضاعف.”
راكان ….رح يعرفو معا من كانوو يلعبو ورح يندمو صدقني
صلاح….رح نعطيهم درس أنهم معاش يخشو معاي في حرب مايقدروهاش🔥
راكان…خلي الموضوع عليااا ي صلاح وسكر الخط …🔥
صلاح…وهوا يشرب في قهوته خليهم يحسوا بي النار اللي بداخلي وولع سبسي واتكي وشوي وسمع صوت عياط من الدار وناض مخلوع ومشي ولقي حنان تعيط…😳💔
صلاح…. باستغراب خيرك ي حنان شن في شن صاير
حنان….وهياا تبكي وخايفه خوي سند ي صلاح سنددد
صلاح…تي خيره شن في😑
حنان….ماما قالت رفعوه وحطوه ف الحبس ومافيش حد يعلم بشن داير بكل وماما وبابا خايفين عليه ويعيطو نبي نمشي ليهم
صلاح….من داخل فرحان بس قدام حنان دار روحه زعلان هيااا البسي خلينا نمشو لحوش اهلك ونفهمو القصه
حنان….هياا وهيا تبكي وقعدت توتي ف روحها وتوتي ف الصغار 💔
صلاح…طلع براا وولع السياره ودار تلفون وشوي وجت حنان وجابت الصغار ركبو معا صلاح وطلع صلاح ومشي لحوش عمه عشان يفهم شن صاير
حنان .. ارجوك ي صلاح لو تعرف حد يقدر يديرله رايي ماتخليش ماما قريب تهبل ع سند 💔☹️
صلاح …حاضر إنشاء الله
وصلو وخشت حنان وقعد صلاح مصبي معا عمه ويقهم منه شن صاير بالرغم من انا صلاح هوا السبب في كل شي بس كان مداير روحه مش فاهم شي بكل…🔥🙂
في المركز….🔥
حامد (مستغرب ومتوتر) “سند… والله ما فهمت شيء، شنو قضيتنا بالضبط؟ ليش حبسونا وشن فيه المصنع من بكري يسالو فياا اسئله بروحي مافهمت منها شي؟”😐
سند …وهوا مقعمز ف الزنزانه وبين حيوط، ويفكر بعمق: “القضية… مش بس ورق ومحاكم، أنا متأكد إن وراءها خوك صلاح هو اللي حابب يشوفنا هنا، يخلي الدنيا تضيق علينا.😕
حامد …. “صلاح؟ شن دخل صلاح ف الموضوع هوا عطانا المصنع بطيبه خاطر واحني ما تعاركناش معاه ولا شي ليش بيدير هكي ؟”
سند… “اللي صار في المصنع… الخطة كانت ضدي وضدك. يمكن هو اللي لعب اللعبة من ورا الستار كل خطوة محسوبة ونا حسب مافهمت انا الموضوع فيها تزوير وبضاعه فاسده ومواضيع كبيره يستر الله وخلاص 💔”وحط يديه ع راسه وكان اول مره سند يخاف من شي …💔
حامد “أنا تعبت يا سند… تعبت من كل شي ماريتحت بكل ، تعبت عن بعد عن أمل، تعبني كل شيء واول ماؤح نطلع من هنا رح نسافر برا معاش نبي نقعد دقيقه اهني💔😩
سند: “لازم نطلعو من هنا… بأي طريقه وفي اسرع وقت ممكن تعرف ليش
حامد ..باستغراب وشاد لسند ليش
سند…..لانا كل ماطولنا ف الحبس الموضوع رح يطول واحتمال يصير فيها حكم بمده طويله علينا الزوز 🔥🙂
حامد ….معاش رد علي سند وناض ومقعمز على الأرض، وجهه كان شاحب وعيناه مليانة دموع، قاعد يحاول يمسك أنفاسه وكان يحكي بينه وبين نفسه
“كيف وصلت هنا؟ كيف حياتي انهارت؟ أمل بعيدة، صلاح ضدي، وسند حتي هوا زيهم وحط يديه ع راسه وكان منهار….💔💔
في حوش علي
الناس قعدو يجو شوي وخصوصا بعد سمعو بالقصه وكل حد يجي
صلاح….طلع وجي بيركب في سيارته ولحق وراه عمه علي
علي …بالله ي صلاح دير جهدك شوف موضوعهم شوف اي حد ماتخليهمش يقعدو ف الحبس
صلاح….بدون ماتوصي يعمي إنشاء الله تمشي لامور ويطلعو توا نمشي غادي ونديرهم محامي وكل شي كون هاني😊
علي….بارك الله فيك ي صلاح طمنيي ياولدي وعارفك ني قدها
صلاح…. إنشاء الله كون هاني وركب ف سيارته وطلع وكان جوه حلوو بكل قعد يدهور بالسياره ومشي المركز عشان يشوف سند وحامد بيش بعدين مايقولش مادرنا شي كان يدير هكي قدام الناس بس
وصل صلاح للمركز
وبحكم علاقاته خش طول للحبس وخلوه يشوف سند وحامد ف الحبس
سند….اول ماشاف صلاح جاي استغرب معقوله صلاح درنا هكي وجاي توا وقعد مش فاهم شي😑
صلاح …اول ماشاف حامد بالحاله هاذي زي يلي حس بشغور غريب جدا ماكانش متوقعه انا هكي بيكون حالته…💔🥺
صلاح….حامد شد روحك إنشاء الله كل شي ليه حل خيرك
حامد…نبي نفهم شن قضيتنا وليش حبسونا
صلاح….ع حسب مافهمت قالو المصنع فيه اوراق مزوه وحاجات تانيه مباش يقوليلي عليها بس ماتخافوش حطيت محامي ورح يتبع القضيه وبادن الله رح تمشي لامور ع خير وني معاكم
حامد. .. إنشاء الله
سند….اوراق شنو هادم اكيد من زمان لما كنت فيه انتاا 🙂
صلاح …شاف لسند من فوق لتحت وكانو عيونه نااار ومباش يرد عليه بكل
وسند….ف اللحظه هاذي يتمنا لو كان عنده سلاح بس عشان يقتل صلاح وكان متاكد ميه ف الميه انا صلاح وراه الموضوع
قعد …صلاح شويه معا حامد وحاول يهديه وبعدين طلع وخلا حامد وسند ف الحبس وقعد شوي معا مدير المركز وفهم من انا بكره بيحولوهم لمؤكز تاني ونا ضروري يشوفو محامي بيش مايطولش الموضوع
صلاح … إنشاء الله وركب في سيارته وقعد يفكر ف حامد بس من داخله كان مزال ماشفاش غله وكان قاعد يبي ياخد ثاتره منهم 🔥🙂 وهوا واقف رن عليه راكان وقاله تعال للمزرعه
صلاح….هي شوي ونجيك وكان الوقت بعد العصر…🔥
في المزرعه….🔥
راكان ….كان مقعمز بروحه تحت المظله وحوش السباحه قدامه ماسك تليفون بيده، ويفكر وبس وبعدين شن رح ندير كيف رح نخليه حامد وصلاح يبيعو المصنع ويصبح لياا بس كان متوتر
وكان كل القصه يلي دارها كان يبي المصنع متاعهم لانا من وراء يجيب ملايين وكان يلي داره بدون علم بوه خبيث تفكيره راكان وهوا مقعمز في مكانه ومتوتر وشوي وجي بوه الحاج عبدالجليل.)
الحاج عبدالجليل….واقف وكان وجهه مايتسفرش بكل وكانه سمع بالموضوع💔😨
راكان …..حس بانه بوه سمع بالموضوع وقاله خيرك “يا بوي… في شي
الحاج عبدالجليل…..سمعت كلام بس مش متاكد منه
راكان ….اي اي صح ي بوي وصلوني الاخبار والكلام اكيد… حامد وسند محبوسين بسبب قضية المصنع وكان موضوعهم كبير بكل .”
الحاج عبدالجليل…. (غمض عيونه، وجهه يتغير من الاستغراب لحزن عميق): “ربي يستر… هاذي ضربة قوية، خاصة لعيله الحاج سالم….💔
راكان …”ما تخافش يا بوي، إحنا مع بعض، ورح نطلعهم من هالورطة بادن الله
الحاج عبدالجليل…ني مانحكيش ع الشباب الصغار هادم نحكي ع حياه الحاج سالم السنين اللي عشناها، ما كانت سهلة يعلم الله قديش تعب بيش دار المصنع هذاا اني اكثر انسان كنت نعلم بحياته ويجي فرخ زي ولده حامد هذا يلعب فيه بس الله يسامحه وخلاص بالله دير جهد ي راكان ماتخليش موضوع يكبر اكثر
راكان …..بادن الله ي بوي كون هاني خلي الموضوع علياا🔥
الحاج عبدالجليل….ني بنطلع وبنمشي لحوش علي بوه سند قالو ناس يجوه ع الاقل نفهم الموضوع
راكان….تمام يابوي وراكان ماكانش يبي بوه يشوف صلاح لما يجي هكي الخطه متاعه تمشي احسن…🔥 طلع الحاج سالم ومشي وبعد نص ساعه وصل صلاح وخش للمزرعه وقعمز معا راكان ع الطاوله وكان متوتر شوي
راكان….شاف لصلاح واستغرب من شكله ومنظره وقاله خيرك ي صلاح💔🙂
صلاح….خيرني مافي شي بس قديش لياا نستني ني نشوف هالكلب سند ف الحبس بس الحمد لله واخيراا شفته اليوم
راكان….مش قوتلك خلي الموضوع عليا بس وني حنديره
صلاح (بوجه صارم وعينين مليانين حقد):”راكان،اول شي، لازم نضمن إنهم يقعدوا أطول ما يمكن، ونخلي حياتهم جحيم داخل السجن ع الاقل فتره اولي لين يتربو بدات سند هالكلب هذا
راكان…”تمام، لازم نزيد الأدلة، ونخلق لهم مشاكل قانونية جديدة. نضمن إنهم ما يطلعوش بسهولة، ونخلي سمعتهم تتحطم.”🔥😑
صلاح بصوت بارد”أنا همي كله نتتقم من سند بس ي ركان… نبيه يندم علي كل لحظه دارها فياا
راكان (بابتسامة خبيثة):”عندي بعض الأسماء اللي تقدر تساعدنا… ناس في السجن، وفي المحاكم. بنبني شبكة من المشاكل، وما نسمح لهم يرتاحوا ولا يلاقوا راحة.”
صلاح “خلي الانتقام يبلعهم… ويعلموا إن ما في مهرب من عدلي.”
راكان (يرد بثقة):”وأنا وياك للنهاية… مش رح نخليهم يرقدة ولا يوم بسلام.”
وقعد صلاح وراكان ف المزرعه طول العشيه يهدرزو ويخططو شن رح يديرو وبعدين صلاح استادن بيروح بس راكان قاله تعشي قبل وروح وتعشي وطلع صلاح معا الساعه 10 في اليل من المرزعه ركب ف سيارته وهوا ف الطريق رن علي حنان عشان بيسالها بتروح ولالا 💔😐
بس حنان قالت لا ف ناااس يجونا ونا مانقدرش نروح ونخلي ماما حالتها حاله
صلاح….باهي تمام وسكر الخط وفي باله جت منك ماعنداش نيه يروح بيها يبي يرتاح وهوا مروح لحوشه وصلته رساله من امل وكاتبلي فيها ع حاجات تبيهم
صلاح….امل احيي اليوم فرصتي🤤🔥 وناخد راحتي ونزل ع المحل خدي كل الحاجات يلي كاتبهم امل ف الرساله ومشي روح لحوشه درس سيارته قدام الحوش ونزل وكان خاطره ف امل هلباا ويبيها 🤤 رقي فوق صلاح للدور الثاني وكان متررد من داخله هك ورن الجرس وشوي وجت امل وقالت من ع الباب
صلاح….احمم انا صلاح افتحي
امل….فتحت الباب وكانت لابسة فقطان لركبه وحاطه ميكب خفيف حلو وصدرها باين وجسمها حلو قعد صلاح واقف وهوا مش بوعيه🤤😳🔥
امل…احمم هات الحاجات يا صلاح شكرا تعبتك وكان تدلع عليه
صلاح …توا نحطهم ف المطبخ ني تقال عليك وخش صلاح
امل …باهي شكرا ومشي صلاح حطهم ف المطبخ وجي وكان امل واقفه ع الباب تستني في صلاح يطلع وفاللخظه هادي صلاح قرب من امل وشدها من خصرها من تالي ولصق فيها 🔥🤤
امل….وسع ي صلاح شن هذا يلي ادير فيه حول😳
صلاح…. يبوس ف امل من رقبتها ويديه لوطا من تالي ومش قادر يمسك نفسه وشدها ع الحيط
امل….صلاح وسع قوتلك ودفعته وقالته حول توا حد يجي ويشوفنا
صلاح….مافي شي اهني بكل
امل….وحتي كان مش رح يصير شي الا لما نتزوجو فاهم
صلاح….امممم باهي معاش تدلعي علياا فاهمه راني ندوب
امل…ضحكت ودفاته وسكرت الباب وخلت صلاح دايب فيها مشي صلاح وخش لحوشه ورقد ع سريره وهوا يفكر ف امل وامتا تكون تحته🔥🤤
تاني يوم الصبح 🔥
في المركز رفعو حامد وسند للمحكمه وعرضوهم علي النيابه وراكان وكل محامي ليهم قدام الناس محامي بس راكان ماقايله طول الوقت وخليه ياخرو الجلسات مهم بعد ساعات وهما ف الجلسه تاجلت لبعد اسبوعين ورح يقعدو ف الحبس🔥
ناض صلاح الظهر ومشي للمركز قدام الناس وشاف خوه ومباش يشوف لسند بكل وسند بعد سمع بالموضوع انا يبي مزال الجلسه التانيه اسبوعين تعب هلباا وكان سند حاقد ع صلاح ولو يلقي يطلع يقتله ويرتاح منه
تسريع الأحداث 🔥
مشو ايام واسابيع وشهور وبعد مرور4 شهور سند وحامد كانو قاعدين ف الحبس مافيش جديد ع محاكمتهم والقاضي كل جلسه يتاجل الحكم عليهم للجلسه يلي بعدها
لانا يطلعو ف اوراق جديده ف القضيه وراكان هوا يلي يمول فيها ويبيها اطول حامد تعب حالته النفسيه وصلاح سمع بالموضوع بس مادوراش لانا عارفه كل من الحبوب والحشيش يلي دخن فيه قال خليه يقعد ف الحبس منها يتوب ومنها يتادب🔥🙂
سند ….دار كل شي بس راكان كان اقوي منه وماخلاش يطلع بكل وقعد سند وحامد ف الحبس وكان مقرر القاضي انا ينطلق القرار ف الجلسه الجايه يلي رح تكون بعد اسبوع وحتكون الفاصله ياما يحكمو عليهم حبس لسنوات او يخفوو الحكم وتنهي القضيه وكان حامد وسند يستنو فيها الجلسه بدقيقه🔥
في حوش صلاح 🤍
صلاح …كان جوه حلوو وهوا حاط سند وحامد ف الحبس مرتاح من دوشتهم 4شهور وقلبه قاعد مارافش عليهم بكل مزال يبيهم يقعدو وهوا مرتاح وجوه حلو ويشوف ف امل ديما وكان يبي يتزوجها بس مزال عنده شوي تربيات وهوا مقعمز ف الجنان جت حنان وجابت القهوه لصلاح حطت القهوه وقعمزت وقعدت تشوف ليي صلاح، وبصوت بارد
حنان: “صلاح، قررت… قرار وكان من الاول لازم يصير 🔥
صلاح….رفعه راسه وهوا مستغرب شن هوا 🙂
حنان….. لازم تتزوج…..🔥
صلاح (مصدوم): “شنو تقول؟😳
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نزوه محرمه)
