رواية نزوه محرمه الفصل الخامس عشر 15 بقلم مروان فرج
رواية نزوه محرمه الجزء الخامس عشر
رواية نزوه محرمه البارت الخامس عشر
رواية نزوه محرمه الحلقة الخامس عشر
حنان: “صلاح قررت… قرار وكان من الاول لازم يصير 🔥
صلاح….رفع راسه وهوا مستغرب شن هوا 🙂
حنان….. لازم تتزوج 💔
صلاح (مصدوم): “شنو تقولي؟😳
حنان (تتنهد ودمعتها طاحت زي ماقوتلك):”صلاح… نبي منك طلب… نبيك تتزوج أمل…”
صلاح مصدوم”شنوو؟ شن تقول يا حنان خيرك شن صايرلك؟” 😳
حنان ….تتكلم بسرعه وهيا مضايقه”ايه… تتزوجها… بس بشرط… عندي شرط واحد يا صلاح…”💔
صلاح (بصوت هادي واستغراب “شن الشرط؟”😳
حنان ..غمضت عيونها ودموعها نزلو”تطلع خويا سند من الحبس… امي تعبانه ي يا صلاح.. تهبلت عليه… وبوي تعب من الهم☹️
لو تحبني، ساعدني ف هالموضوع هدا… واني موافقه انك تتزوج ونا عارفه وحاسه راهو تبي تتزوجها وماتقولش لا وحتي لو ماطلعش خوي رح تتزوجها نا عارفتك تبيها نشوفك ونظراتك لياا يحكو بدون ماتكلم وماتقوليش لا💔
صلاح …قعد ساكت، وقعد يشوف لحنان وهوا مصدوم من كلامها وهو يفكر، قلبه يدق، مش قادر يفرق بين فرحة الفرصة الذهبية اللي قدامه وبين نار انتقامه من سند. مشاعره تلخبطو معاش عرف شن يختار…او شن يقول 🔥
صلاح (بعد لحظة صمت):”يعني انتي راضية؟ راضية نتزوج عليك أمل؟”
حنان (تهز راسها بتعب):”راضية… بس ماتتغيرش علياا بكل وزي ماقتلك طلع سند… ماما تعبت…خلاص معاش تقدر…”☹️
صلاح ….خدي نفس عميق وقاللها ليش تحكي هكي وكاني اني يلي مخلي خوك ف الحبس الموضوع اني مالياش بيه علاقه بكل لامن قريب لا من بعيد هوا يلي ورط روحه ف المصنع وانتي خوك تعرفيه كويس لاخباط كبير ويستاهل يلي هوا فيه توا😐
حنان….باهي عارفه بس انتااا تقدر اديرله رايي وتطلعه من الحبس 💔
صلاح “باهي يا حنان… حاضر… نحاول نطلع سند… وبخصوص موضوع الزواج من امل والل غيرها حاليا مانفكرش فيه بكل ومعاش تعاولي تفتحيلي موضوع هذا بكل فاهمه🔥
حنان فرحت”بارك الله فيك يا صلاح…مش رح ننسي وقفتك هادي طول عمري…”بنقولك نبي نمشي لماما اليوم باهي
صلاح….اول امس كنتي عندها ليش اليوم😐
حنان ..هيا رنت علياا وتبيني نمشيلها
صلاح…..باهي بس تروحي تباتي اهني اليوم فاهمه ولالا
حنان….حاضر هي وخشت وجهزت روحها وخدت الصغار ومشت لحوش هلها وصلاح قعد مكسد شوي ف الجنان وبعدين مشي لبس وطلع ركب ف سيارته ورن علي راكان وقاله تعال نبيك ف القهوه ف ترتيبيات جديده صاروو😐
راكان….تعال للمزرعه ي صلاح طول
صلاح …لالا خلينا نتلاقو ف القهوه احسن بنحكو شوي ع موضوع سند وحامد
راكان. .. باهي اما قهوه تبي نجيك
صلاح ….قهوه ####انا قريب نوصل فيها
راكان….هيا نص ساعه ونكون بحداك وسكر الخط ولبس راكان جاكيته وكان الجو بارد اشتي وقعد يفكر زعما شن في وليش ف ترتيبيات جديده زعما بتكون فرصتي هاذي اني نطلب المصنع من صلاح توا نشوف شن يبي وبعدين نفتحله الموضوع 🔥😐
وركب في سيارته ووصل للقهوه وخش ولقي صلاح يستني فيه طلب قهوه وميه وقعمز
راكان … إنشاء الله خير ي صلاح شن في 😳
صلاح … بخصوص موضوع حامد وسند مش عندهم الجلسه الجايه الحاسمه ولالا
راكان…. باستغراب اي بس ليش😕
صلاح….نبيك تساعدني لاخر مره وتخلي حامد يطلع من الحبس وبمقابل سند ينحبس سند او اقل شوي عادي وبعدين يطلع ني نتابع ف حامد بس هوا تعب وضروري نطلعوه معاش نبيه يتعدب اكثر
راكان…..كيف ي صلاح شن تحكي انتاا ليش غيرت رايك😐
صلاح….اليوم سمعت كلام ومعاش نبي مشاكل خلاص ي راكان ياريت لو تقدر تساعدني ساعدني
راكان….حاضر بس عندي شرط هوا يعني مش شرط شرط بس رح تستفيد منه حتي انتا وتنهي بيه كل المشاكل 🔥🙂
صلاح…. باستغراب شنووو
راكان ….الفتره يلي فاتت تواصلت معا حامد ف الحبس وكنت معاه وعرضت عليه موضوع انا يبيعلي المصنع ويسافر براااا ونعطيه حقه ويكمل حياته براا وهوا وافق طول قالي معاش نبي نقعد اهني ويبي يطلع وكل شي بس ني قولت مش حندير شي الا لما تكون عارف
صلاح…..سكت شوي وكان مستغرب في كل الحاجات يلي دارهم راكان من وراه وقعد يشوف لراكان وهوا مستغرب 😳
راكان …ارتبك فيك شي ي صلاح
صلاح….ااااء لالا خلاص وفكر فيها بينه وبين نفسه لو حامد يطلع برااا ويكمل حياته براا يقدر يتزوج امل براحته ومعاش تصير مشاكل بكل وفي نفس اللحظه حس بتنيب الضمير وهوا مداير مشاكل بينه وبين خوه
صلاح… خلاص ونا موافق
راكان….ع بركه الله مالا كون هاني يلي تبيه رح يصير وكان من داخله فرحان بكل راكان واخيراااا الشي يلي يبيه صارر….🔥
وكسد شوي معا راكان ف القهوه وطلع ومشي لحوش حنان غادي عشان يهدرز عليهم خش ولقي عمه علي ومرته فتحيه مضايقين ع ولدهم بس مباش يدورهم بكل كلم حنان وشدت فيه عشان تقعد وخلاها تبان صلاح …🔥
ركب ف سيارته وروح وصل لحوشه ونزل وقعد يتمشي شوي وخش للحوش ورقي للدور التاني وكان يبي يحكي معا امل وصل لباب حوشها ورن الجرس بس مباش حد يرد بكل😐
قعد يخبط صلاح ع الباب بس مكلمش ف حد يرد بكل
صلاح….باستغراب توينها هاذي وين مشت وطلع تلفونه ورن علي امل ردت امل
صلاح…. باستغراب ويننككككك ي امل مش ف الحوش
امل….انا ف حوش اهلي جي خوي بكري ورفعني ني والصغار نبي نغير جوي اسبوع ونروح
صلاح…بس ني مستاحشتك ونبيك توا🤤🔥
امل …بضحكه بارده هههه قوتلك ني يا صلوحه
صلاح….ههه باهي بس ع فكره جهزيلي روحك قرب الموضوع راهو
امل….احمم باهي بنسكر توا ينادو عليا😉
صلاح….ههههه اهربي اهربي وسكر الخط وخش لحوشه وكان يفكر ف امل هلباااا❤️
مشي اسبوع ع الحال هذا
وسند وحامد قاعدين في الحبس، كل يوم يمرّ عليهم كأنّه سنه وجي موعد الجلسه الحاسمه
حامد… حالته النفسية تعبت وكان يفكر حتي يهرب او يدير اي شي ، تعب من الهم، وقرر بينه وبين نفسه اول مايطلع من الحبس رح يبيع المصنع لراكان ويسافر برااا ويستقر ويرتاح من كل شي ويتزوج حد تانيه ع الاقل يستني امل… يلي بعد مانحبس كرها بكل🔥
سند، كان ف الحبس حالته احسن من حامد بس من داخله يغلي من الحقد،وكل مايدير شي عشان يطلع مايصير منه وكان يستني ف الجلسه وخلاص🙂🔥
جي موعد الجلسه ومشي صلاح وراكان عشان يحضرو الجلسه وكان في شويه ناس ف والكل يستنى القرار الأخير.
بدات الجلسه وحامد وسند حاطين يديهم ع قلوبهم وخايفين والمحامي يلي حاطه راكان كان يدافع عليهم، لخبط شوي حاجات وخلا كل شي علي سند زي ماتفاهم هوا وصلاح 🙂
📢 القاضي بنبرة صارمة: “بناءً على الأدلة والشهادات
أولًا…قررت المحكمه الحكم على المتهم سند غلي بالسجن لمدة سنة واحدة، مع إمكانية الإفراج المشروط بعد 8 شهور، في حال حسن السيره والسلوك.”
سند …وهوا واقف “شنو؟! كل هالمؤامرة وني اللي ندفع الثمن؟! راهو مزور الأوراق شخص ثاني! راهو خوكم صلاح!” 😤 وقعد يعيط بصوت عالي
القاضي يدق بالمطرقة”هدوء في القاعة!”
القاضي”ثانيًا المتهم حامد سالم، تُخلى المحكمة عن مسؤوليته وتعتبره ضحية تضليل إداري، ويُطلق سراحه فورًا
حامد في داخله”الحمد لله… الحمد لله ” 💔
سند “يعيط بصوت عالي كل كذب وافتراء هذااا حسبي الله ونعم الوكيل ويشوف لصلاح بنظرات كلها نار.🙂🔥
صلاح …..بوجه بارد هههه وبين وبين نفسه انبح لغضوا
راكان….شن رايك ي صلاح في يلي صار
صلاح….ميه ميه ف يلي نبيه صار ني وناض صلاح وقاله ني بنطلع طلع صلاح برا وراكان لحق عليه وقاله خليك شوي لين يطلع حامد
صلاح…. كان متردد💔 وقال تمام وقعدو يستنو في حامد قدّام باب المحكمة، وبعد نص ساعه طلع حامد وكان، لابس جلابية خفيفة، وضغيف شويه وتعبان،
راكان واقف ومدرس سيارته قدام المحكمه ، وحاط نظارته وواقف معا صلاح
راكان”الحمد لله ع السلامة يا حامد…”
حامد…الله يسلمك
صلاح (قدم خطوتين):”حمد لله ع السلامة يا خوي…”
ويمد يده، لكن حامد مازال واقف، يتأمل فيه.🙂🔥
حامد “خوي؟ بعد كل شي صار… ماعادش عرفت من خويا ومن عدوي…””بس الدنيا تعلم… وني تعلمت الدرس…”
صلاح “ني درت اللي لازم يندار، وكان لازم كل واحد يعرف قيمته… انت خذيت فرصتك وضيعتها ودرت كل شي ووصلت فيك حتي انك تبي تقتلني والل نسيت.”
حامد….قعدت ساكت ومعاش قدر يتكلم بكل ..💔
راكان”يلا يا حامد، هيا نطلعو … لازم ترتاح،توا وتغير دبشك وركب حامد معا راكان وطلع راكان من قدام المحكمه
ركب صلاح في سيارته وحس من داخله انا انتصر علي علي كل شي وقف ف طريقه …🔥
صح خسر المصنع وكل شي بس ف الاخير رمي يلي كان السبب وراء المواضيع هاذي زوز ف الحبس حامد وسند وخدو حقهم…🔥
روح صلاح لحوشه وخبر حنان بيلي صار وقالها بادن الله 8شهور ويطلع ولو ني ماخشيت ف الموضوع كان ع الاقل رح يقعد 5سنين وفعلا صلاح كلم راكان وركان هوا يلي يلي نقص المده وخلاه سنه بس فرحت خنان وخبرت هلها وفرحو بس سند مافرحش وكان قاعد ف الحبس…ومضايق هلباا 💔
راكان… رفعه حامد لاوتيل وقاله ارتاح وفاليل نحكو ف كل شي وحامد قاله تمام
خش حامد للاوتيل غير دبشه وكل شي وحلق وقعد يستني ف راكان وجاه راكان ف اليل قعمزو معا بعض وهدرزو ووافق حامد وباع المصنع بسعر كويس لراكان وقرر حامد انا رح يسافر لإيطاليا ويستقر غاد وراكان قالله توا نحولك لفلوس براا
حامد…جهز جواز سفره واووراقه وكل شي وقرر انا بكره ؤح يسافر لي إيطالياا بدون مايخبر او يتلاقا معا صلاح بكل….او يرجع ويشوف صغاره او يشوف امل💔
تاني يوم راكان جي خدي حامد ورفعه للمطار وكلمه كل اجراراءت وسافر حامد لي ايطاليا ورن ع صلاح وخبر بكل يلي صار وخبر انا خدي المصنع منه
صلاح تحسر بس قال احسن مهم راحت البال🤍
ورن علي امل وقاللها معاش تخافي وروحي لحوشك حامد سافر برا ومعاش يرجع بكل ونا من اليوم رح نكون ليك وكل شي 💋
امل….واخيرااا وفعلا رجعت لحوشها وحنان روحت حتي هيا…❤️
مشووو ايام وشهور وحنان كانت تحاول ادير مشاكل بين صلاح وامل وعلي قد ماحاولت بس صلاح كان يحب امل هلبااا ويبيها وكل شي وحنان كان تحرج وترجع للحوش بس بدون اي فايده 💔
راكان….خدي المصنع وفتحه من اول وجديد وبدا يخدم فيه وبوه سمع بالموضوع وكلم صلاح وصلاح قاله خداه باعه خوي ع طيب خاطر 🔥
سند …قعد ف الحبس فتره هاذي وفتره الحبس فادته هلبااا وبدا شوي شوي يغير من نفسه وتحس طبعه هلباا ومعاش زي قبل كان يفكر اول مايطلع من الحبس رح ينتقم من صلاح بس لقي شيخ ف الحبس وغيريه هلباا 🤍
تسريع الأحداث 🔥
بعد مرور سنه واخيررااا بعد كل شي تزوج صلاح من امل وحنان ف الاول عارضت وطلبت حتي طلاق وكانت تبي تطلق بس صلاح عرف كيف يعاملها ويجيها ليه وبحكمته وعقله خلاه تعيش معاه ومباش يطلقها ع خاطر صغارهم وقعدو معا بعض ف حوشهم الفيله يلي ع دورين وصلاح بدا ف العمل وفتج شركه مقاولات ورجع للعمل من اول وجديد ومعا الايام حنان وامل علاقته بدات تتحسن احسن من قبل 🤍
سند بعد مرور سنه كامله طلع من الحبس ورجع تفكيره مختلف ع يلي قبل وكانت اول خطوه ياخدها انا يسافر لي بنغازي ويخدم غادي ويبعد علي كل المشاكل يلي اهني وفعلا سافر واستقر غادي وبدا يخدم ومعاش تواصل معا صلاح بكل وراتاحو منها🔥🙂
حامد …بعد استلم فلوسه من راكان راكان قاله برا لدبي اخدم غادي وفعلا حامد سمع النصيحه ومشي لدبي وكان شغله منظلم في مكتب أنيق حامد لابس بدلة رسمية، وعنده شركته الخاصة في التسويق الرقمي. مقعمز حامد ف مكتبه وخشت عليه سكرتيره:
“سيد حامد، في اجتماع بعد عشر دقايق.”
حامد (بابتسامة هادية):”تمام… هي شوي ونجي
وطلع صوره من المكتب من الكجر…صورة قديمة تجمعه مع أمه وأبوه وأخوه صلاح،قعد حامد يشوفها بنظره ومركز وقال مرّينا من النار… لكنني تعلمت إن النزوة اللي تهد روحك… لازم تدفع ثمنها.”🔥
استقر حامد في دبي وتزوج ، وفتح صفحة جديدة بدون رجعة خصوصا بعد ماعرف انا امل تزوجت قرر انا معاش يرجع بكل ….ولاعاد يبي يرد لذكريات الاولي وكان مره مره يرن علي صلاح ويحكي معاه بالتلفون ويشوف ف صغاره وهك🔥
راكان…. واقف قدام العمال في المصنع، يعطي في توجيهاته، حاط شعار جديد فوق الباب:
“مصنع الراكان للإنتاج الغذائي” كان ماشي شغله صح، واستقر، لكن في عيونه حذر… لأنه عاش خداع، وعرف إن اللي يلعب نار الانتقام… ممكن يتحرق فيها وعلاقته معا صلاح كانت كويسه والشي الحلو انا بوه ديما داعمه وواقف معاه….🔥
روح صلاح للحوش وقرر انا بكره يرفع نسوانه الزوز للمزرعه وخبر راكان وخدي منه المزرعه وجهزوو روحهم ومشو تاني يوم العيشه للمزرعه هوا وامل وحنان….🤍
الصغار كان جوهم حلو خش صلاح للمزرعه ونزلو حاجاتهم وشاف الحاج عبدالجليل من بعيد جاي مشي وسلم عليه وقعد يهدرز معاه شوي وكان يشوف ف امل وحنان من بعيد وهوا ف داخله محلاكن وانته الزوز جنب بعض🔥🤤😂
الاولاد يلعبو والجو دافي ولا احلي من هيك.
حنان وأمل قاعدين جنب بعض تحت المظله ويرتبو ف الجاجات
حنان….هيا ي امل رتبي الحاجات تاخرنا ع العشي راهو☹️
امل….اهو طيف وصلنا مااسرع عاد🙂
صلاح…جي من بعيد، لابس بدله عربيه وشاد براد شاي، وطواسي وجي قدامهم وهو وابتسم
صلاح (بمزاح):”نعطيكم شاهي والا نجيبلكم مشاكل زي زمان؟”
حنان (تضحك):”لا لا… توا نبو شاهي وسكينه بلا عمايلك القديمة 😅”
أمل (تضحك):”المشاكل … خلاتنا خوات من بعد نار الغيرة، صرنا عيلة.”😂🔥
صلاح (يغمز):”يعني سامحتوني وتحبوني؟”
حنان (بحنية):”اللي فات مات، المهم شن درت من بعد.”
أمل (بهدوء):”وراك يا صلاح، مادام حطيت النزوة وراك، وحطيتنا قدّامك.”
الصغار…”بابااا شوف شني بنيت دار بالطين!”
“ماما تعالي شوفي لعبتي!”🤍
صلاح شد صغاره وحضنهم:”هام رزقي الحقيقي… مش المصنع، ولا الشركة… هام يلي نحبهم من القلب.”
صلاح بين نسوانه، والأولاد يضحكوا، والشمس تغيب بهدوء، وأصوات عصافير… والمكان كله سلام.🤍
وهادي كانت نهايه قصه نزوه محرمه نتمني تكون عجبتكم واستمتعو بكل حلقه من حلقاتها….❤️
وفعلا كانت عباره عن نزوات صلاح وايام طيشه معا البنات يخطب ويسب فيهم قبل لايحب البنت يلي خشت قلبه كان عنده نزوه ويحب البنات هلبااا
وحامد لما تزوج وكان يدخن ويحشش وكانت عباره عن نزوه محرمه …..
وحنان ….لما تزوجت صلاح ع خاطر فلوسه وزرقه بس فالاخير تغيرت وامل يلي عانت بس ف الاخير حصلت شي يعاملها كويس وارتاحت معاه وهلبا حاجات صارو ف كل الحلقات ❤️
نتمنتي أنكم فهمتوها الروايه بالمعني الكامل وحبيت نوصل فكره بيها نتمني تكون عجبتكم واستفدتو منها
“نزوة محرّمة… كانت بداية، مش نهاية. كانت لحظة ضعف… تحوّلت لقوة وعيلة متماسكة.”
✨ النهاية ❤️
لقراءة الرواية كاملة اضغط على : (رواية نزوه محرمه)
