رواية نزوه محرمه الفصل الثالث عشر 13 بقلم مروان فرج

رواية نزوه محرمه الجزء الثالث عشر

رواية نزوه محرمه البارت الثالث عشر

رواية نزوه محرمه الحلقة الثالثة عشر

.
وطلع من حوشه وخدي نفس عميق، ورقي فوق للدور التاني
صلاح ….حط يديه ع الباب وفتح الباب وخش للحوش ولقي حنان وامل شادات ف بعض ويتعاركوو😱🔥
حنان… كانت شاده امل من شعرها وامل شاده حنان ويضربو ف بعض 🔥
صلاح….وقف مصدوم، شن يلي قاعد يصير اهني وعصب ،”انتو… انتو الاثنين؟!!! هاديآخرتها؟!!!وجي شد حنان وفكها من امل
امل… بعصبيه وشعرها مشفشف شن دخلك انتي؟! خشيتي حوش اطلعي قبل ما نكسرلك وجهك!”
حنان… قربت منها، دفعتها بيدها ع صدرها:
حنان:”انتي وحده مش متربيه وكانت ادف في امل
أمل… دفعت حنان، وشدتها من شعرها تعرفي ماتسكريش فمك نوريك !”
صلاح ….فكهم مره تانيه والتفت علي حنان وقالها “انتي شتبي هني يا حنان؟! من قالك تجي اهني لحوش امل شن قوتلك قبل لانسافر مش قوتلك مانبيش مشاكل؟!”
حنان (ببرود مستفز): “جيت نعلمها الأدب… تعلمها ما تلعبش علي رجالة الناس هالكلبه هاذي!”
(صلاح بدون ما يحس ع روحه، يرفع يده، ويعطي حنان كف قدام أمل… 😳🔥
حنان حطت يدها ع وجها وقعدت، ماسكة خدها، وعيونها قريب ينزلو مصدومة!)💔
صلاح (بصوت مبحوح): “انتي آخر وحدة تعلم الناس الأدب! اطلعي من هنا قبل ما نخليكي تندمي طول عمرك!”
(حنان دموعها نزلوو ، وشافت لامل وصلاح وطلعت وهي مصدومه وتبكي💔
(صلاح قعد واقف، وخذي نفس عميق، ويحاول يهدي روحه، أما أمل واقفة مكانها، قلبها يدق بسرعة، ومصدومة من اللي صار قدامها ماتوقعتش صلاح يدير هكي بكل😳💔
صلاح …قعد شوي ونزل تحت لحوشه خش ولقي حنان مقعمزه ف دار النوم ومسكره ع روحها جي ودق الباب بس حنان مابتش تفتح بكل ع قد ماحاول صلاح
صلاح …مش واتكي ع الصالون وولع سبسي الله قديش كنت مرتاح من مشاكل اني شكلي بنرجع عند راكان وبنقعد ف المزرعه بكل تي مش معقوله من اول يوم طول مشكله هك اوووف وخلاص واتكي ع الصالون لين خداه النوم 🔥
حنان….قعدت تبكي وهيا مصدومه من ردت فعل صلاح يلي ماكانش متوقعه انا يجي يوم ويضربها هك بجد كانت مصدومه ورقدت ع السرير وهيا تبكي💔
———————————–
تاني يوم الصبح 🔥
صلاح… ناض ع مكالمه من تلفونه وكان يرن عليه خوه حامد ع الصبح خدي تلفون واستغرب لما لقي خوه يرن عليه صلاح صبح ي فتاح شن في ورد علي خوه😐
حامد…. الحمدلله على سلامتك ي صلاح سمعت انك روحت
صلاح…اي امس الله يسلمك
حامد….ني براا الحوش
صلاح….قدام حوشي يعني😳
حامد …..اي مقعمز ف الجنان تحت المظله
صلاح…..تمام شوي ونجيك وسكر الخط واستغرب شن في وليش جاي حامد ع الصبح مستحيل انا جاي بيقوله الحمد لله ع السلامه اكيد في شي☹️🔥
غسل صلاح وجهه وطلع براا لقي حامد مقعمزه وكان متوتره واضح عليه قعمز صلاح وهدرز معا حامد شوي وبعدين سكتت حامد شويه وقاله… بالله عليك نبي منك طلب… نبي منك خدمة، وأنا عارف إنها مش سهلة بس نبيك تحاول
(صلاح…. ولعه سبسي وكان اول مره يدخن هكي قدام خوه الكبير عارف انا يبي شي في وشافله “شن فيه يا حامد؟😐
حامد:”أمل… أمل يا صلاح… مش قادرة نعيش بدونها… كل يوم نذوق الموت مية مرة بلاها… بالله عليك يا خوي، انتا ساعدتها زمان لما كانت ف حوشنا القديم ، وتعرف طبعها… كلمها، أقنعها… خلى ترجعلي، خلى تسامحني…”💔
(صلاح بنظرة طويلة، يحس بوجعه، لكن قلبه مليان حقد ع اللي صار… يطلع نفس عميق ببرود حامد… أنت تعرف شن دارت أمل فيك وشن درت فيها… مش بالساهل ترجع القلوب كيف كانت… انكسر اللي انكسر…”🔥🙂
حامد (بلهفة):”نحلفلك يا صلاح… والله رح نعوضها علي كل شي صارلها… والله ما نخليها تحتاج شي… بس هي، تكسر راسها وما تبي تسمع مني… أنت صوتك ياثر فيها… كلمها، ولو حتى بكلمة منك ممكن ترجعلي 💔
(صلاح…ناض من الكرسي سكت شوي، بعدين يرد بصوت هادي”تي يا حامد… كيف تبي مني نقنعها وهي خلاص قفلت عليك بابها؟ كيف تبي مني ندخل في قلبها غصب؟” مره قاتلي معاش نبيه نهائى 💔🔥
حامد (دموعه في عيونه):”تي بالله عليك يا صلاح… انقذني من هالوجع… ماعادش نتحمل… والله كل ليلة ننوض من نومي نقول نمشي عندها، نقعد عند بابها، نترجاها، لكن خوفي تذلني قدام الناس يزيد القهر قهر… بالله عليك، كلمها انت…”☹️
(صلاح التفت لي حامد ، وقرب منه، وحط إيده ع كتفه باهي يا حامد… بنحاول… بنكلمها، لكن ما نوعدك بشي… أمل دماغها مسكر، وخاصة بعد اللي صار… ولو ما ردتش، متلومنيش… خاطر الموضوع بينكم مش بسيط…”
حامد يشهق شهقة عميقة، وشد في صلاح
حامد:”يكفيني تحاول يا خوي… والله يكفيني… بارك الله فيك…”
صلاح….شن امور المصنع توا بعد ماشديته انتاا
حامد… الحمد لله بخير تعال دير زياره غادي
صلاح…. إنشاء الله بادن الله توا نجي
حامد…..هي نستادن ني مالا 🔥
صلاح….تمام طلع حامد وصلاح صار تبي ترجع لامل نجوم السمي اقربلك من امل وخش لحوشه 🔥 غير دبشه وخش للمطبخ دار قهوه ومشي لدار نومه خش ولقي حنان راقده لبس دبشه وطلع طول 🔥
في المصنع
وصل …حامد وخش داخل للمكتب وكان الشغل ماشي كويس حامد خدي تلفونه ورن علي امل بس لقي امل حاطاته ف الحظر وبعدين معاك انتي شن هذا بس وشوي وجي سند للمكتب
سند….قعمز وقاله اسمعت انا صلاح روح من السفر
حامد….اي كنت بحداه توا
سند…. باستغراب توا توا يعني الصبح 😳💔
حامد….اي كنت نبيه ف موضوع بس خيرك ليش تسال
سند…لا شي غير سالت بس
حامد…شن امور العمل ف المصنع كل شي ماشي كويس
سند…اي ماشيه لامور بس خيرك ي حامد نحس فيك مش ع بعضك
حامد…مافي شي ومعاش تسالني ع شي يكون احسن تمام
سند….باهي تمام وخدي روحه وطلع براا واستغرب خيره حامد وشن في ورن علي حنان بس حنان ماردتش عليه 💔
في المزرعه…🔥
وصل صلاح للمزرعه بعد ماكمل شوي مشاوير ليه عشان كان متفاهم هوا وراكان يتلاقو درس السياره ونزل بخطا ثابته رفع عيونه وهوا يمشي وشاف العيله مقعمزين هكي🤍
الحاج… عبد الجليل مقعمز ع كرسيه ، لابس جرده ألابيض وطاقية ، ماسك عكوزه بين يديه، وحاط نظارته وسبسيه ف فمه
راكان….مقعمز حنب بوه ،يشرب ف قهوه ويهدرز معا حد مقعمز كان عاطي لصلاح بظهره❤️
سيرين….، مقعمزه جنبهم وتهدرز معا راكان ع شوي حاجات بيناتهم 🔥
صلاح مشي بخطى بطيئة، لعند ماوصل فيهم صلاح “السلام عليكم يا عمي عبدالجليل.”
الحاج …: “وعليكم السلام يا ولدي… حيّاك الله.”
سيرين…لفت واستغربت من😳 تلفت وجت عينها ف عين صلاح لأول مرة من لما كانو صغار
لحظة صمت تمر، كأن الوقت وقف صلاح شاف سيرين ملامحها بريئة، عيونها كبار خدودها موردة من حرارة الجو.
صلاح ….سلم ع راكان ومد يديه لسيرين وتحشم ماعرفش شن يدير😂💔
سيرين …..اهلين صلاح وسلمت عليه
صلاح …اول ما قالت سيرين صلاح فتح عيونه واستغرب كيف عرفته هاذي ومن تكون طبعا صلاح ناسيها بكل..😂🙂
الحاج عبدالجليل: “هادي بنتي سيرين… نور عيوني اكثر وحده نحبها ف صغاري .”
صلاح….اااء سيرين اهلين فيك معليشي ماعرفتكش الحق
سيرين…. بصوت ناعم لكنها مرتبكة شوية:”تشرفنا…”😊
صلاح: “الشرف ليا، بارك الله فيك”
سيرين….تحشمت وناضت وصلاح قعمز وقعد يهدرز وشوي ناض الحاج عبدالجليل وقعد صلاح معا راكان وهما يحكو
صلاح….شن صار ف الخطه يلي قوتلي عليها 😕
راكان “خليها عليا… يومين بالكثير وتسمع بحامد وسند ف الحبس خلاص ني بديت ف الموضوع وكل شي ماشي صح
صلاح …ريحيني منهم تعبت راهو
راكان …ع طول تعبت راهو وكان صلاح يفكر اول شي كيف يبعد حامد ع امل لانا عارف انا خوه هذا مريض واحتمال يدير حتي كارثه 💔 في أمل
راكان …اصبر خليني نتصل بواحد ونقوله شن صار معاك ورن عليه راكان وصاحبه قاله يومين بس ونكملو كل شي
صلاح…. طمنتي ي راكان…..🙂🔥وقعد صلاح ف المزرعه ماكانش يبي يروح للحوش عشان ماراسه يوجعه….🔥🔥
مشي الوقت وجي اليل وروح صلاح لحوشه خش داخل وكان الجو هدوء بكل وحنان مقعمزه ف دار الصغار ❤️
صلاح….قعد مقعمز ع الصالون ومباش يخش ع حنان وفتح الشاشه وقعد مكسد عليها هكي لعند ماطلعت حنان ومشت للمطبخ
صلاح….حس بانا لازم يصالح حنان وناض ولحق عليها ف المطبخ ولقاها تغسل ف المواعين جي وحضنها من خصرها❤️وباسها من رقبتها وقالها قاعده زعلانه مني😊
حنان….مابتش ترد عليه بكل وحاولت تفك روحها منه
صلاح…باسها بوسه تانيه ولفاها قدامه وقالها احكيلي مانحبش جو التجاهل هذاا قاعده زعلانه امس كنت مروح وعصبت ومش بقصدي
حنان….نسالك وتجاوبي بكل صراحه😐
صلاح….اي اكيد ورفع حنان وقعمزها ع الرخامه وجي بين رجليها وحط يديه وراء ظهرها
حنان…تحب امل انتا وتبي تتزوجها
صلاح…امممم اسمعنييني تمام نا لو نبي نتزوج عليك حنتزوج باهي مافيش شي يمنعني بكل ني مش مقصر معاك ومش حنقصر معاك بكل حتي لو تزوجت وكل شي وبخصوص امل مانحبهاش وموضوع ها سكريه تمام لانا مانحبش امه🔥🙂
حنان….يعني رح تتزوج علياا
صلاح….لو نبي وعندي نيه رح نتزوج القرار ليا وبس وهوا يحكي معا حنان سمعت صوت فوق تخبيط وتكسير ….انصدمت 😳وطلع صلاح بسرعه ورقي فوق للدور التاني ولقي حامد واقف ع الباب ويديق ف الباب بقوه…😐🔥
صلاح….حامد شن ادير اهنئ 😳
حامد…نبي نحكي معا امل شوي بس واخر مره حتكون
صلاح…باهي هدي روحك شوي ودق ع امل وقالها اني صلاح وافتحي الباب
امل…اوووف باهي وفتحت الباب صلاح خش ي حامد وخدي صلاح الصغار ونزلهم لوطا عشان مايسمعوش العياط والعراكات ورجع صلاح قعمز عشان عارف خوه انا بيدير اي شي
حامد… امل بالله عليك…ساد عناد… راهو والله قلبي محروق… تعبت منك… أنا غلطت، إي نعم، لكن سامحيني، خلينا نرجعو… راهو ما نقدرش نعيش بلا بيك…💔
أمل (ببرود وقهر):حامد… خلاص! انت اللي كسرت بينا كل شي… وانا مش حنرجع لراجل خان ثقتي وجرحني قدام الناس وقدام روحي… متعبش روحك.
حامد (ينزل راسه،يا أمل… أقسم بالله العظيم هادي آخر مرة تسمعي مني كلمة تضايقك… وعد، وعد راجل، ما نضيقك لا بكلمة ولا بنظرة… بس خليك جنبي…
أمل….شافت لحامد في عيونه وقالته لو تحبني صح يا حامد… اطلع من حياتي وخلي بينا احترام، وما تعاودش توقفلي قدامي. راهو لو حاولت تضيقني مرة ثانية… حتشوف وجهي الحقيقي، ومش حيطيبلك عيش!🔥🙂
حامد ..حس بكلامها زي السكين، يا ريت كنت نقدر نرجع الوقت لورا… لكن خلاص… فهمتك… وربي يوفقك… سامحيني ع كل شي…
[صلاح ….مقعمز في مكانه وعاجبه الكلام وجوه حلو لنم
أمل…ناضت اسمع معاش ترن عليا بكل وما تحاولش تراسلني ولا تتصل بيا… خلينا كل واحد في طريقه وخشت لدارها وسكرت الباب وراها بقوة،
حامد ….وقف خدي مفاتيح سيارته وطلع لحق عليه صلاح وققف عليه ف السياره
صلاح (بصوت هادي):خلاص يا خوي… كل شي قسمة ونصيب… شد روحك.
حامد … إنشاء الله وطلع حامد هوا مكسور وطع صلاح خدي الصغار ورفعهم لامل وقالها متاع ساعه تانيه نبيك ندق افتحي الباب
امل…به تمام ورجع صلاح لحوشه
حنان….من كان فوق ي صلاح
صلاح …حامد جي وحكي معا امل شوي وطلع عشان ترجعله
حنان….وهيا شن قالت😕
صلاح …مش عارف الحق ماكنتش معاهم أمورهم يرجعو اولا
حنان ….باهي مهم بنقولك انا بكره بنمشي لامس الصبح وتوا تصبح ع خير
صلاح….تمام وانتي بخير وخشت حنان وسكرت عليها دار النوم ورقدت وقعد صلاح مقعمز قريب ساعه وبعدين ناض فوق ومشي لامل ودق الباب بشوي امل فتحت الباب وخش صلاح بهدوء 🔥🤤
وهوا واقف وبشوف لامل كانت لابسه فقطان حلو وهكي
صلاح…بجد ي امل مش رح ترجعي لحامد بكل
امل…. خلاص قراري وخديته😐
صلاح….باهي بنقولك نا نبيك ونحبك موافقه تكوني مرتي
امل…سكتت شوي ورفعت راسها وقالته اي انتا يلي وقفت معاي وعوضتني ومش رح نلقي احسن منك
صلاح….وهوا يشوف لجسم امل من الفقطان وقرب علي امل وشدها من خصرها ع الحيط وقرب اكثر وباسها بوسه من رقبتها هك وماقدرش يقاومها
امل…وسع صلاح مش توا ارجوك
صلاح…قديش ليا خاطري فيك تكوني مرتي 💋 ونبيك معاش نقدر وشدها من خصرها ليه بقوه وحط يديه من تالي 🔥🤤
امل…اي بس مش توا قوتلك مانقدروش توا نتزوجو لين يمشي سنه قبل
صلاح….ممممم باهي حاضر مهم حتكوني ليا وبس
امل… إنشاء الله وطلع صلاح ورجع لحوشه وكان قريب يطير من الفرحه واخير الشي يلي يبيع رح يصير منه وامل حتكون مرته… رحع ورقدع الصالون وجوه حلو لنم🔥💋
تسريع الأحداث 🔥
بعد مرور اسبوع ع الحال هذا حامد معاش كلم امل بكل فقد الامل وكان يخدم وخلاص وكان يفكر يسافر ويكمل حياته برااا تعب…💔
سند ….قعد مستمر ف الخنبه واي شي يقدر عليه يخنب وحامد مايعملش بشي
حنان….كانت عارفه انا ف شي بين امل وصلاح وكانت تفكر انها تطلق بس مش قادره تسيب صغارها وتتنازل ع صلاح وتفكر كيف تقتل امل💔
صلاح مع راكان في المزرعة، طول الاسبوع هدا جابو ناس من السوق السوداء، وبدوا يحطوا خطط لتوريط المصنع في قضايا نصب، عقود مزورة، شحنات مضروبة، فواتير ملبوسة…وكملو كل شي ووصلوهم لي لجنه الرقابه الاداريه وكان موعد اللجنه رح تطلع بكره للمصنع ورح ينهي كل شي 🔥
روح صلاح لحوشه ….في اليل وخش رقد ع سريره وجنبه حنان وكان يقول بكره اخر يوم ورح نرتاح منهم ورقد
تاني يوم الصبح 🔥
صلاح …ناض معا الساعه10 الصبح دار قهوه قعمز وشد تلفونه وجوه رايق وهوا يشرب في قهوته رن تلفون ولقي راكان يرن علي رد عليه
راكان…🔥
صلاح…”بابتسامه خبيثه هكي يبدأ الانتقام… 🔥!”