رواية نبض قلبي الفصل السادس والعشرون 26 بقلم هيام ختعن

رواية نبض قلبي الجزء السادس والعشرون

رواية نبض قلبي البارت السادس والعشرون

رواية نبض قلبي الحلقة السادسة والعشرون

وراح سليم لمي وعطها بوكيه الورد وحضنها وكان مبسوط اخيرا جيه اليوم اللي هتبقي في معايا ع طول وفي حضني وتبقي ملكي انا وبس انا لو عليا عايز اخبيكي بين أحضاني وماحدش يشوفك ولا يقرب منك انتي الامان اللي عيشت ادور عليه طول حياتي
واخد سليم مي ونزلوا القاعه وبدأ الجميع يصقف لهم والشباب كانت بتصفر وبدأت الانوار تطفي وبدأت اغنيه في قلبي مكان ماكنش بيدخلوا انسان لانه امان وكان سليم حاضن مي وبيرقض معاها واول ما الاغنيه خلصت اشتغلت الانوار وبدأت الاغاني تشتغل وبدأ الجميع يرقص معاهم وكانوا مبسوطين وكانوا بيتصورا معاهم وراح سليم واخد الميك من بتاع الديجه
سليم. : انا بشكر كل واحد فرحان لينا من قلبه والنهارده اسعد يوم في حياتي أو بمعني انا النهارده يوم ميلادي وحابب اقول لمرأتي الكلام دا ( لو قولت للك كل الكلام الحلو مش هيوصف احساسي ليكي انتي بالنسبه لي الحياه حضنك البيت والأمان ادفع عمري من اجلك واعيش حياتي تحت امرك كوني ليا االسند في الحياه وهكون ليكي الأمير اللي اتمنيتي تعيشي معاه ومهما كبر عمري هيفضل حبك يكبر معاه ♥️)
مي كانت مبسوطه وكانت مكسوفه من الناس الموجوده اللي صقفو اول ما سليم خلص كلامه وصحابه كانوا بيصفره وهو راح ليها وبص لها وبكل حب
سليم. : بحبك بوعدك انك هتكوني اسعد انسانه في الدنيا
مي. : وانا كمان بحبك اوي
وخلص الفرح وكل واحد راح ع بيته وسليم اخد مي وطلعوا الاوتيل وكان مزين لها الاوضه ببلالين بشكل قلوب والشمع وتربيزه عليها الاكل وكان عامل جو رومانسي حلو اوي
مي. : الله حلو اووي
سليم. : قرب منها وحضنها من ضهرها وبيبوسها من رقبتها انتي احلي ي روحي
مي. : بتوتر طيب يلا ناكل
سليم سحب لها الكرسي وقعدت وهو قعد غ الكرسي المقابل ليها وبدأ يأكلها
ومر الليل باجولءه الرومانسيه واتى نهار جديد مشرق واخد سليم مي وسافروا شهر العسل وسالم ونهال وعز اخده حاجاتهم وراحوا الفيلا وطبعا كانت معاهم نوسه
نوسه. : اي الجونينه الكبيره دي يوعز بيه
عز. : عجبتك
نوسه. : ايوه جوي يوه يوه هما حاطين البانيو هنا
عز : لا دا مش بانيو
نوسه : الله ياعز بيه دا في مورجيحه تعال نجربها
وراحت نوسه ركبت ع المورجيحه وكان عز بيزقها وكانت مبسوطه وطلب سالم من السواق أنه يجيب نور ويوسف
مي. : انت هتوديني فين
سليم. : بطلي رغي بقي مفاجاه
مي. : ها وصلنا
سليم. : اه خلاص وصلنا
مي. : اي الهدوء دا انت ناوي تخطفني ولا اي
سليم. : هو انا لسه هخطفك انا خطفتك خلاص
ونزلت مي من العربيه وكان سليم عامل لها جو رومانسي في أحد شواطئ الساحل الشمالي
مي. الله ي سليم حلو اووي بس فين الناس
سليم. : قرب منها وحضنها من ضهرها انا حابب اكون انا وانتي بس مش عايز حد يشوفك انا بس اللي اشوفك نفسي اخبيكي من الناس كلها
مي. : انت للدرجه دي بتحبيني
سليم. : كلمه بحبك دي حاجه قليله انتي ادمان في دمي انا كل دقه في قلبي بتقول اسمك
مي. : التفتت ليه وانا كمان بحبك اووي
وقرب سليم من شفتيها وقبلها وكانت هي مستسلمه لي وماكنش في غير اصوات امواج البحر حواليهم
ومر شهر العسل ع مي وسليم كأنه يومين بس طبعا سليم مش هينفع ياخد اجازه اكتر من كده ورجعوا
نهال. : حمد لله ع السلامه
سليم. : بيحضنها الله يسلمك ي حبيبتي
نهال. : اي ي مي انبسطي ي حبيبتي
مي. : جدا ي حبيبتي
نهال. : طيب يلا اطلعوا غيروا هدومكم عشان الغدا
وطلعت مي وسليم غيروا هدومهم ونزلوا عشان الغدا وبعد ما خلصوا اكل قامت مي تساعد نوسه
نوسه. : البيت دا كبير جوي وانا مش هقدر اعمل كل حاجه لوحدي
نور. : احنا ممكن نجيب واحده فليبينيه
عز. : تفتكري هتعمر مع نوسه دا هيبقي فضحتنا بجلاجل في الكومبوند
نور. : ع رايك لا بلاش خليها لوحده عشان تتعب وتنام وماتعملش مشاكل
مي. : انا اساعدها
وفعلا قامت تساعد نوسه ودخلت معاها كل الاطباق وكانت نوسه بره المطبخ ودخل لها سليم وحضنها من ضهرها
مي. : بتزقوا سليم اتلم عشان ماحدش يشوفنا
سليم. : انتي مراتي
مي. : انا بتخرج ي سليم عشان خاطري بلاش رخامه بقي قدام حد
سليم. : مافيش غير انا وانتي
نوسه. : والشيطان ي سليم بيه
سليم. : بخضه انتي طلعتي منين مش كنتي بره
نوسه. : ايوه كنت بره بس عيب ي سليم بيه اللي بتعمله دا مش في رائحه والجاي لازج لها كده البت تسهج منك خليك تجيل كده
سليم. : ماتخليك في حالك
نوسه. : انا بجي أعلي صوتي واجول للست نهال انا شوفت اي
سليم. : لا ما خلاص مابقتش بخاف دي بقت مراتي
نوسه. : جلبك بجي جامد ي سليم بيه
سليم. : ايوه يلا اعملي لي قهوه وهاتيها بره
وطلع سليم ومي قعد مع عز ونور في حديقه الفيلا وعملت نوسه القهوه وطلعت قعده معاهم
نوسه. : القهوه ي سليم بيه
سليم. : شكرا ي نوسه
نوسه. : الشكر لله
عز : اي الادب اللي نزل عليكي دا
نوسه. : سيبني في حالي يعز بيه اصلي مكتئبه
عز. : مكتئبه هي الدنيا جرا فيها أي نوسه مكتئبه ازاي طيب
نوسه. : لي هو انا مش انسانه زي بقيت الناس وعندي مشاعر وأحاسيس
عز. : طيب اي اللي مزعلك
نوسه. : نفسي اتعلم واتثقف واكون زيكم بس نفسي حد يديليني انا قررت افتح صفحه جديده في حياتي واتعلم
عز. : بيحط أيده ع جبينها انتي سخنه ي نوسه
نوسه. : شوفت انت فاكرني بهزر بس انا والله بتكلم جد بطل بجي تتريج عليا وابجوا شوفوا حد غيري ينضف ويكنس انا مش هشنغل عند حد
عز. : طيب وهتروح فين
نوسه. : انا مش هروح في حته دا بيتي زي ماهو بيتكم انا فرد من افراد الاسره
نور. : فكرتك ماشيه كنت هفرح اووي الصراحه
نوسه. : عارفه ي نور انا كان نفسي يبجي عندي اخت بنت تحبيني وأحبها وتكون سندي في الحياه وانا بحب جوي ي نور ولو حابه أننا نكون اخوات وصحاب ماشي انا هجوم اجعد مع نفسي شويه وانام
وقامت نوسه وسابتهم وكانوا مفكرين أنها بتهزر بس هي ماكنتش بتهزر هي فعلا حابه تتغير وتبقي حد متعلم ومثقف
مش عيب أن الإنسان يغير من نفسه حتي لو مرت سنين العيب هو أنه يفضل ثابت مكانه ومابيعملش حاجه
طلعت مي وسليم اوضتهم وطلب سليم من مي ترقص له
سليم. : ارقصي لي
مي. : لا اتلم
سليم. : عشان خاطري
مي. : عيب احنا مش عايشين لوحدنا
سليم. : الكل نايم قومي يلا بقي
وبعد محايلات كتير من سليم وافقت مي وشغلت اغنيه الواد قلبه بيوجعه وفي الوقت دا قامت نوسه وسمعت صوت الاغاني
نوسه. : لنفسها اي صوت الاغاني دا جاي منين دا جاي من اوضه سليم بيه
وراحت نوسه عند باب اوضه سليم ومي وكانت مي بتضحك بصوت عالي
نوسه. : بتصقف وترقص العب العب ي سليم بيه ي مولعها ياسلام لو تفتح الباب واتفرج
وفي الوقت دا قام عز ولقي نوسه واقفه ع باب اوضه سليم وبتحاول تبص من فتحت الباب
عز. : بيحط ايديها ع كتفها بتعملي اي
نوسه. : بخضه ولا حاجه
عز. : بيسحبها تعالي عيب اللي بتعملي دا
نوسه. : انا سمعت صوت الاغاني قولت اتفرج ع الاستاذ مي وبترقص وهي بتهز
عز. : انتي مافيش فايده فيكي عيب اللي انتي بتعملي دا اوضه نوم سليم ومي دي حاجه خاصه بيهم ماينفعش تقفي تسمعيهم
نوسه. : استر عليا ي عز بيه
عز. : ماشي ولو اتكررت تاني
نوسه. : مش هتتكررانا نويت اتغير
عز. : اتمني دا
ومر الليل واتي نهار جديد مشرق وقام الجميع كالعاده عشان الفطار وجاه الجنيني مسعد
نوسه. : كانت بتبص له ولنفسها اي الطول دا كله وللحلاوه والجمال دا ي بت ي نوسه في جمال كده
عز لاحظ نظرات نوسه لمسعد
عز. : نوسه روحي اعملي شاي
نوسه : بتوهان هاه
عز. : اعملي شاي
وراحت نوسه تعمل الشاي وقام سليم وعز قعدوا في الجنينه وعز قال لسليم اللي حصل من نوسه وكان سليم متعصب جدا
عز. : انا هراقبها بس انت كمان ابقي خد بالك وكمان هي بتقول انها عايزه تتغير اتمني أنها تكون بتتكلم جد