رواية من اول لحظة الفصل السادس 6 بقلم شيماء الجندي
رواية من اول لحظة الجزء السادس
رواية من اول لحظة البارت السادس
رواية من اول لحظة الحلقة السادسة
“وقفت مصدوم ولساني وقف ومش قادر استوعب ان اللي بسمعه ده حقيقي،، معقول دي هند!!!
بس كررت نفس الجملة:-طارق انت بجد وحشتني اوي انا ندمت يا حبيبي صدقني ندمت اوي يا طارق.. انت مش عارف انا عملت ايه عشان اوصلك ومستعدة اعمل اي حاجة عشان تسامحني
” أخيرا قدرت أجمع الكلام وحاولت اهدأ لاني حسيت ان قلبي هيقف وكان نفسي اصرخ بس معرفش ازاي مسكت نفسي وقولت وانا بضغط علي اسناني بغل:-اااياكي اسمع اسمي منك تاني انتي ايه يا شيخه شيط/انه انا سبت مصر كلها بسببك ومشيت تماما وبقالي 5 سنين متغرب بسببك واخيرا رجعت وانا ماسحك من حياتي تماما ودلوقت راجعة تفتحي الجرح تاني لييييه؟؟
(سمعتها بتبكي فقولت بسخرية:-امسحي دموع التماسيح دي يا انسة لان خلاص مبقاش يأثر فيا اي حاجه تخصك.. امشي شوفي حبيبك فين وسبيني في حالي بقاااا
هند:- معاذ سابني من زمان يا طارق وانا عرفت قيمتك صدقني
طارق:-هه لازم يسيبك عشان اللي تخون مرة هتخون ألف مرة ومتقلقيش هتعرفي مقلب زباله جديد عشان كل واحد بيختار اللي شبهه وبس
“قفلت الخط في وشها بغضب ورميت التليفون في الحيطة وانا بصرخ من قهري وغضبي وبصرخ بأعلي صوت:-لييييه ياربي رجعت تاني لييييه يااارب انا مصدقت نسيت خيانتها وقولت هبدأ من جديد وارتاح تقوم ترجع تاني وتدمر كل حاجه تااااني
(قعدت علي الارض وحاسس ان قلبي مكسور الف حته وقعدت أبكي بحرقة)
عند ملك ~~~
” دخلت اوضة ماذن ببسرعة وانا مرعوبة وقولتله والخوف مسيطر علي صوتي
ملك:-خد اختك بسرعة ومهما حصل برا اياكم تطلعوا فاااهم؟
ماذن بعدم فهم:-في ايه يا ماما.. حصل ايه؟؟
رديت بصوت خافت وانا بشاورله بايدي
:-هوووس مش وقته بعدين هقولك المهم اياكم تخرجوا ابدا.
(ولسه هيرد عليا سمعنا صوت خبط علي الباب جامد، قلبي أتجمد من الرعب وايدي ارتعشت وانا بنزل رحمة من علي دراعي،، خرجت فورا عشان خوفت علي ولادي جيت قفلت عليهم الباب بالمفتاح والاتنين باصين ليا بتوتر وعدم فهم.. وقفت ورا الباب ابص من العين السحرية وشوفت الوش اللي رعبني سنين طويلة.. قلبي اتقبض ونبضه ذاد لدرجة اني خوفت يسمع دقات قلبي من ورا الباب بس بصيت علي اوضة ولادي وغمضت عيني ودعيت في سري
(يااارب احمي ولادي يارب) روحت جري علي التليفون وطلبت حسن اخويا لاقيته غير متاح مجاش في بالي غير “عمر” رنيت عليه فورا
وسامعه صوته من ورا الباب بيقول:-افتحي يا ملك انا عارف انك سامعاني افتحي بدل ما اكسر الباب علي دماغك واعملك فضايح هنا..
(اخيرا عمر رد عليا وهو بيقول بزهق:-خييير يا هادمه اللذات بقي حد يتصل بعرسان في الوقت ده
رديت وصوتي بيرتجف من الرعب:-عمر الحقني والنبي عشان خاطر ربنا
قال بفزع:-في ايه وصوتك ماله؟؟
ملك:- فوزي هنا ومعرفش ازاي عرف عنواني انا هموت من الخوف وهو بيكسر الباب علينا
عمر بفزع:-ايييه؟ هو اللي جابه لنفسه اتصلي بالشرطة فورا وانا جاي حالا متقلقيش ”
عمر قام جري وبدا يلبس ومنار بتسأله بفزع:-في ايه يا عمر.. ملك مالها طمني؟
عمر:-متقلقيش بس الفار وقع في المصيدة وجه لقضاة
منار برعب:-اوعي يكون فوزي!! ده حالف يقتلها
عمر:-ملك اختي مش اختك لوحدك ومش هسمح لحد يمسها ابدا
منار:-انا جايه معاك فورا
عمر:-لا طبعا خليكي هنا وانا هعدي علي طارق اخده معايا متقلقيش مش هروح لوحدي
(عمر خرج من شقته وطلع الدور اللي فوقه وخبط علي طارق بصوت عالي وملاقاش رد عشان طارق كان….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من اول لحظة)
