روايات

رواية من اول لحظة الفصل الحادي عشر 11 بقلم شيماء الجندي

رواية من اول لحظة الفصل الحادي عشر 11 بقلم شيماء الجندي

رواية من اول لحظة الجزء الحادي عشر

رواية من اول لحظة البارت الحادي عشر

من اول لحظة
من اول لحظة

رواية من اول لحظة الحلقة الحادية عشر

أول ما دخلت شقة عمر بعد ما جابني غصب عني بس صمم اروح معاه ومسك فيا ادخل شقته عشان العشاء ولاقيت ماما واقفه ع الباب بقلق وقالتلي بعتاب:-كده يا طارق هونت عليك تسبني قلقانه كده طول النهار!!(حضنتها بحب…الحب اللي يليق بقلب الست اللي ربتني وحبتني اكتر من ولادها مش مجرد مرات عم وخلاص… دفنت نفسي في رأسي في حضنها ومسكت فيها كأني عيل 5سنين مش راجل اطول منها وأتنفست بعمق وهي بتطبطب عليا ومطلعتش من حضنها غير لما حسيت بدموعها الساخنه علي وشي.. طلعت من حضنها جت مسكت وشي بايدها الدافية وقالت بحب
:-وغلاوتك عندك ما تستاهل ضافرك ابدا.. انت غالي والغالي ملوش الا الغالي اللي ذيه..
(ابتسمت غصب عني علي كلامها اللي دايما بيجبر خاطري بس عمر اتدخل وهو بيتصنع الزعل زي الاطفال
عمر:-ياعيني عليك يا عمر يا غلبان ياللي مش لاقي حد يحضنك ولا يعبرك حتي
(ضحكنا كلنا علي طريقتة واتدخلت منار وقالت بهزار:- مفيش حد خالص يعني!!
(عمر غمزلها:-الا انت يا قمر طبعا
(ضحكنا عليهم بس فجاة لاقيت حاجه ماسكة رجلي… بصيت لاقيتها “رحمة” وهي بتبص ليا وعلي وشها أبتسامة تسحر.. ابتسمت لها من قلبي وشيلتها علي دراعي وقولتلها
طارق:- رورو القمر اذيك يا جميلة؟
ردت ببراءة:- الحمدلله
طارق:-يستاهل الحمد يارب.
رحمة:-يلا عثان انا جعانه اوي وماما قالت مث هتاكلي الا لما انت تيكي هنا…
(بصيت ناحية الانترية لاقيت ملك واقفة وبتبص علينا وعلي وشها نظرة حزن وعينيها بتقول كلام كتير.. وقتها افتكرت كلامها جيت بصيت الناحية التانية بزعل.. لكن من جوايا فرحان اني شوفتها اوي
~~~~~~
اول مرة يشوفني وميكلمنيش كده. وقتها حسيت بكسرة القلب اللي سببتها ليه بس قولت:- لا يا ملك انتي غلطتي ولازم تعتذري… بس جهزنا العشاء انا ومنار وقعدنا سوا وهما بيهزرو كلهم ومبسوطه ان مازن ورحمة فرحانين وبيهزرو معاهم وانا ببتسم بمجاملة وساكتة وكل شويا اخطف نظرة علي طارق اللي ضحكته زلزلت قلبي وهو بيضحك مع مازن وبيغيظوا عمر عشان هما اهلاوية وهو زملكاوي ولما طارق شبع وجه يقوم.. وقفت بسرعة من علي الكرسي وقولتلة بتسرع:- طارق..
(بص ليا باهتمام بس رد بجمود وقال:-نعم؟
ملك:-طارق انا الصبح غلطت فيك اوي وزعلتك ودلوقتي انا بعتذرلك قدام الكل زي ما هينتك قدام الكل.. انا بجد اسفة
(كنت بتكلم من قلبي قبل لساني.. بس نظرته ليا مش مفهومه حسيتها فرحة وكمان حزن بس استنيت رده ومفيش رد والكل بيبص علينا وعمر بيقول:- اهانة ايه؟؟ وايه اللي حصل الصبح؟
(كنت لسه هرد جه طارق وقال:- ولا حاجه مدام ملك متسرعه بس شويا وحصل سوء تفاهم مش اكتر وعموما حصل خير.. تصبحوا علي خير
(بصيت لاثره وهو ماشي بصدمه وكنت محرجه اوي قدامهم بس ام عمر قالت:-معلش يابنتي هو ميقصدش بس اعذريه الموضوع مش سهل.
قولت وانا بحاول امنع دموعي وباخد ولادي عشان امشي:- حصل خير يا طنط بعد اذنكم..
نزلت بسرعه و عمر كان مصمم يوصلني بس انا رفضت تماما ونزلت علي السلم وسمحت لدموعي تنزل اخيرا و اول ما نزلت الشارع اتصدمت لما لاقيت حد واقف وبيقول……

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية من اول لحظة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى