رواية مملكة أحفاد الطوبجي 3 الفصل الرابع والثلاثون 34 بقلم أميرة أسامة

رواية مملكة أحفاد الطوبجي 3 الجزء الرابع والثلاثون

رواية مملكة أحفاد الطوبجي 3 البارت الرابع والثلاثون

رواية مملكة أحفاد الطوبجي 3 الحلقة الرابعة والثلاثون

دقايق مرت واخيرا علي وصل
خبط ودخل
فريده…..حمد الله علي السلامه يا علي
علي….الله يسلمك
عاصم….ايه طمني
علي….اشرب طيب مش قادر
فريده…..لحظه اتصلت عليهم وطلبت قهوه ومايه
علي…..بضحك انتوا مالكم قلقانين كده ليه ووشوشكم غريبه
عاصم….اخلص ومتستظرفش انا علي اعصابي
علي……طيب صلوا علي النبي كده
عليه الصلاه والسلام
علي……مبدأيا كده اسمه محمد مختار مش شريف الشيخ
عاصم….تماااام وووو
علي….و مريض نفسي
بصوا لبعض كلهم
فريده….بقلق مريض ازاي مستحيل ده شخص عاقل جدا
عاصم….خليه يكمل يا فريده
علي…..هو مريض نفسي بس مش شخص مؤذي اولا انا مقابلتهوش انا قابلت والدته قصته ايه بقي
انا شوفت الڤديو اللي عاصم بعتهولي و عرفت شكل البلكونه من تحت وسألت الحارس الدور الخامس ده شقه مين فا قلي علي اسمه سألته هو متجوز ولا عايش لوحده قالي مع والدته فا قولتله طيب هما موجودين عايز اقابلهم قالي اه فوق فا طلعت
قابلت ست كبيره محترمه ووقوره جدا سلام عليكم عليكم السلام حضرتك والده محمد قالتلي ايوه قولتلها طيب امال ايه حكايه شړي الشيخ دي
الست سكتت ثواني وكان باين عليها الارتباك فضلت تبص وراها وتطمن انه في اوضته
وقالتلي اتفضل
دخلت وقعدت فقالتلي فيه ايه
حكيتلها اللي حصل وعرفتها اننا محبيناش الموضوع بكون قانوني مع العلم ان في ناس كتير مستنيه نطلب منهم يتصرفوا
الست فضلت تترجاني وتقولي ارجوك بلاش ده ابني الوحيد وانا هحكيلك كل حاجه
وبدأت تحكيلي محمد كان فعلا طيار لحد ما حصلوا الحاډثه هو بيمر بظرف نفسي كبير اوي مش شخص مؤذي بس طول الوقت بيتهياله حجات طول الوقت بيتقمص شخصيات مش شخصياته.
فريده….وليه مريض نفسي وليه واصل للمرحله دي من غير ما يدخل مصحه
علي….هو كان في مصحه نفسيه فتره بس خرج منها ومن وقتها وهو في البيت كان متجوز من حب عمره قصه حب عڼيفه زي ما بيقولوا كان اسمها علي اسمك يا فريده و كان عنده ولد وبنت خمس سنين واربع سنين ولما عمل الحاډثه كانوا هما الاربعه في العربيه للاسف عجلة العربيه الاماميه ضړبت علي الطريق مقدرش يتحكم في العربيه لانه كان علي سرعه كبيره العربيه اتقلبت بيهم علي الطريق اكتر من مره ولما جات تقف جات عربيه نقل كبيره شاطتهم و للاسف الولد الصغير وقتها كان واقف في فتحه السقف لما حصل اللي حصل العربيه اتقلبت بيه كام مره وهو نصه بره وبعدين طار ملامحه كان ضايعه خالص والولاد اتوفوا في لحظتها
الام فضلت فيها نفس لحد ما وصلوا المستشفي وللاسف قبل ما يسعفوها كانت اټوفت
وفضل هو حالته كانت حرجه جدا الصاج بتاع العربيه طبعا دمره ودمر رجله و كان عنده ڼزيف مش بيقف عشان كده اضطروا يعملولوا بتر كمان كان عنده ڼزيف داخلي هو بالمناسبه فضل في غيبوبه حوالي ثلاث شهور ولما فاق خبوا عليه ان مراته وولاده اتوفوا عشان حالته النفسيه بس هو للاسف حالته النفسيه اتدهورت لما عرف ان رجليه حصلها بتر وكان عنده اڼهيار عصبي ورافض خالص اللي حاصل لان اللي عرفته من والدته هو شخص محب للحياه جدا تقريبا مش بيقعد في مكان ولا بيحب قاعدة البيت وعشان ظروف شغله هو بيسافر كتير يعني واحد كل يومين في بلد شكل مستحيل يقدر يقعد في البيت فا كانت صډمه بالنسباله لما شاف رجله ودخل في حوالي شهر ونص او شهرين في الحاله دي كان بيتعالج نفسيا و والدته دخلته مصحه قعد فيها حوالي ثلاث اسابيع ولما بدأ يفوق شويه ويتحسن بدأ يسأل عن مراته وولاده لانه لما ركز لاحظ انهم مش موجودين كان رد والدته واهله واصحابه انهم في البيت ان الام حالتها كانت صعبه بس عدت علي خير و قاعده في بيت والدتها عشان تراعيها هي والولاد
وبطريقه او بأخري والدته متعرفش ازاي عرف مين قاله او سمع ازاي انهم اتوفوا حالته انتكست اكتر بكتير حاول ينتحر اكتر من مره وبعد كده بقي عامل زي التايهه مش مستوعب ورافض للي حصل وشويه شويه بقوا يسمعوا يتكلم مع نفسه شويه يضحك شويه يعيط شويه وصوته يجيب اخر الدنيا من كتر الصړيخ منقدرش نقول انه اټجنن بس الۏجع اللي جواه اكبر منه ومن سنه
يعني فقد مراته وحب عمره فقد ولاده الاتنين فقد رجله و شغله اللي كان بيحبه پجنون وكل حاجه بيحبها وبيحب يعملها فجأه مبقتش موجوده فا طبيعي انه يتدمر نفسيا.
فضلت فريده بصاله بتأثر وعينها كلها دموع.
عاصم…..بتأثر طيب وفريده ايه ډخلها بكل ده جاب رقمها كمان ازاي و يعرف شريف منين عشان ينتحل شخصيته.
علي…..اولا هو مش بينتحل شخصيته بهدف انه نصاب او حابب يعمل مصېبه ويلبسهاله هو للاسف مش في وعيه مش عارف ده انفصام في الشخصيه ولا ازدواج ولا ايه بالظبط بس هو علي حسب كلام والدته قالت ان شريف وليه واحد صاحبه تاني اسمه عبد الرحمن دول صحابه واكتر ناس وقفت جنبه لحد لحظتتا دي وبيحاولوا يكونوا جنبه ويخرجوا من اللي هو فيه.
فا هي بتقول انه شويه هو مقتنع ان اسمه شريف وشويه عبد الرحمن وشويه تحس انه تمام ومفيهوش اي حاجه وعارف ان هو محمد ودي بتحصل بالذات في وجودهم هما يعني. لو عنده او بيزوره هو عارف ان ده شريف وده عبد الرحمن وهو محمد وبتقولي اوقات لما حالته بتبقي تعبانه يفضل يقولهم هو انا اسمي ايه هو انا مين هو انا بشتغل ايه
بينسي او حقيقي هو جزء من عقله واقف خالص هي كمان بتقول ان شريف كان قريب منه اوي وديما لما كان ينزل اجازه كام يوم خصوصا في الصيف بيبقي علي طول في الساحل واوقات لما شريف بيبقي عنده الشغل كومبليت في الساحل بيبقي صعب عليه يتابع الكافيهات في اسكندريه فا محمد هو اللي كان بيتابع الشغل لانه فاهم فيه جدا وشريف كان بيثق فيه ثقه عمياء و بالمناسبه انا لما نزلت من عندها كلمت شريف و اكدلي كل اللي ست دي قالته حكيتله طبعا اللي حصل اټصدم بس حكالي كل حاجه وقد ايه هو شاب محترم وذوق وعمره ما كان شخص مؤذي وطول عمره في حاله فضل يتأسفلي كتير اوي و اكدلي ان محمد عمره ما هيأذي فريده او يأذي اي حد هو مش دريان باللي بيعمله مش اكتر وفكرني بموقف كده حصل في مره وانا في الساحل وافتكرت اني شوفته فعلا هناك مع شريف كنت اول مره واخر مره اشوفه بس هو حقيقي كان شاب جميل جدا ومحترم وذوق قضيت معاهم يومها سهره بس كان قايم قاعد مع شريف عشان كده لما شوفت الفديو ما افتكرتهوش اوي .
عاصم….طيب وفريده
علي….امممم بالنسبه بقي لفريده من كلام مامته بتقول ان مراته انتي تعرفيها وكانت زبونه عندك هي من القاهره أصلا وكانت بتجيلك علي طول وبتقول كمان ان انتي اللي عملتليها ميك اب الفرح بتاعها في الفندق
فريده….انا طيب مين هي وشكلها ايه
علي….مش عارف يا فريده مشوفتهاش بس هي قالت ان اسمها فريده وهي كانت بتجيلك ديما هي وبنت خالتها واصحابها ورقمك كان علي موبايلها وفرحت جدا لما عرفت انك هتعملي فرع جديد في اسكندريه هي بتقول ان هي ومحمد كانوا متجوزين في القاهره عشان اهل البنت بس كانوا بيروحوا علي طول اسكندريه يزوروها ولما عرفت انك هتفتحي فرح قدام بيت والدته اتبسطت جدا
عاصم….يعني هو جاب رقمها من تليفون مراته
علي….هي الست متعرفش بس ده تخمينها للموقف يعني رقم فريده الشخصي مع مراته فا سهل يلاقيه الست بتقول ان مراته كانت واخده بالها من نفسها جدا يعني ليدي في نفسها بتحب الميك اب جدا ومتابعه جيده للموضه فا فريده كانت بالنسبالها حاجه كبيره اوي بتقول انها لما عرفت ان الفرع هيتفتح في اسكندريه فضلت تقول اشعار في فريده وكان باين قد ايه انها بتحبها وبعدين هي قالت ان البنت كانت قريبه منك مش مجرد زبونه.
فريده….انا اعرف ناس كتير جدا واعرف منهم كتير اسمهم فريده وانا اي حد بيتعامل معايا حقيقي فعلا بيبقي في بينا علاقه حلوه بس انا مش قادره اعرف مين هي بالظبط.
علي….والله يا فريده انا مش عارف ولا هقدر أفيدك في الحته دي كل اللي عرفته قولته بس الست بتأكد ان ابنها مش شخص مؤذي وانه اصلا مش بيطلع من البيت عشان يعرف يأذي حد ويوم ما بيطلع بيكون شريف وصاحبه اللي اسمه عبد الرحمن عنده وبياخدوا عشان يخرج من الحاله دي حتي شريف قالي انا بروحله علي طول بس عشان احنا في صيف وده موسم ميقدرش اسيب الساحل اوي بس قالي انه هيروح اسكندريه عشان يتابع الشغل و هياخده وهو راجع يقعد هناك شويه من الاخر موضوع محمد ده اتقفل نهائيا مش عايزك تقلقي ولا تخافي والدته قالتلي كمان انه بقاله كام شهر يعتبر هادي رغم انه مش واعي اوي بس حالته الدكاتره بتقول انها مستقره فا لو كان قاصد فريده بعينها كان كلمها من وقت ما حالته اتحسنت بس هي بردوا بتخمن ان لما فريده بدأت تروح اسكندريه وشافها كذا مره اكيد شاف الرقم وفكر انه يكلمها
ومش بعيد شويه وتلاقيه نسي تاني ومش هيفتكر اللي حصل ولا هيكلم فريده تاني يعني هي زي توهان وحاله غريبه بتجيله كل فتره
عاصم….انا المهم عندي ميبقاش شخص مؤذي يا علي وان اللي حصل ده ميتكررش
علي….مش هيتكرر واطمن انا لحد ما نزلت من عند الست مكنتش واثق في اي كلمه قالتها واللي خلاني استني علي حكمي عليها انها قالت ان شريف صاحبه فا قولت لو كلمته وقال نفس كلامها خلاص يبقي صادقه مقالش وطلع ميعرفوش يبقي كده في حاجه غلط وشريف اكدلي وحكالي تقريبا كل التفاصيل دي فا الست صادقه والشاب مش حد يتخاف منه هي قالتلي هتعمل حظر من الموبايل لاسم فريده وهتمسحه خالص وقالتلي هي كمان تعمله حظر لو حابه
فريده……اووووف يعني كده خلاص مفيش قلق
علي….والله العظيم ما في اي قلق اطمني ومټخافيش
عاصم…..طيب افرض فريده راحت اي وقت اسكندريه تشوف شغلها
علي….عادي تروح زي ما قولتلك هو مش بيتنقل من البيت كمان الست قالتلي لو جابه اكلمها اطمنها واعتذرلها او لما تيجي انزلها هعمل كده بس بلاش تشتكي ابني هو مش واعر للي بيعمله ولا هو متحمل بهدله
عاصم…..الحمد لله انا اهم حاجه عندي انك اطمنت من حد تاني غير والدته
علي….اطمن شريف طمني وقالي علي مسؤوليتي اللي ممكن يعمله ولو حصل حاجه اشتكيني انا ده يعني عشان يأكدلي انه ابعد ما يكون علي انه شخص مؤذي او مختل عقليا
عاصم….بتنهيده الحمد لله بص لفريده وابتسم انا كده اطمنت
فريده…..الحمد لله ربنا يشفيه يارب بجد زعلت عشانه اوي
عاصم….ربنا معاه ويعينه علي اللي هو فيه بس بردوا هرجع واقول تاني عشانه او عشان اي حد الاماااااااان يعني تقفلي علي نفسك طول ما انتي لوحدك
علي….ده اكيد مش عشانه بس ده عشان اي حد يا فريده خصوصا انك عايشه لوحدك
فريده….متقلقوش خلاص اصلا بعد اللي حصل ده اتعلمت.
علي…..طيب الدرس جه بفايده الحمد لله بقول ايه انا هخلع بقي عشان ھموت وانام
فريده….بجد مش عارفه اقولك ايه يا علي تعبتك معايا و بهدلتك والله حقك عليا
علي…..متقوليش كده يا فريده امال احنا لزمتنا ايه كمل بإبتسامه وغمز ليهم هما الاتنين وبعدين لو مش هتعبك عشانك يا ديدا هتعب لمين يعني
عاصم….بضحك قولها يا ابني
فريده….بابتسامه اه ما طبعا لازم تطبلوا لبعض اخوات بقي
علي….بضحك الله اديكي قولتيها اخوات وانا بطبل لاي حاجه تخص اخويا
ابتسمت فريده بإحراج
عاصم….طيب بالمناسبه دي بقي حضر نفسك كده الاسبوع الجاي عندها مناسبه حلوه
بصتله فريده وابتسمت وهي بتبرقله .
علي….ايده ده اوبااااااا احلف كده
عاصم….بضحك ايه بتبصيلي كده ليه ما لسه قايلك اخويا يعني اكيد هيعرف
علي….لا ده واضح في تطورات واخبار حلوه
عاصم…..ان شاء الله في لما نرزح بقي احكيلك قبل ما تقع مننا من كتر الكسوف
فريده….بضحك بقولك ايه منك ليه يلا من غير مطرود بقي اتكلوا علي الله
علي….ايه ده احنا فينا من كده
عاصم….بضحك بتطردينا ما حقك
علي…..خدت مصلحتها بقولك ايه يا عاصم انت اخويا و واجب عليا انصحك الجوازه دي باطله
فريده….بضحك ايوه خدت مصلحتي خلاص
عاصم….عاجبك كده فرحتيه فيا
علي….لا ياعم ربنا يتمم بخير ان شاء الله ولا ايه يا عروسه
فريده….بضحك يلا يا علي شكلك عايز تنام
علي….اه والله هيست خلاص
عاصم….طيب يلا خلينا نمشي انتي مش هتمشي ولا ايه
فريده…..لا همشي بردوا خلاص
عاصم…..طيب يلا هنسبقك وتعالي ورانا
فريده….ماشي يلا بينا
…………….
من بعد ما خرج جلال من القصر وهو عمال يلف علي امير في كل مكان حتي الاماكن اللي راحها رجعلها تاني وسأل عليه تاني كان علي اخره خصوصا انه كان مضغوط طول اليوم من مراد فا مكانش شايف قدامه و حاسس پخنقه فظيعه.
كان بيلف من الساعه 8 لحد ما بقت الساعه 11 اخر ما تعب قرر يروح لرامي ورهف يمكن يكون عندهم وهو طالب منهم ميقولوش .
وصل قدام الڤيلا بتاعتهم واول ما وصل اتصل علي رامي
رامي….ابوه يا جلال
جلال….رامي اطلعلي انا بره
رامي….بره فين
جلال…..قدام الڤيلا يا رامي انجز
رامي….طيب طيب انا جاي ماتدخل يا ابني واقف ليه طيب
جلال…..تعالي بس يلا
رامي…..طيب انا خارجلك اهو سلام.
رهف….في ايه يا رامي
رامي….وهو خارج بسرعه جلال بره .
راحت رهف وراه بسرعه
خرج رامي وفتح البوابه سلم عليه وهو واقف قدام الموتسيكل.
رامي….تعالي ادخل
جلال…..لا انا جاي اسألك علي حاجه وماشي علي طول
رهف…..جلال
جلال…..ازيك يا رهف
رهف….الحمد لله في ايه مالك حصل حاجه
جلال….بتنهيده انا هسألكم سؤال وهمشي
رامي….في ايه جلال وتعالي طيب نتكلم في الجنينه متقفش كده
جلال……لا لا خليني هنا
رامي….طيب قول في ايه
جلال……امير مش عندكم يا رامي
رامي….والله العظيم ما هنا يا جلال قولتلك هكدب عليك ليه
رهف….هو اصلا مش بيرد يا جلال علي اي حد
جلال……يعني مش موجود وقايلكم تقول ا انه مش هنا
رامي……تعالي معايا ادخل شوف بنفسك لو مش مصدقني.
جلال…..لا يا رامي خلاص بس لو جالكم عرفوني ولو رد عليكم بردوا عرفوني
رهف…..هو مكلمش حد فيكم خالص
جلال…..لا خالص حتي الرسايل مش بيرد عليها
رامي….بس هو بيشوفها يا جلال وده معناه انه بخير بس مش عايز يتكلم.
جلال….تمام يا رامي بس انا بقولك اهو لو عرفت ان امير جالك او عندك وانت مش عايز تطمني صدقني هزعل منك اوي
رامي…..با ابني بقولك ادخل معايا شوفه بنفسك
جلال…..تمام يا رامي يلا انا همشي.
رهف….استني يا جلال هتروح فين
جلال…..هدور عليه في اي مكان يا رهف
رامي…..هتدور فين بس يا جلال هو عبل صغير
جلال…..امال عايزني اعمل ايه هو ده اللي في ايدي
رامي….طيب اهدي بس واستني هلبس حاجه في رجلي وهاجي معاك
جلال…..وسع يا رامي خليني امشي
رامي…..مش هتمشي لوحدك استني بقولك هلبس بسرعه وجاي خليكي واقفه معاه يا رهف.
بعد رامي خطوتين عشان بدخل يلبس حاجه في رجله كان جلال طلع علي طول
رهف…..يا جلاااال
رامي….رجع بسرعه جلاااااال استني يا ابني
رهف….رامي والنبي روح وراه بسرعه جلال مش كويس شايف طلع بالموتسيكل ازاي
رامي…..هروح فين يا رهف ده طار انا عارف هو رايح فين بالظبط
رهف….طيب كلمه وقوله يستناك او اعرف رايح فين
رامي…..متخيله انه هيرد عليا يعني يا رهف
رهف…..طيب وبعدين
رامي….مش عارف مش عاااارف
مسك موبايله بعصبيه واتصل علي امير كام مره مردش فا بسرعه فتح الواتس و بعتله رساله وهو باين علي صوته العصبيه.
رامي…..اسمع يا سي زفت مش عايز ترد متردش بس اكيد هتسمع رسالتي دي جلال ماشي يدور عليك زي المچنون معاه الموتسيكل بتاعه وانت عارف بيركبه ازاي وهو كويس مبالك وهو هيتجنن عليك مش عايز ترد علي اي حد فينا متردش بس علي الاقل طمن جلال وديني يا امير لو جراله حاجه بسببك ما هرحمك رد عليه عشان جلال مش بخير تماااام.
رهف…..بقلق طيب بقولك ايه ما تكلم حد من اخواته هما ممكن يهدوه شويه
رامي…..مش هيرد علي حد يا رهف انا عارف تعالي يلا ادخلي جوه لما نشوف هيحصل ايه.
دخلت رهف وهي حاطه الموبايل علي ودنها وبتحاول تتصل بجلال.
………….
بعد وقت مش طويل وصل جلال قدام الڤيلا عند نور وفاطيما واتصل علي نور
نور…..جلجل
جلال….نور اطلعلي انا بره قدام الڤيلا
نور….بإبتسامه ايه ده بجد انا خارج اهو سلام.
فاطيما….في ايه
نور …..ده الواد جلال بره
خرج نور فتح بسرعه الباب
نور…..يا صاحبيييي
جلال…..اخبارك يا نور
نور….زي الفل تعالي ادخل
جلال….لا انا لازم امشي بسرعه
فاطيما…..ازيك يا جلال
جلال…تمام يا فاطيما
فاطيما…..تعالي ادخل واقف كده ليه
جلال…..لا انا بس عايز اسال علي حاجه وماشي
نور….هنتكلم هنا انزل بقولك
جلال…..نور ورحمه ابوك وامك انت وفاطيما امير مش عندكم
نور……والله ما عندنا يا جلال
فاطيما…..في ايه بس يا جلال هو امير كويس
جلال…..بحزن الدنيا عينه كانت كلها دموع مش عارف والله يا فاطيما مش عارف اوصله ولا بيرد
فاطيما…..طيب اهدي بس هو اكيد مخڼوق والله
نور……انت مش عارف يعني امير لما يقفل يا جلال
جلال……المشكله انه عمره ما ساب البيت ولا عمره اضايق او زعل و مطمناش عليه علي الاقل انا بالذات كان بيرد عليا
نور…..طيب شوفته عند رامي او هشام يمكن هناك وقايلهم ميقولوش
جلال…..مش هناك يا نور انا لسه جاي من عند رامي حلف انه مش عنده
نور…..والله العظيم ما هنا يا جلال لو فاكرني بكدب عليك ادخل شوف بنفسك حتي عربيته لو هنا هتبان اكيد.
فاطيما…..طيب ما يمكن في اي فندق يا جلال
جلال…..الفنادق اللي انا وامير بنحب نروحها سألت فيها كلها مش موجود دورت في كل الاماكن اللي تبعنا بردوا ملوش اثر مش عارف ممكن يكون راح فين
نور…طيب ما يمكن سافر يا جلال
جلال…..سافر فين طيب وبعدين ده المفروض يسافر بعد بكره
نور….طيب تعالي ادخل ونفكر سوا كده يمكن نفتكر مكان بيحبه
جلال….لا انا همشي ولو بس رد عليك او جالك كلمني
نور….انا مش هسيبك تمشي وانت في الحاله دي
جلال……والنبي سيبني يا نور
نور…..بقولك مش هسيبك ولو عايز تروح في اي مكان رجلي علي رجلك
جلال…..لا خليك متسيبش فاطيما لوحدها
فاطيما…..هيجرالي ايه يعني خليه يروح معاك علي الاقل نبقي مطمنين عليك
جلال……بقولكم ايه انا علي اخري والنبي ريحوني
نور…..ان شالله ټنفجر حتي مش هسيبك وانت كده وبعدين انت كمان مش بترد علي حد ابقي مشغول علي امير وعليك
جلال….هرد والله وهطمنك
نور…..لا مش هتمشي استني لحظه هجيب حاجتي
جلال…..انا مروح خلاص يا نور مش رايح اي مكان انا بس قولت اشوفه هنا
نور…..لا انت بتكدب
جلال…..والله ما بكدب اصلا انا شوفته في كل مكان خلاص
نور…..طيب روح وسوق براحه وطمني عليك لما توصل
جلال….تمام يا نور
فاطيما….خد بالك من نفسك يا جلال واهدي شويه هيظهر والله
جلال…..تمام يا فاطيما يلا سلام.
طار جلال في لحظه من قدامهم
نور…….ربنا يستر.
فاطيما……وبعدين الموضوع شكله كبير يا نور
نور….واضح كده اول مره مراد وامير يحصل بينهم حاجه زي دي
فاطيما…..اقفل الباب يلا وتعالي ندخل جوه
نور…..يلا جاي اهو.
………………..
دخل نور واتصل بزيد
زيد….استغرب ان نور بيتصل في وقت زي ده فا رد بسرعه وافتكر يمكن جلال راحله وعايز يعرفه
زيد……الو ايوه يا نور
نور…..ازيك يا زيد اخبارك ايه
زيد….تمام يا حبيبي بخير اخبارك واخبار فاطيما
نور….كله تمام الحمد لله بقولك ايه اولا انا اسف اني اتصلت الوقت
زيد….بطل عبط وبعدين انت عارف مش بنام الوقت في ايه قول محتاج حاجه
نور……بص كأنك متعرفش مني حاجه بس جلال مش بخير وانا قلقان عليه
زيد….في ايه يا نور ماله جلال
نور….لسه ماشي من عندي كان بيسأل علي امير بس مخڼوق اوي يا زيد ومعيط وانا مش عارف اعمله ايه وسايق الموتسيكل طاير بيه
زيد……بتنهيده هو فين الوقت عندك
نور….لا مشي هو قال رايح علي القصر بس مش مطمنله كلمه يا زيد جلال بيعملك الف حساب
زيد….طيب امير مش عندك فعلا يا نور
نور….ورحمه ابويا وامي لا عندي ولا بيرد علي حد فينا هو حتي راح لرامي ورامي حلفله انه مش عنده وتقريبا راح بردوا لهشام ومش موجود
زيد…..طيب يا نور انا هتصرف
نور…..تمام يا زيد انا قولتلك بس عشان خاېف علي جلال
زيد….عارف يا نور انا هكلمه واشوفه فين
نور….متعرفهوش اني كلمتك بس هو مخڼوق لوحده
زيد….لا مش هقوله متقلقش بس لو امير كلمك او رد عليك عرفني يا نور
نور …هطمنك والله متقلقش
زيد….ماشي يا حبيبي
نور….سلام يا زيد
زيد……سلام يا حبيبي
صبا……في ايه يا زيد جلال وامير كويسين
زيد…..ده نور بيقولي ان جلال لسه ماشي من عنده استني لحظه.
اتصل علي جلال.
جلال……سمع الموبايل طلعه من جيبه ورد علي زيد الوو
زيد…..انت فين يا جلال
جلال…..في الشارع هكون فين
زيد….طيب تمام بص ايا كانت المسافه اللي انت فيها قد ايه انا عايز اقفل الاقيك قدامي
جلال….في ايه يا زيد
زيد…..سمعتني اقفل الاقيك قصااادي
جلال…..پغضب حاضر هتحول سوبر مان
زيد….پغضب كان خلاص جاب اخره جلاااااااال لم لسانك ومتردش انا مستنيك تقفل معايا وطيران علي هنا مفهوم
جلال…..قولتلك حاضر يا زيد شويه وجاي
زيد…..مفيش شويه اللي قولتله يتعمل وانا مبكررش كلامي والله يا جلال لو اقل من ساعه ملاقتكش قصادي هقل منك وهمد ايدي عليك لاول مره
جلال…..هو في ايه لكل ده
زيد…..مترغيش كتير يلا سلااااام
صبا…..براحه شويه عليه يا زيد مش كده انت عارف جلال متعلق بامير قد ايه
مردش عليها وبعت ڤويس لامير وهو الڠضب واصل لمرحله كبيره
زيد….وحياة ديني يا امير لو ما اتصلت علي جلال الوقت وطمنته وطمنتنا عليك لا هتشوف مني وش يكرهك في حياتك كلمه يا حيوااااان عشان هيلبس في حاجه بسببك
حدف زيد الموبايل جنبه وفضل يهز رجله جامد وۏلع السېجار بتاعه
صبا كانت قلقانه منه لانه مش طبيعي خالص .
صبا….حبيبي ممكن تهدأ شويه انت مضغوط يا زيد ومينفعش تخرج اللي جواك بالشكل ده
زيد…..خليهم يتحملوا بقي انفجاري اللي هيحصل في وشهم هما الاتنين قريب
صبا…..لا بهدوء كده عشان خاطري يا زيد وان شاء الله خير اهدي بقي طيب اقولك علي حاجه تهديك
بصلها زيد
صبا….قوم أتوضي وصلي وصلي ركعتين.
زيد….بهدوء حاضر يا صبا
قام وقف ودخل علي الحمام
صبا….بهمس يارب عديها علي خير و كمل فرحتنا بفيروز ومنذر.
…………..
جلال كان في طريقه لهشام وبعد ما قفل مع زيد كان خلاص قدام الڤيلا وصل واتصل علي هشام
كانوا في الوقت ده قاعدين جوه مع بعض بعد ما خلصوا عشاء.
هشام….بقولك ايه ما تيجي أغلبك دور بلاستيشن
امير بصله بطرف عينه بقرف وسكت
هشام….بضحك مالك ياض بتبصلي كده ليه ايه مبغلبكش
رباب….هو احنا خلصنا من الماتشات اللي بتتذاع عشان تطلعولنا في البلاستيشن ده
امير…..ابنك فاضي يا روبي
هشام…..مسكت في كلام روبي الوقت عشان تهرب
امير…اهرب من ايه يا اهبل اخر مره مقطعك
هشام…..مره من نفسك يلا تعالي اعلم عليك
امير…..تعلم عليا ماشي هنشوف
رن موبايل هشام
هشام…..استني اشوف الموبايل وهقطعك
امير….طيب
هشام…..ده جلال.
امير…..شوفه عايز ايه انا مش هنا هااا
هشام….تمام اسكت طيب
فتح هشام الخط
هشام…..ايوه يا جلال
جلال…..بصوت ضايع وحزين هشام انا بره قدام الڤيلا
هشام….بص لامير وبرقله ااا طيب يا صاحبي هاجي افتحلك البوابه لحظه.
قام امير وقف بسرعه
جلال….مستنيك
هشام….سلام
قفل هشام وبص لامير
امير…..هو بره بجد
هشام….اه والله
امير….هشام ميحسش بحاجه
هشام…..امير جلال صوته مش كويس علي الاقل هو اللي يعرف طيب
امير….هشام لو عرف الكل هيعرف وانا مش عايز حد يعرف مكاني
رباب…..حرام يا امير الواد تلاقيه هيتجنن عليك
امير….والنبي يا روبي ما تضغطوا عليا بكلامكم سيبوني براحتي
هشام….طيب اطلع فوق او روح اي حته هروح اشوفه
امير…..خليكم بره في الجنينه يا هشام.
هشام…..طيب تعالي معايا يا روبي
رباب……طيب يلا اسبق افتحله انت والله لو عرفوا انك هنا وهنا قالبين عليك الدنيا كده هيزعلوا مني اوي وصراحه حقهم
امير…..محدش هيزعل منك دي رغبتي وبعدين كلها بعد بكره وهسافر ولما ارجع مش هقول اني كنت هنا تمام كده
رباب…..دماغك ناشفه انا خارجه اشوفه.
خرجت رباب وراح جلال يبص من الباب عليه من غير ما يظهر نفسه.
فتح هشام البوابه لجلال كان واقف قدام الموتسيكل بتاعه.
هشام….ده ايه المفجأه الحلوه دي يا واطي
جلال…..بهدوء سلم عليه اخبارك يا اتش
هشام….الحمد لله تعالي ادخل
جلال…..لا انا جاي بس اسالك علي حاجه وماشي
رباب…..ماشي من غير ما تسلم عليا يا واطي
جلال….بابتسامه بسيطه مقدرش يا روبي فكرتك نايمه والله ونش عايز اعملكم ازعاج
هشام…ازعاج ايه يا اهبل
رباب….ازعاج ايه وانا بنام غير والنهار طالع ادخل يلا واقف كده ليه
جلال…..عشان متأخرش بس انا جاي أسالكم علي حاجه وهمشي علي طول
رباب….والله لا هتدخل ايه هنتكلم علي الباب ادخل يلا متخليش صوتي يطلع
هشام…..ادخل يلا تعالي نقعد في الهواء
دخل جلال معاهم وقعدوا في الجنينه
رباب….تشرب ايه
جلال….لا والله ما عايز اي حاجه
رباب…..انا مش بعزم عليك
جلال….والله عارف يا روبي اقعدي بس عشان عايز امشي
هشام…..انت رايح فين ولا جاي منين
جلال…..بدور علي امير
سكت هشام وبص هو ورباب لبعض
رباب….هو مكلمكش
جلال…..لا ولا كلم اي حد انا بس جاي أسألكم عليه انتوا اخر حد اجيله
هشام….بهدوء ما انا قولتلك يا صاحبي مكلمنيش
جلال…..طيب وحياة اللي بينا يا هشام امير مش عندكم
هشام….بإرتباك وحزن علي حالته لو هنا مش هقولك ليه يا جلال
رباب….هو اكيد مضايق شويه يا جلال وانت عارف امير قلبه ابيض هيروق و اكيد هيظهر
جلال….بحزن بص لبعيد انا مش عارف ادور عليه فين يا روبي تعبت
رباب…..طيب سيبوا متضغطوش عليه الواحد لما بيضايق بيبقي حابب يقعد مع نفسه ويمكن عايز يظهر وهو مخلص السفريه دي. علي خير
هشام…..وبعدين هو صغير ولا تايهه ولا فيه حاجه لا قدر الله مالك ياض عمل نفسك كده ليه.
جلال….پخنقه حس انه هيعيط فا قام وقف بسرعه انا همشي
بصتله رباب بتأثر وكانت هتعيط عشانه وقامت وقفت بسرعه
قام هشام هو كمان بسرعه مسكه من ايده وضمھ لحضنه
هشام…..استني طيب متمشيش وانت كده
فضل جلال يعيط زي العيال الصغيره
رباب…..لا بلاش كده والله هعيط جلال متعملش كده عشان خاطري انا يا حبيبي
هشام……بعده عنه وبصله في ايه يا جلال لكل ده ما اب حد فينا لو اتخنق شويه ممكن يسيب البيت ويبقي عايز يقعد مع نفسه شويه.
جلال…..تفرق كتير يا هشام الموضوع اكبر من مجرد خنقه انا لازم الاقي امير عشان عارف اللي في دماغه امير عايز يفضل غطسان لحد ما يسافر حتي لو هو حابب يبقي لوحده انا مش هسيبه يفضل في الحوار ده لوحده امير زعلان مني وانا عارف عشان انا اكتر حد قولتله يوقع هو سمع كلامي ومينفعش ابقي معاه وانا بقوله وقع ولما يقع في مشكله مبقاش معاه
لازم اشوفه يا هشام لازم اطمن عليه انا وامير عملنا مصايب كتير وانا ياما حطيته في مصايب كتير وهو عمره ما سابني ولا عمره زعل وبعد كده لا ينفع اسيبه لوحده ولا هو ينفع يسيبني كده هو يعني مش عارف اني معرفش اعدي. اليوم غير بيه
ابتسم هشام ورباب
وفجأه حس جلال بحد بيبوس راسه من وراء بص بسرعه وراه لقي امير
بكل ڠضب زقه في صدره فضل امير علي نفس ابتسامته الهاديه وقرب من جلال تاني
حضنه جلال وفضل بعيط في حضنه بصمت
امير…..طيب بص لو فضلت كده كتير همشي ومش هتعرف مكاني
فضل جلال يعيط وساكت وهو في حضنه
امير…..بإبتسامه وتأثر عينه كانت مدمعه ولا يا جلال خلاص في ايه انا مۏت ما انا قدامك اهو
رباب….بدموع بعد الشړ منكم لله خلتوني اعيط
امير….بحب باس راسه وفضل يطبطب علي ضهره اهدي بقي عشان خاطري هتخلينا كلنا نعيط
رفع جلال وشه ومسح دموعه وبص لهشام پغضب وزقه جامد
جلال….انت عيل مش جدع علي فكره ومش هصدقك تاني
هشام…..بإبتسامه طيب انا مالي طيب هو اللي مش راضي يعرف حد
رباب…..قولناله نطمنكم والله بس حلف يمشي وحتي احنا مش هنعرف مكانه
جلال…..طيب ابنك مش جدع يا روبي انا مصعبتش عليكي
رباب….عاجبك كده يا امير قوله حاجه بقي متزعلهوش مني
امير…..جلال روبي وهشام ملهمش ذنب والله علي فكره انا مكنتش هخرج ولا هعرفك اني هنا وهما بعد ما قفلت مع هشام فضلوا يقولولي اطلعلك بس قولتلهم لا ولولا شوفت حالتك دي والله ما كنت طلعت
جلال…..عشان انت عيل واطي انت كمان
امير….بضحكه هاديه طيب بس اهدي بقي عشان خاطري
جلال…..ابعد عني
امير…..خلاص ياض قولتلك والله انا غلطان كنت سيبتك كده
هشام….روبي معلش هاتيله مايه
جلال….مش عايز حاجه منكم انا ماشي
رباب….لا والله ما تمشي بقولك ايه لما جالنا كانت حالته زي حالتك كده كنت اسيبه يعني يمشي وبعدين هو حلف لو حد عرف هيمشي كان لازم علي الاقل حد يبقي معاه
امير…..اقعد بقي بلاش شغل عيال خلينا نتكلم
هشام…..والله يا جلال كنت عايز اطمنك واطمنكم كلكم بس ڠصب عني زي ما روبي قالتلك لا كان عايز يروح فندق ولا عايز يروح مكان تبعتكم واكيد مش هنسيبه لوحده يعني
شده امير وقعده بالعافيه وراحت رباب تجيبله مايه.
امير…..ممكن تهدي بقي علي فكره انا مش زعلان منك زي ما انت فاكر
جلال….امال مبتردش وتطمني عليك ليه المفروض لو هتخبي علي اي حد مكانك تعرفني انا عشان انا مش بعمل اي حاجه غير لما بقولك
امير….في دي معاك حق بس والله كنت مخڼوق يا جلال وعلي اخري
جلال….طيب سيبت البيت ليه
امير…..عشان لو كنت قعدت انا واثق ان انا ومراد كان هيحصل بينا مشكله اكبر من اللي حصلت
قربت رباب منهم وهي ماسكه المايه.
رباب….يمكن انا معاك ان وقت المشاكل لازم طرف يبعد عشان المشاكل متكبرش بس انت عارف ابوك بيتهيألي بيعرف يفصل بين الشغل والبيت
امير…..المشكله المرادي كبيره يا روبي وانا عارف مراد كويس مكانش هيعرف يفصل ولازم كان هيحصل بينا تاتش يولع الدنيا اكتر
جلال….بسخريه مراد يفصل بين الشغل والبيت
امير….بضحك ايه مروقكم ولا ايه
جلال…..ده مكرهني في حياتي ابوك مش هيرتاح غير لما ارتكب فيه چريمة
ضحكوا كلهم و ضحك امير بصوت عالي وضربه في كتفه
جلال….بإبتسامه اه والمصحف مش بهزر انت لو مرجعتش في اقرب وقت وحليت المشكله دي هنشوف منه ايام سوده ده طايح في الكل ومحدش عارف يقوله تلت التلاته كام ده انا في لحظه شكيت ان هو اكبر من ابويا انت متخيل الباشا بجلالة قدره مش عارف يقوله كلمه
مراد….بضحك سمعتي يا روبي انا حافظ ابويا مراد يفصل المشاكل في اي حاجه الا الموقف ده
هشام…..بضحك وطبعا هو مش لاقي امير يطلع فيه غضبه فا قافش فيك انت
جلال…قافش فيا ده عامل زي الکابوس اللي مبتعرفش تصحي منه وقافش في جسمك
ضحكوا كلهم علي جلال
جلال….اضحك ما حقك انت خلعت وحطتني انا في وش المدفع وده مش اي مدفع انت متخيل عشان قولتله انا كمان غلطت زيه مسك في الكلمه ومن انهارده خلاني انا وفرح نشتغل معاه وحالف ان شغلي من هنا ورايح معاه
امير….طيب وفرح مالها
جلال….ماهي كمان مسكتتش وهو مش طايق نفسه فا قال يربينا بقي من الصبح شخط ونطر وشغل مرضيش يديني بريك ولا هو خد عشان مقلهوش ما انت خدت بريك مديني شغل الشركه من يوم ما بدأت اراجعه وكل ما اوريه حاجه يقولي عيدها مع اني واثق ان كله تمام
هشام….طب والله ما في اطيب من قلب مراد هو بس عشان متعصب
جلال…..انا عارف بس بجد مستغربه انا اول مره اشوفه كده بس علي فكره يا امير مراد هيتجنن عشان انت سايب البيت
رباب…مش قولتلك يا امير
امير…..عارف والله بس صدقوني مش هعرف ارجع غير وانا مخلص المشكله دي علي خير
جلال…..انت مسافر امته
امير…..حجزت علي الخميس زي ما قال
جلال….ايوه طيارتك امته
امير…..لا ملكش فيه لو بتسأل عشان تيجي تاخدني وتوصلني هيفهموا كلهم انك جاي ليا انت عارفهم
جلال…..ياعم مش هيعرفوا والله
امير…..طيارتي الساعه 11 بس بردوا مش هتيجي
جلال….طيب هترجع امته
امير…..اخلص بس المشوار ده علي خير وهاجي في اول طياره هو المفروض الرجوع الساعه تسعه
جلال…..بتهرج طبعا انت كده مش هتلحق السهره بتاعت فيروز ومنذر
امير…..للاسف مش هلحق
جلال….دي فيروز حالفه تأجل ومش هتتجوز من غيرك ومراد شاط فيها هي كمان ونكد عليها وفضلت ټعيط المشكله ان منذر لما عرف قال نأجل طبعا بس مراد روقهم وحالف كل حاجه تبقي في معادها.
فيروز…..لا طبعا مفيش حاجه هتتأجل وبعدين هو مفيش فرح يعني انا هبقي اراضي فيروز
جلال…..انت هتخلص وترجع علي القصر والله يا امير لو ما رجعت انت عارف هعمل ايه
امير…..بضحك هتعمل ايه
جلال….هلم هدومي واطفش ما انا مستحيل اطيق مراد اكتر من كده
ضحكوا كلهم علي كلام جلال
امير…..لا اطمن هرجع ان شاء الله
جلال…..ايوه كده والنبي مش عايزين الموضوع يكبر اكتر من كده روح قلباها مناحه والكل في البيت بيتلاشي ابوك وساكتين حتي مريم اللي ديما بتضحك وتهزر ساكته علي طول خاېفه من مراد هي كمان
امير….بضحك ده علي كده اني امشي من البيت كان افضل قرار
جلال….اه خلعت انت و نجيت من مراد و سايبنا احنا في ايده ده ابو لهب طلع برقبته
امير…..بضحك يا ابني انا شغال مع مراد بقالي 8 سنين وعارف دماغه في الشغل مراد صعب جدا عكس ما بيتعامل معانا طول الوقت
جلال…..بصله بطرف عينه بقرف ولما انت متهبب وعارف سمعت كلامنا ومضيت ليه يا اللي ربنا ينتقم منك مش كنت تحذرنا اننا داخلين علي سواد
امير…..ضحك علي طريقته وبعدين سكت وبصله عشان كده بقولك دي مش غلطتك ولا غلطة فرح وتقي واكيد مش زعلان منكم لان دي غلطتي انا كان لازم مهما يحصل ما اخدش الخطوه دي حتي لو الشغل كان هيتلغي خالص بس يلا غلطه وكان لازم اقع فيها ومحدش بيتعلم ببلاش
جلال….حلوين اوي الكلمتين دول ترجع بقي من السفر وانت موقع العقد الجديد ان شاء الله وتيجي تقولهم بنفسك لمراد ومن هنا ورايح لو حد فينا قالك ان الباشا بنفسه بيقولك وقع قوله لا روح لمراد.
امير……لا ما انا راجع البيت بس مش راجع الشغل.
بصله جلال پصدمه وسكت
هشام…..بلاش تكبر الموضوع بقي بيقولك الراجل علي اخره
رباب….صح يا امير متكبرش الموضوع وادام ان شاء الله هيتحل يبقي كل حاجه ترجع زي ما كانت.
جلال….استنوا بس انت بتتكلم جد
امير….بإبتسامه اه والله العظيم انا اخري في المجموعه ومع مراد اني اصلح الغلطه اللي عملتها لو علي البيت اكيد هرجع بس شغل لا
جلال….امير متهرجش والله ما هكمل فيها من غيرك
امير…..بطل هبل وطلع نفسك من الحوارات دي
جلال….حوارات ايه ده انا اڼتحر احسن ما افضل تحت ايد مراد
امير….بضحك الكلام الوقت سابق وقته خلينا بس نخلص الاهم ونبقي نتكلم
جلال….نتكلم في ايه شكلك مقرر
امير…..من ناحيه مقرر فا انا فعلا مقرر اصلا في مشروع بقاله كتير في دماغي وكنت حابب اعرضه عليكم كلكم بس بعد اللي حصل ده انا هعمل المشروع بس بنفسي
جلال…..بص انا بالنسبالي انك ترجع البيت دي اهم حاجه اما بالنسبه للشغل لازم تعرف لو مرجعتش انا معاك
امير….بضحك يلا خلي ابوك واخواتك يروقوك مع مراد
جلال….يحصل اللي يحصل بس انا معاك.
امير…..خلينا نأجل الكلام الوقت المهم مش عايز حد يعرف اني هنا مفهوم
جلال…..والله ما هقول لحد حاجه انا كنت ناوي اطمنهم بس لا مش هطمنهم ابوك خلاني کرهت نفسي وكرهته وکرهت كل اللي في البيت
امير…..بضحك ادفع نص عمري واشوفك وانت شغال تحت ايده
جلال….هلاقيك واخد زاويه وعمال ټعيط والنبي اسكت انت مش عارف حاجه
فضلوا يضحكوا عليه وبعد وقت طويل قضوا مع بعض رجع جلال لحالته الطبيعيه وضحك وهزر وابتسامته كانت مرسومه علي وشه سلم عليهم وسلم علي امير واتفق معاه يجيله تاني بكره عشان يشوفه قبل ما يسافر
وصلوا لحد بره هو وهشام ورجع جلال علي القصر .
زيد كان واقف في البلكونه شياطين الدنيا بتتنطت في وشه عمال يشرب في السېجار بتاعه ومستني جلال وصبا كل شويه تبص عليه وترجع كانت بتحاول تتلاشاه خالص .
اول ما لمح جلال داخل من بوابه القصر دخل بسرعه علي الاوضه ونزل علي تحت جريت صبا وراه كانت خاېفه يتعصب علي جلال
وكل اللي في البيت اللي نام واللي لسه بس قاعد في اوضته ومحسوش بيهم.
فتح زيد الباب وخرج كان جلال بيركن الموتسيكل بتاعه.
صبا….وهي بتجري وراء زيد زيدددد استني والنبي
زيد…….پغضب وهو بيقرب من جلال الساعه في ايدك كام
جلال…..مش لابس ساعه
جريت صبا وقفت قدام صبا لما شافت زيد غضبه زاد من جلال
زيد….پغضب انت بتهزر
جلال….والله ما لابس
زيد…..انت فين كل ده انا قولتلك اقل من ساعه تكون قدامي
جلال….انا متأخرتش علي فكره
زيد…اتأخرررررت
جلال….وفين المشكله انا اوقات لما بسهر بتأخر اكتر من كده انا مش صغير يا زيد
صبا….بهمس اسكتتت
زيد….متردددددش لا ابوظ وشك ده انا قولتلك ترجع صح عمال تلف في الشارع زي اللي بيدور علي عيل تايه شايف الدنيا حواليك والعه وبردوا مصمم تولعها اكتر
جلال…..هو انا لما احاول اطمن علي امير ابقي بۏلع الدنيا
زيد…..امير مش صغير وانت عارف انه كويس و مفيهوش حاجه بس إصرارك علي انك تقف في وش مراد وترد عليه هيعمل مشكاه اكبر مشكله يمكن تكون محصلتش بينا قبل كده
جلال…..مين قالك ان امير مفيهوش حاجه وبعدين مشكلة ايه اللي هتحصل بسببي انت عايز تقنعني ان مراد مهما كان مش طايقني انا وامير هيضايق مني لما ابقي خاېف علي ابنه
زيد…..ومراد نفسه عارف ان ابنه كويس عارف انه واخد جنب لحد ما يصلح اللي هببه
جلال….ده علي اساس انك مش شايف بنفسك مراد عامل ازاي عصبيه وڠضب طول الوقت ومش في حالته الطبيعيه تفتكر بعد كل ده هو مش قلقان عليه
زيد….لا مش قلقان عليه مراد قلقان من المصېبه اللي امير حطنا فيها ولو في حاجه فارقه معاه هي عدم وجود امير هنا عشان انت عارف امير عند مراد ايه وعمره ما بات ليله واحده من غير ما يكون مطمن ان ابنه في اوضته.
جلال…..طيب يعني قلقان وانا بقي كنت حابب اطمنه عليه عشان انت اكتر حد عارف انه هيكابر يتصل بيه او يعرف هو فين.
زيد….حلو وعرفت هو فين شايفك راجع رايق ماشاء الله وباين انك اطمنت عليه
جلال….بتوتر لا معرفش عنه حاجه ولو مفيش حاجه تانيه ياريت تسيبني اطلع انام
زيد….اقف يالا هنا مفيش طلوع
امير فين يا جلال
جلال….ليه عايز تطمن عليه
زيد…..انت مش لاحظ انك بقيت ترد عليا كتير وانا ساكتلك عشان عامل حساب انك بقيت شحط
صبا….يا زيد عشان خاطري كفايه يا جلال اسكت بقي ولو تعرف مكانه قول خلينا نطمن
زيد…. امير فين انطق
جلال….قولتلك معرفش
زيد….احلف برحمة ايمن انك متعرفش مكانه
جلال بصله وبعدين بص لبعيد وهو متلغبط
زيد…..پغضب وصوت عالي خلي جلال اتتفض انطقققققق
جلال……قولتلك معرفش يا زيد
زيد…..وانا بقولك احلف وهصدقك
جلال….مش هحلف يا زيد
مسكه زيد پغضب من هدومه
زيد…..عشان كداب وعارف مكانه
صبا…..پخوف زييييد انت لتعمل ايه سيبه
جلال….سبيه يا صبا هتمد ايدك عليا يا زيد
زيد….و هكسرك كمان
جلال…..طيب يا زيد انا عارف مكانه بس ورحمة ايمن ما هقولك هو فين
بصله زيد پغضب وسكت
جلال…..وبعدين انت من اول ما المشكله حصلت وانت ساكت ايه فرق معاك الوقت عدم وجود امير يا اخي ده البيت ده كله من كبير لصغير حتي الغرب بره اللي بيقع في مصېبه اول واحد بنفكر نجري عليه هو انت عشان عارفين ان مهما كنا مبوظين الدنيا هنلاقي الضهر اللي نتسند عليه و نستخبي وراه انت الوحيد اللي عرفت الكل معني انك تخاف من حد و تحترمه و في نفس الوقت منلاقيش الامان غير معاه انا لما بعمل مصېبه علي قد ما ببقي خاېف منك بس مبلاقيش غيرك اجري عليه عشان عارف ان مفيش حد حنين قدك عمري ما جريت علي قاسم او سالم مع انهم اكبر منك عشان ديما انا وكل واحد في البيت ده بنشوف ان انت الكبير حتي سالم وقاسم لما بيحصلهم حاطه بيجروا عليك اوعي تفكر يا زيد ان جلال اللي بيضحك ويهزر وبيعمل مقالب في الكل عيل صغير انا يمكن اصغركم بس مش معني كده اني عيل يا زيد وعارف حجم المصېبه اللي حصلت ومقدر اوي ان لو مستر راشد موقعش هنبقي في كارثه حقيقيه بس انا لحد اخر لحظه متوقعتش انك تتخلي عن امير وعننا.
انا وامير وفرح وتقي كنا واقفين مستنين حد يدافع عننا مكناش عايزينك تقول اننا مغلطناش بس علي الاقل كنا عايزينك تقف معانا وانت معملتش كده يا زيد
زيد…..وانا عمري ما اتخليت عن اي حد فيكم يا جلال وعمري ما سيبت خد في البيت ده واقع في مشكله من غير ما اشيلها عنه
جلال…..عارف وعمري ما هنكر ده بس انا مستغربك المرادي
زيد…..انت صح لازم تستغرب عارف ليه عشان اللي بيتعود شيل الهم و المسؤوليه علي كتافه يوم ما بيتأخر شويه عن المسؤوليه الجديده اللي بتتحدف عليه الكل بيتهمه بالتقصير وكأنه حق مكتسب في لحظه يتنسي الحلو اللي اتعمل وكل اللي يبقي مطبوع في الذاكره ان زيد المرادي قصر
زيد المرادي ما و قفش وضغط علي نفسه وصلح اخطاء غيره زيد المرادي مشلش المسؤوليه
اللي متعود يشيلها زيد المرادي متعبش وريح الكل كالعاده.
علي فكره انا الوقت مش بشتكيلك من الحمل والمسؤوليه انا بس بعرفك ان الكل هنا في البيت ده حتي ابوك وامك اي كارثه تحصل اتصرف يا زيد بس زيد لما يحس بالعجز الكل بيتهمه بالتقصير والتغيير والسلبيه
احساسي بالعجز بتحاسب عليه مع اني بني ادم طبيعي مش خارق وعادي جدا اني اقف عن حل اي مشكله
جلال…..ومين قالك انك عاجز عن حل المشكله انت بتليفون واحد الراجل قالك لو حابب ابعتلك حد لحد عندكم هبعت
زيد…..ومع ذلك انا زيي زي مراد شايل هم كل ثانيه بتعدي لحد ما امير يصلح الغلطه اللي حصلت بس انتوا مش شايفين غير اللي عايزين تشوفوا وبس ان زيد معملش حاجه زيد مدافعش عننا
بس لازم تعرف حاجه مهمه زيد يدافع ويقف في وش الدنيا كلها في اي حاجه الا مستقبلكم
عشان لو انا وقفت معاكم يا جلال ومخلتكوش تحسوا بحجم الكارثه اللي احنا فيها هتحسوا ان الدنيا سهله كالعاده واللي غلط مره في الشغل هيغلط تاني ووقتها زيد بدل ما يشيل هم غلطه هيشيل هم مستقبل كل واحد في البيت ده عشان لو اللي احنا فيه ده ضاع مني ادينا ومقدرتاش نحافظ عليه محدش فيكم هيقدر يتعايش مع الخساره اللي ممكن نخسرها عرفت ليه انا مش قادر ادافع عنكم وان مراد معاه حق في كل حاجه
واوعي تفكر ان سكوتي تخلي عنكم او ان الموضوع مش فارقلي انا ساكت عشان كلامي ممكن يزعلكم بس انا بردوا مش ساكت و بحاول احل كل حاجه بهدوء و بحاول اسهل حجات كتير عشان امير لما يروح ميبقاش عامل زي التايه ولولا جواز فيروز ومنذر انا كنت سافرت بنفسي حتي لو مراد رافض كنت بردوا هسافر عشان انقذ الموقف المشكله ان كل غلطه اي حد فيكم بيعملها بشيلها معاه الكل عينه بتبقي علي زيد ومستنينه يتصرف بس محدش فيكم بيبص لزيد انا شايل هم امير وشايل هم المصېبه اللي حطنا فيها مش طايق نفسي عشان الطريقه اللي مراد بيعاملك بيها انت وفرح لان مهما حصل مقدرش اقف قصاد مراد مش طايق نفسي عشان كسرة فرحه فيروز اختك وعشان ۏجع روح علي عدم وجود امير مضايق عشان مراد نفسه عارف انه شايل الهم وخاېف تحصل مصېبه بسبب امير وعارف كمان انه هيتجنن عشانه انا مش عارف الاقيها
منين ولا منين ده انا ملحقتش افرح بولادي كل شويه مصېبه بتتحدف علينا ومع ذلك زيد وحش زيد اتخلي وموقفش معاكم
جلال….زيد انااا
زيد …بتنهيده اطلع يا جلال نام اطلع ولما تكلم امير قوله يخلي باله نفسه والصبح هديك ورق التوقيع الجديد تبعتهوله وتقوله الورق ده يسافر بيه عشان هو ده اللي هيتمضي يلا امشي من قدامي
صبا….بحزن اطلع يلا اطلللع
جلال…..تصبحوا علي خير
طلع بسرعه جلال علي اوضته
وفضل زيد ساكت و باصص للسماء
صبا…..زيد
زيد…..سبيني لوحدي يا صبا من فضلك
صبا……مش هعرف اسيبك وانت مضايق كده
زيد…انا كويس يا صبا وبيتهيألي اللي كنتي خاېفه منه محصلش اطلعي بقي
صبا….بتنهيده قربت منه ومسكت كتفه حاضر هطلع بس عيزاك تعرف اني موقفتش قدامك ودافعت عن جلال عشان هو مش غلطان انا وقفت قدامك عشان مترجعش ټندم
لما جلال يفضل فاكر انك كنت هتمد ايدك عليه اهون بكتير من انه يفضل فاكر انك مديت ايدك عليه.
باسته من كتفه وسابته وطلعت
فضل زيد قاعد لوحده شويه في الجنينه وهو مخڼوق لحد ما النهار بدأ يطلع
………………
في صباح يوم جديد اليوم كان ماشي من غير اي احداث مهمه لكن اغلبهم كانوا متوترين جدا
ولسه في نفس الحاله اللي كلها حزن وتوتر وترقب .
وكلهم كانوا بيدعوا مشوار امير يكمل علي خير.
اما من ناحيه جواز منذر وفيروز فا خلاص خدوا قرار انه هيتم في معاده وفيروز فضلت ساكته لكن كانت حزينه وقرروا البنات انهم يفرحوها شويه بليل في الجنينه علي اعتبار انها ليله الحنه.
في بدايه اليوم الكل راح عادي علي شغله عادي جدا ووصل كرم الرفاعي علي القاهره .
استقبله مراد كان بيحاول علي قد ما يقدر ما يظهرش انه مش في حالته الطبيعيه عشان في النهايه كرم مأثرش معاهم خالص ولازم ياخد كل واجباته
في الاول خدوا وراحوا لفوا علي الاماكن عشان يختار الانسب كان معاهم سالم وياسين بيفرجوا واستقر علي قطعه ارض كان شايف ان هي دي طلبه.
وبعد كده قال لمراد انه هيروح لنور فا قرر مراد ميسيبهوش لوحده وراح معاه.
وصل وشاف كل حاجه واتفق علي حجات تانيه محتاجها.
نور…..كده مفيش اي حاجه حابب تغيرها.
كرم….لا تمام كده بس عايز نعرف المفروض الحاجه دي توصل امته
نور…..يعني من ثلاث اسابيع لاربعه عشان انت عارف الشحن ممكن باخد وقت
كرم….طيب نقول شهر
نور…..يعني هو مش هيبقي شهر بالظبط ان شاء الله بس خلينا نقول شهر
كرم….خلاص علي خيرة الله وبأمر الله بكره الصبح المبلغ هيكون في حسابك
نور…..بإبتسامه سيبك من الفلوس الوقت احنا مع بعض يعني
كرم….لا اتعود بقي ان الشغل شغل والمعارف والصحاب علاقتهم بره خالص عن الشغل جديد انت ولا ايه
مراد….بغيظ انا مۏتي علي ايد الجيل الجديد ده والله
كرم….بضحك بعد الشړ
نور….ما تروق بقي كده يا عم مراد مالك شادد حيلك علينا كده ليه احنا غلابه
مراد…..انتوا غلابه انتوا ده انتوا عايزين طلق حي في نص راسكم
كرم….بضحك لا يا جدع هما زي الفل بس معلش لسه شباب
نور….وبعدين لو متعلمناش منكم هنتعلم من مين
مراد…..المهم انكم تتعلموا بجد مش الدرس يدخل من هنا ويخرج من هنا
نور….بصحك بصل لكرم طيب معلش بقي يا دكتور كرم انا عايز فلوسي الوقت مش بكره
كرم….بضحك عاجبك كده يا مراد يا طوبجي اهو شم نفسه عليا
نور….لا والله بهزر انت حبيبي انا بس هايز افك مراد مش متعود اشوفك كده
كرم….مالك يا مراد مين مضايقك
مراد…..الواد امير ابن الكلب موقع علي عقد بشرط جزائي ربع مليار
كرم…..اوووووف ده عقد ايه ده وازاي يعمل كده
مراد….غبي مكناش موجودين و صاحب المشروع بعت اتنين موظفين من الامارات والعقد كان في غلطه في الشرط الجزائي
وهو وقع والموظفين سافرو
كرم….ايوه بس الغلطه دي مقصوده
مراد…لا لا مش مقصوده ولا حاجه هما قبلها بيومين كانوا معانا ولما شوفنا العقد وعرفنا ان في غلطه ادونا معاد تاني وحصل يعني شويه لغبطه وسوء فهم في المواعيد بينا وبين بعض فا جم واحنا مش هنا وتقريبا نسيوا وجابوا العقود نفسها تاني
كرم….طيب ما يمكن يا مراد منسيوش وقاصدين
مراد….لا الراجل ده شغالين معاه من سنين وحد محترم جدا ولما عرف قال اعتبروا العقد متوقعش وابعتلكم موظفين تاني بس انا قولتله لا هو هيجيلك بنفسه عشان يتربي هياخد النسخه اللي اتوقعت ويوقعوا الجديده.
كرم….طيب ان شاء الله تعدي علي خير وانت متقفش عليه اوي معلش اكيد عمره ما هينسي الغلطه دي وهيتعلم
مراد….ربنا يعديها علي خير يارب
كرم….يارب يا حبيبي بص لنور وابتسم وزعلان اوي انه شادد حيله عليكم ده انتوا عايزين طلقه في وسط راسكم زي ما قال
نور…..بضحك وقفت في صفه علي طول كده وبعتني
كرم….بضحك ما طلع معاه حق نعمل ايه.
مراد….المهم انت مش ماشي بكره انت معانا وخلاص مفيش لا
كرم….قولتلك سيبها علي الله
مراد….ماهي علي الله بس انت بكره معانا
كرم…..خلاص والله باذن الله معاكم انا كده كده قاعد لحد الجمعه.
مراد….طيب حلو اوي هبعتلك التفاصيل كلها بليل
كرم….تمام يا صاحبي والف مبروك مقدما عقبال ما افرح بامير يارب
نور…..بضحك متجيبش سيرته بقي بيتعفرت ما صدقنا ضحك
كرم…..ولا بيتعفرت ولا حاجه هو واخد علي خاطره شويه وبعدين مراد طيب وبينسي بسرعه
مراد….بابتسامه ربنا يهديه ويهديهم ونفرح بيهم كلهم يارب
كرم….اللهم امين طيب يلا بينا بقي عشان ورايا شويه مشاوير
مراد….يلا انا مستنيك
نور….ما تخليكم قاعدين شويه
مراد….لكرم وبتقولي واحده واحده عليهم دول بيتعاملوا مع مكان اكل عيشهم انه قاعده حلوه عالناصيه
نور…..حصل ليك الجنه والله
كرم…..مش عارف ادافع عنك اشرب بقي
فضل نور وكرم يضحكوا علي مراد وبعد كده قاموا مشيوا
……………….
ركب مراد العربيه هو كرم ووراه الجارد كالعاده.
كرم…..انت رايح الشركه تاني ولا مروح
مراد….لا مش رايح خلاص
كرم….حقك عليا انا عطلتك انهارده
مراد….عطلتني في ايه بلاش الكلام ده وبعدين احنا في مشاوير شغل ولو عطلتني فداك الدنيا كلها ميجيش من بعد اللي عملته معايا انا والشباب
كرم….ايه ده ايه ده بلاش خيابه انا معملتش اي حاجه انتوا اخواتي وانت عارف انك ليك غلاوه عندي واي حد تبعك فوق راسي من فوق
مراد….يا حبيبي متحرمش منك
ابدا
كرم…..ولا منك يا غالي المهم بقي انا مش عايز اتعبك اكتر من كده فا لو مش هتقل عليك توصلني لاي فندق
مراد…..بس بس عيب عليك فندق وانت مع مراد الطوبجي
كرم…..حبيبي قد الدنيا كلها بس عشان خاطري اعمل اللي بنقولك عليك
مراد….متزعلنيش منك يا كرم يا رفاعي وبعدين بلاش اطلع عليك اللي امير عامله فيا
كرم….بضحك طب وانا انا بس
مراد….قولي انت مش معاك شنطه ولا حاجه
كرم….هي الشنطه اللي عالكنبه دي بس انا قولتلك انا جاي عليك علي طول الصبح مروحتش في اي مكان
مراد….طيب حلو اوي يلا بينا.
طلع بيه مراد علي المكان اللي هياخده عليه وبعد وقت بسيط وصل علي كومباوند تبعهم شيك وراقي امن في المكان كله
وصل قدام بيت ثلاث ادوار كله بالزجاج علي النظام الامريكي شكله يجنن .
نزل مراد وكرم ودخلوا علي المدخل الامن وقف باحترام رحب بمراد وخدوا من كرم الشنطه.
طلع معاه مراد وصله للشقه كان في اول دور الشقه من جوه شكلها وهم كل حاجه فبها حديثه مش ناقصها اي حاجه.
مراد…..ايه تمام كده اسيبك ترتاح
كرم…حبيبي يا مراد بجد تسلم ايدك
مراد….لو مش عجباك قولي تتغير حالا
كرم……يا حبيبي تسلم ايدك تجنن والله ومش عارف اقولك ايه
مراد….ولا اي حاجه عايزك تدلع نفسك بس بلاش شقاوه هااا
كرم….بضحك لا متقلقش
مراد….هنتشاقي مع بعض بكره استناني
كرم….بضحك طيب اذا كان كده ماشي مستنيك
مراد….بضحك يلا يا حبيبي الشباب تحت هيجيبولك الغداء وهيجبولك كل حاجه تحتاجها
كرم….مراد انا عارف اني لو قولتلك لا مش هتسمع كلامي بس عشان خاطري قولهم اني مش قاعد كتير انا ماشي الجمعه
مراد…..حاضر متقلقش يلا ارتاح بقي وعيش حياتك
كرم….حبيبي منتحرمش
مراد…..يلا سلام يا حبيبي
كرم….مع السلامه.
……………
في المساء البنات احتفلوا بفيروز عشان يفرحوها وقدروا يغيروا الجو شويه حتي فيروز قدروا يضحكوها ويدخلوها في الجو
وانتهي اليوم بتغير بسيط خلاهم كلهم اتبسطوا مراد كان هادي بس كان واخد جنب مع نفسه مش حابب يضايقهم ولا حابب يحتك بحد ومكانش حابب يكسر فرحة فيروز.
مر اليوم بهدوء راح جلال لامير بليل اداله العقد و حكاله اللي حصل وعرفه انه مقالش حاجه لزيد وقعد معاه شويه وبعدين مشي.
في صباح يوم جديد صحي امير بدري فطروا مع بعض وبعدين خده هشام يوصله للمطار
امير كان قلقان يلاقي حد مستنيه او يضغطوا علي جلال ويعرفوا منه .
لكن اطمن لما وصل وملقاش اي حد سلم علي هشام وبعدين دخل علي جوه خلص كل حاجه وشويه كان علي الطياره
……………..
اليوم كان بيجري بسرعه والكل كان مشغول قررت فيروز انها متروحش اي مكان وتجهز في القصر وتخرج عروسه منه فريده راحتلها هي والتيم بتاعها والكل جهز في القصر
مكانتش حابه تلبس فستان فرح لكن لبست فستان اوف وايت طويل وبكم ماسك علي جسمها كان في فخامه رهيبه حطتلها فريده تاج بسيط لكن كان شكلها عروسه بجد وكانت تجنن حتي الميك اب كان هادي ورقيق
البنات كمان كان شكلهم يهبل بجد وصل منذر كانت مكسوفه تنزل اوي لكن دخل راجح عليها
اول ما البنات شافوا خرجوا كلهم وسابهوها معاه هو وروح.
روح…..بسعاده ولمعه في عينها ايه القمر ده
فيروز….بكسوف وتأثر من الموقف انتي اللي قمر يا مامي
بصت فيروز لراجح وابتسمت
راجح……ايه يا عروسه مكسوفه تنولي لعريسك ولا ايه
ضحكت فيروز ومسكت روح ايدها بحب.
راجح….مبروك يا فيروز مبروك يا حبيبه ابوكي ربنا يجعلها جوازه العمر واشوفك اسعد الناس يا نور عيني
فيروز…..بتأثر الله يبارك فيك يا بابي.
راجح….انا مش هقولك اي حاجه ولا هقولك الكلمتين اللي اي اب بيقولهم لبنته بس هقولك اتبسطي علي قد ما تقدري وخدي بأيدك من الدنيا كل حاجه حلوه و اوعي تسيبي رزقك من السعاده للصدف عشان الرزق مبيستناش حد يا فيروز عارف ان طباعك مختلفه بس الدنيا يا بنتي مش عايزه اللي زيك في الزمن ده عايزه اللي يدخل بقلبه ويكون قدها لازم تعرفي ان مفيش اي حاجه في الدنيا تستاهل انها تزعلك او تأثر عليكي افرحي واتبسطي اللي راح راح اعتبري نفسك بتتولدي من جديد منذر راجل ومحترم ويعتمد عليه بيحبك وانا واثق انه هيشيلك في عينه اوعي تنامي ليله وانتي مزعلاه عشان انا واثق انه عمره ما هيغمضله عين وهو مزعلك
حماتك يا فيروز مش هقولك اعتبريها امك لان امك مفيش حد زيها بس ديما وانتي بتتعاملي معاها حطي صورت امك قدامك وشوفي الطريقه اللي هتتعاملي بيها دي هترضيها علي امك ولا لأ
بس مش معني كلامي انك تتنازلي عن كرامتك و اعرفي ان كرامه بنت الطوبجي فوق رووس الدنيا بحالها كاريمان طيبه وجواها كويس عارف انك سامحتيها وعارف كمان انها بتتعامل معاكي الوقت احسن معامله ولو طالت تجيبلك نجمه من السماء هتجيبلك.
يمكن احنا بشړ ولما حد بيوجعنا او بيتعمد يوجعنا مبنقدرش لا نسامحه ولا بنقدر ننساله الۏجع اللي سببهولنا.
بس الست جاتلك لحد عندك وطلبت السماح عارف انك سامحتيها وكلما سامحيناها بس خدي بالك لو السماح مش طالع من قلبك مش هتعرفي تمشي في حياتك زي ما انتي رسماها
عشان كده طالب منك تبدأي حياه جديده بقلب جديد وكأنك بتتولدي من جديد ادخلي حياتك وانتي قلبك صافي ومش شايله حاجه من حد صدقيني حياتك هتبقي اجمل خدي بالك منها وحطيها في عينك اتعاملي معامله الاسلام هتلاقيها بتتعامل معاكي كانك حته منها وانا ليا نظره في البني ادم يا فيروز
كاريمان القديمه راحت مع كل حاجه راحت وانتي الوقت هتتعاملي وهتعيشي مع كاريمان تانيه خالص ربنا يابنتي يسعدك ويوفقك في حياتك انتي ومنذر
ويملأ بيتكم بركه وهنا واطمئنان
فيروز….بحب حبيبي يا بابي ويخليك ليا انت ومامي
روح….طيب ممكن بقي ننزل للعريس اللي هيتجنن ده
راجح…اه يلا بينا حرام تلاقيه هيتجنن
ضحكت فيروز ومسكت في ايد راجح ونزلوا مع بعض الكل كان تحت اول ما شافوها مع راجح فضلوا يسقفوا ويهللوا والشباب تصفر .
ابتسم منذر بتأثر مش متخيل انه خلاص حلم حياته بيتحقق
حط زيد ايده علي كتف منذر بحب
بصله منذر وابتسم وطبطب علي ضهره.
نزل راجح وقرب منه منذر
راجح….بحب مبروك يا عريس
منذر…..الله يبارك في عمرك يا باشا
راجح…..ابتسم وبص لفيروز حطها في عينك
فيروز…..مش محتاج توصيني يا باشا اطمن مكانها مش في عيني بس
ابتسم راجح برضا عن كلامه وبعدين ضموا بحب.
راجح…..يلا خد عروستك مبروك عليك انت واخد حته من روحي يا منذر
منذر…..وهي واخده روحي كلها
طبطب راجح علي كتفه وبعد شويه سابه معاها
ابتسم منذر بحب باس كفها وباس جبهتها وبعدين مسك كف ايدها
منذر…..بإبتسامه ولغبطه من الموقف طب ايه يلا ولا هتفضلوا واقفين تتفرجوا كتير
سالم….بضحك انا بقول يلا يا شباب قبل ما منذر عقله يفوت مننا
ضحكوا كلهم وبعدين خرجوا
ركبوا العربيات وطلعوا وراء بعض
وصلوا علي يخت كبير متجهز لاستقبالهم الجو كان جميل والكل مبسوط يمكن مراد مش في احسن حالاته دماغه مع امير اللي لسه مفيش اي اخبار عنه بس كان بيحاول يكون طبيعي
جلال وفرح طول الوقت عينهم علي المكان مستنين أمير يجي
وصل عاصم و مهيب وبعدهم علي طول وصل علي ومعاه حنين.
ميعرفش ليه كلمها وقالها انه هيعدي ياخدها وهي متعرفش ليه وافقت
حنين مقدرتش تروح لفريده في القصر عشان الوقت كان متأخر فا فريده بعتتلها لحد البيت بنت شاطره جدا في الميكب اب وهي اللي جهزتها زي ما فريده قالتلها بالظبط.
وطبعا بما ان فريده مش سهله قالت لعلي ان حنين مش معاهم ومقدرتش تيجي وهو فهم الرساله وبسرعه كلمها.
والغريب انها متعرفش ليه وافقت من غير اي تردد.
وصل كرم علي المكان مراد بعتله سواق يجيبه سلم علي الكل واتعرف عليهم كلهم قدم قديه قيمه لفيروز وباركلها هي ومنذر اندمج معاهم في الجو بسرعه وكان مبسوط بالاجواء جدا
…………………
شمس كانت مبسوطه لفيروز ومنذر لكن كانت لسه حزينه من جواها علي مۏت صفيه.
غريبه الدنيا اوقات بتجبرنا نتعايش مع الحزن والفرح في نفس الوقت والمفروض اننا نفصل ونقدر نكمل.
فيروز مكانتش قادره تنكر انها طايره من السعاده لكن هي كمان في نفس الوقت كانت حزينه علي عدم وجود امير و المشكله اللي حصلت وكانت بتتمني يرجع امير بسرعه ويكمل فرحتها و عيلتها تبقي كلها كامله
ونفس شعور شمس وشعور فيروز في الدمج بين الحزن والفرح كان شعور الجميع.
زيد كان مستني اي مكالمه من امير او من راشد عشان يطمن وجزء كبير من الحمل اللي شايله ينزل من علي كتافه.
وكأن امنيته اللي في قلبه اتحققت بسرعه واتصل بيه راشد طمنه.
زيد…..هلا مستر راشد
راشد….هلا بيك زيد باشا ابشر التوقيع تم علي خير اسف اني مقدرتش اكلمك لان كان عندي اجتماع طويل اليوم بعد السفريه اللي كنت فيها واضطريت اني أجل المعاد مع امير
بس اجتمعت بامير علي الساعه أربعه وكل حاجه خلصت علي اتفاقنا القديم وارسلت ليك علي الايميل صوره بتوقيع العقود
وكمان العقد اللي اتوقع في مصر سلمته لامير يعني اطمن خلاص كل شئ تمام وفي انتظارك انت ومراد باشا في اي وقت عشان نبدأ رحلتنا الجديد مع بعض
زيد….بتنهيده طويله وسعاده حبيبي يا مستر راشد مش عارف اقولك ايه علي كل اللي عملته
بس ده المتوقع منك شكرا جدا علي سعة صدرك للغلطه اللي حصلت
راشد….حبيبي انا اللي بشكرك جدا واسف مره كمان علي اللي حصل
زيد…تسلم يارب بس هو امير طيارته طلعت امته لانه مكلمنيش خالص
راشد…..انا ارسلت معاه السواق للمطار هو قال طيارته الساعه 8 واكيد خلاص الطياره اتحركت يوصل بالف خير ان شاء الله
زيد…..يارب اللهم امين تسلملي وان شاء الله هبلغك بالمعاد اللي هنيجي فيه
راشد….وانا في انتظاركم والف مبروك زواج اختك
زيد….الله يبارك فيك وانا مش عطلك اكتر من كده مع الف سلامه
راشد…. الله يسلمك
قفل زيد وبسرعه فتح الايميل شاف التوقيع الجديد بأمضاء امير وشاف صوره بتجمعهم اثناء التوقيع.
خرج نفس طويل وكأنه الجبل اللي علي صدره خلص منه.
زيد…..بإبتسامه يا جماااااعه معلش ثواني بس عندي خبر حلو
الكل سكت وبصله
زيد…..الحمد لله التوقيع الجديد تم علي خير ومستر راشد بعتلي صوره التوقيع الجديد وامير الوقت في طريقه لمصر.
الجميع اترسم علي وشه السعاده واولهم مراد اللي رفع وشه للسماء وهو بيحمد ربنا.
البنات كلهم ابتسموا وضحكوا والشباب فضلوا يتكلموا بصوت عالي اللي يحمد ربنا واللي يقول عاش واللي يقول عدت علي خير
داوود حضڼ مراد بسعاده
داوود….كده بيتهيألي تفك بقي
مراد….الحمد لله يا داوود
راجح….مبروك يا مراد
مراد….مبروك علينا كلنا يا حبيبي
روح….اظن بقي كده ترضي عن امير شويه ابنك عمل اللي عليه وصلح غلطته
مراد…..الحمد لله يا روح عدينا الصعب اللي جاي سهل المهم انه بتعلم.
فيروز….لزيد طيب هو هيجي امته يا زيد
زيد….مش عارف يا حبيبتي هو قالي ان طيارته طلعت الساعه 8
فيروز…..بس هو كده ممكن ميلحقش
زبد….حتي لو ملحقش يا فيروز معلش المهم انه بخير والمهم اننا خلصنا من المشكله اللي حصلت
فيروز…..بحزن هزت راسها لزيد
منذر….بهمس هتفضلي زعلانه كده
فيروز….كان نفسي يكون معانا وكان نفسي ميحصلش اي حاجه قبل فرحنا
منذر…..يمكن ربنا عنده حكمه في اللي حصل ده يا فيروز وبعدين انتي عارفه ان امير لو بأيده مش هيتأخر عليكي ابدا ولو هيقدر يلحق اكيد هيجي جري بس لو محصلش نصيب نعذره ويارت تتبسطي شويه وان شاء الله يرجع بس هو ونعزمه في بيتنا ونعوض السهره دي بسهره احلي وبالمره نصالحهم علي بعض ابه رايك
فيروز….بإبتسامه موافقه طبعا
منذر…..طب قوليلي ايه القمر ده
فيروز….انت اللي قمر اوي وشكلك حلو
منذر….يعني انفع عريس
فيروز….بضحك اكيد احلي عريس في الدنيا
منذر….بإبتسامه كده كتير عليا بقولك ايه ما تيجي نروح كفايه كده
فيروز….نروح ايه احنا لحقنا
منذر…..عندي كلام كتير اوي متعرفيش عنه حاجه ولازم اقولهولك
فيروز…..امممم طيب نأجله شويه لحد ما نروح
منذر….بحب انتي شايفه كده
فيروز…..يعني من فضلك
منذر….ماشي يا ستي موافق بس مش كتير هاااا
فيروز….بضحك ماشي اتفقنا.
………..
صبا …بحب اظن كده انت ارتاحت
زيد….الحمد لله يا صبا
صبا….يبقي تفك بقي عشان خطړي
زيد….انا تمام متقلقيش
قرب منهم جلال بص لزيد ابتسم ورفع عينه لفوق
صبا….بضحك اتفضل بقي الرخم جالك
زيد….بسخريه اديكي قولتي رخم
جلال…..بإبتسامه قرب منه وباس كتفه بحب بقولك ايه متعملش فيها مقموص انا كنت مضايق وانت عارف بس والله ما اقدر علي زعلك
زيد ….لا يا شيخ واضح فعلا انك متقدرش علي زعلي
جلال….بحب والله العظيم ما اقدر علي زعلك ابدا انت عارف انك روحي يا زيد بس كان ڠصب عني وعلي فكره انا قولتلك كلام عبيط بس والله من وراء قلبي انت اجدع اخ في الدنيا وحقيقي انا عمري ما احتاجتك انا او اي حد ومكنتش واقف في ضهرنا والنبي لو بتحبني بجد متزعلش مني انا اسف
صبا….خلاص بقي يا زيد وحياتي ده جلال بردوا حبيبك
زيد….بإبتسامه ضمھ بحب للاسف حبيبي ومقدرش ازعل منه
جلال….بحب ربنا ما يحرمني من وجودك يا حبيبي
زيد…..ولا يحرمني منكم
جلال….يعني مش زعلان
زيد….مقدرش ازعل من حد فيكم وبعدين انت عارف غلاوتك في قلبي انت وامير انتوا ولادي مش اخواتي الصغيرين
جلال…..اهو ده الكلام والله كنت عارف ان قلبك ابيض
زيد….طب بلا يا بكاش روح شوف صحابك
جلال…..كاشي ياعم بس قولي ايه القمر ده
زيد…..دي اقل حاجه عندي ياض
جلال….طلاق تلاته باشا من صغرك
ضحك زيد وصبا عليه
زيد….امشي ياواد يلا
ضحك جلال ومشي وسابهم.
وضمت صبا زيد بحب
…………
رامي…..ايه القمر ده يا غيبوبتي
فاطيما…..بقولك ايه بطل كلمه غيبوبتي دي لا ارميك في النيل
رامي….وانا موافق يلا ارميني
فاطيما….بضحك انت مستغني عن عمرك ولا ايه
رامي….والله لو هيخلص علي ايدك انا موافق
فاطيما….بعد الشړ عنك
رامي….اوباااا غيبوبتي خاېفه عليا
فاطيما….طبعا علي فكره شكلك حلو اوي
رامي….حاولت عشان اعجب القمر
ضحكت فاطيما بكسوف وسكتت
…………
ميار كانت بترقص مع ملك وياسين ونادر ومريم وجنه وبعدين راحت تشرب
ميار….اووووف تعبت
نور…..بغيظ ما لازم تتعبي ايه وصلة الرقص خلصت
ميار…..بضحك لسه يا مسيو نو مخلصتش بس قولت اخد بريك شويه ما تيجي يلا ترقص معانا
نور….لا شكرا سايبلك انتي الطلعه دي وبعدين ايه الفستان اللي انتي لبساه ده
ميار….ماله وحش
نور….اه مش حلو
ميار….بجد ده اللي اشتريناه مع بعض انت مش شوفته
نور…اه شوفته بس وهو في ايدك مش وانتي لبساه
ميار….ودي تفرق
نور…طبعا تفرق كتير
ميار….تفرق في ايه طيب لونه اختلف مثلا
نور…..لا بس الفتحه كبيره شويه وصدرك كله باين
بصتله ميار پصدمه ومعرفتش ترد وشها احمر وفضل قلبها يدق بسرعه متوقعتش ان نور يقولها كده.
نور….ايه مالك بصالي كده ليه بقولك حاجه غلط
ميار….اااا نور انت كويس
نور…..شيفاني مچنون ولا ايه
ميار….لا بس يعني انت اول مره تتكلم معايا كده وبعدين انت عمرك ما ادخلت في لبسي
نور….طيب انا اسف يا ستي لو زعلتي
ميار….مزعلتش بس مستغرباك
نور…..ومستغرباني ليه
ميار…..مش عارفه بس كلامك غريب
نور…..امممم طيب اتعودي بقي عليه عشان من هنا ورايح لو شوفت اي حاجه مش عجباني هعلق عليها مفهوم
بصتله ميار پصدمه ابتسمت بهدوء ومعرفتش ترد عليه
نور…..ابتسم بهدوء وفضل باصصلها في عينها من غير ما يرمش
زادت دقات قلب ميار من نظراته الغريبه
نور….بهدوء فين الشال بتاع الفستان بتاعك
ميار….بإرتباك وتوتر اهو هناك
نور مشي كام خطوه وفضلت عينها عليه راح جاب شال وقرب منها بهدوء
نور….امسكي لفيه عليكي كويس
خدته ميار من ايده وهزت راسها من غير ولا كلمه وحطت الشال علي كتفها
مسك نور طرف الشال وحطه علي كتفها التاني
نور…..كده احسن مش عايزه ينزل تاني تمام
ابتسمت ميار وهي متلغبطه بصت علي الارض وهزت راسها من غير اي تعليق
ابتسم نور وسابها ومشي فضلت ميار واقفه في مكانها بتحاول تفهم الشعور اللي وصلها ده حقيقي ولا هي غلطانه
رفعت عينها من بعيد نور كان واقف وسط الشباب لكن عينه كانت عليها او ما عينها جات في عينه ابتسم من بعيد
ارتبكت اكتر وبسرعه ادتله ضهرها وهي بتحاول تسيطر علي ضربات قلبها من نظراته الغريبه والجديده عليها.
……………..
تقي….مبروك يا حبيبي
مراد….الله يبارك فيكي يا تقي
تقي انا كنت عايز اتأسفلك علي الطريقه اللي اتكلمت بيها معاكي
تقي…..من غير ما تتأسف يا حبيبي انا مش زعلانه منك عشان انت كان معاك حق وانا اللي بعتذرلك اينعم انا شوفت مراد جديد عليا تماما بس عايزه اقولك اني بحبك وفخوره بيك فوق ما تتخيل وعلي فكره مراد الجديد عليا خلاني حبيته اكتر
مراد….بإبتسامه رفع حاجبه واللله عجبك مراد الجديد
تقي….بضحكه رقيقه اوي هو كان عڼيف شويه بس ميمنعش اني انبهرت بيه وبشخصيته الجديه
مراد…..امممم طب مش تقولي انك بتحبي العڼف كنت عرفتك علي الشخصيه الجديده دي من زمان
تقي….بكسوف ضحكت انا بقول عڼف الشخصيه مش حاجه تانيه يا قليل الادب
مراد….بضحك واحد يا قلب مراد وعموما رحبي بقي بمراد العڼيف واستعدي عشان هيظهر النهارده بليل
ضحكت تقي وبعدت عنه بسرعه فضل مراد يضحك عليها .
………….
بعد وقت بسيط اشتغلت اغنيه سلو رقص منذر وفيروز وكل كابلز انضموا ليهم.
راح نور بهدوء مد كفه لميار
بصتله بكسوف و هزتله راسه بمعني عايز ايه
من غير ما يقول اي كلمه مسك كف ايدها وسحبها عشان يرقص معاها راحت في ايده ووقع الشال من علي كتفها
وقف نور قدامها ومسك وسطها وبالايد التانيه رفع الشال بهدوء علي كتفها وفضل باصص في عينها وهي بنحاول ماتبصش عليه كانت سانده ايدها الاتنين
علي صدره وباصه بعيد ضمھا نور اكتر اتصمدت ومكانتش عارفه تقول اي حاجه
نور…..بهمس ايدك ساقعه ليه
ميار….بإرتباك اااا انا لا عادي ممكن من الهواء
نور….بإبتسامه ممكن
بصتله ميار وبسرعه نزلت عينها
نور……متلغبطه ايه كده
ميار…..بصتله وهي قلبها بيدق انا متلغبطه
نور….بإبتسامه جميله جدا ولو سيبتك هتقعي من طولك كمان
ميار…..ابتسمت ميار بإحراج وبعدين بصتله انت مش طبيعي انهارده ولو انا متلغبطه بجد يبقي بسسببك انت يا نور
نور….. نور من غير مسيو
ميار….بإبتسامه المسيو بتاعي غايب عني انهارده
نور…..امال اللي بترقصي معاه ده مين
ميار…..ده نور بس نور جديد عليا
نور….طيب ونور الجديد عليكي ده مضايقك ولا ايه
ميار…..لا مش مضايقني بس مش فهماه
نور…..مسك دقنها ورفع وشها ليه
تحبي تفهميه
اتوتر ميار اكتر وبعدت عينها تاني عنه
نور…..ميار
ميار….بتنهيده نعم
نور….بصيلي
ميار بصتله بهدوء
نور…..ردي عليا تحبي تفهميه
ميار….هزت راسها احب افهمه
نور….وانا محتاج اعرفك عليه اوي
ابتسمت ميار وفضلت بصاله وكملت معاه الرقصه.
…………
تقي…..مراد
مراد….قلبه
تقي…..ممكن اروح اقعد وترقص فرح شويه
بص مراد عليها كانت واقفه بتصورهم بس باين عليها الحزن
تقي….عشان خاطري متنساش انها اكيد مفتقده امير وبعدين انت زعلتها
مراد….بحب حاضر يا ستي
راح مراد علي فرح مسك ايدها وسحبها
فرح….پصدمه في ايه بصورهم
مراد…..تقي هتصورنا تعالي ارقصي معايا يا جزمه
ابتسمت فرح بزعل
فرح….مش عايزه ارقص معاك
مراد…يابت انتي. تطولي وبعدين بدل ما انتي واقفه لوحدك كده
فرح….ما البركه فيك كان زماني مش واقفه لوحدي
مراد…اتنيلي وبعدين هترقصي مع ابوه بزمتك انتي تطولي
ابتسمت فرح ورقصت معاه
مراد….بحب اينعم انا مش طايقك بس ميهونش عليا زعلك حقك عليا
فرح…بحب حضنته اوي انا اسفه يا مراد ياريت انت اللي متزعلش مني انا اتعلمت الدرس كويس بس كمان لازم تعرف ان نيتنا كانت كويسه
مراد….عارف بس لازم تعرفي ان النوايه الكويسه في الشغل مش مرفوضه عشان وقت وقوع الكارثه النوايه الكويسه مش هتبرر الغلط
فرح….معاك حق وانا خلاص فهمت الدرس بس وحياتي يا مراد متزعلش امير اكتر من كده وصالحه
مراد….بحب ده ابني يا عبيطه ومقردش ازعله بس هو كان لازم بحس بحجم الغلطه اللي ارتكبها وعموما هو صلح غلطته واكيد مش هيغلط تاني ولو علي الصلح يرجع بس هو بالسلامه وكل حاجه تتصلح
فرح….انا بحبك اوي يا ميرو
مراد….وانا بحبك اكتر يا قلب ميرو
………….
عاصم وهو بيرفص مع فريده
عاصم….بقول ايه ما تيجي نفجر المفجأه الوقت
فريده….لا طبعا
عاصم….ليه
فريده….انا مش مستعده لسه وبعدين بلاش تحرجني انا لسه معرفتش حد
عاصم….حرام عليكي ارحمي قلبي شويه
فريده….بحب خلاص هانت ايه مش قادر تستني اسبوع
عاصم….وحياة فريده عندي ولا قادر اتحمل دقيقه
فريده….بتنهيده حب لفت ايدها علي رقبته بحبك يا عاصم
عاصم……وانا بمۏت فيكي يا قلب عاصم
……………
علي…بضحك بس ايه الجمال ده كله يا حنون
حنين….بضحك بقولك ايه متخلنيش اطلع الراجل اللي قدامي وانكد عليك خليني كده محافظه علي شياكتي واناقتي
علي….بضحك ايوه خليكي كيوت احسن
حنين….طيب يبقي متستفزنيش ياعم لولي
علي …بضحك شايفه انتي اللي بتجري شكلي اهو
حنين….انت اللي بدأت
علي….كنت بشكر فيكي تصدقي انا غلطان
حنين….لا بس سيبك مني يخربيت الكاريزما
علي….ايه رأيك قمر صح
حنين….مش اوي كده متعيش الدور
علي….لا انا اعيشه براحتي وبعدين انتي تطولي ترقصي مع واحد بالكرايزما بتاعتي
حنين…احيه عالغرور لا مش اوي كده
علي…..حقي اتغر ده زمان بنات الدنيا بيحسدوكي عليا
حنين…..بضحك لا بقولك ايه انا واحده صاحبة مرض والغرور والثقه الزايده بيعملولي حساسيه
علي …بضحك لا بقولك ايه متتلككيش اوعي تكوني عندك عدوي
حنين….بضحك ايوه وهبهدلك هرش الوقت
علي…..طيب نتكلم جد بقي علي فكره انا اللي محظوظ اني برقص مع احلي بنت في الدنيا
حنين….بإبتسامه فضلت تبص شمال ويمين
علي….بضحك ايه قولت حاجه غلط
حنين….خد بالك انا ممكن اصدق واتغر وابهدلك معايا وبعدين الكلام الحلو ده بيدخلي من ثغراتي
علي….بضحك بيعمل فيكي ايه بقي لما بيدخلك من ثغراتك
حنين….عيب تسأل السؤال ده لواحده عندنا ربع سليم والباقي ضارب انا ممكن الةقت بعلو صوتي اقول انك اتحرشت بيا واخليك تدبس فيا
علي…ضحك بصوت عالي انتي مصېبه والله العظيم وياستي انا موافق يلا قوليها بصوت عالي وانا هصلح غلطتي
ضحكت حنين وكملوا رقصتهم مع بعض وهما مبسوطين.
………………..
قاسم…..شكلك زي القمر انهارده
زهره…..بجد
قاسم….مش محتاجه سؤال
زهره….علي فكره انت كمان شكلك حلو اوي
قاسم….عشان انتي جنبي
زهره….بسعاده جنه شكلها مبسوط
قاسم….واضح ربنا يسعدها يارب حاسي ان في اخبار حلوه الفتره اللي جايه
زهره….شكلها كده حتي فريده مبسوطه اوي
قاسم….ملاحظ هي وعاصم مندمجين اوي ربنا يسعدهم فريده تستاهل كل خير
زهره….نفسي اطمن عليها واشوفها مبسوطه بجد
قاسم….هيحصل ان شاء الله يا قلبي والايام الجايه هتبقي كلها اخبار حلوه
زهره….بحب ضمته ونامت علي كتفه يارب يا قاسم يارب
…………….
هشام…..هتفضلي زعلانه مني انا غلطان يعني اني قولتلك
جنه….انا جاي تقولي الوقت انه كان عندك طيب ما انا سألتك كذا مره ليه مقولتليش علي الاقل كنت اطمنت عليه
هشام…..با جنه ده اخويا مش صاحبي والحاله اللي كان جاي فيها مكانتش تستدعي اني اجادل فبه واضغط عليه واقوله لا هقولهم كان هيمشي ومكانش حد فينا هيعرف مكانه خالص وبعدين هو كان قدامه يومين ويسافر فا محبتش اضغط عليه لانه كان حالف يمشي والله مقدرتش اسيبه في الحاله دي وخۏفت انتي تقولي ڠصب عنك عشان تطمنيهم و حد فيهم يجي وهو يمشي وهيقلب عليا وقتها
فا معلش حقك عليا متزعليش
جنه….انا مش زعلانه والله بس كلنا كنا قلقانين عليه ولو كنت قولتلي كل ده مكنتش هقول لحد
هشام…..معلش حقك عليا متزعليش بقي انا موقفي والله كان مش احسن حاجه
جنه …بإبتسامه خلاص عفيت عنك بس بعد كده بما اننا واحد تبقي تعرفني
هشام…..عيوني يا قلبي صافيه لبن يعني خلاص
جنه….امممم ماشي صافيه لبن.
……………
رهف…..علي فكره كنت هتجنن عليك لما جيت ومشيت بسرعه
جلال…..كان ڠصب عني والله يا حبيبتي كنت مضايق وخاېف علي امير اوي اصلك مشوفتيش اللي حصل في الشركه يومها
رهف…..المهم انها عدت علي خير الحمد لله والله كنت قلقانه اوي يحصل حاجه مش حلوه وكنت خاېفه علي امير من مراد
جلال…..الحمد لله ربنا عداها علي خير عشان احنا مكناش نقصد بحصل كل ده كنا فاكرين انتا بنصحح موقف
رهف….المهم بعد كده محدش فيكم يحط نفسه في مشكله
جلال….بضحك لا خلاص توبه انا اهم حاجه عندي الوقت مراد يعفي عني انا مش عن امير
رهف….بضحك ده واضح ان مراد طلع شرير اوي واحنا منعرفش
جلال….لا شرير دي تتقال علي حد متعصب شويه مش علي مراد ده ابو لهب طلع برقبته
رهف….بضحك بردوا مش هصدق غير لو شوفت بعيني اصل بحس ان مراد كيوت كده وجميل
جلال….بضحك مراد كيوت طب متخلنيش ادعي عليكي تقعي تحت ايده
رهف….لا خلاص مش عايزه الله الغني
فضل مراد ورهف يضحكوا وكملوا رقصتهم
اليوم انتهي نهايه سعيده واخيرا الهم اللي كانوا شايلينه بعد عنهم وتخطوا غلطه كانت ممكن توقعهم وتوقع الكيان اللي تعبه عشان يبنوا.
وصلوا فيروز ومنذر وكاريمان قررت تسيبهم اول اسبوع يفرحوا ببعض وفضلت في الڤيلا بتاعتها .
اما فيروز الصغيره فضلت مع الناني بتاعتها في قصر الطوبجي وده كان قرار روح عشان فيروز ومنذر يفصلوا خالص ويتبسطوا
طبعا امير مقدرش يلحقهم وعشان كان عارف ان فيروز اكيد زعلانه فا قرر انه يروحلها عشان فرحتها تكمل وتقدر تتبسط بجد
وصل قدام الڤيلا بتاعتهم كانوا لسه الكل بيركبوا العربيات بيعد ما وصلوهم وعملولهم احلي زفه.
واول ما مشيوا قرب امير من الڤيلا ولحقهم قبل ما يدخلوا.
امير…..فيرووووز
بصت فيروز بسرعه وراها هي ومنذر
ضحك منذر بسعاده
وجريت عليه فيروز ضمته وفضلت ټعيط
فيروز…..كده يا امير كده متجيش
امير….بحب مبروك يا قلبي حقك عليا ملحقتش والله
منذر….انت عارف انا لو فايقلك كان زمانك واكلك علقھ
ضحك امير وسلم عليه بحب وهو بيطبطب علي ضهره
امير…..حقكم عليا مبروك يا عريس
منذر….الله يبارك فيك مبروك ليك انت عاش يا وحش عدت علي خير الحمد لله
امير….الحمد لله وانتي بطلي عياط
فيروز….مكنتش قادر تيجي بدري شويه علي الاقل يا رخم كنت اتصورت معانا وميبقاش حد ناقص منكم في اي صوره
امير…..بضحك بس كده طيب نستغل الفستان القمر ده والبدله الجاحده دي وناخد كام صوره مع احلي عريس وعروسه
طلع امير موبايله ورفع الموبايل يتصور معاهم
امير…..اضحكي يلا هتطلعي في الصوره وانتي معيطه كده
ضحكت فيروز ومسحت دموعها وفضل امير ياخد معاهم كام صوره
امير…..ابسطي يا ستي وجاي لابسلك بدله بس ده عشان الاجتماع
فيروز…..بضحك قمر في كل حالاتك
امير…..حبيبه قلبي انتي اللي تجنني انا مكنتش هقدر اروح علي القصر قبل ما اجيلك كنت هجيلك بكره بس قولت مينفعش لازم اخلي البوم يخلص وانتي مبسوطه متزعليش بقي واتبسطي يا احلي عروسه واياكي تنكدي علي الراجل
منذر….بضحك فولها والنبي انا غلبان
امير….بضحك ربنا يسعدكم يارب والف مبروك يا حبايبي شكلكم زي القمر وبجد انا طاير من الفرحه عشانكم
منذر…يا حبيبي بس الكلمتين الحلوين دول ميمنعوش اني هفوقلك عشان اتصل عليك وابعتلك ومتردش
امير….بضحك خلاص يا عم بقي ميبقاش قلبك اسود ده انتوا مهنتوش عليا
منذر….المهم انها عدت علي خير عايزك بقي تروق الجو كده بينك وبين مراد
امير….خليها علي الله ويلا خد عروستك واتكل ولا حبيت القاعده في الجنينه
فيروز….طيب خليك شويه
امير…بضحك لا خليك شويه ايه
عيزاه بنط في كرشي
منذر….بضحك لا والله يا جزمه خليك بجد شويه
امير….لا انا لازم اروح القصر عشان كمان اديهم العقود خليني اخلص بقي
منذر…..ماشي يا حبيبي ومبروك
امير….مبروك ليكم انتوا
ضم فيروز تاني وضم منذر وبعدين سلم عليهم ومشيوا
وقدر امير يفرح فيروز بجد ويكمل فرحتها بشوفته علي خير
……………….
بعد حوالي ساعه وصل امير علي القصر كان الكل قاعد في الجنينه من بعد ما وصلوا اول ما شافوه داخل عليهم
جرى عليه امير وفرح وجنه وقرب منه الشباب سلموا عليه وكانت سبقاهم طبعا روح
روح…..كده يا امير كده تعمل فيا كده
امير….بإبتسامه حقك عليا ياروح ومبروك لفيروز
روح….كانت ھتتجن وتكون معاها
امير….متقلقيش انا راضيتها ولسه جاي حالا من عندها هي ومنذر واتصورت معاهم كمان
روح….بإبتسامه من وسط دموعها بجد
امير….اه والله بجد
بص امير لفرح بحب طبطب علي خدها وبعدين سابهم وقرب من راجح ومراد
داوود…كان واقف ضمھ بحب حمد الله علي السلامه
امير….الله يسلمك يا حبيبي
زيد…..ايه افتكرت انك ليك بيت
امير….بتنهيده قرب من زيد من غير ولا كلمه وباس كتفه
سكت زيد ومقدرش يرد سكته بالحركه بتاعته
قرب امير من مراد بص لراجح الاول
امير…..مبروك يا عمي لفيروز واسف علي كل اللي حصل مني
راجح…..وانا كنت عارف انك قدها يا امير وكنت عارف انك هتلحق اللي حصل
امير…..الحمد لله عدت علي خير
بص لمراد و حط قدامه العقود
العقود يا مراد باشا اسف علي الغلطه اللي حصلت واتمني تقبل اعتذاري العقود سليمه ومفيهاش اي غلطه بيتهيألي انا كده صلحت غلطتي وعملت اللي عليا الباقي كله بتاعكم انتوا بقي
رفع مراد وشه لامير وهو من جواه ھيموت من الفرحه عشان شايفه قدامه
مراد…..لسه مشوارك طويل يا امير باشا من بكره اول الاسبوع هيكون في نظام تاني خالص في الشغل بس اقابل بقي
امير…..بإبتسامه بص بعيد وبعدين بصله لا اول الاسبوع ده بتاعي انا يا باشا وببتهيألي انا مضيت استقالتي
مراد بصله وهو رافع حاجبه
راجح….الكلام ده مش عايز اسمعه تاني ايه خلاص لا عايز تكمل شغل ولا عايز تقعد في البيت
امير….بإبتسامه هاديه لراجح لا يا عمي انا رجعت البيت رجعت بيتي لما سيبته مكنتش قاصد اسيبه بس كنت مقرر اني مرجعهوش غير وانا مصلح الغلط اللي حصل والحمد لله خلصته واديني رجعت وسطكم تاني ومش هتتكر مره تانيه اني اسيب البيت انا بقي بخصوص الشغل فا انا بعتذر انا بره مجموعه الطوبجي
مراد……علي اساس انك هتعرف تقوملك قومه بره الشركه
امير…بإبتسامه تحدي هتقوملي قومه يا مراد باشا واوعدك قريب اوي هيبقي في بينا شغل ومش بس كده هستني جنابك تيجي تاخد التوقيع بنفسك مني اصلي بصراحه حبيت موضوع التوقيع ده اوي
ابتسم مراد بإعجاب وبصله
مراد….شايفك بتتحداني يا امير
امير…..التحدي اتربيت عليه منك ومن عمي ومن اخواتي اللي ماشاء الله نجحوا وكسروا الدنيا لفضل التحدي والاصرار اللي جواهم
مراد….امممم حلو بس انت لسه بدري عليك عشان تقف علي رجلك وتحقق نفسك ويجي البوم اللي احنا نحتاجك معانا في شغل بيتهيألي لسه كتير اوي عشان اسمك يوصلنا
امير…بضحك بصله بالعكس مش بدري ولا حاجه بيقولوا ان الحياه فرص يا باشا وبيقولوا كمان علي اللي بيتولد وهو مش شايل هم حاجه انه اتولد وهو في بوقه معلقه دهب .
وانا بقي محظوظ عشان عندي الاتنين عندي فرصه وعندي المعلقه الدهب وانا قررت استغل الفرصه اصل انا استغالالي اوي
وقررت استغل اسم الطوبجي لصالحي يا باشا.
صراحه فرصه متتعوضش انا مولود واسم عيلتي محلق في السماء ولو سيبت الفرصه دي تضيع من تحت ايدي ابقي غبي وامير مراد الطوبجي مش غبي يا باشا والاسم اللي انتوا تعبتوا فيه ده انا قررت استغله وقررت افضل محتفظ بالمعلقه الدهب اللي في بوقي واوعدك ثلاث شهور واسم امير مراد الطوبجي هيبقي بيتردد في كل انحاء مصر
مراد…بإبتسامه اممم حلو عجبني التحدي اللي في عينك بس اتمني تنفذ اللي في دماغك بنفس الحماس اللي شايفه ده وحلال عليك الاسم ياسيدي بس قولي هتنافسنا يعني ولا ايه
الكل كان واقف مبتسم ومصډوم من النقاش اللي حاصل بينهم
امير…..ايه خاېف يا باشا من المنافسه
مراد….بسخريه اخاڤ منك مستحيل انت فاكر ان ممكن حد يجازف ويسيبنا ويشتغل معاك انت
امير…..والله كلمتك دي بتخلي التحدي عندي يزيد بس اطمن يا باشا قولتلك انا تربيتك ومش غبي انا قررت اني اشتغل في الحاجه اللي حابب انفذها وتقدر تقول يعني اني هبدأ بمشروع جديد كيان الطوبجي مشتغلش فيه.
مراد….بضحك امممم معني كده ان مش هيبقي في بينا شغل وتوقيع زي ما قولت ادام هتشتغل في حاجه بعيده عن شغلنا.
امير…..يمكن مش نفس شغلكم بس اوعدك هتطلبواومني الشړاكه
مراد….ده انت واثق بقي
امير…..فوق ما تتخيل
مراد…طيب ما تدينا فكره عن مشورعك المجهول اوعي يكون مشروع سلسله الماركت اللي قولتلي عليها قبل كده
امير…..والله دي اسرار بقي بس لو فرضنا ان هي يضايقك في ايه
مراد….وانا هضايق ليه لو قدرت تنفذها بطريقه صح وتنافس اكبر سلاسل الماركت الموجوده في البلد وقتها بس يمكن نفكر يبقي في بينا شغل
امير……بضحك هيبقي في واطمن هستناك يا باشا تجيلي بنفسك وتعرض عليا الشړاكه ووقتها يا اقبل يا ارفض
ااااا يلا انا مضطر اطلع ارتاح مبروك لفيروز ومنذر بعد اذنكم.
طلع امير وهو طاير من السعاده
وطلع وراه امير وفرح وجنه يجروا.
وفضل مراد مبتسم وسعيد والكل مرسوم علي وشه الابتسامه.
زيد….بضحك خدتها في نص راسك يا مراد
مراد….حصل بس المهم ينفذ
زيد….بيتهيألي هيقدر
راجح….بإبتسامه زيد انت واخواتك خليكم جنبه واعملوا كل اللي يطلبه
زيد….بضحك مش فاهم شكل اللعبه عجبتك يا باشا
راجح….فوق ما تتخيل عايزكم توفروله الاماكن اللي هيحتاجها بس من غير ما تسهلوله اي حاجه
مراد…..بالظبط علي قد اللي معاه يبدأ فرع بقي او اتنين ولو عايزها سلسله ماركت بجد يبقي يشغل نفسه بنفسه
زيد…..فهمت واعتبروا حصل.
سالم……بس مش هينفع نسيبه يا مراد
مراد….عينكم عليه من بعيد يا سالم بس مش عايزكم تقربوا الا لو حسيتوا انه محتاج مساعده بجد
راجح…..امير الفتره الجايه مسؤوليتك يا سالم انت وقاسم وزيد.
سالم…حصل
زيد…..بضحك ربنا يستر والتلميذ ميتفوقش علي استاذه ونلاقيك رايحله بنفسك يا مراد تطلب الشړاكه
مراد….بضحك والله لو عمل المشروع بنفس الشكل المطلوب وقتها يحقله يقعد ويحط رجل علي رجل هو عايز يردهالي بس غبي ميعرفش اني اكتر حد مبسوط من اللي حصل
روح….بإبتسامه كان معاك حق يا مراد انت وراجح
بص مراد لراجح وضحكوا الاتنين
راجح…..الوقعه اللي مبتموتش بتقوي
مراد…..والغلطه لو متاخدتش بعين الاعتبار هتتكرر وامير حط الغلطه في عين الاعتبار والطريق قدامه مفتوح يلا يورينا شطارته.
راجح….بإبتسامه ذاك الشبل من ذاك الاسد
مراد…..انا هفضل مديونلك بالقلم ده لاخر عمري يا راجح لانه مفوقنيش انا بس ده خلاني اعرف افوق ابني
راجح….بإبتسامه فخر طبطب علي كف مراد وابنك هيشرفك زي ما شرفتني يا مراد افرح واتبسط بيه ربيت راجل
مراد…بفخر وامتنان الفضل كله لروح مش ليا انا يا راجح روح قدرت تربي رجاله يعتمد عليها
روح….بحب وهيفضلوا ديما رافعين راسكم لفوق يا مراد ارتاحوا واطمنوا
راجح….الكلام اللي اتقال مش عايز حرف منه يطلع لامير وجلال وفرح وجنه سيبوهم يتعلموا من غلطاتهم واحنا خلينا نشد كرسي و نتفرج علي بدايه نجاحات جديده لمملكة الطوبجي
ابتسموا كلهم وهزوا راسهم بسعاده.
…………………
بعد مرووووووووور فتره كبيره من الزمن…
روح…..بس وانتهت قصة فيروز ومنذر نهايه جميله الاتنين حقيقي يستحقوها.
كارمن…..طيب ايه اللي حصل بعد الفرح يا نناه
روح…..يااااااه ده اللي حصل كتير اوي يا قلب نناه يتحكي في مجلدات
سيليا….طيب حضرتك قولتي يا نناه ان في ناس كتير حياتهم اتغيرت زي جلال وامير بس مقولتيش اتغيرت ليه و ازاي
روح…..اتغيرت ليه لان اي بني ادم فينا طول ما هو عايش بيحصله مواقف كتير وسواء المواقف دي ايجابيه او سلبيه لازم البني ادم يخرج منها متغير وبالتالي حياته بتاخد نمط تاني غير اللي كان عايش عليها
عمر…..طيب ايه الموقف اللي غير حياتهم يا نناه
روح…لاااااا انا قولت هحكيلكم انهارده حكايه صغيره كفايه عليكم كده انهارده
آسيا……طيب قوليلنا حكايه صغيره كمان عشان خاطري
راجح….طيب هو فعلا امير قدر يشاركهم
روح…..قدر امير كلمه مراد اثر فيه وقت الاجتماع كان وقتها حاسس بإهانه ومهم اوي يا ولاد ان البني ادم لما يحس بإهانه ميتكسرش بالعكس يقف عليه رجله ويحط الكلام اللي وجعه ده هدف قدام عينه ويغير مسار طريقه للصح لو كان امير وقف عند الكلمتين اللي سمعهم من مراد واتوجع ومحطهمش مكانه كان هيفضل واقف غي نفس المكان لكن هو كان شاطر استخدم وجعه بطريقه صح ونجح.
چوري…..طيب قوليلنا يانناه ازاي رجعوا تاني اشتغلوا مع بعض
روح….لا دي خدت وقت بس خلال الفتره دي حصل حجات كتير اوي
ادم….زعلوا من بعض
روح….بالعكس مراد وراجح والشباب كلهم كانوا متعمدين انهم يبقوا ضهر لامير كانوا بيساعدوا بس من بعيد لبعيد وكل ما كان بياخد خطوه لقدام كان بيزداد فخرهم بيه ومش بس كده في اوقات كتير امير ومراد وقفوا قصاد بعض لكن موقفوش بطريقه وحشه بالعكس
طريقتهم كانت جميله اوي كلها تحدي وإصرار ومنافسه
مراد كان مبسوط ان امير بيكبر تحدي امير ليه كان فخر لمراد لانه كان عارف انه بيتحداه بدافع الحب عشان يقدر يخليه فخور بيه.
مالك…..بس بابي مقدرش يا نناه
يقنعه انه يفضل في المجموعه
روح….بالعكس كل مواقف مراد كانت بتبين ان هو حابب ان امير ينفصل عنهم مؤقتا ويبني نفسه كان عنده قناعه كبيره ان لو امير بدأ من الصفر بعد الغلطه دي هيقدر يعرف ان موقف مراد منه وقتها كان صح
كنز…..طيب وامير اعترف انه كان غلطان فعلا
روح …امير من البدايه كان عارف انه غلطان بس محبش الغلطه دي تأثر عليه بالعكس اشتغل علي نفسه كتير و لحد الوقت بيقول ان مراد كان سبب في إكتشافه العملي بجد.
فهد….طيب جلال ايه اللي حصل معاه يا نناه حضرتك قولتي ان حياته هو كمان اتغيرت
روح….لا ده اللي حصل مع جلال كتير اوي يمكن انا وقت اللي حصل مع امير رغم اني عارفه ان رد فعل مراد كان صح بس كنت مضايقه عشانه لكن بعد كده اكتشفت ان الموقف ده مغيرش حياة امبر بس بالعكس ده غير حياة امير وجلال كمان
انس….غيرها للاحسن
روح….طبعا
يامن…..طيب والمقالب يا نناه
روح….بضحك لحد يومنا ده مقدروش يبطلوها للاسف بل بالعكس زادت
روح….عارفه يا نناه انا بحب اوي اسمع حكايتكم دي بحس اني مبسوطه وفخوره بيكم اوي
روح….وانا يهمني انكم تعرفوا كل تفصيله حصلت في مملكة الطوبجي عشان بعد سنين كتير انتوا اللي تحكوها لولادكم واحفادكم.
اسم الطوبجي تاريخ لازم يتدرس لكل جيل فيكم عشان تقدروا تاخدوا منه كل حاجه حلوه وتتخطوا كل الۏحش اللي فيه.
سليم….بس انا عمري نا سمعت منك حكايه وحشه يا نناه
روح….عشان كل الۏحش اللي مرينا بيه في حياتنا يا سليم قدرنا نحوله لحاجه جميله كل موقف وحش كان بيمر علينا كنا بنعتبره اختبار من ربنا بنتعلم منه ومبنكررش الغلط تاني وبيقوينا اكتر
حمزه…..طيب احكيلنا يا نناه عن جواز امير وجلال
روح…..طيب ممكن بقي نأجل الحكايه دي بعدين عشان نناه تعبت وبعدين في حكايات كتير اوي حابه احكيهالكم من بعد جواز منذر وفيروز لازم تعرفوها.
صوفيا….طيب نناه اخر سؤال
روح …اسألي ياقلب نناه
صوفيا…..هو جدو ليه اوقات بينسي اسامينا هو مش بيحبنا
روح….بالعكس يا قلب نناه
جدو بيحبكم فوق ما تتخيلوا بس السن ليه احاكمه اوقات هتلاقيهم فاكركم بالاسم واوقات تانيه هتلاقيه ڠصب عنه بينسي
بيتهيألي في اوقات بيقعد معاكم ويحكيلكم علي حجات كتير حصلت زمان بس شويه و هتلاقيه مش فاكر حاجه بس لازم تعرفوا ان جدوا بيحبكم فوق ما تتخيلوا.
فهد….واحنا كمان بنحبه يا نناه وبنحبك اوي
روح……يا عمري ربنا يحفظكم ويخليكم ليا
في قصر الطوبجي كلا في ملكوته سارح
الحكايه منتهتش ولسه مكمله والاجيال الجديده ديما بيكون ليها رأي اخر
واحفاد الطوبجي الجيل الجديد اللي كان ليه رأي مختلف
هنرجع تاني نكمل الحكايه من اول ما وقفت و نفتكر كل اللي فات مع الجيل الجديد ونشوف المملكة الجديده بعيونهم