رواية مملكة أحفاد الطوبجي 3 الفصل الحادي والثلاثون 31 بقلم أميرة أسامة

رواية مملكة أحفاد الطوبجي 3 الجزء الحادي والثلاثون

رواية مملكة أحفاد الطوبجي 3 البارت الحادي والثلاثون

رواية مملكة أحفاد الطوبجي 3 الحلقة الحادية والثلاثون

علي الساعه خمسه إلا ربع .
كان كل الشباب رجعوا علي المجموعه.
طلعوا بسرعه علي مكاتبهم سابوا حاجتهم وبعدين راحوا علي غرفة الاجتماعات.
وتقريبا الكل رجعوا مع بعض في نفس التوقيت وامير ملحقش يقول اي حاجه فا خد الورق ودخل بيه علي جوه عشان يديه لمراد وياسين وزيد ويعرفهم اللي حصل .
دخلوا كلهم قعدوا وقعد راجح علي رأس التربيزه ومراد قصاده وزيد جنب راجح وداوود قدامه وقاسم جنب مراد من جنب و الجنب التاني سالم والباقي متوزعين علي الكراسي كل واحد عارف مكانه قدامهم لاب توب وورق واقلام و مايه و قهوه.
وكان في بعض المدراء المهمين
راجح…..جاهزين نبدأ
الجميع…..جاهزين
راجح…..بسم الله في الاول كده حابب أتكلم علي الحاله الاقتصاديه الحاليه للمجموعه بالكامل في كل التخصصات بعيدا عن شغل الهندسه والعقارات دي زيد ومراد وياسين هيكلمونا عنها بعدين بالنسبه للمصانع بتاعت السيراميك اغلبكم عارف اننا اتعرضنا من فتره لسرقه ونهب وحجات غلط يمكن كنا بنكسب والربح كان عالي بس كان في بردوا سرقه واختلاسات ومؤامرات كتير والحمد لله اللي غلط خد العقاپ اللي يستحقه والحقيقه ان اللي كان ليه فضل في اكتشاف كل ده هي ملك.
ابتسمت ملك بهدوء وهزت راسها
ابتسملها ياسين بحب وهزلها راسه.
راجح…..انا ديما بقول إن انا راجل بدائي ولالبلدي كده دقه قديمه بحب كل حاجه تتعمل بالايد و بحترم و بقدر الورقه والقلم
لكن خليني أعترف إن بردوا التكنولوجيا ليها فايده كبيره وخليني اقول كمان ان النصاب شخص ذكي وللاسف احنا وقعنا في مجموعه ڼصابين قدروا يتحايلوا بطريقه ذكيه علي الورقه والقلم لكن البرنامج اللي ملك أشتغلت بيه كان ليه الفضل في اكتشاف المبالغ المسروقه بشكل صعب انه يتعرف.
حاليا المصانع والشغل ماشي كويس جدا كل حاجه بنتابعها اول بأول انا بقول ليه كل ده اولا عشان اعرفكم الدنيا ماشيه ازاي
وحالتنا الاقتصاديه شكلها ايه وثانيا عشان البلبله اللي حاصله الكام يوم دول بخصوص اللغبطه اللي حصلت في الانظمه الالكترونيه في العالم كله ودي ملك اكتر حد ممكن يفيدنا فيها
اتفضلي يا ملك .
ملك….بعمليه شديده طبعا زي ما قال مستر راجح احنا لحد الوقت الدنيا تمام عندنا في ناس كتير سألت علي موضوع أزمه انقطاع
تعطل الانترنت .
انا بس حابه اطمنكم مفيش اي حاجه حصلت عندنا لحد الوقت يمكن في عدد كبير من الدول الاروبيه علي مستوي العالم اتأثرت بالعطل ده مطارات كتير وقفت رحلات الطيران لأجل غير معلوم بسبب مشاكل واجهوها في انظمه الحجز وتسجيل دخول الركاب والتذاكر حتي البنوك فيها مشاكل كبيره الاجهزه كلها متعطله الشاشات الخاصه بالتداول والبورصه واقفه شاشه لونها ازرق لدرجه ان اي تعامل في ورق كان بيتكتب بخط الايد
بس انا حابه اطمنكم مصر كانت من البلاد اللي متأثرتش بأي عطل فني ابتسمت بسخريه والحقيقه مش قادره افهم السبب
أبتسموا كلهم وكملت ملك
ملك….المهم ان شغلنا ماشي تمام و أحب أطمنكم ان كل اجهزه البرمجه وانظمه الكمبيوتر شغاله كويس جدا
راجح…..الحمد لله زي ما سمعتوا كده.. ده بقي بالنسبه لشغل ملك وبالنسبه لمصانع السيراميك والشغل والاقتصاد فيها عامل ازاي كل حاجه تمام اما بالنسبه للتوكيلات الالكترونيه هي كمان ماشيه كويس جدا مع العلم ان في شويه ركود في حركه البيع والشراء الفتره دي في السوق إلا اننا الي حد كبير متأثرناش بردوا والعجله شغاله.
نروح بقي للشغل الاساسي في المعمار والعقارات انا انهردره روحت موقع من المواقع اتابع الدنيا خصوصا ان حصل حاجه كده من كام يوم وكان في وجود قاسم وداوود ولولا انهم خدوا بالهم كان ممكن يحصل كارثه
محتاج منكم بس الفتره الجايه نتابع الامان عشان لاحظت ان في بعض الموظفين والمهندسين بيتعاملوا عشوائيه وأستهتار والارواح بتاعت البني ادمين مفيهاش تهريج
انا شديت عليهم واكتفيت بلفت نظرهم وعرفتهم ان من انهارده كل خطوه هياخدوها هيتحاسبوا عليها وعايز منكم الفتره الجايه يكون في رقابه شديده اي حاجه هتحصل مش بس الموظف او المهندس اللي أهمل هو اللي هيتحاسب لا انتوا كمان كلكم هتتحاسبوا ارواح الناس مسؤليتكم من أصغر عامل لاكبر عامل مفهوم.
زيد….مفهوم يا باشا
قاسم…..انا الفتره الجايه همر علي كل المواقع باستمرار وهفتش بنفسي علي كل حاجه
راجح…..كمان اي حاجه بقت متهالكه تتبدل فورا عايز حصر كامل بكل التلفيات وعايز ميزانيه محترمه لكل المواد الجديده ونركز واحنا بنشتريها علي نسبه الامان فيها
قاسم….اعتبره حصل يا باشا
واحد من المدراء.
كنت حابب بردوا يا باشا اتكلم عن الرافعات القديمه لو في إمكانيه نشوف فيهم اللي مبقاش ينفع ونجيب جديد بداله لان في جزء منها المواتير بتاعته في معدل كل اسبوع بتحتاج صيانه
راجح….انا كلامي كان واضح الميزانيه هتتعمل لكل المواد المتهالكه يعني في خلال اسبوعين بالكتير عايز اشوف المواقع كلها بنفسي كل حاجه فيها تمام ومش هفكركم تاني انتوا اللي هتتسألوا قدامي مش اي حد نظام بقي ان المهندسين والعمال والموظفين شغالين معانا من سنين وعارفين نظامنا والثقه اللي احنا حاطينها فيهم يعملوا اللي علي كيفهم خلاص انتهي
من انهارده في رقابه شديده الثقه تتحط في اي حاجه إلا الامان .. الامان انتوا بس اللي هسألكم فيه و اي تقصير حسابكم هيبقي معايا انا وانتوا بقي تسستموا الموظفين والعمال بطريقتكم بس انا مش هتكلم معاهم هما هتكلم معاكم انتوا متفقين .
الجميع…..تمام يا باشا.
راجح….طيب كويس اوي عايز بقي اعرف من كل واحد الجديد بتاعه ايه وخلينا واحده واحده كده هبدأ بيوسف عشان كان بيقول في حاجه مهمه وتوكيل جديد بس مفهمتش اوي
يوسف……فتح ورق قدامه وهو فأيده القلم.
بالنسبه للتوكيل ده يا مستر راجح مستر خيري كان عرض عليا توكيل جديد في الحقيقه لما عرفت في البدايه ان الاجهزه كلها صناعه صينيه رفضت لان احنا مش بنشتغل في الصيني بس لما حسيت قد ايه هو منبهر بالصناعه وبالامكانيات انا قررت اشوف بنفسي ايه حكايه التوكيل ده اللي مكسر الدنيا والحقيقه اني انبهرت زيه بالظبط اولا
هي سعرها مش رخيص زي ما احنا متعودين علي اسعار الصناعه الصينيه سعرها تقريبا اقل حاجه بسيطه من اي توكيل معروف والاهم ان احنا اعتمادنا الكلي علي الاجهزه الكهربائيه العاديه زي الشاشات ال lcd والثلاجات والبوتجازات والتكيفات الي اخره . يعني بإختصار احنا شغلنا في الاجهزه التقليديه اللي بيستخدمها اي بيت مصري وللاسف ناسين خالص ان الدنيا في تقدم وتطور و الالكترونيات الحديثه حاليا هي لغه الشباب الصغير والكبير
وهي الاكثر مبيعا من بين الالكترونيات التقليديه.
لما حبيت اتعمق واشوف التوكيل ده بيقدم ايه جديد لقيت اجهزه كتير للتسليه ويمكن اقدمهم البلايستيشن اللي الكل بيستخدمه في وقتنا الحالي لاقيت ان في اجهزه تانيه جديده
يمكن اقوي بكتير من البلايستيشن زي ال alexa واجهزه اليد اللي بتشيل العاب اكتر بكتير من البلايستيشن
داوود…..بدون قطع كلامك عباره عن ايه ال alexa ده عشان نبقي محطوطين في الصوره
يوسف……الحقيقه يا مستر داوود انا في البدايه لما سمعت عنه مكنتش فاهم اوي ايه المغزي منه بس لما دخلت وتعمقت زي ما قولت لاقيت ان الجهاز ده مش مجرد جهاز ترفيهي لواحد معاه فلوس الجهاز ده حجمه صغير جدا اكبر من كف الايد بحاجه بسيطه ليه شاشه صغيره بس حجمها معقول شايف ان الجهاز ده ينفع جدا لكبار السن و لذوي الاعاقات الخاصه مش بس مجرد جهاز ترفيهي للشباب او الاطفال لان الجزء الاهم منه هو ان alexa تقدر تساعدك وانت قاعد من غير ما تقوم من مكانك .
داوود….بعمليه بمعني!!
يوسف…..بمعني ان اي حد عنده الجهاز ده يقدر يربط جميع اجهزه البيت ب alexa زي انوار البيت مفتايح الكهرباء الكاميرات الاجهزه الكهربائيه كلها زي الطابعات جهاز الفاكس التلفزيونات اي جهاز في المطبخ الروبوت بتاع المكانس الكهربائيه
كمان بتتحكم في درجات حراره البيت سواء بروده او تدفئه لو في ستاير ألكترونيه كمان
داوود…..لا مش فاهم توضيح اكتر
يوسف…..تمام يعني علي سبيل المثال انا راجل كبير في السن او من ذوي الأعاقات الخاصه
قاعد علي سريري او الكرسي بتاعي وجنبي جهاز alexa. هفتحه وهقول alexa اقفلي باب الشقه
الباب ثواني ويتقفا عليك من جوه alexa اقفلي انوار الشقه كلها هتقفل alexa شغلي المكنسه …. زودي درجه الحراره نزلي درجه الحراره ابعتي فاكس اطبعي الورق أفتحي الستاره اقفلي الستاره شغلي التلفزيون ممكن تسأل عن درجه الحراره بره في الشارع تقولك بإختصار كأنك بتتعامل مع إنسان آلي.
داوود……وااااو
راجح….بضحك لا العلم نور بردوا
ضحكوا كلهم على راجح
يوسف….بإبتسامه زي ماقولت دي من اكتر الايجابيات اللي شوفتها في الموضوع
زيد……ايوه بس جهاز زي ده مش هيتعامل مع بيت عادي يا يوسف ده تقريبا انت بتتكلم علي مستوي معين يعني عشان الجهاز ده يشتغل صح بكفاءه عاليه يبقي هيشتغل مع المنزل الذكي اللي هو عندك تلاجه تاتش بارقام وحروف تكتب فيها اللي انت عايزه الباب يتفتح لوحده ويخرجلك الحاجه اللي طلبتها عندك ستاره بزرار كهربائي تفتح وتقفل لوحدها تدخل او تخرج من البيت تكتب ارقام معينه في الشاشه الباب يقفل او يفتح وحجات زي كده صح ولا انا فاهم غلط
يوسف……لا صح جدا يا مستر زيد زي ما قولت الاجهزه في التوكيل ده مش رخيصه واكيد طبعا زي ما في غالي في اسعار اقل بس الجهاز ده تحديدا زي ما قولت محتاج المنزل الذكي اللي هو في كل حاجه بتشتغل إلكتروني بس هو هيغنيك عن انك تقوم من مكانك عن طريق ربط كل الاجهزه دي بجهاز alexa كل اللي عليك تديها الاوردر وهي تنفذ
مراد……بس انا شايف انه جهاز فعلا حلو يعني في ناس مرتاحه ماديا جدا تقدر تشتريه وبيتهيألي هيحتاجوا خصوصا لو زي ما يوسف قال لو شخص كبير في السن شخص من ذوي الاعاقات
راجح……طيب اسعاره ايه
يوسف…..هو ليه كذا سعر لان اللي فهمته لما سرشت عنه انه زي اي موبايل او اي جهاز عموما ليه اسعار كتير وكل موبايل او جهاز بيختلف سعره علي حسب إمكانياته
راجح….اه يعني هو ليه إمكانيات مش كله واحد
يوسف……لا مش كله واحد يعني بيبدأ من خمس الاف جنيه مصري و بيوصل لحد 25 الف جنيه
داوود……بس حتي اغلي سعر بيتهيألي هو مش عالي اوي
يوسف……بالظبط كمان في ميزه تانيه حلوه اوي alexa بيعتبروا مش مجرد جهاز ممكن يساعد شخص كبير في السن او عنده إعاقه هما بيعتبروا صديق بمعني اي شخص عايش لوحده او شخص منعزل شويه عن العالم الخارجي.
تقدر مثلا تفتحه وتتكلم معاه في اي موضوع تحبه هيسمعك ومش بس كده هيرد عليك لو عندك سؤال معلومه حابب تستفسر عنها بتسأله وبيرد عليك بإجابات دقيقه
راجح…..بضحك لا ده طلع جهاز حكايه بقي وشكلي كده هشتري واحد
الكل ضحك علي خفة ډم راجح.
يوسف…..هو فعلا جهاز فظيع يمكن انا ركزت علي الجزئيات دي لاني حسيت ان الجزئيات دي كفيله تبيع كتير لكن اكيد في ميزات تاني اكتر غير طبعا انك ممكن تنزل عليه ڤديوهات وافلام ومش بس كده دي ممكن تتناقش معاك في قصه الفيلم اللي بتشوفه
راجح…..طب والله حلو واكيد احنا محتاجين نطور من نفسنا
سالم….طيب عندي سؤالين مهمين يهمني اعرفهم بالنيابه عن الناس اللي ممكن تحب انها تشتري جهاز زي ده
يوسف….اكيد اتفضل
زيد…..اول سؤال في حالة اني حبيت أشتري جهاز زي ده وجه اول اسبوع او اول شهر او حتي اول سنه و باظ او حصل فيه اي عطل فني هيتصلح ازاي ليه توكيل هنا ولا توكيله في الصين ما هو انا مش معقول لما الجهاز يبوظ مني اركنه او اروح اصلحه في الصين غي النهايه حتي لو انا مرتاح ماديا بس 25 الف جنيه مش مبلغ بسيط
يوسف…..حلو اللي اعرفه انه ليه توكيل بس يمكن عشان الجهاز لسه مش منتشر او يمكن اللي بيجيبه بيطلبه من بره وبيبقي مجرد عميل عادي بيطلب اوردر اون لاين وخلاص فا طبيعي ممكن ميبقاش ليه توكيل بس في حالة انا كا كيان كبير زي الطوبجي قررت اني اتعامل مع الشركه المنتجه اكيد هتوفرلي فنيين عشان تصليح جهاز زي ده
ياسين…..يوسف بيتكلم صح لما الفرد العادي بيشتري جهاز زي ده منه لنفسه عن طريق الاون لاين بيبقي صعب جدا حتي لو الجهاز لسه داخل الضمان انك تصلحه لان انت كا فرد عادي قدامك حلين يا تسافر بلد المنشأ او تركنه خلاص جهاز وباظ إلا بقي لو الشركه بتوفر ان العميل يعمل اوردر بس مش طلب اوردر إسترداد بيبعتولك مندوب ياخد الجهاز والمندوب بيشحنه علي البلد يوصل التوكيل يروح للفنيين ويتم تصليحه ويرجع يبعتهولك تاني بيحاسبك علي الشحن وانت بتحاسب المندوب لما يوصلك.
بس في حالة انك كيان كبير زي الطوبجي قررت ان يبقي في توكيل بينك وبين الشركه يا اما بيوفرلك توكيل في البلد هنا تصلح فيه او بيتعامل معاك انت كا كيان وعمليه الاسترداد دي بتتم عن طريقنا احنا بس في الغالب لو الطلب او الاوردر كبير لازم يوفر لك فنيين زي ما في هنا فنيين لأي توكيل كبير بنتعامل معاه شارب وسامسونج وغيرهم كتير
سالم…..طيب كويس جدا بالنسبه للسؤال التاني وده بالنسبالي السؤال الاهم
يوسف…..اتفضل
سالم…..خلينا متفقين ان اي حد مرتاح ماديا هيشتري الجهاز ده مش شرط يكون تعليمه عالي
يوسف….اكيد بس لو تقصد طريقه تشغيله وطريقه ربطه بالاجهزه كل ده ليه شرح بسيط وسهل
سالم….لا مقصدش كده انا اقصد اللغه عايز اعرف اللغه المتاحه للجهاز ده افرض انا شخص مش بتكلم انجليش ازاي هتواصل مع الجهاز لو مش بيتكلم اللغه بتاعتي
يوسف……لا هو اللي اعرفه انه في لغات كتير جدا زي اي جهاز بتختار اللغه اللي هتتعامل بيها وبتظبطه علي الاساس ده
سالم….يعني في عربي
يوسف……انا مشوفتش اللغات بس اكيد فيه عربي لانه في لغات كتير جدا وعشان كده انا طالب بس قبل ما ناخد الخطوه دي اني اسافر بنفسي اشوف التوكيل ده علي ارض الواقع اشوف كل الاجهزه المتاحه اعرف كل حاجه بتشتغل ازاي و امكانياتها ايه افهم اكتر عن الاسئله اللي مستر سالم سألها لانها حقيقي أساله مهمه في النهايه لو قررنا اننا نشتغل في حاجه جديده لازم يكون عندنا رد لأي سؤال العميل ممكن يسأله.
راجح…..يعني انت عايز تسافر الصين بنفسك
يوسف……بالظبط يا مستر راجح حابب افهم اكتر و حابب اشوف بنفسي الجهاز وباقي الأجهزة
راجح…..وانا معنديش اي مانع شوف حابب تاخد الخطوه دي امته وروح ولا ايه يا مراد
مراد…..طبعا صح انا مع يوسف في السفريه دي اننا ناخد توكيل باسم شركتنا مش خطوه سهله لازم الاول ندرس الموضوع من كل الاتجهات نعرف اي الايجابيات والسلبيات عشان بوم ما ننزل السوق بحاجه جديده نبقي واثقين منها واسم الطوبجي ميتهزش لان خد بالك الاجهزه اللي يوسف اتكلم عنها علي قد ما هي مبهره وجديده وهتعمل ضجه كبيره في السوق إلا انها لو مش علي المستوي المطلوب هتلاقي ردود الافعال مش ظريفه وكل رد فعل هيتاخد هيبقي مربوط بكيان الطوبجي واحنا مش حابين ان اسمنا بتهز في السوق انهارده العميل بيدخل اي مكان عليه اسم الطوبجي بيشتري اي ماركه هو حاببها وهو عارف ان لو في اي خطأ تقني او فني هنفضل معاه لحد ما يتصلح او نستبدله فا العميل عارف انه معانا مش خسران ابدا.
داوود…..هو بما اننا اول مره نشتغل في الصيني فا انا كمان مع قرار السفر عشان الاتفاق علي كل النقط دي يبقي علي الواقع مش من بعيد لبعيد كمان انا عارف ان الصين فيها اجهزه ممكن تفوق التوكيلات المعروفة واسعارها اعلي وديما عندهم ابتكار لكل جديد فا انا شايف انها فرصه حلوه يروح يتعرف علي العالم ده ويبقي هو مرايتنا هناك
وينقللنا كل جديد في النهايه حلو ان الواحد يغير جلده و يواكب العصر
راجح……بالظبط وعشان كده انا كمان مع قرار يوسف في السفر
يوسف……تمام انا هظبط نفسي وهتخار الوقت المناسب وهسافر ان شاء الله وخير بإذن الله.
راجح……إن شاء الله خير طيب خلصنا من الموضوع المهم بتاع يوسف خلينا ننتقل للمشاريع الجديده وعايز اعرف كمان المشاريع القديمه في منهم اتنين متأخرين عن معاد تسليمهم خير ايه سبب التأخير هل هو نقص مواد ولا ايه بالظبط
مراد….طيب خلي موضوع المشاريع الجديده ده معايا وخليك الاول مع زيد وياسين ونادر في نقطة المشاريع المتأخره.
نادر…..طيب ابدأ انا بالنسبه للمشروع اللي انا ماسكه تحت إشراف مستر زيد طبعا الكمابوند اللي معايا المفروض الاتفاق بتاع التسليم كان من حوالي اسبوعين بس اخر دفعه في المبلغ الاخير موصلتش المفروض ان كل مرحله بنخلصها بنبقي واخدين حقها بالكامل من قبل ما نبدأ اصلا يعني انا من بكره مثلا هبدأ مرحله جديده قبل ما ببدأ الشيك المبلغ بتاعه بيتحول علي البنك وبالتالي انا ببدأ المرحله فا المفروض ان اخر مرحله دي كانت هتاخد حوالي من شهر لشهر واسبوع بالكتير والمفروض كنا بدأنا فيها
من أسبوعين الفينش بتاعها بس أصحاب المكان تعثروا ماديا لان ده مش الكماوند الوحيد عندهم
راجح….يعني افهم من كده ان التأجيل مش من عندنا
نادر…..لا مش من عندنا وهما اللي طلبوا نوقف كمان مش احنا مستر زيد عشان عارف صاحب الكماوند نعرفه شخصيه وعارف انه شخص محترم جدا قالي نكمل شغل عادي و الدفعه الاخيره هنا هيتفقوا علي سدادها عن طريق شيكات عادي بس صراحه الراجل رفض وقال لأ يجهز المبلغ او يبقي معاه سيوله ويكمل تاني
زيد……هو فعلا رفض ومحبش اننا نكمل من غير ما اخر دفعه تكون معانا هو راجل حقاني جدا وقالهالي صريحه انا مش حابب اخسركم وقت وفلوس علي الفاضي خصوصا ان في عمال ومهندسين محتاجين ياخدوا الدفعات بتاعتهم فا بالشكل ده احنا اللي كنا هندفع من جيبنا بس هو عموما قالي اخر الاسبوع المبلغ بالكامل هيبقي معاك ونكمل اخر مرحله
راجح….المهم ان التأخير مش مننا
زيد…..لا مش من عندنا يا باشا ده بالنسبه للمشروع اللي في ايد نادر اما بقي المشروع اللي معايا انا بردوا سبب التأخير مش مننا لا هو نقص في مواد ولا هو غلطه كل الحكايه ان العميل حب يغير حاجه بسيطه في وسط الشغل يعني جاتله فكره هو ناقشني فيها صراحه كانت فكره كويسه من ناحية التصميم هو قالي اللي في دماغه وانا عدلت عليه الفكره عجبته بس للاسف اضطريت اني اوقف شغل فتره بسيطه لان اللي طلبه مينفعش مع الجزء اللي اتشطب فا بالتالي هنرجع نهد جزء من البناء اللي تم عشان نعدل علي شكل التصميم
راجح….طيب ومكانش ينفع تعدل من غير هد
زيد….مستحيل طبعا كان ممكن ينفع في حاله واحده بس لو المساحه بتاعت الارض كبيره بالشكل الكافي اللي ممكن تخليني أزود اللي هو طلبه بطريقه منفصله متصله بمعني اعمل التصميم الزياده اللي هو طلبه بشكل منفصل عن المبني اللي تم بناءه لكن بشكل يخليك تحس انه متصل بالمبني الاساسي لكن للأسف مساحه الارض مش مدياني حريتي عشان العب فيها زي ما انا عايز المساحه صغيره ومفيش قدامي غير اني أهد جزء بسيط من البناء واكمل بالطريقه الجديده فا عشان كده وقفت شغل في الموقع لحد ما الاقي طريقه كويسه تخليني أهد في اسرع وقت وابقي عارف أبدأ منين
راجح….طيب وتكلفة الهد
زيد…..هو عارف ان الجزء اللي تم بناءه واتحاسبنا عليه ملهوش علاقه بالاتفاق الجديد هو غير مسار التصميم وقالي انه متحمل كل التكلفه وانا مستني اجهز التصميم الجديد واعرض عليه التكلفه قبل ما ابدأ الهدد ولو تمام والتكلفه بالنسباله مناسبه هتوكل علي الله وأبدأ
راجح…..طيب الحمد لله طمنتوني ان مفيش اي خلل من عندنا
زيد…..اطمن يا باشا مفيش أي خلل وكله بالاتفاق متقلقش
راجح…..تمام ها يا مراد ايه اللي عندك.
مراد….فتح ورق قدامه وبصلهم
بالنسبه للمشاريع الجديده مبدأيا كده في منتجع جديد في نويبع علي أرض مساحتها مهوله يعني بإختصار هيكون مشروع قوي جدا محتاج تركيز ومحتاج نسبه عماله كبيره الكلام واضح هما متفقين كلهم علينا احنا بالتحديد وهيتم الاتفاق كمان شهر
راجح…..هو المشروع شړاكه
مراد….اه بين تلاته اتنين اخوات وخالهم يعتبر هو الممول الكبير للمشروع رجل اعمال كبير طول عمره عايش في امريكا وجاي مصر نهائي ومقرر يستثمر كل فلوسه هنا في مشروع سياحي ضخم الارض خلاص خلصت واتسجلت في الشهر العقاري فاضل بس اننا نبدأ شغل فيها واكيد هنروح المكان نشوفه ونعاينه بنفسنا ونبدأ التصميمات
هو كنان حابب ان التصميم يكون بسيط وفي نفس الوقت عصري يعني عايز يستغل جمال المكان والطبيعه هو قالي مش حابب شكل المكان يبقي جذاب عن شكل الطبيعه طبعا دي هسيبها لزيد والشباب هما اكيد هيلاقوا تصميم يبهره
زيد…..اطمن معايا دي
راجح….طيب خير غيره
مراد…..المشروع ده بقي لشخص بعز عليا ويهمني اعمل كل حاجه تريحه والشباب اكيد بردوا هيساعدوني في ده من بدايه إختيار المكان ده لكرم الرفاعي يا شباب هو محتاج ارض يبني عليها مستشفي تبقي فرع من فروعه في اسكندريه هو ملوش خالص في حتت التصاميم وقالي دي بتاعتكم انتوا بس هو طالب ان الارض تكون في مكان حيوي مش مكان لسه مفيهوش عمار عايز مكان مميز والارض مساحتها تكون معقوله لا صغيره ولا كبيره اوي المهم تكون تشيل مبنايين مش مبني واحد
راجح….طيب قالك فين بالظبط
مراد…..هو سابلي الاختيار وزي ما قولتلك هو اهم حاجه المكان يكون حيوي وميبقاش في اخر الدنيا عشان يسهل علي المړيض واهله التنقل بكل سهوله بس دي طلباته
راجح….علي خيرة الله دي بقي بتاعت الشباب
زيد…متقلقش يا باشا خير هقعد انا مع مستر سالم ومستر قاسم ونشوف افضل مكان مناسب
مراد….بالمناسبه هو جاي بكره او بعده يعني لو قدرنا نشوف كام مكان مناسبين نخليه يشوفهم بالمره وهو موجود يبقي ياريت
سالم….طيب سيبها عليا انا دي يا مستر مراد هشوف كده الدنيا وهنتفق يعني متقلقش .
مراد….طيب تمام المشروع التاني بقي اللي معايا انا وياسين بتاع مستر راشد
بص امير والشباب لبعض وحط ايده علي الورق اللي قدامه عشان يبدأ كلام لما مراد يخلص ويعرفهم اللي حصل
مراد…..زي ما انت عارف يا مستر راجح ده تكمله للمشروع اللي انا وزيد كنا بنعمله من فتره لما سافرنا إنجلترا وبعدين طلعنا علي دبي انا كملت كام يوم وزيد رجع
راجح….ايوه فاكر فاكر
مراد…..هو حب انه يعمل جزء جديد يبقي زي مرحله تانيه للكمباوند الاول هيبقي منفصل لكن جنب الاول بمسافه بسيطه جدا احنا اتفقنا علي كل حاجه خلاص وزيد متابع معاه من بعيد
المدراء التنفيذين بتوعه وصلوا مصر من تلات ايام وانا وياسين وزيد قابلناهم اول امبارح خلصنا باقي الاتفاق بس المفروض انهم
يكونوا هنا بكره عشان نوقع العقود ويسافروا وبعدها باسبوع انا وزيد او انا وياسين هنسافر عشان نشوف المكان ونشوف الدنيا هتمشي ازاي.
بص امير وجلال وفرح وتقي ويوسف لبعض پصدمه
والصدمه الاكبر كانت من نصيب امير.
امير….پصدمه وارتباك اااا لا لحظه ممكن بس أقول حاجه
بصوله كلهم واستغرب مراد من شكله ومقاطعته ليه لان ده مش اختصاص امير اصلا
مراد…..ايوه يا امير
امير…..بتوتر قرب اكتر من التربيزه وفرد ضهره مستر مراد في حاجه حصلت غريبه لازم تعرفوها.
مراد…حاجه ايه
راجح….في ايه يا امير
امير…..مبدأيا كده احنا من بدري بنحاول نوصلكم مكانش في شبكه حاولت اوصل لمستر سالم بردوا مكانش في شبكه مستر قاسم كان في البنك من الاخر مكانش في اي حد موجود غيري انا وجلال وفرح وتقي
مراد…..ايوه كنت عايز توصلنا ليه مش فاهم
امير….بتوتر مسح عرقه وبصلهم لان حضرتك بتقول ان المدراء المفروض يكونوا هنا بكره عشان توقيع العقد.
مراد….ايوه فين المشكله
امير….المشكله اني اتفاجئت بفرح جايه تقولي انهم موجودين ودخلتهم غرفه الاجتماعات روحت قابلتهم وقالوا ان في معاد بينكم انا استغربت ان في ميتنج و حضراتكم مش موجودين
الكل بصله پصدمه
مراد…..ازاي الكلام ده ياسين هو مش المفروض معادهم بكره
ياسين……ايوه هما قالوا انهم هيكونوا هنا يوم التلات هنوقع العقد ويطلعوا علي المطار عشان معاد سفرهم
مراد….طيب امال ازاي ده حصل انهارده الاتنين صح ولا ايه
ياسين….ايوه الاتنين
زيد…..لحظه هما في الاول واحد فيهم قال التلات والتاني رد عليه قاله لا احنا هنسافر الاتنين فا رد عليه التاين قاله لا احنا هنسافر التلات فا قاله يمكن مخدتش بالي من الوقت اللي علي التيكت فا كملنا كلام عادي علي انه فعلا التلات بس مش عارف اللي قال الاتنين هو اللي طلع معاه حق ولا ايه .
مراد….ولو فرضنا غلطوا او اتلغبطوا في المعاد محدش فيهن بلغنا .
زيد….طيب خلاص مش بتاعتنا احنا دي بقي اللغبطه من البدايه كانت من عندهم يعني تأجيل السفر مش مشكلتنا لان المفروض كانوا بلغونا عشان بتأكدوا اننا موجودين وهما وصلوا هنا من غير تغيير المعاد ولا من غير ما يتأكدوا اننا غي انتظارهم عموما بكره نفهمهم سوء التفاهم اللي حصل وانا بردوا هبقي اكلم مستر راشد افهمه ان اللغبطه وتأجيل سفرهم مش مننا.
مراد…..طيب تمام
بص امير پصدمه وتوتر اكتر وبدأ الشباب هما كمان يتوتروا زيوا ويحسوا ان امير وقع في مشكله
امير…..لا ما هو وووو يعني
مراد…..في ايه يا امير هو انا ليه حاسس ان في حاجه تانيه
امير……ايوه في
مراد…في ايه
راجح…..في ايه يا امير ما تتكلم علي طول
امير……اصل انا لما قابلتهم قالوا انكم المفروض علي علم بالمعاد وانهم لازم ياخدوا التوقيع عشان لازم يسافروا وكان فاضل حوالي ساعه علي الطياره حاولنا نوصلكم مكنتوش موجودين طلبوا مني اوقع فا قولتلهم يدوني فرصه احاول اوصل لحد فيكم بس معرفتش وأضطريت اني أوقع
وقف مراد پصدمه وبصله.
مراد…..نعمممم أضطريت انك أيه وانت ازاي تعمل كده أصلا
راجح….توقيع ايه يا أمير اللي وقعته
حس امير بحجم الكارثه اللي حصلت توتره زاد وبدأت الاجواء تتوتر اكتر بين الكل
زيد……لحظه يا مستر مراد خلينا نفهم
مراد….نفهم اييييييه هو ازاي اصلا يعمل كده ده مش اختصاصه
امير…..انا مكنتش هوقع اصلا بس قبل التوقيع سألتهم لو في اي حاجه حابين يبصوا عليها او يبدلوا التوقيع من تاني قالولي طبعا تقدروا تتواصلوا مع مستر راشد وان الشغل اللي بينكم من سنين واكيد ينفع يحصل تعديل بس المهم انهم ياخدوا التوقيع قبل ما يسافروا
مراد……وانت مااااااالك ومال التوقيع انت شغلك بعيد عن اي توقيع اصلا أزاي تقع في غلطه زي دي.
زيد….ورين يا امير الورق اللي وقعته
امير…..اتفضل
شد مراد الورق من ايده پغضب قبل ما زيد ياخده زيد غمض عينه وحس ان مراد هيخرج عن السيطره
مراد….بص في الورق پصدمه انت اكيد اټجننت ازاي تمضي علي الورق من غير ما تشوفه
امير…..لا انا بصيت عليه الاول
مراد….بصيت ايييييه المبلغ المتفق عليه مش هو المكتوب في الورق
امير…..پصدمه يعني ايه
راجح….ازاي الكلام ده يا مراد
زيد…..تقصد ان المبلغ اللي اتفقنا عليه بتاعنا احنا اقل
مراد…..لا الشرط الجزائي اللي بيبقي مكتوب في العقد اعلي من اللي متفقين عليه يا زيد
زيد….اكيد في حاجه غلط يا مراد
سالم….غلط ايه انتوا متفقين علي معاد وهما جم في معاد تاني ما اكيد مقصوده عشان عارفين ان محدش فينا موجود
زبد….لا يا سالم مش مستر راشد اللي يعمل كده الراجل ده في لينا وبينه ثقه عمياء ومش اول مره نشتغل مع بعض
راجح….امال ايه التغيير ده
زيد….كل الحكايه انهم لما جم واتقابلنا معاهم اول امبارح واتفقنا كانوا جايين و جايبين معاهم نفس النسخه دي علي اساس اننا لو تممنا الاتفاق نوقع بالمره بس لما مستر مراد وانا شوفنا الشرط الجزائي اللي مكتوب علي الورق قولنالهم لا احنا متفقين علي نسبه تانيه وكلمنا مستر راشد واحنا قاعدين
قالهم لا النسبه غلط غيروها وشوفوا يوم تاني وقعوا فيه وهما المفروض خدوا المعاد التاني اللي هيجوا فيه هنا عشان نوقع بس بالشرط الجديد بس مش عارف ايه اللي حصل
ياسين…..هما غالبا اتلغبطوا تاني وطلعوا نفس النسخه اكيد في حاجه غلط فعلا زي ما مستر زيد قال الناس دي كلمتها سيف ومحترمين جدا
زيد…..ثم انهم لو فرضنا ان نوياهم مش كويسه ايه اللي ضمنهم انهم هيجوا في اليوم اللي كلنا فيه مش هنا دي محصلتش أصلا اننا نبقي مش موجودين كلنا
سالم….طيب ما يمكن حد بلغهم ويكون متفق معاهم
زيد….ازاي بس يعني لو فرضنا انه اتعرف ان انا والباشا ومستر داوود كان عندنا زياره للموقع طيب انت فين مستر قاسم فين الباقي فين كلكم كنتوا موجودبن الصبح عادي وبعدين احنا رايحين الموقع في زياره مفجأه محدش يعرف غيرنا اكيد في سوء تفاهم.
مراد…..انا مش في كل ده الوقت انا في اللي وقع علي ورق مش اختصاصه اصلا
جلال كان خاېف علي امير و مضايق عشانه فا قرر يقف ويدافع عنه
جلال…..مستر مراد امير ملهوش ذنب هو فعلا كان رافض يوقع لما خرجلنا احنا حاولنا نقنعه انه يوقع
مراد….انتوا مييين مين فيكم ليه الحق اصلا ياخد خطوه زي دي من غير ما يرجعلنا انتوا مقدرين حجم المصېبه اللي عملتوها
حط راجح راسه بين كفه وكان بيحاول يتمالك نفسه عشان ميبقاش هو ومراد طالعين في امير
امير…..مستر مراد يمكن حضرتك معاك حق ومكانش المفروض امضي مهما حصل بس انا كان ليا أسبابي
مراد….اسباب اييييييه وزفت ايه انت بتبرر ايه اصلا وقوم اقف وانت بتتكلم
داوود…..ليه وقعت طيب يا امير
امير قام وقف و حاسس پخنقه وضيق كان خلاص علي اخره مراد لاول مره يتعصب بالشكل ده عليه ومش بس كده ده بيهزقه قدام الكل بما فيهم فرح
وقف وبصله .
امير……يمكن انا غلطت اني اتدخلت في حاجه مش من اختصاصي بس انا حاولت انقذ ما يمكن أنقاذه الناس دي جايه وهي بتتكلم بثقه انهم واخدين معاد منكم ومفيش اي حد موجود خالص يقابلهم اتصرفت عادي بهدوء علي اساس اني اعطلهم شويه لحد ما اب حد فيكم يظهر او علي الاقل نوصله ويعرفني اعمل معاهم ايه
بس للاسف كلكم كنتوا مختفيين مش عافين نوصل لأي حد حتي مستر يوسف اللي كان موجود في الشركه اختفي مكانش قدامي حل غير اني احسن الصوره واللي خلاني اوقع هو اني حاولت احافظ علي اسم الطوبجي ومرجعش الناس دي بلدها وهما حاسين ان كان في استهتار بمقابلتهم و المواعيد اللي خدوها منكم
مراد…..استهتاااااار انت بتقولي انا استهتااااار واللي انت عملته ده ايه انت عارف انت موقع علي مبلغ قد ايه ده اكبر من السيوله بتاعت المجموعه كلها
سالم….طيب اهدي بس يا مستر مراد هو ميقصدش وبعدين هو اتصرف بحسن نيه
مراد…..انا مش عااااايز اسمع نفس لاي حد فيكم اللي هيدافع عنه ميزعلش مني
الكل سكت وعرفوا ان خلاص مراد خرج عن السيطره
راجح…..بهدوء رفع راسه انت كنت فين يا يوسف
يوسف….احمممم انا كنت موجود يا مستر راجح بس كنت في التوقيت ده في المبني التاني لان زي ما امير قال انهارده الكل مكانش موجود والطبيعي اللي بيحصل كل يوم ان مستر داوود ومستر قاسم ومستر سالم واي حد فينا لازم يروح يمر علي الموظفين هناك ويتابع الشغل بنفسه وانا لما ملاقتش حد فيكم موجود روحت بنفسي عشان الموظفين ميحسوش ان كلنا غايبين ولو في حاجه حد محتاجها اساعده فيها وبالفعل انا لمحت موظف فا ناديت عليه وسألته علي شويه حجات وهو واقف معايا فجأه الراجل وقع علي الارض من غير أي مقدمات جريت بيه انا والامن علي الدكتور كان ضغطه واطي جدا الدكتور اسعفه بسرعه وقال انه عنده هبوط حاد في الدوره المدويه فضلنا معاه لحد ما اتحسن شويه وبعدين الدكتور طلب انه يروح ويرتاح وانا طلعت معاه عربيه توصله احد بيته وفعلا في الوقت ده كان جلال بيتصل عليا كتير بس متخيلتش ان في حاجه قولت اطمن علي الراجل الاول وبعدين اشوفه عايز ايه
والاهم من كل ده انا لو كنت موجود كان وارد جدا موقفي يبقي نفس موقف امير وكمان انا مكنتش هقدر افيدهم لان محدش فينا عارف الاتفاق تم علي ايه يعني مكانش عندي معلومه انا لما جيت وعرفت اللي حصل وبصيت في الورق ملاحظتش اي حاجه غريبه لاني ولا اعرف المبلغ المتفق عليه ولا اعرف الشرط الجزائي
راجح…..تمام وانت يا نادر
نادر…..مانا جيت يا باشا ليكم لما مستر زيد كلمني وقال انه محتاجني ومحتاج ورق سيبت اللي في ايدي وطلعت عليكم وهما وصلوا وانا مش هنا
امير……انا مكانش قدامي اي حل مكنتش عارف اوصل لاي حد وزي ما مستر يوسف قال هو لو كان معانا من البدايه بردوا مكانش عنده خلفيه
مراد……كان قدامك الف حل والف طريقه توصلنا بيها
امير….ازااااي الناس قدامها ساعه علي طيارتها اكيد مكنتش هسيبهم واجي جري عليكم
مراد…..مكلمتش ليه حد من الجارد يوصلك بينا
امير…..بتوتر ااا مجاش في بالي احنا كنا بنحاول نوصلكم
مراد….مجااااش في باااااالك يعني ايه هي محتاجه ذكاء يا غبييييييي
امير…مراد من فضلك افهمني
مراد…..اسمي مستر مرااااااااد
خد امير نفس قوي وفضل بهز في رجله جامد ويحاول يتمالك اعصابه
زيد……مستر مراد من فضلك اهدي
مراد……انا قولت مش عايز اسمع صوت حد فيكم
امير……مستر مراد شوف الإجراء المناسب اللي حضرتك عايزه تاخده وانا مستعد لأي حاجه اتوقف عن العمل لحد ما الدنيا تظبط ونشوف حل اتحمل المبلغ الزياده اي حاجه هتقولها انا موافق عليها
مراد……تتوقف عن العمل انت شكلك مش واعي للي بتقوله وقفك عن العمل هيعملي انا ابييييه
امير…..خلاص احسب النسبه الزياده كام وانا هدفعها
مراد….بسخريه تدفع ايه انت عارف احنا بنتكلم علي ايه علي ملاييييين انت فاكر لو فضلت تشتغل عمرك كله هتقدر تعوض الخساره دي حيلتك ايه انتتتت
تقي…..قامت وقفت وقررت انها تدخل مستر مراد لو في حد المفروض يتحاسب يبقي كلنا مش امير بس
فرح….ايوه تقي بتتكلم صح انا وجلال وتقي كنا معاه واحنا اللي اقنعناه هو مكانش راضي
مراد….لييييييه هو عيل صغير حاطت صباعه في بوئه ولسه بيرضع عشان يسمع كلامكم انت بقالك قد ايه شغال هنا
بصله امير وفضل ساكت
مراد….پغضب ررررررررد
امير……حوالي 8 سنين
مراد……يعني مش الن امبارح يعني عارف قوانين الشركه دي كويس عارف ايه اللي ينفع وايه اللي مينفعش عارف ان في خطوط لكل موظف في الشركه دي مينفعش اي
حد يتخطاها وانت وظيفتك هنا ملهاش علاقه بأي توقيعات
امير….وانا عمري ما اخليت بأي نظام او قانون الشركه حطاه بس انا كنت مضطر حاولت اني احسن الصوره عندهم للمعاد اللي خدوا وانتوا نسيتوا حاولت اوقع عشان الناس دي كان لازم تسافر
مراد……ما يسااااافروا ايه هتبقي نهايه الدنيا هيحصل ايه حد فينا هيروحلهم ولو محصلش نصيب خالص والشغل لاظ ما يبووووظ لكن نمضي علي شرط جزائي بملاييين
تقي…..يامستر مراد صدقني امير مكانش ليه ذنب الذنب ذنبنا احنا
مراد….انا مش عايز اسمع صوووووت ومش عايز حد يدافع عنه هو عارف كويس اوب انه غلط واللي غلط بيتحاااسب
تقي….يبقي نتحاسب كلنا معاه حرام هو اللي يشيل الغلطه دي لوحده
مراد…….وانتي المحامي بتاعه ان شاء الله
تقي…..لا مش المحامي بتاعه بس علي الاقل بدافع عن الحق ودي مش غلطته
مراد…..لازم تعرفي حاجه مهمه وجودك في المكان ده معناه انك تتخلي عن اي عواطف الغلط هنا مش مسموح لا من كبير ولا من صغير مش مسموح ان حد يدافع عن الغلط قبل ما تدخلي الشركه هنا تسيبي عواطفك ومشاعرك بره ولو مش هتقدري تعملي ده تعرفي ان المكان ده مش ليكي وتقعدي في بيتك افضل
بصتله تقي پصدمه كانت اول مره تشوف مراد كده
تقي……هو يا اما اشوف الظلم بعيني واسكت او اقعد في البيت
مراد….ظلم اييييييه اللي بتتكلمي عنه ده ماضي علي شرط جزائي بربع ملياااار يعني اي خلل هيحصل يخلينا منكملش مضطرين ندفع الرقم ده كله احنا هنا بنتكلم عن ملاييين مش علي كام الف جنيه
جلال……مستر مراد حضرتك معاك حق بس بردوا احنا عند كلامنا لو حضرتك عايز تطبق اي عقاپ علي امير فا العقاپ ده لازم يتطبق علينا كلنا وعليا انا بالاخص انا اكتر حد شجعت امير علي التوقيع
مراد……وبصفتك ايه انت كمان تشجعه علي كده ولما انت شايف الموضوع سهل موقعتش انت ليه
جلال….اكيد مش عشان حابب الاذي لامير يا مستر مراد بس زي ما حضرتك عارف امير هنا اقدم مني ويفهم عني في كل حاجه انا بعيد كل البعد عن شغلكم انا شغلي مع مستر ياسين و استاذه ملك بس هو كان بيتكلم صح الناس دي جات وبتتكلم بثقه انهم واخدين منكم معاد وفجأه كلكم مش موجودين واللي ادوهم المعاد نسيوا اصلا يعني مكانش قدامنا حل
مراد….اوعي تفكر انك ممكن تجيب الغلط علينا اجنا عارفين ان المعاد بكره وعمرنا ما نسينا معاد شغل
جلال……انا مش بجيب الغلط عليكم انا بقول اللي حصل ولو دي غلطه منهم او منكم فا فالنهايه احنا كنا فاكرين اننا بننقذ ما يمكن أنقاذه
مراد…..فعلا براڤو عليييييكم انقذتوا ما يمكن انقاذه ووقعتوا علي شرط جزائي بقيمه ربع مليار جنيه
امير…..طيب ايه المطلوب مني الوقت عشان ننهي المهزله اللي حاصله دي الوقت
مراد….پغضب انت مش
عاااااجبك كمان
امير…..مقولتش كده بس اكيد اللي افضل من اننا نقعد نتكلم اننا نلاقي حل
مراد……قصدك تلاااااقي حل هااا تلاقي مش نلاقي انت غلطت غلطة عمرك كله ومجبر تصلح غلطتك دي بأي شكل
امير…..وانا مستعد لأي حاجه زي ما قولت لحضرتك بس اكيد مش انا اللي هتواصل معاهم لان مفيش بيني وبينهم كلام حضراتكم تقدروا تتواصلوا مع مستر راشد واي قرار هتوصلوا ليه انا هنفذه فورا
مراد…..مبدأيا كده انت متحول للتحقيق
بصوا كلهم پصدمه لمراد وفيهم اللي حط ايده علي وشه بقلة حيله
فرح نزلت دموعها من غير ما تحس وكانت بتحاول تداري دموعها بأي شكل وباصه علي الارض
امير……بۏجع حاول يتمالك أعصابه تمام اللي تشوفه مناسب انا موافق عليه
مراد…..انت مجبر توافق انا مش باخد رأيك ثانيا هيتم سحب اي صلاحيات ليك وهتنزل من المنصب بتاعك درجتين حلوين وتبقي اقل من الموظف العادي لحد ما تتعلم تحترم قوانين الكيان اللي انت شغال فيه وتبقي عبره لغيرك لما الكل يعرف ان امير الطوبجي اتعاقب عشان اهمل في شغله هيعروفوا ان هنا مفيش تهريج وان اللي بيتطبق علي الصغير سهل يتطبق علي اصحاب الكيان ده.
هنا حس امير ان اللي بيحصل ده فوق طاقته والضغط اللي كان حاسي بيه كان اقوي من الثبات اللي بيحاول يظهره.
زيد……طيب معلش لحظه بس يا مستر مراد
مراد….قولت مش هايز نفس
زيد….تمام بس عشان ننجز وقتنا انا حالا هكلم مستر راسد وافهمه اللي حصل عشان هو لازم بكون عنده خلفيه ونشوف هنحل المشكله دي. ازاي حتي لو اضطريت اسافر انا بكره واروحله نظبط التوقيعات
مراد…..محدش هيسافر ولو اضطرينا ووصلت معاه لحل والراجل تفهم الغلط اللي ابني حطني فيه يبقي هو اللي مجبر يروح يصلح غلطه وهديك شرف انك توقع لتاني مره عشان شكلك كنت حابب تعيش اللحظه دي انا مش هحرمك منها بس علي الاقل توقع علي حاجه صح
بصله امير بۏجع وحس انه اتهان كتير منه .
راجح……بهدوء ممكن تقعد بقي مش عايز اسمع صوت تاني وانت يا زيد كلمه حالا واشرحله اللي حصل فورا
قام زيد وقف تمام يا باشا لحظه واحده.
طيب هنقوم احنا يا باشا محتاج مننا اي حاجه
راجح….بهدوء لا اتفضلوا انتوا
قاموا خدوا ورقهم وخرجوا وسابوهم.
وقف زيد بعيد عنهم شويه اتكلم مع راشد رد عليه وبدأ زيد يشرحله اللي حصل كله ويفكره باللغبطه اللي حصلت في الورق بخصوص الشرط الجزائي وانه هو قالهم بغير ا الورق ومع ذلك الورق متغيرش.
الراجل كان متفهم جدا سمعه للاخر.
راشد….فعلا كل هاد صار لكن معاد سفرهم كان اليوم بالفعل واكيد هاد سوء تفاهم اما بالنسبه للتوقيع فا اكيد كمان صار لغبطه غير مقصوده وانا بقولك أعتبر ان التوقيع اللي صار متمش وهرسلك موظف لين عندك نصحح الخطأ اللي صار و أسف مره تانيه لو سببنا أزعاج غير مقصود
زيد….باشا الله يعزك مفيش اسف بينا انا بس حبيت احط في الصوره واكيد كفايه عطله ليك وللناس اللي تبعك انا ممكن اجيلك بركه او بعده مفيش مشكله واهو بالمره اشوف المكان
راشد……حياك الله والله تنورني طبعا بس مع الأسف انا عندي طياره اليوم مساءا خارج البلاد و برجع أرد الاربعاء مساءا فا لو تحب الخميس مافي أي مشكله يصير خير
زيد…..هو الخميس صعب لان فرح اختي ان شاء الله
راشد…..والله كتير فرحتني الف مبروك
زيد…الله يبارك في حضرتك
قرب منه مراد پغضب وشاورله انه عايز التليفون
زيد….طيب مراد باشا حابب يكلمك
راشد…..طبعا
مراد…..السلام عليكم حبيبي مستر راشد
راشد….وعليكم السلام اهلين بالباشا الكبير ليك وحشه والله
مراد…..انت اكتر يا حبيبي والله اسفين علي اللي حصل واللغبطه دي كلها
راشد….حبيبي ولا يهمك الغلط صار من عندنا كمان وفي النهايه مفيش بينا أي حاجه انت عارف انكم بالنسبالي اكتر من اهل
مراد….علي راسي والله عموما شوف الطريقه المناسبه ليك وانا هبعتلك ابني لان هو اللي وقع معاهم
راشد….علي راسي انا قولت لزيد حبيبي اني مسافر اليوم مساءا وبرجع ارد الاربعاء مساءا فا لو يصير معكم الخميس ما عندي مشاكل بنتظركم بس هو قال عرس اخته
مراد…..ده حقيقي بس ان شاء الله الخميس امير ابني يكون عندك
راشد….يا مرحب بيه في اي وقت اكيد في انتظار الغالي ابن الغالي
مراد…يا حبيبي الله يسعدك وان شاء الله لو كده يبقي احنا هنبقي عندك يوم السبت او الاحد بالكتير انا وزيد عشان نروح نشوف المكان ونشوف امته هنبدأ شغل
راشد….في انتظاركم حبيبي اكيد
مراد…..حبيبي يا غالي تروح وترجع بالف سلامه وان شاء الله الخميس امير هيكون عندك
راشد….في انتظاره يشرف في اي وقت و اسفين مره تانيه علي سوء التفاهم
مراد….الاسف لينا احنا يا حبيبي وحصل خير
راشد…الله يسعدكم ويوفقكم والف مبروك علي العرس يلا اشوفك واشوفهم علي خير وان شاء الله الخميس كل الامور ترجع علي اتفاقنا القديم وما تشيل هم بنشيله علي راسنا
مراد…..الله يبارك فيك وقد القول يا ابن الاصول يلا مش هعطلك مع الف سلامه
راشد…..الله يسلمك في امان الله.
…………..
خد زيد منه الموبايل
راجح……طمنوني
زيد…..الراجل تفهم الموضوع وكان حابب يبعتلي موظف بس انا قولتله لا كده كده احنا المفروض نسافر هو بس عنده سفر انهارده وهيرجع الاربع يعني الخميس هيبقي موجود امير هيروح واحنا ان شاء الله السبت نسافر انا ومراد او اي حد من الشباب نشوف الموقع
راجح…..طيب الحمد لله ربنا يكملها علي خير
بص مراد پغضب لامير
مراد……تحجز تيكيت علي دبي يوم الخميس اي معاد تلاقيه حتي لو الصبح بدري وتفضل هناك لحد ما تقابل الراجل تاخد التوقيع منه علي الشرط الجزائي اللي هقولك عليه.
تشوف تاني العقود اللي معاك دي تقراها كويس كل اللي فيها تمام معادا الشرط العقد الجديد اللي هتاخده منه هيبقي موجود فيه نفس الكلام مع تغيير الشرط الجديد توقع عليه وتمشي مفهوم
امير……مفهوم
نادر…..طيب بما انكم كده كده مسافرين ما تخلوها لما تروحوا انت ناسي ان الخميس جواز منذر وفيروز
مراد….بصله پغضب انا قولت مش عايز اسمع صوت حصل
نادر…..بهدوء حصل
مراد…..بيتهيألي الموضوع مبتحملش تأجيل من هنا لدقيقه محدش يعرف ايه اللي ممكن يحصل اه واثقين في الراجل وطلع متفهم بس الله اعلم ممكن ايه يحصل ووقتها احنا اللي هنتعك فيها وتبقي مصېبه ومن هنا لحد يوم الخميس ربنا وحده اللي يعلم اني هبقي علي اعصابي وبيتهيألي وجوده من عدمه مش هيفرق كتير في جواز فيروز ومنذر تمااااام
نادر…..تمام يا مستر مراد اللي تشوفه.
مراد…..بص لامير اظن انت سمعت اللي قولته
امير…..خد نفس طويل وبصله بۏجع سمعت يا مستر مراد سحب ورقه من قدامه ومسك قلمه فضل يكتب حاجه وبعدين رفع ضهره ومد ايده لمراد اتفضل يا مستر مراد
بص مراد علي الورقه پغضب من غير ما يمسكها
كلهم بصوا پصدمه و عرفوا امير كتب ايه
سالم….بهمس الحق يا زيد الدنيا هتولع
زيد….ربنا يستر
مراد……ايه ده
امير….ده طلب استقاله يا مستر مراد
سحب مراد منه الورقه قطعها پغضب وحدفها في وشه غمض امير عينه بتماسك
مراد…..انت عبيط ولا بتستعبط طلبك مرفوض انت هتفضل هنا لحد ما كل حاجه ترجع زي ما كانت بعدها غور في ستين داهيه لو حابب
امير…..طلب استقالتي هيتمضي ومن اللحظه دي انا بره المجموعه بس اللي حصل ده بما انه غلطي فا لاخر نفس فيا هو في رقبتي واظن انك عارفني كويس انا هسافر و هصلح الغلط اللي حصل و هعمل كل حاجه بالحرف زي ما حضرتك أمرتني
مراد….انت بتتحداني يا امير ولا بتعاقبني علي غلطك
امير……لا عشت ولا كنت بوم اعاقبك يا باشا بس انا حابب احط في الصوره اللي حصل غلطتي وانا متحملها لحد ما اصلح كل حاجه بس وجودي في الشركه بقي امر مستحيل انا مش زي ما قولت يا باشا فرحان بالتوقيع ولا مستني من حضرتك او من اي حد ينولني شرف التوقيع عشان انت عارف ان انا مش الشخص ده وعارف كمان اني عمري ما غلطت من اول يوم مسكت فيه الشغل
مراد…..بس غلطتك كانت المرادي بفوره
امير…..حصل وانا هصلح غلطتي واكيد هتعلم منها
راجح……انا مش عايز لعب عيال منك ليه وانت با امير انسي حوار الاستقاله ده مش معني اننا نختلف مع بعض يبقي كل واحد يقول انا مش مكمل احنا مش عيال
امير……اسف يا مستر راجح لاول مره في حياتي هكسر كلامك انت ومستر مراد بس من اللحظه دي انا بره كيان الطوبجي
داوود…..اهدي يا امير خلينا نصلح اللي حصل من غير مشاكل
امير….لنا هادي يا مستر داوود وان شاء الله مفيش مشاكل وانا هصلح كل حاجه
زيد….امير احنا مش عايزين الموضوع يكبر
امير….بإبتسامه بسيطه كلها حزن الموضوع كبر يا مستر زيد خلاص .
مسك ورقه تانيه بسرعه كتبها من تاني حطها علي التربيزه و فوقيها القلم مسك العقود في ايده ولم حاجته بسرعه
امير…….طلب استقاله بدل اللي حضرتك قطعته ساله امير وراح علي الباب
مراد….پغضب في ستيييييين داهيه
فتح امير الباب وخرج
قام جلال عشان يروح وراه
مراد….پغضب مكااااانك
قامت فرح في نفس اللحظه عشان تجري وراه
مراد….بصلها پغضب ايييييييه مش قولت مكانك رايحه فين انتي هنا في شركه محترمه مش في البيت
فرح……بدموع بصتله وسكتت خاڤت منه لاول مره في حياتها بصت لابوها بسرعه و لاخواتها
هز راجح راسه بنظره حنان بمعني اسمعي الكلام
والكل فضل ساكت وقاعد مكانه عارفين ان مراد بوم ما بيوصل للحاله دي يبقي مستحيل حد فيهم ينطق.
راجح….بهدوء رفع راسه وبص لمراد بيتهيألي ممكن تقعد بقي وتهدي شويه وتفتكر اني قاعد وموجود.
بصله مراد وفضل باصصله شويه وبعدين قعد
راجح…..امير غلط ومش هو لوحده اللي غلط بيتهيألي ان الكل هنا غلط انا سيبتك تتكلم وتعمل كل حاجه فيه بس كمان كان لازم تديله عذره
مراد….انت شايف ان الغلطه دي فيها عذر يا راجح
راجح…..لا بس انت وياسين وزيد عليكم اللوم الاكبر
مراد…..الاتفاق كان علي بكره يا راجح مش انهارده
راجح….ولو كان المفروض تفضلوا متابعين الناس في النهايه هما اغراب وزي ما بنعمل مع اي حد جاي من بره إكرام الضيف واجب كان المفروض تتابعوهم طول الوقت عشان لو محتاجبن اي حاجه واكيد لو كنتوا كلمتوهم كان هيبقي عندكم خلفيه انهم جايين
مراد…..يا راجح انت عارف ان الفتره دي كلنا ملخومين من بديه ولادة صبا للسبوع لجواز منذر وزيد مع ضغط الشغل
راجح….وكل دي اسباب الشغل ملخوش دعوه بيها من امته اي مناسبه شخصيه بتأثر علي الشغل
مراد….واحنا عمر ما حد فينا اثر علي الشغل وانت عارف كده كويس احنا بوم السبوع من بدري كان عندنا ميتنج معاهم في العز الوقت اللي زيد طلعان عينه فيه واحنا معاه
راجح…..تمام بس بردوا دي مش غلطته لوحده هو حب يتصرف ويطلع بأقل خساير ويحسن صورتنا
تقي……بصت لمراد پغضب بسيط ماهو ده اللي انا قولته يا مستر راجح ومعجبش مستر مراد امير ملخوش ذنب ولو انتوا كلكم ملكوش ذنب فا الغلطه مش غلطة امير بس دي غلطتي وغلطه جلال وفرح علي اعتبار لو احنا اللي كنا معاه
مراد….بصلها پغضب انتي بردوا مصممه ټحرقي دمي
راجح….انا مش عايز جدااااال ومشاكل
مراد…..هي مش قادره تستوعب حجم المصېبه يا راجح هي فكره لما اقولها تمام الغلطه دي تقسم عليكم انتوا الاربعه يبقي الدنيا اتحلت
تقي…..انا مقولتش كده بس علي الاقل امير ميحصلش كل ده فيه قدامنا واحنا نطلع منها
مراد….وانا قولتلك الشغل مفيهوش عواطف ولا مشاعر لو مش هتقدري تسيطري علي الجزء ده جواكي يبقي تقعدي من الشغل افضل عشان تنجحي وتكبري مينفعش تتساهلي في اي غلطه وإلا وقعتك مش هيبقالها قومه زمان قالوا اللي يصعب عليك يفقرك وانا لو بصيت للكارثه اللي حصلت دي بنفس نظرتك ليها يبقي الكيان اللب انتي شيفاه ده دماره هيبقي بالسهل لما الموظفين الصغيرين يعرفوا بحاجه زي دي ويلاقونا عديناها الغلط هيبقي مستباح والفوضي هتبقي بالكوم لكن لما يعرفوا ان العقاپ بيطول حتي ولاد الشركه هيمشوا زي الالف
زمان قالوها بردوا أضرب المربوط ېخاف السايب اظن كلامي وصلك
سكتت تقي ومقدرتش ترد عليه
راجح…..تمام الموضوع خلص وان شاء الله هيتحل علي خير وبيتهيألي نقفل النقاش والمشاكل دي افضل وانت يا مراد قولت كل اللي عندك خلاص الكلام ميتفتحش تاني مع امير مفهوم.
مراد….تمام يا راجح.
راجح….اتفضلوا علي مكاتبكم يلا
مراد…..قبل ما اروح علي مكتبي الكلام ده ليكي انتي وهي وهو ولاي حد هنا من اللحظه دي اللي مش فاهم في اي حاجه او الشغل بره صلاحياته ميتدخلش فيه مره تانيه واياك اشوف حد يحاول يقنع التاني ياخد قرار بره عنه المرادي انا هكتفي بس بلفت نظركم المره الجايه محدش يزعل من رد فعلي
قام مراد فتح الباب وخرج راح علي مكتبه.
راجح…..يلا علي مكاتبكم
خرج جلال بكل ڠضب اول واحد ووراه فرح وهي دموعها نازله وتقي حزن الدنيا علي وشها.
وبدأ الكل يخرج علي مكاتبهم.
……………..
راحت تقي علي مكتبها ثواني ودخل وراها داوود وياسين وملك
داوود…..تقي عشان خاطري ملكيش دعوه الوقت خالص بمراد
تقي……بدموع صعب عليها نفسها وامير هو انا اتكلمت يا داوود اديك كنت معانا وشوفت اللي حصل بنفسك
ملك…..والنبي ما ټعيطي عشان خاطري واهدي كده
ياسين…..تقي بلاش ټعيطي عشان خاطرنا الموضوع بسيط ان شاء الله هو بس متعصب شويه عشان اللي حصل
تقي…..بس حرام يا ياسين امير يشيل الليله دي كلها لوحده حرام يبقي واقف مش عار ينطق ومراد واقف يبهدل فيه قدامنا وقدام الموظفين
داوود….يا حبيبه قلبي مراد انا واثق ان نص غضبه ده عشان وقف قدام امير اصلا وعارف انه مضايق من اللي عمله فيه بس كمان نعذره في النهايه الغلطه كبيره مش صغيره كل اللي طالبه منك خليكي هاديه ومتحتكيش بيه خالص لحد ما الدنيا تتظبط وبعد كده ازعلي زي ما انتي عايزه بس صدقيني اي احتاك بينك وبينه الوقت مش في صالحك وهنكبر المشكله اكتر
تقي…..وانا والله مكانش قصدي انا كنت بحاول اهديه واشيل شويه عن امير انا اول مره اشوف مراد بالشكل ده اصلا
ياسين…..مراد شخص هادي وطيب وعمره ما بيزعل حد يا تقي بس هو لما بيوصل للمرحله دي كلنا بنسكت واديكي شوفتي حتي الباشا سابه خالص هو وداوود عشان عارفينه كويس بنتكلم معاه وبنتناقش وبيسمعنا بس لما يهدأ بس طول ما هو في الحاله دي والله العظيم صعب اننا نسيطر عليه لان كلنا عارفين القلبه بتاعت مراد كويس.
ملك….اسمعي الكلام يا تقي خليكي هاديه وسيبيه معلش هو هيهدأ وان شاء الله المشكله تتحل هتلاقيه نسي
تقي…..حاضر يا ملك
داوود….بطلي عياط بقي متنسيش انك حامل والزعل مش كويس عشانك
تقي…..حاضر يا داوود
داوود….بحب طبطب علي كفها يلا هسيبك تشوفي اللي وراكي ملك معلش اطلبيلها عصير.
ملك….عيوني حاضر يلا روحي اغسلي وشك لحد ما ابعتلك عصير
تقي….حاضر
خرجوا كلهم وسابوها.
………..
انا عند فرح فكانت مڼهاره من العياط في مكتبها وجلال معاها قاعد ڠضب الدنيا علي وشه بيهز رجله بسرعه وساكت ماسك موبايله بيحاول يتصل علي امير بس مش بيرد ۏلع سېجاره وفضل ياخد نفس وراء نفس وهو متعصب.
فرح…..بدموع مبيردش صح
هز جلال راسه بلأ
فرح…..طيب هنعمل ايه هنسيبه كده
جلال….اكيد لا يا فرح بس مش عارف دماغي واقفه خالص
فرح…..جلال احنا غلطنا كلنا ومينفعش نسيب امير كده احنا اللي قولناله يمضي
جلال….اكيد مش هسيبه يا فرح يارتني ما قولتله يوقع مكانش كل ده حصل
فرح….يعني هو انت كنت عارف يا جلال احنا كنا عايزين نتصرف بدالهم
دخل راجح في الوقت ده واول ما جلال شافه داخل عليه هو زيد خبي السېجاره بسرعه وطبقها في ايده علي طول طفاها ايده اتلسعت لكن مبينش.
راجح…..ايه حد فيكم كلم امير
جلال….مبيردش
راجح…..هنفضل نعيط يا فرح كده
فرح…..انا كويسه يا بابي
زيد…فرح انتي وامير انتوا غلطوا لما ورتطوا امير في مشكله زي دي
فرح……محدش فينا كان عارف حاجه يا زيد والله هو ما كان موافق احنا خوفنا الناس تمشي ويفركوا انكم طنشتوهم او استقليتوا بيهم مفكرناش بالطريقه دي خالص وهو اتأثر بكلامنا وكان خاېف علي اسم الشركه وشكلكم عشان كده وقع
زيد…طيب بطلي عياط وحياتي عندك.
فرح….بدموع يا زيد انت كلمت مستر راشد وقالك ان كل حاجه هتتحل كان لزومه ايه يفضل مراد مكمل في طريقته دي مع امير وكان لزومه ايه يتكلم معايا بالطريقه دي انا اول مره ازعل من مراد كده
زيد…بإبتسامه تأثر طيب بس عشان خاطري
راجح….تعالي يا قلبي
قربت فرح منه وهي بټعيط ضمھا راجح بحب وطبطب عليها
راجح…..يخلص بس الموضوع علي خير وانا هعلقهولك وهخليه يصالحك كمان بس انتي عارفه مراد في حالته دي صعب حد يقف قدامه
فرح…..بس انا معملتش حاجه يا بابي انا كنت بدافع عن امير عشان والله دي مش غلطته
راجح….طيب بس يا قلب ابوكي بطلي عياط انتي عارفه اني مبحبش اشوف دموعك انتي واختك ولو علي اللي حصل كله هيعدي ان شاء الله انتي عارفه ان مراد بيحبك وبيعتبرك بنته اللي مخلفهاش ده انتي شوفتي علي ايده دلع محدش شافه بس هو مضايق نعذره معلش
زيد…..بطلي عياط بقي
فرح….طيب ممكن حد فيكم بكلم امير حرام يعني نسيبه كده وهو خارج مضايق
زيد….متحمليش هم هيلف شويه اكيد وهيطلع علي القصر وبيليل لما نروح انا هتكلم معاه وهنضحكه ونسيه اللي حصل كمان اتفقنا
فرح….طيب هو انتوا هتخلوا يسيب الشغل بجد
راجح….يا عبيطه شغل ايه اللي يسيبه تفتكري يعني ان انا هسمح بده انا زي ما سيبت مراد يقول كل اللي جواه سيبت كنان امير ومحبتش اضغط عليه عشان عارف ان موقفه قدامنا مكانش حلو وكان مضغوط فا سيبته انما تفتكري هوافق انه يمشي وبعدين يروح فين دي شركته شغله وشغل ابوه وعمامه وولاد اعمامه يعني الماليه اللي انتي شيفاها دي كلها بتاعتكم انتوا ومش مسموح لحد فيكم يبعد او يسيب ماله للغريب فهمتي
فرح…..فهمت
زيد…..وانت فك كده
جلال…..انا تمام يا زيد
راجح….مش عايزك ليك دعوه بمراد خالص مفهوم
جلال …وهو انا اتكلم معاه يا باشا
راجح….قول حاضر ولا متعرفش
جلال….حاضر حاضر بس بردوا اللي حصل ده مينفعش وقفة امبر قدامنا بالشكل ده ياباشا متنفعش
زيد…..بصوت عالي نسبيا اهدييييي
جلال….انا هادي
زيد…..اللي حصل كان لازم هيحصل منزودهاش احنا بقي واللي حصل مع امير هيتصلح هليك انت بس هادي وبلاش الحمقه دي
جلال…..يعني بزمتك انت مضايقتش علبه يا زيد
زيد….اضايقت يا حبيبي وعارف انك مضايق عشان اوي بس مش عايزين نكبر الموضوع هحل كل حاجه متقلقش ماشي
جلال….بحزن ماشي يا زيد
راجح….يلا خلصوا اللي وراكم وعايز الدنيا تهدي مش عايزين توتر خلينا نشوف اللي ورانا
زيد…يلا يا جلال علي مكتبك
وانتي يا فروحه تعالي معايا محتاجك تساعديني ممكن
فرح…..بدموع حاضر
راجح…..بزعل بص لزيد بنظره زعل عشان فرح وجلال عارف انهم هيتجننوا علي امير هزله دماغه بمعني اتصرف
بصله زيد بهدوء وهز دماغه
خدهم زيد وخرج وخرج وراهم راجح.
زيد….يلا يا جلال شوف شغلك وانا هاخد معايا فرح
جلال….تمام بعد اذنكم.
راجح…انا في مكتبي يا زيد
زيد…تمام يا باشا.
………….
راح جلال علي مكتبه
ملك….انت كويس
جلال….تمام يا ملك
ياسين…..نهدي الدنيا مش محتاجين خالص نولعها اكتر ما هي والعه
جلال….انا ساكت خالص و حاطت في بوئي جزمه يا ياسين بس بقولهالك اهو لو امير مشي بجد انا همشي
ياسين….ولااااا هو لعب عيال تمشي فين ويمشي فين انتوا طالعين رحله
جلال….انا بعرفك بس عشان لو حصل وامير شال الليله لوحده انا هشيلها معاه
ياسين…..محدش هيشيل حاجه ان شاء الله كل حاجه هتتحل وانت عارف امير ومراد ميعرفوش يزعلوا من بعض هي لحظه ڠضب و هتروح لحالها
ملك….اه والله احنا بس نروح وان شاء الله يكون الاتنين هديوا والدنيا تروق بينهم وانت عارفف ان مراد بيعرف يفصل كويس بين الشغل وبين اي حاجه شخصيه عشان كده لازم تكون هادي ومتتكلمش في اي حاجه مع مراد
جلال….تمام يا ملك خير ان شاء الله
ياسين….انت كلمته انا بكلمه مبيردش
جلال….مبيردش عليا انا وفرح بردوا
ملك….خلاص يا جماعه سيبوا الوقت اكيد متعصب لسه وبعدين متفضلوش تكلموا وهو سايق
ياسين…..خلاص سيبه الوقت ولما نروح ربنا يحلها
جلال….ان شاء الله
ياسين…..يلا شوفوا اللي وراكم وانا داخل اخلص اللي ورايا
ملك….تمام
…………………
وصل امير علي القصر كان بيحاول ميظهرش اي حاجه عليه.
وحمد ربنا ان روح مش موجوده عشان متعرفش انه مخبي حاجه
دخل كانت صبا وخلود و شمس وداده زينب قاعدين تحت مع بعض
صبا….اهلا اهلا ايه ده راجعين بدري يعني
امير…بإبتسامه بسيطه لا ده انا بس جاي اخد حجات ورايح تاني انتوا عاملين ايه
صبا…..الحمد لله
خلود…..طيب مش جعان
امير…..لا يا خلود واكل الحمد لله عامله ايه الوقت يا شمس
شمس….بإبتسامه بسيطه الحمد لله يا امير
صبا……امير انت شكلك مضايق ولا انا بيتهيألي
امير….بإبتسامه لا خالص انا تمام بس حر وشغل كتير وعايز اخد شويه حجات امشي تاني
صبا…..متأكد
امير…ايوه متأكد يلا انا طالع بقي عشان متأخرش
صبا….مش عايز مساعده
امير…..لا شكرا
طلع امير علي فوق طلع شنطه صغيره حط فيها كام غيار بعدين ساب الشنطه تاني حس ان لو صبا شافتها هتتأكد انه اكيد في مشكله وشكله سايب البيت
خد واحده تانيه اصغر وفضل بحط في كام غيار وكل الحاجه اللي ممكن يحتاجها غير هدومه بسرعه ولبس حاجه تانيه وراح علي الباسبور حطه في الشنطه عشان يسافر علي طول يوم الخميس وبعد ما جهز نزل علي طول من الاوضه بتاعته وخرج علي الجنينه
امير……يلا انا ماشي مش عايزين حاجه
صبا….انت رايح فين بجد بالشنطه دي انا حاسه ان في حاجه
امير…..والله مافي انا راجعلهم تاني في شغل مهم
صبا…..متأكد
امير….بضحكه بسيطه هو احنا مش قولنا هنخلص من الهرمونات دي لما تولدي
صبا….بأبتسامه هرمونات فب عينك الحق عليا اني بطمن عليك يا جزمه
امير….بحب باس راسها قلبي انتي والله انا زي الفل
داده…..طيب ادام جيت يا ابني تعالي كل حاجه سريعه شكلك جعان
امير….حبيبتي با داده مش جعان والله لما ارجع ناكل مع بعض ماشي يلا بقي هتأخروني
صبا……سوق براحه
امير…..بإبتسامه حاضر يا مامي
صبا….بحب قلب مامي انت باي
أمير…..باي
خرج امير من القصر بسرعه واول ما خرج نزلت دموعه ڠصب عنه مسح وشه بضهر ايده پغضب ومشي مش عارف رايح فين
…………….
دخلت فريده وحنين ومليكه اتيليه كبير
حنين…بضحك وهي داخله اتمني من الله يبقي تاني مكان نروحله ونخلص ونلاقي حاجه حلوه
فريده….بضحك ادعي تاني ما انتي اللي معجبكيش حاجه في التانب وقفلتيني مع ان والله كان في حجات جميله
حنين…..صراحه انا بتلكك عشان اجي هنا مريم بتشكر فيه اوي
فريده…..يارب بس نشكر فيه احنا كمان
ضحكت حنين ودخلت وراها وبدأوا يتفرجوا والبنات اللي في المكان يساعدوهم
خدت حنين كام فستان عجبها ودخلت عشان تقيسهم
فريده اختارت كام حاجه بس مرضيتش تدخل وتسيب مليكه فضلت واقفه معاها لحد ما حنين تخلص.
خرجت حنين باول فستان
فريده……تحفه
حنين….بجد
فريده…. والله العظيم فظيع بس بردوا انا عيزاكي تقيسي الاورنچ ده
حنين…..هو استايله يجنن بس مش عارفه ليه حاسه الاورنچ مش هيليق
فريده…..ده هيبقي دمار مع لون بشرتك ولون شعرك ولو عملتلك انا المك اب في لوك في دماغي هيبقي رهيب
حنين….بإبتسامه طيب هقيسه واجيلك
فريده….اوك.
دخلت حنين غابت شويه وغربت وهي لبساه كان فستان اورنچ غامق فوق الركبه نازل ماسك من فوق لتحت علي جسمها اوف شولدر بنص كم عليه استراس بسيط وهادي وفي من جنب تنيات مخليه شكله يجنن
خرجت حنين اول ما فريده شافتها
فريده…اووووووف قولتلك هيبقي دمار
حنين…بجد والنبي شكله حلو صح
فريده….طيب بذمتك انتي شايفه ايه
حنين…..صراحه فظيع في اللبس كمان غير وهو مش ملبوس كنت مقلقه من اللون
فريده….بالعكس اللون يجنن انا بحب الدرجه دي من الاورنچ الغامقه فيها شياكه رهيبه وتحسي انك ليدي كده
حنين…..طب ايه اشوف لاقي الفساتين
فريده….براحتك بس انا عن نفسي مش هتنازل عن ده خلاص متخيلاكي باللوك اللي هعمله هيبقي رهيب والله
حنين….طيب هو ان شاء الله تمام بس خليني اشوف الاتنين دول بردوا
فريده….اوك
دخلت حنين قاست وخرجت وكل مره تقيس شكلها حلو بس خلاص فريده مش مقتنعه غير بالاورنچ
حنين…..بضحك هي خلاص قفلت دماغها علي ده هاخده خلاص
فريده…..فظيع بجد والله
حنين…..خلاص يا ستي مش هزعلك هروح اغير بقي عشان تقيسي انتي
فريده….تمام
دخلت حنين وفريده قالت للبنت تجهز فستان حنين في شنطه لحد ما هي تشوف وسألتها لو في حاجه للاطفال قالتلها فيه
فا قررت تخلص وبعدين تشوف حاجه لمليكه.
خرجت حنين وسابت فريده معاها مليكه.

حنين…..انتي داخله
بفستانين بس ليه ده انا كنت داخله باربعه
فريده….بضحك من داخل البروڤا
عشان انا صحيح متعبه زيك في الشراء بس بعرف اختار الحاجه اللي هتليق عليا انا عاجبني الاتنين دول اوي بس من جوايا هختار واحد هشوف بقي ذوقي زيك ولا لأ
حنين….تمام اختبار يعني
فريده…يعني
خلصت فريده لبس ولبست اول فستان كان اسود طويل من تحت شبه ديل السمكه ليه كم واحد والناحبه التانيه ملهاش كم بس ليها رقبه شكله كان يجنن
خرجت فريده واول ما شفاتها حنين
حنين…..احييييه عالجماااااال انتي مزه يخربيتك
فريده….ب ضحك هي والبنات يابا بطلي قلة ادب
حنين….والمصحف مزه انا لو راجل كان زماني انتي عارفه بقي
فريده….بضحك الله يخربيت عقلك فضحتينا الناس هتفهمنا غلط
حنين….والله اكيد بيفكروا زيي
البنات ضحكوا عليها
فريده….طيب ايه رأيك
حنين….رأيي في ايه فرسه والله
فريده…..بضحك اه يا مجرمه طيب هلبس التاني وشوفي كده
حنين…..لا انا هعمل زيك وهصمم علي ده بجد يجنن
فريده….طيب نشوف التاني
حنين….اوك
دخلت فريده غيرت ولبست فستان جولد يعتبر نفس الاستايل طويل متجسم علي شكل جسمها بس ليه كمين وليه سبعه بطول الصدر تحته في قماش لون الجلد ليه فاتحه لحد الركبه والضهر كله مكشوف لحد نص ضهرها مع لون بشرتها كانت وهم بمعني الكلمه اول ما خرجت حنين مسكت قلبها.
حنين…احييييه عليا وعلي سنيني الحقيني يا لوكا
فضلت فريده تضحك هي والبنات اللي في الاتيليه
فريده…ايه رايك
حنين….نهار اسود ده انقح من الاسود
فريده…..انا كنان حابه ده اوي
حنين…لازم تحبيه انا حبيته وحبيتك
فريده….والله بدأت أشك فيكي
حنين…..بضحك بجد والله طلقه ايه القمر ده بس بقولك ايه والله الاسود مينفعش يتساب بردوا
فريده….انا بفكر اصلا اخد الاتنين
حنين….مينفعش يتسابوا بجد بس الجولد ده احضري بيه يجنن ويهبل بجد
فريده….خلاص هاخدهم اروحاغير بقي
حنين….بضحك اه بسرعه قبل ما اعمل حجات ھموت واعملها
فريده…..بضحك ماشي يا مجرمه
دخلت فريده لبست هدومها وطلعت ادتهم الفستان الجولد وقالتلهم هتاخد الاتنين وطلعت دور تاني مع البنت توريها حاجه الاطفال
البنت…..احنا مكناش بنشتغل في حاجه اطفال بس الفكره دي بقالها كام بوم بس حظكم حلو وكل قطعه هتلاقيها مستحيل تلاقي زيها بره
حنين….ياخرابي علي السكر
فريده…..بابتسامه تأثر حاجه البنات الصغيره تجنن بجد
مليكه…..ديدا شوفي ده
فريده….ده عاجبك
مليكه….ايوه
فريده….طيب ايه رأيك نشوف ده وده كمان ونقيس وناخد الاحلي
مليكه….اوك
دخلت مليكه مع فريده بدأت تلبسها وتفرج حنين كل ما تلبس حاجه تطلع مقاسها وشكلها يجنن بيهم
اختارتلها فريده اتنين وقالت هتاخدهظ
مليكه….ديدا انا خدت اتنين زيك
فريده….طبعا يا عمر ديدا لازم ناخد زي بعض
مليكه…..هو انا هلبس الاتنين
ضحكت فريده وحنين
حنين….اتنين ايه اللي تلبسيهم علي بعض
فريده….لا احنا هنختار واحد مع بعض نلبسه والتاني هنسيبه لأي مناسبه
حنين….بضحك بصت لفريده وغمزتلها ان شاء الله المناسبه الجايه تبقي لديدا يا لوكا ونفرح بيها
فريده…..بضحك يابت اتلمي
حنين….بضحك حرام عليكي الراجل موز وقمر
فريده….بقلة حيله ضحكت وهزت راسها مفيش فايده ربنا موقعني مع ناس مبتسترش
حنين…..علي اساس انتي اللي ساتره نفسك ما عينك ڤضحاكي
فريده….بضحك حصل وشكلي هركب نضاره عشان محدش يقفشني
حنين….والله لو عملتي ايه مش هتعرفي
فريده….طيب يلا يا اختي قدامي خليني احاسب ونروح ناكل مجعتوش ولا ايه
حنين….ھموت من الجوع بس هو علي مش جاي ولا ايه
فريده….بضحك غمزتلها موز هو كمان صح
ضحكت حنين بإحراج ووشها احمر لا والله فهمتيني غلط بس هو قال انه جاي هو من ناحيه موز فاهو واخوه كاريزما ويتاكلوا بس مش اللي في بالك يا ام نيه وحشه انا واحده لسه واخده قلم محترم
فريده….والله اللي ميقدرناش منفكرش فيه وادام الكاريزما حوالينا نتعب نفسنا ليه بغيرهم
حنين….بضحك انتي شايفه كده
فريده….طبعا ركزي انتي بس مع الكاريزما ها
حنين….طب قدامي يا اختي بتجرجريني لحجات ھموت واتجرجر ليها
ضحكت فريده وراحت معاها طلعت الڤيزا وطلعت حنين الڤيزا بتاعتها الاتنين حطوها في نفس الوقت قدام البنت
مسكت فريده الڤيزا بتاعت حنين
فريده….للبنت الحساب كله من الفيزا دي
حنين….بجديه ديدا لو بتعزيني بجد متعمليش كده والله العظيم هزعل وهمشي
فريده….انتي عبيطه يا بت انا عايزه اجيبهولك وبعدين مش انا اللي مصممه تاخدي ده يبقي انا اللي هحاسب عليه
حنين….لا بجد والله هزعل اوي منك انتي اختارتيه وانا وافقت عشان واثفه في زوقك بس الحساب عليا
فريده….علي فكره بقي لو عملتي فرق انا اللي هزعل بجد
حنين….مش فرق والله العظيم ربنا عالم بس انا بحب اشتري حاجتي بنفسي وبعدين انتي فاكره يعني ان الدنيا مزنقه معايا ولا ايه انتي عارفه ان الدنيا تمام معايا جدا
فريده…..عارفه طبعا وربنا يزيدك كمان وكمان انا واقفه مع بيزنس ومان قد الدنيا بس دي هديه ينفع تكسفيني
حنين…..مقدرش والله بس عشان خاطري خليني انا اللي ادفع اقولك لو عايزه تقدميلي هديه بجد اعمليلي الميك اب من غير فلوس واقولك كمان حاسبي علي الغداء
فريده….حلو انا موافقه مع تعديل بسيط انتي اللي هتغدينا الوقت وهحاسبك علي الميك اب كمان زيك زي الغريب بس متبقيش ټعيطي اتفقنا
حنين….بقلة حيله متهرجيش بقي
فريده….بت مسمعش صوتك انا الكبيره يلا يا استاذه اسحبي المبلغ بسرعه
ضحكت البنت وقربت منها الجهاز حطت الباث ورد
حنين…..كبيره ده ايه البطل ده كبير بالذمه يا ناس
فريده…..بضحك اتفضحنا خلاص
خدوا الشنط وخدت الڤيزا وبعدين خرجوا ركبوا العربيه.
حنين…..ديدا والله ما عارفه اقولك ايه بجد
فريده….تقوليلي ايه يا عبيطه دي حاجه بسيطه متزعلنيش منك
حنين…..تسلميلي يارب ياقلبي
فريده….انتي اللي قلبي وانتي يا ست لوكا الفساتين عجبتك
مليكه…اوي اوي يا ديدا بابي هيفرح اوي
حنين….بصوت هامس امال لو شاف ديدا هيعمل ايه
ضحكت فريده من قلبها علي شقاوه حنين وكلامها
فريده….يا مصېبه وطي صوتك
حنين….بضحك الله مش بقول اللي هيحصل لبابي
فريده….طيب يلا خلصوني نروح فين
مليكه…..ديدا انا عايزه اروح مكان لولي بيوديني فيه في العاب
فريده….طيب فين هو
مليكه….مش عارفه هو عارف
حنين….بضحك لولي ده علي
مليكه…ايوه
حنين….احيه علي الهيبه والكاريزما اللي ضاعت
فريده…..بضحك عاجبك كده يا ست مليكه طيرتي العريس
حنين….بضحك لا ده طار وشرخ علي السماء خلاص بعد لولي دي
فريده….ماله لولي يابت داهو قمر اهو
حنين…..وقصرت في ايه علوه معاكم
فريده….بذمتك بقي علي ولا لولي
حنين…..لولي ايه صلي علي النبي لازم يبقي الدلع خشن كده عشان الهيبه متروحش
فريده….بضحك قاعده علي قهوه بلدي والله
حنين….انا اصحي من النوم اقوله صباح الخير يا لولي احييه علي ۏجع البطن والتلزيق لا مش انا هالص ده ضد طبيعتي
فضلت فريده تضحك من قلبها علي ريأكشنات وشها
فريده…..طيب اسكتي بقي عشان اكلمه واعرف المكان
حنين…..كلميه متنسيش تقوليله ايوه يا لولي يلا بلا تهريج بقي
فريده….بضحك شششس
الو ايوه يا علي فضلت تضحك
علي….بضحك ايوه يا فريده في ايه
فريده….لا مفيش بضحك علي حنين ولوكا بقولك ايه
علي….قولي
فريده….لوكا بتقولي انها عايزه تروح مكان انت بتوديهولها ديما في العاب وبتتغدوا فيه
حنين…..بنظره قرف لا قولي الكلام كامل قالتلك لولي بيوديني
فريده….بضحك يابا اسكتي بطني وجعتني من الضحك
علي….بضحك علي ضحكه فريده في ايه
فريده…..بضحك لا متشتغلش بالك حنين مهيبره شويه
حنين…انا بردوا اللي مهيبره قال لولي قال
فريده….بضحك يا بنتي مش عارفه اسمع الراجل والله اقوله
حنين….نهار اسود بخاف انا قوليله هيعمل ايه يعني. مش كفايه انه طلع لولي
فصلت من الضحك فريده ومقدرتش تتكلم وعلي بيضحك وهو مش فاهم حاجه
علي….الله يخربيت الجنان يا بنتي في ايه والمهيبره اللي جنبك دي بتعمل ايه
فريده….صراحه بقي مقطعه في فروتك
علي….پصدمه ضحك فروتي انا يغني الضحك ده كله عليا طب ليه
فريده….لوكا السبب يا سيدي
علي…..طب ليه
فريده….اصل هي بتقولي عايزه اروح مكان الالعاب اللي لولي بيوديهولي حنين سمعت لولي دي وهاتك يا تريقه ومعترضه علي دلعك يا سيدي
حنين…..ده دلع بذمتك
علي….بضحك بقي كل ده عشان لولي اقول عليكي ايه يا لوكا ركبتيني مسرح طب لما اشوفهم
الاتنين
فريده….ايوه خد حقك بقي المهم انت مش جاي ولا ايه
علي….لا جاي انا خارج خلاص اهو وهتحرك انتوا فين الوقت
فريده….احنا لسه متحركناش من قدام الاتيليه عيزاك بس تعرفني المكان
علي….طيب تمام هبعتلك اللوكيشن وجاي وراكم علي طول
فريده….اوك متتأخرش بقي عشان ھنموت من الجوع
علي….لا مش هتأخر
حنين…قوام يا لولي
فضلت فريده تضحك
علي….بضحك طيب ماشي لما اجي بس نشوف اخر التريقه دي ايه
فريده….امسحها فيا انا عيله وغلطت
علي….عشان خاطرك انتي بس يلا مش هتأخر عليكم
فريده….ابعت اللوكيشن
علي….حالا اهو
فريده….اوك يلا باي
علي….باي يا ديدا.
قفلت فريده وبصتلها وهي بتضحك مصېبه متنقله
حنين……يلا اطلعي خلينا نروح لي لولي
ضحكت فريده وطلعت بالعربيه
علي المكان اللي علي بعته ليها.