رواية مكالمة فيديو الفصل السابع 7 بقلم منة محمد
رواية مكالمة فيديو الجزء السابع
رواية مكالمة فيديو البارت السابع
رواية مكالمة فيديو الحلقة السابعة
فريال فتحت الباب: قمر يله المأذون قرب يوصل هي راحت فين
حواء: حصل ايه عماله تنادي ع قمر هي مش في اوضتها
فريال: لاْ مش موجوده
حواء: امال راحت فين
فريال: وانا هعرف منين
حواء ابتسمت: يمكن نزلت المطبخ روحي شوفيها هناك
فريال :هروح اشوفها
حواء: الله اعلم راحت فين البت دي ليه مش بتسمعي الكلام اقولهم ايه بس
فريال رجعتلها: ماما قمر مش موجوده لا في المطبخ ولا في الحمام دورت عليها
حواء ندهت بصوت عالي: ناجي يا ناجي
ناجي جالها: في ايه يا ماما
حواء: اختك مش موجوده في البيت لا في اوضتها ولا تحت
ناجي: امال هتكون راحت فين اكيد هنا
فريال: انا دورت عليها مش موجوده
ناجي: شوفتيها في الجنينه
فريال: لاْ بس دورت عليها جوه البيت
ناجي: هروح اشوفها متقلقيش يا ماما
حواء: فريال اتصلي بيها
فريال: اتصلت كتير مش بترد
حواء مسكت قلبها: استرها يارب اتصلي تاني
فريال حطت الموبيل ع ودنها: برضو مش بترد
حواء: ها لقيتها
ناجي: لا في الجنينه ولا ع السطوح مش موجوده اتصلتوا بيها
فريال: ايوه ومش بترد هتصل تاني
ناجي: ها ردت
فريال: لاْ بس ممكن اقول حاجه لتكون هربت
ناجي بنرفزه: متتكلميش كلام فارغ ليه تهرب هي مجنونه فكري قبل ما تتكلمي
حواء: الناس وصلوا هنقولهم ايه
ناجي طبطب ع دهرها: متقلقيش سبيني اتعامل
………………………قصص منه محمد كاتب……………………
قمر الي فضلت ماشيه في الشارع دخلت الجامع تصلي وتخرج تكمل طريقها لحد ما دخلت جنينه وأأعدت ع الكرسي ونفسها تنام لحد ما لقت شاب جه وقف قدامها بالموتسكل ويبصلها نظرات كلها وقاحه خافت منه جدا وقامت مشت بسرعه اتصلت بمحمد تستنجد بيه الي كان قاعد في الكوشه جنب خطيبته ولما شاف رقم قمر قام بسرعه طلع بره
محمد رد: خير يا انسه قمر
قمر: انت فين
محمد: في البيت
قمر: ممكن تيجي لي هنا وحالا
محمد بقلق: حصل ايه
قمر: هقولك بعدين قولي هينفع تجيلي
محمد: اجيلك بيتكم
قمر: لاْ انا واقفه في الشارع عند محل الورد الي جنب بيتنا بس ع الطريق العمومي
محمد: حاضر يا انسه قمر جايلك حالا
قمر بخوف: محمد بليز تعال بسرعه
محمد ساب الفرح والدنيا وركب الموتسكل ورحلها الي قمر اول ما شافته اطمنت لوجوده وجريت ركبت وراه واخدها كافيه وفضل يسمعها لحد ما خلصت كل همها قدامه!
محمد: وقفي وارجوكي متعيطيش
قمر ببكاء مرير: انا دمرت كل حاجه مكنش ينفع اهرب من البيت اعمل ايه دلوقت انا انتهيت الي عملته اكبر غلط
محمد ناولها منديل: يا انسه قمر انتي مغلطتيش
قمر بنرفزه عليه: انت اسكت لانك متعرفش حاجه
محمد: لاء بقي انا عارف كل حاجه
قمر بغيظ: تعرف ايه
محمد: كل حاجه وعمري ما شوفتك غلطانه انتي شجاعه وقويه وقلبك ابيض
قمر: دي مش شجاعه ده جنون مكنش ينفع اهرب انا هببت ايه
محمد بهدوء :انتي مهربتيش انتي ظهرتي انك شجاعه ماهو لو فضلتي هناك هتتجوزيه وانتي عارفه انه انسان قذر
قمر: طيب وامي
محمد: اكتب لها رساله قوللها انك بخير ومفيش لزوم تقلق
قمر بحيره: لو بعت رساله هتتصل بيا وتقولي ارجعي
محمد :فعلا هتضغط عليكي ولو رجعتي هتتجوزيه
قمر :مش هيتجوزني
محمد: لاْ هو بيحبك وهيتجوزك
قمر:معرفش
محمد بتعجب: متعرفيش اذا كان بيحبك ولا لاْ
قمر: هو لو كان بيحبني كان عمل فيا كده
محمد: خلاص انتي متقلقيش تحبي اتكلم مع والدتك
قمر: اذا كان انا اتكلمت معاها ودي ولا بتفهم حتي انا لحد دلوقت مش عارفه ليه هربت من البيت مكنش ينفع امشي
محمد: تقدري ترجعي
قمر: حاولت بس لقيت عربيه البوليس واقفه قدام البيت خفت ارجع
محمد : اه صح مينفعش , تاخدي بنصيحتي اقعدي اتكلمي مع امك وفهميها
…………قصص منه محمد كاتب……………..
سراج للمأذون: جهز انت ورقك ع ما العروسه تطلع
المأذون: ان شاء الله
سراج همس لليلي: امال هما فينهم قومي يا ليلي شوفيهم
ناجي طلع: عمي خالتي ماما عايزكم جوه
سراج بستفسار: ليه
ناجي بأحراج: عايزكم تتكلم جوه في حاجه من فضلك تعال
سراج دخل الفراند: حصل ايه ياحواء
حواء برتباك وخوف: بصراحه قمر مش هنا
سراج: يعني ايه راحت فين
حواء: معرفش بس مش في البيت
علي: راحت يعني الكوافير
حواء: لاْ
علي: امال فين
حواء: معرفش
سراج اتعصب: يعني ايه متعرفيش بتحاوله تقوله انها هربت مع حد
ناجي بنفي: لاْ ياعمي هي مهربتش
علي بعصبيه: ايه النكت دي ع المسا بتهزروا معانا راحت فين ما تقول ع طول
ناجي سألها: ها يافريال ردت
فريال: لاْ يا ناجي التلفون بيرن بس هي مش بترد
سراج: بجد شئ سخيف مفكرين الجواز لعبه ايه العبث ده من امتي حوارتكم دي بتتعمل احنا هنمشي ولما ترجع ابقي بلغينا نيجي ناخدها يله بينا
ليلي: استني بس دقيقه يمكن ترجع
علي فضل يتصل بقمر مش بترد وسراج سحب كرسي وقعد ع اخره لحد ما جرس الباب رن
ليلي: يظهر جات
حواء: الحمد لله
ليلي: مش قلتلكم هتيجي
البواب: ناجي بيه فيه ظابط بره عايزك
حواء قلبها انقبض: ظابط ليه
فريال: انا بلغت ابن عمي يشوفها فين هو ظابط ده احسن نلحقها
علي: هو ايه الي بيحصل في بيتك ده يا خالتو ليه مش بتقولي قمر فين
حواء بدموع: معرفش
سراج: هي فعلا متعرفش حاجه ماهي لو عينها ع بنتها مكنتش وصلت للحاله دي
ليلي اتكت ع ايده: ماتهدي ياسراج
سراج زعق فيها: عايزني اهدي وافضل اسمع انا طالع اعتذر للمأذون
فريال: ناجي انزل قابل الظابط
ليلي سندت حواء: تعالي اقعدي ياحواء
…………………………قصص منه محمد كاتب…………….
في الكافيه
محمد شاف ظابط وعساكر داخين المكان قالها: قومي احنا لازم حالا نمشي بسرعه قبل ما الظابط يشوفك معايا يله بسرعه
قمر نطت ع الموتسكل بخوف: سوق بسرعه يا محمد
محمد: انا طاير ع اخري بس اطمني مفيش حد ورانا ورآي نقف هنا شويه ونشوف هنعمل ايه
قمر قعدت: عملت ايه امي هتعمل فيا ايه والناس هيقوله عليا ايه
محمد: خدي نفس عميق واهدي شويه وهنفكر نعمل ايه
قمر: اكيد هيفكروني هربت مع راجل بعيد الشر وفريال هتولع الدنيا ماما واخويا ازاي هيتحملوا كل ده وناجي مش هيرحمني يارب خد روحي مش عايزه اعيش في الدنيا ارجوك موتني
محمد بنرفزه فيها :متقوليش ع نفسك كده والله كل حاجه هتتبقي تمام وانا الي بقولك
قمر بغيظ: هو انت مجنون مفيش حاجه هتبقي تمام مش هيصدقوني انا ورطت نفسي ومش هعرف ارجع البيت والله اعلم زمانهم قالوا عليا ايه دلوقت مليش مخرج ولا ليا مكان اروحه يارب ساعدني
محمد بهدوء: بقولك ايه هو فيه مكان واحد
قمر: فين فندق
محمد: بيتي
قمر: بيتك
محمد: ايوه
قمر: ليه عبيطه عشان اروح معاك لحد بيتك
محمد: مفيش مكان افضل منه حاليا
قمر هزت دماغها برفض: مستحيل مش ممكن اروح بيتك
محمد: يله بينا يا انسه قمر منا مقدرش اسيبك لوحدك ابدا وامي واختي هناك هتكوني في امان
قمر: قلت لآء انا كويسه هنا
محمد اتنهد: خلاص خلينا قاعدين هنا ويجي الظابط يقبض علينا واتمني تتعاملي معاهم لما يمسكونا خلينا نمشي واظن انتي واثقه فيا بدليل اتصلتي يله ربنا يهديكي
قمر: وهتقول ايه لما تسألك مامتك
محمد: هقولها الحقيقه ليه نكدب احنا عملنا حاجه غلط بعدين امي بتعزك وبتحبك اوي يله بينا
………….قصص منه محمد كاتب……………..
علي بغضب شديد: انا قاعد هنا بواسيكم واختكم هربانه مع عشيقها
ناجي بنرفزه: بتقول ايه انت ما تحاسب ع كلامك
علي: احاسب وانا بقول الحقيقه انتم لعبتوا بيا خنتوني وعرفت انها ع علاقه بواحد تاني
حواء: لاْ يابني بنتي مش كدا
علي: خالتي متدفعيش والا هنسي علاقتي بيكي
ناجي اتكلم مع امي بأدب
علي: الي اختك عملته معايا كان ادب (فتح شاشه موبيله) اتفرج قريب مراتك بعت لي صورتها من كاميرات المراقبه في كافيه قاعده مع واحد شوفوا
حواء وناجي قربوا وشافه قمر فعلا قاعد مع شخص بس من دهره
علي لحواء: شوفي يالي بتقولي بنتك مش كدا مش دي بنتك المحتاله بتمثل طول الوقت البرائه وانا بدور عليها زي المجنون من اليوم وطالع انتم كلكم ميتين بالنسبه لي
……………………………
في بيت محمد فتحيه رايحه جايه ذهابا وايابا بقلق
فوزيه: ازاي يسبيب فرحه ويمشي وميرجعش لحد دلوقت مين يعمل كدا يقوم فجأه ويختفي
فتحيه: ما يمكن راح لحاجه مهمه اكيد حصلت حاجه عشان كدا قام وبدل ما تقلقي عليه تغضبي عليه وبعدين انتي عارفه هو مكنش عايزها هيرجع واهو رجع كنت فين وحصل ايه
محمد بلع ريقه بتوتر: هقول ادخلي تعالي
فوزيه بتعجب: قمر بتعملي ايه هنا
محمد: اقعدوا وانا هقولكم
فتحيه بغيظ: مش عايزين نقعد قولنا كدا ع الواقف
محمد: تمام هقول الانسه قمر سابت البيت مش عايزه تتجوز الي اسمه علي ولجأت لي عشان كدا جبتها هنا
فتحيه: وبعدين
محمد بغيظ: ليه بتقاطعيني وانا بتكلم اسكتي
فتحيه: النهارده خطوبتك وتسيب عروستك وتروح تجيب قمر بدالها وتقولي اسكتي حلوه دي
فوزيه بصتلها بحده: اسكتي دقيقه خلينا نفهم يعني يا بنتي انتي الي اتصلتي بمحمد يجي ياخدك
قمر : ايوه
فتحيه: هتصل حالا بأمها تعرف عمايل بنتها
محمد سحب منها الموبيل بنفعال: اديني ده مفيش لزوم تعملي شوشره استني
فتحيه: انا عرفت انت ناوي تجيب اجلنا كلنا انت مش اخويا انت عدوي هو انت مصمم تدمر مستقبلي انت عارف ان ابن عم عروستك عينه عليا وطلبني تعمل كده عشان دي ( مسكت قمر من ايدها) اطلعي من هنا
محمد سحب قمر منها وشخط فيها: متلمسهاش
فوزيه بزعيق: فتحيه ابعدي عنها
فتحيه: طلعوا القسيمه اتجوزته صح
قمر: لاْ محصلش وانا معرفش ان خطوبته كانت النهارده لو كنت اعرف مستحيل كنت اتصل بيه
فتحيه: يعني اتصلتي بيه كدا انتم ع علاقه ببعض
محمد شخط فيها : ارجعي لعقلك بتقولي ايه انسه قمر تعالي اخدك جوه تعالي
……………قصص منه محمد كاتب…………..
في منزل عائله علي تحديد الجنينه
سراج: علي حبيبي لسه منمتش ادخل غير واستريح
علي: مش هرتاح لحد ما اعرف هربت مع مين
سراج: واحنا مالنا هربت مع مين مبقاش يخصنا
علي بنفعال: بابا حط نفسك مكاني الاول وبعدين اتكلم معايا كنت بعاملها بكل حب وكنت بقولها مشاعري وهي سابتني وهربت
ليلي: علي اهدء
علي: ماما بقولك هعلم بنت اختك الادب لدرجه متقدرش تواجه اي حد
ليلي: يابني الطريقه الي هربت بيها كفيله لوحدها تقل منها
علي: دي واحده غبيه ده انا اشترت لها فيلا كبيره في امريكا واشترت لها عربيه وحجزت قاعه غاليه وهي شاطت كل ده وسابتني وهربت
ليلي: علي اهدء هي الخسرانه لايمكن تلاقي راجل زيك انساها عشان خاطري ووقف كلامك ده وانساها
علي بغضب: انساها مش عايز اسمع الكلمه دي منكم انتم الاتنين اهانتني هنا وفي امريكا هقول ايه لصحابي لما ارجع لوحدي اقولهم ايه وانا لابس بدله الفرح هي هربت مع واحد تاني
…………………………………….
في غرفه فتحيه
محمد وهو بيغير فرش السرير بصلها وقال: انا اسف من فضلك متهتميش خالص بالي قالته فتحيه هي بنص عقل
قمر: بس كانت ع حق المفروض كنت تقولي عشان مجيش هنا
محمد: كنتي هتروحي فين ع كلا مهما حصل انسيه قوليلي حد اتصل من بيتك
قمر: اممم علي
محمد بغيره مخفيه: عايز ايه
قمر مدت له الموبيل: شوف
محمد قرء وقال: ده كتب كلام قبيح اسف بس يظهر هو كمان عقله مش سليم متخافيش هو ميقدرش يعملك اي حاجه مالك سرحتي في ايه
قمر: ولا حاجه
محمد: لو مكنتيش جيتي هنا وكنتي لسه في بيتكم كنتي زمانك متجوزه وطايره انتي وهو امريكا بعد يومين اه هيكون عندك فيلا كبيره وخدم وحشم وعربيه بسواق وحياه مستوي عالي بس ياتري هتبقي سعيده معاه قوليلي هتكوني سعيده بس قبل ما تردي انتي متأكده انك مش هتكوني سعيده ع العموم الي بيدور في ذهنك خليكي ع يقين ان مهما حصل كله خير وكل الي جاي قدام هيبقي للخير انتي بس ثقي في الله وبنفسك كمان
قمر: بس مهما كان الوضع مكنش ينفع اسيب البيت ومكنش ينفع ابدا اجي بيتك
محمد: وانا راي الانسان بيبقي قدامه اختيارين في الحياه وكل اختيار له ايجابيات زي ما له سلبيات والاختيار الي اخترتيه لازم تعرفي انه مفيد ليكي بطريقه ما
قمر: اني اسيب بيتي واجي بيتك ايه الفايده الي هتعود عليا
محمد: حتي انا معرفش ع العموم استريحي وحاولي تنامي حاليا وهنشوف ايجابات الي احنا فيه بكره الصبح
قمر: تمام هنام
محمد خرج لقاه امه قاعده وحاطه ايدها ع خدها قال: امي انتي عارفه انها بنت محترمه ونقيه جدا
فتحيه: سيبك من امك وقولي اتجوزتها ولا لاْ
محمد بغيظ: نفسي افهم ايه الغباء الي بتقوليه بصلها وبصيلي هتوافق تتجوزني
فوزيه بصت لقمر الي طلعت تبصلهم: ليه رفضتي خطيبك بعد الحب الي كان بينكم
محمد رد بالنيابه عنها وقال: سلوكه مكنش كويس معاها واهلها اجبروها ومفكرتش في اي حاجه وخافت وسابت البيت
فتحيه: واتصلت بيك انت وملقتش حد تاني
محمد اتك ع شفته ورد: اكيد ملقتش اي حد وانا هعرف مين ولما قالت لك ظروفها ليه ملاحقاني يا فتحيه
فوزيه: ع اي حال هوصلك لبيتك اول ما يطلع النهار
قمر بصت بسرعه لمحمد الي هزلها دماغه تطمن
فوزيه: اجبلك تاكلي
قمر: مش جعانه
فوزيه: فتحيه اديها جلابيه تنام فيها وخديها الاوضه ومتتخانقيش معاها جوه سامعه
فتحيه سحبت قمر: يله ندخل
محمد لامه: هتتصلي بمين
فوزيه: بأمها
محمد: متتصليش دلوقت
فوزيه: ليه لازم اطمنها ان بنتها هنا معانا
محمد: اتصلي بيها الصبح اهلها مفكرنها هربت مع واحد اقسم لك الوضع ماهو كده انا عمري كدبت عليكي انتي مربياني
فوزيه: يبقي لازم اعرفها ازاي يابني اسيبها ليله معانا كدا هتصل
محمد: براحتك يمه
فوزيه: امها مش بترد
محمد: اكيد مش هتبقي فايقه في الوقت الصعب ده عشان ترد ع خياطه بتفصل عندها واكيد مش متخيله بنتها تكون معانا اتصلي بيها الصبح
فوزيه: مهما حصل الي عملته اكبر غلط يا محمد
……………………….قصص منه محمد كاتب………………..
قمر فضلت كل شويه تتصل بأمها وهي مش بترد: ردي والنبي يا ماما
فتحيه بصتلها بغيظ: تعمل المصيبه لاتنام ولا تسيب غيرها ينام امال هربتي ليه لما معندكيش الشجاعه
قمر: اسفه بس لازم اكلم ماما
فتحيه: ليه
قمر: زمانها قلقانه عليا
فتحيه: كان لازم تفكري قبل ما تطفشي قال قلقانه قال وبعدين هو خطب
قمر: مين
فتحيه: الافندي الي اتصلتي بيه وجابك لحد هنا ليه سكتي
قمر بقهر: وايه الفايده مهما قلت لك مش هتصدقيني
فتحيه اتعدلت: انتي هتقولي ايه لامك
قمر: ولا حاجه هطمنها عليا عشان متقلقش
فتحيه بسخريه: يا عسل وبعد ما تسمع ده هتحمد ربنا وتنام بسلام مش كدا
قمر نزلت دموعها: لاْ مستحيل تنام بسلام ابدا
محمد دخل: انسه قمر عارف انك مصدعه جبتلك مسكن للالم
قمر مره واحده عيطت جامد
محمد: مالك ( بص لفتحيه) انتي يابلوه قلتلها حاجه
فتحيه بعناد: اه قلت هتعمل ايه
محمد بغيظ: فتحيه انا بحذرك لو قلت لها كلمه تزعلها هوريكي
فتحيه ضحكت بستخفاف: ياحلاوه تجيبها البيت وبعدين تتخانق معايا والله ابلغ انك خاطفها وتتعجن في القسم وهتشوف
محمد: يله اتصلي بلغي عني يله انا مستني
قمر: متتخانقوش عشاني بليز انا هنا الليله وبكره همشي
محمد: لاْ تقدري تفضلي زي مانتي عايزه مفيش داعي تقلقي بسبب الحاله العقليه دي
قمر ببكاء: مقدرش اقعد ليله واحده بعيد عن حضن امي ازاي افضل عايزه ارجع
محمد: تمام تقدري ترجعي بس ارتاحي متتوتريش ( شاور ع فتحيه) وانتي متعملهاش توتر
…………………………..
ناجي: مين الي بيتصل
حواء: دي قمر
ناجي: ردي وافتحي مكبر الصوت
حواء: الو
قمر بلهفه: ماما ارجوكي سامحيني غلطت
حواء: متصله ليه
قمر: ارجوكي سامحيني عايزه ارجع
ناجي بغضب: لايمكن تدخلي البيت تاني خليكي مكان ما هربتي
قمر برجاء: ارجوك يا ناجي سامحتي ياخويا ارجوك
ناجي: بعد ما فضحتينا لسه عايزه ترجعي تكملي علينا هربتي مع واحد تاني
قمر:لآء مش كدا
ناجي: خليكي معاه مبقاش يهمنا امرك
قمر ببكاء: والله الموضوع ما كدا يا ناجي ع الاقل اسمعني
ناجي: الناس شافتك مع واحد
قمر: فاهموا غلط اسمعني وهقولك كل حاجه
ناجي: هربتي لوحدك
قمر: ايوه لوحدي وكنت راجعه بس شوفت عربيه الشرطه قدام بابنا اتوترت وخفت
ناجي: اه جريتي بسبب الخوف روحتي فين
قمر: روحت لمحل الورد وكان مليان ناس كتير ولقيت محمد هناك
ناجي ضم حواجبه بتعجب: محمد مين
قمر: ابن طنط فوزيه الخياطه الي بتفصلنا هدومنا
حواء: انتي فين دلوقت
قمر: انا هنا
فوزيه كانت داخله بصنيه اكل مدت لها ايدها تاخد التلفون وردت: اطمني هي معايا انا فوزيه بكلمك
حواء: فوزيه بنتي معاكي ومتتصليش بيا كان لازم تتصلي ع طول
فوزيه: اتصلت وحضرتك مردتيش قلت الوقت اتأخر سامحيني
حواء: عدينا في كارثه وانتي تطلبي اسامحك كنتي هتعملي ايه لو ده حصل لبنتك
فوزيه: بعيد الشر
حواء بنفعال: لما جه الوضوع عند بنتك بعيد الشر فكرتي فيا قوليلي دلوقت ارد اقول ايه لـ اختي اتعرضنا للاهانه قدام اهل مراه ابني وفي الشارع وبين الاقارب وانتي تطلبي مني اسامحك ده استهتار
فتحيه شلقت: جري ايه يا ست انتي ليه بتهزقي امي ماتلمي بنتك واحمدي ربنا ان اخويا جابها عندك فكره لو فضلت في الشارع
فوزيه: اسكتي يافتحيه ساحيني يا ست حواء هجبلك قمر بكره الصبح متقلقيش مع السلامه
فتحيه: كدا كتير دخلنا نفسنا في مشاكل وانتي ياختي طفي لنور ونامي انتي سامعه
فوزيه مسحت ع شعر قمر بحنان: نامي يابنتي والصباح رباح
…………………………..
فريال: اسمعوني كلكم لو جات قمر هسيب البيت يا ناجي
حواء: هدي مراك ياناجي مش وقته
ناجي راح وراها البلكونه: فريال اسمعيني وحاولي تفهمي وجهه نظري
فريال ضربت سور البلكونه وقالت بعصبيه: ناجي دي واحد كدابه
ناجي: وليه تكدب ماهي راحت لفوزيه
فريال: معرفش ليه راحت هناك بس هي بتمثل تمثليه حقيره
ناجي: تمام لو حتي بتمثل لازم نصدقها ونجيبها لانها بنت وهروح لعلي
فريال مسكته: وايه الي هيحصل بعدها تفتكر هيرضا بيها للمره التانيه
ناجي: يمكن
فريال: مستحيل يرضا مستحيل
ناجي: نجرب انتي اقفي جنبي دلوقت ومش هنسي معروفك طول حياتي
ناجي غير ملابسه و اخد حواء وراحوا ع فيلا عايله علي وقعدوا في الصالون
حواء: انا جايه اطمنكم
سراج: هو انتم مش بتتكسفوا ازاي رجعتي مره تانيه
ناجي: عمي اسمعني احنا لقينا قمر كانت موجوده في بيت الخياطه وكلمتنا
سراج: ومطلوب مننا نعمل ايه
حواء:ولا حاجه جيت ابلغكم ان قمر عند فوزيه ليلي تعرفها هما ناس محترمه
سراج بأهانه: تعرفي معني الاحترام بنتك هربت يوم كتب كتابها ع ابني وراحت قعدت عند ناس غريبه طول الليل وتقولي ناس محترمه وعايزنا نرجعها ونقبلها وسطينا
حواء بأحراج: لاْ كنت بقول
سراج قطعها: لو ام غيرك كانت راحت قتلتها
علي: يعني عايزه ترجع
حواء: ايوه يابني
علي: تمام اتصلي بيا لما ترجع
سراج: عفوا يا علي انت هتروح تقابلها بعد ما مرمغت شرفك
علي: بابا بليز اخرج بره الموضوع سيبني اتعامل بنفسي
ليلي: سراج عقله اكيد في نيته يعمل حاجه تانيه
سراج صرخ عليها: انتي تسكتي
ليلي وشها احمر من الاحراج: سراج
سراج: هتموتي وتجوزي ابنك لبنت اختك شوفتي النتيجه وشوفي حصل ايه
ليلي وقفت: سراج اقف اسمعني انا
سراج: قلت اسكتي ومش عايز اسمع اي تهريج بعد كدا
حواء بقهر: كنت عارفه انه بيتعصب بسرعه لكن اول مره اشوفه بالشكل ده
ليلي: وانا مش بشوفه كتير ع طول مسافر امريكا
حواء: وانا فهمت ليه كان رافض قمر لعلي اكيد عايز له واحده مستواها اعلي
ليلي: لاْ ياحواء هي قمر ينقصها ايه بس لو مكنش حصل كل ده عمره ماكان اتصرف بالطريقه دي ابدا
حواء نزلت دموعها بكسره نفس: عارفه يله بينا يابني
ناجي : سلام ياخالتي
…………………………..
طلع النهار ومحمد اخد امه وقمر في تاكسي ووداها لحد البيت
حواء بصتلهم بهدوء: فوزيه محمد واقفين ليه اقعدوا
علي بحده: استنوا مفيش لزوم هي وابنها يقعدوا مش لما رجعت من السفر انت الي طلعت الشنط لفوق
محمد: ايوه
علي: كنت بتعمل ايه في الكافيه
محمد: عادي بدخل المكان هناك كتير بشرب شاي وكنت هناك بالصدفه
علي: لوحدك
محمد اخد نفس ورد عليه بالعافيه: ايوه
سراج: وقابلت قمر هناك
محمد: ايوه
علي : وليه مرجعتهاش البيت يومها
محمد: كانت عربيه شرطه واقفه قلت لو رجعت معايا هيطلع عليها كلام مش كويس
علي بصلها: ليه متصلتيش بيا انطقي كنتي ممكن تتصلي وتقولي انك رافضه تتجوزيني
قمر ببكاء: غلطت
علي زعق فيها: بتغلطي كتير الايام دي
حواء: علي هي مجنونه شويه والله اعلم هتعقل امتي
علي بشده: وريني موبيلك
قمر: موبيلي
علي: اه وريني موبيلك
قمر بصت لمحمد بذعر وخوف ومدت له الموبيل
علي: افتحيه
قمر رجعت بصت لمحمد تاني وهو ع اخره من اسوبه معاها وهزلها دماغه وهي فتحته
علي لمحمد : كنتي بتقول قابلتها صدفه في الكافيه مش كدا
محمد هز دماغه وعلي صرخ فيه: انت كداب وانتي كدابه كدبتوا عليا
قمر بخوف: لاْ انا
علي: اخرسي اتصلتي بيه وطلبتي منه يجيلك شوف يا بابا سجل مكالماتها دي كدابه
سراج بص في الموبيل بسخريه وناول الموبيل لحواء الي اتصدمت
علي لمحد: اتصلت بيك قمر وقالت لك تروحلها هناك شايفه بنتك ياخالتي وعمايلها المحترمه سبتيني عشان ده
حواء: لاْ بنتي متعملش كدا فيه حاجه غلط ماتقولي حاجه ليه مبتتكلميش
ناجي ضغط ع ايدها: ماما انسي الي تكدب مره هتفضل تكدب الف مره غوري من وشي
قمر ببكاء: ناجي اسمعني الموضوع مش كده
ناجي صرخ: وقفي كلام فارغ لما سألتك كدبتي عليا وانك قابلتي محمد في محل الورد ودلوقت سجل المكالمات بيقول العكس
فريال: انا دلوقت فهمت كل حاجه ناجي هو ده السبب الي خلاها رافضه علي
علي: هو انتي مش مكسوفه يا قمر تسبيني انا عشان حته خياط
علي رفع ايده يضربها ومحمد صرخ فيه وقاله: اياك تمد ايدك
علي: انت تخرس مين انت عشان توقفني مين انت ولا انت ع علاقه معاها خالتي كانت قصه حب بتحصل في بيتك وجابتني بنتك ع ملا وشي من بلاد بره ع الفاضي وعطته الحق يوقفني لانه جوز المستقبل ده جوز بنتك ده
قمر صرخت فيهم: اسمعوني مفيش حاجه من دي
ناجي: لحد امتي هنسمعك وانتي بتكدبي كنتي متأكده اننا مش هنفتش تلفونك عشان كدا محذفتيش رقمه من لسجل انطقي
قمر بصت لعلي بكره وقالت: احلفلك مش كده
ناجي: اسكتي خالص خالص علي عمي انا بعتذرلكم مكنش عندي فكره ان اختي بتخدعني
علي قام ومشي وسراج طلع يمد وراه
حواء بنفعال وصريخ: امشي من هنا مش عايزه اشوف وشك
قمر: ماما
حواء: بس اخرسي مش طايقه اسمع صوتك تاني
قمر: ممكن تسمعوني انتم فاهمين الموضوع غلط انتي عارفه عمري ما اكدب
حواء: مفيش فهم غلط كل الي عرفته مش قادره اصدقه من هنا ورايح مليش اي علاقه بيكي امشي من هنا قومي
قمر بتعيط وتتوسل: ماما
حواء صرخت بكل قوتها: بس مش عايزه اسمع صوتك غوررري من هنا
فوزيه ومحمد اخدوا قمر معاهم وحواء اغمي عليها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مكالمة فيديو)
