رواية مكالمة فيديو الفصل الخامس 5 بقلم منة محمد
رواية مكالمة فيديو الجزء الخامس
رواية مكالمة فيديو البارت الخامس
رواية مكالمة فيديو الحلقة الخامسة
محمد الي شاف علي بينط الفجر من بلكونه قمر وهو الحسره والقهر مسكته وفضل يلف طول الليل زي التايهه لحد ما روح بيته وطلع ينام فوق السطح وملامحه حزينه
فتحيه كانت مستنياه وقفت تبصله وقالت بسخريه : اخيرا رجعت عارف الساعه كام سبعه الصبح وواضح محدش هيكلمك حتي لو عملت جريمه قتل اما انا اتهزق واتفضح لو اتنهدت مالك ولا خبط الموتسكل في حيطه سد مالك كأنك شفت عفريت
محمد رقد ع الكنبه بقلب مكسور: هو انتي متعرفيش تقعدي ساكته شويه
فتحيه: لاْ مقدرش قولي ايه الي حصل
محمد بصوت كله قهره : ماتحلي عني يا فتحيه مش شيفاني مش عايز اتكلم
فتحيه عوجت شفتها شمال ويمين وردت: يبقي عملت مصيبه وللسبب ده خايف
محمد : غوري متزعجنيش
فتحيه: انت مزعوج لان قمر اتجوزت غيرك مش كدا وعلي ضربك ضربه مش هتنساها ابدا
محمد اتعدل وبصلها بغيظ: هو ضربني هاه
فتحيه: ايه ميقدرش مفيش وجهه مقارنه بينك وبين الامير وانت طلعت نزلت حياله ترزي يادوب تحط زرار في بدلته
محمد بقهره : اه انا خياط عندك مشكله
فتحيه بسخريه: وليه يا حبه عيني يكون عندي مشكله
محمد: قومي نامي وسبيني انام
فتحيه وهي ماشيه: هو ده وقت ترجع فيه البيت راجع وش الصبح ويطلب مني انزل بيت امه لوحده
………………قصص منه محمد كاتب…………………
في غرفه قمر الي طول الليل تتصل بعلي الي رافض يرد عليها وهي هتتتجنن لحد ما نامت غصب عنها ع الكنبه
حواء فتحت الباب: قمر ليه نايمه ع الكنبه( هزتها) قمرررر
قمر قامت مفزوعه وبصتلها بخوف
حواء: مالك يا بنتي ليه خوفتي شوفتي كابوس وبعدين ليه سبتي سريرك ونمتي ع الكنبه انتي تعبانه
قمر بدون كلام هزت لها دماغها ووشها شاحب
حواء مسحت ع شعرها بحنان: طيب قومي خدي شور وانزلي عشان نفطر مع بعض
قمر مسكت دماغها: مش عايزه مليش نفس عندي صداع ابعتيلي قهوه
حواء: حاضر هبعتلك بس استعجلي عشان شويه وتروحي الكوافير اه بعت لمحمد يظبطلك الفستان من الديل
قمر قامت اخدت الموبيل وطلعت في الجنينه في ركن واتصلت كذا مره لحد ما هو رد
علي: اسف اتصلتي وكنت نايم فيه ايه كل الامور تمام
قمر: يعني مش عارف
علي: حصل ايه
قمر بغيظ من بردوه: نسيت الي حصل امبارح
علي: اه انسي الموضوع
قمر بغيظ: انسي انت بتهزر
علي: ايه الغلط الكلمه طلعت من غضبي ليه اخدتيها ع انها اتنطقت بجد انسي
قمر: انت طلقتني ازاي هيحصل الفرح المفروض تلغي كل حاجه
علي: انتي اتجننتي في عقلك لايمكن نلغي حاجه الفرح هيتم باي ثمن
قمر: ازاي يعني وانت طلقتني
علي: انا مش عارف انتي ليه مكبره الموضوع
قمر:اظن منعتك بس انت نطقتها ووقع الطلاق
علي: وعرفتي ازاي
قمر: قرأت
علي بتريقه لاذعه: مش بتصلي لكن عرفتي ازاي بيقع الطلاق بطلي كلام فارغ واجهزي واستعدي
قمر اتكت ع اسنانها بغضب: مش هستعد والجوازه دي مش هتم بلغ خالتي وانا هبلغ ماما
علي: قمر استني
قمر: عايز ايه
علي: اياك تبلغي خالتو
قمر بحده: لازم اقولها وانت حالا تبلغ خالتو
علي بعناد: مش هقولها
قمر: ليه لازم يعرفوا
علي: اسمعي سيبي كل حاجه ع وضعها
قمر: ازاي يعني انت طلقتني ازاي اتجوزك
علي بنرفزه: بتتكلمي كانه كله غلطي
قمر: ايه غلطي في كدا
علي: كله منك انا مطلبتش حاجه حرام كنت متجوزك واظن الجواز اشهار والمفروض كنتي تسمعي كلامي وتنفذيه
قمر: كنت حاسه بالخوف وانا في جوه بيتي والمفروض اروح بيتك اليوم
علي بعصبيه: وقفي مبالغه في الدراما كان معملناش كدا مع بعض ع الموبيل
قمر: انا عملت كدا عشان بحبك اما التحرش والاغتصاب بيتم بالقوه
علي قمر بطلي تفكري بس في نفسك فكري في اهالينا فكري في امك وامي مفكره الامر هيبقي كويس لما امك تتصل بالعايله وتعتذر وتقولهم فرح بنتي اتلغي وجوزها طلقها ليه الفرح هتكون فضيحه كبيره ده غير سمعه وازلال وقطيعه لصله الرحم حاولي تفهمي وجهه نظري اوكيه انا هاخد بعضي واسافر اما انتي هتفضلي في وش المدفع طول عمرك حاولي تفهمي واتفقي معايا
قمر: يعني اعمل ايه
علي: سيبي الامور تمشي واوعدك اتكلم مع بابا
قمر: ما تتكلم دلوقت مستني ايه
علي: مقدرش اتكلم دلوقت تثي فيا وصدقيني هكلمه اول ماالقي فرصه واطمني انا مش هلمسك
قمر: اوعدني هتكلم عمو اول ما اوصل بيتك
علي: بجد انتي مش واثقه فيا اقولك ايه تقدري تنامي مع ماما وبعدها نبقي نشوف حل انتي بس ثقي في الي بقوله سيبي الامور تمشي زي ما هي
قمر: تمام موافقه
محمد كان سمع كل المكالمه وحصله حاله ذهول ازاي يسيبها لازم ينجدها منه وبالفعل صمم يوصلها لحد الكوافير بنفسه بحجه ان لو فيه اي حاجه في الفستان يظبطه وحواء وافقت وعطته عربيه وهو ماشي ركن ع جنب
قمر بصتله: حصل ايه ليه وقفت العربيه
محمد بصلها في المرايا: انسه قمر عايز اتكلم معاكي وبقولك الي بتعمليه غلط متضحكيش ع نفسك ده طلقك ليه تروحي معاه مره تانيه
قمر: تاني سمعت مكالمتي
محمد: كنت جاي بالصدفه وسمعت بالصدفه
قمر: انت كداب بس انا هوقفك عند حدك
محمد: وقفيني بعدين الاول صلحي امورك ثقي فيا عرفي امك كل حاجه ومتصدقهوش
قمر: وانا مطلبتش منك نصيحه
محمد لف بصلها: انتي بتغلطي غلطه كبيره وبقولك مش هيقول حاجه لـ ابوه
قمر: عارفه هيقوله
محمد: انت لا عارفه ولا فاهمه اي حاجه ده راجل قذر جدا
قمر: انا مش رايحه بيت غريب ده بيت خالتي وانت مفيش داعي تقلق عليا
محمد برجاء وتوسل: يا انسه قمر من فضلك اسمعي كلامي هتقعي في فخ قاسي
قمر : مش هقع انا بعرف اتصرف مش وقته اقول للكل في الوقت الحالي هقعد يومين في بيته واصمم ارجع بيتنا
محمد: افرضي رفض ترجعي
قمر: وقتها هقول للكل واتحرك هنتأخر
محمد: ماشي بس تـ
قمر قطعته بحده: هو نت مسمعتش اتحرك
…………………………………………………..
في القاعه محمد قاعد عيونه كلها وجع وقهر وهي قاعده جنب علي الي عمال يضحك ويهزر ولا كانه عامل حاجه وقمر قاعده متاخده لحد ما خلص الفرح وقمر اتحركت مع علي ع بيتها ودخلت الطابق بتاعها وهي خايفه
شاهي بنت عمته: تعالي يا عروسه اقعدي هنا بس مالك وشك مخطوف اجبلك عصير
قمر: لاْ انا كويسه
هدير عمه علي: مالك يا عروسه ليه واقفه ما تقعديها يا شاهي
شاهي: مش عايزه تقعد
هدير: ليه
قمر ابتسمت بالعافيه:ولا حاجه كده
هدير: براحتك ده بيتك دلوقت يله نطلع ونبعت علي
علي دخل وقفل الباب وهي مسكت الباب: متقفلش الباب فين خالتو
علي بيقفل الستاير: خالتك تحت قاعده مع الضيوف
قمر: وانت بتعمل ايه انا بسألك بتعمل ايه
علي: يعني هكون بعمل ايه
قمر بخوف: ما تقولي
علي: يعني مش شايفه
قمر: انا طالعه
علي مسكها: استني
قمر بعدته: مش هستني دقيقه
علي: انتي ليه عنيده
قمر: امال اعمل ايه اقعد معاك في مكان لوحدنا
علي: ودي فيها ايه دي اوضه نومك
قمر: يعني انت هتخرج
علي: وليه اخرج ودي اوضتي انا كمان
قمر: يبقي هروح عند خالتو
علي: لايمكن تخرجي ناكس كتير تحت ليه مصممه ع اهانتي
قمر :انت وعدتني هتكلم عمو
علي : اه وعدتك لكن دلوقت مليش رغبه
قمر : يعني خدعتني
علي بيحاول يشدها من وسطها عليه: تعالي في حضني
قمر صرخت فيه بقوه : متلمسنيش مليش اي علاقه معاك
علي: دلوقت ملمسكيش مش انتي الي شجعتيني لما كلمتيني مكالمه فيديو
قمر: انا ولا انت الي اصريت
علي: لو كنت اصريت كان المفروض ترفضي مكنتش جيت من امريكا لحد هنا ولا اجبرك
قمر بنرفزه: انت صح مكنش المفروض اسمع كلامك
علي: اهدي لان مفيش فايده من الخناق فكري بعقل هادي انا علي حبيبك ومهما حصل محدش هيعرف عنه وننسي الي عملتيه كله ونبدء من جديد حياه جديده
قمر: بعد الطلاق
علي: ايه التخريف الي بتتكلم عنه انتي ليه مصعباها وعامله نفسك ملاك انتي بتحبيني وعايزه علاقه معايا واظن الموقف ده عملتيه قبل سابق وخلتيني اتعصب وحصل الي حصل خلينا منتخانقش دي ليله جميله بالنسبه لنا وعشان خاطرك هسأل دار الافتاء بس معلوماتي الطلاق مش بيقع تلات مرات مره واحده انسي كل حاجه دلوقت وتعالي نعيش الحظه يله
قمر بعدت ايده : الجواز هو الجواز مش لعبه تقدر تغير قواعدها زي ما انت عايز ابعد عن طريقي
علي زقها طارت ع الكرسي ومسك دقنها بقوه : اترزعي هنا واتكلمي معايا بأسلوب محترم وكل ما هتردي عليا هعمل كده وانا جبتك هنا عشان عايزك ومش هسيبك تمشي بسهوله انتي في اوضه نومي دلوقت ليه تضيعي وقتنا في كلام فاضي وبعدها نبقي نطلب المغفره من ربنا بعدين
قمر:مش هيحصل تاني ده حرام ارجع لوري والا هصرخ والم الناس عليك
علي ضربها جامد ع شفايفها: اقفلي بؤقك خالص
قمر زقته في صدره: سيبني
علي زقها ع السرير وبيحاول يتهجم عليها و يبوسها مسكت الطفايا بسرعه وضربته بيها ع دماغه وقامت جريت تهرب في الحمام
علي مسك دماغه وقام يخبط: قمر افتحي الباب بقولك افتحي انتي ضربتيني جامد ع دماغي وانا عايزك وبحبك افتحي الباب واخرجي نتكلم بهدوء انتي سامعه اخرجي
قمر قعدت ع حرف البانيو وفضلت تعيط اما هو نام ع الارض جنب باب الحمام
……………………………………………
قمر طلع النهار وبسرعه فتحت الباب قته علي نايم ع الكرسي خرجت غيرت فستانها و راحت لخالتها لقتها قاعده في الصالون قابلوها بترحاب شديد والكل بيتكلم وهي في وادي تاني خالص
ليلي بصتلها: قمر سرحانه في ايه؟
قمر: ولا حاجه
سراج: هو احنا مش هنفطر
ليلي بضحكه: اكيد بس العروسه هنا ابنك فين مستنيه يصحا من النوم
هدير عمه علي: ع فكره يا ليلي عروسه علي زي القمر اسم ع مسماه
ليلي: طبعا بنت اختي
هدير: ربنا يسعدهم
علي اخد نفس وخرج: صباح الخير
الكل رد عليه وليلي سألته: علي ليه لسه بلبس الفرح
علي ارتبك وقال: اه نمت وقلت اغير بعد الفطار
سراج: ممكن نفطر
ليلي وهي بتقوم: اه حاضر هبلغ الشغاله
شاهي: ياريت بسرعه يا للوش جعانه جدا
ليلي: اديني بس دقيقتين
شويه والكل اتجمع علي السفره لكن قمر في حته تانيه نفسها تمشي من الذئب البشري الي معاها
سراج اتكلم: ليه يا شاهي عايزه تسافري اقعدي معانا كمان يومين
شاهي: كان نفسي يا خالو بس ورايا شغل عطلته وجيت احضر فرح علي
علي بخبث ودهاء: هو ممكن اخد قمر تشوف امها اخر النهار
ليلي بصتله بستغراب : ايه يابني الكلام ده ازاي عروستك تطلع يوم الصبحيه
علي : يعني انا بقول تشوف خالتو
شاهي : لاء خليها وخالي مامتها تيجي تشوفها
هدير : صح خليها وامها تجيلها
ليلي: وبعدين ما تقدر تتكلم مع امها ع الموبيل مين هيمنعها
علي فعلا انا بقول كده
قمر بحده انا لازم اشوف ماما
ليلي :حصل ايه يبانتي
قمر : عايزه اشوف ماما لازم اشوفها
ليلي: طيب تقدري تروحي احنا كنا بنهزر افطري وروحي وعلي يبقي ياخدك بالليل
قمر: انا عايزه ابات عندي ماما الليله
ليلي بشك: هو فيه حاجه قوليلي لو فيه مشكله
سراج: ايوه يابنتي فيه حاجه عرفينا ولا اقولك خديها يا ليلي اوضتك واعرفي منها في ايه ع انفراد
ليلي: حاضر قومي
علي مسك ايد قمر ونطق بسرعه: مفيش داعي مفيش حاجه هي بخير مش كدا قوللهم انك تمام
قمر نزلت دموعها شلال: اه انا كويسه بس عمري ما بعدت عن ماما ابدآ
هدير: ياحبيتي بيت خالتك زي بيت والدتك بالظبط وهي زي امك
ليلي: طبعا قمر دي حقيقي بنتي وربنا يعلم ليه بتعيطي شوفتي علي قلق عشانك واحنا كمان قوللنا في ايه
سراج: اكيد امها فعلا وحشتها مش كدا يا قمر وعايزه تروحي
قمر: ايوه
ليلي بهدوء: افطري وروحي عند امك وارجعي بالليل شاهي ناولي اي حاجه تاكلها قمر
………………….قصص منه محمد كاتب…………………
علي من غيظه شد قمر من ايدها دخلها غرفه النوم
قمر شدت ايدها بعصبيه وسألته: انت ليه جبتني هنا
علي قفل الباب عليهم بالمفتاح ولف بصلها نظره قاتله
قمر بخوف منه: افتح حالا الباب ده
علي مش هسمحلك تروحي بيت امك هتقولي الحقيقه للكل هناك
قمر : واظن قلت لي هنقول للكل
علي هز دماغه بهدوء: اه قلت لكن محتاجين شويه ذكاء وعقل ع الاقل فكري لو قلتي الحقيقه للكل هتبقي عامله ازاي استني يومين تمشي عمتو وبنتها وهناقش الموضو
قمر: نقاش ايه
علي :هنروح دار الافتاء
قمر: ولحد ده ما يحصل عايزني افضل معاك هنا كمراتك
علي : وفيها ايه انا ابن خالتك مش هاكلك والي عملتيه امبارح فيا مش هنساه ابدا كان ممكن يجرالي حاجه
قمر :عايزني اعمل ايه بعد ما طلقتني
علي جز ع اسنانه: اسكتي متنطقيش الكلمه دي تاني من بؤك
قمر: انت الي نطقت الكلمه دي من بؤك وبنفسك
علي : ده الي هتقوليه وانا هنكر وهقول مطلقتكيش ابدا هيحصل ايه بعدها اما لو عايزه اقف جنبك لازم تسمعي كلامي فاهمه
قمر: وهنقول للكل امتي
علي بخبث : بعد ما عمتو تمشي قلت
………………………قصص منه محمد كاتب………………..
قمر راحت بيت امها بس محكتلهاش حاجه ومش عارفه تعمل ايه طلعت الجنينه لما موبيلها رن برقمه
قمر: افندم
علي بتحذير صريح: اياك تكوني قلتي لحد حاجه
قمر : لسه
علي : مش قادر اصدق جاي اتاكد بنفسي
قمر: مش هقول انا كمان خايفه ع ماما
علي بشك: بتقولي الصراحه
قمر : ايوه الباب بيرن هروح اشوف مين
علي: اياك تقفلي السكه في وشي وانا بتكلم معاكي
قمر : ملكش اي حق تتكلم معايا بالطريقه دي
علي بندهاش: انتي ازاي اتغيرتي معايا بالسرعه الرهيبه دي
قمر: هي لحظه تشقلب كيان انسان يا سيد علي
علي: ازاي بتتكلمي معايا كدا انتي عمرك ما اتكلمتي بالاسلوب ده قبل كده مين الي علمك
قمر بنفعال: انت عايز ايه
علي: ليه متعصبه عليا كدا
قمر: لما بقول مش عايزه اتكلم يبقي مش عايزه اتكلم مفيش داعي تيجي سلام
فريال راحت عليها: قمر خلصتي المكالمه
قمر بصتلها: ايوه
فريال: طيب محمد ابن فوزيه الخياطه هنا
قمر بتعجب: محمد
فريال: اه بيقول نسيتي فستان عنده وهو جبهولك روحي شوفيه
قمر لفت الجنينه وراحت عند الباب وبسؤال: ليه جيت هنا مش تسألني قبل ما تيجي
محمد: لقيت فستانك جيت اجبهولك عملتي ايه قلتي
قمر: لاْ
محمد بصلها اوي : ليه
قمر: ملقتش مناسبه
محمد بنظره غيظ : امال امتي المناسبه لما ياخد غرضه الدنيئ منك
قمر: انت اخدت عليا اوي
محمد: لايمكن تفضلي معاه وقوليلي لو معندكيش الشجاعه انا اقول
قمر: وانت مالك سواء عشت معاه ولا عشت هنا دي حياتي مين انت عشان تدخل
محمد اتك ع اسنانه بغيظ : ازاي ترجعيله بعد ما طلقك
قمر ربعت ايدها ع صدرها وبتهكم: وانت ايه الي عرفك مش يمكن انا بكدب وربما عايزه اعيش معاه وانت ابعد عني خالص دي رغبتي واقدر اعمل الي انا عايزه فاهم ولا مش بتفهم
محمد اتنهد بقهر: فهمت
قمر: استني خد باقي حسابك
محمد بصلها بغيظ وهو بيتكلم : وهتديني كمان من فلوسه
قمر: لاء دي من ماما الي هتدفع مش هو وشكرا انك وصلتني يوم الكوافير وشكرا ع الفستان الي مش ليا خده معاك
محمد مشي مقهور لما قمر وقفت تتحداه ومن غيظه هبد الباب جامد عمل صوت
حواء: ها عطيتي محمد الفلوس
قمر: ايوه بس انتي بتعملي ايه
حواء ابتسمت ابتسامه واسعه : بجهزلك شنطه هدومك
قمر: هدوم ايه يا ماما
حواء: هدوم شتوي تاخديها وانتي مسافره ما انتي يادوب هتوصلي امريكا يكون الفصل الشتوي بدء
قمر: طيب لو انا مش عايزه اسافر
حواء ابتسمت: والله كأنك قريتي قلبي ياسلام لو علي يفضل هنا ويشتغل هنا وانتي تفضلي معايا
قمر: خلاص امنعيه ياخدني
حواء بتعصيب: جرالك ايه مش كفايه سيبتي جوزك وجيتي ع فكره الامر بايخ واهله مضايقين
قمر: انتي ليه مش فاهمه الي بقوله يا ماما
حواء: انا فاهمه كل حاجه انتي متوتره لانك رايحه بلد غريبه بس مسيرك تتعودي
قمر: الموضوع مش كده
حواء : هو كدا ايه هيكون غير كده
قمر: عندك ثقه كامله في علي
حواء: ايوه
قمر: طيب لو طلقني لو اتعصب
حواء شهقت :قمر استغفر الله الله يسامحك اتجننتي ليه مصممه تتكلمي بكلام فارغ ليه تفولي ع نفسك حرام عليكي قلبي كان هيقف لاقدر الله مايحصل ده البنت تمشي من بيت اهلها تتكلم كلام حلو وانتي بس مش عايزه اسمع منك الكلمه دي تاني
قمر: ماما اسمعيني
حواء بنفعال شديد: اسكتي لو اتكلمتي اكتر هتصل بجوزك يجي حالا ياخدك من هنا وميجبكيش تاني وامشي سبيني اكمل الي بعمله قومي
………………………………………….
قاعد ع السلم وحاطط ايده ع خده وحاسس بعجز الدنيا وسوادها في وشه
اسلام: اتكلمت معاها
محمد اتنهد بمراره: زي كل مره هزقتني وقالت لي خاليك في حالك ملكش دعوه بأي حاجه تخصني مين انت عشان تتكلم معايا
اسلام رفع حواجبه بدهشه: معقول قالت لك كل ده
محمد: بوضوح قالت لي انت واحد ملكش اي قيمه نزل راسك لتحت وخليك في شغلك واياك تتجرء حتي تبصلي
اسلام بدهشه اكبر: قالت لك كمان كده يعني سمعته بنفسك
محمد: مسمعتش بس قلبي سمعه مش مره واحده كذا مره زي الاغنيه الي بتشغلها كل شويه
اسلام: يا عم محمد وقعت قلبي انت مجنون
محمد اخد نفس طويل وقال: انا فعلا كنت مجنون يا اسلام وهرجع لعقلي فعلا الواحد لما بيحاول يطير اعلي من امكانيانته لازم يقع واخدت قرار
اسلام: اي قرار
محمد عيونه رغرغت بالدموع : هوافق ع البنت الي امي جيبهالي
اسلام: محمد متتسرعش فكر شويه
محمد: اتاخرت في قراري يا اسلام ده علاجي الوحيد
…………………………………………..
في غرفه النوم بعد رجوع قمر من بيت امها قعدت ع الكرسي بعيد!
علي قعد ع السرير وبصلها: كنت عارف لو مجتش اخدك كنتي هتفضلي هناك اسلوبك معايا كان واضح بتستغلي حبي بطريقه غلط وبتغلطي معايا خالي بالك
قمر بصتله بجمود: انت الي بتغلط معايا مش انا
علي عوج وشه بضيق: ايه هو غلطي عرفيني الي عملته اتكلمنا وقلنا هنقول للكل لكن بعد ما عمتو وبنتها يمشوا
قمر : اه حصل
علي : طيب لزومه ايه بقي العمايل دي لو قلتي حاجه في البيت دلوقت الوضع مش هيبقي لطيف والدنيا هتتازم
قمر : خلاص مش هنطق بس خالي مسافه بيني وبينك متقربش مني وكل واحد ينام في اوضه لوحده
علي ارتبك وهرش في جبينه وقال :حاضر اوعدك بس انتي متحاوليش تعملي حركه غبيه تخليهم يشكوا في علاقتنا اوكيه
قمر: اوكيه
علي بمكر: جميل واكيد هنلاقي حل للوضع الي احنا فيه
قمر : لاء يا علي مفيش حل
علي كتم غضبه وقال: هو انتي ليه بتصعبيها مستمتعه بكل الي بيحصل يعني
قمر بقهره: مفكر ايه مش بعاني انا عملت كل جهدي في علاقتنا اهتميت بيك وحبيتك
علي ركع قدامها ع ركبه وقال : قمر انا كمان بحبك اوي وبحب كل حاجه فيكي عيونك كلامك ابتسمتك طريقه قعدتك ( رفع ايده) حتي شعرك
قمر بسرعه ضربته ايده وبعدت عنه وبصتله بحقد وكره كبير
علي:شوفتي حبي ليكي بيزيد بدل ما يقل
قمر: لاْ يا علي انت بتعمل كل ده لانك عارف انك متقدرش تاخد مني الي انت عايزه ابدا
علي قام من مكانه بغضب: مين علمك تبقي كدا
قمر قامت قصاده: اللحظه الي دمرت فيها حياتي كلها امشي من هنا
علي بصلها نظره حاده : نامي وانا مش هقرب منك
قمر: اظن عارف انه حرام شرعا وجودنا سوي في غرفه واحده غير هدومك ومش عايزه اشوفك لما ارجع
علي: مقدرش انام بره هتبقي مشكله
قمر: حالا نسيت وعدتك
علي: وعدت بس لسه كلهم تحت صاحين
قمر: خلاص هطلع انا بره
علي شدها من دراعها بعنف : استني
قمر قالتله بقوة: متلمسنيش
علي بعد ايده عنها وقالها وهو بيقفل عليهم الباب : ع فكره انا ممكن اعمل معاكي كل الي انا عايزه ودلوقت ومحدش يمنعني اشكريني اني مش بعمل حاجه واظن عارفه ممكن انكر كل الي هتقوليه بسهوله لان مفيش شاهد واحد ولا دليل يأكد انه شافني في بيتكم لكن الكل شاف انك كنتي معايا ليله امبارح والليله كمان معايا مين هيصدقك عشان كدا نفذي الي بقوله وغيري هدومك
قمر فهمت انه ناولها ع غدر وبسرعه غفلته وجريت فتحت الباب وطلعت تصرخ وهي بتجري عليهم ع تحت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مكالمة فيديو)
