رواية مكالمة فيديو الفصل الثالث 3 بقلم منة محمد
رواية مكالمة فيديو الجزء الثالث
رواية مكالمة فيديو البارت الثالث
رواية مكالمة فيديو الحلقة الثالثة
قمر قعدت ولمت ركبها لجسمها وكانها في حلم مخيف وبينها وبين النفس الوامه: انا عملت ايه كان لازم ارفض الي كان بيطلبه عملت ايه
عقلها :بس هو خطيبك وهيبقي جوزك
النفس الوامه: لاء بس هو مش جوزي والي عملته اكبر عيب وغلط
اثناء صراعها مع نفسها جرس الباب رن وهي نطت بسرعه من ع السرير عدلت شعرها لكن وهي خارجه لقت بلوزتها مقلوبه رجعت تعدلها كانت امها واخوها دخلوا
حواء بصوت عالي: يا قمر يابنتي
قمر طلعت :نعم
حواء :ايوه ايه بس عماله انادي عليكي لما صوتي راح وليه باب اوضتك مقفول عليكي
قمر بلعت ريقها وقالت :روحت في النوم
حواء بأبتسامه واسعه: تعالي جنبي اما جبتلك شويه حاجات تهبل
ناجي بصلها بتعجب من شكلها: مالك يا قمر سرحانه في ايه
قمر وشها اتاخد وقالت:ها لا ولا حاجه
حواء :انتي تعبانه تعالي اشوف حرارتك
قمر: لا انا كويسه
ناجي :عندها سخونيه
حواء: لا مش سخنه
ناجي :امال ليه وشها مخطوف
قمر بخوف: لاء يا ابيه انا كويسه
حواء: اصل اخوكي بيدلعك ع قد ما يقدر انتي ضيفه هنا يومين وهتمشي وتسبينا بعدها
ناجي :بتقولي ايه يا ماما انا مش بدلعها انا مش بعمل ليها اي حاجه
قمر :متقولش كده يا ابيه انت بتعمل عشاني كتير
حواء مسحت ع شعرقمر:بنتي القمر العبيطه الساذجه عارفين كنت خايفه اواي بعد مـ وت ابوكم قلت لنفسي هربي اتنين لوحدي ازاي لكن شوف بنتي لسه بريئه طاهره
ناجي :حتي فريال بتضرب ببرائتها المثل كانت بتقولي وهي بتكلم علي بتكلمه قدام الكل مش من ورانا
حواء : طبعا دي تربيتي مبتخبيش عليا اي اسرار ومتعملش اي حاجه تحرج امها وهي هتسافر امريكا وتاخد بهجه البيت معاها
ناجي بهزار: كدا ادي حبك كله لفريال
حواء: انا بحب فريال لكن حبي لبنتي غير اي حد يله شوفي كل الاذواق دي من اخوكي
………………………………..
قاعد ع السرير بيحاول يذاكر لانه نفسه يجيب مجموع في الثانويه العامه ويدخل كليه بس لقمه العيش خلته يتأخر في كل حاجه بس المره دي مصمم يوصل
فوزيه: وصلت الهدوم يامحمد
محمد وهو بيكتب: ايوه يمه
فوزيه: كنت عايزه اكلمك في حاجه فيه عريس متقدم لفتحيه
محمد قفل الكتب وبصلها: بجد
فوزيه: الراجل عنده دكانين
محمد: عظيم
فوزيه: مراته ماتـ ت وعنده ولد وهو عنده 40 سنه
محمد بنزعاج: ايه الي بتقوليه ده يمه 40 سنه وعنده عيل مرفوض طبعا
فوزيه بحسره وقهر: اعمل ايه محدش بيتقدملها وهي كبرت لازم تتنازل شويه وبعدين عارف دول معاهم فلوس واختك هتربي العيل وتاخد فيه ثواب وبعدين 40 سنه مش كبير الراجل ميعبهوش سنه يعيبه جيبه
فتحيه دخلت تزعق فيهم: هو انا اصوم اصوم وافطر ع راجل واب كمان انتي هتجوزي ابنك ارمله ها قوليلي الاول هتجوزيه ارمله
محمد: فتحيه ليه بتزعجينا بكلامك التافهه اكيد امك فكرت كتير قبل ما تقول كلامها
فتحيه رفعت صوباعها في وشه: انا مش بتكلم معاك
فوزيه بحده وصوت عالي: اقفلي بؤك ولمي نفسك ومترديش
محمد: مترفعيش صوباعك وتشاوري عليا فاهمه
فتحيه قربت منه: هتعملي ايه هتكسري صوباعي يله وريني
محمد: يابت انا لو قمت هعجنك في بعضك
فتحيه: وانا هعمل منك شرايح انا اكبر منك بس مش كتير لسه عندي 32 سنه وعندي ضوافر اخربـ ش انت لسه مشفتهاش
فوزيه: مين يرضا يتجوزك بالسانك ده وهتفضلي عبئ طول عمرك ع اخوكي
فتحيه: طز ميهمنيش انا هفضل قاعده ع قلبه لحد ما اكتم ع نفسه
محمد بصلها بغيظ: دي مش تجوزيها لراجل عنده 40 سنه دي تجوزيها لراجل عنده 100 سنه وتزهق وتطلق
فتحيه: مين يتجرئ يجوزني غصب عني
فوزيه: حقك عليا عشان عايزه استرك سامحيني
……………..قصص منه محمد كاتب……………………
فوزيه: كنت فين طول انهار وليه مش بتردي عليا
محمد: كنت في الدرس هروح فين
فوزيه: ام قمر جات لي في المحل وبتقولي محمد ساب دبوس في فستان قمر وشكها
محمد:اكيد نسيته بالغلط مش هشكلها عن قصد يعني
فوزيه: اي انا كان مضايقه منك ع اخيرها
فتحيه بفضول :وهي مضايقه منه ليه
فوزيه: اسكتي انتي محمد انت عارف علي مش كده
محمد كرمش وشه بشمئزاز وقال: ايوه عارفه وعارفه كويس
فوزيه بصتلها: قومي فزي هاتي فول اتحركي
فتحيه قامت: انا قايمه مالك
فوزيه: انت قلت لقمر متتجوزش علي
محمد: ايوه قلت
فوزيه: وليه قلت كده هو انت عايز تتجوزها وحطيت دبوس عشان تشكها عشان متتجوزش علي
محمد: ايه الي بتقوليه ده يمه هو الدبوس هيفرقع في الجوازه
فوزيه: محمد انا ليه سمعه في السوق متبوظهاش روح واعتذرلهم
محمد: انا معملتش حاجه غلط
فتحيه قعجت بنفس الفضول: ليه تقوليله يروح ويعتذر اكيد عمل مصيبه كبيره
فوزيه: قولي هتروح تصلح سوء التفاهم قدامهم اه ولا لاء
فتحيه: ياربي بوظ الدنيا لما اقوم اجيب مخلل
فوزيه ميلت عليه بشك : ليه قلت لقمر كده هي صاحبتك ها
محمد: ايوه صاحبتي
فوزيه: كانت صاحبتك لما كنتم عيال اما دلوقت لاْ فازاي معتبرها لسه صاحبتك محمد لو بسببك وقفوا لنا المحل وقتها هنعمل ايه فكرت ساعتها
فتحيه رجعت: انا عرفت الموضوع وقلت اكيد عمل مصيبه سوده
فوزيه بشخط: اسكتي
فتحيه: امي عشان دلعتيه
فوزيه: فين المخلل قومي هاتي المخلل قومي
فتحيه نفخت بضجر: قايمه فتحيه هاتي فول هاتي مخلل طول النهار بشتغل
…………………………………….
قمر ماسكه الموبيل ورافضه ترد ع علي لان ضميرها مأنبها وحاسه انها عملت فعل مشين لحد ما فضل يتصل واخر ما زهقت ردت: الو
علي: عمال اتصل بيكي طول النهار ليه مش بتردي مضايقه
قمر: لاء
علي: امال ليه رافضه تتكلمي معايا
قمر: منا بتكلم
علي: بس اسلوبك مش نفس الي بتكلميني بيه قوليلي ايه الي غيرك كده
قمر: عشان معجبنيش الي عملناه
علي بلا مبالاه: هو ايه الي عملناه
قمر: الفيديو
علي: قمر انا بحبك وهتجوزك يعني مفيش مشكله
قمر فرت دموع من عينها: بس ده غلط وعيب
علي: ايه هو العيب معندكيش ثقه فيا
قمر: انا واثقه فيك بس
علي: بس ايه ياقمر هو انتي عايشه فين احنا قربنا خلاص نتجوز
قمر: بس حاسه ان فيه حاجه غلط مش مظبوطه عشان مش قادره احكي لماما واشاركها فأكيد ده امر مش مقبول
علي: استني استني لهو انتي عايزه تقولي لـ امك الي حصل بينا
قمر: لاء بس انا عمري ما خبيت حاجه عنها تخصني
علي: وانتي كنتي مبسوطه وانتي معايا ودلوقت بقيتي عامله زي الاطفال من فضلك اكبري
قمر: علي انا مش مرتاحه من ساعتها مش قادره ابص في وش حد ومش بنام
علي: اما انتي واحده فعلا غريبه جدا لما ازعل منك متقدريش تنامي ولما احبك متقدريش تنامي ايه الحكايه
قمر: علي انا مش كده وعمري ما عملت مع حد كده في حياتي
علي :قمر انا عارف كدا
قمر برجاء: اوعدني ان ده مش هيحصل بينا تاني
علي :بس انا مش بدي وعود غبيه زي دي ماشي
قمر بعصبيه: تمام مش هتكلم معاك تاني
علي جز ع اسنانه بغيظ: قمر
قمر ببكاء: اوعدني تنفذ
علي بمسايسه: تمام مكن تهدي خلاص اوعدك مش هصر عليكي نعمل علاقه زي دي مع بعض مرتاحه
قمر اتنهدت برتياح: ايوه جدا
علي بخبث :ممكن نتكلم عن حاجه تانيه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مكالمة فيديو)
