رواية معجزتي الصغيرة الفصل الرابع 4 بقلم نوران أحمد
رواية معجزتي الصغيرة الجزء الرابع
رواية معجزتي الصغيرة البارت الرابع

رواية معجزتي الصغيرة الحلقة الرابعة
وفي بيت فارس خبط الباب فتحت دنيا وصرخت
دنيا : اي اللي حصل في وشك ده مين عمل فيك كدا انت كويس تعالا اقعد هجيبلك ادويه واي حاجه تشربها حصلك اي بس
محمود : طول عمري نفسي في قلب حنين واخيرا شوفته قبل ما اروح للي خلقني خلاص خلاص مبقتش عايز اي حاجه من الدنيا خلاص غير عيونك تطبطب علي قلبي بحنيه
فارس بضيق : شكلك عايز علقه زي اللي شلفتط وشك كدا اتلم يلا بدل ما ازعلك هو في اي اخلص مين عمل فيك كدا
محمود : هقول اي ما انت مفتري زي صاحبتها لمت عليا الشارع وبعد ما اتضربت حنت عليا وقالت يا جماعه انا نسيت أنه ابن عمي ممكن. تسيبوه منها لله المفتريه اتنفخت
منه : احمد ربنا ده بدل ما تشكرني اني خلصتك من الحوار ده في الوقت المناسب شباب اخر زمن أما انك عيل خرع صحيح
محمود : لا بقولك اي انا ممكن اعرفك الخرع ده ممكن يعمل فيكي اي كويس اوي لا اوعي تستقلي بيا انا بقولك اهو
فارس : انا رايي تتلم وتلم اللي باقي من كرامتك علشان منظرك بقا زفت دلوقتي اسكت
دنيا : حرام عليكم جايين علي الواد كدا ليه هو عشان غلبان تعملوا فيه كدا
محمود : قوليله يا اختي ده مفتري ورحمه ابويا إذا كان هو ولا ابنه اشكال ما يعلم بيها الا ربنا
منه : تصدق ياض انت اول مره تقول كلمه صح في حياتك انا معاك جدا ده مش طفل ده اذكي مني انت متخيل
محمود : هو اي ده اي حد معدي في الشارع هيكون اذكي منك انتي نسيتي نفسك يا بت ولا اي
لسه منه هتتكلم مسكتها دنيا من قفاها
دنيا : قدامي يا ام اربعه وأربعين الواد مش هيسلم منك انا عارفه هنسيب الشباب مع بعض ونتكلم شويه جوه
مشيو البنات
فارس : ده انت اوتوبيس عدي عليك مرتين اي ده يا جدع وبعدين خد هنا مالك كدا ياض شكلك واقع ولا اي كنت بحسب الوش ده مش بتظهره لحد غيري حصلك اي الصناره غمزت شكلها
محمود : بصراحه عجبتني دخلت دماغي جرائتها وكلامها بحب اشوفها متعصبه اوي ف برخم عليها علي قد ما اقدر وبعدين سيبك انت شكلك انت اللي وقعت يا ابو الصحاب اي هتضربني عشان بعاكسها ولا اي
زين : لا يا حبيبي انا اللي هضربك لو عاكستها متنساش نفسك انا موجود
محمود : انت ياض طالع حربوق كدا لمين اه لمؤاخده نسيب أن أكبر حربوق قاعد معانا
فارس : اه شكل ايدي وحشتك مش كدا بقولك اي زين قالي أن دنيا مكملتش الجامعه بتاعتها عايزك تجيب ليها شغل في الشركه عندي بقولك اي هو انا اعرف البنت دي ليه حاسس ان شكلها مش غريب حاسس اني شوفتها قبل كدا وعندي مشاعر غريبه اوي من ناحيتها هو ده طبيعي
محمود : هو في الحقيقه انت اللي مش طبيعي مئه موضوع في الدقيقه والمفروض اجاوب علي كل حاجه انت عايز مني اي دلوقتي يعني
زين : ده مفيش منه فايده ممكن تبقا تتكلم معايا انا هفيدك اكتر
اتعصب محمود
في الاوضه
دنيا : مش عارفه ليه حاسه اني شوفته قبل كدا في حاجات كدا غريبه بدأت افتكرها مش عارفه اي ده تعرفي حاجه عنه يا منه
منه : بصي اللي متاكده منه أن الواد مز بصراحه والف بنت تتمني كتله العضلات دي ووسيم ومعاه فلوس يعني هتدلعي يا بت المحظوظه
دنيا : علي فكره هو بسيط زينا شغال في شركه عشان القر بتاعك يهدي علينا شويه وبعدين خدي هنا انتي مالك كدا من أمتي بتبلطجي علي حد كدة
منه : عيل رخم ومستفز ويستاهل بيرخم عليا ليه خليه يدوق بقا ده لسه هطلع عينه اصل الواد حلو يخربيته اي بيت المزز ده انا مقدرش علي الحلاوه دي بقولك اي متحطي يفطه مكتوب عليها بيت المزز
دنيا : انتي حلك تتجوزي روحي اتجوزي وريحينا هنتفضح بسببك اي ده
منه : هيييح قريب اوي يا اختشي هوقع بس الواد محمود واتجوزه بالعافيه دايما القصص والروايات كدا البطله لو كانت سبب في أن البطل يضرب لازم يحبو بعض
دنيا : نظريه متخلفه شبهك لو كدا كل بنت عايزه تتجوز تنزل تضرب ليها اي واحد بطلي تخلف واكبري بقا يلا قدامي نلحق محمود قبل ما يمشي عشان يوصلك بالمره
منه : هيح يلا وحشني قره عيني اوي حد يسيب قاعده المزز اللي تحت ويقعد هنا فقريه
دنيا : انتي مفيش تربيه عندك بربع جنيه الحمدلله اني مش بسيب زين معاكي كتير كان زمانك طلعتي الواد منحرف
منه : ابنك ده مش بس منحرف الواد ده خطر عليا وعلي البشريه بس بيمثل أنه طفل قدامك بس بيخدعك
اول ما نزلو منه قالت : بقولك اي ياض يا محمود خليك جدع وشهم وجان وتعالا وصلني بقا الهي تنستر ومتتعرا ابدا يارب
محمود : حتي دعوتك متخلفه زيك انتي قدري زي ما جبت البلوه لازم ارجعها سحبها من قفاها واول ما طلعو فضلو يتخنقو قفل زين الباب في وشهم
واول ما دخل اوضته
زين : ايوه يا مازن قدرت تخترق الشركه تمام حلو اوي ابعتلي البيانات كلها وصفيها ابعتلي المهم عايز اعرف شغله نضيف ولا بيلعبو من تحت لتحت
مازن : يا ابني ده انا طلعت كل حاجه وظبطها وبعتلك بس هو نضيف وداخل في استثمار مع اللي اسمه كريم ده انا مبسوط جدا انك وصلت لابوك عقبال ما اوصل انا كمان بقا انت شبهي واللي معاك حصل مع امي بردو يعني قصتنا متشابهه شويه عشان كدا لازم نكون رجاله ونحمي امهاتنا وقريب جدا هاجي مصر واجيب حق امي مع اخواتي صحيح ميرا بتسلم عليك سلام
في اوضه دنيا خبط الباب وفتحت لقت فارس
فارس : زين بعتلي السي ڤي بتاعك وقدمته في شركه واتقبلتي من بكرا هتروحي الشغل كان عندي سؤال هو ممكن تكرهي حد كذب عليكي ولا ممكن تسامحي
فضلت تتنطط وحضنته وبعدت بسرعه دنيا بفرح
انا مش عارفه اشكرك ازاي بس اسفه جدا للي حصل اه بصراحه ممكن اسامح لو في مصلحتي اكيد
ابتسم ليها فارس وهو حاسس ان قلبه بيدق من لمستها وخرج
تاني يوم كانت دنيا نازله وقبل ما تقع مسكها فارس نبض قلبها بقوه وبعدته وجريت بسرعه
زين : بتحبها ولا اي بصراحه معنديش مانع انكم تتجوزو ابدا المهم نكون عيله مع بعض
فارس : هو بصراحه بحس بحاجه غريبه من ناحيتها بس مش لدرجه الجواز يعني انت لسه صغير علي الكلام ده
زين : حتي لو قولت ليك أن دي نفس البنت اللي كنت بتحبها زمان وانقذتها من الغرق في الثانويه وبعدين انت عمرك ما حبيت امي الحقيقيه استحملتها بس لحد ما تجيبني للدنيا
فارس بصدمه : اي اللي بتقوله ده عرفت الكلام ده منين اصلا مستحيل كنت احب امك دي واحده فقيره وزباله باعتك وباعت نفسها عشان الفلوس واستغلت اني مش في واعيي عشان تعمل الخطه الزباله دي وتبتزني بيك عشان ادفع
زين : انا عارف كل الكلام ده ومش فارقه معايا أمي الحقيقيه المهم عندي امي اللي موجوده دلوقتي انت بتحبها من زمان وانا كمان بحبها ولازم أسعدها وانتقم من اللي اذاها
فارس : تقصد اي لا ده انت كدا تحكيلي كل حاجه من الاول بقا مين اذاها وعرفت الكلام ده منين واي حوار بحبها ده
في المول
كان محمود بيراقب منه من بعيد لحد ما قرب منها شاب وسحبها لمكان معزول
منه بدموع : انت انت مين وليه بتراقبني انا عملت فيك محضر علي فكرة بسبب تصرفاتك وكل يوم تيجي تبص ليا بس انت عايز اي مني
وائل : انا بحبك اوي يا منه وعارف انك بتحبيني كنتي بتبصيلي علي طول بردو يلا معايا لازم نتجوز ولسه بيقرب منها صرخت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية معجزتي الصغيرة)