روايات

رواية معجزتي الصغيرة الفصل الثالث 3 بقلم نوران أحمد

رواية معجزتي الصغيرة الفصل الثالث 3 بقلم نوران أحمد

رواية معجزتي الصغيرة الجزء الثالث

رواية معجزتي الصغيرة البارت الثالث

معجزتي الصغيرة
معجزتي الصغيرة

رواية معجزتي الصغيرة الحلقة الثالثة

في شركه كبيره دخل محمود مكتب كبير وهو بيقول بفرحه
محمود : فارس لقيت ابنك اللي اختفي من 7 سنين اخيرا بص يا سيدي عملنا تحريات و Dna وطلع ابنك و اسمه زين بتربيه واحده كدا اسمها دنيا محترمه وطيبه وفي حالها
فارس بفرحه : ليك مكافئه حلوه يلا قدامي نروحله حالا ابني لازم يبات في حضني الليله دي
محمود : لا بقولك اي بقا متوجعش دماغي معاك عندك اجتماع هنا ومهم جدا الناس جيالك من فرنسا الله يهديك يا حبيبي هتضيع علينا ملايين الواد مش هيروح يا عم فارس بكلمك يا جدع طب استناني طيب انا اللي عارف هما فين دلوقتي استناني
وفي الشارع كانت ماشيه دنيا مع زين
زين : انا مبسوط اوي يا مامي انك جيتي خدتيني من المدرسه النهار ده وعلشان كدا هجيبلك هديه تفرحك زي ما فرحتيني
فجاه كان حواليهم عربيات كتير نزل منها فارس بسرعه وحضن زين
دنيا : اي اللي بيحصل حرامي حرامي ساعدوني يا ناس ابني هيخطفو اول مره اشوف خطف في عز النهار ابعد يا اخينا عن ابني
دخل راجل بعضلات ضرب فارس وسحب زين
ولقي اسلحه محاوطاه في كل مكان خاف وجري
الراجل : انا اسف يا باشا اخطفه براحتك يا برنس بس سيبني اعيش ابوس ايدك سيبني اعيش انا عيل وغلطان يا باشا سامحني
دنيا وهي بتحضن زين : اي اللي حصل للرجاله فين النخوه فين الرجاله يا رجاله مصر يا جدعاان
الراجل : يا عمر ما بعدك عمر انا ناقص يا مدام معاكي ربنا واتنين ملائكه احنا غلابه يتولانا ربنا بقا سلام
محمود : يا مدام دنيا انا هفهم حضرتك زين ابن الاستاذ فارس الحكايه هي وبدأ يحكي كل حاجه بدأت دموعها تنزل
دنيا : بس ده ابني انا اللي ربيته مستحيل يبعد عني بالشكل ده كدا
فارس : هعوضك بالمبلغ اللي عايزاه شكر لمجهودك في تربيه ابني وانك خليتي بالك منه
زين وهو بيمثل أنه بيعيط : انا مش هروح اي مكان مامي مش فيه هتاخد مامي معانا هروح معاك مش هتعيش معانا مش هروح اي مكان تاني
فارس : اتفقنا البيت كبير تعالي معانا بس اعملي حسابك انك مش هتقعدي فتره طويله لحد ما زين يتعود بس
قرب زين من محمود وشد رجله ف وطي محمود
زين : عديتلك حوار انك خدت شعره مني عشان تعمل التحاليل بس عشان امي هترتاح فتره من غير شغل وهقدر اخليها مبسوطه بس اعمل حسابك اي حاجه تاني هنتقم منك بشكل مش ممكن تتصوره
محمود بصدمه : ولا اي الواد ده ابصم بالعشره أنه ابنك نفس الدماغ الزفت استغفر الله يارب اطفال الزمان ده اتغيرو اوي مكنتش متوقع يتخاف منك يا قرد يا صغير بص بيبصلي ازاي ابو شكلك وأنت شبه ابوك كدا وركب عربيته ومشي بسرعه
في بيت كبير
دخلت دنيا بصدمه : البيت تحفه بجد حلو اوي انت عايش فيه لوحدك هو انت شغال اي صحيح شكلك مرتاح ماديا يعني بالرجاله اللي كانو معاك والعربيات انت اكيد حد مهم صح
فارس : انا انسان بسيط بس شغال في شركه واللي جاي علي قد اللي رايح بس الحمدلله يعني عايش لوحدي اهلي في قريه ريفيه كدا وعايش لوحدي هبعت محمود يجيب حاجتك انتي وزين من بيتكم و اوضتك هناك تقدري ترتاحي
دنيا باستغراب : طيب انا هكلم منه تجهز حاجتي انا وزين هطلع ارتاح بقالي يومين شغاله ومطبقه تصبحو علي خير
زين : ليه كدبت عليها انت اكبر رجل اعمال ومعروف ومشهور جدا يعني غني واكيد البيت ده مش مستواك كمان
فارس : وانت عرفت الكلام ده منين ده انتم عصابه بقا ومطبخينها مع بعض انت وهي
زين : صاحبك الغبي لما سحب شعره مني حاسيت أن في حاجه غلط وبدأت ادور في الموضوع وعرفت كل معلوماته وأنه بيشتغل عندك وبقالك فتره بتدور علي ابنك ف عرفت سبب أنه خد مني عينه ولما شوفتكم اتاكدت ان العينه صحيحه يعني مفيش داعي تخبئ عليا وتعمل حوارات وانا فلوسي الخاصه تعيشني ملك انا وامي مش محتاج اني انصب علي حد وفي كل الأحوال بما انك شاكك رجعنا زي ما جبتنا
فارس بابتسامه : انت ذكي جدا وعجبتني اوي صحيح لازم يكون ابن فارس بالمستوي ده من الذكاء لازم اقولك انا مش بثق في البنات الفقيرة في كتير منهم حاولوا يقربو مني بسبب الفلوس طبعا وانا مش واثق فيها عشان كدا لازم اخد حذري من اي حد
زين بابتسامه : وانا مش واثق فيك عشان كدة معلش لازم اعمل تحرياتي عنك اكتر من كدا واعذرني هخترق كل أجهزتك الامنيه بس مش هاذيك سلام
بصله فارس بصدمه
في اوضه دنيا
دنيا : اسمعي الكلام وبلاش رغي كتير يا بنتي اهدي هحكيلك كل حاجه بس مش دلوقتي مش وقته يا زفته بصي بكرا هحكيلك
منه : بكره مين يا روحي علي جثتي انا جيالك مع الشنط لازم افهم كل حاجه النهار ده سلام
وبعد ساعات كان محمود قدام البيت بيخبط
اول ما فتحت منه
محمود : نهار مش فايت من اوله يخربيتك هو انتي متسقصداني لا انا مش مرتاح ليكي يا بت حاسس ان هيحصلي حاجه النهار ده
منه : بقولك اي يسطا اهدي وقول هديت بدل ما ازعلك واجيب ناس تزعل يا حيلتها متخلينيش اقلب علي الوش السرسجي بقا
محمود : لا وهو كل ده ومقلبتيش الله يكون في عون الي هيلبسك يلا يا حمقه عشان منتاخرش عندي شغل قدامي
منه : حمقه مين بقولك اي تعاملني باحترام بدل ما ازعلك انا بقولك اهو يسطا من اولها
محمود وهو ماسكها من قفوها : بنت انتي بق اقسم بالله ولا تقدري تعملي اي حاجه انتي مش شايفه فرق الطول يا اوذعه انتي اتلمي بدل ما اعلقك
منه : بقا كدا طيب الحقوني يا ناس عايز يضربني فين النخوه وشهامه ابن البلد ترضاها علي اختك يا كابتن
اتلم الناس والشباب حوالين محمود الي سابها بخوف
محمود : ي يا جماعه دي دي مراتي عادي والله بس في مشكله بسيطه وهي بتهزر صح يا حياتي بلاش افوره وعدي الليله
الراجل 1 : انا اعرف البت دي ومش متجوزه ولا مخطوبه اصلا انت نصاب
الراجل 2 : ومفيش اي دبل في ايديك يبقا البت معاها حق ده انت هتتروق النهار ده ونزلو فيه ضرب

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية معجزتي الصغيرة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى