رواية متخافيش الفصل الخامس والعشرون 25 بقلم منة محمد
رواية متخافيش الجزء الخامس والعشرون
رواية متخافيش البارت الخامس والعشرون
رواية متخافيش الحلقة الخامسة والعشرون
حياه رمت الموبيل وطلعت تجري ع بيت عمتها وراحوا المستشفي كان يونس داخل غرفه العمليات
صفاء ببكاء….معرفش ايه الي هيحصل لابني مكنش عايز يخسر اي حاجه لكن ده الي حصل لما اتظلم انهار
حياه بدموع كتير….. متقوليش كده يا عمتي يونس هيبقي بخير
صفاء….. كان كل يوم يقولي اعمل ايه يا امي عشان حياه توافق انا الي قولتله يعمل المستحيل لحد ما يقنعك لكن مكنتش اعرف انه هيضحي بروحه
حياه مسكت ايدها……والله هيبقي كويس
ناصر دخل مهرول…….طمنوني يونس حالته عامله ايه
حافظ……جوه ولحد دلوقت محدش قالنا حاجه
صفاء عيطت…..ناصر يونس
ناصر اخدها في حضنه……متقلقيش هيبقي كويس
حياه بصت لقاسم وقامت تجري راحت في زاويا تعيط بحرقه جامده
ناصر راحها…….حياه
حياه لفت وبصتله…..بابا يونس مش هيجراله حاجه مش كدا انا السبب اتعصبت عليه بس والله ما كنت عايزه كل ده يحصل برغم غضبي وانزعاجي بس مكنتش اتمناله حاجه وحشه تحصله بابا انا مقدرش اشوفه بيتألم
ناصر اخدها في حضنه…..عارف يابنتي
حياه …..كل ده حصله بسبي كنت اقدر اسامحه مكنش فيه داعي للانتقام ليه مسمحتهوش
ناصر…..اهدي يا بنتي
حياه……بابا من فضلك بلغه انا مش زعلانه منه روح قوله انا مسمحاه من قلبي انا قلت له مش عايزه اشوف وشك بس ده من وري قلبي بابا انا عايزه افضل معاه عايزه ارجع لبيتي مع يونس لو سمحت اسمح لي ارجع معاه
ناصر…..ان شاء الله يقوم بالسلامه وكل حاجه تبقي افضل
حياه…..هرجع
ناصر طبطب عليها…اهدي حبيبتي كل الامور هتتصلح متعيطيش
……………..قصص منه محمد كاتب………………
بعد ساعات بين القلق والخوف والترقب الدكتور خرج طمنهم ان حاله يونس افضل ومفيش نزيف حصل اثناء العمليه لكن دماغه مخبوطه بسبب الدركسيون وكسر في دراعه الشمال وهياخد شهر ع ما يتحسن وسمحلهم يدخلوله
صفاء دخلت تجري عليه…..يونس ابني عامل ايه
حافظ مسك ايده…..يونس كدا تعمل فينا وفي نفسك
يونس بصله….بابا طلعت بتحبني
حافظ ابتسم من بين دموعه وقال….بطل عبط مين عاقل يرعب ابوه وامه بالشكل ده لو مش مهتم بيا ع الاقل اهتم بحاله امك امتي هتصلح من نفسك
يونس بعتذار…..متاسف
صفاء مسحت على شعر يونس وهي بتقول …..خلاص بقي يا حافظ بلاش تقطم فيه
يونس….ماما هي حياه مجاتش تشوفني
حافظ رد….دي جات وكانت منهاره وقلقانه ع حياتك
يونس….قولولي عيطت عشاني
حافظ ضحك…..احنا هندخلهالك بس الاول طمني انت كويس حاسس بأي حاجه
يونس…..انا كويس
صفاء ……يله ندخل حياه خاليه يطمن
حياه دخلت وبصت للجروخ وهي حاسه انها مذنبه في حقه
يونس بصلها……حياه جيتي الحمد لله عشت وشوفتك قبل ما اموت
حياه قربت عليه …..ليه عملت في نفسك كده
يونس…..قلت لي مش عايزه تشوفي وشي تاني
حياه….. بتلومني مره تانيه
يونس بمشاكسه……انا انتحرت من غير ما ارمي اللوم عليكي عشان اسمك ميجيش في النيابه
حياه…..انت ممثل كبير جدا
يونس…..حلو يكون الممثل مبيعرفش يمثل بس بعد موته الناس تتكلم عن حكايته
حياه ضربته في كتفه ……بلاش تجيب سيره الموت
يونس قفل ملامحه من الالم و وقالها…..تمام قوليلي اتصالحنا دلوقت وبقولك مش هخرج من المستشفي غير وانتي راجعه البيت معايا
ناصر خبط ودخل……عامل ايه يايونس
يونس……انا تمام يا خالي وبقنع بنتك زي ما هقنعك انت كمان خالي وعد هسعد بنتك ومش هزعلها مني ابدا بس هي تثق فيا وترجع البيت معايا وتسامحني بليز
ناصر……بنتي مش هترجع
حياه برجاء…..بابا لو سمحت
ناصر…..الطريقه الي مشت بيها حياه لما عطتهالك اول مره لسه ندمان عليها لحد يومنا هذا لكن المره دي هتاخدها معاك بعد ما نعملها فرح كبير ونعزم كل العيله ولحد ده ما يحصل بنتي هتفضل معايا
حياه ابتسمت بسعاده وناصر بيضمها جوه حضنه وباسها ع دماغها
يونس بسعاده….لكن يا خالي هلبس بدله ازاي وانا دراعي في الجبس
ناصر بهزار…….مفيش مشكله نفصلك بدله من غير كمام
حياه……يونس انا اسفه
يونس…..حياه متتأسفيش لو كنت هفضل اعتذرلك طول حياتي هيفضل قليل وحقيقي لو كنت اعرف انكم هتسمحوني بعد ما اتبهدل لكنت عملتها من زمان
حياه ضربته ع كتفه بغيظ……ده مش بيضحك
يونس كشر …..خالي بنتك ايدها طرشه
ناصر….ربنا يسعدكم دايما يا ولاد
يونس……متشكر يا خالي
…………………….قصص منه محمد كاتب………………
حياه…… ايه السبب وري الابتسامه دي
يونس……سببها وجودك معايا هنا ورغم مش قادر اصدق انك بجد معايا
حياه ……….وصدقت دلوقت قولي حاسس بايه
يونس مسك كتفه ومثل الالم …..مش عارف كتفي
حياه بقلق………. ماله استني هجيب الدكتور
يونس بخبث شدها عليه…… كنت عايز اشوفك لما اتالم ازاي هتتالمي
حياه قربت وشها منه…….وشوفت
يونس……ماما قالت لي كنتي خايفه وقلقانه عليا طول الليل ومنمتيش كمان بس ياخساره مشفتش كل ده يعيني
حياه…….. تعرف ان انت وحش جدا
يونس ابتسملها……مهما كانت عيوبي انا ليكي وهتقبليني مفيش مجال للرجوع
حياه …………وانا عايزه ارجعلك
يونس ……….وانا مش هسيبك تعرفي كانوا اصعب شهرين عدوا عليا في حياتي وانتي بعيد عني
حياه………. ع فكره وحشني
يونس……وانتي كمان وحشتيني وطول الليل مبفكرش غير فيكي
حياه……بتفكر في ايه بقي
يونس…..في ملامحك الي زي القمر
حياه…..وايه كمان
يونس….بصراحه عايز اقولك كلام كتير اوي بس مهما قلت مش هعرف اعبر
حياه …………قول الي يجي ع بالك
يونس…… عارفه لما شوفتك داخله علي حسيت اني عامل زي النونو الي جه في حضن امه من الحضانه انا روحي فيكي يا حياه زي ما روحك فيا
حياه….. وعرفت ازاي اني روحي فيك
يونس…..عينك فضحاكي مهما تحاولي تخبي
حياه………….. بس هو انت امتي حسيت انك بتحبني ومتعلق بيا
يونس……..بصراحه مش عارف امتي بالتحديد بس كنت بحس بحاجه غريبه لما كنت بخدك في حضني وانتي امتي حبيتيني
حياه……..لما عشت معاك وشوفت اد ايه انت شاب مطيع لعيلتك وطيب اتسرسبت جوايا غصب عني حبيبتك مش بايدي وعطيتك اشارات اني بحبك و قد ايه انا محتجالك في حياتي
يونس…………نفس شعوري يا حياه كل مره كنت بحاول ارجعك وانتي بترفضي اتمنيت اهرب من الجميع ومن نفسي
حياه ……عشان الحب الي بيتاخد بسهوله مش بيكون حب حقيقي انما الحب الحقيقي عشانه بنتحمل الصعب ننتظر ونتحمل كتير ده الي اسمه الحب الحقيقي
يونس……والحب ده مش بيفضل حب
حياه…..امال بيبقي ايه
يونس….بيتحول لعشق الحب بينتهي مع الوقت انما العشق بيفضل حي دايما و اوعدك محدش هياخد مكانك في قلبي ولا عقلي اعتبري قلبي واخده ع الزيرو
حياه…..طيب اخرج من هنا بسرعه عشان وحشتني
………………….قصص منه محمد كاتب………
في مركز الشرطه الي سالي اتقبض عليها لانها ضربت شاب بعربيتها ودخل عمليات
ناصر للظابط……احنا مستعدين ندفع كفاله لحد معاد الجلسه لايمكن نسيب اختنا هنا حضرتك اطلب من والد الشاب يكلمنا ونحل الموضوع ودي
الظابط…..الشاب عمره 18 سنه وبين الحياه والموت بسبب اهمال اختك واهله رافضين اي تعويض للتصالح
نعمان…..ياسياده الظابط احنا من عيله محترمه ازاي نسيب اختنا في الحبس من فضلك ساعدنا نلاقي حل
الظابط….اسف لا يمكن اعمل اي حاجه في الموضوع ده بس ممكن تعملوا محاوله وتتكلموا معاهم للتفاوض
ناصر للظابط….تمام بعد اذنك ممكن اشوف اختي
ناصر ونعمان راحوا للحجز عند سالي لقوها قاعده في الارض تبكي
سالي وقفت قدامهم واتكلمت بنهيار…….كل ده جزاء عن الي عملته فيك وفي مراتك وبنتك والي حصل معايا عقاب من ربنا انا اتماديت كتير ودمرت حياتي و حياتك وحياه هاجر وحياه معايا عشان كدا سامحني
ناصر…..مش هسيبك لوحدك انتي اختي الصغيره هناخدك معانا خليكي جامده وكل حاجه هتتصلح
سالي…..محدش يقول لماما وبابا مش هيقدروا يستحملوا ده ممكن يجرالهم حاجه
نعمان…..مش هنقولهم اهدي يا سالي وبطلي عياط
سالي ببكاء……كل ده بسبي ازاي نسيت انكم اخواتي الي يما عملته حاجات كتير حلوه عشاني والنبي ما تسبوني في الشده دي لوحدي
ناصر……مش هنسيبك لوحدك بس اهدي
……………………………..
حياه راحت تصلي العصر وسابت يونس ينام شويه من التعب لحد ما لقاه الباب اتفتح
يونس…حياه جيتي
تمارا دخلت واغلقت الباب ووقفت تبصله وهو نايم بدهره
يونس قلق بسرعه اتعدل وبصلها……بتعملي ايه هنا
تمارا……استريح مش هاخد من وقتك كتير
يونس……عايزه ايه
تمارا…… مكنتش اعرف انك بتحب حياه لدرجه دي ومستعد تموت عشانها وتفرط في روحك
يونس……مش هتعرفي ده ابدا لان هو ده الحب مش العند ومن فضلك امشي من هنا مش عايز حياه تشوفك وترجع تشك فيا مره تانيه
تمارا……هي محظوظه جدا بقي حبك المجنون جزء من مصيرها كل مجهوداتي الي لا تحصي ولا اثروا فيك لكن انت وهي بقيتوا كيان واحد وبعترف فازت عليا بس انا ربنا مخدلنيش ووهب لي السعاده حتي بعد ما اخدتها مني وحقيقي انا سعيده وجيت اعتذرلك واتاسف عن الي حصل مكنش يصح انه يحصل ع كلا كل امورك اتصلحت مع حياه وحياتي انا كمان اتمني تقبل اعتذاري
حياه دخلت وتمارا قالت بسرعه….حياه اهدي لو سمحتي متفهميش وجودي غلط انا جيت اطمن ع حاله يونس وماشيه دلوقت
حياه بكل هدوء قالت…..مش هفهم غلط يا تمارا انا واثقه جدا في حب جوزي ليا وشرفتي
تمارا…….باي
يونس مسك كف حياه وقالها………………متشكر
……………قصص منه محمد كاتب………….
حياه………يله حبيبي عشان هتخرج تعال البسك الجزمه
يونس…….انا هعرف البس الجزمه لوحدي
حياه نخت ع ركبها لبسته الشوز وقالت …… .ازاي يعني
يونس بيقوم لما ربط الرباط وفي نفس الوقت حياه بتقوم دماغهم قفشت في بعض
حياه وهي ماسكه دماغها بألم……..اوعي تكون اتصابت
يونس……منا كنت كويس ليه خبطيني
حياه……الحق عليا اني بساعدك
حياه خلته بيربط الرباط وراحت ناطحاه عن قصد في دماغه
يونس بصلها…..كان ايه ده
حياه بمرح…….انتقام تعرف ماما وانا صغيره كانت بتقولي لو الواحد منتقمش من الي خبطه يطلعله قرون ع راسه
يونس رفع حاجب….انتقام ويطلع للواحد قرون
حياه….ايوه
يونس……. بس الحمد لله مفيش قرون ع راسك اصل ازاي هتعيشي وانتي ليك قرون بس عايزها معزه ولا جاموسه
حياه……المعزه حلو وبريئه وبيضحوه بيها بشوفها ظريفه عامله زي بالظبط
يونس…..يعني انتي معزه بس تصوري فيكي كتير منها
حياه …..احمد ربنا ان في الوقت ده معيش سلاح ولا كنت فرغته كله فيك
يونس لعب حواجبه…..تهديد ده
حياه……ده تهديد وترويع وتخويف
يونس………. وتفتكري انا هخاف
حياه……مع حياه لازم تخاف
يونس………تعرفي اسوء حاجه فيكي ايه انك لطيفه
حياه وهي بتضحك………وسماويه ولساني طويل
يونس…….ماشاء الله عليكي وعارفه صفاتك
حياه…….مالها صفاتي لو مش عجباك مرجعش معاك
يةنس شدها عليه……. مترجعيش ده ايه ده انا طلع عيني عشان اعقلك
حياه…..انا ايه الي رماني عليك
يونس ابتسم ابتسامه واسعه……ارجعي البيت ونتفاهم حوالين الموضوع ده
……………………………………
سالي بعد خروجها راحت لحضن امها……ماما سامحتيني
الجده……..طبعا يابنتي هو فيه ام بتزعل من ولادها حتي لو وجعونا
سالي بعياط وندم……انا عملت كتير واذيتكم عيشتكم في مشاكل دمرت نفسي لا عشت مرتاحه ولا سمحت لحد يعيش سعيد بحقدي وغيرتي اتغلبوا عليا لدرجه بقت عدوه لـ اخويا ومهما اعتذر مش هوفي
ناصر……سالي اظن كفايه اتعلمتي الدرس قبل فوات الاوان
سالي راحت لحياه…..حياه غلطت في حقك كتير ومع امك لو كانت هاجر لسه عايشه لليوم كنت وطيت تحت رجليها واتاسف لها بس عارفه قلبك كبير زي امك ممكن تسامحيني ع افعالي
حياه…..انتي اكبر مني من فضلك متقوليش امور زي دي مش حلوه
سالي….هتسامحيني
حياه بصت للكل وهزت دماغها
سالي مسكت دقنها……قوليها بالسانك انك سامحتيني ده هيحسسني ان هار كمان سامحتني ارجوكي
حياه بعد تردد كبير مدت لها ايدها…..انا سامحتك وامي كمان هتسامحك
سالي عيطت بصوت واخدت حياه جوه حضنها
………….قصص منه محمد كاتب……………
تمارا شافتها……عمتو
سالي لفت وبصتلها وقامت من مكانها…..تمارا تعالي
تمارا ابتسمت……انا انبسطت جدا برجوعك
سالي…..وانا اذنبت في حقك
تمارا…..ليه بتقولي كده
سالي بندم…..عشان حاولت عن قصد اضللك عشان اتمكن اضر اختي وحرضتك عشان ترفضي خطيبك
تمارا مسكت ايدها……لاء يا عمتو محصلش وبشكرك عن الي عملتيه لو محرضتنيش كنت ازاي هروح واقابل خالد في شغله واعرف انه انسان عظيم واستاهله وانا مبسوطه اني هتجوزه
سالي بتعجب…..انتي فعلا مبسوطه
تمارا……كتير انا قابله العلاقه دي من كل قلبي خالد مش انسان عادي ده زي ما بيقوله واحد بين ملايين شخصيه وهاله حاجه كدا فوق العظمه بشويه لما شوفته نسيت ان فيه حد اسمه يونس كان موجود في حياتي هدعي لبابا وماما طول حياتي
سالي….ارتاحت اوي عشانك الحمد لله الف مره
…………………………………………
بعد فرح تمارا ع خالد
خالد بصلها……خدي راحتك من غير كسوف والله ما عارف البنات بتستحمل تلبس فستان تقيل كده ازاي
تمارا بأبتسامه كلها فرحه……… من الحب بتنسي تقل الفستان
خالد بصلها شويه وبعدها قال…..بجد هو انتي وقعتي في حبي بالسرعه دي
تمارا……..اول ما شوفتك اكتشفت انك الانسان الي حبيبته
خالد……وده مثير للاهتمام بالنسبه لي
تمارا كشرت من نبره السخريه في كلامه وقالت بضيق…..حصل ايه . ايه حسيت اني لا ارقي لمستوي توقعاتك
خالد……لاْ لاْ مش كدا بصراحه انا واحد مش عاطفي , عملي جدا ومن الاخر مش بؤمن بالحب من اول نظره لكن بؤمن جدا بالافعال عشان كدا خليني احبك من خلال افعالك معايا
تمارا……والتحدي مطلوب
خالد……انتي واخدها تحدي بس صعب جدا
تمارا بريق تحدي بعيونها ….مفيش تحدي صعب عليا
خالد……حسب توقعاتي انتي مشاغبه جدا
بعد وقت طويل بينهم خالد دخل الحمام ياخد شور وتمارا قامت تغير هدومها سمعت صوت موبيل مسكته وردت…..الو
الصوت…..فين خالد
تمارا بدهشه……مين انتي
الصوت……اكيد انتي مراه خالد التانيه يبقي لازم تعرفي انا مراته الاولي وحبه الاول
خالد سحب منها الموبيل وقال للصوت…..حياتي هرجع اتصل بيكي تاني
تمارا وسعت عيونها بصدمه……هو انت متجوز
خالد ببرود…..ايوه
تمارا…..امال ليه اتجوزتني وخدعتني
خالد بأسلوب هادي……مفيش فايده من كلام لاهيقدم ولا يأخر
تمارا……يعني مش عايزني اتعصب لما اكتشف ليله فرحي ان جوزي متجوز وخدعني مفروض ابقي هاديه ( بنفعال) مش مكسوف وانت بتخدعني
خالد حدف الموبيل وصرخ فيها…..بس كفايه بتتكلمي كما لو مخدعتيش حد ابدا ومغشتيش حد
تمارا بلعت ريقها…..قصدك ايه هو انا خدعت مين
خالد…..تمارا انا عارف عنك كل حاجه ليه اهلك وافقوا بسرعه ع جوزنا مفكراني مغيب مش هعرف عن البنت الي بابا اجبرني اتجوزها انا عارف عنك كل حاجه وعن ابن عمتك يونس الي كان ليكي علاقه غراميه معاه حتي بعد ما اتجوز فضلتي مكمله في علاقتك بيه عشان كدا احسن لك متتصرفيش ع انك ضحيه وقديسه قدامي اما بالنسبه لمراتي بابا وافق اتجوزها بعد ما وافقت اني اتجوزك يعني مقايضه حبيبتي اهلها ناس بسيطه وبابا مكنش موافق عليها وعطاني حبي مقابل اتجوزك عشان من عيله مرموقه وكدا الصفقه متساويه لكن لو عايزه تعيشي في البيت هنا اهلا ومرحب بيكي ومش هجبلك سيره علاقتك ابدا ده وعدي لان كل انسان مننا له ماضي فدي مش مشكله اطلاقا اما لو مش عايزه مش همنعك ودلوقت القرار في ايدك فكري وبراحتك
تمارا حست ان الدنيا بتلف بيها وكتبت مصيرها بايدها وصعب تطلق بعد يوم من فرحها
……………………………….
يوم فرح حياه ويونس وطبعا تمارا واقفه تبصلها بكل قهره وخالد واقف جنبها ومتحسره ع حياتها البائسه
حياه قرصت خد يونس بمرح وهو سألها…….ايه الي حصل فيه حاجه ع خدي
حياه……كنت بزعجكك
يونس ابتسم……كنتي ايه بتزعجيني يا الهي ماذا تسمع وداني
حياه ضحكت بسيط…..مفيش داعي تفرح اوي كنت بهزر كان فيه حاجه ع خدك
يونس ابتسامته مرسومه ع شفايفه ….ع فكره انتي مهما تخيلتي مش هتعرفي اد ايه انا فرحان
حياه بمشاكسه…..طبعا قاعده معاك عروسه زي القمر محتاج فرحه اكتر من كده ايه
يونس مسك ايدها وقال…..لاء ده فل ورضا ده انا كده اخدت اكبر سعاده في حياتي ليه احتاج اكتر من كده
حياه………هنعمل شهر عسل
يونس…..ايوه واحضن وابوس
حياه…….وبعدهم ايه
يونس…..اهلا بالمعارك
حياه…….افندم هتحرج مراتك قدام الناس
يونس…….لما نرجع انا وانتي البيت نقعد ونتحاسب حساب الملكين
حياه……وبعدها نجيب طفل
يونس…..ونصدع من عياطه واء واء
حياه……وترجيع
يونس…….ولا برازه يع
حياه….وبعدها مصاريف تعليمه
يونس…..يعني هيطلع مجدي يعقوب
حياه…..ولما يكبر مجدي عليك تجوزه
يونس…..هو المؤمن يلدغ من الحجر مرتين صح
حياه…..صح
صفاء قربت وقالتلهم……… ربنا يسعدكم يا حبايب قلبي ويهدي سركم
يونس…..اه والنبي يا امي ادعي لي كتير بهدوء الحال احسن خايف من حياه ع نفسي
حياه برقت له……اممم يظهر انت مش هترتاح غير لما افرد لساني عليك 3 متر
يونس……..ده انا بتهدد ع الملاء شاهده عليها يا امي
صفاء…….حياه تعمل فيك الي تعمله
حياه……..شايف ماما في صفي انا
صفاء…….انتي بنت قلبي يا حياه وربنا استجاب دعوتي وشوفتك تاني مع ابني
ناصر قرب وابتسم…..ايه ياولاد بتتنقاره ليه في يوم مفترج زي ده
يونس………ولا نقار ولا حاجه بنتك بتدلع عادي عليا
صفاء بصت لناصر…… ناصر متقلقش خالص بخصوص حياه انا ام يونس بس هي اكتر اهميه عندي منه
ناصر حضنها……عارف ومتاكد يا صفاء
يونس اخد حياه بعد ليله جميله كلها ضحك وحب وفرحه طالعه من القلب ودخل بيها الغرفه
يونس…..اتفضلي اوضتك يا عروسه ها عجبتك
حياه وزعت عيونها وقالت…..حلوه ده انت غيرت كل حاجه فيها
يونس خلع جاكت البدله وطوحه……بنفسي
حياه وهي ماشيه مره واحده كانت هتقع وصرخت…..اه
يونس مسكها من وسطها……. مش تاخدي بالك يا حياه
حياه غمضت عينها وهي بتتك ع اسنانها بغيظ…..يووونس
يونس بص تحت رجلها وقال……اه اسف خلعت الجزمه هنا معلش نزلت مستعجل بابا كان بيزعق عشان كدا حطيتها بصي انا هلكان جدا ليه بصالي كده
حياه….انت كداب كبير
يونس ضم حواجبه…..وايه الكدبه الي قولتها
حياه…..طلبت مني ارجع لانك اتغيرت من ساسك لراسك وقلت هتصلح كل عيوبك وتحط كل حاجه في مكانها وتبقي منظم هي دي النضافه
يونس……حياه دي جزمه
حياه….وهدومك المرميه
يونس اخد الجاكت بسرعه من ع السرير…..اسف انا كنت نضيف ومنظم بس معرفش لما شوفتك رجعت لعادتي القديمه
حياه…..لاْ وحياه اغلي حاجه عندك مترجع للقديم
يونس…..ليه مرجعش كان فيا ايه وحش
حياه…..اخليك تحسب
يونس ضمها من وسطها …..احنا دلوقت نحسب حاجه تانيه
حياه……اممم عايز تاخدني في دوكه و تبلفني بس ده مش هيحصل
يونس باس خدها وقال……. طيب اتبلفي المره دي
تمت
لقراءة الرواية كاملة اضغط على : (رواية متخافيش)
