رواية ليتني لم أعشقه الفصل الثاني 2 بقلم يارا ابراهيم
رواية ليتني لم أعشقه الجزء الثاني
رواية ليتني لم أعشقه البارت الثاني
رواية ليتني لم أعشقه الحلقة الثانية
_بس أنا كدة معرضه للموت يا سيادة المقدم!
قالت الكلام ده ياسمين لـ المقدم خالد، فقال…..
_ماقدرش أقول لا يا دكتورة لإن كل شئ وارد.
ياسمين “بعصبية”……
_حضرتك ليه بتتكلم كأنها حياة دبانة مثلا.
المقدم خالد……..
_أنا ماقولتش كده بس أنا مش نفيت حدوثه.
سكتت ياسمين، فدخل اللوا ومعاه فرقة من المخابرات واللى بتسمي” نسور الدخلية”.
فقال اللوا…
_ أزيك يا دكتورة يارب تكون بخير.
ياسمين “بعصبية”..
_والخير هيجي منين، لما أنا ممكن أموت ومارجعش.
اللوا…..
_ يابنتي وليه توقع الوحش، ربنا سبحانه وتعالي قال” تفائلوا بالخير تجدوه “.
ياسمين وهي بتقعد…
_ ونعم بالله..، طيب هنعمل ايه.
اللوا” بإبتسامة”…
_ اقعدي واهدي وأحنا هنفهمك كل حاجه.
********************* ♡ ♡ ♡ ******************
في قصر الغول في “أثــينا”…
كان قاعد الغول وهو بيفكر هيعمل اي ويتصرف ازاي، فدخل عليه الحارس وهو بيقول……
_ سيدي السيد نيكول أرسل إليك دعوة، وطلب منك الإتصال به.
الغول…
_ حسنا أعطني الدعوة وأذهب أنت.
فتح الغول الدعوة، لقاها دعوة لحفلة كبيرة بعد أسبوعين من دلوقتي، بس مش مذكور سبب الحفلة، فطلع الغول موبايله ورن علي نيكول اللي رد وهو بيقول…
_ الغول صديقي العزيز كيف حالك.
الغول” بجدية”…
_أنت تعلم أني لا أحب المقدمة، ماذا تريد، ولما تلك الحفلة.
نيكول “بخبث”..
_ أنت تعلم كم نحب الإحتفالات.
الغول” بشك”….
_ حسنا نيكول حسنا.
قفل الغول مع نيكول وهو بيتف على الفون وبيقول….
_ يحرق أبو دي شغلانة ياخي، لابو معرفتك السودة، صبرني يارب.
“صوت من وراه ”
_صبره يارب اصل المزة جاية.
لف الغول وهو بيمسك عدي من هدومه دي الحرامي وبيقول…….
_ اظبط ولا أنت عارف قلبتي عاملة ازاي.
عدي “بتوتر”..
_ عارف يا باشا والله، سيب هدومي لسه جديدة حرام عليك.
الغول” بزعيق”…
_ الصبر ياااااارب، أنا ماشي من وشك ده، والله ماعارف هي بصتلك على اي، كانت عمشه ولا اي دي.
عدي “بغرور”..
_ علشان مثلا.. مثلا يعني، عيوني الزرقا، شعري الاسود، شياكتي اللي مافيش منها، قلبي!؟
سكت شويه وبعدين قال بحزن….
_ قلبي اللي تعبان وموجوع بسببها، ومع ذلك لسه بيعشقها، تفتكر نسيتني وأنا اللي واهم نفسي قولي الصراحه وأنا هتقبل والله بس ريحني.
لف الغول لصاحبه، ورجع وقرب منه وقال وهو بياخده بالحضن………..
_ هي بتحبك والله بس هي بتكابر وطالبة حاجه كبيره واديك شايف اللي أحنا فيه.
عدي” بحزن”….
_ ماهو المشكله اني شايف.
الغول “بضحك”…
_ قوم ياخويا شوف اللي احنا فيه، مش نيكول لسه مكلمني.
عدي” بقرف”….
_ قطيعة، ودي عايز اي مش ناقصة امه والله.
الغول…..
_ عامل حلفة تتوقع ليه.
عدي…
_ هيكون ليه يعني مانت عارف تفاهته، تحب افكرك أخري حفله كانت ليه.
الغول “بضحك”….
_ اسكت مش تفكرني الله يخليك، كان عاملها علشان خالته ماتت، بدل ما تكون جنازة كانت حفلة هههههه، مش عارف هو اليونانيين دول هبل بالفطرة ولا اي الحوار.
عدي…
_ لا المصريين هما اللي جايبين السمكة من ديلها.
الغول….
_ مش جايبن السمكه من ديلها، بس رجالة وعندهم شهامة وده المهم.
عدي….
_وحشتني اوي.
الغول” برخامة”…..
_ هههههه هي مين؟
عدي “بغيظ”…
_أمك.
الغول وبدأ يتحول….
_ بتقول اي سمعني كده.
عدي” بخوف”….
_مالك يا صاحبي، قول أعوذ بالله من الشيطان الرجيم، شيطان ودخل بينا ده ولا اي.
سكت الغول فجأة وبعد عن عدي اللي قال بإستغراب….
_ مالك سكت ليه.
الغول….
_ مافيش مرهق، هطلع أنام وكمل أنت الشغل.
عدي….
_ مرهق ولا افتكرت اللي وجعك.
الغول “بلامبالاة”….
_ مش فارقة.
عدي…..
_ علشان عارف انك كاتم مشاعرك طول السنين دي، ماكنتش هسيبك كده، بس خد وقتك يا صاحبي.
سابه الغول وطلع فقال عدي بحزن علي صاحبه…..
_هح مش عارف هنفضل لحد امتي حالنا متشقلب و راحة البال غايبة عنا، هون علينا يارب.!
******************♡ ♡ ♡ ******************
في مصر……….
_ مالك؟!
_ مازلت
لا أدري أيهما يؤلمني أكثر؟
الأشياء التي أفعلها رغمًا عن قلبي
أم الأشياء التي يفعلها قلبي رغمًا عني.؟
_ ولكني أعلم
أن كلاهما يتركان أثرًا لا يزول
فما أصعب أن تخالف قلبك بعقلك
وما أقسى أن يخذلك قلبك رغمًا عنك.؟
_ يعني مافيش أمل يا أمنية.
أمنية” بحزن”…..
_ عارفة يا ياسمين اي اللي مخليني مش عارفه اواسيكي في الموضوع ده بالأخص.
ياسمين……
_ عارفة، انتي بتمري بنفس اللي بمر بيه.
أمنية “بضحك”…….
_ لا بس انا حكايتي مقدور عليها شويه، انما انتي الحبال فلتت منه خالص.
ياسمين….
_ بتتريقي علي أحزاني يا واطية.
أمنية” بضحك”…..
_ بتريق اي، ياختي الخيبة من بعضها.
ياسمين “بضحك “….
_ علي رأيك، اقفلي يا ختي علشان أجهز الشنط واصحي بدري ابوس ايدك علشان ورانا طيارة.
أمنية…..
_ حاضر والله اقفلي بقا زهقتيني.
قفلوا مع بعض، لقت ياسمين رسالة من مجهول بتقول…!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ليتني لم أعشقه)
