رواية لقاء العشاق الفصل الرابع 4 بقلم إسراء بكار

رواية لقاء العشاق الجزء الرابع

رواية لقاء العشاق البارت الرابع

رواية لقاء العشاق الحلقة الرابعة

نرجع لابرار وامل لما كانوا بيضحكوا ويهزروا في الجنينه وفجاه جيه طالب اسمه يوسف دا زميلهم لكن بيرزل عليهم .
يوسف: الاتنين العشاق ابرار وامل .
ابرار: ملكش دعوه بينا يا يوسف انت سخص رزل اصلا ابعد عننا.
امل: يلا يبنتي نبعد احنا احسن.
يوسف : استني بس نتكلم شويه.
ابرار: مفيش كلام بينا يا يوسف وبعدين خلي اهلك يعلموك مترزلش علي زمايلك .
ابرار وامل مشيوا ويوسف عيونه اتملت دموع لانه يتيم ملوش اهل ولما كان في الملجا كان بيتعامل اسؤ معامله ومشي وهو حيموت من الالم .
استووووووووووووووووووب نعرف مين يوسف (يوسف احمد العمري ) ايوا ابن الدكتور احمد العمري صاحب عمر اتخطف وهو طفل رضيع الا خطفه حطه في ملجا وكان بيتعامل معامله قاسيه في الملجا وهرب منو وهو في سنه اولي ابتدائي كان بينام في الشارع حاول يعمل المستحيل علشان يلتحق بالمدرسه اصحابه دايما بيعملوا معاه مشاكل حكايته حنعرفها بعدين .
انتهي اليوم الدراسي وابرار وامل راحوا عند خالاتها ماجده والده امل وابرار مشافتش نوران برده دخلوا البيت وقالوا بضحك: احناااااااااااااااا جعااااانين.
نورين : يلا صلوا الاول وبعدين الاكل حيكون علي السفره .
ماجده خاله ابرار: عامله اي يروح خالتك .
ابرار حضنت خالتها : انا الحمد لله يخالتو .
البنات دخلوا اوضه امل وصلوا الضهر وطلعوا لقوا الكل علي السفره ياسين بحنيه علي امل : عامله اي يا امل .
امل : الحمد لله يعمو حضرتك عامل اي .
ياسين : انا كويس طول ما انتي وابرار كويسين وعاوزك بعد الاكل .
امل: حاضر يعمو .
نتعرف علي عائله امل (امل امجد الشافعي ) بنت خاله ابرار بتعشق الرسم وحلمها تطلع رسامه لكن والدتها رافضه كدا .
(رائد امجد الشافعي ) اخو امل الكبير وبيعتبر ابرار اخته برده بيشتغل محاسب مع ياسين ابو ابرار في الشركه عندده 24 سنه بيحب بنت عمته بدور .
ماجده الرفاعي : والده امل بتحبها وبتخاف عليها جدااا وزوجها متوفي وبتخاف علي رائد ابنها برده .
نرجع ليهم علي الغداء رائد : منور يعمي انت وخالتي والله .
ياسين : بنورك يحبيبي عامل اي في الشغل .
رائد: الحمد لله يعمي ياسين كله بفضلك بعد ربنا .
ياسين بحنيه هو يعتبر امل ورائد اولاده بعد وفاه والدهم : انت ابني يحبيبي بس حلوه لون العربيه الجديده .
رائد : اي خدمه عامله اي يا ابرار .
ابرار بضحك : احسن منك الحمد لله .
رائد بضحك : الحمد لله ناويه علي هندسه برده .
ابرار: اه باذن الله .
ماجده: وماله يبنتي مش زي صاحبتنا .
امل بضيق : ماما لو سمحتي وقامت من علي الاكل.
رائد استغرب : في اي يماما مالها امل .
نورين : امك زعلانه ان امل عاوزه فنون جميله.
رائد: ومالها الكليه يماما فيها اي دي جميله حتي ممكن تطلعه معيده ورسامه ورسومتها تنشرها في معرض في اي مالك .
ياسين : يماجده سيبي امل براحتها الكليه عاوزه مجهود وكمان هي بترسم كويس
ماجده : خلاص براحتها .
بعد الغداء ابرار دخلت ساعدتهم في المطبخ ياسين اتكلم : تعالي يا امل انا عاوزك .
امل : نعم يعمو .
ياسين طلع ظرف فيه فلوس وشنطه رسم والوان كتير وكشاكيل رسم وقال : طبعا انتي عارفه انك بنتي زي ابرار دي فلوس ليكي 2000 جنيه اصرفي منهم ودي كشاكيل رسم والوان كتير باذن الله علي اخر الشهر حجبلك لوح عاوزك ترسمي وتتعلمي اكتر بجانب المذاكره وباذن الله كل شهر حديكي ظرف زي دا ومش عاوز اسمع كلمه .
امل ببكاء : انا متشكره ليك يعمو واوعدك ان حشرفك باذن الله .
ياسين بحنيه : قوليلي بابا يحبيتي .
امل ببكاء وحضنت ياسين : حاضر يبابا كل دا تحت عيون رائد حس بحنيه جوز خالته علي اخته بكي من الموقف وياسين شافه حضنه هو كمان .
نرجع لمكان اول مره نشوفه كوخ صغير جدا من الطوب والقش يجلس يوسف حزييين جداااا .
عبد القادر : مالك يا يوسف .
يوسف بالم : زهقت من معامله الناس ليا الكل بيعاملني وحش جداااا كاني مليش لازمه .
عبد القادر : معلش يبني ارضي بقضاء ربنا وكمان انت بتعمل مشاكل .
يوسف بدموع : غصب عني بسبب معامله الناس ليا .
عبد القادر: بص يا يوسف عامل الناس باخلاقك لان الناس بتتغير يبني محدش بيبقي علي حاله وقرب من ربنا وصلي علشان ربنا يكرمك وتحقق حلمك .
يوسف بالم : انا نفسي اكون دكتور قلب بس ازاي محدش بيشجعني والكل بيعاملني وحش .
عبد القادر : يحبيبي ابدا اصلي واقرا قران وانا معاك ربنا بيحقق المعجزات .
يوسف بتشجيع : حاضر يعمو بوعدك حذاكر واشتغل واحقق حلمي بس انت بتاخد الدواء .
عبد القادر : الدواء خلص بس متقلقش انا كويس .
يوسف برجاء: لا يعمو رجاءا انا حشتغل واجبلك الدواء بس متسبنيش انا مليش غيرك بعد ما هربت من الملجا انا شوفت سوبر ماركت هنا كويس من الساعه 5 لحد 11 بليل .
عبد القادر : والمدرسه والمذاكره انا اسف انك مش بتاخد دروس.
نرجع لعبد القادر ويوسف وهما بيتكلموا في الكوخ يوسف وعده انو حيتغير ونزل راح الشغل الساعه 4 بعد العصر يوسف اشتغل في سوبر ماركت ويقبض اخر الشهر 1600 جنيه علي الساعه 8 احمد طلع من المستشفي ونزل السوبر ماركت يشتري طلبات للبيت شاف يوسف اتصدم لان يوسف في ملامح منه وحس احساس انو ابنه وفضل واقف باصص ليه شويه يوسف قال : في حاجه يا استاذ حضرتك عاوز حاجه .
احمد انتبه لنفسه وقال :عاوز مايه .
احمد مشي بعد ما اخد المايه وهو الف سؤال في دماغه ويوسف استغرب وحس احساس غريب ولكن تجاهله في المساء عائله ابرار روحت من عند خالتها ولكن ابرار اتصدمت من الا شافته >…………………………..
البارت 5 روايه لقاء العشاق .
الكاتبه المهندسه اسراء بكار.
نرجع لابرار وهي راجعه من بيت خالتها اتصدمت لما لقت يوسف واقف في سوبر ماركت قالت لاهلها انها حتشتري حاجه وحتطلع لان البيت كان قريب شويه وابرار راحت ليوسف وقالت : انت بتعمل اي هنا يا يوسف .
يوسف باحترام : اذيك يا ابرار انا بشتغل هنا .
ابرار بصدمه : ازاي بتشتغل هنا اهلك فين والهدوم دي باين عليها قديمه .
يوسف بالم : مهنديش اهل واتفضلي امشي من هنا عاوزه حاجه اجبهالك مش عاوزه امشي.
ابرار : انا اسفه يا يوسف اقصد الهدوم خفيفه لان الجو برد .
يوسف : دي هدوم شغل وعادي مفيهاش حاجه .
ابرار: ماشي عن اذنك .
روحت ابرار البيت واطمنت علي والدها ووالدتها ودخلت اوضتها واستغربت من كلام يوسف وقررت تراقبه من بعيد اتوضت وصلت وقعدت تكمل كورس الانجليزي ونامت وتاني يوم ابرار راحت المدرسه وكان اخر يوم في الاسبوع بتحب تتمشي بعد المدرسه كنوع من الترفيه وانتهي اليوم الدراسي .
ابرار: انا حتمشي شويه .
امل: انتي فيكي نفس تتنمشي.
ابرار: اي يبنتي في اي يعني بفكر بعيد حسباتي كدا .
امل بتعب: مع نفسك بقه انا مروحه ابقي قولي لاهلك الاول .
ابرار: قولتلهم يلمضه انا معايا تليفوني .
امل : ماشي يا ابرار خلي بالك من نفسك يلا سلام .
امل روحت البيت وابرار راحت تتمشي شويه لقت حد بينادي عليها لفت لوراء لقتها نوران .
نوران : ابرار يا ابرار .
ابرار بفرحه : نوران عامله اي وحشتيني .
نوران حضنتها : انا الحمد لله انتي وحشتيني كتييير .
ابرار خدتها وقعدوا علي الرصيف : مش بشوفك ليه بقالي كتير .
نوران : انا مركزه في المذاكره والقراءه عهلشان باذن الله ناويه ابقي ضابط .
ابرار : برافو بس اي الشياكه دي الا يشوفك يقول انك في ثانوي مش سنه 6 ابتدائي وكمان انتي كلامك اكبر من سنك ومثقفه كتير .
نوران: طبعا يا ابرار بحاول اتغير وكمان الثقافه مش مرتبطه بالسن انا جبت فوني هاتي رقمك .
ابرار سجلت رقمها عندها وسلموا علي بعض ومشوا نوران روحت وابرار وهي مروحه لقت يوسف قاعد علي الرصيف قدامه كوخ صغير اتصدمت وافتكرت الا حصل .
فلااااااااااااااااااااااااااااش بااااااااااااااااااااااااااااااااك :
بعد الحصه التالته ابرار وامل نزلوا كعادتهم في الجنينه في الفسحه بياكلوا لقت يوسف قاعد لوحده ومش معاه اكل لكن جيه واحد اسمه مازن ومعاه اتنين كمان بيغير من يوسف جدا لانو تفوق دراسيا وكان بيراقب يوسف وعرف انو ملوش اهل .
(مازن مراد الالفي ) من عائله غنيه بيغير من يوسف وبيحب يضربه مشاغب جدااااااااااااا )
مازن بسخريه : اي يمازن مفيش اكل معاك .
يوسف بثبات : ملكش دعوه بيا خليك في حالك .
مازن بسخريه اكبر : طبعاااا واحد زيك معندوش اهل وبيشتغل في سوبر ماركت وهربان من ملجا اكيد معندوش اهل .
يوسف بالم من كلام اصحابه عليه : دي حاجه بتاعه ربنا خليك في حالك وابعد عني خالص سامعني .
مازن اتعصب وضرب يوسف ويوسف حاول يدافع عن نفسه بس اصحاب مازن كتير والمديره استدعت ولي امر مازن ويوسف استاذن منها ومشي بعد الفسحه .
بااااااااااااااااااااااااااااااااااااااااااااااااااااااك:
يوسف قاعد علي الرصيف بالم بيبكي من معامله اصحابه ابرار راحت ليه وقالت بتاثر : متزعلش يا يوسف مازن مش محترم اصلا .
يوسف : في حاجه يا ابرار .
ابرار: انا شوفت الا حصل ممكن تحكيلي حكايتك .
يوسف بعزه نفس : شكرا يا ابرار وابعدي عني علشان متقوليش ان برزل عليكي ومش عاوز مساعده من حد .
ابرار : انا اسفه يا يوسف بس انا بجد عاوزه اساعدك وصدقني مش حخذلك وكمان انت بقيت شخص محترم ومتفوق دراسيا ودا نادر جدااااا .