رواية قوه الحب الفصل الثاني والعشرون 22 بقلم مروة السيد
رواية قوه الحب الجزء الثاني والعشرون
رواية قوه الحب البارت الثاني والعشرون
رواية قوه الحب الحلقة الثانية والعشرون
فى المحكمه
يتحكم على وليد بالسجن ب١٠ سنين
ام وليد بعد الحكم بتعيط وتروح لأحمد… ممكن تساعدني اطلق من عمك
احمد …. ليه بس خليكى جمبه هو اكيد محتاجك
ام وليد …. هو السبب هو اللى حط الحقد والطمع ف دماغ وليد انا لايمكن اعيش معاه تانى
احمد…. مش عارف اقولك ايه بس اللى اقدر اقوله ان حبسه وليد اكيد كسراه مينفعش نسيبه لوحده على الاقل الفتره دى وانا الصراحه مش هأمن اجيب أهلى واروح اعيش معاه وانا هبقى معاكى دايما لو فى حاجه هتلاقينى
ام وليد … مش طيقاه هفضل معاه تانى أزاى بس
احمد …. معلش لحد ما وليد يخرج بالسلامه
ام وليد …. ياااه دول ١٠ سنين يا مين يعيش يابنى
احمد …. بإذن الله ياخد حسن سير وسلوك ويخرج بعد نص المده متزعليش منى بس دا كان هيموتنى وخطف مراتى لازم يتعاقب حرمنى منهم ٣ سنين
ام وليد …. وانت ليه غيبت ٣ سنين ليه مارجعتش ع طول
احمد …. انا كنت فاقد الذاكره ويوم ما رجعتلى يوم قدمت البلاغ
ام وليد قبل ما ترد
إبراهيم… ايه موقفك مع الناس دى يلا خلينا نمشى
ام وليد …. احمد ابقى اسأل عليا يا حبيبى
احمد …. حاضر
وكلهم يروحوا
خديجه تجرى علي احمد واسيل وأسر يجروا على مالك يحضنوهم
مالك…. بصو انا وعمكم احمد جبنا ليكم اللعب دى يلا روحوا قسموها على بعض والعبوا سوا
الأطفال…. حاضر
سلمى … هطلع اغير واجيلكم
غاده وولاء … واحنا هنجهز الاكل
مالك … ايه فضولك نايم النهارده ليه مش عايزه تعرفى اللى حصل
ولاء …. عشان رخامتك دى مش عايزه اعرف حاجه
ميرفت واحمد …. ولااااء
مالك …. فى ايه يا جماعه انا اتخضيت هى مقالتش حاجه بتهزر يعنى
ولاء … انا هروح احضر الاكل مع غاده وتسيبهم وتدخل المطبخ
مالك …. ليه كدا اهى زعلت راضيها يا احمد
احمد … هو انا لحقت اتكلم اساسا
مالك …. زعقت
ميرفت …. ولاء كدا من قبل ما تيجم اصلا
احمد …. ليه فى حاجه حصلت
ميرفت… ممكن نتكلم بعد الاكل طيب
احمد …. لا عايز اعرف فى ايه متخانقه مع مين
ميرفت …. مش متخانقه بس وتسكت
مالك …. قولى يا امى بس ايه
ميرفت … ما انتم لو عرفتو مش هتاكلوا وانتم من الصبح بره واكيد ما اكلتوش حاجه
مالك … لا هناكل متقلقيش قولى بس ايه
ميرفت …. الصراحه النهارده بعد ما انتم مشيتوا بساعه كدا جه
ولاء…. ماما اتفقنا على ايه
ميرفت …. ماهما اللى بيوقعونى فى الكلام
ولاء …. وهما عرفوا ازاى ان فى حاجه عشان يوقعوكى يا ماما ارجوكى ماتقوليش حاجه تانى
مالك … انا لازم اعرف فى ايه وحالا
ولاء…. انت متعصب ليه حاجه مش مستاهله يعنى اتخانقت مع غاده واتصالحنا تانى بس كدا
اسيل تيجى … بابا حبيبى
مالك …. مالك ياروحى مكشره ليه ومبتلعبيش مع اخواتك
اسيل …. عشان زعلانه
مالك …. ليه يا حبيبتى
اسيل …. عشان طنط ولاء كانت بتعيط كتير وبتقول ازاى هرجع اعيش مع ايمن تانى
ولاء … ايه اللى بتقوليه دا بس يلا يا حبيبتى اطلعى مع اخواتك مفيش الكلام دا
اسيل … يعنى انا كذابه يا طنط
ولاء تلاقى احمد ومالك باصين ليها
مالك …. لا يا حبيبتى انتى مش كدابه طنط ولاء بس مكانتش عايزه تقولنا عشان ما تزعلش
اسيل …. طيب يا بابا خليها عايشه معانا بلاش تروح عند ايمن دا عشان هى مش عايزه مش عايزاها بتعيط
مالك….. متقلقيش يا حبيبتى طنط ولاء هتفضل معانا على طول
اسيل …. بجد يا بابا
مالك ….. بجد يا حبيبتى يلا روحى انتى مع اخواتك بس ولما الاكل يجهز هنادي عليكم عشان ناكل
اسيل …. حاضر
ولاء … مش قادره اتكلم لو اتكلمت هعيط
احمد …. روحى كملى تحضير الاكل وسيبى امك تحكى
ولاء …. تحكى ايه تقولكم ان ايمن
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قوه الحب)
