رواية ستظل ملكي الفصل الخامس والعشرون 25 بقلم رضوي يحيى
رواية ستظل ملكي الجزء الخامس والعشرون
رواية ستظل ملكي البارت الخامس والعشرون
رواية ستظل ملكي الحلقة الخامسة والعشرون
حين اغار اود باحتضانك امامهم
كي اخبرهم بانكي لي ملكي انا !!
~~~~~~~~~~~~~~~~~~~~~~~~~~~
دلفت ماسة الي العماره التي تسكن بها بينما استلقي فهد سياراته و ذهب متوجهه الي منزله !!
طرقت ماسة باب منزلها و فتح لها مازن و كان ينظر اليها بغضب شديد ضمته ماسة سريعاً !!
ماسة و هي تحضنه : ميزو وحشتني اوي
مازن و هو يحضنها ايضاً : ليكي معايه حساب بس لما افضالك !!!
ماسة بضحك : حبيبي
مازن : ادخلي ياختي
دلفت ماسة و كانت تتجه الي غرفة والداها و معها مازن متوجهه الي غرفة ايضاً كادت ماسة ان تطرق باب غرفة والداها و لكن تصمرت مكانها من التي سمعته و نظرت الي مازن بصدمه و كذلك نظر اليها مازن بصدمه !!!
فتحت ماسة الباب سريعاً دون ان تطرقه !!!
ماسة بغضب : وانت مالك إن شاء الله
نهض سامر من بجوار والده : انتي بتصنتي ولا إيه
ماسة بغضب اكثر : ملكش دعوه و بعدين انت مالك بحاجه زي دي !!
يحيي : أهدي يا ماسة !!
ماسة بدموع : أهدي إيه حضرتك موافق علي المهزلة دي !!
سامر بحده : مهزلة إيه هو الجواز بقا مهزلة !!
ماسة بسخريه : اممم و حضرتك مالك محموق اوي كدا !!
يحيي بجديه : اقعدي و اسمعي الكلام للاخر !!
ماسة بحنق : كلام إيه يا بابا
قاطع يحيي حديثها بجديه شديده : ماااسة انا قولت إيه
جلست ماسة و كان يتابع مازن هذا النقاش دون ان يتدخل حتي يفهم أساس الموضوع !!
ماسة : قعدت يا بابا
يحيي : في عريس متقدملك و انا موافق عليه !!
ماسة بفزع : موافق ليه يا بابا
يحيي بآستغراب : يعني إيه موافق ليه عريس كويس و ميترفضش !!
ماسة برفض : بس انا مش عايزه اتجوز
يحيي بهدوء : ليه
ماسة بتوتر : يا بابا انا لسه بدرس و قدامي مشوار طويل جواز إيه دلوقتي !!
سامر بسخريه : ليه إن شاء الله ما صحابك مخطوبين و كلها شهر و هيتجوزه !!
ماسة برجاء : والنبي يا بابا لا انا مش عاوزه اتجوز بليز و النبي علشان خاطري !!!
يحيي : العريس جاي هو و اهله بعد بكرا !!!
ماسة بحزن و دموع : حضرتك ادتله معاد كمان طب وانا فين فين رأي من حقي اوافق او ارفض !!!!
سامر : دا حازم صاحبي و كويس و كلم بابا النهارده و هو جاي من البلد هو و اهله !!
ماسة بضحك و دموع تهبط : حازم يا سامر يا اخي دا انا اختك ارحمني بالله عليك انا بعملك إيه مشوفتش منك يوم عدل من وقت ما ربنا خلقني ضرب و اهانه و شتيمه و دلوقتي عايز تجوزني صاحبك و بالعافيه كمان !!!
سامر بحده : بطلي زن بقا و يلا علي اوضتك !!
ماسة و هي تنظر الي والدها نظره رجاء كأنها تتحدث معه في صمت و لكن لم تجد منه اي استعطاف !!!!
ماسة و هي تمسح دموعها : انا مش موافقه !!
سامر بعصبيه : بتقولي إيه انتي ملكيش رأي اصلاً !!
ماسة بصويت : ملكش دعوه بيا بقا ملكش دعوه بيا انت مالك يا اخي !!!
اقترب منها مازن ثم اردف : تعالي يا ماسة روحي اوضتك !!
نهضت ماسة من جلستها و اقتربت من والداها بضعف محاولاً استعطافه !!!
ماسة بضعف : بابا بالله عليك بلاش و النبي الجواز بالطريه دي و النبي !!
يحيي : رافضه ليه طيب
ماسة ببكاء : مش عايزه اتجوز دلوقتي و النبي لا بلاش تكسرني انت بالذات و الله ما هستحمل انك تيجي عليا هموت و قتها والله و النبي بلاش !!
يحيي بشفقه : ياحببتي انا مش هعشلك طول العمر انا عايز اطمن عليكي وانتي في بيت جوزك !!
ماسة بلهفه : ربنا يديك طولة العمر يا بابا بس بلاش و النبي !!
سامر بحنق : انتي هتوقعي كلامنا في الارض و لا إيه دا كلام رجاله !!
ماسة بعصبيه : ملكش دعوه بقا انا بكلم بابا انت مالك كفااايه بقااا !!!
جاءت ولدتها علي صوت ماسة بقلق و جدتهم في شجار هي و سامر كـ لمعتاد !!
امال بقلق : في إيه
ذهبت ماسة نحوها سريعاً و مسكت يداها : ماما و النبي الحقيني بابا عايز يجوزني حازم صاحب سامر !!
امال بصدمه : إيه جواز إيه
سامر بحنيه ذائفه : يا ماما دا عريس كويس جداً يترفض ليه !!
نظرت اليها امال : حازم كويس جداً و هيحافظ عليكي يا بنتي عريس ميترفضش !!!
تركت ماسة يداها و رجعت خطوه الي الخلف لماذا لم احد يفهمها والداها سمع حديث سامر و مثر علي هذا الزيجه و ولدتها التي ظنت انها تقف بجانبها خذلتها ايضاً !!
ماسة بهمس : ماما انتي بتقولي إيه
يحيي : خلاص يا ماسة الجماعه جاين بعد بكرا جهزي نفسك و خدي اليوم دا اجازه من الشغل !!!
امال بسعاده : مبروك يا روح قلبي عقبال ما اشوف عيالك انتي و اخوكي !!
ماسة و هي تهز رأسها : مش موافقه و النبي لا علشان خاطر ربنا متعملوش فيا كدا و النبي !!
يحيي بضيق : بنعمل فيكي إيه بس دا جواز !!
ماسة بنفي : مش عايزه اتجوز !!
سامر بحده : احنا هنتحايل عليكي ولا إيه العريس جاي و هتقبليه !!
ماسة بعصبيه : انتت مااالك ملكش دعوه يا اخي دي حياتي انا مش حياة حد تاني !!
صفعها سامر بقوه علي وجنتها بشده و ضعت ماسة يداها علي خدها بألم شديد من صفعته !!!
دلفت نسرين و الدايها رأه سامر و هو يصفع ماسة علي وجهها اصتدمه من التي يحدث !!
قبض سامر علي شعرها : بقا انتي بتقولي دي حياتي انتي مش عايزه تتجوزي علشان تدوري علي حل شعرك صح ولا إيه !!!
يحيي بغضب : انت يا حيوان بتمد إيدك عليها و انا واقف !!
سامر بغل : دي واحده عايزه تتربي من اول جديد طالعه بلبس الصبح و راجعه بلبس تاني و الساعه عدت 12 تقدري تقولي كنتي فين !!!
كانت ماسة تبكي بصمت علي ألم وجهها و شعرها ايضاً التي يقبض عليه بيده !!
يحيي بآنتباه : كنتي فين يا ماسة !!
ماسة ببكاء : كنت في عشاء عمل يا بابا و بما اني السكرتريه فـ كنت لازم اروح !!
سامر و هو يزيد من قوة شدته : امممم عشاء عمل مع مين إن شاء الله !!
ماسة بعصبيه و دموع : اوعي بقا ينتقم منك ربنا حسبي الله و نعم الوكيل فيك يا سامر علي الي انت بتعمله و ربنا مش بيسيب حق حد !!!
سامر بسخريه : الشيخه بتتكلم !!
يحيي بآنزعاج : خلاصة الكلام العريس مش هيترفض وانت سيب اختك !!
ترك سامر شعر ماسة ذهبت ماسة نحو والداها سريعاً و مسكت يده و ظلت تقبله عليها !!
ماسة برجاء : والنبي يا بابا لا علشان خاطر ربنا !!
مسك يحيي وجهها بين يده سريعاً و هو يمسح لها و جهها بحنيه و شفقه ايضاً و بعد ذلك اخذها بين احضانه و ظل يربط علي ظهرها !!
يحيي بحنيه : أهدي دي مقابله و إن شاء الله ربنا يحلها من عنده و لو كان خير ليكي هيفضل من نصيبك و لو ملكيش خير فيه ربنا هيبعده عنك !!
ظلت ماسة تبكي بين احضان والداها و هي تدعي الله بأن لا تتم هذا الزيجه !!!
نظر اليها الكل بشفقه علي حالها هكذا معادا سامر كان ينظر اليها بكره غادره الغرفه جميعهم و تبقي يحيي و ماسة داخل احضانه !!!!
فماذا يحدث يا تري !!!
~~~~~~~~~~~~~~~~~~~~~~~~~~~~
رجع فهد الي منزله و دلف الي الداخل وجد المنزل لم يوجد بيه احد فعلم انهم ذهبه الي غرفهم !!!
صعد الي غرفته اخذ ملابس بيتيه و دلف الي المرحاض ليأخذ شاور سريع بعد مرور ربع ساعه خرج و هو يرتدي سروال مريح بالون الاسود و عليه تيشرت رصاصي داكن سرح خصلات شعره و تسطح علي الفراش و ظل يبعث في هاتفه !!!
سمع طرق علي باب غرفته سمح له بالدلوف و كان والده نهض فهد من علي فراشه سريعاً !!
فهد بآحترام : اتفضل يا بابا
جلس محمد علي الاريكه و جلس فهد امامه !!!
محمد : كنت عاوز اتكلم معاك يا فهد !!
فهد : طبعاً يا بابا اتفضل !!
محمد : هو الي حصل النهارده ينفع !!
فهد بعدم فهم : حصل إيه النهارده !!
محمد مذكراً له : شيلك لماسة و نومها في اوضتك لما تخرج معاك النهارده و تتصور معاك قدام الصحافه و انت و هي نزلين مع بعض اخواتك هيقوله إيه يا فهد مفيش كبير في البيت ولا انت فكرت ازاي !!!
فهد بأحراج : يا بابا هي كانت معايه في العربيه و عقبال ما وصلتها بتها كانت نامت و كان باين عليها التعب مكنش ينفع اطلعها فوق و هي نايمه !!
محمد بلوم : بس ينفع تصحيها تقولها و صلنا لكن تجبها هنا و أنت شايلها و تنام في اوضتك دا غلط يا فهد دي بنت علشان سمعتها و كلام الناس كتير !!
فهد بحرج شديد : فعلاً كنت اقدر اصحيها بس والله كانت رايحه في النوم اوي و استحرمت اصحيها فـ جبتها علي هنا ماما قالت الاوض بتاع الضيوف محتاجه تنظيف فكرت اوديها عند سيدرا بس حضرتك عارف اني مش بدخل اوضة اختي و هي نايمه علشان حريتها فـ اطريت انيمها في اوضتي مكنش قدامي حل تاني !!
محمد : ماشي يا فهد انا حبيت اعرفك علشان متتكررش تاني مهمة دي بنت ناس برضه انت معلكش اي عيب بس بيمسكه في البنت و ماسة غلبانه اوي و طيبه !!
فهد : حاضر يا بابا انا اسف !!
محمد : طب إيه والله كان نفسي اخطبهالك !!
فهد بصدمه : تخطبلي مين !!
محمد بضحك : ماسة دي سكره !!
فهد بحسره و ضحك : حرام عليك والله انا بعاملها كأنها بنت اختي والله هبله اوي و عندها برجين طايرين من دماغها دي بتقولي يا شبح !!
محمد بضحك شديد : بجد والله انتو هتبقو مسخره واحد عاقل و عصبي و التانيه هبله و عبيطه !!
فهد بشرود : مش هننفع لبعض !!
صمت محمد فاجئه علم ما سبب شرود ابنه نظر اليه بحزن شديد و علي ذكرياته التي مهما طال بها الزمن ستبقي مؤلمه و توجع صاحبها !!
محمد بحزن : كفايه يا فهد
انتبه له فهد : كفايه إيه
محمد بخزي : سامحني يابني هي !!!
قطع فهد حديثه بألم : خلاص يا بابا بالله عليك انا مش قادر اتكلم في الموضوع دا !!
نهض محمد و هو ينظر اليه بشفقه : تصبح علي خير يابني
فهد بصوت مخنوق : وحضرتك من اهله
غادر محمد الغرفه و هو يأنب نفسه عما فعله بينما فهد ظل جالس مكانه و كل الذكريات تدور في رأسه هبطت دمعه منه علي فراق اعز ما لديه !!!
فماذا حدث يا تري !!!
~~~~~~~~~~~~~~~~~~~~~~~~~~~
بينما دلفت ماسة الي غرفتها بدلت ملابسها و دموعها مازالت تهبط جلست علي الفراش بعد ان بدلت ملابسها و ظلت تبكي و كأن الارواح تتقابل في الالم و الذكريات المؤلمه فقط !!
كانت ماسة تتحدث مع فهد كل ليلة حتي يذهبه في النوم و لاكن اليلة اختلفت عليها عندما علمت بالعريس التي سوف يتقدم لها و موافقه والدها ظلت بتبكي بحسره علي حالها حتي غفت في النوم !!
استيقظت صباحاً علي صوت المنبه كعادتها نهضت من علي الفراش و دلفت الي المرحاض اخذت شاور و خرجت سرحت شعرها و اخذت الهاتف و حقيبتها خرجت من الغرفه و جدتهم يناوله الفطور !!
القت عليهم ماسة التحيه بصوت مبحوح : صباح الخير
الجميع : صباح النور
سامر بسماجه : العريس جاي بكرا
لم ترد عليه ماسة ثم اردفت : مازن فين !!
نسرين : مازن تحت بيجيب العربيه علشان يوصلك
ماسة : تمام
محمد : اقعدي يا حببتي افطري
ماسة بنفي : لا يا عمو مليش نفس
صفاء : يابنتي كل يوم تنزلي من غير فطار كدا ماينفعش انتي خسيتي اوي !!!!
امال : اقولها كدا مش مصدقه
يحيي : تعالي افطري يا حببتي و بعدين انزلي
ماسة : مش قادره والله هفطر في الشركه !!
نسرين : هتيجي النهارده
ماسة : فين
نسرين : رايحين السنتر علشان الفساتين كلنا نقينا و هنروح نقيس و نتفق هناخدهم امتي عقبال ما يجهزه !!!
ماسة بأيماء : تمام انا هنزل سلام
هبطت ماسة من المنزل وجدت مازن ينتظرها في سياراته ركبت السياره و ذهبه !!
مازن : هتعملي إيه
ماسة : مش عارفه انا مش عايزه الجوازه دي تتم اعمل إيه و بابا مصمم و سامر مثبت الموضوع في دماغ بابا اوي !!!
مازن : نفسي امسك سامر اخوكي اديله ميت قلم علي وشه في كميه سماجه يا سااتر !!
ماسة بحزن : ربنا يحلها من عنده بقا !!
اوصل مازن ماسة و بعد ذلك رحل بينما ماسة صعدت الي الدور المخصص لها بالعمل وجدت شهاب في مكتبها مثل كل مره !!!
ماسة و هي تجلس : صباح النعناع !!
شهاب : صباح الخير !!
ماسة بمرح : لو ورق اتسرق هقول لفهد انك انت الي سرقته
شهاب بضحك : انا ليه بقا
ماسة : ياجدع كل ما اجي القيك قاعد علي المكتب تحس انك وارثه وانا معرفش !!
شهاب بحنق : تصدقي اني غلطان علشان فهد طلب اوراق و انا كنت بخلصها !!
ماسة بآستغراب : فهد هو فهد جيه بدري اوي النهارده ليه !!
شهاب : معرفش والله
ماسة : المهم انت فطرت
شهاب : لا
ماسة : انزل هات اتنين اندومي بالخضار و نفطر مع بعض !!
شهاب بآستغراب : هو في حد بيفطر بـ اندومي
ماسة : يسطا انا يلا بقا عقبال ما ادخل الورق لفهد اه بالحق هي انثي الكلب لسه مجتش !!!
شهاب بضحك : لا لسه
نهضت ماسة و اخذت الاوراق و طرقت علي باب مكتب فهد بينما شهاب هبط لـ يجلب لهم الاندومي !!
دلفت ماسة بعد ان سمح لها فهد بالدلوف !!
ماسة : صباح الخير
فهد بأرهاق : صباح النور
ماسة و هي تجلس : مالك يا فهد !!
فهد : مليش انا بخير يعني لما اتصلتيش امبارح !!
ماسة متذكراً ليلة امس : دا كان يوم ما يعلم بيه الا ربنا و اتخنقنا جاامد !!
فهد : خير إيه الي حصل
ماسة بحزن : واحد صاحب سامر عاوز يخطبني !!
فهد بتفاجيء : بجد مبروك
ماسة دمعت : مبروك إيه انا رافضه و بابا مُصر علي الجوازه و العريس جااي بعد بكرا !!
فهد بحيره : طب مع الخطوبه تحبه بعض إيه المشكله طبيعي انك تكوني رافضه الاول بس انتي لسه متعرفهوش !!
هبطت دمعه من ماسة ثم اردفت بصوت مبحوح : اصعب شيء انك تكون بتحب شخص و هو مش حاس بيك دي بتوجع اوي يا فهد !!
فهد بمرح : و أنتي بتحبي مين يا صغنن !!
ماسة مغيره مجري الحديث : دي الاوراق الي اشتغل عليها شهاب
اخذ منها فهد الاوراق و نظر اليها ثم اعطاها اوراق ثانيه لكي تعمل عليها !!
فهد : دا ورق المناقصه راجعيه اخر مره علشان احطه في الخزنه و أكدي علي البنود !!
اومأت له ماسة ثم غادرت الغرفه و كان شهاب جلب الاندومي و ينتظرها جلست معه و شرعه في تناوله
ماسة بتلذذ : الله إيه العظههه دي لا و كمان جايب بيبسي شالله اشوفك عريس !!!
ضحك عليها شهاب ثم اردف : بألف هنا !!
بينما بالداخل مسك فهد هاتفه و تحدث مع رئيس الحرس و ذراعه الايمن في جلب المعلومات له عن اي شريك يريد ان يتعامل معه !!
فهد بهدوء : اعمل الي قولتلك عليه يا عبدالله !!
عبدالله : تحت امرك يا فهد بيه !!
انتهت ماسة من تناول الطعام و شربت البيبسي و بعد ذلك راجعت الاوراق الخاصه بالمناقصه و بالاخص البنود تممت عليها ثم اغلقت الملف !!
اخذته و نهضت لكي تعطيه لفهد طرقت علي الباب و بعد ذلك فتحته عندما اذن لها بالدلوف لكن تصمرت ماسة مكانها من التي رأته امامها !!!
ماسة بصدمه : ……………
يتبع…
لقراءة الفصل التالي : اضغط هنا
الرواية كاملة اضغط على : (رواية ستظل ملكي)
♥♥♥
♥♥♥♥
♥♥♥♥♥
جميل جداً ♥
روايه بقيت نزلت؟
♥♥♥🤍
عجبني جدا ❤🍒
🤍🤍🤍🤍🤍
وااو حبيت الروايه كتير🥰
عجبني جدا 🍒❤
عجبني جدا والله 💋
عجبانى الروايه 😍
لقد تركت خمس تعليقات بالفعل 🥺😭
وانا كمان
تحفهةبجد
♥♥
اكتر روايه حبتها
🥹❤❤❤❤❤
❤❤❤❤❤
جميله جدا
الروايه حبتها اوي ونفسي اكمل قريتها
♥♥♥♥♥
بقيت الروايه فين
وانا كمان
روعه بجد
جامده
تحفه بمعني الكلمه
نفسي اكملها