رواية فضيحه في الحي الشعبي الفصل الخامس عشر 15 بقلم منة محمد
رواية فضيحه في الحي الشعبي الجزء الخامس عشر
رواية فضيحه في الحي الشعبي البارت الخامس عشر
رواية فضيحه في الحي الشعبي الحلقة الخامسة عشر
حسين بيكلم زميل ع التلفون : تعرف انا جعان لدرجه بفكر انزل اشتري سندوتشات تاني الله جيهان
جيهان: اهلا يا حسين
حسين قفل الموبيل: انتي مش فرحك كمان يومين اوعي تقولي اتأجل المفروض تقعدي في البيت ليه جيتي هنا
جيهان: ما باليد حيله مش لاقين تول كون وانا مضطره اجي بكره كمان لحد ما يلاقوا غيري بس محدش موافق ع الشغلانه بعقد مؤقت الكل عايز يتعين
حسين: عندك حق بس متقلقيش هنلاقيلها حل وصدقيني هنلاقي واحده واليوم وهتشوفي
جيهان: ان شاء الله
ايمان قربت من جيهان: السلامو عليكم
جيهان: وعليكم السلام
ايمان: عرفت انهم طالبين موظفه تول كون
جيهان: اه انتي جايه عشان تقدمي
ايمان: ايوه
جيهان: هاتي ملفك وانا هروح ابلغ المدير اتفضلي اقعدي
ايمان شكرتها وراحت قعدت ع الكرسي لحد ما هو بيلف لمحها اتعجب جدا وراح قعد جنبها وصفر: الله الجو جميل ( بصلها) معقول انتي
ايمان: انت هنا
حسين: ده المفروض يبقي سؤالي لان انا شغال هنا انا محرر مميز اهلا بيكي بس انتي جايه هنا ليه
ايمان لفت وشها وبعدت عنه
حسين: مالك معجبكيش وانا بعرفك ع نفسي يا انسه ايمان
ايمان قامت من جنبه وطالعه ع بره وهو مسك ايدها وهي حدفتها بتعصب: انت ازاي تمسكني كده
حين: انا اسف والله اسف انتي عندك حق مكنش يصح امسك ايدك بس انتي رافضه تسمعيني شوفي انا عارف كويس انك محتاجه للشغل ازاي تمشي من غير ما تتعيني
ايمان بعصبيه: مين انت عشان تقرر اشتغل هنا ولا امشي
حسين: انا ولا حد بس نيتي خير والله عارف لو استنيتي هتاخدي الوظيفه وانا ممكن اذكيكي عند المدير بنفسي
ايمان: انا مش محتاجه اي توصيه منك ابدا
حسين: انتي ليه فهماني غلط انا عايز بس اساعدك
ايمان:وانا مش محتاجه لمساعدتك انا الغلطانه مكنش لازم اتعامل مع واحد غريب للدرجه دي قولي انت ليه ماشي ورايا في كل مكان وبتظهر قدامي متعمد
حسين: وانا ليه هتعمد امشي وراكي انا قابلتك اليوم بالصدفه مفيش حاجه تانيه وكل الي عايز اقوله لايمكن تسيبي الشغلانه بس عشان غضبك مني هما هنا هيشغلوكي لمده 3 شهور لو عجبهم شغلك هيعينوكي ع طول دي فرصه مش هتيجي غير مره واحده انسه ايمان ارجوكي متفهمنيش غلط انا واقف اشرحلك واعملي الي تشوفيه صح
ايمان رجعت ودخلت للمدير الي قالها انها مش مؤهله وهي قالت له انها شاطره وهتتعلم بسرعه ووعدها يشوف ويرد عليها لحد ما حسين لمحها خارجه وخبط ودخل للمدير
حسين فتح الباب: هو ممكن ادخل
المدير: تعال
حسين: بصراحه جيت اطلب منك طلب
المدير: اه اقعد يا حسين
حسين قعد: بخصوص البنت الي جات تقدم للوظيفه انا اعرفها شخصيا هي بنت مسكينه ومحتاجه للشغل وفيه مكان فاضي في التول كون عايز حضرتك تديها فرصه
المدير بستفسار: هي قريبتك
حسين: لاء هي مش قريبتي بس انا بعتبرها جارتي
المدير: وعايزني اعينها عشان توصيتك رغم معندهاش اي خبره ولا شهاده غير دبلوم
حسين: بس هي شاطره والشهاده مش هي الي بتدينا الموهبه اديها فرصه واحده , واحده بس وانا اوعدك بانها مش هتخيب ظنك
المدير: تمام ياحسين هنشوف
حسين طلع وراحلها عند الاسانسير: سوري
ايمان بضيق :انت ايه حكايتك معايا تاني
حسين :هنتكلم في حكايتي بعدين قوليلي عملتي ايه في المقابله كانت كويسه
ايمان :عادي
حسين: بس انا واثق انك هتخديها بأذن الله
ايمان: وازي اجزمت اني هاخدها وبعدين انت ليه مهتم بأمري للدرجه
حسين: انابس مش عايزك تخسري فرصتك لاني بشتغل هنا انا عارف كويس بنت عايشه لوحدها ومحتاجه امر صعب جدا القدر خبط ع بابك ليه تتجاهليه عشان واحد كلمنجي زي شغال هنا وبيفضل يلف حواليكي طول الوقت
ايمان: انا مقلتش عليك كده ابدا
حسين: مش مهم تقولي شئ لفظي كل مره عينك بتظهر كده في اسلوبك وتصرفاتك انا فيا عيوب كتير بس انا مش كلمنجي ولا بعاكس حقيقي معنديش نيه وحشه قابلتي اهلي ولسه بشكي فيا برغم كل ده, بس تمام مش هظهر تاني قدامك وع فكره الانسان مننا لازم يجي عليه وقت يثق في الغير والاهيبقي لوحده
ايمان: حتي لو اتعرضت للخداع ازاي ارجع اثق في حد
حسين :طبعا لازم نرجع نثق هل صوابعك زي بعضها فاهمه الي بحاول اقوله لسه فيه ناس كويسين في الدنيا
ايمان: وانا مش مصدقه كلامك لان كل واحد مخبي وشه الحقيقي وللسبب ده صعب اثق في حد ويله سلام
حسين: مع السلامه يا ايمان
…………………………………………..
يوم جديد واشرقت شمس جديده ع حياه ايمان لبست وخارجه
نعناعه: انتي رايحه ع فين من النجمه
ايمان بصتلها: رايحه ويمكن استلم شغلي
نعناعه: انتي ليه هتموتي للدرجه ع الشغل ويارتها شغلانه عدله كنت افهم موقفك الاول اشتغلتي في الاتوبيسات وشوفي حصلك ايه سمعتك اتشوهت ودلوقت هتردي ع تلفونات وانتي معندكيش شهاده تخالي حد يشغلك شغلانه محترمه اسمعي كلامي وشوفي لنفسك عريس واسسي حياتك والا البنات الجميله امثالك محدش هيسيبهم يعيشوا مرتاحين وفي حالهم
ايمان: الف شكر ع نصيحتك
نعناعه: بس تعرفي الي حصلك انتي كمان مسؤله عنه لما تروحي تحبي واحد مش من توبك وغني يحصلك كده وتنطي تقعدي في كل بيت شويه الاول بيت اختك والتاني بيت عمك انا شوفت كتير بنات من عينتك وهما بيتحطموا جربي بنفسك فلو مأخدتيش الشغله دي ابوس ايدك اطلعي ع القاهره مفيش داعي ترجعي هنا وظروف العيشه قدام عينك احنا بالعافيه بنقدر نشبع بطونا وبطون عيالنا وانتي عارفه الباقي
……………….قصص منه محمد كاتب…………………….
ايمان استلمت الوظيفه ورجعت مبسوطه وجايبه علبه جاتوه
صالح : مبروك يابنتي الف مبروك بجد مش مصدق اشتغلتي بسهوله
نعناعه بحقد :اصل الحلوين محظوظين يبه صحاب الشركات بيشغلوا البنت لجمالها محدش بيهتم لا بتعليم ولا بشهاده
صالح بغيظ: ايه الدبش الي بتقوليه ده في مناسبه حلوه ايمان بنت مجتهده وتستاهل وعشان ربنا بيحبها قبلوها في الشغلانه دي
باتعه مكشره: ودي مرتبها كام
ايمان ببساطه :4000جنيه
نعناعه شهقت: كام 4000 شايف يا رضوان البنات حظهم نار بقالك عشرين سنه شغال في الحكومه بس انا بعرف امشي البيت 2000 جنيه
صالح : يابنتي اسكتي شويه ده بدل ما نباركلها
نعناعه : اباركلها ع ايه كانها هتشتغل ليا
ايمان: انا هروح اعملكم شاي
صالح : يجعلها وش السعد عليكي يا بنتي
ايمان دخلت وري نعناعه المطبخ: نعناعه امسكي المبلغ ده
نعناعه بتعجب : ايه ده
ايمان: اخدت سلفه من الشغل
نعناعه :وليه بتدهاني
ايمان : عشان انامقدره الظروف وعارفه لو فضلت قاعده هنا هبقي عبئ تقيل عليكم فقلت تخليه معاكي
نعناعه: اه يعني بتديني رشوه شيفاني وضيعه للدرجه
ايمان هزت دماغها بنفي :طبعا لاء انتي فاهمه غلط انا عايزه اعيش واحده من البيت عشان كده خلي المبلغ معاكي
نعناعه :ماشي هاخده طالما مصممه اصل انا مش باخد فلوس من الضيوف اسمعي متقوليش لـ امي ورضوان بامر الفلوس ولا هيفكروا اني اجبرتك تديني رغم انتي الي صممتي اخده انا مطلبتهوش
ايمان بأبتسامه: اطمني مش هقول لحد ده هيفضل ما بينا احنا وبس وكل شهر هديكي نص مرتبي بس متقوليش لحد في البيت ابدا
نعناعه بفرحه :ماشي اتعشي قبل ما تنامي
ايمان: لاء اتعشيت في الشغل تصبحي ع خير
نعاناعه :وانتي من اهله
ايمان دخلت غرفتها وكلمت اسماء وحكتلها كل الي بيحصل
اسماء: ليه تديها فلوس لو عايزه تقعدي في البيت كنتي ادي عمتك وجوزها عشان يعرفوا انك مش قاعده ببلاش نعناعه واحده جشعه وطماعه لدرجه هتطلب منك الفلوس كل شهر وانتي زي الغبيه عشان تديها نص مرتبك كل شهر
ايمان :يا اسماء افهمي انا بشتري معاملتها لو كان اسلوبها هيتغير بالفلوس تاخدها عشان انا ارتاح من لسانها لحد ما امشي من هنا مش عايزه افضل عايشه معاهم طول حياتي بفكر اشوف شقه ع اخر الشهر الجاي
اسماء :وليه تعيشي لوحدك خليكي مع عمتك وطالما هتديهم فلوس كل شهر خليكي هناك
ايمان: انا مش قادره اكمل معاهم انا عايشه في اوضه ولا البهايم وضيقه بتخنق فيها
اسماء :مش مهم المهم انك عايشه وسط اهلك وناسك مش هينفع تعيشي لوحدك غير لما تتجوزي
ايمان بغضب :مدخليش الجواز في كل حاجه دايما
اسماء: لان الجواز شئ مهم للبنت وخصوصا البنات الي زينا الي ملهمش حد طلعي فكره انك تعيشي لوحدك من عقلك لان مفيش شاب هيحترمك لما يشوفك عايشه لوحدك
ايمان: انتي عامله ايه والعيال كويسين
اسماء: وحشتيهم اوي وبيسألوني عنك كل يوم ( نزلت دموعها) وانا بقيت وحيده من غيرك يا ايمان وحاسه كأنك اخدتي حته من قلبي معاكي
ايمان: وعم عاكف اسلوبه معاكي عامل ايه
اسماء بقهر وزهق: هو متغيرش زي ماهو وانا مستحمله عشان عيالي ولا مش طايقه اشوف وشه لا هو ولا امه بس عيالي الي لوين دراعي لما تبقي ام وقتها هتعرفي المهم طمنيني عليكي ع طول وخالي بالك من نفسك
ايمان: مع السلامه
………………………….قصص منه محمد كاتب…………………….
في الفيلا
علا: تعرف اشتقت لـ اروبا بمجرد ما وصلنا بلدنا البلد هناك حلوه
تميم بيلبس وكل تفكيره في ايمان وندمان ع الي عمله فيها ونفسه بشوفها بأي طريقه
علا تابعت كلامها : احنا رجعنا واول ما وصلت بدئت تقلق ع الشغل بابا في غيابك اهتم ايه لزومه تروح الشركه
تميم بجمود: هو انا كام مره هفضل افهمك متمنعنيش وقت ما اعوز امشي ضيعت وقت كتير بسببك وبسبب شهر عسلك
علا شاورت ع نفسها : شهر عسلي ولا شهر عسلنا هو انت سافرت بيا عشان تسعدني
تميم بصلها: انا مسافرتش عشان سعادتك سافرت عشان انانيتك انا عمري ما اهملت شغلي وسيبته المده دي في حياتي خسرت ملايين وانتي لسه عايشه في اروبا اخرجي من حياه شهر العسل الحياه مش كلها خروجات وفسح وترفيه وعشان نعيش في نفس المستوي لازم اشتغل ليل ونهار
علا بعجرفه: انا طول عمري متعوده اعيش الحياه بالاسلوب ده انت مش بتعمل فيا جميل لما تعيشني في رفاهيه بابا اشتغل ليل ونهار عشان يخلي شغله ناجح و خسر مكانه بسبب علاقتك مع البنت الوضيعه
تميم صرخ فيها: اخرسي وبحذرك من هنا ورايح لو نطقتي اسمها قدامي هيبقي اخر يوم ليكي معايا في البيت انتي سامعه
………………………….قصص منه محمد كاتب…………………….
في الجريده وقت البريك البنات قاعدين يشربوا شاي بعد الاكل وفات حسين من جنبهم من غير ولا كلمه
بنت : هو ماله حسين النهارده مسلمش علينا زي عادته
بنت تانيه: اكيد حب بنت تانيه وحرجت عليه يكلمنا
بنت: بالسرعه دي هو كان بيعشق جيجي من سنين
ايمان بفضول: مين جيجي
البنت: جيجي دي البنت الي كان بيحبها حسين اوي وكانوا متفقين يتجوزه لكن بعدها راحت عاشت قصه حب براجل غني من نفس طبقتها والمسكين لسه خارج من مرحله اكتئاب بعد فتره طويله وبعد صعوبه كبيره نسي حب جيجي وتعرفي نفسه يبقي غني عشان ينتقم منها
بنت: وسمعته في مره بيقول نفسه يتغني بسرعه بس الدنيا مبتديش المحتاج ابدا
البنت: بجد كلنا كل ما بنشوف واحد زي حسين مرح ومبتسم بنزعل عشانه و بيحاول يسعد كل الي حواليه والقريبين منه
ايمان بصتله بتأثر شويه وبعدها الكل قام عشان يتابعوا شغلهم
حسين فايت من قدامها ومره واحده ووقف وقال: اسف ازيك بصراحه جيت اقولك انا رايح القسم اكتب عن حادثه هناك وعشان كده يمكن اتأخر وهطلع ع البيت لو المدير سأل عني قوليله هتقوليله مش كده
ايمان ابتسمت: ايوه , استاذ حسين
حسين: نعم
ايمان: انا كنت عايزه اتكلم معاك ومش عارفه ازاي
حسين بسعاده: مش عارفه انا اعرفك وانا بعيد ها ايه الي عايزه تقوليه اتفضلي
ايمان: انا عايزه اعتذرلك
حسين بستغراب: وليه تعتذرالي
ايمان: عشان غلط فيك كتير من غير ما اعرفك مكنش الصح افكر فيك بالشكل ده صدقني كل الي قلته كان في لحظه غضب انا مكسوفه اوي من نفسي مكنش يصح اعمل كده
حسين ابتسم: في دي عندك حق عارفه انا قلبي حجم البليه ولما حد يشك فيا وفي نيتي وقتها مش بقدر اتحمل ابدا ( مثل البكاء) اسف جدا كنت بهزر ليه اتأثرتي انتي قلتلي حاجات وانا نسيتها عارفه ليه لانك عرفتي غلطتك ودلوقت انتهي سوء الفهم لكن اسمعي اياك تتكلمي معايا كده تاني اتفاقنا
ايمان: لاء مش هيحصل
حسين: توعديني وعد يله باي
………………….قصص منه محمد كاتب…………….
هويدا: امسك الشاي ياحسين
حسين بصلها وهو مبتسم : متشكر يا دودي
هويدا ضربته ع ايده بمرح: شيفاك بتبسم كتير اليومين دول ايه الحكايه بدئت تعجب بأيمان
حسين: اعجب انا مغرم بيها ووقعت في الحب وادهولت عارفه يا ديدي لما شوفتها اول مره وقتها عرفت انها اتخلقت عشاني لوحدي
هويدا: مانت ياحسين قلت كل ده لما شوفت جيجي اول مره
حسين: ده بقي عيب الاخوات الواحد يقعد يحكي بكل حاجه جواه وبعدها يسمع تريقه منكم ومتقفليش مزاجي باسم جيجي دلوقت وبعدين فيه فرق بينها وبين ايمان
هوايدا: في دي عندك حق جيجي كانت كل همها الموضه والالماظ لكن ايمان بنت بسيطه وجميله مفيش وجهه مقارنه بينهم
حسين: هو انتي مفكره بحب ايمان عشان جمالها
هويدا : احنا عندنا فكره عامه ان الجمال الحب بيحصل بسببه
حسين ضحك: عارفه لو ركزتي في كتبك بالشطاره دي كنتي اخدتي الدكتوراه مش قاعده تهرتلي هنا ايمان مختلفه عن كل البنات هي صادقه مش مزيفه ابدا ومتواضعه
هويدا: ما تروح تطلب ايدها
حسين: هعمل ده لما افوز بقلبها الاول واكسب ثقتها وبعدها هعرف لو كانت بتحبني ولا لاء
هويدا: لكن فكر بتمعن في الي هتعمله يا حسين انا مش عايزك تتعرض لصدمه في الحب زي الي فاتت ومش عايزه اشوفك حزين او مكتئب ابدا وماما عايزك تتجوزك وتفرح بولادك
حسين: اه المشكله هي ماما تفتكري هتوافق ع ايمان
هوايدا :مستحيل امك توافق ع بنت من طبقه ايمان اصلها مش احلام امك ابدا عايزك تتجوز واحده غنيه عشان توصل بسرعه
حسين : وانا مش هعمل كده ابدا مش هتجوز واحده اعلي مني عشان تفضل تزلني وتتعجرف عليا وصدقيني الحب الي حبيته لجيجي كان اكبر غلطه في حياتي ومش هكررها ابدا جرحتني كتير انا عايز بنت زي ايمان الي تحبني بكل صدق عندها قلب نقي وصافي واكون الراجل الوحيد في حياتها ومفيش حد تاني وتحبني انا لوحدي لوحدي
………………………………….
ع السفره
تميم بينه وبين نفسه: ايه الي بيحصل رغم الي عملته فيها ليه مش عايز اخرجها من عقلي ليه بيحصل معايا كده انا طردتها من حياتي وبدئت اكرهها امال ليه بتظهر قدامي ليه مش مرتاح وايه اخرتها
علا اتكلمت :تعرف صور شهر عسلنا عملت ضجه كبيره محرر المجله اتصل بيا وقالي لهم رغبه ينشروا صورنا اول صفحه وهيكتبوا ده اجمل ثنائي لبدايه العام ليه مش متحمس لكلامي
تميم من غير ما يبصلها: ايه التحمس الي فيه مش فاهم
علا : انت ايه الي جرالك يا تميم ليه متجاهل كل كلامي وكل ما اسالك سؤال تهب فيا كده انا ملاحظه انك مضايق من مده كل حاجه بخير
تميم : كله بخير قللي من كلامك وبس
علا :من امتي بدئت تضايق من كلامي معاك
تميم بحده : ليه بتسأليني كل الاسئله دي انتي ايه حكايتك
علا بنفعال: انا الي حكايتي ولا انت الي حصلك ايه ليه بتتصرف معايا كده طول الوقت مزاجك متعكر انا بدئت اخاف حتي اتكلم معاك كلمه انت نسيت الضحك
تميم حدف الشوكه : هو انا فرقع لوز اقوم انط في كل مكان عشان اضحكك واسليكي انتي اتجوزتيني مش اشترتيني وعايزه تتحكمي فيا روحت فين وليه روحت وليه مضايق وليه مبتضحكش اسمعي اديني مساحه والا هتخنق واخنقك معايا في بيتي
علا طلعت تجري وراه: تميم
…………………………..
ايمان شافت صوره تميم وعلا والقهر اتملك منها ونزلت دموعها وقامت وقفت قصاد الشباك
حسين وهو معدي لمحها: ليه واقفه هنا في اي حاجه
ايمان مسحت دموعها بسرعه وبصتله: لاء مفيش
حسين: ليه بتعيطي
ايمان: مش بعيط حاجه دخلت في عيني
حسين بأصرار: لاء انا شوفتك وانتي بتعيطي لسه حالا
ايمان بشخط فيه : وانا قلت لاء
حسين بأحراج: انا اسف مكنش ينفع اسألك اضايقتي اكتر مني
ايمان بصوت موجوع: مش عايزه اتكلم ممكن تمشي
حسين: هو ممكن اقولك حاجه عمري ما شوفت بنت كشريه وغم زيك في حياتي تهزقي الواحد طول الوقت يابنتي الحياه قصيره جدا اسعدي نفسك فيها
ايمان بقهر: سهل الناس يطلبوا منا نسعد نفسنا مش كده وكأن السعاده محطوطه فوق شجره وهنقطف منها مثلا
حسن: انتي بتتكلمي صح لكن يا ايمان الحياه مش قايمه اننا نتمسك بجذور الحزن وبعدين مين الانسان الموجود في العالم قلبه متحطمش والي قلب شعلل نار يمكن حزنك كبير ومهول بالنسبه لك لكن مش معني كده ان الي واقف قدامك مش حزين اكتر منك في حياه كل واحد فينا حزن بشكل مختلف وانا مش هسألك عن سبب حزنك ومش هسألك عن السبب ده ابدا , كل الي هقلهولك الحياه حلوه اوي فكري في حياتك بأيجابيه وابعدي الطاقه السلبيه وهتشوفي بعدها ان السعاده هتجيلك لحد عندك بنفسها اعتقد اتكلمت كتير ولو كنتي اضايقتي مني ارجوكي سامحيني
…………………………..
علا: كنت بفكر احتفل بعيد ميلادي السنه دي واعمل حفله كبيره لان ده عيد ميلادي بعد جوازي عشان كده لازم يكون مميز عشاني ايه رآيك
تميم بيلعب ع الموبيل ورد بدون نفس: امممم
علا: ليه مش نحجز يخت كبير قولي ايه الي هتجبهولي هديه عيد ميلادي انا لاعايزه الماس ولا الماظ ولاساعات عايزه عربيه رياضيه وكنت بفكر نحجز تكت لرحله حوالين العالم وناخد الصيف كله هناك
تميم بصلها بغيظ وقال: ليه مكفكيش الف في اروبا عشان تقرري سفريه حوالين العالم كله انتي وسعت منك
علا: ده كان شهر عسلنا اما دي رحله حوالين العالم مصيف
تميم: عارفه حياتك بتدور حوالين تلاث حاجات السهر الفسح الشوبنج وبس
علا كشرت بستياء: طيب قولي اعمل ايه اقعد في البيت اعملك صنيه رقاق
تيم بغيظ: قلت الي عندي متجادلنيش
علا: انت شايفني خرساء ولا اميه عشان اتحمل تريقتك وظلمك ليا طول الوقت انا متعوده اعيش الحياه دي واعمل كل الي نفسي فيه وانا لا يمكن اتحمل اسلوبك وتجهمك عليا طول الوقت انا اتخنقت من العيشه معاك
تميم قام زعق فيها وهو بيشوحلها: ليه لسه هنا روحي يت ابوكي عيشه تقرف
…………………………………………….
ايمان طلعت لقت السكه مقفوله لان فيه حادث ع الطريق وقف السكه والكل بياخد طريق تاني
حسين: ليه مضايقه انا هوصلك
ايمان بجديه: لاء بيتي بعيد عن هنا
حسين بمرح: خلاص حسبيني ع حق البنزين( ضحك) ياربي منك انتي مش بتضحكي ع اي حاجه بقولهالك ابدا يابنتي جربي تبتسمي في يوم لتكرمشي بسرعه شوفي انت بنت جميله جدا وتعالي يله هوصلك
ايمان :مفيش داعي ازعجك انا هروح لوحدي
حسين: مفهاش ازعاج لو الصحاب منفعوش بعض في يوم زنقه , انا مش صحبك صحيح انتي مش بتعتبريني صاحب لكن الوقت هيتاخر ولازم نمشي مسافه طويله يله يا ايمان استهدي بالله وتعالي يله ليني دماغك الله يهديكي يا بنتي
ايمان بصت للطريق المقفول واضطرت تركب معاه وقعدت نظراتها قدام
حسبن بصلها: اه بالحق انتي ليه متحفظه كدا دايما ليه متكلمنيش عن نفسك
ايمان ايه الي عايز تعرفه
حسين: عايز اعرف ليه عايشه بعيد عن اهلك في بلد غريبه
ايمان يمكن تستعجب لما تسمع ده انا مليش اهل امي ماتت وانا صغيره وابويا اتجوز واحده تانيه وعاش مرتاح معاها ومع ولاده منها وهو مش مهتم لمكاني ولا انا عايشه حتي ازاي
حسين بس اكيد ليكي اخ قريب منك
ايمان عندي اخت بابا سابني عندها من صغري ولما كملت 13 سنه لقيت اني لازم اعتمد ع نفسي وانزل اشتغل اي حاجه لحد ما اخدت الدبلوم وبعدها جيت عند عمتي لظروف خاصه
حسين اظاهر خرجتي من عاصفه كبيره لحد ما وصلتي هنا
ايمان اتوترت:مفيش حاجه من دي
حسين: انا بقي عامل زي العصفور الحر اوقات اقدر اعرف حال قلب البني ادم من اول ما ابص في عنيه
ايمان: ليه وقفت هنا
حسين مبنتسم: هجيب حاجه من هنا استني بس خمس دقاقق وهرجع في غمضه عين( ضحك) الباب علق دقيقتين اتفاقنا
ايمان فضلت تبص عليه ليه مرتاحه وحاسه انه انسان طيب بس برضو متديش اوي الامان ياعالم
حسين رجع وحدف عليها بوكيه ورد وبيضحكو يقول: ياساتر عمي ده رغاي فضل يديني محاضره والورد ده جبته ليكي
ايمان بتعجب: ليه
حسين :ارجوكي اقبليه وخديه مني ليكي ومتقوليش لايمكن اديكي الورد ماهو مش ضروري يقدم شاب ورد للبنت لما يطلب ايدها للجوزا دي امور عاديه بتحصل في الصداقه مش كده وانا بقدملك هديه لان اليوم عيد ميلادك
ايمان بصدمه: وعرفت منين بعيد ميلادي
حسين بمرحه: سؤال لذيذ عرفت ازاي بصراحه قريت الملف بتاعك في المكتب بحسن نيه اتجسست وفتحته وقريته
ايمان: ايه انت عملت كده
حسين : عارف انه تصرف غير اخلاقي خالص وعيب اتصرف كده عارف وفاهم حسين وحش جدا ومكنش يصح يعمل كده لكن حسين كان عايز يعرف عن ايمان كل حاجه ماهو انتي مش بتقوليلي اي حاجه عنك
ايمان بهدوء: وليه عايز تعرف عني
حسين: لاني عايز ابقي صاحبك وارجوكي متقوليش مينفعش صحوبيه بين الولد والبنت دي امور قديمه وانا كحسين لا اؤمن بيها ابدا نو انا شاب عصري ومتحضر وفاهم اننا عادي نصاحب في حدود وعايز اكون صاحبك المقرب والمخلص وانا واثق انك مش هترفضي طلبي بصي انا عارف انك مريتي بظروف شبهي وقلبك اتكسر في الحب مش كده ولما قلب الواحد مننا يتكسر ربنا بيجمعم سوي ووقتها صحوبيتهم بتبقي مصدر قوتهم
ايمان حدفت عليه الورد: امسك ده انا ولا عايز اصاحبك ولا حاجه منك ارجوك وصلني للبيت بسرعه ولا هروح لوحدي مشي وهنزل من العربيه دلوقت وحالا
حسين رفع كتافه ببرود: براحتك وهتاخدي الورد والطريق واقف ومضطره تخليكي معايا لو عايزه تروحي والسواق هيكون تحت امرك فكري
ايمان رجعت قعدت مكانها واستكانت
حسين ابتسم : فكرتي نمشي طالما ماخدتش اجابه هعتبرها سوق ياحسين ع بركه الله
انسه ايمان شفتك بتتكلمي عن سكن انا عندي واحد اعرفه بيقوم بالمهات دي اذا سمحت لي طبعا ممكن اتكلم معاه
ايمان : هو انت موركش شغلانه غير انك تتصنت ع الناس انت من الاخر عايز ايه وبصراحه
حسين : عايزك تقعدي معايا في مطعم ونشرب قهوه
ايمان: يعني
حسين: يعني المطعم الي بحب اكل فيه واشرب فيه قريب من هنا والقهوه عندهم خيال مقدرش اوصفلك جمالها من حلاوتها
ايمان :بس انا اتاخرت كتير ياريت تروحني
حسين: لسه بدري صدقيني ماهو انا مقدرش اسوق ع معده فاضيه لو عايزه ان السواق يوصلك بالسلامه سبيه ياكل لو سمحتي المطعم هنا شوفي هنعدي التقاطع وندخل شمال وبعدها نطلع خطوتين قدام ونخش يمين ومن هناك وننزل ونلاقي المطعم في الزقاق خلاص قربنا نوصل انتي بس اصبري
ايمان: امري لله لازم اوافق عشان اخلص منك
…………………..قصص منه محمد كاتب…………………………
حسيبن جاب لـ ايمان تورته وعملها عيد ميلاد جميل وطبعا كل شويه تتخانق معاه كالعاده بس هو مكبر منها وكمل الحفله زي ما مخطط وبجد هي قضت يوم جميل وبعدها اخدها وطلع عشان يوصلها لحد ما العربيه مره واحده وقفت بيهم!!!!!
ايمان بقلق: ايه الي حصل
حسين: مش عارف
ايمان: ليه العربيه وقفت فجأه
حسين: هتشتغل اهدي هنزل اشوفها
ايمان نزلت وراه: ها لقيت ايه
حسين: واضح انها اتعطلت
ايمان بتوجس وخوف: ليه
حسين: معرفش دي مش بتحصل الا نادر ومكنتش اعرف انها هتتعطل كده
ايمان مسكت دماغها: الاول المواصلات واقفه ودلوقت عربيتك اتعطلت ايه النحس ده هتأخر لحد امتي
حسين: معرفش مقدرش احدد هشوف العطل فين وبعدها اصلحه
ايمان بهجوم وحده عليه: كل ده حصل بسببك عطلتنا عشان تحتفل بعيد ميلاد سخيف وانت عارف انا عايشه مع اقاربي لو حصل اي حاجه هيرموا عليا التهم
حسين: انا والله اسف جدا
ايمان بنفعال وغيظ: وايه الفايده من اسفك انا وقعت في مصيبه من غير اي ذنب
حسين :انا هروح معاكي واقابلهم واقولهم بان العربيه اتعطلت واتاخرتي للسبب ده
ايمان: بحلفك بالله ما تخليهم يشفوك انا ماصدقت لقيت ملجا بالذل اعيش فيه ومش عايزه اطرد منه بسببك
حسين: وايه الداعي تعيشي مع ناس مش بيثقوا فيكي
ايمان: البنت اليتيمه لا اقاربها ولا احترامها ولا حد يثق فيها
حسين: لاء ده مستحيل ارجعي البيت ولمي هدومك وانا هلاقيلك مكان
ايمان بعصبيه: خالي العطف المزيف ده لتفسك وصلني للبيت باي شكل ارجوك
حسين: تمام فاهم
ايمان تلفونها رن: الو
اسماء بزعيق: انتي فين عارفه الكل قلقان عليكي ازاي هناك
ايمان: اسماء كان عندنا اجتماع والعربيه اتعطلت
اسماء :مفيش داعي تبرري لي روحي بيت عمتك حالا قبل ما يوصل الخبر لـ ابوكي
ايمان: احنا بنحاول
اسماء: انتي مع مين
ايمان :مع زميلي
اسماء : انتي اتجننتي راكبه مع رجل غريب في نص الليل يعني مش عارفاهم لما يشفوكي مع واحد غريب وقتها هيخلقوا قصص وحكايات كتير انا بالعافيه لقتلك مكان يا ايمان لو طردوكي من هناك هتروحي ع فين
ايمان بدموع : اسماء انا
اسماء قفلت السكه وايمان اتجننت عليه: ابوس ايدك قولي هتاخد وقت اد ايه الكل قلق في اللبت قولي لو مش هتتصلح هاخدها مشي لوحدي
حسين: لاء طبعا مينفعش وحاولي تفهمي كلامي الوقت فعلا متاخر وانا مستحيل اسيبك تمشي لوحدك ابدا
ايمان تلفونها رد ردت بخوف: ايوه ياعمتي انا جايه في السكه……ايوه هوصل كمان شويه ………تمام حاضر
ايمان برجاء: احلفك يالله شهل شويه
حسين : خلال خمس دقايق ولله خمس دقايق هحلها
ايمان عيطت وهو اتأثر وقالها :والله خمس دقايق
………………………………………
ايمان: وصلني بره الشارع
حسين: لكن ازاي اوصلك بر احنا قربنا خالص ع البيت
ايمان بغضب: انت ليه مش بتفهم لو الناس شافتك معايا هيتكلموا عليا
حسين بنفس الغضب: افهمي انتي الوقت متأخر لايمكن اسيبك
ايمان: انت مدرك المهزله الي هتحصل لو شافوك معايا
حسين: انا هوصلك لحد البيت وانتهي الكلام
ايمان اتجننت: وقف العربيه هنا
حسين زعق فيها: هوقف ايه الي جرالك
ايمان: هو انت مفكر نفسك نجم بتمثل في فيلم ولا انت بطل انت مدرك المشكله الي وقعت فيها بسببك
حسين بتصميم : تمام انزلي بس انا مش متحرك من هنا لحد ما اطمن انك كويسه مش هسيبك لوحدك في المصيبه دي ابدا انا معاكي وخليني اشوف مين هيتجري يشك فيكي في وجودي
ايمان برقت: نهار اسود رضوان ( نزلت تجري) رضوان اقف سمعني
حسن: مين ده وليه متوتره
ايمان لطمت: رضوان شافني معاك في العربيه معرفش هيروح يقول ايه لعمتي وانا هبرر مش عارفه اقول ايه
حسين: شوفي انا مقدر خوفك وان كل ده حصل بسببي انا اسف وعشان كده هدخل معاكي
ايمان: تدخل فين ارجوك امشي من هنا
حسين: حاولي تسمعي كلامي انا قلت لك ان كل حاجه حصلت بسببي وهدخل افهمهم واشرحلهم الظرف
ايمان: هتشرحلهم ظرف ايه هما دول هيفهموا كلامك انت متعرفهمش انت عملت لي مشاكل بما فيه الكفايه متزودهاش عليا امشي من هنا ومتجيش ورايا
حسين: اسمعيني يا ايمان
……………………قصص منه محمد كاتب…………………………
نعناعه بعصبيه وحقد : كنت عارفه ان الموضوع فيه شاب واكيد هو ده الي هربت معاه يوم فرحها
ايمان دخلت ووشها مخطوف وخايفه من نظراتهم
باتعه: كنتي فين لنص الليل ومين الشاب الي كان موصلك لحد هنا
ايمان بلعت ريقها بخوف وقالت: زميلي في الشغل كان فيه حادثه جامده ع الطريق وجه يوصلني من طريق تاني
باتعه : وقفي مفيش داعي تألفي قصص قدامي انا عارفه البنات الي بيشتغلوا شغلانه زي دي تلف في الشوارع كله بحجه الشغل انا الغلطانه لما وافقت ائوي في بيتي واحده زيك الايام دي ودلوقت مش هتفضلي فيه ثانيه يله امشي
ايمان: عمتي ارجوكي هفهمك انتي فاهمه غلط اهدي واسمعيني
باتعه : مش عايزه اسمع ولا افهم كلامك خدي بعضك وغوري من هنا
ايمان اروح فين دلوقت بلاش تطرديني من بيتك نص الليل بس لو مصممه همشي الصبح في النهار لكن دلوقت اروح فين
باتعه : روحي في مصيبه انا مالي
ايمان: ارجوكي متعمليش فيا كده
صالح طبطب عليها : انا هفهمها يابنتي هفهمها
باتعه طلعت وحدفت الشنطه: غوري من هنا
حسين كان داخل والشنطه جات تحت رجله والكل بصوله بما فيهم ايمان
حسبن بصلها: انا هتكلم معاهم يا جماعه انتم فاهمين غلط مفيش حاجه من الي بتقولوها ابدا انا محرر صحفي واكيد سمعته عني في الاخبار والنهارده حصلت حادثه ع الطريق وانا الي عرضت عليها اوصلها
نعناعه: ومين انت عشان تخش في مشاكلنا الخاصه دي منطقه ناس محترمه ملوش لزوم تدخل في موضعنا ابدا
حسين رفع السبابه في وشها بنرفزه: انا بتكلم معاكي بكل احترام
ايمان بصتله برجاء: ارجوك يا حسين امشي من هنا
باتعه: انتي ليه بتحاسبيني حاسبي الي بتلفي معاه طول الليل لو عايز يلف معاكي ياخدك لبيته بحترام
حسين رفع الشنطه: ايمان تعالي معايا
نعناعه: اه روحي معاه يله روحي مع عشيقك اتسرمحي زي ما تحبي
باتعه: اه منا مش عايزه اجيب لنفسي مصيبه وانا بأوي في بيتي بنت زيك مش محترمه الناس الي زينا ملهمش الا سمعتهم بس ازاي واحده زيك تعرف معني الاحترام يله غوري من هنا
ايمان ببكاء: ايه الي بتقوليه عليا ده ياعمتي
باتعه بزعيق: امشي من بيتي امشي
حسين سندها قبل ما ايمان تقع وقالها: تعالي معايا يله قلت تعالي معايا الناس دول ميستهلوش تكوني وسطيهم يله بينا
استوب ايه رايك في الواد حسين جنتل مان بصحيح وياتري هياخد ايمان ع فين وايه الي منتظرها استنوني ومن هنا نبدء الاحداث كل ده مجرد تسخين
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فضيحه في الحي الشعبي)
