رواية فضيحه في الحي الشعبي الفصل الحادي عشر 11 بقلم منة محمد

رواية فضيحه في الحي الشعبي الجزء الحادي عشر

رواية فضيحه في الحي الشعبي البارت الحادي عشر

رواية فضيحه في الحي الشعبي الحلقة الحادية عشر

ايمان بصدمه كبيره : يعني انت الي خطفتني
تميم ضحك: انا الي خططت لكل ده وكده رديت ع لطشه القلم يا عزيزتي ايمان
ايمان : لكن ليه .طب وسمعتي
تيم قفل وشه: ايه (مسك ودانه وهو بيقرب منها) قلتي ايه سمعتك ضحك بصوته كله وهي بنت وضيعه زيك ليها احترم ها ايه المميز فيكي عشان تهزقني قدام العالم كله وانا اضحي واتجوزك رغم قله ادبك ,ايه اتجننتي اسمي تميم مرجان حاربت عيلتي واتخانقت معاهم وكنت فعلا عايز اتجوزك لكن ايه الي عملتيه انتي معايا ضربتيني قصاد الناس كلها وضيعني هيبتي واحترامي وسمعتي مخلتنيش قادر ابص في عين اي حد
ايمان بصاله بصدمه وذهول: عمري ما كنت اتخيل انك تنزل للمستوي الدنيئ للدرجادي وتنتقم مني انا مشفتش واحد في حقارتك في العالم ده كله
تميم وقف وهو بيضرب المكتب بعصبيه: متصرخيش هنا ده مكتبي مش موقف الباص بتاعك عشان تصرخي وتلمي الناس يسمعوكي بصوت واحد مني الامن يرموكي بره في لمح البصر( مسك ايدها بشده) انتي مستحقيش الخاتم ده ابدا , او تعرفي البنات امثالك ممكن نعمل علاقه ونستغلهم نقضي معاهم ليله بس حتي ده انا شايفه كتير عليكي
ايمان فلتت ايدها منه ورفعتها تضربه بالقلم وهو مسك ايدها وشدها عليه: سبق و عملتي الغلطه دي ودفعتي تمنها غالي لو كررتي الغلطه دي معايا تاني هاخد انفاسك( زقها في الحيطه) يله غوري من هنا
ايمان بصتله بذهول وفتحت الباب وطلعت تمشي في الشارع وهي حرفيا منهاره لحد ما وصلت لفوق الكوبري ووقعت قاعده ع الارض وصرخت: ربنا مايسامحك يا تميم ربنا ينتقم لي منك في الدنيا والاخره
…………………………قصص منه محمد كاتب…………………….
اسماء: ايه الي حصل يا ايمان قالك ايه تميم ردي عليا ايه الي حصل هناك ليه مش عايزه تقوليلي حاجه( لفتها) اتكلمي يا ختي ايه الي حصل
ايمان بتترعش : تميم هو الي عملها هو الي خطفني يا اسماء
اسماء قعدتها ع السرير: ايه الي حصل احكيلي كل حاجه
ايمان بعد ما حكتلها قامت بغضب تلبس طرحه ع شعرها : ورحمه امي ما هسيبه
اسماء بتوحس: انتي ناويه تعملي ايه
ايمان: هروح اقابل امه اقولها ع عمايل ابنها معايا وهفضحه ولو اضطر الامر هقدم فيه بلاغ في القسم
اسماء مسكتها بقوه : ايمان اهدي واسمعيني عايزه تدخلي حرب مع واحد عنده فلوس ونفوذ هو الي عمله معاكي كان قليل عشان رايحه لحد عنده تاني يكمل عليكي
ايمان: وانا مش مهتمه باي حد
اسماء: ايمان المره دي دمر سمعتك المره الجايه هيقتلك
ايمان: وانا مش مهتمه لا لسمعتي ولا حتي حياتي وهعمل الي هعمله
………………………قصص منه محمد كاتب……………………
ع الموبيل
تميم: الو
عزت بسعاده: اليوم اثبت فعلا انك من دمي نمس طالع لخالك تميم انا فخور بيك
تميم مكشر: وصلتك الاخبار حالا
عزت بفرحه: مش قادر اصبر لحد ما اضمك واهنيك رغم مش هنتطفي نار صدري ابدآ برافو عطيت البنت الضيعه دي درس مستحيل تنساه
تميم بقهر: كان لازم اعمل فيها كده شوهت سمعتي وضيعت احترامي وهيبتي بين الناس خلتني مسخره ولبانه ع السنتهم ودلوقت هي الي هتفضل لبانه ومسخره طول حياتها
عزت: ايوه تعال البيت بسرعه نحتفل بالصفقه ونتكلم ع خطوبتك ع بنتي علا
تميم قفل ورحلها: مالك يا امي ليه قاعده لوحدك هنا
كاريمان لفت وشها الناحيه التانيه رافضه ترد عليه او حتي تكلمه
تميم لفلها: يله عشان رايحين بيت خالي نحتفل تعالي شاركينا
كاريمان نظراتها لقدام ورافضه حتي تبصله
تميم اتنهد: امي انتي ليه مش بتتكلمي معايا انا ملاحظ بقالك يومين وانتي مش بتردي علي اي كلمه من كلامي اضايقتي من حاجه انا عملتها
كاريمان بصتله: مفيش حد بيحتفل بدمار نفسه انا مخطرش ع بالي انك انت الي عملتها قلت دي علا هي الي خطفت ايمان من غيرتها عليك بس اتصدمت تطلع انت الي عملتها ليه عملت كده
تميم: انا معملتش اي حاجه هي المسؤله عن كل الي حصل انسي امرها يا ماما كل حاجه بخير تعالي نروح نحتفل لو سمحتي
كاريمان: امال ليه انت مش مبسوط
تميم : لاء انا مبسوط وفي غايه الانبساط ليه بتقولي كده ولا عشان مش برقص
كاريمان: لايمكن ندعي السعاده وهي بتظهر من العيون وعيونك كلها دموع مداريه وجع وحزن كبير
تميم بصلها ومشي من قدامها قبل ما تخونه دموعه وتنزل قدامها
كاريمان راحت وراه وقالت: اسمع كلامي وروح اعتذرلها والا اعتبرني سيبتك ع طول ومش هتشوف وشي تاني
تميم بصلها بغيظ: انتي هتسبيني عشان بنت غريبه البنت الي مكنتش تعرفي بوجودها من امتي بقت مهمه للدرجه دي عندك
كاريمان: انت عندي اهم عشان كده بنصحك لانك ابني الي ميعملش كده واقف ساكته ومقلهوش ع الصح وارجعه تاني لتميم , حبيبي مفيش حاجه باظت يابني روح قبل فوات الاوان واتقبل انك دمرت حياة البنت كلها عشان ضربه قلم خليت بنت بريئه تحلم بالجواز وخطفتها وشايف انك اثبت رجولتك هي دي بقي الرجوله في نظرك مفكرتش مره في مكانتك وعايلتك
تميم بمكابره: الي عملته هو عين العقل يا امي ومش ندمان ع الي عملته معاها ابدا
كاريمان بحده: يعني مش هتعتذر
تميم بعناد: لاء مش هعتذر
كاريمان: رب العالمين مطلع وشاهد وساكت عليك دلوقت بس خاف من بطش انتقامه ياتميم
تميم بعصبيه: انا معملتش اي حاجه كان لازم هي تفكر في كده انا حبيتها كتير وكنت بسافر في الاتوبيس عشان بس اشوفها ولو مره واحده وهي ايه الي عملته معايا هزقتني قدام العالم كله استهترت بمشاعري واهانت حبي وانتي لسه مهتمه بامرها اكتر مني هو سبق وفكرتي في الي انا خسرته , انا خسرت اول حب حقيقي وضيفي عليه خسرت وضعي ومكانتي واحترامي قدام المجتمع ( نزلت دموعه) مفكره هقدر احب تاني بعدها اتكلمي وانتي كل همك البنت دي الي دمرت حياه ابنك الوحيد بجد برافو امي انا مش وحش للدرجه بس هي الي وصلتني لكده وكل الي عملته رد ع ضربتي ولو حد شايف اني غلط يبقي انا فخور بالغلط
……………………….قصص منه محمد كاتب…………………..
ايمان وصلت فيلا تميم ودخلت من البوابه وعطت الامن البطاقه الشخصيه وطلبت تقابل كاريمان فدخلوها
ايمان دخلت وراحت جري عليها: ست هانم
كاريمان بصتلها: انتي وهنا
ايمان بدموع: عرفتي الي حصل معايا اتعاقبت ع جريمه معملتهاش
كاريمان حطت وشها في الارض وقالت: عارفه
ايمان بصدمه: عارفه يعني كنت جزء من المؤامره هو مفيش بشر في البيت ده كلكم كده حيوانات مرحمتوش حالي لو شويه
تميم نزل جري عليها: انتي ازاي تتجرئي وتيجي برجلك لحد البيت هنا امشي اطلعي بره
كاريمان زعقت فيه: تميم
تميم بنظرات كلها حقد: لو اتجرئتي تيجي للبيت ده تاني هقتلك فاهمه
ايمان بنفس النظرات: وايه الي ممكن تعمله غير كده لانك راجل ضعيف
تميم صرخ: اخرسي واخرجي من هنا يله امشي يا امن
ايمان مسكت دراعه وهو رجع بصلها لما قالت: مش همشي بالسهوله دي ومش هرحمك بالبساطه دي يا تميم يا مرجان
تميم برق فيها: وانا خفت( ضحك اوي) لو كنتي مفكره انك تقدري تخالي امي توافق ع جوازي منك بالترهيب او الترغيب تبقي غلطانه لان انا بكرهك كره العمي
ايمان بصتله بتحدي: بعد ما عرفت حقيقتك الواطيه انا حتي استخسر اتف عليك وبعدين مين انت عشان تقولي بتكرهني عارف انا حتي شايفه انك مستحقش كرهي ودلوقت هتشوف ازاي بنت ضعيفه زي هتواجهك
تميم: تمام حققي رغبتك دي كمان امشي
ايمان: ماشيه بس استعد تواجهه الاعلام عن تصرفك الوضيع يا تميم يامرجان
………………………..قصص منه محمد كاتب………………
ع الموبيل وتحديدا مكتب تميم
عزت بغضب وانفعال: البت دي نسيت نفسها هي متعرفش وقفت تهدد مين انا هدمرها وهدمر عايلتها كلها مش بدل ما كنا خطفناها كنا قتلناها
تميم غمض عينه وقاله: انا بعت اجيب جوز اختها وهديله مبلغ يقفل بؤها انا عارف ازاي اتعامل مع الاشكال امثالها متقلقش
عزت: يابني انت متعرفش الناس الواطيه دي هي تقدر تعمل اي حاجه عشان الانتقام ولو قالت هتلجأ للاعلام تعملها مش دي الي هانتنا قبل سابق في الاعلام وبسبب غلطتك دي اضطريت ادفع تمن غالي وانت لو اتحكمت وقتها في افعالك وتصرفاتك مكناش وصلنا للوضع الي احنا فيه اليوم ع كلا يابني يله لسه احنا فيها نقدر نهددها ونرغمها تسكت شويه ولو مسكتتش وقتها نخلص عليها
اثناء كلامهم الباب خبط وتميم قفل الخط وقال: ادخل
عاكف : حضرتك طلبتني
تميم : تعال اقعد( فتح الدرج) امسك شيك 300 الف
عاكف: يابيه عطتني شيك قبل كده ومكنش فيه رصيد
تميم: طالما مش عايز شيك هديك نقدي
عاكف: لايابيه مكنش قصدي
تميم: مسألتنيش ليه بديلك المبلغ ده
عاكف ابتسم : طبعا هسأل ليه يا سعاده البيه
تميم: اخت مراتك هي معتقده اني خطفتها وهتروح للاعلام وهتتكلم ضدي هي عايزه الدنيا كلها تعرف اني خطفتها
عاكف بحمقه مفتعله: دي اتخبطت في نفوخها عقلها خرب هروح البيت ارجعلها عقلها وهي لا يمكن تخطي خطوه بره البيت من غير اذني وهكتب كتابها بعد اسبوعين وبعدها هبعتها عند ابوها
تميم الغيره مسكته ومره واحده قام يزعق: انا مالي بالي هتعمله معاها من عدمه عايزك تقولي ازاي هتمنعها تروح للاعلام
عاكف بخوف من هيئته: هعمل الي انت عايزني مني
تميم قعد يهدي حاله وبعدها نطق : اسمعني كويس انا من عيله محترمه جدا وليها اسمها وسمعتها ومستعدين يضحوا بأروحهم عشان السمعه وممكن تقتل كمان انا بجد كنت هتجوز اخت مراتك رغم الفرق الاجتماعي الا اني كنت عايزها وراضي بيها بس هي لا بتفهم حب ولا احترام معجبهاش وبهروبها ليله فرحنا اثبتت لي اخلاقها الوضيعه
عاكف: انا بتأسفلك يا بيه ومقدر مشاعرك وانا اوعدك مش هتنطق بكلمه ضدك
تميم: لجمها وده هيكون لمصلحتك تقدر تمشي
……………………………..قصص منه محمد كاتب…………………
اسماء: رايحه فين يا ايمان
ايمان: رايحه افضح تميم
اسماء برجاء وتوسل: حلفتك بربنا متروحيش خطوه واحده غلط منك قدرنا كلنا
ايمان: وانا قلت لك ميهمنيش
اسماء بزعيق: قلت لك متروحيش هو الاقوي واحنا لاحول لينا ولا قوه قدامه , الراجل لما يقرر ينتقم من واحده ست قوته بتبقي زي الافعي السامه ومش بيهدء غير لما يلدغ الي حواليه استحلفك بالله متعمليش خطوه تكلفك التمن غالي
ايمان: انتي ليه خايفه منه هو جبان ميقدرش يأذينا
اسماء: هدد عاكف بأنك لو حاولتي تقفي قصده وقتها
ايمان كملت: هيعمل ايه وقتها
اسماء: هيقتلك
ايمان: وده هيخليني مصممه افضحه في كل حته بعد ما دمر سمعتي وحياتي لما النار بتولع محدش بيقدر يطفيها وهو ميوصلنيش للحاله دي ويعيش حياته سعيد ومبسوط بعدها ,انا هكشف الحقيقه وده قرار نهائي عندي هدف واحد وبس وهو تدمير تميم
اسماء بدموع: احلفك بالله متروحيش يا ختي
ايمان: وانا قلت هروح
اسماء زقتها بغضب: ماشي لو عايزه تتعرضي للاهانه يله روحي ( زقتها اكتر) روحي وانا مش همنعك
ايمان طلعت لباب الحاره تلفونها رن برقمه ردت بسرعه: ليه بتتصل بيا
تميم: بعتلك شويه صور اتفرجي عليهم بستمتاع قبل ما تعملي اي خطوه
اسماء: ايمان صور ايه
ايمان فرت في الواتس وهي مش مصدقه فبركلها صور خليعه بأحترافيه طبعا بأس من علا
اسماء: قلت لك ده واحد ثعبان خطير احنا مش قده عشان نحاربه او نقدر عليه الراجل الي يقدر يزيف صور ويشوه سمعتك عنده استعداد يعمل الاوسخ من كده افرضي ان الصور دي طلعت للدنيا ايه الي هتعمليه وقتها مين هتحاربيه هيعلق صورك ع الحيطان وبعدها مش هتلاقي مكان تتستخبي فيه وقفي كل ده وانسي احنا غلابه نمشي جنب الحيط عشان بس تدراينا
…………………………………..
بعد فرح تميم ع علا نزل اوضه المكتب وفضل يشرب
هاني: بطل شرب يا تميم مراتك مستنياك
تميم: الليل طويل ولسه قدامنا ايه لزومه الاستعجال
هاني: الساعه واحده ولازم تطلعلها
تميم: لاء مش عايز ولا حتي اشوفها
هاني: هو ممكن اقولك كلمه محشوره في زوري
تميم ابتسمله: قول
هاني: انا شخصيا حاسس انك ندمان ع الي عملته في ايمان ومشتاق لها كمان
تميم مره واحده ضحك: انت اتجننت صح بقي انا اشتاق للبت دي الي هزقتني قدام الناس انا بكرهها بكرهها
هاني: انت بتضحك ع نفسك لو كنت فعلا بتكرهها كنت هتروح لعلا انا صاحبك وعارفك
تميم بعناد : بجد طب شوف الحركه دي
هاني ضم حواجبه بعدم فهم : حركه ايه انت هتعمل ايه
تميم فتح الموبيل: استني استني هبعتلها صور فرحي لاء ده غلط استني لحظه هبعتلها دي
هاني: يا تميم اعقل
تميم: ايمان انا بكرهك بشده سامعه بكرهك( ابتسم) شوفت بعتهالها ومعاها ملاحظه ها صدقت دلوقت
هاني: انا قلت بتحبها ويله كفايه شرب الليله فوق
تميم قام واطوح: انا مش مسطول انا مشربتش كتير
هاني سنده: واضح خد بالك ويله اطلع
تميم: خلاص متزقنيش طالع لوحدي
تميم طلع السلم ودخل اوضته كأنها سجن طابق ع انفاسه لحد ما شافها قاعده ومنزله الطرحه ع وشها
تميم: هو انتي قاعده مداريه وشك مني ليه
علا: مستنياك تدخل ترفعها
تميم قعد قدامها : بصراحه انا مش فايق ارفع اي حاجه
علا :يعني هفضل حاطه الطرحه ع وشي لحد بكره
تميم بلهفه: وريني وشك
علا رفعت الطرحه وهو شاف ايمان هي الي قاعده تبتسم قدامه وقال : انتي جميله اوي زي ما تخيلتك بالظبط كنت هتجنن وافوز بيكي في كل لحظه وخسرت كل حاجه يا ايمان
استوب ورايكم في اللاحداث ها اكمل ونشوف الي هيصحل بين تميم ايمان الحرب لسه مخلصتش وايمان مش ضعيفه ولا سهله