Uncategorized

رواية أحببتك رغم انتقامك الفصل السابع عشر 17 بقلم منه محمد

رواية أحببتك رغم انتقامك الفصل السابع عشر 17 بقلم منه محمد

رواية أحببتك رغم انتقامك الفصل السابع عشر 17 بقلم منه محمد

رواية أحببتك رغم انتقامك الفصل السابع عشر 17 بقلم منه محمد

في المطعم

لقوا نهله داخله عليهم في حاله يرثي لها وبتردد كلمه واحده كريم طردني!

خالد جري عليها يهدي فيها وحسن اتصل بكريم يفهم منه الحكايه..!!

خالد فضل يمسح فيضان دموعها: ممكن توقفي عن حبك لكريم هتبطلي تعاني بكل ده

نهله: غصب مش قادره اعمل ايه؟

خالد: لازم تقدري لازم ده لمصلحتك ولحفظ كرامتك

نهله بدموع: صعب يا خالد صعب

خالد بحنان: هساعدك

نهله: عامل مطوع ولا ده من بابا التعاطف لحالتي ولا عايز تعلمني درس عشان مش بصدقك

خالد مسك ايدها: لاني بحبك ايوه بحبك نفس ما بتحبي كريم بحبك بالظبط،،طول الوقت حاولت انساكي مقدرتش لكن خلاص مش قادر اخبي رغم اني عارف ان نسيان شخص بنحبه صعب

نهله بكت اكتر

خالد: رغم مش عارف الطريقه دي هتنفع ولا لأ بس انا عاوز اشفيكي من وجعك والمك حابب تكوني قادره انك تبقي نفسك مره تانيه

نهله برجاء: انا الي بطلب منك توقفني عن حب كريم تقدر تعمل ده ياخالد

خالد: اقدر اقدر (باس جبينها بعمق )وهي دخلت في حضنه بكل ضعفها!!

حسن الي واقف برا لكن متابع ده في صمت لحد ما جاله خالد

حسن بحزن: يظهر ده كمان فاتني منه كتير خالد انت بتحب نهله بس مش حب صديقه

خالد :ايوه بحبها عندك مشكله

حسن: ايوه عندي انت بتحبها بس هي بتحب كريم وكريم بيحب عاليا وكدا مش هيبقي مثلث ده هيبقي مربع واكيد الامور هتبوظ خالص لادي كدا باظت بالفعل

خالد بهدوء :مفيش حاجه باظت انا قادر اخالي نهله تبطل تحب كريم وتديني فرصه

حسن :ايوه بس احنا مش بزرار تقدر تدوس عليه فتقوم تغير القلوب بالسهوله كأننا آله ،،خالد انا مش ضد حبك لنهله بس حب الصداقه ممكن يستمر عن الحب بين الراجل والست لان الحب لو ادمر حيدمر كل شئ وانا خايف بل مرعوب صدقتنا تدمر افهمني ياخالد

خالد: لو اتدمرت مش هكون انا الشخص الي هيبدء

حسن بقلق :تمام انسي وسيب الي يحصل يحصل لكن افتكر انا وانت وكريم ونهله كلنا اصدقاء ولو حصلت مشكله في يوم من الايام ارجوك فكر في صدقتنا

خالد :بفكر ياحسن في ده كمان بفكر لكن الناس التانيه معرفش تفكيرهم

……..منه محمد…….

ماسكه وشها وعماله تلف فيه شمال في يمين!

ندي: الحمد لله الوش صاغ سليم بقي نهله ام حاجب الي نفسي امسكها اضربها بالقبقاب بتحب كريم اوي كدا

عاليا: ايوه بتحبه بجنون

ندي: وهو بيحبها؟؟!!

عاليا : معرفش بس حكون صريحه معاكي انا قلقانه لانهم قريبين من بعض جدا واصدقاء من فتره طويله واوقات بحس ان انا الي دخيله مابينهم

ندي استني استني انتي متصدقيش كلام المجرمه دي،، دي عايشه في عالم لوحدها كريم وافق يتجوزك رغم انه وصلك وكمان اعترفلك بحبه اعتقد ده كافي

عاليا اخدت نفس بعمق وحركت صوابعها بتوتر ووشها اتلون عده الوان!

ندي: طيب لما انتي مش مرتاحه ليه مكمله ,,خالي بالك لو دخلتي اكتر من كدا مش هتكوني قادره علي النجاه اوعي تقعي في شباك نهله وتزعزع ثقتك بكريم

عاليا ابتسمت براحه: لا خلاص مش هشك في الامر بعد دلوقت وهثق في الانسان الي بحبه

…….منه محمد…….

في المطعم جهز سرفيس رائع لقاها داخله عليه بنفس مسدودة بس قررت اليوم تغصب نفسها بالقوة وتجرب تقرب..!!

خالد قرب منها يسلم عليها وسحب لها كرسي عشان تئعد: يله اقعدي الاول

نهله قعدت لكن بوش بائس حزين

خالد قعد قصادها: عملتلك كل الاصناف الي بتحبيها قللت من الفلفل الحامي وكمان الصلصه

نهله: انت مش هتاكل

خالد رسم احلى ابتسامة : لا طبعا هاكل اه استني عندي نوع جديد من الشاي تحبي تجربيه(فرغ ) اظن هيعجبك اشربيه وهو سخن

نهله قاعده مبوزه وهالات سوده محلقه بشكل فظيع

خالد: قومي معايا

نهله رمشت بسرعه: علي فين؟؟!!

خالدمسك ايدها بقوه: لما نروح هتعرفي يله

……….منه محمد……….

يوم اختيار الفستان طلعتله بفرحه وسعاده متحمسه سمع صوت خطواتها مقربه وبتتكلم في التلفون: هو حر بقي لو مجاش يبقي يتجوز لوحده ههههههه..يله انا لازم اقفل…بس حبيت اقولك هبعتلك صورنا الي اتصورناهم امبارح شوفيهم يا قلبي باي

كريم ظهر: سمعت اني لو اتأخرت هتجوز لوحدي بقي دي حبيبتي الي بتحب المثاليه

عاليا كشرت: المثاليه دي بقت تجب لي حموضه

كريم بوقاحته: علي العموم انا ممكن اعمل اي حاجه لوحدي غير الجواز دي الحاجه الوحيده الي مينفعش اعملها لوحدي ولازم تشاركني فيها حبيبتي

عاليا شدته من التي شيرت: تعال هنا شكلي هشرحك

كريم سرق بوسه خطف وضمها: ايوه دي عاليا حبيبتي الي اعرفها قاموس في الشتايم وحلوه في امور تانيه كمان

عاليا: ابعد ياكريم

كريم: ابعد ليه وانتي بتحبيني (وفتح اول زرار من بلوزتها) و العلامه الي علي صدرك دليل علي كلامي 

عاليا بحرج بعدت ايده بسرعه: والله هعضك

كريم: ليه كلبه

عاليا بعدته: اممم ومسعوره كمان تحب تجرب

كريم بصلها: شكلي هتجوز راجل زي بالظبط  يله شرفي قدامي 

قربت منه ومدتله كف ايدها: عايزه ايه؟؟!!

عاليا: هات موبيلك

كريم طلع موبيله من جيبه: عايزاه ليه؟؟

عاليا مدتلو لسانها: غلاسه

كريم هز دماغه وضحك لانها عامله زي الطفله !!

عاليا نزلت صورتين ليهم وهما بيختاروا الشبكه وقربتهم منه: عشان دول ها اي واحده تعجبك خلفيه

كريم: اظن انتي اخترتي ونفذتي يبقي ليه بتسأليني

عاليا: لا دي ايدي هي الي اختارت قولي انهي اجمل

كريم بسخرية: الاتنين تافهين

عاليا بمشاكسه:ليه بتوقف فرحتي وتخفي ابتسامتي الحلوه

كريم بقرفه مضحكه: ابتسامتك الحلوه يابنتي انتي ابتسامتك متختلفش كتير عن الزهور الي في الكوز الي في اوضتي يا تفاهه

عاليا غمزتله: وماله نتافهه سوي

كريم ضحك : اخترت دي نفس الخلفيه الي اخترتيها( ومدلها ايده ) يله

عاليا مسكت كف ايده: كان عندي احساس انها هتعجبك يله حبي

كريم: قبل ما نتحرك انا بعتذر اولا علي تأخيري ثانيا (بصلها من فوق لتحت بتأمل )  لانك جميله جدا لدرجه عايز اتجوزك دلوقت قبل بكره

عاليا ضحكت اوي: والله بحب واحد مجنون 

…………..منه محمد………

في الكافيه عماله تبحلق في الصوره وتتمعن بفرحه وسعاده وبينها وبين نفسها وبصوت عالي: اه ياخرابي لطيفه الرومانسيه ربنا يسعدك ويفرحك مشوفتكيش يا صاحبتي فرحانه كدا من يوم فراق امك لقت نفس سخن من وراها لفت وزقته جامد: انت ابعد

حسن ضحك: هي الي زقتني دي رجلك ولا ايدك

ندي: لا ايدي ياخفه بس لو تحب تجرب رجلي معنديش مانع ادوقهالك

حسن كمل وهو يبتسم: لا مفيش داعي انا مرعوب منك خلقه بس انتي هنا ليه اه اكيد وحشتك مظبوط

ندي: اه مظبوط

حسن تنح: ها

ندي: ايوه عندي امور بخصوصك

حسن بتعجب :امور

ندي: نهله وكريم مش دول اصحابك

قطع كلامهم صوت بيقول: هكسر المكان هاتولي المدير

حسن قام وراح للعامله سالها: ماله ده؟؟!!

العامله: ابدا حب يتحرش بيا كبيت الميه عليه

الشخص: انتي الي قليله الادب وحالا تطردها فين المدير

حسن: انا المدير هنا

الشخص: هايل انت المدير شوف البهايم الي انت مشغلهم عندك دلقت عليه الميه اطردها حالا

حسن: فعلا هطرد

العامله وشها اتخطفت واتلون بكذا لون

حسن تابع: يله انت وصاحبك اخرجوا برا

الشخص بعصبيه: بس انا زبونك

حسن: بس اهنت موظفه عندي بأي حق تعمل فيها كدا وقبل ما تكدب هنا فيه كاميرا مراقبه ممكن احقق بنفسي ولو اثبت انك اتحرشت بيها هقدم فيك بلاغ

ندي قاعده مبهوره بموقفه ورسمت ريئكشن اعجاب علي ملامحها وحسن هزلها دماغه وكأنه بيقولها متقلقيش 

صديق الشخص: اعتذر بالنيابه عن صاحبي

الشخص المتحرش: انا مش خايف منك كل الموضوع اني مش حابب ادخل في مشاكل النهارده يله واخد صاحبه وخرج من المكان

حسن لف وبص للزباين: مفيش حاجه يا جماعه كملوا انبساطكم من فضلكم

العامله: شكرا يا حسن بيه انك وقفت معايا

حسن: لو مش حقف مع موظفه عندي حقف مع مين

العامله بمتنان وشكر: شكرا بجد

حسن: لو عايزه تاخدي النهارده اجازه اتفضلي روحي

ورجع لندي: ها كنا بنقول ايه؟؟!!

ندي قامت: لا وقت تاني شكلك متخانق

حسن شدها تقعد: رايحه فين يامجنونه

ندي: مروحه واطمن دفعت تمن العصير

حسن: بس احنا مخلصناش كلامنا وبعدين مالك اسميها غيره ولا

ندي: انا اغير من ايه

حسن: كدابه وواضح انك حتموتي من كتله الغيره اممم شكلك شبه بطله فيلم نسيت اسمه

ندي: انا مش بطله وانت مش بطل

حسن: كفايه نقار يله اهدي واسأليني مش انتي كنتي جايه برضو تسأليني في امور بس لو لسه غيرانه انا مش هجاوب

ندي: بتساومني حضرتك

حسن هز دماغه بـ نعم

ندي: كريم بيحب نهله؟

حسن رفع حاجب: انتي بتقولي ايه كريم لو كان بيحبها كان اعلن ده من زمان المشاعر دي عند نهله لوحدها

ندي :انت متأكد يعني مش بعد مايتجوز عاليا نكتشف ان كريم بيحبها ويحب يطلق عاليا بس لو ده حصل عليا النعمه لعمل مشاكل معاك انت

حسن: انا مالي ماتروحي تخنقي كريم

ندي :ما انت صديق كريم وحعمل معاك الصح لانك بتأكدلي ده عارف  لو كريم زعل عاليا هتعامل معاك انت

حسن بحماس: وانا جاهز بس لو عاليا الي زعلت كريم هتعامل معاكي انتي موافقه ولا لأ

ندي بثقه ظاهره علي وشها :اوك موافقه لاني واثقه من صديقتي لا يمكن تأذي نمله

…………….منه محمد……

نهله: انت ليه جايبني هنا؟؟!!

خالد: لاني حسيت انك زهقانه عشان كدا جبتك هنا نلعب تزلج ونحاول نخفف من مللك

نهله :بس انا مش عايزه اللعب

خالد: حقك بس خاليكي معايا وانا بلعب

نهله :مش بعرف انت بتعرف تلعبها انا لأ

خالد: مظبوط انا بارع فيها

وركبها وبدء يتحرك بس مقدرش يتمالك نفسه ووقع علي ظهره وصرخ بأعلى صوته

:آآآآآآآآآآآآآآآآآآه

نهله ابتسمت: مش بتقول بتعرف وبارع وابصر ايه طلعت غشاش

خالد ضحك: مايقع الا الشاطر وساعديني بسرعه رجلي اتكسرت ولا ايه لا شكله العصعوص

نهله مدت ايدها يقف: خالد انت شاطر بس مش في ركوب الاسكوتر خالص يله وانا هعلمك

خالد : نهله ارجوكي متسبيش ايدي بعد كدا  ارجوكي

نهله مسكت ايده: تمام يله

……….منه محمد……….

نهله بعد ما قضت وقت ممتع ولطيف مع خالد أصر يوصلها لحد البيت 

نهله: خلاص كفايه لحد هنا

خالد: ها حاسه انك احسن

نهله: علي الاقل بطلت اعيط لساعات طويله

خالد ضحك

نهله: خالد اديني شويه وقت من فضلك ارجع لحياتي

خالد بتفهم: حاضر وقولتلك انا فاهم مشكلتك اكتر من اي شخص تاني

نهله مسكت ايده: شكرا لولاك كان زماني في حاله زي الزفت

خالد تبت علي مسكه ايدها: انا بحبك  ومعاكي ومستعد اعمل اي حاجه علشانك الوقت اتأخر انا همشي 

نهله: طيب

خالد: نامي كويس عشان الهالات تختفي ومشي

نهله لسه بتلف وتدخل البيت لقت كريم قاعد منتظرها

نهله: كريم

كريم قرب: محتاج اطمن عليكي ومحتاج اتكلم معاكي ضروري

نهله: شكرا لهتمامك بيا ولو عندك توبيخ تاني ناوي تسمعهولي اتفضل امشي

كريم: اسمعيني الاول واسمعي كلامي

نهله: بخصوص عروستك 

كريم: ايوه بخصوصها ندخل ونتكلم وهفهمك

……….منه محمد……..

عاصم بسعاده وفرحه : ياولاد اتصلت بأكبر قاعه تجهز لفرح ولادي وجهزت الكروت وعزمت ناس كتير اما بالنسبه للمعاد براحتكم!!!!

كريم ضم عاليا: في اسرع وقت ممكن

عاصم ابتسم: مستعجل ها بس اظن قريب جدا نخاليه بعد اسبوعين من دلوقت بس براحتكم لو عايزين تأخروه بلغوني انا اعمل اي حاجه عشانكم طالما انت وعاليا تبقوا مبسوطين

عاليا بمتنان: شكرا يا بابا علي تعبك

كريم: لا كله كدا تمام كفايه عليا اتجوز عاليا

عاصم: عارفين ياولاد عمري ما خطر علي بالي الامور بينكم توصل للمرحله دي بس سعيد وطاير لما بشوفكم مع بعض بحس اني مرتاح ولو مت دلوقت حموت مرتاح

عاليا بشهقه: بابا بعيد الشر انت وجودك في حياتنا مهم

عاصم اتنهد برتياح: لا لو كلامي حيزعل العروسه خلاص بسحبه حالا

احمد: اطمني يا انسه عاليا السيد عاصم لسه شباب

وقضوها ضحك وسعاده!!!!

………منه محمد……

بعد اسبوع من الاحداث

واقفه قدام فستانها المتعلق علي الميلكان اتأملته وحست بغصة قوية بحلقها ولنفسها: ماما بنوتك هتبقي عروسه كان نفسي تكوني معايا اوي بس حاسه انك معايا و بتبركيلي   يا امي وهي سرحانه بأفكرها سمعت صوت كله حنيه وعطف تعرفه عن صميم قلب رفعت عيونها لقت كريم الي دق علي الباب ودخل وقرب منها يضمها بحنان: لا مش عايزك تعيطي 

عاليا ملست بأيدها علي الفستان: تفتكر هيبقي حلو عليا بكره

كريم: انتي لو لبستي خيشه هتحليها ياقلبي وهتطلع عليك فتنة يله نامي عايزك بكره تكوني فايقه ووشك منور رغم اني عارف انك هتنسي الليله طعم النوم

خرج ولفلها تاني سألته: فيه حاجه تانيه ياكريم

كريم راح ضمها اوي

عاليه: فيه ايه ياكريم؟؟!!

كريم: لامفيش بس هتوحشيني الساعات دول 

عاليا: بلاش تبالغ

كريم نظراته موزعه على جسمها بحرية: ماتيجي نريح شويه علي السرير 

عاليا بتدفعه بطريقه همجيه : برا ياكريم

كريم بخفه دم: يله نعمل بروفا علي السرير والله هعجبك 

عاليا بعتراض: عارفه انك شاطر وبتاخد عشره على عشره مع نجمه بس يله امشي  امشي يله

كريم ضحك وعدل نفسه وهينفجر من الغيظ : لا شكلي حتحول لقاتل وانا ابن ناس ومتربي

عاليابتحذير: اتلم واتحرك بهدوء 

كريم خرج وقفلت الباب وراه وسندت عليه بظهرها وهي في قمه سعادتها

……….منه محمد……

في المطعم

حسن: ابتسامتك جميله ممكن اعرف ايه سببها

خالد: ابدا خليت نهله تبتسم النهارده

حسن: ايوه بقي ياواد يا ولعه المهم بقت كويسه وبخير

خالد: معرفش بس الي متأكد منه ان الامر مش هيداوي بسهوله بس علي الاقل النهارده خلتها ابتسمت ياعالم بكره محدش عارف

حسن: معلش اديها شويه وقت! بس هتحضر فرح كريم

خالد: ليه تحضره

حسن: ليه ايه احنا اصدقاء يعني علي الاقل تباركله

خالد: حسن نهله موجوعه كتير وانت لسه عاوزها تشوف الي يوجع قلبها

حسن بعد تفكير: والله عندك حق مفكرتش فيها خلاص خلاص نديها شويه وقت والمهم انت بخير

خالدعقد حواجبه: ليه مبقاش بخير 

حسن: يعني لو نهله نسيت كريم مثلا ورفضت تديك فرصه حتكون انت بخير

خالد: انا مش بعمل كدا عشان نهله تحبني

حسن: والله انت بطل

خالد: واظن البطل في النهايه بيفوز بحبه زي كريم

حسن حط ايده علي كتفه وفيه الضحكه: بشجعك هروح اشوف الناس هناك

خالد: تمام وانا هتصل اطمن علي نهله

فضل يتصل بيها مردتش عليه بس كتبتلو رساله انها هتنام ويتكلموا بكره

كتبلها…طيب رايحه فرح كريم اجي اخدك

نهله قرات الرساله ورفضت ترد عليها  وصرخت عاليا يا بنت الحرام انا بكرهك

………منه محمد……..

عاليا في الغرفه الخاصه بيها بتلبس للليله عمرها

عاصم دخل وبقمه السعاده: هايا بنات ايه الاخبار طمنوني

ندي وسعاد: خلاص كلنا بالعروسه مستعدين

عاصم: عاليا حبيبتي جايه اخدك اوصلك لعريسك

عاليا لفتله بفستانها المجسم عليها ومن تحت بديل سمكه كانت فتنه

عاصم اتأملها وعيونه دمعت: جاهزه يا بابا

عاليا: جاهزه

عاصم قرب واخد ايدها ونزل بيها وقدامه اطفال ماسكين الشموع ووراهم ندي وسعاد مقضينها زغاريت وبيرشو عليهم ورد ملون

كريم الي واقف علي اول القاعه لف وبصلها كان ايه من الجمال والنعومه والرقه حس بدقات قلبه دخلت في صراع عنيف عاصم قرب بيها ومسك ايدها يوصلها لـ ايد كريم

عاصم: بنتي امانه عندك اتمني ليكم السعاده الدايمه وتحبه بعض طول العمر اما بالنسبه لعاليا انتي قلبي وكريم حياتي عاليا خالي بالك من قلبي  وانتي ياعاليا احرص علي حياتي مبروك ياولاد واتمني ليكم حياه سعيده تحبو فيها بعض بحبكم

عاليا ضمته : انا كمان بحبك يا بابا

عاصم  بنظرة عطف ونبرة صوت حانية  : كريم خالي بالك من بنتي

كريم ابتسم ابتسامة تدوب الحجر : اعتقد بنتك هي الي تخالي بالها مني

سعاد: بهزار اه والنبي وخاليه يبعد عن التشرد

كريم بوعيد: انا متشرد

سعاد مثلت الخوف: لا قصدي شلت المسؤليه يعني خليك صبور

ندي بحماس: دوري بقي انا سعيد جدا جدا انت اجمل عروسه شوفتها في حياتي بحبك(ضمتها)

عاليه:حبيبتي الي بتعشقها صحبتها

حسن بألش: لا متحبوش بعض هنا وتعملولنا مشهد فاضح

ندي: انت مالك انت دي حبيبتي (وبصت لكريم) وانت اهتم بصحبتي حقضي عليك لو اهملتها

كريم: متقلقيش هحبها واحميها وارعيها

ندي: جميل حافظ علي كلمتك والا  اعملك وش في نفوخك(بصت لحسن) وانت كمان

حسن: وانا مالي انا ،انا ايه علاقتي

ندي كشمتله: انتم اصدقاء يبقي تتحمل معاه في السراء والضراء ويله نتصور

سعاد: ممكن اجي معاكم اخد حضن

عاليا: تعالي

ندي: اتفضلي يا موزموزيل

سعاد راحت جري علي كريم تضمه من وسطه

كريم بصلها بغيظ

سعاد ضحكه بعبط: حضن صغير عادي وآسفه لو فجعتك وبجد فرحانه ليكم من قلبي

حسن: مبروك ياعريس واتعدل بقي واوعي تكون عنيف واسمع كلام المدام

خالد بهدوء: مبروك يا عاليا لو كريم زعلك ولا عمل اي تصرف يضايقك تجيلي المطعم

كريم بصله بغيره و نظرات تحرق خالد

عاليا ببتسامه: طبعا عشان اكل الحلويات

كريم كتم عصبيته: انت كدا بالغت ياخالد

خالد :بجد! بس مبروك ياصاحبي

وبدء الفرح والعروض عاصم مسك المكرفون: طبعا عارفين ان كريم ابني وعاليا بنتي حبوا بعض من النظره الاولي عايزين تعرفوا ازاي؟

الكل في صوت واحد: ايوه

عاصم ضحك: يبقي لازم نسألهم بس نسأل مين فيهم

الكل: العريس

عاصم: خلاص وهو سمع تعال رد ياعريس

الكل سقف بحماس

كريم: بخصوص السؤال ده احب ارد انا وعاليا محبناش بعض من اول نظره حتي لما قابلتها اول مره  مكنتش اعرف اني هحبها لكن لما غابت عن عيوني ومبقتش اشوفها وقتها عرفت اني بعشقها وبصلها بتمعن عاليا قبل ما اقبلك عرفت اني عمري ما حبيت ولا هحب تاني لانك حبيبتي وخلتيني اواجهه حب مثالي الحب الي يما حلمت اني اقلبه شكرا لانك هنا وبتملي حياتي انتي هديه غاليه 

عاليا عيونها دمعو: شكرا ليك انت كمان انت كمان هديه غاليا وسعيده انك اختارتني اكون شريكه لحياتك

حسن: تصقيف

سعاد: يله بوسها

الكل: بوسها بوسها بوسها

كريم قرب وباس جبينها بعمق: انا سعيد لان الليله هي الليله الي هنبدء فيها حياتنا سوي

ندي: يله ياعروسه ارمي البوكيه 

عاليا لفت ظهرها ورفعت البوكيه كأنها هترميه وهما متحمسين للحظه بس حبت تشاغلهم ورجعت نزلته تاني

سعاد كشرت: لا يا عاليا خليني اخده واتجوز

ندي: انا صاحبتها ع فكره

عاليا: خلاص حرميه بجد المره دي

الكل: ارمي ارمي ارمي

عاليا رمته ووقع في ايد نهله

نهله قربت منها وبهمس: اتمنالك السعاده الي اخدتيها مني

عاليا بكل ببرود: صديقك سعيد جدا جدا بجوازه مني

نهله: اه وانا اتمني تخاليه سعيد دايما

عاليا : وانا هبذل كل مجوداتي انه يبقي سعيد بس بجد هشفق علي معاناتك انتي

نهله بصتلها بغل وخرجت وهي هتموت من القهر والكل لاحظ خروجها 

………منه محمد……….

خالد: جيتي ليه لما انتي مش مستعده

نهله: سيبني لوحدي

خالد: كان لازم تفضلي في البيت هنا مكان هيتعبك

نهله: عارفه ومفيش داعي تفكرني

خالد مسح دموعها: خلاص متعيطيش يا نهله دفعت ايده: بطل تخنقني

خالد بضيق: نهله ايه مشكلتك ليه مش قادره تنسي كريم ليه مشغوله بيه طيب اعمل ايه تاني عشان تتخطيه 

نهله بتعنيف: مش مطلوب منك تعمل اي حاجه من دلوقت ومن اللحظه متدخلش في شؤني لاني مش محتاجه منك حاجه(ومشت من قدامه بسرعه)

……….منه محمد……………..

في غرفتهم وليله عمرهم

عاصم:  من دلوقت انتم مش لوحدكم اوزنو كل قرارتكم بعنايه وحطوه قبلها العواقب كريم خدني مثال حي قدامك طاوعت مشاعري وكنت بفكر في نفسي ومشيت وري رغباتي ووقعت في الغلط عارف مستحيل ارجع الزمن لوري ولا هعرف اصلح الي فسدته عشان كدا انتم الي بتدفعوا التمن كان لازم اكون حكيم وقتها بس عايز اشوف ده فيكم انتم بحبكم لبعض وخوفكم علي بعض ولو حصلت بينكم مشكله اتفاهموا واتسامحوا بكدا هيكون جواز سعيد ناجح

كريم بغموض: هفتكر كل كلمه قولتها

عاصم: وانا مش هدخل ما بينكم من دلوقت ليله سعيده ياولادي

واول ما مشي عاصم كريم ساب ايدها بعنف ووقف فجأة وبصلها بنظرات

عاليا مفزوعه: مالك ياكريم؟!

كريم بصلها تاني بنفس النظرات ودخل الحمام بص لنفسه في المرايا وبدء يخلع كل هدومه ويرميها عالارض ويدوس عليها شويه وخرج لابس هدوم كجول اول ما شافته حست كأنه ضربها ضربه قوووية

عاليا: كريم انت غيرت هدومك بهدوم خروج ليه

كريم اتجهه للباب بعدم اكترث :خارج رايح  اسهر مع صحابي

عاليا : هتسبني لوحدي

كريم بنفس الاسلوب: ولو مفضلتش معاكي مش هتموتي من غيري

عاليا راحت وقفت قصاده :كريم مالك ليه اتغيرت كدا فجاه انا عملت حاجه زعلتك ولا حد غير مزاجك طيب حد قالك عني حاجه زعلتك

كريم :انتي ما بتفهميش بقولك مخنوق فابعدي

عاليا بتوسل :ارجوك فهمني مالك

كريم :انا مش عايز اتكلم 

عاليا : وانا مستعده اسمعك 

كريم: ياريت تسبيني علي راحتي لاني مش هتكلم

عاليا: مش قادر تتكلم ولا مش عايز

كريم:بطلي لوك لوك بقي لانك لو مبعدتيش من قدامي حقول كلام يوجعك

عاليا مسحت دموعها: انا عايزه اسمع مهما كانت عايزه اسمع ومهما كانت مؤلمه هسمعها 

كريم بحده: وانا مش فايقلك

عاليا مسكت ايده :كريم انت مش طبيعي 

كريم محتاج يهرب من نظراتها وعيونها الي مليانه دموع: ايوه مش طبيعي ولو مبعدتش من قدامي هتحصل بلاوي

وراح فتح الباب عاليا ندهت عليه وقف لانه قلب رق لندائها المتوسل الراجي نزلت دموعه وجمد قلبه وخرج وهي دخلت في صدمة الليمه بين القسوة والجفا وعالم الرفض والالم

يتبع..
لقراءة الفصل الثامن عشر : اضغط هنا
لقراءة جميع فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى