رواية غيث الفصل السابع عشر 17 بقلم أروى اسماعيل

رواية غيث الجزء السابع عشر

رواية غيث البارت السابع عشر

رواية غيث الحلقة السابعة عشر

بدأت تعيط و قالت:اخيرا رجعتي ي حبيبتي هونت عليكي تختفي اسبوع مرة واحدة و معرفش عنك حاجة.
علا بدموع:حقك عليا ي ماما كل حاجة جت فجأه و لما روحت ل عالم غيث قررت مرجعش الا لما اساعده و طلبت من بابا يرجع عشان حضرتك متقلقيش.
بسنت:رجع و مطمنيش ده قلقني اكتر بس يلا مش المهم المهم انك وسطنا هنا.
علا:الحمد لله هوة بابا فين معقول مسمعناش ده كله.
خيري بأبتسامه:مين قال ي حبيبتي بس انت عارفة مبحبش اللحظات اللي بتعيطوا فيها دي قولت اسيبكو تخلصو براحتكو.
علا:حبيبي ي بابا وحشتني اوي.
خيري:و انت كمان ي حبيبتي يلا ادخلي مش هنفضل نتكلم على الباب.
علا:اكيد بس معايا ضيف .
خيري:ضيف مين؟
علا:اتفضل ي عماد.
خيري:عماد ده اخو سامر التوأم صح.
عماد:ااه ي استاذ خيري مظبوط انا اسف مضطر اقعد عندكو كام يوم بسبب اني معييش فلوس و مقدرش اروح البيت سامر هيأذي اختي و بنتها و يخلص عليا.
علا:و اكيد زي ما حضرتك عارف ي بابا انه سامر عايش بأسم عماد لو شم خبر انه على قيد الحياه او رجع العالم بتاعنا ايه اللي هيعمله.
خيري:طيب ي بنتي تنور ي حبيبي بس بشرط.
عماد:و انا قابل بأي شروط حضرتك تقولها.
خيري:طب اسمع بس يمكن تغير رأيك.
عماد:مستحيل اغيره بس اتفضل سامع حضرتك.
خيري:شغلي من 8 ل 2 هتخرج معايا و ترجع معايا اصل مينفعش تقعد في بيت مع حريم و انت في الاول و الاخر راجل غريب عننا ها موافق.
عماد:موافق ي استاذ خيري حضرتك معاك حق.
خيري:اتفقنا اتفضل هوريك اوضتك و تقدر تقولي يا عمي عادي بلاش استاذ دي.
بابا فهم عماد كل حاجة و اتفق انه هينزل معاه كل يوم الشغل و عماد فهمه انه هيبدأ يراقب سامر لو خلص قبل ما معاد انصراف بابا يجي مش هيدخل البيت الا معاه و اديت ليه تبفوت صغير عشان نتواصل بيه مع بعض و كل واحد راح على اوضته يريح شوية و صحيت على صوت ماما بتقول:علا الحاج حامد عايزك برا فوقي و اطلعيله.
علا:حاضر ي ماما.
جهزت نفسي و طلعت اقابل جدو طبعا حضني و سلم عليا و اتطمن اني بخير و بعد كدة بدأنا نتكلم و قال:ايه ي حبيبتي ناويين على ايه خيري فهمني كل حاجة.
علا:معرفش ي جدو بس عماد فين هوة لسة مصحاش اصله لازم يكون موجود في القاعدة هو عارف هيتصرف مع اخوه ازاي.
خيري:بيغير هدومه و جي و اهو جه اهو.
عماد:مساء الخير .
خيري:مساء النور نمت كويس.
عماد:ااه الحمد لله شكرا ي عمي على الهدوم تقلت عليك حقك عليا.
حامد:دا باين عليه محترم و خلوق مش زي اخوه خالص.
خيري:حصل ي خال المهم ايه الخطة.
عماد:علا كانت قايله انه في حد من صحباتها هيساعدنا.
خيري:مين و ازاي.
علا:ياسمين ي بابا هي الوحيده اللي شافت غيث و تقدر تساعدنا.
خيري:طب و ازاي يعني برضو.
علا:الفكرة اللي في دماغي هي……………