رواية غيث الفصل الحادي والعشرون 21 بقلم أروى اسماعيل

رواية غيث الجزء الحادي والعشرون

رواية غيث البارت الحادي والعشرون

رواية غيث الحلقة الحادية والعشرون

عماد:ااه بس حبيت اغير مش اكتر.
علوان:طيب ي فندم انا هرجع الشركه أسف مرة تانية على تأخير الخبر لحضرتك.
حاولت افكر في اي كلام اقوله عشان ابين اني سامر بس معرفتش و خدو الاذن و مشيو و فضلت سرحان لحد ما ركبو العربية و اتحركو و لقيت اسامة جه تاني و قال:كنت متوقع انه سامر بعت ناس.
علا:أنت لازم تختفي ي عماد كدة الموضوع كبر.
عماد بصدمة:اختفي فين و ليه انا لسة معملتش حاجة.
علا:ظهورك ل رجالة سامر و توقعهم انه انت هو اكيد سامر هيشك اول ما علوان يحكي اللي حصل و ساعتها ممكن فعلا يأذي علياء.
أسامه:الاستاذة معاها حق ي عماد لازم تختفي بس صحيح انت قاعد فين.
عماد:قاعد عند علا في البيت.
أسامه:طب كويس اوي خليك زي ما انت و انا اللي هتصرف مع سامر.
علا:هوة احنا كنا بدأنا في تنفيذ خطة بالفعل.
أسامه:طب كويس ايه الخطة.
علا:هحكي لحضرتك كل حاجة بس يلا نروح البيت الاول عشان هنا مش امان.
أسامه:طيب اللي تحبوه.
وصلنا البيت و ماما حست انه في حاجة غلط بس محبتش تسأل خصوصا انه كان في حد غريب معانا بس بابا قرر انه يسأل بسبب الهدوء بتاعي الغريب و ده مش عادتي ف هو استغرب و قال:في ايه ي ولاد ايه الهدوء ده خير.
علا:ولا حاجة ي بابا بس تقريبا كدة عماد مش هينفع يخرج من البيت تاني.
خيري:و السبب.
حكيت ل بابا اللي حصل قدام المحكمة و الغريبة انه مكنش متفاجأ و قال:طيب مهو ده المتوقع ايه الجديد.
أسامه:المعنى حضرتك.
خيري:المعنى انه طبيعي كان هيكون في رجالة ل سامر عشان يجيبوله الخبر بتاعك سواء براءة او لا بس هما اللي مفكروش كويس و جاب لنفسه المشاكل.
عماد:عندك حق ي عمي بس هنعمل ايه دلوقتي بقى.
خيري:ولا حاجة كمل مشاويرك عادي لحد ما تفرج.
علا:بابا حضرتك بتهزر صح ده كدة هيبقى بيرمي نفسه ل سامر.
خيري:و انا ههزر ليه اللي غلط يستحمل .
علا:بابا حضرتك بتتكلم كدة ليه.
بابا كان لسة هيرد عليا بس لقيت صوت غريب بنبرة حادة بيقول:مش سامر اللي يضحك عليه ي عمدة مش تقول يا راجل انك هنا طمني عليك دا انا اخوك حتى.
عماد:سامر انت عرفت مكاني منين و ايه اللي جابك هنا.
سامر بسخرية:هتفضل غبي زي ما انت مهما العمر عدى هكون جاي ليه يعني اخويا و ما صدقت لقيتك ي جدع و بخصوص عرفت منين ولاد الحلال كتير و اولهم الحاج خيري.
علا:ليه ي بابا سلمته للوحش ده ليه.
سامر:والله ي امورة لولا اني مش حابب اعمل مشاكل هنا كنت زماني عرفتك مين الوحش ده لم بنتك ي خيري.
خيري:علا اخرصي ومسمعش صوتك لحد ما الباشا يمشي مفهوم.
أسامه:بص ي سامر هعمل اللي انت عايزه و هسيبلك كل حاجة بس رجعلتي مراتي و بنتي و سيب عماد محدش ليه ذنب في حاجة.
سامر:مين ليه ذنب و مين ملوش ده هنحله في الفيلا عندي مش بيوت الناس ي سومة ماشي.
أسامه:متقولش الاسم ده تاني بكره و انت عارف كدة كويس.
سامر:طيب ي سومه معلش رجاله خدوهم على العربية بسرعة.
علا:محدش هيطلع من هنا ي سامر انت جبان عشان كدة خايف حد فيهم يفضحك و عايز تخلص عليهم زي ما خلصت على والدك.
سامر:ايه بقى الكلام اللي يزعل ده ي خيري مش قولت لم بنتك اهو كدة هزعل و انت عارف زعلي عامل ازاي.
خيري:حقك عليا ي ابني اخرصي ي علا مسمعش صوت اتفضل كمل اللي بتعمله محدش هيدخل.
فضلت مصدومة من كلام بابا و تحوله المفاجأ انه يخلي سامر ينفذ اللي عايزه بسهولة كدة مقدرتش ابص في وش عماد و دخلت الاوضة لحد ما يمشو بس لقيت التلفون رن و كانت ياسمين و قالت:علا انا عرفت انه سامر هدد والدك بحاجة بس معرفش ايه هي و انه هيخلص على عماد و اسامه عشان يقدر يشتغل ببراح و انه في صفقة جاي ليه من الصين اسمها صن كو و دي هتبقى عبارة عن نظرات بس مش نظرات عادية دي اللي بيلبسها بتنيمو تنويم مغناطيسي و تخلي سامر اللي بتحكم فيهم و يعملو اللي عايزه.
علا:……