رواية غيث الفصل الثاني 2 بقلم أروى اسماعيل
رواية غيث الجزء الثاني
رواية غيث البارت الثاني
رواية غيث الحلقة الثانية
اول ما سمعت رنت التلفون بدأت اقلق بس قولت يمكن زميلة محتاجة حاجة بس المفاجأه انه كان رقم غريب ف قلقت و مردتش بس فضل يرن كذا مرة لحد ما رديت و قولت بصوت مبحوح:ااا الو مين معايا.
غيث:حارسك.
علا:حح حارسي مين.
غيث:معقول نسيتيني بالسرعة دي دا انا حتى بعتلك الورد اللي بتحبيه.
علا:انت عرفت عنواني منين و تبعتلي ورد بصفتك ايه اساسا.
غيث:مش حارسك لازم اكون عارف عنك كل حاجة.
علا:هنرجع للجنان تاني حارسي منين ي عم انت بطل عبط بدل ما ابلغ عنك.
غيث:بس ازاي بس هتبلغي من غير رقم ولا عنوان ولا اسم انتي محامية و عارفة ي علا.
علا:ازاي من غير يعني مهو الرقم اللي بتتكلم بيه منه اهو هقدم بيه البلاغ.
غيث:مش لو كان موجود.
علا:انت بتقول ايه ازاي يعني مش هيبقى موجود.
غيث:طب بصي حتى كدة بنفسك.
شلت التلفون من على ودني و بصيت لقيت الرقم مش موجود و محطوط مكانه كلمة مجهول اتنفضت من السرير و رميت التلفون على الارض بس لقيت صوت في عقلي بيقول:متخافيش ي علا انا مش مؤذي ليكي بالعكس انا حارسك و لو مش متأكدة اسألي والدك خيري و هيقولك كل حاجة.
جريت على الاوضة عند بابا و انا مش فاهمة هسأله على ايه او هقول ايه بس كان اللي في دماغي انهي اطلع من الاوضة و مقعدش لوحدي و خلاص وصلت الاوضة و قولت:بابا الحقني.
خيري:خير ي علا في ايه.
علا:الشاب اللي رن امبارح و رقمه اتمسح من عندي رن تاني من رقم تاني و بيقول انه حارسي و انه مش مؤذي و انه حضرتك عارف كل حاجة.
بسنت:انت اتجننتي ي علا ايه الكلام العبيط ده انت بتقولي كدة عشان تغطي على عملتك و خلاص اكيد.
علا:والله ي ماما مش بتخيل ده حتى لما قولتله هقدم فيك بلاغ لو مقفلتش قالي لو لقيتي رقم تقدمي عليه و لما جيت اشوف لقيت مكتوب مجهول و مفيش ارقام ف رميت التلفون على الارض بس سمعت صوت في دماغي انه بابا عارف كل حاجة حقيقي انا مش بكدب صدقيني.
بسنت:دا كلام فارغ مفيش كلمة منطقية تتصدق من اللي بتقوليه ده ي علا بلاش جنان.
خيري:علا مش مجنونة ي بسنت هي بتقول الحقيقة.
بسنت:ازاي يعني ي حاج بقى الكلام الفارغ ده يتصدق.
خيري:مش كلام فارغ ده واقع و هفهمك بس الاول علا اللي كلمك قال على اسمه ولا لسة.
علا:ااه ي بابا.
خيري:يبقى خلاص بقى حارسك مادام صرح بأسمك مش هينفع تخلصي منه غير لما يكون عايز هو من نفسه.
علا:انا مش فاهمة حاجة حارس ايه و اخلص من مين وضحلي اكتر عشان انا مرعوبة والله لوحدي.
خيري:هفهمك كل حاجة بس الاول الحارس كان اسمه غيث صح.
علا:ااه حضرتك عرفت منين.
خيري:هقولك بس الاول روحي قوليلو يقفل.
علا:اكيد قفل ي بابا من زمان.
خيري:لاء مقفلش روحي اعملي اللي بقوله.
روحت الاوضة و كانت ضربات قلبي سريعة و هموت من الخوف بس اتمالكت اعصابي و مسكت التلفون و قولت:غغغغ غيث انت لسة على الخط.
غيث:ااه مش مسموحلي اقفل غير بأمرك بس لسه صوتك خايف انا حارس مش مؤذي و هنبقى صحاب .
علا:طب اقفل ي غيث عايزة انام.
جريت على الاوضة و قولت ل بابا اني خليته يقفل و انه محتاجة افهم ايه اللي بيحصل بالظبط و مين ده و عايز ايه.
خيري:الحكاية بدأت من…………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية غيث)
