رواية غيث الفصل الثاني والعشرون 22 بقلم أروى اسماعيل

رواية غيث الجزء الثاني والعشرون

رواية غيث البارت الثاني والعشرون

رواية غيث الحلقة الثانية والعشرون

علا:ده طلع مش مجرم و بس ده عديم الأنسانية و اناني كمان.
ياسمين:أنت لو شوفتي بيتعامل ازاي مع الموظفين لو حد بس أتأخر خمس دقايق تعرفي انه مش انسان اساسا.
علا:نهايته قربت اوي الحيوان ده المهم خدي بالك من نفسك و لو عرفتي اي معلومة جديدة او بيانات حد من التيم الصيني تقولي على طول.
ياسمين:حاضر بس انت ناوية على ايه يا علا.
علا:بعدين هفهمك كل حاجة بس اعملي زي ما اتفقنا و خليكي حذرة اوي اليومين الجايين في التعامل مع سامر ده.
ياسمين:شكلك ناوية على حاجة كبيرة بس حاضر هحاول اقلق تعامل معاه على قد ما اقدر.
علا:طيب يا ياسو هقفل دلوقتي عشان هروح اعمل كام حاجة كدة.
ياسمين:طيب يا لولو سلام.
قفلت معاها و لقيت بابا دخل عليا و تعبيرة وشه طبيعية ولا اكنه سلم واحد لمجرم و كسر ثقته فيه حاولت اتجاهل الكلام معاه و اعمل نفسي مش واخدة بالي من دخول عشان ميحصلش مني اي تجاوز و يبقى عقوق ليه بس للاسف مجاش بفايدة و لقيت بابا بدأ الكلام و قال:عارف انك زعلانة بس صدقيني انااا عارف انا بعمل ايه و كدة احسن لينا كلنا.
علا بنبرة حزن:يعني اللي يأمنك على حياته و يثق فيك تسلمه كدة و تقول احسن لينا كلنا هوة احسن ليا و ليك و ل ماما لكن عماد كدة انت سلمته لواحد قتل ابوه عشان قرشين تفتكر هيفكر ثواني قبل ما يقتل اخوه.
خيري:صدقيني ده الصح كان هيفضل هربان لحد امتى يعني ما مسيره كان هيتكشف و ساعتها كان سامر مش هيرحمنا.
علا:بابا ما دام حضرتك شايف انه اللي عملته صح يبقى كلامنا ملوش لازمه لو سمحت سيبني لوحدي.
خيري:علا انا هسيبك بس عايزك تكوني متأكده انه عملت كدة عشانك مش عشاني يا بنتي انتي اغلى حاجة عندي مش حمل خسارتك.
علا:هوة سامر قالك ايه بالظبط خلى حالك يتشقلب 180 درجة كدة.
خيري:مش مهم المهم انك تكوني بخير و متفكريش في عماد ربك هيحلها و يساعده و خلي ياسمين تستقيل هي كمان عشان متتأذيش.
علا بنبرة غضب:بابا حضرتك عملت اللي شايفه صح يبقى انا كمان هعمل اللي شيفاه صح و مش هسيب عماد و اخته حضرتك حبيت تكون جبان دا يرجعلك انا مش جبانه ولا عمري كنت كدة.
خيري:اخرتها بقيت جبان ي بنتي عشان بحميكي شكرا يا علا اعملي اللي تعملي انا مش هتدخل بس ابقي خلي بالك من نفسك.
____________________________________________________________
سامر:ايه رأيك يا عمدة التعليقة حلوة ولا اغيرها.
عماد:أنت عايز مني ايه مش الأملاك و كلها بأسمك سيبني في حالي بقى انا و اختي شوية كفاية بقى شغل الاستبداد.
سامر بسخرية:استبداد انت لسة شوفت حاجة يا عمدة انت لسة بحتفل بيك بس بعد عودتك الكريمة من العالم الموازي.
أسامة بعصبية:سامر بطل عبط انت عارف كويس انه انت مش هتستفاد حاجة من اهانتنا بالمنظر ده سيبنا و احنا مش هنوريك وشنا تاني عايز اربي بنتي و اعوضها عن سنين اللي قعدتها في السجن بسببك بقى سيبنا في حالنا بقى.
سامر:اهدي يا سوسو كدة يا يطقلك عرق اتكلم عدل يلا بدل والله ما هتشوف بنتك تاني او اقولك انت كدة كدة مش هتشوفها اصلا يا انت ولا امها عشان تتعلم تكدب عليا كويس.
____________________________________________________________
بابا خرج و انا انهارت من العياط اول مرة اكلمه في حياتي بالاسلوب ده حقيقي انا غبية اوي ازاي اقول عليه جبان دا انا واخدة الشجاعة منه بقى هوة بيحميني و انا اعمل كدة و اقول لي الكلام ده مقدرتش انام من التفكير و النهار طلع عليا مخرجتش من الاوضة لحد الساعة 9 تقريبا ماما لقتها داخلة عليا و بتقول:ايه يا علا مروحتيش الجامعة ليه لسة زعلانة من اللي حصل امبارح.
علا:ااه يا ماما و تعبانة شوية كمان.
بسنت:الف سلامة عليكي مالك هوة انت و ابوكي تعبتو في نفس اليوم ده حتى هوة كمان مراحش الشغل.
علا:ازاي ده نادر لما بيعلمها.
بسنت:والله ي بنتي ما اعرف انتي ضايقتيه امبارح ولا حاجة من ساعت ما خرج من اوضتك و هوة مش مظبوط.
علا:ااه للاسف اتجاوزت حدودي معاه و كان اسلوبي وحش اوي.
بسنت:طب قومي صالحيه مينفعش تستني اكتر من كدة.
روحت لأوضة بابا و استأذن بالدخول و لقيته قاعد زعلان و وشه باين انه منمش طول الليل معرفتش افتح كلام معاه و كنت مكسوفة من اللي قولته ليه فضلنا ساكتين لمدة دقيقتين و محدش فينا اتكلم لحد ما بابا زهق و قال:خير يا علا عايزة ايه.
علا بتوتر:أنا اسفة على اللي قولته امبارح معرفش ازاي قولت كدة حقيقي حقك عليا متزعلش مني عارفة اني اتجاوزت حدودي مع حضرتك.
خيري:أنا مزعلتش من اسلوبك قد ما زعلت انك قولتي عليا جبان انا جبان يا علا ازاي.
علا:معرفش قولت كدة ازاي بس كنت متعصبة و مكنتش في وعي لما فوقت و راجعت نفسي انهارت انا اتعلمت اشجاعة من حضرتك حقك عليا بجد متزعلش.
خيري:ماشي ي علا هتعدي بس خلي بالك من كلامك المرة الجاية عشان ممكن منزعلش برضو عادي حد يزعل من بنته برضو.
علا:انت احسن اب في الدنيا ي حبيبي و مقدرش ازعلك مرة تانية.
بسنت:اهو قاعدين تحبو في بعض هنا و سايبه التلفون عمال يرن كدة.
خدت التلفون من ماما لقيتها ياسمين رديت بسرعة عشان يمكن تكون عندها معلومات جديدة بخصوص الصفقة بس المفاجأة انه ياسمين……….