رواية غيث الفصل الثامن عشر 18 بقلم أروى اسماعيل

رواية غيث الجزء الثامن عشر

رواية غيث البارت الثامن عشر

رواية غيث الحلقة الثامنة عشر

بدأت اعرض الفكرة اللي في دماغي عليهم بس حسيت انه عماد مش مقتنع و مكسوف يقول فقررت اكسر الحاجز الاول و اقول:ايه ي عماد حاسة انك مش مقتنع بالفكرة عندك فكرة افضل او حاجة حابب تضيفها.
عماد:الصراحه ااه تفتكري عماد ممكن يدخل عليه انه واحده اعلامية او بمعنى اصح متدربة جاية تعمل لقاء معااه عشان تطوره في الشغل و كدة.
علا:مين قال انها هتقول اعلامية من الاساس.
خيري:مهو ده اللي فهمناه ي بنتي وضحي اكتر.
علا:الصبح قبل ما انام قولت اخش ابص بصة على الفيس المهم لقيتني في صفحة شركه استاذ اسامه الله يرحمه و لقيت اعلان ل سكرتيرة و طالبين مواصفات و كدة المهم بعت ل ياسمين عشان المواصفات كلها عندها و قدمت و حاليا مستنية معاد المقابلة.
عماد:و انتي اللي مأكد ليكي انها هتتقبل.
علا:صاحبتي و انا واثقة فيها.
عماد:ربنا يستر ل تطلع شبهك و نضيع.
علا:ايه شبهي دي استاذ قصدك اني ايه يعني.
عماد:انك غبية دي محتاجة حاجة يعني.
علا:والله ما في اغبى منك.
حامد:خلاص ي ولاد صلو على النبي و اهدو ده مش وقت خناق و اعملولي احترام حتى دا انا راجل كبير بينكم.
عماد:اللهم صلي و سلم على سيدنا محمد انا اسف ي حاج حقك عليا.
علا:عليه افضل الصلاة و السلام معلش ي جدو بس هوة اللي استفزني.
خيري:مستحيل تقبلي بغلطك و تعتذري هلى طول انتي المهم دلوقتي هنفضل مستنيين لحد ما ياسمين تتقبل ولا مش هتتقبل و انت هتبدأ تراقب سامر ي ما اتفقنا ي عماد.
عماد:طيب ي عمي بس كان عندي سؤال.
خيري:اتفضل ي حبيبي.
عماد:هل ياسمين على علم بموضوع سامر و انه خطير و كدة.
مقدرتش اجاوب اني خوفت اقولها ي مترضاش تقدم و ساعتها اكون خسرت اضمن فكرة لحل الموضوع من غير اذى ليا ولا لاي حد مشارك في الموضوع لاحظ بابا عليا انه مخبية حاجة و قال:ها ي علا م تردي عليه ياسمين على علم ولا لاء.
علا بتوتر:لاء مش على علم.
عماد:شوفت حضرتك انا كنت خايف من كدة طب ليه مقولتلهاش بقى.
علا:كنت خايفة ترفض.
حامد:تقومي ترميها في التهلكة كدة.
علا:مهو متعرفش ي جدو حاجة.
خيري:مهو دا اشد ما انت عارفة صحبتك ي علا لو شكت في حاجة بتفضل تنخور وراها و ساعتها كدة تهلكه اهي صح ولا مش صح.
علا:صح طب اعمل ايه دلوقتي.
خيري:تكلميها و تطلبي تقبليها بكرة و تفهميها كل حاجة قبلت تمام مقبلتش ساعتها نفكر في طريقة تانية فاهمة.
علا:حاضر
دخلت الاوضه و فضلت افكر ازاي هقول لياسمين و هعمل ايه لو رفضت و ازاي اقنعها توافق و هي كدة كدة مش مستفيدة فضل عقلي عمال يفكر لحد ما لقيت نفسي نمت.
—————————————-تاني يوم—————————————–
ياسمين:ايه ي علا طلبتي تقابليني بالسرعه.
علا:اتبعتلك معاد المقابلة ولا لسة.
ياسمين:ااه اول ما صيت لقيتهم بعتين المعاد.
علا:امتى.
ياسمين:بكرة بس بتتكلمي ببرود كدة ليه مالك.
علا:هتفهمي كل حاجة دلوقتي المهم تسمعيني للاخر و بلاش مقاطعة اتفقنا.
ياسمين:حاضر اتفقنا.
حكيت ليها كل حاجة و ايه اللي حصل لما اختفيت فجأة و انه قابلت عماد و انه الشركة دي بتاعته هوة و اخوه بس اخوه نصاب و اناني و مجرم كانت مذهولة من الكلام و من تعابير و شها خوفت اقول اني محتاجة مساعدتها بس لقيتها قالت:كملي ي علا انا متأكدة انه الموضوع مش اخره كدة.
علا:عايزاكي تساعديني الصراحة.
ياسمين:اساعدك ازاي.
فهمتها محتاجة مساعدتها ازاي و انه انها تنقبل في الشركه ده شيء مهم اوي بالنسبالي و انه هتدينا معلومات بتحركه اول بأول بس حسيت انها اتوترت فقولت:ياسمين انا لو مش عارفه انك قد المهمة دي مكنتش قولتلك.
ياسمين:بس ي علا الموضوع صعب و اخاف انكشف.
علا:متقلقيش هنجهز كل حاجة ليكي عشان لو اكشفتي تتصرفي ها قولتي ايه.
ياسمين:…………..