روايات

رواية غيث الفصل الثالث عشر 13 بقلم أروى اسماعيل

رواية غيث الفصل الثالث عشر 13 بقلم أروى اسماعيل

رواية غيث الجزء الثالث عشر

رواية غيث البارت الثالث عشر

غيث
غيث

رواية غيث الحلقة الثالثة عشر

اول ما سمعت الاسم مكنتش مصدقة معقولة ده صاحب جدي بس ازاي و هما متقدمين عننا عشر سنين ازاي لسة عايش و جدي ميت عندنا اكيد في حاجة غلط قطع تفكيري صوت جدي حامد و قال:ايه ي علا تفكيرك راح فين.
علا:يعني حضرتك مسمعتش الاسم اللي قالو الخادم.
حامد:سمعت بس افكر ليه و دلوقتي هيدخل و نعرف اذا هو صاحب جدك ولا لاء .
علا:حضرتك عارف شكله.
حامد:ااه ي حبيبتي .
استغربت من كمية الهدوء اللي جدي بيتكلم بيها على واحد ميت في عالمنا و عايش في عالم تاني بعد دقيقتين من التفكير الحاج حيدر دخل و قال:السلام عليكم ي اهل العالم الاخر.
علا:اهل العالم الاخر حضرتك تعرفنا.
حيدر:نعم اعرفكم انني صاحب جدك ي علا.
حامد:ده هوة الحاج حيدر فعلا بس ازاي.
حيدر:مش كنت هادي من شوية ي حامد ولا لسة فيك طبع تغيير الرأي ده.
علا:طب معلش دلوقتي من عالمنا و لا من عالم غيث.
حيدر:لو كنت من عالم غيث مستحيل اقدر اتكلم بلغتنا العامية ي علا .
خيري:طيب ي حاج حيدر ممكن تفهمني غيث ده ايه اللي جابه لبنتي و ايه اللي حصل ل عم عزت و عماد و صاحبه.
حيدر:اهدى بس ي خيري كدة عايزة تعرف كل حاجة بسرعة ليه لسة قدامنا يوم طويل و شهور اطول.
علا:شهور ازاي بس غيث قال غير كدة.
حيدر:انا اللي قولتله يقول كدة اما احنا نقدر نخرج و نرجع للعالم في اي وقت عادي بشرط محدش يقول شاف ايه او اتعامل مع مين هنا والا البوابة مش هتسمح بدخوله مرة تانية.
علا:ده حاجة مريبة و حلوة في نفس الوقت .
خيري:يعني اقدر ارجع عشان شغلي.
حيدر:تقدر عادي.
خيري:طب يلا ي علا نرجع و قولي ل غيث يرجعنا.
علا:بس انا مش هرجع.
خيري:مينفعش اسيبك هنا لوحدك.
علا:مش هرجع ي بابا غير لما اعرف سبب وجودي هنا.
حامد:بس ي بنتي كدة خطر على حياتك.
حيدر:خطر ايه ي حامد انا معاها متقلقش.
خيري:ي علا تعالي معانا بلاش عند.
علا:اسفة ي بابا مش هقدر اسمع كلامك المرة دي مش هرجع.
حامد:خلاص ي ابني سبها انا واثق انه الحاج حيدر جابها هنا لسبب.
حيدر:عفارم عليك ي حامد فعلا هيا هنا لسبب بس مقدرش اقوله غير ليها و في الوقت المناسب كمان.
خيري:طيب ي حاج علا في رقبتك خلي بالك منها.
حيدر:في عيني ي خيري متقلقش.
————————————————————————————————–
بعد بابا و جدي ما رجعو عالمنا حسيت اني شيلت حمل من عليا عشان كنت قلقانة عليهم اكتر من نفسي و قلقانة على امي اللي صحيت ملقتش حد فينا في البيت ف انه يرجع ده كان القرار المناسب و غير كدة معايا حارسي غيث ف هبقى في امان اكتر منهم خدني الحاج حيدر لبيته و بدأ يديني شوية نصايح عشان محدش يكتشف اني غريبة اولهم اني اتكلم لغة عربية فصحى بس عشان دي اكتر حاجة بتميزهم و فعلا بدأت اتعامل و حبيت عالمهم جدا من اول يوم و عدى النهار بنجاح و جه وقت الليل و في لحظة صفا سألت الحاج حيدر :هوة حضرتك متجوزتش في العالم ده.
حيدر:لاء طبعا اتجوزت.
علا:اومال فين مشوفتش اولادك او حتى زوجتك.
حيدر:بصي ي بنتي هنا كل واحد بيبقى ليه بيتين جمب بعض بيت ليه و اسرته و بيت لو جاله ضيف بيستقبله فيه و يقعد معاه .
علا:اما عالم كريم بشكل.
حيدر:هسيبك ترتاحي و بكرة هعرفك على مراتي و ولادي بس متنسيش التعامل معاهم باللغة العربية الفصحى بس.
علا:حاضر ي حاج تصبح على خير.
حيدر:و انت من اهل الخير لو احتاجتي اكل شرب هتلاقي الثلاجة مليانة جوة .
علا:هوة في ثلاجة كمان هنا.
حيدر: ي عبيطة هنا متقدمين عن هناك 10 سنين طبيعي يبقى فيه.
علا:صدق صح ايه الغباء ده.
حيدر:طب يلا نامي ي غبية سلام.
———————————تاني يوم——————————————————
خدني الحاج حيدر لبيت اسرته عشان افطر معاهم و مبقاش لوحدي و يعرفني عليهم دخلنا البيت و كان في غاية الجمال و البساطة في نفس الوقت اتعرفت على بنته الكبيرة و كان اسمها سعاد و عندها 16 سنة قعدت اتكلم معاها حسيت و انا بتكلم اني بكلم طفلة فعلا مش زي عالمنا اللي في سنها تحس هربانين من الاحداث المهم قعدنا نهزر و نضحك مع بعض بحد ما والدتها جهزت الفطار و جت عشان تنادي علينا و دي كانت صدمة عمري انها طلعت…….

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية غيث)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى