روايات

رواية غموض الحب الفصل الرابع والأربعون 44 بقلم لولا

رواية غموض الحب الفصل الرابع والأربعون 44 بقلم لولا

رواية غموض الحب البارت الرابع والأربعون

رواية غموض الحب الجزء الرابع والأربعون

غموض الحب
غموض الحب

رواية غموض الحب الحلقة الرابعة والأربعون

في المستشفى عند امنيه امها بتجهز علشان هتروح ورايحه تتصل بيونس زي ما قالها اتفاجئت ان الممرضين والدكاتره بتجري على اوضه امنيه
سميه بخوف ايه في ايه
وكلهم بيجروا ومحدش بيرد عليها
سميه بخوف في ايه يابنتي طمنيني
الممرضه بقلق المريضه حالتها صعبه ونبض القلب بيقل فا الدكاتره بتحاول تنقذها
سميه بخوف ودموع ايه انتي بتقولي ايه لالا ابوس ايدك يابنتي ادخلي وطمنيني ارجوكي
الممرضه بخوف حاضر حاضر متقلقيش خير باذن الله
ودخلت وسميه فضلت تعيط وتابعت استرها يارب ارجوك يارب بنتي ميجرلهاش حاجه مش هستحمل يارب وفضلت رايحه جاي بتوتر وهي بتدعي وفونها رن بتبص لقيت يونس فردت عليه
يونس ايه يا خاله مش هتروحي ?? انا برا هعدي اخدك
سميه بعياط وخوف لما اطمن على بنتي الدكاتره بتقول حالتها صعبه ونبضها بيقل وبيحاولوا ينقذوها
يونس بصدمه نعممم وتابع بخوف طب اقفلي اقفلي يا خاله انا جاي حالا
سميه بعياط سلام وقفلت وتابعت بخوف: جيب العواقب سليمه يارب ارجوك مد ايدك على بنتي واشفيها يارب
وشويه ويونس وسيف جم
فتابع يونس بخوف ها يا خاله طمنيني عرفتي حاجه
سميه بتوتر وعياط: لسه يا ابني معرفتش حاجه والله يارب يستر يارب
سيف من وراها تابع بحده ياعم ما لو المستشفى دي مش هتعرف تعالجها كويس ننقلها غيرها ايه تعب الاعصاب ده
سميه اتخضت وتابعت بسم الله الرحمن الرحيم انت مين يا ابني
سيف ابتسم بتعب وتابع انا اخو حسام الله يرحمه يا حجه وطبطب عليها وتابع عايزك تهدي ولو وصلت هنسفرها برا هنسفرها مش هنأثر معاها خالص والله
يونس بتوتر اكيد هنعمل كده بس يطلعوا يعبرونا ويطمنونا بس الاول
سيف بتنهيده يارب خير باذن الله وقعد وحط راسه ما بين ايديه
يونس بص لسميه وتابع بابتسامه اول مره تشوفي سيف صح
سميه بابتسامه اه ربنا يحميهولكم ويحرسه قادر يا كريم وتسلم يا ابني والله تعباكم معايا
يونس بحب يا امي امنيه دي اختي متقوليش كده
سميه بحزن تسلم يا ابني ويارب يصبركم ويربط على قلوبكم طمني على والدتك يا سيف اخبارها ايه
سيف تنهد بوجع وتابع مفيش حاجه كويسه يا ام امنيه والله دعواتك
سميه بدموع بدعيلكم وهفضل ادعيلكم يارب يا ابني يصبركم ويهدي قلوبكم من الوجع على قد غلاوته الله يرحمه كان مفيش منه
سيف بوجع معلشان كده مشي بدري
يونس تنهد بوجع وتابع اهدى ها
سيف بوجع لالا متخافش عليا انا زي الفل وبص للارض وسكت
فتنهد يونس بحزن عليه ودقايق وخرج الدكتور فكلهم قاموا وقفوا بلهفه فتابعت سميه بخوف ها يا ابني طمني
الدكتور بتنهيده الحمدلله قدرنا ننقذها بس بردو لسه في الغيبوبه ورافضه تقوم ممكن اعرف ايه وصلها لكده
سيف بتنهيده باختصار جوزها مات يوم فرحهم فاهي اتعرضت لصدمه صعبه جداا وعلشان كده رافضه الواقع ومش راضيه تتقبل تصحي بس ايه الحل ?? ماهو لو مش هتعرفوا تعالجوها نسفرها برا احسن مستشفيات انما مش كل شويه تعب اعصاب وقرف
الدكتور بتوتر حضرتك سيف الرفاعي مش كده ??
سيف بحده اه زفت هو انت هتعملي بطاقه انا دلوقتي بتكلم في حاجه معينه يبقى ترد عليا فيها
الدكتور بتوتر لا كنت بتاكد يا فندم لان لو حضرتك سيف الرفاعي يبقى جوزها حسام بيه اللي اتقتل فكتر الف خيرها
يونس بتنهيده يا عم الله يباركلك فكك من حوارات العيله دي واخو مين وجوز مين وقولنا حاله البنت وصلت لايه
الدكتور بتوتر هقول بس انا ماليش دعوه علشان متجيبوهاش فيا وبص لسيف
يونس فهم فتابع بتنهيده سيف من فضلك مسمعش حسك
سيف بحده اتنيلت اتخرست خالص اتفضل حضرتك اتكلم انت
يونس بضحك اه جدع انا هتكلم وبص للدكتور وتابع قول سامعك سيبك من سيف خالص
الدكتور بتوتر بصراحه البنت حالتها صعبه جدا وبلفعل رافضه الواقع وبصراحه اكتر دي غيبوبه معتمده يعني بمزاجها فاهي لما تحب تفوق هتفوق غير كده لا صعب يعني مش بايدي حضرتك
سيف غمض عينيه بضيق وتابع بتنهيده طب لو عايزين نحب نفوقها تفوق ازاي
الدكتور بضحك لا دي عايزه تحيوا اللي مات اعتقد حسام بيه لو قام كلمها هتستجيب للمؤثر الصوتي وتفوق
سيف اتعصب من اسلوبه وضربه بلبوكس وقعه في الارض وتابع بعصبيه طب ما بدل ما نحيي اللي مات يا روح امك مانوديك انت تونسه وضربه بلبوكس وبلرجل بقوه
يونس وهو بيحوشه عنه تابع بحده بس بس يا سيف الله يخربيت اهلك هتودي نفسك في داهيه
سميه بخوف بس يا ابني علشان خاطري انا سيبه ابوس ايدك
سيف سابه وبصق عليه وتابع بعصبيه ودموع ابن كلب زباله بياخد موت اخويا بسخريه وهزار الحيوان ماشي لو قعدت فيها مبقاش انا سيف الرفاعي
الدكتور بوجع من جسمه وخوف ااه خلاص خلاص انا اسف ارجوك انا كنت بهزر اوعدك مش هتقرر تاني
سيف بعصبيه اسف دي عند امك مش عندي ورفع فونه يتكلم وتابع ليونس بحده اخلص واعمل ورق نقل امنيه لمستشفى غير دي واحسن منها 100 مره بتاعت عاصم
يونس بتنهيده طب ممكن تسمعني
سيف بعصبيه لا مبسعمش انا بتكلم بس اخلص يا يونس واسمع الكلام هي مش هتقعد هنا دقيقه كمان خلاص دول اشباه دكاتره ده المفروض يشتغل في السيرك القومي بتقل دم امه ده … مش مستشفى محترمه وهوريك ازاي يحيوان تستحف دمك على موت سيدك
يونس سيف خلاص سيبك منه و
سيف بعصبيه هششش قولت خلص ورق امنيه وانا هجيلك علشان انقلها خلص الكلام وراح يتكلم يشكي على الدكتور ويفضي مكان في المستشفى الجديده ليها
الدكتور بخوف ابوس ايدك قوله يسبني في مكاني وانا والله ما هفتح بوقي تاني انا لسه متخرج وهبدا حياتي مش عايز من اولها مشاكل
يونس بتنهيده اقول لمين ??? لسيف ??? للي مبيرحمش ?? لا اعذرني انا اكبر منه بسنتين ااه بس مبدخلش في قرارته مبيرجعش فيهاا مهما حصل وانت استخفيت في دمك وحطيت ملح على جرحه وده اخوه وانت لو عارف يعني ايه حسام عنده كنت شديت بلاستر من بدري اوي
سميه بحزن مش عارفه اقول ايه بصراحه انت غلطت يا ابني
الدكتور بخوف عارف يا امي والله وبعتذر بس انا بتكلم جد البيه لو كان عايش كان فعلا غير كتير من حاله المريضه مقصدش اوجعه والله فقوله من فضلك ومش هتقرر
يونس لالا خرجني انا منها سيف مبيغيرش رايه فا اللي اقدر اقولهولك الاحسن تشوف وترتب كلام محترم تقوله للمدير او مكان تاني
الدكتور بحزن تمام يا فندم شكرا ومشي
سميه باين عليه واعر خالص
يونس فضل يضحك وتابع صعيدي وظابط جيش يا ست الكل عايزة ايه انتي
سميه بضحك اايوووه صح نرمين كانت قيلالي ونسيت ميري ميري يعني بيقول الكلمه تتنفذ ربنا يحميه ويحرسه ويخليهولها وتشيل عياله يارب
يونس بحب اللهم امين يارب
وشويه وسيف جيه وتابع بسرعه: يونس روح شغل العربيه وخد خاله سميه هجيبها وجاي خلصت الاوراق ??
يونس اه اه متقلقش اهي ورفعها في ايديه
سيف طب حلو جدا اخلص يلا ودخل هو الاوضه لامنيه وتابع للممرضات مفيش خطر لو خدتها صح
البنت لالا خدها احنا شيلنا كل حاجه وهناك هيحطولها تاني
سيف تنهد بعمق وتابع يا ام مخ نضيف افهمي السؤال
البنت بتوتر تحت امرك يا سيف بيه
سيف بتنهيده انا دلوقتي هشيلها على دراعي وواخدها في عربيتي فهل ده هيسبب خطر عليها ولا لازم تتنقل زي ماهي بعربيه اسعاف
البنت لالا خدها بسرعه ومش هيحصل حاجه باذن الله مفيش اي مضعافات في الطريق المستشفى اللي هتنقلها فيها بعد ساعه من هنا فعادي
سيف بتنهيده ربنا يستر منك والله ما مرتاحلكم حاسسكم متخرجين من كليات غلط في ام المستشفى دي فينك يا زوزا ربنا يحميكي مش هتتقرري تاني المستشفى بتاعتها فعلا خسرتها ووطي شال امنيه بين ايديه وتابع بتنهيده يلا السلام عليكم
البنت بابتسامه وعليكم السلام يا باشا
وخرج سيف بيها وفونه رن فتابع بضيق يارب ارحمني وقت ام رن ده دلوقتي يعني ومشي لحد ما خرج ويونس كان فاتحله باب العربيه فدخل امنيه نامت على رجل سميه وقعد هو جمب يونس ومسك الفون يرد
سيف بتنهيده ايوه يا مرات عمي
عايده بهمس فينك يا سيف الساعه 2 يا ابني وامك قلقانه
سيف جاي والله حاضر ساعه ولا ساعه ونص وجاي
عايده بصدمه ليه يا ابني كل ده في حاجه ولا ايه
سيف لالا متشغليش بالك انا معايا يونس مش لوحدي حاولي خليها تنام لو مرضيتش انا هجيلها
عايده بتنهيده ماشي يا ابني سلام
سيف بتنهيده سلام وقفل وشال الفون في جيبه
يونس بتنهيده امك صح
سيف بتعب اه ورجع ضهره لورا وغمض عينيه
يونس عملت ايه مع الواد ده صح
سيف بتنهيده كبر دماغك يا يونس كل واحد بيغلط بياخد عقابه وده جاب في سيره حسام خليه يشيل بقى
يونس بضحك اممم طب يحبيبي فهمت انا كده خلاص .. ربنا ما يحكمك على يتامه يا غالي
سيف بتنهيده وهو على نفس الوضع تابع طب قصر علشان مزعلكش
يونس بضحك بس يحيوان انت هتنسى نفسك معايا ولا ايه انا الكبير
سيف بوجع ياريت انسى نفسي وانسى حياتي وانسى الدنيا كلها حقيقي تعبت
سميه بحزن ربنا يقويك يحبيبي ويشيل من عليك حقك عليا
سيف بصلها وابتسم وتابع ياست الكل انتي ملكيش ذمب ادعيلي كتير بس ويبقى عملتي معايا الواجب وزياده
سميه بحب بس كده من عينيا يا ابني حاضر
سيف بحب تسلم عينيكي يارب
وبلفعل بعد ساعه وصلوا وسيف فتح الباب وشال امنيه
وامها خرجت وراه ودخل بيها المستشفى
الدكتور بابتسامه ااهلا اهلا نورت يا فندم
سيف بابتسامه معلش حقك عليا مش عارف اسلم عليك
الدكتور بحب يا فندم ولا يهمك انت بتقول ايه كفايه حضرتك منورنا اتفضل اتفضل جهزنالها الاوضه زي ماحضرتك طلبت على اعلى مستوى وفيها كل حاجه هتحتاجها
سيف بحب تسلم جدا يا عاصم بجد
عاصم يا فندم ده واجبي وشغل نور الاوضه وتابع حطها هنا حضرتك
سيف حط امنيه على السرير والممرضات ابتدت تروحلها تهتم بيها وتعملها الاجهزه فتابع سيف بتنهيده في عينيك يا عاصم واي تكاليف ابعتهالي ومتشيلش هم
عاصم بحب تحت امرك يا فندم والله حاضر
سيف بحب تمام يلا السلام عليكم
عاصم بحب وعليكم السلام
سميه بخوف هي كده كويسه يا ابني امشي عادي
سيف بحب اه هنروحك دلوقتي وبكره نجيبك ليها تطمني زي مانتي عايزه هنا براحتك المكان مكانك والمستشفى كلها تحت امرك عاصم ده صاحب المستشفى وصاحبي الروح بلروح
سميه بحب الهي يفرح قلوبكم ويريحكم يا ابني قادر يكريم بس ممكن يحبيبي تكتبلي كل اللي دفعتوه علشان لما تفوق امنيه باذن الله ايديها في ايدينا ونسد الدين ده اصل هي دكتوره اسنان ربنا يحميها ودي اخر سنه خلاص مفروض تحضر مشروع تخرجها وعينيها دمعت وتابعت بس تقوم بالف خير الاول يارب
سيف بحب هتقوم باذن الله وربنا مش هيوجعك ابدا بس بلاش الكلام ده علشان مزعلش منك احنا زي عيالك
سميه يارب يا ابني يسمع منك ربنا بجد بس معلش علشان خاطري قولي بس هتدفع ايه وبلغني
سيف بحب يا ست الكل واحد متفتحيش سيره الفلوس دي تاني بالله عليكي عيب والله انتي كده بتشتمينا
يونس بحب يلا نروحك وبكره باذن الله هاجي اوصلك وسيف صح هنزعل منك لو اتكلمتي في الفلوس تاني والله ميصحش كده احنا مش عيالك ولا ايه
سميه بحب عيالي طبعا ربنا يخليكم لينا يا ولاد والله تعباكم بس علشان خاطري ابقوا
يونس بحب ومقاطعه: متقوليش كده ياست الكل تعبك راحه وعلشان خاطري انتي بلاش تزعليني ونتكلم في الموضوع ده تاني بالله عليكي
سميه بضحك حاضر يا ابني بس تفوق امنيه ونتكلم انت عنيد ومبتتناقش خدت بالي
سيف بضحك اه بس تقوم بالف خير اهم حاجه
وبلفعل بعد شويه وصلوها وروحوا البيت
في شقه معتز سيف واقف بيفتح الباب ودخل وساب المفاتيح على السفره
نرمين سمعت الباب فتابعت سيف
سيف بص وراه للصوت اللي جاي من اوضه اخوه فدخل لقى مامته قاعده على سرير حسام فتابع بحب ايه يحبيبت سيف
نرمين بدموع كل ده يا ابني برا البيت اخص عليك الساعه 4
سيف بتعب حقك عليا ياست الكل والله غصب عني مش بلعب وقلع جزمته وراح نام على رجلها
نرمين باست جبينه وفضلت تمشي ايديها على شعره وتابعت بدموع قولي عملت ايه في قضيه اخوك
سيف وهو مغمض تابع بحب متشغليش بالك يحبيبتي انا لما اوصل لحاجه هقولك علطول ومسك ايديها باسها
نرمين بدموع انت مش عاجبني خالص يا ابني
سيف بستغراب فتح عينيه وتابع ايه ده ليه كده بس منا زي الفل اهو
نرمين بدموع انت مش شايف شكلك ده انت وشك مهدوم وتعبان
سيف تنهد بعمق وتابع بايدي ايه يا امي هي دي بمزاجي
نرمين بدموع ولا بمزاجك ولا بمزاجنا بس علشان خاطري يحبيبي انا متفضليش غيرك مش عارفه الاقيها من وجعي على اللي مات ولا وجعي على اللي عايش بيموت نفسه بلحيا عليه
سيف قام مسح دموعها وغمض عينيه بوجع وباس جبينها وتابع حقك عليا مقصدش احسسك بكده انا كويس اهو يحبيبتي متشغليش بالك بيا صدقيني
نرمين بعياط ما ده اللي بيوجعني انك مش كويس وعايش تكدب وتمثل بس صحتك اللي انت مأهمل فيها خانتك وبينت اللي انت بتحاول تخبيه يا سيف
سيف بوجع عايزاني اقولك ايه بجد ?? هو انتي ناقصه ??
نرمين بعياط عايزاك تطلع اللي جواك حتى لو انا تعباانه بس اسمي احس انك خرجت وجعك وتريحني شويه انما سكوتك بيزودها عليا مش بيهون عني زي ما انت فاهم لاني واثقه ان اللي جواك غير اللي ظاهر
سيف بوجع منا معنديش حاجه اقولها فعلا يا امي وبص حواليه وعلى صورهم المتعلقه على الحيط وتابع حاسس ان واقعي حلم وهصحى منه والصور دي اللي بقيت مجرد ماضي وفات شايفها واقع بس هو كابوس وهيخلص وكل حاجه هترجع زي الاول وقاعد مستنيه يجي .. طول عمري بحب حسام وزينب اكتر من نفسي وبفضلهم عليا حتى لو كان التفضيل ده على حسابي ….انا قولت مش هتجوز ولا هتنيل وهما واحتياجتهم مسئوليتي ومش هعيش غير علشانهم خلاص .. ماليش نقط ضعف لان نقط ضعفي كانت بتتمثل فيهم .. كان كل المهربين والارهاب بيستغربوني في الشغل في المهمات .. انت ازاي كده يا سيف ?? انت ازاي جامد كده ??? ازاي قوي كده?? ده لكل انسان نقاط ضعف انت ايه نقاط ضعفك مش عارفين مفروض نوقعك ونهدك ازاي بس محدش كان عارفها فكنت بفضل دايما قوي وحسام لما مشي اتكسرت وضهري اتكسر قدام الدنيا كلها وحسيت اني بحارب لوحدي في وسط حرب .. حرب مش راضيه تقف .. انتي خسرتي ابنك يا امي وانا خسرت نصي التاني خسرت ايد كانت في ايدي من يوم ماوعيت خسرت صاحب لعب ودراسه وحياه خسرت سند وكتف اميل عليه خسرت سيف يا امي .. انا خسرت نفسي
نرمين حضنته وفضلت تعيط بانهيار وتابعت يحبيبي يا ابني ربنا يقويك ويقوينا ويصبرك ينورعيني عارفه والله عارفه ان حسام وزينب عندك في كفه وباقي الدنيا في كفه وعارفه انه اختبار صعب وتقيل علينا بس اقول ايه يارب اقول ايه يا حرقه قلبي عليك يا ابني يحبيبي وفضلت تعيط
سيف شدد من احتضانها ودموعه نزلت فمسحها وتابع بوجع اهدي علشان خاطري الله يرحمه يحبيبتي ويصبرنا على قد غلاوته وباس جبينها بعمق
نرمين بدموع يارب اللهم امين يا ابني يارب بجد
سيف مسح دموعها وتابع بابتسامه الله ماقولنا كفايه عياط وعلشان تعرفي بحبك قد ايه هنام معاكي انهارده
نرمين ابتسمت من بين دموعها وتابعت يخرابي ده انا يبختي والله تعالى يعمري
سيف بضحك علشان تعرفي بس وطفى النور ونام في حضنها فباست جبينه كتير وحضنته اكتر وغطته كويس وتابعت بحب متغطي حلو ??
سيف بحب زي الفل نامي انتي بقى يا ست الكل علشان لو شوفتك عيطي تاني همشي واسيبك واروح بيتي اللي في القاهره انا كده كده كنت قايل ليونس مش جاي هنا تاني
نرمين بلهفه لالا مش هعيط والله خلاص اخص عليك يا سيف بتمسكني من ايدي اللي بتوجعني علشان عارف بموت فيك ودلوقتي ماليش غيرك يعني
سيف بضحك مقدرش يا نرمين عيب عليكي انا بهزر معاكي علشان مبحبش دموعك بس
نرمين بضحك نرمين بردو يا ابن الجزمه
سيف بحب واجمل نرمين في الدنيا كلها كمان وباس ايديها اللي حضناه
نرمين باست جبينه وتابعت بحب يارب ميحرمنيش منك ينورعيني واشيل عيالك
سيف بضحك احمم بدأنا … ياانرمين مانتي عارفه رايي في الموضوع ده
نرمين هعمل نفسي مسمعتش حاجه
سيف فضل يضحك وتابع خلاص هسيبك تحلمي الاحلام مش بفلوس بلاش اكسر طموحك
نرمين ضربته على ضهره وهي حضناه وتابعت ماشي يا ابن الجزمه
وسيف فضل يضحك وتابع صحيني لصلاه الفجر شويه كده هاا اوعي تنسي
نرمين بحب حاضر يحبيبي وبعد شويه كان نام وهي كانت صاحيه بتطبطب عليه فباست جبينه وبصت لفوق وتابعت بوجع كفايه عليا اللي شوفته في حسام يارب ارجوك احمي سيف وخليهولي وفرحني بيه وبعياله هو واخته قادر يا كريم ودموعها نزلت وتنهدت بوجع وبصت للساعه علشان تشوف هتصحيه بعد قد ايه
——–
تاني يوم الصبح في عياده الدكتوره بتاعت زينب
الدكتوره بابتسامه اهلا نورتوني اتفضلوا
زينب قعدت على الكرسي اللي قدام مكتب الدكتوره وعمر قدامها فتابعت الدكتوره : ها طمنيني عليكي حاسه بايه دلوقتي
زينب بتعب بضيق : حاسه اني مرهقه وتعبانه اوي عن الاول وفي بقع بني كده ظهرت في جسمي وبينزلي افرازات كتير
الدكتوره بحب متخافيش متخافيش طبيعي الاعراض دي انتي في نص التالت اهو فهتلاقي نفسك كده كتير الفتره الجايه
عمر بقلق طب يا دكتوره هي اهملت في ادويتها الفتره اللي فاتت فمعلش طمنيني عليها
الدكتوره ايه ده ليه كده يا زينب
زينب بتعب وضيق: معلش غصب عني
عمر بصلها بحده بسبب ريأكشنات وشها والدكتوره تابعت بابتسامه طب قومي نشوفك ونطمن جوزك واضح بيحبك وقلقان اوي عليكي واول مره اشوفك معاها صحيح
عمر بابتسامه ما حضرتك انا ظابط جيش فمش دايما ببقى هنا
الدكتوره بتذكر اه اه صح زينب قالتلي قبل كده ربنا يقويك ويحفظك ويقومهالك بالف خير يارب
عمر بحب اللهم امين يارب
وعمر شال زينب قعدت على السرير والدكتوره قعدت على كرسي قدامها وتابعت خليها تنام وارفعلها هدومها
زينب نامت وعمر فتح زراير الشميز بتاعها ورفع البدي
والدكتوره ابتدت تكشف عليها وتابعت معلش ارفع هدومها شويه علشان اسمع دقات قلبها
عمر رايح يرفع البدي اكتر ناحيه قلبها فزينب مسكت ايده وتابعت بحرج لالا يا عمر
عمر بضحك لالا على ايه يابنت المجانين اوعي كده يابت سيبي ايدي
الدكتوره بضحك محرجه من ايه انا وست زيك وده جوزك
زينب بحرج لا مش حكايه احراج بس معلش اسمعي كده من تحت الهدوم
عمر بضحك سيبك منها يا دكتوره ومسك ايد زينب الاتنين بايد واحده وبايديه التانيه رفعلها البدي كويس
زينب بحرج يااا عمرر وغمضت عينيها
عمر بضحك معلش خليها عليكي وافضلي مغمضه لحد ما نخلص
الدكتوره وهي بتسمع النبض تابعت بضحك اومال هتعملي ايه في كشوفات اخر الشهور والولاده نفسها بقى
عمر بضحك يا دكتوره سيبك منها هي بهرمونات شويه بتتكسف وشويه لا
الدكتوره ضحكت وتابعت اهدي يا زينب خدي نفس ببطئ وخرجيه متوتريش نفسك علشان اعرف احدد مفيش حاجه يحبيبتي مالك في ايه
زينب خدت نفسها ببطئ وخرجته فتابعت الدكتوره ايوه بس كده زي الفل النبض سريع حاجه بسطيه وخلصت الكشف وتابعت خلاص نزل الشميز شويه غطيها وسيب بطنها وبصتله وتابعت وعلى فكره بلنسبه للهرمونات طبيعي وهيحصل كتير الفتره الجايه فمتستغربش وهتدخل في حالات اكتئاب وحزن بسبب ومن غير سبب فبنهبك من دلوقتي هاودها
عمر تنهد بعمق وتابع عارف والله وبعمل كده ربنا يعينها وتقوم بالف خير يارب وباس راسها
زينب بصتله بحرج وتابعت استنى عليا بس
الدكتوره وهي بتقيسلها الضغط تابعت بضحك هتضربك لما تروحوا البيت علشان شوفتها في الكشف
عمر بضحك لا انا عارف مراتي بتفكر ازاي هو علشان شوفتها قدام حضرتك يعني انتي بس تمام .. انا بس تمام انما اشوفها قدامك اتحرجت مني
الدكتوره فضلت تضحك وتابعت قال يا زينب
زينب سكتت ودفنت وشها في حضن عمر ففضل يضحك وتابع شوفتي مش قولتلك
الدكتوره بضحك لا والله انتي فظيعه وشالت الجهاز وتابعت ضغطك واطي جدا جدا ووحش اوي ومش هينفع كده ها عايزين ناكل كويس وكتري الحاجات الحادقه
عمر بص لزينب وتنهد وتابع حاضر يا دكتوره هنعمل كده
الدكتوره حطت الجل على بطنها وابتدت تعمل السونار وتابعت بحب اهو تعالى شوف البيبي كده
عمر كان ماسك ايديها فبص للشاشه وابتسم بفرح
زينب بضيق مش شايفه انا
عمر بحب استني انا هصورهولك خليكي زي ما انتي وطلع فونه وابتدى يصوره والدموع اتجمعت في عينيه بفرح وهو مش مصدق فتابعت الدكتوره بحب بصي اهو صوت قلبه فعمر وزينب ابتسموا لما سمعوه
والدكتوره كملت كشف وتابعت بتنهيده بصي بقى للاسف تأثيرك على نفسك اثر علي ابنك في التغذيه الواضح الكام يوم دول مش بتهتمي بنفسك كويس واكون صادقه معاكي لو استمريتي على كده هيبقى مشاكل اكبر زي نقص النمو وقله الوزن
عمر بقلق طب ايه يا دكتوره فهميني يعني هو دلوقتي كويس ولا ايه ??
الدكتوره بتنهيده اه قله تغذيه بس ودي هنتهم بيها جدا الفتره الجايه وهنزود الفيتامينات والفواكه والعصاير الطبيعيه واللبن مع الاكل الصحي وابعدي نهائي عن الاكل الجاهز او بتاع الشارع عموما
زينب بحزن حاضر يا دكتوره
عمر تنهد بعمق وتابع تمام عيني هعمل كده معلش بس اكتبي روشته جديده بلادويه والحاجات اللي هعملهالها علشان انا اللي هنفذهم مش هي
الدكتوره تمام حاضر مفيش مشكله
زينب بتعب والنوع يدكتوره ميبانش دلوقتي ??
الدكتوره بحب بصي هو ميبانش دلوقتي شهر كمان ويكون واضح باذن الله وهعرفك ومسحت الجل من على بطنها
زينب وهي بتقفل هدومها تابعت بتنهيده تمام مفيش مشكله ومسكت ايد عمر ونزلت من على السرير والدكتوره قامت كتبت الروشته
عمر خدها منها وتابع بابتسامه تمام يا دكتوره تسلمي تعبناكي
الدكتوره بحب لا تعبكم راحه عقبال ماتشيلوه على ايديكم يارب
عمر بحب يارب تسلمي
وخرجوا فتابع عمر بتنهيده وهما نازلين : حلو كده ها
زينب بضيق عمر انا مش طايقه نفسي فسبني في حالي الله يرضى عنك
عمر بحده ماتحترمي نفسك وتتكلمي عدل ولا انتي ماشيه بمثل خدوهم بلصوت ولا ايه
زينب بعصبيه ولا مثل ولا زفت انا بتكلم عادي مش في دماغي حاجه ومفيش سبب اعمل علشانه كده
عمر بعصبيه لا في سبب انتي غلطانه وعاارفه اني هنكد عليكي فبتستعبطي
زينب بعصبيه عمر والله انا مش ناقصه اديه كويس اهو محصلش حاجه ممكن تتفضل تروحني حقيقي تعبانه وفيا اللي مكفيني ونزلت ومشيت راحت تركب العربيه
عمر بحده ماشي يا زينب مااشي وراح ركب جمبها وقفل الباب بعصبيه وسكت ومشي
وبعد شويه وصلوا بيتهم ففتحت الباب ونزلت وقفلته جامد فنفخ عمر بضيق وتابع اقسم بالله ماسك نفسي عنها بلعافيه غلطانه وبتكاابر وقفل عربيته وطلع وراها لقاها واقفه عماله تحاول مع الباب تفتحه بلمفتاح مش راضي وبتضرب فيه برجلها
عمر بحده يابنتي يابنتي هيتكسر في ايه الله يحرقك علي الصبح مش كده وراح خد منها المفتاح وفتح الباب وتابع بحده ماهو اتنيل اهو ولا هو لازم تطلعي خنقتك على اي حااجه
زينب بصتله بضيق ودخلت اوضتها وقلعت طرحتها وهدومها ووقفت جابت كاش مايو وبتلبسه فعمر دخل وقلع قميصه ورماه على جمب وهي لبست الكاش مايوه وتابعت بضيق شيل قميصك مش قادره ااتنيل اروق حاجه
عمر لا اصل انتي اللي بتروقي اوي
زينب بحده اي ان كان اتفضل شيله انا مبحبش الكركبه ورايحه تخرج عمر مسك دراعها جامد وتابع بعصبيه زييينب فوقي لنفسك مالك في ايييه انتي اتجننتي ولا ايه عماله تعلي صوتك كل شويه واقول معلش سيبها مخنوقه ولا مضايقه غصب عنها انما هتسوقي فيها اقتلك
زينب بضيق ولا هسوق ولا هنيل وشدت دراعها وخرجت فقلع التيشرت ورماه بعصبيه من اسلوبها وراح فتح الدولاب وغير هدومه وخرج لقاها بتجيب فواكه وعصير من المطبخ وقعدت بيهم قدام الشاشه وكانت بتاكل فهمس بستغراب لنفسه : صنف غريب ويشل هعيش واموت وهفضل مبفهمش تفكيرهم انا اختصرها احسن لان واضح هرموناتها قايده انهارده
فاراح قعد جمبها وسكت ومسك فونه فبصت عليه بطرف عينيها وتابعت صحيح ياعمر
عمر وهو مركز مع الفون تابع اممم خير
زينب بضيق مين البنت اللي كانت بعتالك ادد امبارح دي ولابسه فستان اسود
عمر معرفهاش عملت ديليت واستوعب وبصلها وتابع بحده لحظه بس وانتي عرفتي منين ??
زينب برفعه حاجب ايه عرفت منين دي شوفتها هو عيب امسك فونك ولا ايه
عمر بعصبيه عيب تتجسسي عليااا ليه محسساني اني بعمل حاجه غلط مش فااهم
زينب بعصبيه انا مبتجسسش على حد خد بالك من كلامك انت جوزي وحاجتك حاجتي مفيهاش حاجه لو مسكت فونك
عمر بعصبيه ده لو مسكتيه بنيه صافيه انما مش بنيه التفتيش يا هاانم انتي اتجننتي يا زينب ولا ايه وصلت بيكي تشكي فيااا
زينب بحده انا مبشكش فيك انا بغيير من البنات دي وحقي انما مقولتش انت اللي وحش
عمر بعصبيه زينب مالك فيكي ايه من الصبح انتي مش طبيعيه وربناا هل انتي شايفه ان اللي بتعمليه ده طبيعي ووقته
زينب بضيق ليه عملت ايه انا
عمر غمض عينيه وتابع حبيبتي انتي بتتلككى على خناقه وبتمسكي فوني تشوفي البنات اللي بعتالي ادد ومش بتتكملي عدل مع الدكتوره ومهمله في ابنك وفي صحتك وبتتعصبي علي اقل كلمه وانهارده قبل ما ننزل قال مخنوقه ومش راضيه تفطري علشان خايفه يطلع فيكي بنت في ايييه لكل ده قولتلك عيطي وخرجي طاقتك بدل ما انتي بتخرجي وجعك وحزنك على رايح الجاي وبتأذي الكل وقبلهم نفسك
زينب بضيق علشان انا كويسه ومفيش حاجه وكل كلامك ده مش
عمر بحده ومقاطعه: متكدبيش علشان لو كدبتي على الكل مش هتعرفي تكدبي عليا انتي مش كويسه ومش هتبقي كويسه طول مانتي كده انتي دخلتي في صدمه نفسيه وبتحاولي تضحكي على نفسك وتعيشي وبتفتعلي اي خناقه بينا علشان تملي يومك مشاكل ونكد وتلاقي حاجه تفرغي فيها طاقتك وخلاص ولانك مدركه انك مهمله في صحتك قلبك وجعك على ابنك وجيتي تاكلي حاجات صحيه علشانه بس هل فكرتي تعترفي بده ?? لا ابداا بل بلعكس زيدتي عناد وعلو صوت وفاكره نفسك عايشه طبيعي وانتي بردو بتداري على خوفك ووجعك وبيخرجوا غصب عنك في عصبيتك لانك مش مستحمله وراجل غيري كان مسكك ادالك علقه على اسلوبك ده بس انا ادركت انتي بتعملي كل ده ليه
زينب بوجع غمضت عينيها وتابعت: عمر بجد انا كويسه انت كلامك غلط
عمر واحشك صح ?
زينب بوجع هو مين ??
عمر بتنهيده اخوكي يا زينب .. حسام
زينب بوجع شديد: اه واحشني وجسمها ابتدى يترعش وتابعت بتقطع واح شني او ي كمان
عمر دموعه نزلت وفتح ايديه ليها فحضنته وهي بتترعش وتابعت بتقطع نف نفسي اش اشوفه اوي اوي ياا عمر بجد
عمر بوجع : عيطي يا زينب وفضل يطبطب عليها ويمشي ايديه على شعرها
زينب بوجع وارتعاش م مش عا رفه اعيط حس-ام هيجي تا ني صد قني مش … مش هيسبني لا
عمر بوجع ودموع حسام مات يا زينب ومش هيجي تاني خلاص ومش هتشوفيه تاني خالص ارجوكي تقبلي الوضع ده علشان ترتاحي وفضل يطبطب عليها وحضنها اكتر
زينب سمعت كلامه وانفجرت عياط وانهارت في حضن عمر فتنهد بارتياح وضمها ليه اكتر بوجع وفضل يطبطب عليها بلهفه فتابعت زينب بعياط وانهياار يحبيبي واحشتني ..واحشني اوي يااارب واحشني اوي عايزه اشوفه اااه وفضلت تكح بشده وعمر بيطبطب عليها ودموعه بتنزل
زينب بعياط مش عارفه اعيش ولا اصدق يا عمر انا تعبانه اوي بجد ومقصدش والله العظيم مقصدش اتعب ابني بس غصب عني والله غصب عني يااارب نفسي اشوفه ولو دقيقه يارب ولو ثانيه واحده احضنه واقوله اني بموت فيه ويمشي تاني والله يمشي تاني وفضلت تعيط
عمر دموعه نزلت وباس راسها وفضل يطبطب عليها وتابع ربنا يرحمه يحبيبتي ربنا يرحمه هو في مكان احسن ادعيله
زينب بوجع وعياط يارب يرحمك يحبيبي يارب يرحمك ويصبرني على فراقك ويسكنك الفردوس الاعلى وفضلت تعيط وتابعت كتير والله كتير على طاقتي يارب
عمر بدموع اهدي يحبيبتي واستغفري ربك ربنا مبيحملش عبده فوق طاقته اللي حصل لاخوكي قدر ومكتوب وكلنا لينا معاد
زينب بوجع وعياط بس انا مش قادره يا عمر والله مش قادره استحمل ولا اتقبل ان مفروض خلاص هعيش الباقي من عمري من غيره ومش هشوفه تاني خالص وفضلت تعيط في حضنه وهو بيطبطب عليها لحد ما نامت ودموعها على خدها
فمسح عمر دموعها وباس جبينها وسند جبينه على جبينها بحزن وتابع يارب يصبرك يحبيبتي ويقويني عليكي ويقومك بالف خير انتي واللي في بطنك ومايوجعني فيكم ابدا يارب وقام شالها ودخل اوضتهم ونام بيها على السرير وخدها في حضنه وغطاها وفضل يطبطب عليها بحزن
————
في الكافيه مازن كان قاعد مع جودي وبياكلوا
جودي طب والعمل يحبيبي هنعمل ايه
مازن كلي بس الاول وهنفكر بعد الاكل باذن الله
جودي حاضر … فين المايه
مازن مسك كوبايه المايه وشربها وهي ابتسمت بفرح من طريقته معاها
وياسمين قاعده في ترابيزه بعيده شويه وشيفاهم ومازن فاتح الخط معاها لانها صممت على كده وقاعده هطق منه وتابعت بغيره ماشي ياا مازن ده انت ليله اهلك معايا سودا
جودي بحب انا بجد فرحاانه اوي انهارده ربنا يخليك ليا يارب
مازن بابتسامه يارب دايما ياروحي وحط الكوبايه مكانها ورجع ياكل
جودي بحب صح مقولتليش ايه رايك في الميكاب بتاعي انهارده
مازن بابتسامه تجنني ايه الجديد يعني
ياسمين فتحت عينيها بصدمه وتابعت تجنن !!! يا ابن الجزمه يا مازن
جودي ابتسمت بفرح وتابعت حبيبي بجد مقولتليش صحيح هنسمي البيبي ايه
مازن بابتسامه وهو بياكل ايه رايك في عباس
جودي ابتسامتها اختفت وتابعت عباس ايه يا مازن !!!
مازن بابتسامه ايه مش عاجبك عباس اخص عليكي لالا واضح اننا مش متفقين من اولها
جودي بضيق مش حكايه عدم توافق بس تسمي ابن ياسمين زين وتسمي ابني انا عباااس
مازن اما انتي غريبه صحيح يا جودي ما كلها اسماء بتاعت ربنا يعني مالو عباس
جودي بصدمه لا بجد يخربيت ثباتك الانفعالي هو انت بتتكلم جد ????
مازن بابتسامه اومال ههزر في مستقبل ابني ولا ايه ومد ايديه ليها بلاكل وتابع كلي بس يلا كلي نفكر بعدين
جودي كالت منه وتابعت بحب لا انا هسمي ابننا يزن
مازن طب وليه اللخبطه يابنتي من قله الاسماء يعني هيبقى زين ويزن
جودي بحب انا عاجبني يزن جداا بجد خلاص
مازن بابتسامه خلاص اللي يريحك يا احلى واطعم ام يزن امسكي وبياكلها
جودي كالت منه وهي فرحانه جداا بعدين مدت ايديها تاكله زي ما اكلها
مازن كل منها وتابع بابتسامه تسلمي يعمري كلي انتي بس اهم حاجه
جودي بحب متخافش يعيوني بهتم بيه كويس
مازن ربنا يقومكم ليا بالف خير يارب
جودي بخبث الا صحيح هو انت لما نتجوز وتيجي اخر فتره للحمل دي هتسبني وتيجي بيت الرفاعي ولا هتقعد معايا
مازن بابتسامه اخر فتره من حملك هقعدها كلها معاكي طبعا مفيهاش كلام
جودي بخبث طب وياسمين ??
مازن برفعه حاجب مالها ياسمين تستحمل شويه هي هتموت من غيري يعني ولا ايه وابتسم وتابع اصل انتي كده كده هتبقي اهم حد في الفتره دي
جودي ابتسمت بفرح وتابعت اوكيه اتفقنا
مازن مد ايديه ياكلها ففتحت بوقها والاكل وقع من ايديه على رجلها فتابع بسرعه: يالهوي اسف اسف مقصدش حقك عليا
جودي وهي بتنفض تابعت بحب لالا يحبيبي ولا يهمك خلاص دي بيتزا مبهدلتش الدنيا اوي
مازن حقك عليا بجد طب قومي اغسلي الصلصله دي ولا حاجه
جودي بحب حاضر هقوم انا اغسلها وجيالك
مازن بابتسامه تمام مستنيكي متتاخريش
جودي بحب تمام وقامت فمازن طلع حاجه من جيبه وحطاها في العصير بتاعها وفضل يقلب بلكوبايه شويه وسابها مكانها
ياسمين همست مازن وشاورتله فبصلها بحده انها تسكت ودققتين وجات جودي وقعدت وتابعت بابتسامه ها اتاخرت عليك
مازن بابتسامه لا خالص ها نضف
جودي بحب اه متقلقش
مازن طب انا كالت كملي اكلك ويلا
جودي متكلمناش يا مازن هنعمل ايه
مازن بتنهيده مش عارف لسه بس ممكن اكتب عليكي وخلاص بس موقفي وحش بردو
جودي بستغراب ده اشمعنا
مازن بتنيهده يعني نفترض مشيناها اني اتجوزتك عادي كتب كتاب بس وخلاص .. لا ده كمان هبان قدامهم اني مكمل جوازي علشان هقول انك حامل فبصراحه الموقف محرج يعني ابن عمي واخويا ميت وانا اعمل كده
جودي بتنهيده ااه ده على اساس انك مبتقربش لياسمين مثلا ????
مازن برفعه حاجب اعتقد اسرار اوضه نومي متهمكيش في حاجه
جودي بس ده حقي وانا ميخصنيش ابن عمك ولا غيره
مازن بضحك تصدقي وتأمني بالله انا مشوفتش في حياتي ست كده
جودي ليه يحبيبي هو انتوا بس اللي بتحسوا بكده ???
مازن بتنهيده صدق اللي قال اللي اختشوا ماتوا اه والله
جودي مازن انا بقول كده علشان بحبك بس انت بقى فهمتها حاجه تاني واصلا الطبيعي ان
مازن بمقاطعه لا فاهمك وحقك طبعا يحبيبتي محصلش حاجه وبلنسبه لجوازنا كده كده دي مشكلتي وهحلها انتي مش ذمبك ولازم هعلن انك حامل فكل ما كان اسرع كل ما كان احسن ومد ايديه بلعصير وتابع اشربي بقى علشان نمشي
جودي ابتسمت بحب وشربت منه
مازن بابتسامه الف هنا
جودي بحب تسلم يحبيبي ومسكت الكوبايه منه كملتها
ودقايق وابتدت تدوخ وتابعت مازن
مازن بتمثيل قلق ايه يحبيبتي مالك
جودي بتعب حاسه هيغمى علياا الحقني
مازن قام سندها بسرعه فوقعت في حضنه فتابع بضيق جتك الارف ووطى شالها بين ايديه
حد من الشباب في الكافيه تابع انت يا اخينا واخد البت ورايح على فين
مازن بحده مراتي وحامل وتعبت يحيوان مالك في ايه ما من الصبح قاعد بطفحها ولا مش شايف دي وشايف وانا بشيلها بس ??? وبص لياسمين وتابع يلا يابت انتي التانيه وبص للشاب المستغرب وتابع بضحك مراتي بردو بس الاولى بحب التعدد بعيد عنك وخرج وياسمين وراه
ياسمين بغيره ده انت ليله اهلك مش هتعدي معايا الصبر بس
مازن بضحك بس يابت مسمعش حسك خالص
ياسمين ضربته في كتفه وتابعت بحده ماشي ماشي صبرك علياا على المرقعه اللي شغال تعملها معاها دي
مازن بضحك وهو بيحطها في العربيه تابع يحبيبي انتي الاساس مانتي عارفه
ياسمين ركبت وتابعت بضيق بس يا مازن علشان مش طيقاك وعايزة اولع فيك انت وهي قاعد بتاكلها وتتمرقع معاها وتعاكسهااا يا ماازن
مازن ركب جمبها وتابع بضحك يابت تمثيل كله تمثيل علشان لما اوقع الاكل عليها متشكش اني قاصد وبعدين ده كله كلام وقايلك هعمل كده
ياسمين بغيره اممم بس واضح عجبتك التمثيليه والميكاب وكل حاجه
مازن بضحك والله انتي مجنونه ودماغك تعبانه انا مش هرد عليكي
ياسمين بضيق نينيني
ومازن ضحك عليها وشويه ووصلوا المستشفى ونزل شالها بين ايديه ودخل للدكتوره اللي مكلمها وتابع اهي هي دي يا دكتوره اللي عايز اعملها التحاليل
الدكتوره تمام هنعوز عينه منك وعينه منها هناخدها حالا
مازن تمام حاضر بس كده هي هتعرف ولا ايه ??
الدكتوره اه بس متخافش التحاليل دي سهله ومش متعبه ليها هناخد عينه بسيطه بس وبلنسبه لـ اللزق اللي هتشوفه على دراعها هنقول انه تحاليل انيميا لانها تعبت وهنعمل انيميا فعلا بلمره علشان هي تصدق
مازن بتنهيده تمام يا دكتوره وهياخد قد ايه ويطلع
الدكتوره يعني في حدود تلات ايام بلظبط لان ده هيحدد انت الاب ولالا فاحنا بنتكلم في شرف ناس فبيتعمل بعنايه واهتمام وبيطول شويه
مازن بتنهيده تمام مفيش مشكله
الدكتوره طب تمام هاخد منها العينه وحضرتك سلم العينه برا للممرضه
مازن تمام وخرج وياسمين خرجت وراه وتابعت بتوتر انا خايفه وحاطه ايدي على قلبي
مازن بتنهيده خدي بالك انا ماشي وراكي بس مش متوقع حاجه من اللي بتهري فيها ولو طلع زي منا متوقع وده هيبقى حقيقي بنسبه 90% اتمنى متبدائيش فقره النكد لان كده كده انتي عارفه انه ابني
ياسمين بضيق متقولش ابنك بس ابنك في عينك يا شيخ
مازن ضحك وياسمين تعبت وحطت ايديها على بوقها
مازن بخوف مالك يابت في ايه
ياسمين بتعب مش قادره ودخلت جري على الحمام بتاع المستشفى وفضلت ترجع في الحوض
مازن دخل وراها بخوف وفضل يطبطب على ضهرها بحنان وتابع ايه يحبيبتي في ايه مالك وهي فضلت بترجع وهو بيطبطب عليها لحد ما خلصت فغسلها وشها ومسحهولها فسندت راسها على صدره وتابعت دايخه اوي بجد مش قادره
مازن باس راسها وتابع بحب سلامتك يحبيبتي
ياسمين بتعب الله يسلمك يارب
مازن ابتسم بحب وتابع ياسمين انا حاسس انك حامل
ياسمين بصتله بستغراب وتابعت حامل !! مش فاهمه ايه خلاك تحس كده
مازن ابتسم بحزن وتابع انتي من يوم فرح حسام لما رجعتي على الريق الصبح قبل مانروح الفندق وانا حسيت بس اللي حصل خلاني معرفتش اكلمك ودلوقتي افتكرت وتنهد بعمق وتابع لسه فاضل اسبوع على معاد البريود نشوف لو مجتش نحلل بعدها
ياسمين دموعها نزلت وتابعت معقوله بجد
مازن ابتسم وباس راسها وتابع انا حاسس جدا والله
ياسمين بدموع فرح لا خلاص مش هستناها تيجي تعالى نحلل دلوقتي ادينا في المستشفى
مازن بضحك انتي مجنونه يابت ماتستني وهنعرف لوحدنا لو مجتش
ياسمين بفرح لالا بجد يلا مش هقدر استنى اسبوع اتحمست اوي يارب يكون كده يالهوي وحطت ايديها على بوقها بفرح
مازن ياريتني ما اتكلمت بجد افرض طلعتي مش حامل
ياسمين بفرح لالا يحبيبي متخافش مش هزعل تعالى بس نشوف خير باذن الله
وبلفعل دخلت اوضه التحاليل وتابعت معلش عايزه احلل مستعجل حمل
الممرضه بحب اقعدي طيب
ياسمين قعدت بتوتر وغمضت عينيها بخوف فمازن خدها في حضنه وهي دفنت وشها في صدره من الخوف والممرضه شمرت اكمام الدريس وضغطت على دراعها وابتدت تسحب
ياسمين فتحت عينيها بوجع ومسكت في قميص مازن فهمس بحب بس بس قربنا خلاص اهدي
ياسمين غمضت عينيها بوجع ومسكت في قميصه جامد وتابعت ااه
مازن بحب والله خلاص هانت اهو متبصيش
الممرضه سحبت السرنجه ومازن تابع اهوو خلاص خلصنا وباس راسها وتابع بحب سلامتك ينورعيني
ياسمين بحب الله يسلمك يارب وبصت للبنت وتابعت مستعجل هاا
الممرضه حاضر عيني والله ساعتين وتعالي خديهم الاسم ايه ????
مازن مدام ياسمين الرفاعي
الممرضه خلاص تمام
مازن بحب استنيني بقى هروح ادي الدكتوره العينه وهجيلك وقعدها وتابع هتدوخي دلوقتي ها فمتتحركيش من مكانك هديها العينه واجيبلك عصير واجي
ياسمين بحب تمام ماشي
وبلفعل مازن مشي ونص ساعه وجيه وجابلها العصير وقعد جمبها واداهولها وتابع بتنهيده جودي فاقت شوفتها وانا راجع
ياسمين بتنهيده وانا اعملها ايه
مازن بتنهيده مش حكايه تعمليلها ايه بس خايف متصدقش ان بسبب انها داخت وتعبت فحللتلها
ياسمين لا متخافش جودي غبيه اوي
مازن بتنهيده اعتقد واحده غبيه اوي متعملش اللي انتي بتتكلمي فيه ده
ياسمين بتنهيده وضيق مش عارفه ادينا هنشوف وشربت من العصير وتابعت بحماس متوتره اوي
مازن بحب حامل باذن الله
ياسمين بضحك شوف يعني انت اللي حسيت مش امه
مازن بضحك عيب عليكي واقولك ساعه امتى كمان
ياسمين فتحت عينيها بتفاجئ وفضلت تضحك وتابعت بس بس يا قليل الادب اخرس خالص بتقول ايه
مازن فضل يضحك وتابع يابت علشان تعرفي اكتر اني اب حساس صحيح
ياسمين بضحك لا مش عايزه اعرف بس ملاحظ احنا فكل حاجه مختلفين عن الناس يعني اي واحده بتفاجئ جوزها لما تعرف انها حامل الا انا جوزي هو اللي فاجئني وعرف من نفسه
مازن بضحك علشان احنا مش زي حد قولتلك من زمان احنا مميزين فكل حاجه وبعدين انا حسيت فعلا لان طريقتك والاعراض اخر فتره باينه اوي وانتي قدامي طول عمرك فلاحظت التغيير
ياسمين بحب بالله بعشقك انت واهتمامك بلتفاصيل ده
مازن بحب مش اكتر مني وباس راسها وخدها في حضنه
ياسمين اه صحيح لما روحنا المطعم انا روحت في تاكسي وراكم هروح معاكم ازاي دلوقتي قدام جودي
مازن لا منا قولتلها انك كنتي هنا من الاول علشاان تعبانه بتحللي فهنروح كلنا مع بعض قالتلي ماشي ومستنين تحليل الانيميا عملته مستعجل وتحليل الحمل انما التاني ده لسه طبعا
ياسمين بتوتر خير باذن الله
وبعد ساعه ونص قاموا يجيبوا التحاليل فتابعت ياسمين بتوتر ها طلعت التحاليل
الممرضه الاسم ??
ياسمين بتوتر ياسمين الرفاعي
الممرضه اه طلعت اهو اتفضلي
ياسمين بتوتر يارب يخليكي متقوليلي انتي اكيد مش هفهمه انا يعني
الممرضه بحب عيني حاضر وفتحته وقراته وياسمين ومازن متوترين اوي فتابعت بحب مليون مبروك حامل اهو وقربتي تخلصي اول شهر كمان
ياسمين بدموع فرح ايه والله العظيم بتتكلمي جددد
مازن ابتسم بفرح وتابع يابنتي قولتلك
الممرضه بحب اه الله مليون مبروك
ياسمين بدموع فرح ياربي الحمدلله بجد الله يبارك فيكي يحبيبتي وبصتله وتابعت بدموع ده بقى اللي ابنك بجد مش تقولي ابن الحربوقه دي
مازن باس جبينها ودموعه نزلت وتابع الف الف مليون مبروك ياست البنات
ياسمين حضنته وتابعت بدموع مبروك لينا ينورعيني انت اجمل اب في الدنيا بجد وبصتله وتابعت هقوله انك حسيت بيه قبلي دي تتكتب في التاريخ دي الراجل يحس ويعرف قبل الست
مازن ضحك وضمها اوي وباس راسها وتابع بحب ربنا ميحرمنيش منك وتقوميلي انتي وهو بالف خير يارب والله الوضع صعب اوي بس الخبر ده طبطب عليا بطريقه انتي متتخيليهاش
ياسمين بصتله وحطت ايديها الاتنين على خده وتابعت بدموع عارفه والله يارب يصبرنا يحبيبي ويقوينا فرحتنا ناقصه والله تخيلت اننا ساعه حملي هنفرح اكتر من كده متخيلتش هيجي في الظروف دي بس قدر الله وما شاء فعل يارب يرحمه ويصبرنا بجد
مازن بتنهيده حزينه: اللهم امين يارب وحاسب على التحاليل وخدهم وخد ياسمين ومشيوا ودخل اوضه جودي وتابع يلا يا جودي ياسمين اطمنت عليها وتحاليلك طلعت طلع في نسبه انيميا فعلا وجبتلك الروشته خير يحبيبتي باذن الله
جودي بتوتر وياسمين مالها فيها ايه
ياسمين بابتسامه كياده: حامل ينورعيني ربنا يقومني ويقومك بالف خير يارب
جودي اتصدمت واضايقت جدا وتابعت لمازن لا ماهو واضح الصراحه انك عامل حداد على ابن عمك ده شكله الحداد عندي انا بس
مازن بحده ماتحترمي نفسك ياروح امك دي قربت تكمل شهر حد قالك حامل امبارح ولا ايه هو اي عبط بيتقال وخلاص منا مقعدتش معاها غير امبارح وانهارده اديني برا البيت واول 3 ايام كنت زفت محبوس
جودي بضيق خلاص خلاص محصلش حاجه يلا اانا عايزه امشي اتخنقت
ياسمين بضحك هي دي مبروك بتاعتك يا جوجو
جودي بضيق مبروك في عينك وانا هقول لضرتي مبروك علشان حامل من حبيبي حكم
ياسمين لا هي حكم صحيح لان الناس بقيت بجحه بشكل صعب يتشرح
مازن بحده ممكن يلا انتي وهي وطلع فقامت جودي وخرجت وراه و وراها ياسمين وعملت نفسها دايخه
جودي بتمثيل دوخه مازن
مازن بصلها اممم
جودي بتمثيل : دايخه اوي معلش اسندني
مازن سندها ومشي بيها فبصت لياسمين بكيد فتابعت ياسمين بتمثيل مازن ااه بطني واجعاني اوي
مازن بصلها برفعه حاجب وتابع ايه اسندك انتي كمان
ياسمين بتمثيل : اه اسندني بسرعه بسرعه
مازن سندها بايديه التانيه وتابع يارب الخلاااص علشان خلااص
ياسمين بتمثيل : انا مالي يحبيبي ابنك اللي بيضرب فيا وتاعبني الله
جودي برفعه حاجب بيضربك في الشهر الاول ده في عرف مين ده ??
ياسمين بابتسامه في عرفي انا خليكي في حالك محدش خد رايك مش كده يحبيبي ??
مازن اه هو بيضربها يا جودي هو انتي حاسه مكانها يعني
جودي بصتله بستغراب فغمزلها بمعنى هاوديها
جودي بضحك اممم اما الشهر الاول بيضربها يبقى كتر الف خيري بقى التاني بيموتني
ياسمين بضيق لا حملك غير حملي
مازن يا ياسمين ايش عرفك هو انتي حاسه مكاانها
ياسمين بصتله بحده فغمزلها تهاودها
وطلعوا فبص للسما وتابع بتنهيده الصبر من عندك يااارب جبت اخري حقيقي
وخرج بيهم يركبوا العربيه وياسمين ركبت جمبه لان جريت قبلها وجودي ركبت ورا وهي متعصبه جدا منها ومشي في طريق البيت
وبعد شويه وصل وطلع وشقته هو وياسمين وكان بيتكلم طول الطريق مع سيف علشان يوصلوا لادله تخص القضيه فدخل اوضته ورمى نفسه على السرير وتابع بتنهيده يا ابني منا عارف انها اجبن من كده بس بما ان حسام جاب سيرتها فعملت زي ما بنت عمك قالت وربنا يسهلها بقى
-تمام يا غالي مستنيك لما تيجي قولي هنزلك
-اتفقنا وانا اي حاجه هوصلها هقولك
– عيني حاضر يلا باي
وياسمين غيرت لكاش مايوه حملات وفردت شعرها وكانت قاعده بتحط ميكاب وروج احمر فاتح جدا قدام المرايا وهو قاعد بيتكلم ومراقبها بستغراب
فشافته قفل مع سيف فبصتله وتابعت بحب ايه رايك ??
مازن بضحك اممم بدات اترجم دلوقتي وقام مسك ايديها باسها وتابع بحب انتي اجمل منها بمراحل ومن غير اي حاجه واجمل ست في العالم عموما
ياسمين بضيق انا مقصدش اقلد حد
مازن بضحك اممم انتي هتقوليلي طب يلا امسحيه بحب وشك من غير اي حاجه والله العظيم
ياسمين بحب لا عاجبني مش همسحه
مازن برفعه حاجب طب انا قولت امسحيه يا ياسمين واتلمي احسنلك
ياسمين بضيق ولو ممسحتوش يا مازن ??
مازن امسحهولك انا يا قلب مازن مش مشكله
ياسمين شالت المناديل المبلله في الدرج وقفلته بلمفتاح وتابعت انا قولت مش همسحه
مازن بضحك انتي بتشيلي المناديل من قدامي فكراني هستخدمها ?? اقسم بالله غلبانه اوي اول مره تصفي نيتك معايا كده يا بت ياسمسم
ياسمين بضحك مش فاهمه اصل هتمسحه ازاي ي
مازن قاطعها لما شدها ليه وباسها بحب وجات تبعد قربها اكتر وباسها بعمق ومبعدش عنها غير لما الروج اتمسح فبصلها وفضل يضحك بشده على شكلها اللي اتبهدل
ياسمين بضيق انت ايه اللي انت عملته ده هااا وضربته في صدره بضيق وبصت للمرايه وتابعت بصدمه يخربيتك ده ثابت طلعته ازاي كده
مازن بضحك وغمز لا عيب عليكي تسألي السؤال ده .. وابقى اشوفك حطاه تاني انا سداد ده عز الطلب
ياسمين بضحك والله انت متربتش بجد وفتحت الدرج ومسكت مناديل مبلله ووقفت تمسح وشها اللي اتبهدل من الروج ومسحت وشها وبصتله مسحت شفايفه وتابعت بهدلتنا عارف ليه ?? علشان انت قليل الادب وراحت ترمي المناديل
مازن بضحك منا عارف كده كده وقعد على السرير وتابع هنام ساعتين سيف يجي صحيني هنزله ها وبص للميكاب وتابع وشيلي الكلام ده انا مبحبوش وهو روج واحد حبيته وقولتلك ابقي حطي منه ومش علطول علشان شكلك كده عاجبني اكتر
ياسمين بحب حاضر يعيوني وصح انا مقولتش لحد تحت اني حامل علشان مش وقته ها
مازن بحب عارف يحبيبتي فهمت لوحدي
————
في شقه ايمن
احمد كان قاعد في البلكونه شغال على اللاب وتابع يا ماما الشاي يحبيبتي اي كل ده
وثواني والشاي اتحط قدامه على الترابيزه فتابع بحب وهو باصص في اللاب : تسلمي يا ماما تعبتك
شهد قعدت وتابعت ماما في عينك يا بعيد هي مااما مزة كده
احمد بصلها وتابع بضيق هو انتي
شهد بضحك اه انا ايه شوفت عفريت ايه قلبه الخلقه دي احمددد بقولك ايه هنكد عليكك
احمد بضيق شهد قصري علشان مش فاضي
شهد قفلت اللاب وتابعت برفعه حاجب هو انا مش بتكلم
احمد بص على اللاب المقفول وبصلها وتابع بحده يانهاار ابوكي اسود انتي اتجننتي يابت ايه اللي عملتيه ده
شهد بتوتر ايه يعمري اقصد اننا بنتشاور دلوقتي فمش وقته شغل يعني علشان تركز معايا
احمد غمض عينيه وتابع عارفه يا شهد انتي عملتي اللي مفيش بنت قدرت تعمله معاياا
شهد بحب واللي هو يعيون شهد
احمد قفلتيني من صنف البنات كلهم
شهد بصدمه ايه ?? ده انت ليلتك مش معديه انهارده
احمد بضحك لالا خلاص بهزر معاكي عيب عليكي
شهد بحب طب حقك عليا وقعدت قدامه على الترابيزه وتابعت وادي راسك يسيدي اهي ببوسها وباست راسه وتابعت بضحك عارفه انا اللي غلطانه وخرجت عرق الصعايده عليا فاستاهل
احمد تنهد وتابع مش مسأله عرق صعايده انا بحبك وبغير عليكي ومينفعش اللي كنتي هتعمليه بس خلاص يحبيبتي محصلش حاجه
شهد بحب احمد علشان خاطري خلاص متزعلش بجد
احمد بضحك مش زعلان والله بس ايه المصالحه الصيامي دي انا عايز نتجوز بسرعه علشان تغيريها
شهد بضحك اومال لما نتجوز اصالحك فطاري ازاي مش فاهمه
احمد بضحك لا ده انتي غبيه وربنا بس ومالو خليها لما نتجوز هعلمهالك وشاور على شفايفه وغمز
شهد شهقت وتابعت بضحك لا ده انت عايز يونس يديك علقه محترمه ونزلت من على الترابيزه
فتابع احمد بضحك لالا خلاص يونس ايه بس قلبك ابيض انا مش قده ده وبعدين بقولك لما نتجوز يا بقره هو انا بقولك دلوقتي عندنا اخوات بنات مش للدرجه دي يعني
شهد بضحك هو انت هتقولي على تربيتك يحبيبي ده انا شاهده
احمد بضحك الحمدلله توبنا الي الله يا اخت شهد
شهد بضحك اختك في عينك يا شيخ
احمد ضحك بعدين افتكر وتابع صحيح يا شهد بعيدا عن الهزار رامز ده لو كلمتيه سواء بسطيحه او من غير هزعلك مني ومش هحذرك تاني بعد كده هتشوفي رده فعل مش هتعجبك
شهد بحب متخافش والله انا بحترمك في غيابك قبل وجودك ومش هعمل حاجه عارفه هتضايقك حتى لو مشوفتنيش
احمد باس ايديها وتابع بحب يارب يهديكي وميحرمنيش منك ابدا يا شهودتي
شهد بضحك قلب وعيون شهودتك والله

بعد 3 ايام التحاليل طلعت وياسمين راحت مع مازن يجيبهم وكانت قاعده متوتره اوي وبتدعي ربنا يطلع زي ماهي بتتمنى
ودقايق والدكتوره جات فمازن وياسمين قاموا وقفوا بقلق فتابع مازن بقلق ها يا دكتوره طمنيني
الدكتوره بتنهيده للاسف العينه بتاعت الام مش بتتفق مع عينه الحمض النووي بتاعت حضرتك اسفه بس فعلا البيبي مش ابنك
مازن اتصدم بشده وياسمين فرحت جدا وتابعت بدموع فرح الحمد والشكر ليك يااارب شوفت يا مازن شوفت مش قولتلك مش ابنك ياارب بجد مش قادره اصدق وحطت ايديها على بوقها
مازن كان مصدوم اوي وحس ان دمه بيغلي واتعصب جدا وكور ايديه بعصبيه ونزل على تحت بسرعه
ياسمين بخوف هاتي يا دكتوره وخدت منها الورق وتابعت تسلمي تعبناكي ونزلت وراه بسرعه
وبعد شويه كان وصل عند جودي وطلع بيتها وفضل يخبط بعصبيه على الباب
ياسمين بخوف مازن اهدي متوديش نفسك في داهيه بالله عليك
جودي فتحت وتابعت بخضه ايه يا مااازن في ايه هتكسر الباب
مازن زق الباب بعصبيه وضربها بلقلم بقوه فصرخت بالم ووقعت على الارض ومسكها من شعرها قومها فتابعت جودي بعياط وخوف ااه ااه ايه ده يا مازن انت اتجننت ايه اللي بتهببه ده
مازن بعصبيه هو انتي لسه شوفتي جنان ده انا هطلع عين اهلك بتستغفليني انا يا بنت الكلب يا زباااله
جودي بخوف وعياط بستغفلك ايه انت بتقول ايه اانا مش فاهمه حااجه
ياسمين بخوف مازن ابوس ايدك سيبها يخش تولع ملناش دعوه بيها تااني خلااص
مازن بعصبيه اسيبها مين ده انا هكسرها خالص انهارده دي لبستني عيل مش ابني وفضلت تخوني وانا مديها الامان انتي اتجننتي ولا ايه اوعي بس انتي كده علشان بطنك وبعد ياسمين وقفها على جمب
جودي اتصدمت وتابعت بخوف وعياط ايه ?? انت بتقول ايه ??? اللي في بطني ابنك ايه الكلام الفاضي اللي بتقولوا ده
مازن بعصبيه انتي لسه بتكدبي يبجحتك يا شيخه بت بنت كلاب مشوفتيش ربااايه بس حظك الاسود وقعتي تحت ايدي اناا انطقي يابت مين ابو اللي في بطنك
جودي بخوف وعياط انت يا مازن انت والله .. انت ايه اللي انت بتقوله ده انا مسمحلكش ابداا تتكلم كده عن شرفي
مازن ضربها بلقلم وتابع بعصبيه شوف بتحلف كده بنت الكلب بس طبيعي هو انتي تعرفي ربنا اصلااا اخلصي يحيوانه وقولي مين ابو اللي في بطنك مانتي لو اتقلبتي قرد مش هصدقك خلاااص انا عملتلك تحليل DNA ياروح امك وعرفت اللي فيها خلااص فقولي احسنلك لان انا معنديش مانع افضل الطش في اهلك لحد ماتتكلمي
جودي اتصدمت بشده وتابعت بخوف شديد وعياط: انت بتقول ايه لا التحاليل دي اكيد مش مظبوطه
مازن بعصبيه والله العظيم ده انتي اللي مش مظبوطه وانا اللي كنت غبي ياريتني صدقت ياسمين من بدري اخلصي ياابت مين ابو اللي في بطنك وليه حسام جاب سيرتك قبل مايموت
جودي اتصدمت بشده وخافت اوي وتابعت بعياط ح ح حسام جاب سيرتي قالك ايه مش فاهمه
مازن بعصبيه ميخصكيش قال ايه اخلصي جاب سيرتك لييه فهميني ايه اللي اتقااال ده
جودي بخوف ورعب: هو هو قالك ايه وانا هفهمهك
ياسمين بتنهيده يا مازن حسام يقصد ان
مازن بمقاطعه وعصبيه هششششش مسمعش صوووتك انتي خااالص وبص لجودي وتابع بعصبيه انطقيييي
جودي اتخضت وتابعت بعياط وخوف والله مش انا .. انا معملتلوش حاجه ولا انا اللي قتلته
ياسمين اتصدمت بشده ومازن تابع بعصبيه اه مين اللي قتله بقى لو مش انتي اللي سلطي لاني فهمت خلاص انتي موتيه علشان ميقوليش ان البيبي مش ابني
جودي بخوف وعياط لا انا ماليش دعوه والبيبي اصلا ابنك و
مازن قاطعها لما ضربها بلقلم بقوه وقعها على الارض مناخيرها جابت دم وتابع بعصبيه شديده انا مش عااايز كدددب كفيااكي بقى وساااخه وقررف وطلع مسدس رفعه عليها فياسمين اتصدمت بشده فتابع مازن بنفس العصبيه اخلصصصي وقولي مين عمل فييه كددده لاما اقسم بالله العظيم اقتلك واهو المره دي ادخل السجن في حاجه عملتها وترفع راسي كمان علشان قتلت واحده خاينه وزباله زيك
جودي خافت اوي وتابعت بتوتر شديد وعياط: اللي قتل حسام ابو ابني
ياسمين اتصدمت بشده ولطمت على وشها فتابع مازن بوجع مين الزباله ده اتصلي بيه هاتيه
جودي مسكت فونها بخوف وكتبتله مسدج انه يجي علشان حاجه ضروي جداا وفضلت تتكلم معاه لحد ما وافق يجي فتابعت لمازن بعياط يجي وحق ابن عمك معاه وانا سبني في حالي ابوس ايدك
مازن بعصبيه هششش مش عايز اسمع حسك وقومها من شعرها وهي بتعيط وبتتوجع ورفع على دماغها المسدس وتابع اه يا اوساخ يا ولاد الكلب صبركم عليااا هاا قالك ايه الحيوان ده
جودي بخوف ودموع جاي والله
وشويه والباب خبط فتابع مازن غوري افتحيله ودخليه عادي وانا هطلع لما يدخل
جودي بخوف ودموع حاضر والله
ومسك ايد ياسمين ودخلوا جوه في الاوضه وجودي فتحت ودخلته
الشخص بستغراب مالك بتعيطي ليه
جودي بدموع عايزة اتكلم معاك في حوار ادخل قبل ما امي تيجي من تحت
الشخص بخبث ماتسيبك من الكلام وتعالي انا هراضيكي وهروق مودك وغمز وشاور براسه ناحيه اوضتها وتابع واهو نعيد الذكريات بتاعت اول مره
جودي بخوف ودموع تسمح تسكت
الشخص بضحك مالك يامزتي في ايه ومسح دموعها وحط ايديه مابين شعرها وشدها ليه قربها وباسها ومازن خرج هو وياسمين وهما في مصدومين وفي حاله صدمه غير طبيعيه فتابع مازن بوجع صدق اللي قال اول واحد تستبعده علشان بتحبه هو اكتر واحد هيكون زباله وتجيلك الطعنه منه
قاسم اتخض وبعد عن جودي بخوف لما شافه

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية غموض الحب)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى