رواية غموض الحب الفصل الثامن والثلاثون 38 بقلم لولا
رواية غموض الحب البارت الثامن والثلاثون
رواية غموض الحب الجزء الثامن والثلاثون
رواية غموض الحب الحلقة الثامنة والثلاثون
احمد تنهد بعمق وتابع ياسمين انا عايز ننفصل
ياسمين اتفاجئت جدا من كلامه بس تابعت بثبات : ننفصل !!؟ ايه ده ليه ممكن اعرف السبب اللي خلاك تقول كده هل حصل مني حاجه حسستك بإني مينفعش اكون مراتك
احمد بتنهيده لا ماهو المشكله اني محستش حاجه خالص اصلا .. انا محستش انك خطيبتي علشان احسك مراتي
ياسمين بتوتر احمد انا عارفه اني مأثره معاك بس غصب عني مش متعوده عليك و
احمد بمقاطعه دي بلذات ملهاش تبرير هي يا ابيض يا اسود لو بتحبيني هتبقي زي منا توقعت زي اي اتنين مخطوبين مش بتحبيني هيبقى في جمود وده الاختيار الادق لوضعنا انا لما كنت ابن عمك بس كنت بكلمك وبهزر معاكي وبعرف اخبارك اكتر من كونك خطيبتي
ياسمين بحزن احمد انا مش عارفه اقولك ايه بصراحه انا اسفه اني حسستك بكل ده والدموع اتجمعت في عينيها
احمد لالا انا مش بكلمك علشان تعيطي وبعدين متعتذريش انا والله العظيم مش زعلان لان الحب مش بايدينا وسبحان الله انا بعد ما كنت مشدود ليكي جدا لانك بنت حقيقي اي حد يتمناها وشوفتك زوجه ليا رجعت لوحدي بردو حسيت ان مش عارف اشوفك غير نور واسف ليكي انتي لو كنت خدت خطوه مش واثق اني هكملها وعملت كل ده فيكي بس اللي شجعني اكلمك بصراحه اني حاسس انك انتي كمان شيفاني زي يونس والموضوع كله تسرع مننا في البدايه واكيد قلبك مشغول
ياسمين بتوتر ودموع لا لا انا اه بصراحه زيك معرفتش مشوفكش غير يونس بس قلبي مش مشغول ولا حاجه
احمد بابتسامه مع ان عينك بتقول غير كده خالص وتنهد وتابع ومع ذلك ربنا يريح قلبك يا ياسمين وانا جيت اخد رايك بيني وبينك علشان ننزل قدامهم متفاهمين والحمدلله لاقيتك فعلا زي ماتوقعت نفس تفكيري
ياسمين بدموع انا اللي اسفه ليك اني معرفتش اكون البنت اللي تقف جمبك وتسندك بجد
احمد بابتسامه ممكن بطلي تعيطي ومسح دموعها وتابع اقسم بالله العظيم انا ما زعلان يمكن الصراحه في الاول لما كنت معجب بيكي لو رفضتي كنت هضايق وهحط في نفسي لاني كنت عايزك فعلا بس لما ارتبطنا بجد والحاجه اللي اتمنيتها بقيت معايا حسيت ان هي مش بتاعتي انتي ست البنات بس مش ليا ومش نفس دماغي ولا اهتماماتي وحاسس اننا بقينا اغراب اكتر مع ان المفروض احس بغربه مع الكل والاقي نفسي معاكي بس محستش ده حسيت طول الوقت في حاجز بينا وحاجز كبير اوي كمان فانا مش ندمان على خطوه الخطوبه لان الواضح وضحتلي انا وانتي مش انا لوحدي اننا مننفعش بعض وولاد عم بس احسن يمكن لو مكنتيش وافقتي كنت فضلت طول الوقت اقول ليه يارب ماخدتش فرصه مع ياسمين على الاقل اتخطبلها ولو مرتحناش خلاص بس محسش باحساس الرفض وبلفعل ده اللي حصل وترتيب ربنا ان انفصلنا في وقت انا راضي وانتي راضيه فمتعيطيش ولا تشيلي جواكي حاجه خلاص اللي حصل حصل
ياسمين بحزن يعني انت مش زعلان مني في اي حاجه
احمد بابتسامه لا طبعا بس كنت هزعل جداا لو طلع تفكيرك غير تفكيري كنت هتعب لو وجعتك والحمدلله طلع ان احنا متفقين
ياسمين بابتسامه حزينه وانت والله ونعم الاخ
احمد بابتسامه عارف وهفضل اخوكي العمر كله وفي ضهرك وانتي بنسبالي زي نور حقيقي ويارب اشوفك فرحانه مع اللي قلبك مختاره
ياسمين بضحك مختاره بردو ده انت مصمم
احمد بضحك مبحسش غلط هي بس مساله وقت وهتشوفي اني صح
ياسمين بابتسامه لا انا هكرف للصنف خلاص
احمد بضحك لا ده كله كلام هنشوف .. المهم ها هننزل نقولهم ولا ايه
ياسمين بتنهيده حاضر انا كده كده جاهزه وقلعت دبلتها وابتسمت بحزن ومدتها لاحمد
احمد خدها منها وابتسم وتابع هعتبر ان محصلش حاجه واحنا زي ما احنا اخوات هاا
ياسمين بابتسامه اكيد والله طبعا
واحمد قلع الدبله بتاعته هو كمان وشال الاتنين في جيبه وتابع بابتسامه يلا
ياسمين بحب يلا
ونزلوا مع بعض واحمد ماسك ايديها كانت العيله متجمعه وخبطوا
فتحت عايده وتابعت بفرح وتفاجئ احمدد يا قلب امك واحشتني اوي اوي ينورعيني وحضنته وشهد ابتسمت اوي لما شافته بس اضايقت ان ياسمين معاه وده معناه انه طلعلها اول واحده فتنهدت بعمق وسكتت
احمد ضحك وحضنها وطبطب بايديه التانيه على ضهرها وباس جبينها وتابع انتي اكتر والله ياست الكل
منصور بفرح ادخل يا ابني نورت مصر كلها
احمد دخل مع ياسمين وتابع بحب بنورك يا غالي والله
صافيه جات حضنته بفرح وتابعت يا قلب ونورعين ستك واحشتني اوي يا واد يا احمد
احمد باس راسها وتابع بحب وانتي اكتر والله يا صفصف
نور جريت عليه وحضنته جامد وتابعت بفرح حبيبي واحشتني اوي اوي بجد
احمد ضمها اكتر وتابع بحب حقيقي انتي اكتر ينورعيني عامله ايه في الامتحانات طمنيني
نور بفرح الحمدلله يغالي كله تمام مكنش ناقصني غير شوفتك
احمد ضحك وباس راسها وضمها ليه وتابع بحب ربنا ميحرمناش منك ابدا يا قلب اخوكي بجد ونفرح بيكي بقى
نور بضحك يارب يحبيبي والله .. المهم جبتلي الحاجات اللي طلبتها منك
احمد بتمثيل ياااربي نسيت بجد
نور بصدمه لا متهزرش
احمد بتمثيل حقك عليا بجد تتعوض
نور بدموع يا احمد حرام عليك بقى يعني انا برحب بيك وانت تحرق دمي
احمد بضحك جبتهم يابنت الجزمه بس هو انتي بترحبي بيا علشان الحاجه حقيقي ماديه حقيره
نور اتنططت بفرح وحضنته تاني وتابعت بفرح لا طبعا ينورعين نور بس علشان مبقاش انا فرحانه انك رجعت وانت تضايقني انما انت اهم من ااحاجه مفيهاش نقاش
احمط بضحك اه انتي هتقوليلي
نور ضحكت وتابعت بحب ربنا يديمك ليا بجد يعيوني
احمد باس جبينها وتابع بحب ويديمك ليا يحبيبتي يارب
وبص حواليه وتابع اومال فين مازن مش معاكم يعني
نور بحب راح مشوار مع قاسم وجاي
ايمن بحب حمدلله على سلامتك يحبيبي وربنا يديم دخلتك علينا البيت يارب
احمد باس ايديه وتابع بحب ربنا يديمك ليا يا غالي تسلم
حسام بضحك نورت الدنيا يا عم الناس مصر كانت ضلمه من غيرك
احمد بضحك منوره بيك يا قلب اخوك
يونس بحب حمدلله على سلامتك يحبيبي
احمد بحب تسلم يا غالي الله يسلمك وبص لشهد لانها جمب يونس بس كانت بتتشات في الفون وتابع بضحك يعني مرحبتيش بيا ياست شهد من قبل ماتبقي دكتوره اهو والتناكه اشتغلت
شهد بصتله وتابعت بابتسامه مصطنعه : حمدلله على سلامتك يا احمد معلش حقك عليا بس مركزه في موضوع مع صاحبتي
احمد بتنهيده لا ولا يهمك وبص لجودي وتابع بابتسامه اهلااا بمرات اخويا الغاليه ازيك عامله ايه
جودي بابتسامه الحمدلله كويسه نحمد ربنا
زينب بضحك انت طبعا بتيجي تتفاجئ بلاخبار زيي
احمد بضحك يابنتي انا مبقيتش من العيله اصلا خلاص
زينب بضحك حصل واثبتلك اكتر انا حامل وانت مكنتش تعرف بردو
احمد بضحك وتفاجئ ايه ده بجددد قسما بالله حامل فعلا ??!!
زينب بضحك اه والله شوفت انك مش من العيله صحيح
احمد بضحك يحبيبتي بجد الف الف مليون مبرووك عقباال ماتقومي بالف سلامه كده
زينب ابتسمت بحب وتابعت ونفرح بيك انت وسمسم يارب
شهد الكلمه ضايقتها بس حاولت متبينش وفضلت تبص للفون مع انها مبتكلمش حد اصلا
احمد تنهد وتابع اه بخصوص ياسمين
مازن دخل من الباب اتفاجئ انه موجود فتابع بفرح ايه ده انت نزلت محدش قالي لييه يجماعه حبيبي واحشتني اوي بجد وحضنه
احمد بضحك وانت اكتر يا غالي بجد
مازن بفرح ايوه كده يا عم اقعد وسطنا بقى بلا سفر بلا هم
احمد بضحك قاعد شويه والله متقلقش
مازن بحب طب الحمدلله ولفت نظره ان احمد ماسك ايد ياسمين فبص لياسمين بحده ونزل نظره بسرعه علشان محدش ياخد بااله
ياسمين اتوترت من نظرته وشدت ايديها بهدوء من احمد
فتابع احمد كويس ان كلكم موجودين علشان عايز اقولكم حاجه
عايده بستغراب حاجه ايه دي يا احمد
احمد بتنهيده انا وياسمين قررنا اننا مش هنكمل مع بعض
كلهم اتصدموا ماعدا مازن وشهد فرحوا جداا وجاهدوا ان ميبينوش ابتسامتهم ولمعه عينيهم دي بلعاافيه ومازن غمض عينيه وهمس في سره يشكر ربنا
ايمن قررتوا ! ومن ورانا كلنا كده عاادي يعني انتوا تدخلونا في الخطوبه وتسيبوا بعض من ورانا يا احمد
احمد بتنهيده بابا الخطوبه مكنش ينفع اطلب ياسمين من غير موافقه الكل انما اني اسيبها ده قرارنا لان دي حياتنا
زينب بستغراب ايوه ايه السبب طيب
احمد بتنيهده مفيش سبب انا مش عارف اشوفها غير زي نور يمكن مكنش دي نظرتي في الاول بس لما قربنا حسيت علاقتنا من بعيد احسن واحنا ولاد عم واخوات
منصور بتنهيده عملت الصح يا ابني ياسمين من يوم ما وعيت وهي حبيبت اخوك ومكتوباله
كلهم اتصدموا فتابع عز بصدمه نعم حبيبت مين ?
ياسمين اتصدمت بشده تابعت بدموع يا جدو ايه اللي انت بتقولوا ده بس وبصت عليهم بتوتر وحطت ايديها على بوقها
احمد بصدمه حبيبته ازاي يعني !
مازن بتنهيده يا جدي حرام عليك مكنش ليه لازمه الكلام ده دلوقتي
منصور بحده اقعد ساكت خالص اخوك لم اللي انت بهدلته وانا جبتها دوغري خلاص انت لياسمين وياسمين ليك
شهد بصدمه انا مش فاهمه حاجه .. مازن وياسمين ومن يوم ماوعيت طب ازاي !
منصور بتنهيده انتوا متعرفوش يا بنتي انما انا كنت عارف كل حاجه وهجوزهم لبعض خلاص كفايه كده
يونس بحده اه ده على اساس ايه ان ملهاش كبير يعني
منصور بحده انا كبيركم كلكم يا يونس متنساااش نفسك واللي انا اقوله هو اللي هيتنفذ
جودي بحده لا بس ثواني يمكن علشان قاعده حاطه جزمه في بوقي وساكته فمش واخدين بالكم من وجودي .. ياسمين مين اللي تتجوز مازن يا جدي يا كبير عيله الرفااعي يا اللي بتعدل في البلد في الجلسات وانا واللي في بطني نروح فيين ولا يرضيك تحصل لواحده من حفيداتك
منصور بتنهيده حقك هتاخديه وهيبقى جوزك زي ماهو جوزها
يونس بحده دي لو اطبقت السما على الارض ياسمين مش هتتجوزه مبالك بضره بقى
ياسمين بدموع يونس صح يا جدو انا مش هتجوزه ده كان موضوع وخلص خلاص
احمد بحده لا فهميني اما انتي بتحبي مازن وافقتي تتخطبيلي ليه وانت ازااي تتخلى عنها وتسبني اخطبهاا
مازن تنهد بعمق وتابع بوجع خوفت عليك .. خوفت اقف قصادك واقولك بحبها تتعب لاني روحت لدكتورك وقالي مقولكش كده واحسسك انك بصيت لمرات اخوك انما لو ياسمين رفضت هتضايق بس مش زي منا ما اقف قصادك فكنت مستني منها ترفض وهي زعلت مني وانفصلنا وواافقت بيك ظنا منها انك بتحبها فتستاهلها عني بقى
احمد بصدمه لا انا بجد مصدوم مش عارف اقولك ايه ياريتك كنت ضايقتني يا شيخ بس متوصلوش لكده
يونس بحده انت خوفت على اخوك فسبت اختي وبعدها روحت غلطت مع صاحبه عمرها وشايله ابنك وجاي بكل بجاحه لسه عايزها ده عند امك لمؤاخذه
مازن بحده يونس لو سمحت متدخلش انت مش مكاني علشان تحكم علياا
يونس بعصبيه مسكه من لياقه قميصه وتابع مدخلش ايه انت عبيط ياالا ولا ايه دي اختي وانا حر اوافق او ارفض ولا مجوزهاش خاالص اصلاا
مازن بحده وجدك اللي فوق كلمتي وكلمتك قال هيجوزهاالي انت كده رايك مالوش لازمه
حسام دخل بينهم وتابع يا بس انت وهو اهدوا شويه بقى مش كدده احترموا ان في كبار واقفين
مازن بحده اصل مش شايف طريقته هو اللي بيتعصب وعايز يفرض رايه بلعافيه
ياسمين بدموع ده اخويا الكبير ورايه بنسبالي بعد بابا مع احترامي لاي حد هو اللي يمشي
منصور بصدمه وكلمتي انا يا ياسمين يعني انا مش كبيرك
ياسمين بدموع انا اسفه يا جدي كلمتك سيف على رقبتي في اي حاجه الا انك تجبلي وجع القلب دي مسمحش بيهاا ابدااا
منصور بحزن ومين يابنتي قالك هتتوجعي لما تكوني مع مازن مش ده حبيبك يا ياسمين
ياسمين بدموع اه حبيبي ومنكرش ده بس مش هقدر اشوف حبيبي مع بنت تانيه وخصوصا جودي .. مش هقدر اشوفه بيشارك واحده غيري نفس اللي بيشاركني فيه ولا هقدر استحمل فكره انه مع غيري في اوضه في واحده ففضلا يا جدي متصممش انا فعلا مش هقدر وهي ملهاش حل لان مازن مضطر يتجوز جودي
جودي بابتسامه ريحتي واستريحتي يحبيبتي انا كمان رايي كده يا جدي
مازن بحده انتي تخرسي خااالص انا اصلااا قايلك هتجوز ياسمين لاني عارف اخويا مش هيكمل معاااها وانتي ملكيش حق توافقي ولا ترفضي
جودي بتمثيل حزن ليه ان شاء الله علشان مضطره اتجوزك يعني فبتكسرني اني ماليش راي هو ده العدل يا حج منصور وعيطت
مازن بهمس استغفر الله العظيم يارب واتعصب وتابع بت انتي اطلعي فوق مش وقتك خاالص
جودي بدموع ما واضح انك بتتقي الله فيا جداا من قبل ماتتجوزها اهو وبتتعصب عليا وبتعاملني وحش كتر خيرك يا مازن بس انا ذمبي ايه يعني
عايده بحده حرام عليك يا ابني هي ذمبها ايه يعني البت ما انت اللي بوظت حياتها مالها هي بانك طلعت بتحب مين دي غلطتك واجباري تتحملها
مازن بحده وانا مقولتش مش هتحملها بس مش هسيب ياسمين بردو وغصب عن اي حد
يونس مسكه من قميصه وتابع بحده طب بص انا عايز اشوف هتتجوزها غصب عني ازاي
مازن بحده هوريك وماله
منصور بعصبيه بسس انت وهو احترموا اني قاعد يا بشواات
ايمن بتنهيده مكنش ينفع اللي قولته ده يابا بصراحه يا حول الله يارب
عايده بتنهيده مكنتش تخلي اخوك يخطبها واهو وجع ساعه ولا وجع كل ساعه
احمد بحده ياما مفيهاش وجع خلاص انا اه الاول كنت هزعل بصراحه بس دلوقتي لا انا فعلا شايفها زي نور ومع جوازها من مازن طلما بيحبوا بعض وتنهد وتابع بل حاسس بصراحه اني السبب فكل اللي هما فيه وشايل الذمب
شهد ابتسمت بفرح فتابعت عايده بحزن ايوه يا ابني بس بردو الوضع دلوقتي بقي صعب اهو
ياسمين بوجع ودموع مضايقش نفسك يا احمد لان بيك من غيرك هو قدر ومكتوب وخلاص اللي فات مات
مازن بحده لا مامتش يا ياسمين لو حضرتك مكنتيش رضيتي مكنتش سكرت واتنيلت غلطت مع جودي هفضل شايفك انتي السبب الاول لكل اللي بقينا فيه
ياسمين بعصبيه وانت بردو موقفتش قولت لاخوك انا بحبهااا من زمان ومعشمها بلجوااز
يونس بعصبيه سيبك منه اللي يتخلى مره يتخلى الف مره ياريتني يا شيخ زيك مكنتش تعبت ولا اتوجعت في حياتي اتحكم على قلبي بلموت ومستحمل وجعه بلعافيه ولو بايدي اغير الواقع والله ماهتردد انما انت سبتها بمزاجك
مازن بعصبيه يا جماااعه اخويااا انتوا مش فاهمين لييه اخويااا مريض قلب وتعبااان مقدرش كنت اقف قصاااده انما هي حقهااا ترفض طبعااا
احمد تنهد بحزن شديد لانه حس انه السبب وطلع وشهد بصتله بحزن شديد لانها فهمت تفكيره
ايمن بحده حلو كده يعني ?
عايده قعدت وحطت ايديها على راسها وتابعت ااه اصله كده متعبش نفسيا لما حس انه دمر حياه اخوه
صافيه بحده حلو والله عشنا وشوفنا رجاله الرفاعي اللي ضهرهم في ضهر بعض بيقطعوا بعض كده
يونس بتنهيده شوفي ابن عمك يا شهد هو بيحب يكلمك
عايده بدموع اه والنبي يابنتي روحي
شهد كانها كانت مستينه الكلمه وابتسمت بحماس ولهفه وتابعت حااضر حاضر هشوفه وطلعت وراه
زينب بتنهيده لا حول ولا قوه الا بالله العلي العظيم ربنا يهديكم بجد
منصور بحده خلاصه الكلام علشان مش عايز رغي كتير تاني في الموضوع ده مازن غلط وياسمين غلطت وانا قولت هيتجوزوا يبقى هيتجوزوا
جودي بحده وبلنسبه ليا انا ايه الوضع
منصور مينفعش يتجوزك انتي الاول علشان مجرد ماتتجوزوا هنقول انك حامل فمفيش سبب مقنع يتجوز تاني علشانه فا الاسبوع الجاي كتب كتابه على ياسمين وقبل ماتمي شهرين هنقول اننا كشفنا على ياسمين وطلعت عندها مشكله في الخلفه فمازن هيتجوز تاني علشان يخلف وهيتجوزك ولما ربنا يكرم ياسمين بلوقت هنقول دي كانت غلطه دكتور والحمدلله ربنا رضاها هي كمان وخلصنا على كدده
يونس بحده مع احترامي ليك بقى يا جدي ااكلام ده مش هيحصل
ياسمين بحده ودموع بلظبط كده انا مش هعمل زي امي ولا هعيش اللي هي عاشته يا جدي خلاص انسوا
عز بتنهيده وانا وعدت امك يا بنتي هديكي للي قلبك يختاره وعمري ما ادخل في موضوع جوازك ده فمش هقدر اعترض لو وافقتي بمازن في شروط جدك اللي قالها دي حياتك وانتي حره
ياسمين بحده وانا قولت مش موافقه عن اذنكم
يونس بحده رايحه فين انتي التانيه
ياسمين بدموع وهي نازله على السلم عند خالي عايزه اقعد مع هايدي شويه
يونس بحده يابنتي انتي طب اهدي اوصلك رايحه لوحدك ازاي يعني
ورايح ينزل وقفه منصور وتابع يونس
يونس بصله وتابع بتنهيده خير ياجدي
منصور وصل اختك وتعالالي المكتب مستينك
يونس تنهد بعمق وتابع حاضر يا جدي ونزل وراها
زينب بتنهيده رايي تشجعها يا عمي طلما هي بتحب مازن ومازن بيحبها حرام يعذبوا بعض
نرمين بتنهيده الكلام سهل يابنتي انتي مترضيش واحده تشاركك عمر ربنا يعينها
زينب اااه طبعا مقدرش بجد ربنا يقويها ده تلاقي النار بتكويها من حمل جودي بس هو بردو غصب عنه
مازن قعد وحط راسه مابين ايديه وسكت
عز بتنهيده انا مش معترض يا بنتي بس بردو مقدرش اجبرها حتى لو عارف انها بتحبه فمع احترامي ليك يا ابويا اللي ياسمين عايزاه هيحصل
مازن اتخنق وقام وقف في البلكونه يشرب سجاير وحسام دخل وراه
صافيه بحزن متزعليش يابنتي حقك عليا انتي كده كده هتبقي مراته
جودي بتنهيده لا عادي عن اذنكم هريح شويه وطلعت وهي متعصبه وغيرانه جداا
معتز بتنهيده انا مش عارف ايه االلي حصل في عيلتنا ده
نرمين بتنهيده شيطان يا معتز وحالف ما يسيبنا
نور بتنهيده اوي بجد الفتره اللي فاتت كانت صعبه بطريقه لا تطاق
زينب بتنهيده حقيقي والله .. روحي ورا جودي يا نور علشان تلاقيها بتعيط الله يعينهم
نور بحزن حاضر هشوفها وطلعت
منصور بتنهيده انا عملت الصح وكلامي هيتنفذ غصب عن الكل
عز بتنهيده يابا قولتلك ان
منصور بمقاطعه هشش اسكت انت ومتدخلش انا عارف بعمل ايه انا عمري ماكنت ظالم ومش هاجي على مازن زي ماكلكم جيتوا عليه انا من نفسي قولتله تنسي ان نصيبك يكون حد غير ام ابنك بس رجعت فكرت وسمعته لاقيت الواد ده عاش طول حياته يضحي بس ولازم ياخد حاجه عايزها زيه زي الكل
زينب بتنهيده انا رايي كده بس حاطه نفسي مكانهم بتقهر بصراحه فا ربنا يعين كل واحد على حاله
نرمين بتنهيده يارب يا بنتي وصحيح مكلمتيش جوزك طمنيني عليه هو واخوكي
زينب بتنهيده حزينه لا والله يا ماما لسه متصلوش معرفش عنهم حاجه
معتز بابتسامه صحيح انتي عيد ميلادك بكره كل سنه وانتي طيبه يا حبيبت بابا
زينب ابتسمت بفرح وتابعت بضحك طب والله كنت ناسيه وانت طيب يحبيبي تسلملي يا احلي جدو
معتز بضحك حبيبتي والسنه الجايه كده تعيدي مع عمر الصغير
نرمين بابتسامه بت باذن الله زينب الصغيره
زينب بضحك انتوا هتتخانقوا من دلوقتي اللي يجيبه ربنا حلو
صافيه بضحك سيبك منهم كله رزق المهم تقومي بالف خير انتي وهو او هي
زينب بحب يارب يا تيته بجد
————-
فوق عند احمد وشهد في البلكونه بتاعت شقه ايمن
شهد بضحك ماخلاص بطل بواخه بقى كفاياك قلبه بوز
احمد بتنهيده انتي مش هتفهمي انا حاسس بايه دلوقتي وغمض عينيه وتابع بوجع احساس حقيقي ميتوصفش
شهد بحزن فاهمه والله وحقك تضايق بس انت مش السبب الوحيد والله
احمد بوجع بس السبب الرئيسي ودموعه نزلت وتابع مازن ساب بنت مواعدها بلجواز العمر كله علشان بس خاف عليااا .. مازن عاش طول حياته يا شهد يضحي علشانا كلنا والحاجه الوحيده اللي حبها وقاال هي عوضه جيت انا بردو استكترها عليه وخدتها منه انا ازاي كنت وحش ووجعت اخويااا كده
شهد بدموع ممكن تهدى طيب ونتفاهم في حل
احمد بدموع ووجع اتاريه مشي من الخطوبه وسكر رغم انه سابها ليا الا انه مقدرش يتحمل الواقع مقدرش يتحمل فكره انها لغيره ومش اي حد ده اخوه !! انا شايف نفسي وحش اوي اوي بجد
شهد بدموع احمد ابوس ايدك اهدى علشان خاطري صحتك مينفعش كده
احمد بعصبيه ودموع ينعل ابو صحتي في الارض اللي خلتكم كلكم تعاملوني زيي زي العيل الصغير اللي خايفين يزعل من ابسط الحاجات علشان ميتعبش اللي خلت اخويااا سابلي حبيبته اللي خلت الكل يتجنب يحاورني في حاجه ممكن اشد قصاده فيها وخناقتهم معايا على الادويه والاكل .. الخناقه اللي اتعودت عليها طول حياتي .. طول الوقت انا بتعامل بطريقه مختلفه اكنهم خايفين يعتبروني زيي زي اي حد في مره فيجرالي حااجه انا حقيقي تعبببت من احساس اني مريض تعبت يا شهددد تعبت بجد ومحدش فاهمني ولا حاسس بيااا كفاايه يحسسوني بكده كفايه كل حاجه مجابه .. كفاايه تضحياات علشااني انا راجل وعاادي ادخل في تحدياات وتجارب وتكسرني وتقويني وافهم الدرس انا مش صغيير للاسلوب ده حتى انتي بتعامليني بحذر خايفه اتعب ويجرالي حاجه يا شيخه يارب يجرالي حاجه انا مبقتش قادر يااارب مبقتش قاادر
شهد وقفت على اطراف صوابعها ولفت ايديها على رقبته وحضنته وفضلت تطبطب عليه وهي بتعيط بانهيار وتابعت بعياط ووجع علشانه: حقك على عيني انا اسفالك لكل احساس حسيته جواك بسببنا وكتمته جوااك اسفالك على كلامك ده واحساسك بلذمب وقطع لسان اللي يقول عليك مريض انت زيك زي اي حد بس الزعل اصلا ممكن يأثر ويجيب جلطات فاجاه لناس والله عاديه ومفيهاش اي امراض فاعتبر كده احنا خايفين تزعل وهنموت وراك لو حصلك حاجه يا احمد انما انت سيد الرجال والله متقولش كده
احمد بدموع تعبت اوي يا شهد بجد حقيقي تعبت وشايل ذمب مازن وياسمين اوي بجد
شهد بصتله ومسحت دموعه وتابعت بدموع والله هنصالحهم وباذن الله هيبقوا لبعض بس نفكر بعقل ونصلح اللي حصل انما لومك لنفسك مش هيغير اي حاجه خلاص اللي حصل حصل
احمد بوجع تفتكري فيها تصليح
شهد هزت راسها ب اه وتابعت اه والله افتكر جداا بعد اللي شوفتوا انهارده عرفت ان مازن مستعد يعمل اي حاجه علشان يراضيها وياسمين حاولت تكمل معاك وتنساه ومعرفتش فاهما بيموتوا في بعض وكمان لما وقفت في البلكونه وضحكت وشعرها بان غرقها لانها مرضيتش تدخل فدخلت وتعبت بليل ولما عرف عملها ينسون وجيه عملها كمادات وهي سابته يعملها فا والله العظيم مش هتقدر تعمل انها جامده كتير بس احنا نفكر في حل
احمد بتفكير بصي عندي فكره بس هعرف جدي عليها لانه واضح انه كده كده معانا
شهد بحماس اي هي قولي
احمد بابتسامه بصي يا ستي
————–
في سيناء في التدريبات
سيف بتنهيده يلا عمر و جاسر
عمر بالله عليك ماهقدر على اشتباك انا حقيقي دراعي واجعني
سيف بصله بحده فتابع عمر بتنهيده خلاص يا قائد ولا يهمك خليه يكسرني فداك وقام وقف
سيف بحده يلا يا جاسر اخلص انت التاني
جاسر بضحك حاضر يا قائد اوامرك ووقف قصاد عمر وبدائوا في فنون القتال
سيف برافو يلا احسن لازم حد يكسب التاني
جاسر رايح يضرب عمر في خده بلبوكس فوطى وجات في الهوا وضربه هو وفضلوا كده شويه لحد ما عمر وقع وجاسر انتصر عليه
سيف بضحك طب اهزقك ولا اعمل فيك ايه غلطاتك كترت بجد اخص الجواز هد حيلك حقيقي انبهرت
عمر بتعب وضحك قولتلهم هتهان لو دخلت اشتباك انا حقيقي مش قادر من دراعي انما مالوش علاقه بلجواز
سيف بضحك خلاص تعالى انت قصاده يا حسن مكسحين زي بعض
حسن بتوتر طب وليه يا قائد ما بلاش احنا اشتباك انهارده وخلاص
سيف انا لو عدت كلامي مرتين بعد كده هتزعلوا مني
عامر بضحك اجيله انا يا قائد ??
عمر بضحك ليه هو انا الملطشه بتاعت اللي جابوكم ولا ايه
سيف فضل يضحك وتابع عايزين يخلصوا حقهم ما انت علطول بتنتصر
عمر بتعب وهو بيقوم تابع بوجع ااه البركه فيك بقى
سيف بضحك قصدك في افعالك وبص لعامر وتابع بضحك لا انت بصحتك خليه مع حسن حالهم من بعض يلا يا حسن بيه وضرب جاسر على كتفه بتشجيع وتابع عااش عايزك كده علطول
جاسر بابتسامه تحت امرك يا فندم
حسن بتعب حاضر يا فندم وقام يشتبك مع عمر وفضلوا شويه كل واحد بيدافع عن نفسه اكتر لحد ما في النهايه عمر حط رجليه ووقعه بمهاره وانتصر
سيف بضحك لا عاش يا غالي وضرب كفه في كف عمر وتابع اقنعتني ان علشان تعبان لان لما جبتلك واحد مكسح زيك كسبت
عمر بضحك علشان تعرف بس
حسن بتعب طب حد يجي يقومني بقى
سيف بحده قوم اقف يا حضره الظابط احنا هنهرج ولا اييه
حسن اتخض فقام بسرعه وتابع اهو يا فندم اوامرك
كلهم فضلوا يضحكوا فتابع جاسر بضحك صوت حضرتك بركه يا فندم بيخفف كل الكتيبه فتعالى كتير
سيف بضحك حبايبي دول مقدرش اسيبهم ..ها مين يشتبك معايا انا
عمر عمل نفسه مش واخد باله وتابع اه تصبحوا على خير بقى نتقابل بكره باذن الله
ورايح يمشي سيف مسكه وتابع بضحك اقف بس علشان متتهزقش
عمر بضحك لا ماهو والله العظيم مش هقدر ابوس ايدك رفقاا بيا انا بردو كنت عريس جديد فمش كده
سيف فضل يضحك وتابع مش قولتلك الجواز اللي عمل فيك كده انت من ساعه ما اتجوزت وانا استعوضت ربنا فيك بس متخافش مش هشتبك معاك علشان انا مش عايز ارمل اختي بدري كفايه انك اتخلعت من كل ناحيه كده
عمر بضحك ايييوه الله يباركلك صح كده وقعد
سيف بضحك ها مين هيشتبك معايا
محدش رد فتابع سيف طب متخلونيش انا اختاار طيب
مؤمن بضحك ماهو مبدائيا محدش حابب يتمرمط احنا كلنا اشتباكنا مع بعض انما مع حضرتك مش مستعدين
سيف بضحك والله انتوا مهزقين يعني انا مفروض لما اجي اتدرب زيكم اتدرب مع مين
ادم بضحك مع نفسك انت كفاءه متخافش احنا كلنا واثقين فيك
سيف فضل يضحك وتابع هسيبكم المره دي بس علشان اغلبكم متكسح بس بعد كده هشتبك مع واحد واحد
محمود واللي يرفض ?
سيف برفعه حاجب هو في الاوبشن ده هنا اصلا ?
محمود بتوتر يعني بسأل
صالح بضحك هيتحاكم طبعا
سيف اخوك رد عليك اهو
محمود بابتسامه خلاص انا هتحاكم
كلهم فضلوا يضحكوا فتابع سيف : يا ابني متخلنيش اعند قصادك واقولك يلاا دلوقتي متعصبوش ام الواحد وكفياكم ضحك
حسن بهمس لمحمود هشش اتكتم خالص بجد لما يجي وقتها اتضرب ضربتين وهتعدي
سيف بحده انت بتقوله اي يا بيه
حسن ولا حاجه يا فندم بقوله يسكت وميضايقش حضرتك وينفذ وبس
سيف بحده على اساس ان دي حاجه هو ميعرفهاش مش كده
حسن بابتسامه لا طبعا نعرفها بس هو بيهزر مع حضرتك مش كده يا محمود ونغز محمود في جمبه
محمود بابتسامه ااه اه طبعاا
سيف برفعه حاجب ربنا يهديكم مش عارف مالكم مش مظبوطين ليه المره دي ومسك المسدس ورفعه على كتفه وتابع بصوا معايا اللي انا هضرب عليها النار دي هتضربوا عليها في نفس المكان فركزوا
الجميع تمام يا فندم
سيف ركز وصوب الرصاصه وتابع ها مين هيبدا
عمر هات انا علشان مش قادر عايز اخلص بصراحه
سيف رماله المسدس فعمر مسكه وحطه فوق كتفه وضرب فمجتش
سيف بحده ركز يا عمر انت استعجلت فيها
عمر ما لازم بسرعه يا قائد هو انا لو قدامي خصم هفضل اركز ?
سيف اومال انا بعمل ايه دلوقتي ? منا علشان كده بدربكم وكتر التدريب هيخليك متمكن وبطريقه اسرع بحيث تضرب بسرعه بس مركز في نفس الوقت لانك اتعودت على التصويب
عمر بتنهيده حاضر بعتذر
سيف لا ولا يهمك يلا اهم حاجه سرعه وتركيز
عمر حط المسدس على كتفه وركز وضرب بسرعه فجات
سيف سقفله وتابع عاااش بلظبط كده وخد منه المسدس ورماه لواحد تاني
عمر بابتسامه تسلم يا غالي
وفضلوا اليوم كله يتدربوا بعدين تابع سيف شوفوا 8 منكم يطلعوا دوريات
عمر بتنهيده هروح انت جاي ولا اي
سيف اه رايح ايه الجديد يعني
عمر طب يلا ناخد دبابه واحده علشان عايزك في حوار
سيف طب اسبقني انت هقسمهم دوريات واقول للباقي يعمل ايه لحد ما نيجي
عمر بابتسامه تمام ماشي ومشي
سيف بتنهيده ها تختارو انتوا ولا انا اختار
مؤمن مش هتفرق يا قائد عادي هطلع
محمود وانا معاه
حسن وانا هاخد ادم ولا ايه يا ادم ?
ادم ااه طبعا هطلعها بنسبالي اريح وامتع من ان اعمل حاجه هنا
عامر وانا هطلع بردو
رؤوف وانا معاه تمام
سيف خلاص كده 8 الباقي بقى يجي ورايا اقوله يعمل ايه لحد مانيجي
عامر يلا احنا نطلع
حسن ااه يلا يخش نخلص انهارده
ادم منا منطلع الدوريه ونيجي اليوم هيخلص باذن الله
روؤف بتعب يارب بجد
ادم انا اختارتها لانها احسن اه بتطول لانك بتلف على الحدود كلها تطمن بس بصراحه اديك بتسوق وممكن ترغي وتفتح الفون دققتين كده بسرعه احسن ما اقعد اجهد نفسي هنا حقيقي مش قادر
حسن ااه بلظبط فعلا
وطلعوا فعلا كل اتنين في دبابه وجيه سيف بعد ما قال للباقيين التعليمات وقعد جمب عمر
سيف بصله وبعدين بص للطريق وتابع خير كل ده علشان مش معاها في عيد ميلادها ايه الجديد يعني
عمر بتنهيده الجديد انها مراتي وكنت مستني افرحها اوي في اليوم ده
سيف بتنهيده عمر مينفعش كده طب انهارده قولت بسبب انك تعبت من الضغط بكره وبعده لما تغلط هتقولي ايه بعيداا عن اي حاجه انت عارف غلاوتك عندي وانت من اكفئ الظباط اللي هنا فمضيعش تعبك علشان بتنجرف ورا تفكيرك ومشاعرك مراتك زي الفل ووسط اهلها
عمر رجع ضهره لورا وتابع بتنهيده سيبك مني والله هحاول وهرجع زي ما كنت متقلقش عليا ممكن انت بس تكلم العميد تخليه يسمح افتح الفون ربع ساعه بس اكلمها كول افرحها
سيف بتنهيده كلمته يحيوان يخش يطمر لان حسن جالي بعد الاكل وقالي ان هو كمان عايز يطمن والدته وندى وعامر بنته تعبانه عايز يشوف وصلت لفين فقولت للعميد ان كلهم في حاجات معاهم فانهارده بس قالي ماشي
عمر بفرح انت بتتكلم جد قسما بالله هفتحه عادي
سيف بضحك اه جد يخش يطمر
عمر قرب باس راسه وتابع بضحك يا جدع ربنا يديمك لينا ويفرح قلبك زي مافرحتني
سيف بضحك حيوان بتاع مصلحتك
عمر بضحك انت الكبير يا غالي المهم كمل جميلك وقولي تعرف حد من كتيبتنا متجوز هنا
سيف بستغراب هنا فين ?
عمر مالك يا قائد ركز معاياا اقصد ظابط سيناوي وقاعد في سينا عادي وليه بيته واهله
سيف بتذكر ااه ااه في واحد من الكتيبه اللي انت كنت ماسكها الفتره اللي فاتت اسمه كريم اللي هو ملازم الجديد ده
عمر بتذكر ااه صحيح افتكرته خلاص ده بيته اصلا هنعدي عليه واحنا ماشين دلوقتي
سيف بستغراب اه بس ليه
عمر بحب هقولك بعدين بس لما نعدي من عنده قولي هو في اجازه صح ?
سيف اه لسه نازلين مبقالهمش يوم
وبعد شويه بلفعل عدوا من عند البيت فنزل عمر من الدبابه
عامر كان وراهم بلدبابه التانيه فخرج منها بستغرااب وتابع : في حاجه يا عمر ولا ايه
عمر لالا كلموا قدامنا عادي دققتين وجاي وراكم يلا مفيش حاجه
عامر خلاص ماشي وطلع تاني وبدأ يتحرك
وعمر خبط على باب ففتح كريم وتابع بتفاجئ عمر بيه اهلا اهلا اتفضل يا قائد نورت
عمر بحب ده نورك يا غالي عامل ايه يا كريم طمني عليك
كريم بابتسامه الحمدلله يا قائد في نعمه طب اتفضل ادخل ميصحش
عمر بابتسامه لالا انا مش جاي اتفضل هو بس طلب صغير هطلبه منك
كريم اؤمرني يا فندم تحت امرك طبعا
عمر بابتسامه الامر لله انت عارف انا اخري هنا في سيناء مقدرش اتحرك ولولا بس طلعت دوريه لولا شايف بعض البيوت مش كلها كمان فعايزك لو ينفع تخلي المدام تعمل كيكه بلشكولاته حاجه صغيره كده عاديه عادي والفلوس متشغلش بالك بيها تصرف عادي لان اكيد هي هتعرف تبعت حد من الاسواق بره وتجيب مكوناتها غيري انا فاهم طبعا
كريم بحب يا فندم ده احنا تحت امرك حاضر من عيني هخليها تعملها حالا وانت جيت للشخص الصح شمس مراتي شاطره جداا في عمل الحلويات
عمر ابتسم بفرح وتابع طب ده حلو اووي هتعبك معلش يا كريم هعدي اخدها وانا راجع من الدوريه يعني معاها وقت كويس اربع ساعات مثلا
كريم بحب تمام يا فندم عيوني والله
عمر بابتسامه تسلم يا كريم بجد يلا عايز حاجه
كريم بحب سلامتك يا فندم ربنا يحفظكم
عمر بحب تسلم يا غالي وراح ركب جمب سيف
سيف بضحك ها قولتله يا ملزق
عمر بضحك اه الحمدلله هتعملها اطلع يلا
——–
في بيت صلاح قاعده هايدي مع ياسمين
هايدي بحزن طب اهدي وكفياكي عياط مش كده
ياسمين بدموع يا هايدي انا مش قادره والله انا عايشه بمثل او بضحك على نفسي انما مش قادره اتخيل انه عمل كده والله وياريتني قادره اكرهو انا مش عايزه اتجوزه ولا عايزه اشوفه معاها اعمل ايه قوليلي
هايدي حضنتها وطبطبت عليها بحزن وتابعت هتسمعي رايي يا ياسمين
ياسمين بدموع اه طبعا اكيد انتي اختي والا مكنتش جيتلك
هايدي بحزن استهدي بالله بس وامسحي دموعك ومسحت دموعها وتنهدت وتابعت اانا رايي ان تسمعي كلام جدك و
ياسمين بوجع يا هايدي مش هقدر و
هايدي بمقاطعه انا لسه مخلصتش كلامي اسمعيني للاخر
ياسمين بحزن اتفضلي
هايدي بتنهيده انتي كده كده بتحبي مازن وصممتي واتخطبتي لاخوه وخليني صادقه معاكي الخطوه دي هي اكبر سبب لكل اللي حصل زي ما مازن قال .. اه هو غلط زيك بس غلطك انتي اكبر وحتى لو صاحبتك وحشه وكانت مستنيه يوم تنفذ خطتها زي مابتقولي ممكن مكنش اليوم ده جيه خالص ولو على اي مناسبه مش هتعرف تاخده معاها لانه هيكون معاكي طول اليوم وفايق هي اللي ساعدها انه سكران ودي مستحيل تحصل لو انتي متخطبتيش لغيره وهي بجد انسانه زباله منها لله بس الحقيقه اللي مش هنعرف نغيرها حبك لمازن وحبه ليكي عارفه صعبه وتقهر تشوفي حبيبك جمب غيرك انا مجربه بس انتي لو صممتي هتكسريه وتكسري نفسك ومفيش حاجه تتغير
ياسمين بوجع ودموع كلامك صح بس مفيش حاجه هتتغير هو مضطر يتجوز جودي للاسف وانا النقطه دي اللي فكل الحالات مش متحملاها
هايدي يعني يا ياسمين نتكلم بلعقل تبقي مراته وليكي ضره ولا تعيشي عمرك كله متقدريش تبصيله ولا تكلميه لان خلاص كله عرف بعلاقتكم
ياسمين بدموع انا مش عارفه اختار لان مفيش اختيار مريحني ولا هقدر ابقي ماليش حق علي مازن واني اكلمه واحضنه عادي ولا هقدر اوافق واشوفه مع غيري بردو زيها زيي
هايدي يا هبله يا عبيطه مين قالك زيها زيك ده انتي الحب واللي واخده قلبه يعبيطه دي حيالله ام ابنه فمضطر يتجوزها وهي عارفه كده كويس انما انتي حبيبته وبنته ونورعينه ولما يتجوزك كمان هيبان ده اكتر ده هي اللي مفروض تخاف وتقلق انك توافقي علشان عارفه انها ملهاش مكان جواه انما انتي لا يا هبله تحطي رجل علي رجل وتبصي في عينيها وتقولي مراته وحبيبته واللي معندوش مانع يقف قصاد الكل علشان يوصلها خلي ثقتك بنفسك تغلب
ياسمين بوجع كلامك صح بس مش قادره حقيقي اعصابي تعبت وحطت راسها بين ايديها
فطبطبت عليها هايدي بحزن وتابعت خير والله ربنا هيدخل قولتلك مره مش بعيد يجمعكم وادي جدك سهلها عليكم عقبال ماتتحل مشكله ست زفته دي
ياسمين تنهدت بعمق وتابعت سيبك مني انا راغيت كتير طمنيني عليكي ايه دنيتك مع باسم
هايدي بابتسامه بس يعبيطه انا مستعده اسمعك العمر كله وبلنسبه ليا انا وباسم تنهدت وابتسمت وتابعت يعني الحمدلله بطلت اخد البرشام اهو ومستنين اراده ربنا
ياسمين بفرح يحبيبتي بجدد الف مليوون مبروك وحضنتها
هايدي بضحك نفس فرحه باسم لما قولتله هبطل اخده انتوا ليه محسسني اني بقولكم انا حامل
ياسمين بضحك لان دي خطوه مش ساهله نهائي حقيقي عاش فخوره بيكي
هايدي بحب ربنا ميحرمنيش منك بقى انتي اللي شجعتيني بصراحه
ياسمين بحب يعمري انا معملتش حاجه والله ده واجبي
هايدي بحب عقبال ما اشوفك بالك مرتاح مع مازن يارب بجد يا ياسمين
ياسمين تنهدت بحزن وسكتت
وسمعوا صوت الباب خبط فتابعت هايدي اكيد جيلان مروان جابها من الحضانه
ياسمين بابتسامه طب تعالي نشوفها
وطلعوا وبلفعل حبيبه كانت فتحت لمروان ومعاه جيلان
ياسمين بفرح حبيبت قلب عمتو يا نااس
جيلان بفرح عمتوو وجريت عليها فياسمين شالتها وحضنتها وفضلت تبوس خدها
مروان بابتسامه وانا اقول البيت منور ليه ازيك يا سمسم عامله ايه
ياسمين بحب الحمدلله يا مروان انت ايه اخبارك
مروان بحب الحمدلله في نعمه
جيلان بفرح بجد كنتي واحشاني خالص
ياسمين بضحك وانتي اكتر والله تعالي ده انا جيبالك حاجات حلوه كتيير في الاوضه جوه
جيلان بحماس بجد وريني
ياسمين بضحك عيوني حاضر ودخلت بيها الاوضه
احلام بابتسامه غلبانه ربنا يهنيها
هايدي بابتسامه اوي بجد يارب يريح قلبها ويسعدها
مروان بحب اللهم امين يارب
———
على البحر كان قاعد مازن سرحان ومضايق جداا وبيشرب سجاير وسمع صوت فونه وصله مسدج فمسك الفون وفتحه كانت من احمد
ومضمون المسدج كان ( مازن تعالى عايزك في موضوع ضروري في الفندق اللي على البحر اللي انت عارفه اوضه رقم 17 علشان مش هقعد في البيت انهارده )
مازن تنهد بعمق وتابع احمد تعب نفسيا اكتر بردو .. انا حقيقي مش عارف اعمل ايه حاسس اني تايه … انا محتاج ياسمين اوي بس حتى هي رافضه وجودي معاها ورمى السجاره وقام داس عليها واتحرك في اتجاه الفندق
وبعد شويه وصل وتابع لموظفه الاستقبال لو سمحتى اوضه رقم 17 في انهي دور
الموظفه في التالت يا فندم
مازن شكراا واتجه لانه يطلع بلاسانسير ولما وصل خبط
ثواني الباب اتفتح فتابع بستغراب شديد ياسمين !!! انتي ايه جابك هنا ?
ياسمين بستغراب انا جيت لشهد علشان قالتلي ان تعبت وصاحبتها طلعتها هنا وجابتلها الدكتور بس ملقتهاش وبرن مش بترد انت ايه جابك هنا
احمد جي من ورا مازن وزقه لجوه وقفل الباب وتابع بضحك هقولكم انا جيتوا ليه
ياسمين اتخضت فتابع مازن بحده ااه يا ابن الكلب يا حيوااان .. افتح يا احمد
شهد بضحك هنفتح والله بس اقعدوا ساعتين تلاته كده كل واحد يقول اللي عنده وتعقلوا وتاخدوا قرار عاقل هااا وبعدين هتمشوا
ياسمين بحده انتوا اتجننتوا بجد ده انا والله غلطانه اني جيت افتحوا كده وخبطت علي الباب جامد
احمد بضحك خلاص بقى مش ناقصين صداع انا دافع تمن يوم مش هرميه على الارض يعني وافتحلكم دلوقتي
شهد بضحك يلا احنا ننزل مش قولتلي هتعزمني علي ورق عنب عجبك من المطعم اللي تحت
احمد بضحك كل اللي تعوزيه والله انا هصرف انهارده ومد ايديه فمسكتها وضحكت وتابعت يلا
ونزلوا فتابع مازن بضحك مشروع جواز ده وهتقولي مازن قال
ياسمين بضحك حاسه والله فعلا
مازن بابتسامه طب ايه العيال الصغيره تتجوز والكبار لسه بيعندوا قصاد بعض
ياسمين تنهدت بعمق ودخلت قعدت علي طرف السرير وتابعت احنا جيه علينا وقت كنا زيهم حلاوه البدايات بقى
مازن وقف قدامها وتابع بس اللي ميكملش يبقى مكنش صادق من البدايه يا ياسمين مش ده كلامك
ياسمين الدموع اتجمعت في عينيها وتابعت عارف يا مازن انا قريت مقوله حساها بتليق علينا جداا ( متقاربون نحن كا الاول من يناير والحادي وتلاتين من ديسبمر ولكن بيننا عااام ) اهو انا وانت اقرب لبعض من الوريد عشنا العمر كله نتخانق ونختلف بس واحنا ماسكين ايد بعض كنت بطمني وبطمنك وبعرفك كل خطواتي حتى لو متخانقين احنا الوحيدين اللي لو اختلفنا جامد بنبقي عارفين اننا بردو لبعض يعني انتهينا ومانتهيناش في نفس الوقت وانا كنت بثق فيك اكتر من نفسي لدرجه لما عرفت ان جودي حامل منك كدبتك وكدبتها لحد ماحلفتلي عارف ساعتها انا حسيت بايه ? عارف يعني ايه اديك قلبي اللي بخاف عليه اكتر حاجه في الدنيا لاني بتحسس بسهوله وبتعب وانت بكل قساوه ترميه تكسره ?! طب انا مفروض ارجع اثق فيك ازاي قولي ? مفروض ارجع ابصلك بنفس نظره مازن ازاي ?
مازن بوجع مستعد اتكلم بس تسمعيني
ياسمين بوجع متهيالك اي كلام هتقوله مش هيداوي وجعي احنا مفيش بينا كلام يا مازن
مازن بوجع يعني انتي فكرك هتقدري تكوني لحد غيري حتي لو عادنتي ومتجوزتنيش
ياسمين قامت وقفت وتابعت وهي واقفه قدامه وباصه في عينيه: ياريت .. ياريت اقدر احب حد غيرك ولا اشوف حد غيرك انا اوعدك اني مش هشيل اسم راجل غيرك خلاص لاني مش هتجوزك بس للاسف انت علمتني كل حاجه علمتني ازاي احب وازاي اكون قويه وارجع اعيط واقولك لا يا مازن عايزاك جمبي لوحدي مش عارفه وازاي ادلع عليك وازاي اراضيك وازاي اكون نايمه مطمنه وازاي اشوف الدنيا فيها امل وازاي ابص لبكره وازاي افضل لابسه كويس انت علمتني كل حاجه الا حاجه واحده
مازن بوجع ايه هي بقى ؟
ياسمين الدموع نزلت من عينيها وتابعت ازاي اكرهك … دي ولا انت ولا حد في الدنيا عرف يعلمهالي وعيطت وتابعت رغم اني عارفه هرتاح لو كرهتك بس انت وصلتني لمرحله ان لا حتى انا مش عايزه اكرهك اللي هو نار حبك ولا راحه نسيانك لاني مش عارفه يعني اي اعيش ليوم حبيبي مش مازن انت متخيل
مازن حط ايديه الاتنين علي دراعاتها وباس جبينها ودموعه نزلت وتابع حقك على عيني ينورعيني .. انا اسف لوجعك .. اسف لكل دمعه نزلت من عينيكي كانت بتموتني قبل ما تموتك انا بس عايزك قبل ماتصممي على كلامك تفتكري مازن .. مازن اللي حبتيه وحبك يا ياسمين .. ارجعي بلزمن لورا وشوفي كام موقف مرينا بيه وعديناه سوا شوفي كام مره اتثبتلك اني بحبك وغيرتي عليكي حتى من اخوكي انا محبتش حد في حياتي قدك يا ياسمين ومش متخيل يعني ايه في بنت تعمل فيا كده وتخليني عايش العمر كله مش بتعب غير علشان اتجوزها حتي شقتنا اللي في البيت انا وانا بشطبها خليتك تختاريها ازاي عايزه بنت تانيه تقعد فيها مكانك قوليلي ؟ اه عارف غلطت ووجعتك وحقك تتصدمي فياا بس كان بايدي ؟ والله ما كان بايدي يحبيبتي انتي عرفاني
ياسمين بدموع ووجع كل كلامك ده انا عارفاه وواثقه فيك وعارفه انت مين كويس اوي والغدر جيه من صاحبتي اكتر ماهو منك وعارفه انت بوعيك متعملهاش لو على موتك بس النهايه واحده مفروض اني اقبل واحده تشاركني فيك بس اسالك سؤال وتجاوبني عليه بصراحه
مازن بوجع اسالي طبعا
ياسمين بوجع لو انا اللي كنت متخدره وحد عمل فيا كده كنت هتبص في وشي تاني يا مازن ماهو غصب عني انا كمان اهو
مازن مسك دراعها جامد وتابع بعصبيه انتي اتجننتي صح احترمي نفسك احسنلك وقولي كلام يتعقل علشان ممدش ايدي عليكي
ياسمين بعصبيه اه دي ضااايقتك اووي ومستحملتش ان غيرك يكون قربلي اشمعنااا انا عايزني استحمل حااجه زي كده
مازن بعصبيه علشاان احنا غيرركم ربنا اللي فوق الكللل حلل اني اتجوزز اربعه مش وااحده ومفيش واحده فيهم تتجرا تقول لجوزها اشمعناا انت مع اربعه وانا مع واحد بس انتي اتهبلتي في مخك ولا اييه
ياسمين بعصبيه وانا مقصدش كده انا اقصد لو انا حد اعتدي علياااا وغصب عني زي مانت عملت كده في بنت غصب عنك هتتجوزني رغم ان غيرك لمسني ?
مازن بوجع الف بعد الشر عليكي …. بس اه هتجوزك يا ياسمين
ياسمين بدموع انت كداب
مازن بدموع والله العظيم ما كداب ومسك دراعاتها الاتنين وقربها منه وتابع بدموع انتي ليه مصممه تحسسيني اني مش بحبك انتي وكل دماغي في الكلام ده وبس ?!! الجواز علاقه اسمى بكتير من اني اكون عايزك علشان كده انا بحبك انتي انا عايزك انتي في حياتي منكرش هحب قربك طبعا بس ده لاني بحبك انتي وعمري ما اقدر الومك على اعتداء غصب عنك ده انا مبقاش راجل لو موقفتش جمبك وشوفت مين عمل كده وجبتلك حقك تالت ومتلت ..انتي شيفاها نفسنه حريم يا ياسمين لان البنت بطبيعتها بتمشي ورا عواطفها اكتر من انها تشغل دماغهاا فا اللي هو ازاي مازن يلمس بنت تانيه غيري ويعمل معاها كده فتغيري وتولعي وحقك والله بس مش قادره تفكري وتقنعي نفسك اني مش وحش كده وغصب عني وقلبي مش مع حد غيرك وانا لو بعد الشر مكانك وحد عمل فيكي كده دي توجعنا احنا اكتر وهموت اكتر منك الف مره ولو انتي اتوجعتي قيراط فانا هتوجع 24 قيراط بس مش هقدر اسيبك منا عايزك وبحبك بردو
ياسمين بعياط صدقتك بس انت قولت انا غيرك انا ماشيه بعواطفي ومش هقدر يا مازن والله وسندت راسها على صدره ومسكت قميصه بقبضه ايديها جامد وتابعت بعياط وغلاوتك عندي مش هقدر جودي تشاركني فيك
مازن بوجع ياسمين متظلميناش وتنهي حكايتنا بنهايه مش هترضينا احنا الاتنين وهتعيشنا في عذاب. عارف انها تضحيه وكبيره جداا منك انك توافقي بكده وعارف انك مش مريم ومش هتقدري تعيشي اللي هي عاشته بس فكري فيا انا ارجوكي
ياسمين بصتله بستغراب والدموع ماليه عينيها وتابعت يعني ايه ?
مازن بدموع يعني فكري فاني عمري .. عمري واللهم لا اعتراض بس عمري فعلا ماخدت حاجه عايزها انا الوحيد اللي مكملتش تعليم فيهم وانا الوحيد اللي مش معايا شغلانه ثابته فيهم ولولا جدك الله يباركله لما اداني الاراضي فوقت جامد وخلصت الشقه وانا الوحيد اللي بسمع للكل ومحدش بيسمعني وانا الوحيد اللي بضحي علشان سعاده الكل بس محدش ضحى علشاني وانا الوحيد اللي بختي مايل فيهم كلهم وانا للاسف الكبيير اللي مضطر يستحمل كل حاجه واي حاجه اللي بعد كلام جدك وعمامك انا اللي ليا الكلمه وانا اللي بحكم وانا اللي بقول ده ينفع وده مينفعش كل حاجه فوق رااسي وانا كده من يوم ما اتولدت صدقيني عشت كتييير احلم بحاجه من اللي هما عاشوها بس مكنتش بطولها طول الوقت بحس نفسي قليل حتى قدامك انا محبتش حياتي بجد ورضيت وحسيت بعوض ربنا وان الاايام هتضحكلي وان في دواء احطه على كل جروحي غير لما عرفت انك بتحبيني زي ما بحبك قبلها داعيت كتييرر اوي تطلعي بتحبيني ودي اول دعوه تستجاب بعدها ان احمد يتقفل منك وده الحمدلله بردو حصل حسيت اني مسموع يا ياسمين حسيت اني وجعي ودموعي مهانوش على ربنا بعد كل ده واستجاب تقومي تيجي انتي عايزه تحرميني من دواء جروحي !! من حضن عشت عمري كله بتمناه !! من كتف نفسي ارجع من تعب اليوم اتسند عليه واحكي !! من بنت وولد مشوفتهمش غير منك !! وابتسم بوجع وتابع منك يا ام زين ولا نسيتي ؟؟!! ليه يا ياسمين ؟؟ ليه عايزه تحرميني من عوضي في الدنياا انا غلطت من وجعي منك لما اتخطبتي لاحمد غصب عني واضطريت اضحي باحلامي ووافق اتجوز بنت عمري ما حبيتها بس علشان بقول حرام اهي بنت وانت عندك اخت بنت فمينفعش اتقي الله وصلح غلطك .. انا عشت عمري كله مجبر مش مخير واانتي الحاجه الوحيده اللي اختارتها ليه عايزه تسبيني انتي كمان والله انا ما عايش غير علشانك
ياسمين عيطت بوجع من كلامه وتابعت والله العظيم وانا كمان زيك بلظبط ومش قصدي احسسك بكده حقك عليا انت عارف ياسمين بس انا وجعي مش عارفه اشرحهولك سبني اهدى الاول يا مازن وافكر بعدين يحلها الف حلاال
مازن بوجع بدموع يعني ده اخر كلام عندك
ياسمين مسحت دموع مازن وتابعت بوجع اممم ومعنديش غيره حاول افتحلي الباب لو سمحت
مازن تنهد بوجع وراح فضل يخبط وتابع بحده احمدد .. انت يا ابنيي. .. يا احمدد انت هناا ? وبص لياسمين وتابع بتنهيده طب ايه هما تحت
ياسمين بحده لا دول بجد بيستعبطوا اتصل بيهم ايه هو ده
مازن اتصل باحمد لقاه مقفول فتابع بضيق متنيل مقفول
ياسمين نفخت بضيق واتصلت بشهد لقيته بردو مقفول فتابعت بحده اه يعني ايه يعني هنهبب ايه دلوقتي
مازن بتنهيده اهدي وهحاول اخبط لحد ما يجي حد يفتحه
ياسمين بضيق ده مستفزين جداا بجد
مازن بتنهيده اهدي هنمشي هما عارفين مش هنبات يعني وفضل يخبط كتيير لحد ما حد من العاملين في الفندق سمع
الراجل ايوه يا فندم
مازن بص لياسمين بتوتر وتابع حضرتك احنا نسينا المفتاح مع اخويا فتعرف تفتح ولا ايه
الراجل اه ثواني يا فندم معايا مفتاح تاني وفضل يدور لحد مالقاه وفتحلهم فياسمين خرجت بسرعه ومشيت بضيق
مازن بسرعه: شكرا جدا تعبتك ومشي وراها وهو بينادي عليها: ياسمين اهدي .. انتي يابنتي اتنيلي اقفي منا هروحك .. يا ياسمييين
ياسمين دموعها كانت بتنزل وركبت الاسانسير قبله وقفل
مازن بحده اه يابنت البارده انتي وضرب ايديه في الحيط واضطر ينزل على السلم ونزلت هي من الفندق ومشيت وكان جمبها سور مطل على البحر وصوت الامواج حلو جداا والهوا شديد فوقفت تبص للبحر بهدوء وعينيها بتدمع
مازن بنهج من الجري تصدقي انك بجد عايزه تتربي علشان تنزليني علي السلالم وافضل اجري خايف تمشي لوحدك
ياسمين من غير ماتبصله تنهدت وتابعت سبني في حالي يا مازن وامشي
مازن بابتسامه ايه حلو البحر مش كده
ياسمين بضيق لا وحش جداا ومشيت وثواني لقيت مازن بينادي عليها فنفخت بضيق وبصتله وتابعت بحده خير عايز
وسكتت بصدمه لما لقيته واقف على السور بعدين تابعت بخوف انت بتعمل ايه يخربيت اهلك انزل
مازن بضحك ماهو يا توافقي تتجوزيني يا هنط من هنا
ياسمين بسخريه وضحك تعمل ايه ?
مازن بضحك هنط من هنا مبهزرش بجد
ياسمين فضلت تضحك وتابعت فاكر نفسك احمد السقا في فيلم افريكانو ولا ايه
مازن بضحك وماله ماهو كان بيراضي بنت عمو بردو وبيثبتلها انه بيحبها بس انا بنت عمي ست البنات متتقارنش بحد
ياسمين بضحك مبتثبتش ريح دماغك وانزل يلا
مازن بضحك مبهرزش بجد هنط
ياسمين عارفه انه بيكدب فتابعت اممم طب يلا يحبيبي نط انا مش موافقه
مازن اخر كلام يعني?
ياسمين بضحك وهي ماشيه ناحيته تابعت اه اخر كلام يلا هساعدك اهو وبتهزر معاه فزقت بايديها رجله بخفه بس مازن مكنش متوقع فاختل توازنه وتابع يخربيتككك بتعملي ايه ووقع
ياسمين اتصدمت بشده وتابعت بخوف يااانهااار اسوددد ماااازن ..مااازن انت كوويسس
مازن وهو بيغرق وبينزل ويطلع تابع يا شيخه الله يحرق مازن وسنين مااازن
ياسمين خافت عليه جداا وفضلت تعيط وتابعت مني لله انا السبب وسابت شنطتها بلفون على جمب ووقفت على السور ونطت
مازن بضحك وصدمه: يخربيتكك عملتييي ايه ونزل يجيبها من تحت المايه وشدها لوش المايه وحط ايديه علي ضهرها وقربها منه هي ماسكه في رقبته وبتكح جامد
مازن بضحك خلاص خلاص انا اسف حقك عليااا اللي خلاكي تنزلي انتي
ياسمين بعياط وخوف انت كويس صح وحطت ايديها الاتنين على خده
مازن بضحك يحبيبتي كويس والله .. متخافيش انا بهزر معاكي اصلا انا بعرف اعوم بس مثلت عليكي بخوفك مش قصدي تنطي ورايا والله وفضل يضحك بشده لحد ماعينيه دمعت
ياسمين بحده ودموع تصدق انك متربتش بجد حرام عليك يا شيخ وجعت قلبي من الخضه وضربته في صدره في جامد
مازن فضل يضحك جامد وتابع سلامه قلبك من الخضه يعيوني
ياسمين بضحك بس يا بايخ اخرس خالص بجد
مازن بضحك انا اللي اخرس بردو يا مجرمه زقاني من على السور وليكي عين تتكلمي
ياسمين بضحك والله مقصدش وحياه ربنا كنت بهزر معاك
مازن بضحك لا انتي كنتي بتخلصي حقك بتاع الحله فغرقتيني انا كلي
ياسمين فضلت تضحك وتابعت لا والله مجاش في بالي كده منا زي الهبله معرفتش اتصرف فنزلت وراك
مازن بضحك صح يعني هو سؤال بس انتي اصلا مبتعرفيش تعومي يعني نازله تغرقي وانا اللي جبتك من تحت المايه اصلا .. ايه نزلك ورايا بقى انا عايز افهم وفضل يضحك
ياسمين ضحكت بشده على كلامه وضحكه وتابعت معرفش والله بس حسيت بلذمب اوي وفكرتك بتغرق فمفكرتش غير اني انط وراك وخلاص اللي يحصل يحصل حتى لو موتنا سوا لو معرفتش انقذك تمام انما مقدرش اعيش من غيرك
مازن غمض عينيه وباس جبينها وتابع يعني معرفتيش تعيشي من غيري بس عادي عايزاني انا اعيش من غيرك يا ياسمين
ياسمين الدموع اتجمعت غي عينيها وسندت جبينها على جبينه وتابعت موافقه بس بشرط يا مازن
مازن اتفاجئ وتابع بفرح اشرطي زي ما انتي عايزة
ياسمين بابتسامه اول حاجه يونس يوافق لان موافقته شئ اساسي في الجوازه دي ده كبيري بعد بابا
مازن تنهد بعمق وتابع اخوكي مبقاش طايقني وبعد ما كنا اقرب اتنين لبعض بقينا اعداء
ياسمين بتنهيده حزينه عارفه بس انا فعلا مقدرش اعمل حاجه يونس رافضها
مازن بتنهيده حاضر هتحايل عليه علشانك والله وغير كده
ياسمين بتنهيده الحاجه التانيه ان الشقه اللي قصاد ابوك دي بتاعتي انا وانت….وانا مختاره فيها كل حاجه علشان الهانم متعملش مشاكل وهي بقى تجيبلها شقه في مكان تاني
مازن بتنهيده فهمتك مش عايزاها قدامك وده حقك حاضر شقتها هتبقى في مكان تاني وبلسنبه للشقه اللي في بيت الرفاعي دي بتاعتك غصب عن اي حد ومحدش هيقدر يتكلم
ياسمين بحب يبقى اتفقنا
مازن بضحك يلا نطلع من ام البحر بقى علشان تلجت
ياسمين بضحك يلا
مازن حاسبي تسبيني ها امسكي فيا حلو
ياسمين اتعلقت في رقبته بخوف ومازن مشي بيها لحد ما وصلوا للصخره وطلع ياسمين قعدها عليها
ياسمين بضحك مدتله ايديها وهو مسكها وطلع قعد جمبها
ياسمين بضحك ثواني هجيب شنطتي وجيالك
مازن بضحك بتضحكي علي ايه يابت انتي
ياسمين بضحك علي شكلنا بجد وقامت وقفت
مازن شدها تاني قعدها وتابع بحده لالا خليكي زي ما انتي انا هقوم حطاهم فين
ياسمين بستغراب ايه في ايه يا مازن
مازن قام وقف وتابع لالا متتحركيش انتي الفستان من البحر بقى مفصل جسمك
ياسمين بحرج ااممم طيب قوم انت هات الشنطه هتلاقيها مكان ما كنا واقفين
مازن بضحك حاضر منا كمان سبت فوني لاني بجد كنت هنط لو رفضتي علشان اخليكي تضعفي بس انتي قومتي بلواجب يعني
ياسمين بضحك المهم ان الخطه نجحت
مازن بضحك بلظبط كده وراح جاب الشنطه وفونه وجيه قعد جمبها وتابع كلمي يونس انتي يلا لان انا مش هيرد عليا
ياسمين حاضر واتصلت بيونس بلفعل
يونس بحب ايه يا سمسم
ياسمين بتوتر ايه يحبيبي فاضي اطلب منك طلب؟
يونس بتنهيده انا عارف انتي فين لان احمد وشهد خدوا راينا الاول وجدك كلمني واقنعني وانا فاهم يعني اي تكوني مع حد بتحبيه ويعني ايه تبعدي عن حد بتحبيه ومازن قدام عينك فمش هتعرفي تمنعي وجعك فموافق يا ياسمين وربنا يسعدك يحبيبتي ويقويكي على اللي جاي وانا في ضهرك العمر كله ومش عايز غير سعادتك
مازن وياسمين كانوا بيبصوا لبعض متفاجئين اوي فعيطت ياسمين بفرح وتابعت ينورعيني انت بجد ربنا ميحرمنيش منك ابدااا انا بحبك اوي والله قولتله مش هرضى غير بموافقه يونس
يونس بحب وانا عارف يعيون يونس ربنا يسعدكم
مازن بفرح والله العظيم يا يونس ماهخليك تحس لحظه بلندم انك وافقت تخليني اتجوزها
يونس بحب عارف يا مازن وخلاص حصل خير باذن الله الجاي احسن
مازن بحب ومش عايزك تزعل مني ده انت اخويا اللي ضهره في ضهري من يوم ما وعينا ربنا يعلم كان صعبان عليا انك شايل مني ومش معتبرني اخوك ونقف قصاد بعض كده
يونس بحب اللي فات مات خلاص ويمكن لو مكنتش وقفت قصادي علشانها كنت شكيت في حبك ليها ربنا يسعدكم يحبيبي جدك فهمني حاجات كتير كان غايبه عني
مازن بفرح والله جدي ده حبيبي خلاص يا غالي اقفل معانا قولهم ان فرح ياسمين وماازن الاسبوع الجاااي
يونس بضحك خلاص اتفقنا يلا باي ومتتاخروش تعالوا يلا
مازن بفرح حاضر باي
وقفل معاه وتابع لياسمين بفرح انتي مصدقه قسما بالله ما مصدق وقام وقف
ياسمين قامت وقفت قدامه وتابعت بدموع فرح وحياتك مش هصدق غير بعد اول عيل مش من يوم الفرح لا
مازن فضل يضحك بفرح وتابع اقسم بالله ما مصدق حاسس اني بحلم انا هتجوزك بجد!! يااابي بجددد خلاص كل مشاكلنا خلصتت ?? خلاص وصلنا لاخر صفحه في حكايتنااا ?انا مش مستوعب بجد ان كلهم رضيوا !!! والسر بقى علن !! وهتبقي مراتي ومش هخاف اكلمك واحضنك قدام حد والله ما مستوعب ودموعه نزلت
ياسمين عيطت بفرح وتابعت وانا كمان مش قادره اصدق بس دي مش اخر صفحه دي بدايه جديده يا مازن .. بدايه عشنا عمرنا كله نحلم بيهاا
مازن بضحك طب يلا مستنيه ايه طيران على البيت عايز نحتفل وسط اهلنا ومسك ايديها بعدين تابع لالا استني وقلع جاكته الجلد ولبسه ليها لانها كانت بترتجف من هدومها وتابع يلا هنروح بسرعه عربيتي قريب من هنا ومسك ايديها وجريوا وهما بيضحكوا بشده
احمد وشهد كانوا شايفينهم طول اليوم ومراقبينهم من بعيد فبصوا لبعض بفرح وضربوا كفهم في كف بعض
شهد بدموع فرح نجحناا
احمد بفرح اللهم لك الحمد بجد
———–
في شقه معتز في اوضه زينب كانت قاعده مضايقه جدا لان الساعه جات 12 وعيد ميلادها جيه وعمر مش معاها كلعاده حتى وهو جوزها
زينب بتنهيده حزينه وايه الجديد اجمدي كده يا زينب ومتبينيش انك اضايقتي لما يرجع مينفعش تقلقيه عليكي هو غصب عنه اهدي هاا وخدت نفس بعمق ودموعها نزلت وحطت ايديها على بطنها وتابعت يمكن كلعاده عمر مش معايا في عيد ميلادي بس كفاايه اوي الهديه الجميله اللي سبهالي تحضر معايا السنه دي ..مامي بتحبك اي ان كان نوعك ايه ومتشوقه اشوفك جداا وابتسمت بحب
وفونها رن فقامت مسكته واتفاجئت بشده لما لقيته عمر وردت وتابعت بعياط يحبيبي واحشتني اوي اوي يعمرري طمني عليك
عمر قلبه وجعه من صوتها وتابع بصوت مهزوز انتي اكتر يحبيبتي عامله ايه طمنيني عليكي ينورعيني
زينب بعياط كويسه في نعمه مش ناقصني غير اشوفك يا عمر انا والله حاولت كتير اجمد بس عماله اضعف كل ما توحشني
عمر بحزن يعمري اهدي طيب اهدي علشان خاطري
زينب بعياط سيبك مني انا طمني انت عليك يحبيبي
عمر بحزن انا كويس وزي الفل والشغل زي الفل مفيش اي حاجه مش مضايقني غير دموعك
زينب مسحت دموعها بلهفه وتابعت لالا خلاص يحبيبي مش هعيط اهو خلاص انا زي الفل
عمر ابتسم بحزن لانه عارف انها بتعمل كده علشان مضايقهوش وتابع طب افتحي فيديو كول
زينب بحب وهي ماسكه دموعها حاضر يحبيبي وفتحت الفيديو كول فا اتفاجئت ان عمر قاعد وحاطط قدامه تورته شكلها رقيق وحلو اوي وفيها شمعه فعيطت بشده من الفرح انه فاكر
عمر بضحك بس بس يعني انا عايز افرحك تقومي تعيطي يا زينب ايه يحبيبتي مش كده
زينب بدموع فرح انا بحبك اوي بجد
عمر بحب وانا بموت فيكي كل سنه وانتي طيبه يا نورعيني كل سنه وانتي حبيبتي وبنتي ومراتي وامي واختي وكل حاجه في حياتي
زينب بدموع فرح وانت طيب ومعايا يحبيبي ويديمك نعمه يارب في حياتي
عمر بحب يارب يعمري والسنه الجايه كده يكون معانا زوزا الصغيره
زينب ضحكت من بين دموعها وتابعت يارب بجد يحبيبي اللهم امين
عمر بحب بس سيبك يابت يا زينب واحشتيني اوي وغمز
زينب فضلت تضحك وتابعت عمر اتلم بجد واتربى حد يسمعك
عمر بضحك لا متخافيش انا في اوضتي لوحدي وقافل الباب وكلهم راحو يناموا اصلا اليوم كان تقيل انهارده هقولك كده وحد معايا يعني انتي عبيطه ولا ايه
زينب بضحك اه بحيث كده تمام براحتك عرفت قيمتي اهو
عمر بضحك والله قولتلك عارفاها من قبل ما امشي اساسا انا عرفت اني عندي حق بس
زينب فضلت تضحك وتابعت المره دي مش جايلي قلب اقولك تستاهل علشان نفسي تيجي وصعبان عليا بعدك
عمر بحب والله وانا بعد الايام على صوابعي علشان اجيلك المهم شيلي طرحتك دي انتي قاعده بيها في اوضتك ليه
زينب بضحك ياعمر اتربى شويه
عمر بضحك هو انا قولت حاجه في ايه يابت مالك
زينب بضحك لا مقولتش ياخويا انا بس كنت تحت هقوم اغير اهو وجيالك
عمر بضحك اخوكي في عينك وبعدين انا مستأذن بلعافيه علشان اكلمك وفي الاخر تضيعي وقت وتسبيني وتقومي تغيري
زينب بضحك الله اومال ارضيك ازاي طيب
عمر بضحك حركي الفون معاكي وكده هيبقى زي الفل
زينب بضحك ااه يا قليل الادب ياللي متربتش انت لا والله خليك وقامت وسابته
عمر بضحك قليل ادب ايه انا جوزك والله شكله قعدتي هنا نستك بجد وهرجع اعيد من الاول
زينب بضحك لا انت هترجع زي سيف وحسام اصلا مش حكايه تعيد من الاول بس
عمر بضحك الله الاقيها منك ولا من اخوكي اروح منكم فين
زينب بضحك ايه رجع سيف القائد تاني
عمر بضحك ده مطلع عين اللي جابونا لما اشوفك هقولك علشان مش هضيع مكالمتنا على سيف باشا حركي بقى الفون وخليكي جدعه طري على قلب جوزك يا زينب قسما بالله طافح المر
زينب فضلت تضحك وتابعت والله لو بتطفح الدم مش هعمل كده اتلم يحبيبي ولبست كاش مايو وفردت شعرها وجات قعدت قدامه تاني
عمر بضحك يسد نفسك يا بعيده
زينب بضحك اتلم يا عمر بجد
عمر بضحك حااضر هتلم بس مؤقتا لما ارجع نشوف الموضوع ده
زينب بضحك والله صعبان عليا طموحك
عمر بضحك هتشوفي هتشوفي وابتسم وتابع المهم انا حبيت ابدأ عمرك الجديد معاكي ويعلم ربنا خليت واحد من الكتيبه اللي انا دربتها متجوز هنا علشان سيناوي مراته عملتلي التورته دي مخصوص علشان احتفل بيكي
زينب دموعها نزلت بفرح وتابعت ربنا ميحرمنيش منك ابدا يااارب ينورعيني بجد مش عارفه اقولك انت فرحتني ازاي حقيقي كنت لسه في بالي وتعبتك اوي بجد
عمر بضحك علشان تعرفي بس بحس بيكي اهو ومفيش تعب يا هبله فرحك مسئوليتي اصلا وابتسم وتابع هابي بيرث داي تو يو .. هابي بيرث داي تو يو .. هابي بيرث داي ماي لاڤ .. هابي بيرث داي تو يو
زينب دموعها نزلت بفرح شديد وتابعت عمري كله هيفضل سعيد علشان انت فيه مش العيد ميلاد ده بس
عمر بضحك والله بموت فيكي وعايز ارزعك حته بوسه بس مش عارف للاسف
زينب فضلت تضحك وتابعت انت لسه بردو متحرش متربتش من الجيش لا
عمر فضل يضحك وتابع انا بتربى في الجيش فمعاكي انتي باخد راحتي بقى ماهو مش كل حاجه عذاب
زينب بضحك لا اقنعتني بصراحه
عمر ضحك وتابع بحب ها اتمني امنيه واطفيلك انا الشمعه
زينب غمضت عينيها وابتسمت واتمنت في سرها ان ربنا يحفظلها عمر واخوها لانهم في الجيش وابنها يجي بالف خير ويديم حب عمر ليها وفتحت فعمر طفى الشمعه فسقفت بفرح
عمر ضحك على فرحتها فتابعت زينب بضحك صح افتكرت ده حصل شويه حاجات في العيله مع مازن وياسمين انما ايه حوارات هحكيلك
عمر بضحك قولي يا مرشده
زينب بضحك بص يا سيدي
—–
بعد مرور الاسبوع وتحديدا اليوم المنتظر يوم فرح ماازن وياسمين واخيراا طبعا جودي اعترضت بس الجد سكتها وقالها ان المهم عندها تبقى زيها زي ياسمين وميفرقش بينهم فوافقت بس وهي مضايقه جداا
في القاعه كان قاعد مازن وقدامه عز وحاطين ايديهم في ايد بعض وشاف ياسمين نازله على سلالم القاعه مع يونس اللي ماسك ايديها وكانت لابسه فستان ابيض رقيق جداا وشغله بسيط وكانها اميره طالعه من ديزني وحاجبها الكامل وفوقيه هيربيس بسيط وميكاب رقيق جدا كانت حقيقي ملفته وروعه رغم بساطتها ورقتها فمازن فضل باصصلها بذهول واعجاب شديد مش مصدق انها اخيرا هتكون ملكه وشهد وزينب ونور وامنيه وراها بيزغرطوا بفرح شديد ولابسين بيبي بلو زي بعض وده اللون اللي ياسمين اختارته
ويونس قعد ياسمين جمب مازن فمازن قام سلم عليه وحضنه فتابع يونس والدموع في عينيه مش هوصيك عليها يا مازن انا معنديش غيرها هي وشهد دول بناتي
مازن بدموع فرح قسما بالله انا مش مصدق اصلا فمتخافش عليها ده انا ما هصدق وربنا تبقى معايا
يونس طبطب على كتفه وتابع بحب ودموع مبروك يحبيبي
ياسمين بدموع فرح يونس علشان خاطري خلاص
يونس وطى باس راسها وتابع بحب خلاص يعمري مفيش حاجه فرحان بيكي بس والله ومش مصدق اني شايفك عروسه بجد وكبرتي كده حقيقي طالعه اميره
ياسمين دموعها نزلت وتابعت ربنا مايحرمني منك ابدا ياارب
هايدي جات هي وباسم وصلاح واحلام وحبيبه ومروان وتابعت بفرح الحمدلله لحقنا
ياسمين فرحت لما شافتهم وشاورتلهم بتسلم عليهم فشاورلوها
وبدأت طقوس كتب الكتاب المعروفه ومازن ايده في ايد عز وبيرددوا ورا المأذون وبعد شويه قال بارك الله لكما وبارك عليكما وجمع بينكما في خير … والكل زغرط بفرح ومازن حط ايديه على وشه ودموعه نزلت بفرح واحمد فضل يطبطب عليه وتابع بفرح خلاص بقى كفايه نكد قوم سلم على عروستك والبنات ساعدوا ياسمين تقف ومازن باس جبينها بفرح وفضل كده شويه ثم حضنها ودموعهم فضلت تنزل بفرح شديد
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غموض الحب)
