رواية غموض الحب الفصل التاسع والعشرون 29 بقلم لولا
رواية غموض الحب البارت التاسع والعشرون
رواية غموض الحب الجزء التاسع والعشرون
رواية غموض الحب الحلقة التاسعة والعشرون
وبلفعل قامت ياسمين وفتحت الباب واتصدمت من اللي واقف وتابعت مازن !!!
مازن بتنهيده ازيك يا ياسمين
ياسمين بحده يا بجحتك ياخي انتي جايلي لحد هنا بأي وش ??
مازن بصلها بحده وتابع طب لمي نفسك ووطي صوتك مش معنى في خلاف بينا هتنسي انا مين واسلوبي ايه
ياسمين بحده خلاف ايه وزفت ايه انت دوست على كل اللي كان بينا اصلاا
مازن بتنهيده طب اسمعيني هما كلمتين وماشي
ياسمين بعصبيه ودموع مش عايزه اسمعك يا مازن مش عايزه تقول كلام يشوه صورتك في عيني اكتر كفايه بجد خليني افتكرلك حاجه حلوه
كلهم جم على الصوت فتابع صلاح بتفاجئ مازن .. اهلا يا ابني اتفضل
مروان بحده مين ده ومعصبك كده ليه
ياسمين بدموع ابن عمي
مازن بحده ده على اساس انك المحامي بتاعها يعني ولا ايه ??
مروان بحده اه المحامي بتاعها وقاعده في بيتنا وطلما بتعيط منك ومش طيقاك يبقى حقي اقف في ضهرها واتصدرلها
مازن مسكه من قميصه وتابع بعصبيه انت عبيط في دماغك يالا وايه دي بنت عمي يعني اقربلي منكم كلكم اولع فيها اعيطها ابهدلها انا حر متدخلش بيناا
باسم سلك بينهم وشد اخوه وتابع بحده طب احترم انك في بيتنا يعني مينفعش تمسك فيه كده بنت خالو واتحمق علشانها محصلش حاجه لكل ده
مازن بحده محدش قاله يدخل بيناا الموضوع كله ميخصوش
ياسمين بدموع لا يدخل يا مازن دول اهلي .. اهلي بجد اللي حسيت وسطهم اني مرغوب فيا ومحبوبه من غير شروط .. اهلي اللي مستحملوش دموعي ووقفوا جمبي دلوقتي مش انتوا عشت حياتي كلها ببكي بدل المايه دم من كتر اللي عشته وشوفته معاكم وانت بلذات فمتنطقش كلمه بنت عمي دي تاني لاني انا مش عايزه اخصك خالص من انهارده
مازن بصدمه انا يا ياسمين ???!!! انا بتقوليلي الكلام ده !!! لمازن !!!!
ياسمين بدموع ووجع تخيل بقى ? شوفت انت وصلتني لايه
صلاح بحزن تعالوا ندخل اوضه الانتريه ونسيبهم هما عياال عم يتصافوا مع بعض
احلام بحزن انا كمان رايي كده وطبطبت على كتف ياسمين وشالت جيلان ودخلت
ووراهم هايدي وباسم وحبيبه فتابع مروان عوزتيني نادي عليا متضغطيش نفسك وبص لمازن بقرف
ياسمين ابتسمت وتابعت حاضر اكيد ربنا يخليك ليا يارب
ودخلوا فتابع مازن اممم يخليه ليكي وماله حلو اوي اللي عماله تعمليه قدامي ده
ياسمين بوجع ليه هو انت مين يا مازن ??? ابن عمي ?? اخو خطيبي ?? بكره وبعده عم عيالي ?? فانت مين علشان متكلمش قدامك مش فاهمه ???
مازن اتوجع من كلامها وتابع بوجع انا مين?? انا مازن يا ياسمين مازن اللي حبك اكتر من نفسه من يوم ما وعي على الدنيا مازن اللي حافظ عليكي وشالك في عينيه مازن اللي عنينه مليانه بيكي ومش شايف غيرك ولا معتبر ان ليه ارزاق في الحياه غيرك مازن اللي شافك عوضه عن قسوه الدنيا معاه مازن اللي طبعه صعب ومعاكي بيلين ويهدى مازن اللي كلمه منك بتغير يومه 180 درجه مازن اللي بيجري عليكي اول حد لما يتعب ده انا شوفت نفسي فيكي يا ياسمين بقيتي كتابي المفتوح ونصي التاني اللي حفظاني اكتر من نفسها انا تقوليلي الكلام ده !!!!
ياسمين قلبها وجعها ودموعها نزلت وتابعت انت اللي وصلتنا لكل ده يامازن مش انا انت اللي اتخليت عني ووجعتني انت اللي عادي بنسبالك اخوك يتجوزني ويلمسني يبقي ازاي بتحبني هاا ولا هو كلام ؟؟؟ وانت حقيقي مش شاطر غير فيه
مازن بحده ودموع لا طبعااا مين قالك كده ومسك دراعها جامد وقربها منه وتابع والدموع ماليه عينيه ولا احمد ولا غيره ولا حد في الدنيا اقدر استحمل اشوفه جمبك ولا يقرب منك هموت بلحيا لو ده حصل انتي بس طلعتي معرفتنيش كويس ولا تعرفي حبي ليكي قد ايه
ياسمين بدموع ووجع انا معرفش غير حاجه واحده انك مازن الرفاعي اللي مستعد يضحي بأي حاجه واي حد علشان اخواته واهله حتى لو كان الحد ده البنت اللي تخصه .. انت حسستني اني رخيصه اوي عندك انا ومشاعري ومكلفتش خاطرك تقف تحارب علشاني وتقول دي حبيبتي يا احمد لا سبتني ليه بكل سهوله وهانت عليك العشره والسنين وكلامنا ووعودنا لبعض انت حسستني اني وحشه اوي ومستاهلش الحب خلتني بقيت اشك في كلمه وفعل اتقالي منك او عملته لان رغم كل ده انت بيعت في الاخر فافضلت اقول نفسي ياااه معقوله كل ده كان كدب وقدر يبيعه بلشكل ده !!! خلتني افقد الثقه في الناس كلها عموما خلتني اخاف طول الوقت لان اماني كان متفصل فيك وكأني كنت ماشيه بيك سيف يحميني وسط غابه ولما وقعت اتكعبلت السيف اللي فكراه بيحميني اتغرز في قلبي استحملت معاك اللي متستحملهوش واحده ووافقت احبك عمري كله بظروفك ورضيت استناك وافضل بحبك من ورايا ابويا واخويا وانت في الاخر رديت عليا رد قاسي اوي يا مازن وعيطت وتابعت انا بس مش صعبان عليا غير اني فعلا مش قادره اصدق لحد دلوقتي ان انت يا مازن تعمل فيا انا كده ومسكت قميصه وتابعت بحده ودموع لييييه عممملت فييييك ايه قووولي ده انا اختاااارتك احاااارب بيك الدنياااا فحاربتني انت والدنياااا مش كفايه ابويا اللي اتصدمت فيه حتي انت يا مازن! !!! طب انا اتوقعها من اي حد بس انت لا يا مازن انت قهرتني مش كسرتني
مازن دموعه نزلت وبص للارض وتابع حقك تقولي اللي انتي عايزاه مانتي شيفاني مكنتش قد وعدي ومقدرتش اقف قصادهم واقول عايزك من زمان بس تعرفي يا ياسمين صاحبي في الكافيه اخته جالها عريس مش متعلم اوي وهي زيك تعليم عالي لما بقوله يا جدع راجل وابن ناس ده سبب ترفضه علشانه لقيته بيقولي انت لو نور مكنش قاسم محاسب مكنتش وافقت بيه لاختك لانها في علوم واختي حتي لو رضيت بيه فيما بعد هتتعب لانها مش زيه ولا تفكيرهم زي بعض ولا التوافق الاجتماعي زي بعض فا ااراجل يكون متفوق دراسيا احسن بكتيير من ان البنت تكون متفوقه عنه لان الراجل هو مصدر الدخل الاول كده كده وشغله مطلوب علشان يفتح بيت انما البنت مسيرها تقعد لما المسئوليات تزيد فانا مقدرش اديها لحد اقل منها وبكره وبعده تخلف وتندم وتوصل لطلاق وفيها عياال ملهاش ذمب لما تلاقيه مش شبها…. انتي عارفه هو فضل يكمل كلام وانا دماغي وقفت عند حته اخته ممكن تندم دي وبصيت لصورتك اللي علي مكتبي وقولت معقوله الحب عاميكي ??? معقوله هيجي يوم تندمي اني اب لاولادك ??? طول عمري شايفك حاجه كبيره وكتيره علياا وبحمد ربنا كل يوم انها في حياتي ومن حقي فمش انا اللي اتخلى عنك يا ياسمين مع اني كنت بحس اني ظالمك لانك حقك تاخدي حد شيهك زي احمد ما هو محاسب في دبي انما انا مش مقامك فواحد طول الوقت شايف نفسه قليل قدامك وشايفك كتير اوي عليه وشايفك عوضه عن كل حياته ومستعد يكتفي بيها عن العمر كله هيسيبك ببساطه كده ??? بلعكس رغم اني كنت بحس اني مذنب بحبي ليكي وظالمك وعايش خايف تبعدي عني او تندمي زي ما صاحبي قال الا اني كل مره التفكير ده يهاجمني ابص للسما واقوله يارب انت تشهد ان انا سودت ايامي بايدي علشان الون ايامهم هي كتيره عليا بس متبعدهاش عني انا ماليش غيرها يارب خدت قلبي ودي مش بمزاجي ودموعه نزلت وتابع لدرجه بدعي كتير انك متحسيش بلندم لحظه انك اختارتيني من كتر خوفي من الفكره دي .. اصل فكرك ان انا مكنتش بزعل وبيصعب عليا نفسي لما بشوف كل اللي في سني رايح المدرسه وبياخد شهادات وبيتعلم ويوم النتيجه يفرح وانا لا ??? فكرك يونس اللي مشواره بدا معايا لما بقى دكتور وانا عادي انا مكنتش زعلان علي نفسي ?? فرحان لاخويا انما زعلان على نفسي فانتي بتضحكي علي نفسك يا ياسمين لو قولتي اني مش عايزك وبيعتك ومحبتكيش انا معيش غيرك ومحبتش غيرك ومش عايش غير علشانك بس قولت استني منك انتي الرفض لاني مقدرش اجرح احمد وهو تعبان
ياسمين قلبها وجعها من كلامه وتابعت بدموع عمري ماشوفتك غير احسن راجل في الدنيا كلها عيني مليانه بيك ومش شايفه ولا هشوف غيرك ولو واثق في حبي ليك صح مش هتخاف افكر فيك كده لاني بلفعل مفيش اي حاجه في دماغي من كل ده بلعكس طول الوقت كنت بفتخر بيك وبقول ان لولاك مكنش احمد ونور وصلوا لكل ده ومش سهل حد يضحي التضحيه اللي انت ضحيتها دي حقيقي بس انت كنت اجبن من انك تقول انك عايزني وبتحبني خوفت احمد يتعب بس مخوفتش انا اتقهر لما الاقيك بتعمل كده وبتتخلى عني حتى لو حبتني بس قدرت تسيب ايدي واللي يسيب الايد بعد كل العمر ده يا مازن يبقي مكنش صادق من البدايه واعتقد كده اوضح لان مينفعش تكون صادق في حبك وضعيف في تنفيذه قدام اخوك بس البت اللي طلع عين اهلها وصبرت واستحملت عادي تستني العمر كله بتحلم بيوم تحضنك فيه قدام الكل وتتكسر بعدها وكنت طايره وانا قاعده وبابا بيقولي ابن عمك عايزك و اوافق واتفاجئ ان ابن عمي ده احمد مش انت صدقني مهما قولت كلام حلو وحتي لو مصدقاه قادر الموقف ده يرجعني نقطه الصفر تاني
مازن بحده ودموع انتي مش بتفهمي ليه احمد تعبان ودكتوره قالي مضغطش عليه نفسياا و
ياسمين بحده ودموع اااه فتبعني انا وتديني لاخوك منا لعبه بين ايديكم مش كددده
مازن بعصبيه لا طبعااا مش كده انا مرضتش اقف قصاده واقوله ياسمين تخصني بس قولت ان الهانم هترفض وحقك جداا ترفضي وده الطبيعي والمفروض اصلاا وساعتها محدش هيلومك كل شئ قسمه ونصيب وانا ههدي الوضع واشوف هتقدملك ازاي مع انه هيبقي وضع حساس جداا بردو لان اخويا كان عايزك تقومي انتي تنيليها اكتررر وتعاندي قصادي وتوافقي انتي اتجننتي يا ياسمين ازاي تعملي كده اصلااا
ياسمين بتمثيل قوه : زي مانت قدرت تطلع تطلب ايدي لاخوك وعادي….. كان عادي بنسبالك تطلب ايد البت اللي ربيتها علي ايدك وحبيتك من قلبها واخلصتلك لواحد تاني علشان هو يهمك اكتر منها زي مانت سمحت ان ده يحصل انا حره ارفض ولا اقبل واتعصبت وتابعت بدموع كفااايه بقى مش كل حاجه هتمشي علي مزاااجك ولا انا تحت امرررك وبعدين انت بتتكلم في ايه ?? هو عادي بنسبااالك اتوجع واتقهر وانت طالعلي باخوك وارفضه وارجعلك بعدها عادي كده بلبساطه دي! !!!! وكل ده علشان مشاعر احمد وانا مشاعري تولع في داهيه بنسبالك مش كده … عارف يا مازن انا اللي غلطانه مش انت انا اللي من الاول كنت تحت امرك وخليت كلمتك فوق اي حد وفوقي انا شخصيااا منزلتش طلب ليك الارض بعدتني عن اخويا وقولت معلش راجل وبيغير مردتش اروح التدريب بعيد وقولتلي شوفي واحد في اسيوط كبرتك وكبرت كلامك مبتحركش من غير اذنك وبقولك خطواتي كنت غبيه لما مشيت مشاوير لواحد لما جات قدامه الفرصه كسل يعديلي شاارع كسل يقول انا معشمها بلجواز وزي ما احمد كان هيتوجع تحط في بالك اني هتقهر بس انت وافقت بقهرتي وموافقتش بوجع احمد وبيعت وقال ايه عارف هترفضي وهراضيكي وهتقدملك مع انه الوضع هيبقي حساس لا يا شيخ حساس ايه وانت واعدني العمر كله انك هتتجوزني ده اللي كان مفروض يحصل اصلا وهيبقى طبيعي يعد كل الارتباط ده وبعدين هو انا تحت امرك عاادي كده تسبني لاخوك حتي لو انا رفضت وتيجي بكل برود تصالحني !! بس حقك منا اللي مهزقه واديتك كتييير اوي وندمت على كده رغم. انك مكنتش خدت خطوه واحده علشاني بس واثقت فيك ثقه عاميه لحد ما اتثبتلي اني فعلا عاميه وبسبب حبي ليك ضمنت وجودي وقولت عادي مزعلش احمد وياسمين كده كده موجوده اصل قلبها ابن الكلب دق باسمي وحالف مايحب غيري هصالحها هصالحها مش كده??????
مازن اتصدم من كلامها وقلبه وجعه اوي وتابع انا يا ياسمين !!!! انا شيفاني كده ودموعه نزلت وضحك بسخريه وتابع انا زباله اوي كده في نظرك وندمتي انك كبرتيني وكبرتي كلامي ??? زعلانه علشان حرمتك من حضن يونس لانه كنت شايفه غريب عليكي ?? زعلانه اني بغير حد غيري يقربلك انتي اصلا بتتكلمي وبتردي علي نفسك انا لو عادي بنسبالي تتجوزي اخويا يبقى حضن يونس نقطه في وسط بحر من اللي هعيشه لو ده حصل مكنتش اعرف انك لما تواففي وتراضيني. بسبب غيرتي وخوفي عليكي انها تضحيات كبيره اوي كده بنسبالك تخليكي تندمي بلشكل ده !!!! انا كل ده خرج مني بدافع الحب مش عايز مراتي تبعد عن البلد علشان خايف عليا علشان ماليش غيرها بكلمك من اول ماتخرجي من باب البيت لحد ماتوصلي الجامعه بعرف خط سيرك علشان حقي اعرف انتي فين ومقلقش عليكي بمنعك من حاجات بتطلبيها علشان مش عايز اضرك وبخاف عليكي اكتر من نفسي بس انتي فهمتيها حاجه تانيه خالص انتي اعتبرتيه تضحيه منك انك وافقتيني فكل ده وكبرتي كلامي واعتبرتي ثقتي في حبي ليكي اني هراضيكي وهنرجع لان احنا منقدرش نعيش من غير بعض اانها ضمان لوجودك في حياتي حقيقي مصدوم اول مره اشوفك بلشكل ده بس ياستي اعتبريني وحش كده وحقك تبعدي عن اللي اذاكي بلشكل ده اخويا مالوش ذمب ابعدي عنه علشان احمد مش حمل وجع يا ياسمين انا عارف بتشوفيه اخوكي فرفقاً بقلبه متاخديش خطوه انتي مش قدها
ياسمين ضحكت بوجع وتابعت اه هو انت بقى جاي علشان كده علشان بردو خايف على احمد و
مازن بمقاطعه وبحده اه اعتبري كده بما انه المحبه اتمسحت ومش شيفاني غيران عليكي وعادي تبقي مع اخويا بنسبالي وكله بقى تضحيات وضمان وتمثيل وخداع وكلام كبير اوي دخل بينا فاعتبري خايف على اخويا وحقي انا خسرت عمري علشانه هو ونور ومعنديش استعداد اخسره بسببك
ياسمين بابتسامه وانا مش هوجعه يا مازن .. متخافش مش هعمل زيك هقدر القلب اللي حبني ووقف قالها بصراحه انه عايزني قدام الكل. . مش هكسر احمد لانه ميستاهلش مني كده وبالي مرتاح جدا بلخطوه دي على الاقل هدي فرصه لحد يستاهلني بجد يارب انت اللي بالك يرتاح وتعرف تحط راسك على المخده وانت قاهر واحده
مازن اتصدم اكتر من كلامها وتابع بجمود وهو مش مستوعب اي حاجه: تمام يا ياسمين تمام اوي ربنا يسعدك انا عرفتك اللي فيها ووضحت الصوره قدامك وخلاص دوري خلص ذمب احمد بعد كده في رقبتك انتي وصدقيني اخويا لو حصله حاجه هبقي حد وحش اوي حد اوحش من الشخصيه اللي اخترعتيها في دماغك عني دي وبصلها بخذلان وهز راسه بيأس وتابع بوجع : مؤسف اوي ان بعد كل العمر ده طلعتي سطحيه ومتعرفنيش .. عشت عمري كله فاكرك نصي التاني وفي كلمتين اثبتيلي اني فعلا مغفل وفتح الباب وقفله جامد ومشي
وياسمين قعدت على الارض وحضنت رجليها وفضلت تعيط بهستريه
صلاح خرج وتابع بحزن اهدي يا بنتي اهدي حقك عليا وقومها حضنها وفضل يطبطب عليها
ياسمين بعياط ووجع بحبه يا خالي بحبه ومحبتش راجل غيره بس هو كسرني اوي يا خالي كسرني وشوهني من جوه وخلى الحياه اسودت في عيني
صلاح بحزن عارف يا قلب خالك باين في عينيكي حتى لو انكرتي ربنا يريح قلبك وبالك يا بنتي
هايدي بحزن تعالي يا ياسمين وفتحتلها ايديها
ياسمين حضنتها وفضلت تعيط فهايدي فضلت تطبطب على ضهرها وتابعت بدموع حاسه بيكي بس انا عاكسك باسم كان خاطب قبلي وكنت بحبه ومستحملتش اشوفه جمب غيري وفضلت ادعي كتير ان ربنا يريح قلبي ويجعله نصيبي لاني بحبه مع اني كنت حاسه نفسي وحشه اوي لما بدعي بكده بس مكنتش عارفه ابطل ادعي مكنتش شايفه راجل غيره اب لبنتي وزوج ليا كنت بموت كل دقيقه وكل ثانيه بتعدي عليا وهو لابس دبله بنت تانيه ولما سابها منكرش اني فرحت لا انا طيرت من الفرح ومشوفتهاش وحاشه مني علي قد ما دي حاجه غصب عني يارب وانت اللي وضعت حبه في قلبي وانت اللي خلتني اتمسك بلدعا بيه وبلفعل رغم استحاله الاسباب سابها وخد باله مني اكتر وحبني اوي وندم جدا انه مخدش الخطوه دي معايا من الاول وحمد ربنا انه متجوزش البنت التانيه فانا فاهمه يحبيبتي يعني ايه تحبي واحد لدرجه متشوفيش غيره فادعي يا ياسمين وادعي وربنا قادر يدوب اللي بينكم حتى لو سد عالي ويجمعك بيه صدقيني ربنا كبير
ياسمين بعياط ووجع مبقاش ينفع يا هايدي مازن كسرني وباعني وسابني لاخوه وانا وافقت اتخطبله خلاص هو دمر حياتنا بايديه يا هايدي خلاني احس اني قليله ومستاهلش يحارب علشاني
مروان بصدمه ازاي يعمل كده سابك لاخوه ازاي يعني! !!!
صلاح بحزن احمد اخوه الصغير مريض قلب وحالته متاخره ومعجب بيها وطلبها وهو مرديش يقوله انهم بيحبو علشان ميتعبوش بعض وانتظر ياسمين ترفضه بهدوء بدل ما يحصل شوشره بس هي وافقت عند فيه
باسم لا طبعااا انتي اتجننتي ده جوااز مش هزار ازاي بتجازفي بحياتك بسهوله كده واصلا حبك ليه اللي باين في عينيكي بيثبت جداا ان مش هتقدري تدي اخوه 1% من مشاعرك فا ليه تظلمي واحد تاني وغصب عنك هتفكري في اخوه لا يا ياسمين لا والف لا دي تموتنا كرجاله لما تكوني معايا وقلبك مع غيري واحمد ده لو عرف هيتعب الضعف
احلام بحزن انتوا لسه على البر يابنتي ارفضيه وربنا يهدي سرك ويقرب البعيد
مروان وده رايي انا كمان حرام عليكي فكري في احمد ده لو حبك هتعملي ايه لو معرفتيش تستمري في الخطوبه
ياسمين بدموع كده كده اديت كلمه لبابا وعمو ومينفعش ارجع فيها لازم الخطوبه تتم
صلاح يابنتي لو على عز سيبيهولي انا هقنعه وهو مستحيل يوافق لما يعرف انك بتحبي مازن مش احمد هو وعد مريم هيجوزك للي انتي تحبيه وتختاريه فمتقلقيش من ابوكي مهما زعلتي منه والله بيحبك ومش عايز غير سعادتك
ياسمين بوجع تؤ ياريت بابا كان الوضع بقى اسهل ده الكل عرف خلاص مش هينفع ابدا منكملش الخطوبه هكملها واللي ربنا رايده هيحصل
مروان مش هتعرفي يا ياسمين لو عقلك مصورلك هتنسي مازن باخوه تبقي بتهزري
ياسمين ضحكت بوجع وتابعت انسي مين يا مروان! !!?? وحطت ايديها على قلبها وتابعت ده جوايا وحتى لو غاب عن عيني العمر كله مش هنساه ده حب عمري ومش شايفه ولا هشوف راجل غيره بس انا اتسرعت وقولت اندمه وارضي غروري فواققت مش هقدر دلوقتي اقول لا وهيتقال 100 ليه فهكمل الخطوبه ونشوف هترسي على ايه
باسم بتنهيده حزينه : انا فاهم مازن لان انا بردو الكبير والوضع حساس جدا واخوه مريض بس مش معناه بردو يتخلى عنك من غير مجامله علشان انتي بنت عمتي انتوا الاتنين غلطوا ربنا يريح قلبك يارب ويختارلك الصالح يحبيبتي
ياسمين بابتسامه حزينه اللهم امين يارب
———————————————
عند عمر وزينب في اوضتهم
عمر وهو بيسرح شعره تابع اخلصي يا زينب هتقفي ساعه قدام المرايا ده اخواتك وشافوكي منكوشه 100 مره
زينب بضحك نعم يحبيبي ??? مين اللي منكوشه دي انا من يومي قمر
عمر باس خدها وتابع بحب الشهاده لله اه
زينب بضحك اخواتي جاين هاا
عمر برفعه حاجب اه يعني ايه
زينب بضحك يعني تتلم عيب دول اخواتي الكبار
عمر شدها ليه وتابع بحب اتلم ازاي يعني مش فاهم??
زينب بضحك ياعمر مبهزرش بجد
عمر بضحك اصل عيب تقولي اتلم دي واتلم ليه يحبيبتي مراتي ولا مش مراتي ??
زينب بحب انت بتسال ?? وسندت جبينها على جبينه وتابعت بحب دي احلى حقيقه عشتها في حياتي
عمر بغمز وضحك بس مش مراتي اوي يعني متمثليش
زينب بستغراب ليه مراتك نص نص ولا ايه
عمر بضحك انتي استوعابك بطيئ كده ليه يحبيبتي ركزي كده بقولك مش مراتي اوي متمثليش باينه يعني انتي لحد دلوقتي لسه معتبراني سيف
زينب فضلت تضحك وتابعت اه يا قليل الادب مفهمتكش لاني سالكه والله العظيم وميجيش في بالي
عمر بضحك مبيجيش في بالك !!! انتي والله اخره هتجلطيني
زينب بضحك بعد الشر عليك يعمري انت بس فك الجبس ونشوف الكلام ده بيقول ايه
عمر بغمز لا دي مفيهاش كلام يحبيبي كلك مفهوميه ده انتي خريجه تمريض يعني
زينب فضلت تضحك وتابعت والله العظيم يا عمر انت تربيتك باظت خالص بعد الجواز بتخوفني منك هتخليني اسيبك وامشي مع سيف وحسام
عمر فضل يضحك وتابع بذمتك اهون عليكي ??
زينب بحب لا طبعا يعيوني
عمر بضحك طيب مانتي زوجه صالحه اهو وبعدين مفيش واحد بيبقى متربي وهو بيكلم مراته يحبيبتي الكلام ده زمااان ايام الشقط علشان تخشي العشه برجليكي
زينب فضلت تضحك وتابعت اه مانت صدمتني فيك وبانت حقيقتك بعد الجواز
عمر شدها ليه وتابع بحب حقيقه ايه بذمتك في راجل زيي ???
زينب بضحك بعيدا عن انك مجبر تبقي محترم علشان مكسور ???
عمر بضحك اه بعيدا عن الكسر خالص اعتبري سليم
زينب لفت ايديها حوالين رقبته وتابعت بحب لا مفيش منك ولا في حنيتك وواثقه حتى لو كنت سليم كنت هتسبني براحتي علشان انت ميفرقش معاك غير راحتي فعلا ياعمر وحضنته وتابعت وانا حقيقي راحتي في وجودك
عمر بضحك حلو اوي الكلام ده ايوه كده مانتي حفظاني اهو ومتصدمتيش فيا ولا حاجه
زينب بضحك لا علشان بقيت جريئ الاول كنت عامل فيها الواد المؤدب اللي بيحط عينه في الارض
عمر بضحك مابقولك كان زمااان بقى دلوقتي انتي مراتي فبراحتي
زينب بضحك براحتك يعمري طبعا انا كده كده بحبك فكل حالاتك حتى وانت متربتش كده
عمر فضل يضحك وباس راسها وتابع بحب والله وانا بموت فيكي
والجرس رن فتابع عمر قاطع اللحظات السعيده شرف
زينب بحماس حبيبي هروح اشوفه وجريت تفتح الباب
عمر بضحك شوف البت ولا اكن جوزها اللي جيه
زينب فتحت الباب وتابعت بفرح واحشتوننني وحضنت سيف لانه كان في الاول
سيف حط الحاجه اللي جايبها على الارض وحضنها اكتر وتابع بحب انتي اكتر والله العظيم مش متعود اكون في البيت ومتبقيش موجوده كنتي منوراه والله
زينب بحزن بالله متخلنيش اعيط بقى
عمر بضحك عيطي اه بطفي السجاير في قفاكي انا
كلهم ضحكوا فتابع سيف بضحك والله يا ابني انا اللي بقولك كتر خيرك
زينب حضنت حسام وتابعت بضحك ماشي يا سيف تشكر وبصت لحسام وتابعت باشتياق واحشتني اوي اوي ينورعيني
حسام باس جبينها وايديها وتابع بحب انتي اكتر يا ست البنات والله يابت يا زينب الواحد عرف قيمتك
نور بدموع ده حقيقي واحشاني خالص مش متعوده ابقى قاعده من غيرك
زينب حضنتها وتابعت بحب ينورعيني انتي متعيطيش والله هجيلكم لما عمر يسافر واقعد معاكم براحتي ومسحت دموعها وباست جبينها وتابعت يلا ادخلوا نقعد واقفين ليه
عمر بضحك لحق يتجوز عمر علشاان يسافر عايزه تخلص مني اختك
سيف بضحك منتا عارف اللي فيها بقى
عمر بضحك ما دي المشكله فعلا اني عارف
ودخلوا قعدوا في الصالون فتابعت زينب وهي بتقعد بقى ينفع كل اللي انتوا جايبينه ده ولا اكنكم جايين لواحده غريبه فجايبين ضيافه
سيف بحب بس يا هبله ده علشان انتي مش غريبه بنجبلك كأن جبنا في بيتنا بطلي عبط
حسام بحب دي حاجه بسيطه على الاميره بتاعتنا والله
زينب بحب ربنا يخليكم ليا يحبايبي بجد
عمر بضحك اه لو شوفتها الضحكه بقت من الودن للودن لما سمعت الباب بيخبط
حسام بضحك والله نفس اللهفه الواحد مش متعود على غياب زينب بجد
سيف بحب وانا بلذات اني اكون هنا ومش شايفها تناقر فيا طول الوقت وتستخبى ورا حسام وضع جديد غريب عليا حاسس اني كسرت الروتين اللي متعود عليه
زينب الدموع اتجمعت في عينيها وتابعت بالله متخلونيش اعيط بقى
عمر بضحك يحبيبتي انتي بتتلككي علشان تعيطي في ايه يقولوا ايه اخواتك بعذبك
زينب ضحكت من بين دموعها وكلهم ضحكوا فتابع سيف بضحك لا متقلقش عارف محدش شايف المر غيرك والله
عمر بضحك تسلم يا غالي
زينب بحب لا طبعا ياعمري ده انت احسن حاجه حصلت في حياتي بس فعلا مش بيهون عليا ابعد عنهم خالص
عمر باس ايديها وتابع بحب لما اسافر روحي واقعدي براحتك عارف والله وحقك
حسام بغمز عمرها ها
سيف بضحك اه قدامي كمان يجدع بقيوا بجحين بجاحه محصلتش
عمر بضحك مراتي يا بااشا وبراحتي وحط ايديه على كتف زينب وخدها في حضنه وتابع بضحك شايف براحتي ازاي
سيف بضحك ياض مش عايز اقوم اديك علقه تقعدك في السرير انت مخلع خلقه عايزك تدخل دنيا
زينب بضحك وقيلاله متغيظش اخواتي والله العظيم
حسام بضحك عارفه لولاش انه عريس جديد وعايز صحته كنت علقته على الحضن ده
عمر بضحك الله ده انت امرك غريب انت واخوك صحيح مراتي يا بشر اعلقلكم القسيمه في الصاله
سيف بضحك لسه مجاتش يا خفيف
عمر بضحك تيجي وقت ماتيجي بقى براحتها المهم الكريم كراميل دي بقيت معايا وباس خدها وزينب فضلت تضحك
نور بضحك والله رايي تتعودوا واعملوا نفسكم مش واخدين بالكم علشان عمر حالف يجلطكم انهارده
عمر بضحك طب والله حصل وسيف بلذات علشان في السيشن فضل يشمت فيا لما زينب مرديتش تبوس خدي قدامه وباسته هو
حسام بضحك محترمه يا قلب اخوكي معندناش بنات تبوس اجوازاتها قدام اخواتها
نور بضحك ده في شرع مين ده مراتك ياعمر وبراحتك
عمر بضحك انا كده كده براحتي مش بعمل لكلامهم اهميه خلاص
سيف بضحك حِكم يا جدع الله يرحم ما كنت خايف تقولي انك بتحبها ماشي ياعمر لينا جيش يلمنا
عمر فضل يضحك وتابع لا ابوس ايدك نروح الجيش امسح الذاكره خالص علشان كده هيبقوا كتير وبعدين هي الدنيا كده يا قائد يوم ليك ويوم عليك عديها زي مراتي يعني
زينب بضحك متخافش يا قلب اختك انا بعرف احافظ على نفسي كويس
كلهم فضلوا يضحكوا فتابع سيف بضحك لا منا واثق من كده مش قلقان نهائي انا صعبان عليا صاحبي
عمر بضحك شوفت انك ظالمني
حسام بضحك لا يحبيبتي مش بنقول كده هو اه ميحرقش دمنا انما جوزك يعني براحته ايه بحافظ على نفسي دي محسساني انك قاعده في ميكروباص طب براحتك ياعمر احنا رجاله زي بعض وصعبت عليا الصراحه
عمر بضحك تسلم يا رجوله والله انت جدع اجدع من اخوك
سيف بضحك نعم يحبيبي عايز ايه ???
عمر بضحك ولا حاجه يا غالي
سيف قومي يا بت يازينب هاتي الادوات الطبيه افكله ام الجبس اللي خلل في ايده ده كفايه كده
عمر بضحك طب بالله تبقي صاحب جدع واجدع من حسام المره دي
كلهم فضلوا يضحكوا فتابع حسام بضحك حيوان اقول ايه
زينب بتوتر لا طبعا تفك ايه لسه لسه انا ممرضه وفاهمه
سيف فهم بتقول كده ليه فتايع بضحك قومي هاتي الحاجه يا زينب واتلمي
نور طب افرض لسه ملمش الكسر هتبقوا فكيتوا اصبروا شويه
زينب بتوتر اه انا رايي كده بردو نسيبه شويه اضمن
سيف بضحك قومي يا زينب سمعتي انا قولت ايه ??
زينب بتوتر يووه بقى وقامت دخلت الاوضه بغيظ
عمر بضحك طب بالله شايف المعامله ??
سيف بحب حقك عليا انا فاهم بتعمل كده ليه واديك سمعت بودانك كميه التلاكيك زينب بتحبك بس خايفه ده دورك انت بقى
حسام فهم وتابع بضحك الله يخربيتك يا جدع كسفتنا حقها تقول محافظه على نفسي والله وفضل يضحك
سيف فضل يضحك وتابع بس ياحسام اتلم الراجل مسكور الله
عمر بضحك اتريقوا اتريقوا حقكم والله الواحد مش عارف يلاقيها منكم ولا من اختك اللي حارقه دمي
نور بحرج والله انتوا ما اتربيتوا لو اعرف هتبقوا مش سالكين كده كنت قومت مع البت
سيف بضحك انتي راميه ودانك معانا لييه اهي دي زينب الجزء التاني لما تتجوز
كلهم فضلوا يضحكوا فتباعت نور بضحك لا انا في العادي مبفهمش التلميحات بسهوله مش فاهمه جايه استذكى وسرعه البديهه تظهر دلوقتي
حسام بضحك طب ما طبيعي مبقتيش صغيره انتي اتجوزتي خلاص
نور بضحك بس متقولش اتجوزت بعد الشر لسه بدري
سيف بغمز لعمر وضحك : لنفس السبب على فكره
عمر بضحك دي وراثه في عيلتكم بقى
سيف بضحك يا ابني من كتر ما ربينا بناتنا على الانضباط وعدم الاختلاط طالعين عندهم رهاب جماعي من الصنف بزياده
عمر بضحك بالله ماعارف احدد ميزه ولا عيب
حسام بحب في زمنا ده ميزه صدقني
عمر بضحك والمر اللي انا شايفه ده ?? ده كل ما اتكلم كلمه تقولي اتلم يا عمر هو عمر نيل حاجه علشان يتلم
فضلوا يضحكوا فتابع سيف بضحك لالا مش قادر ليك الجنه والله
حسام بضحك طمرت فيها التربيه يا سيف والله
سيف بضحك مش لدرجه جوزها يا عم حسام تطلق كده
عمر بضحك لالا مقدرش دي نورعيني
نور بضحك الناس بتقول اعتزل ما يؤذيك وانت بتموت في ما يؤذيك
عمر بضحك بعشقه
حسام بضحك هي زينب ماتت جوه ولا ايه
سيف بضحك لا دي مش هتيجي السنه دي
دقايق وزينب جات وتابعت بتوتر امسك اهو
سيف خد منها الحاجه وتابع اقعدي يابنتي ربنا يهديكي وبص لعمر وتابع قرب ايدك
عمر قربها وبدأ سيف يفكله الجبس واحده واحده ولما خلص خالص تابع بابتسامه: بس ماهي زي الفل اهي حركها كده
عمر تأوه بصوت منخفض وحركها وتابع ااه وجعاني بسيط الحمدلله بجد الواحد اتخنق
حسام طبيعي علشان بقالك كتير مثبتها علي شكل معين نحمد ربنا خفيت اهو
زينب بتوتر اه بس وجعاك رايي متحركهاش كتير بردو لحد ماتخف خالص
سيف بضحك انتي تسكتي خالص محدش هنا عايز رايك وغمز لعمر وتابع بضحك اي خدمه عد الجمايل جيت فكتهولك اهو
عمر بضحك جميلك ده فوج فوج فوج راسي يا سيد الناس
كلهم ضحكوا فتابع سيف يضحك يخش يطمر بس علشان تعرف اهو عامل عليك ومبغيرش منك ولا حاجه
عمر بحب يغالي منا عارف عيب عليك
زينب بابتسامه متوتره : مليون مبروووك يعمري رجوعك سليم بلسلامه
عمر بضحك وغمز من قلبك
زينب بضحك من جوه اعماق قلبي عيب عليك
نور بضحك طب انا رايي نمشي احنا الراجل فك الجبس والجو هيحلو
زينب بتوتر لالالا يحلو ايه بس اقعدوا كده ده انتوا تقعدوا وتشاركونا فرحتنا والقعده تحلو صحيح
سيف بضحك والله ???
زينب بضحك اه يعمري انت بتشكك فيا ولا ايه
سيف بضحك لا مش شاكك انا متأكد
حسام بضحك بس انا رايي من راي نور يلا يا سيف
زينب لالا علشان خاطري انا اصلا واقفه وتعبانه ومحضره اكل قد كده متزعلونيش منكم
عمر بحب بس يا سيف خليكم زينب بتتكلم صح احنا هنتغدا مع بعض
زينب قامت وتابعت يلا هقوم احضر الاكل اهو وقومي انتي يا قرشانه يا صغيره تعالي ساعديني
نور بضحك حاضر وقامت معاها وبلفعل حضروا الاكل ورصوه على الترابيزه فتابعت زينب بحب يلا يا عمر تعالوا
عمر جيه هو وسيف وحسام وقعدوا
زينب بحب رايكم بقى
سيف بحب انتي نفسك حلو علطول من غير مانقول راينا تسلم ايديكي يعمري
زينب بحب الف هنا يحبيبي
وقعدت جمب عمر وحطت قدامه الاكل وتابعت بستغراب ما تاكل يا عمر مالك
عمر بضحك لا اتعودت اكل من ايديكي الواحد مش مصدق هيرجع ياكل بايديه طبيعي
كلهم ضحكوا فتابعت زينب بضحك طب كل يا عمر وبطل دلع
عمر بضحك اخص عليكي يا زوزا
زينب ضحكت وقعدوا ياكلوا سوا في جو مبهج بعدين سيف جاتله مكالمه مهمه من العميد عايزو في القاهره فستأذنوا ومشيوا وزينب قامت تغسل الاطباق فعمر دخل حضنها من ضهرها وتابع بحب ايه هتفضلي فيهم طول اليوم ?
زينب بضحك لا قربت خلاص اهو اخر طبق
عمر بضحك طب انتي قولتيلي فك الجبس ونشوف الكلام ده بيقول ايه ادينا فكناه ايه الدنيا ??
زينب اتوترت وقفلت الحنفيه ونشفت ايديها ولفتله فشدها ليه فتابعت بحب حاضر من عيني بس انا بصراحه متوتره اوي ياعمر
عمر باس ايديها وتابع بحب مينفعش تتوتري وانتي معايا ولا ايه
زينب ابتسمت بحب وتابعت اه طبعا اكيد .. طب بقولك ممكن تستنى 10 دقايق بس اخد شاور
عمر بحب يعمري براحتك مش 10 دقايق بس …بعدين انا مش عايز اكون بجبرك على حاجه يا زينب لو انتي مش مستعده لده خلاص والله متجيش على نفسك علشان تراضيني
زينب بابتسامه انا متوتره لان الحياه دي كلها جديده عليا انما كده كده الوقت ده هيجي هيجي فخلاص فعلا مالوش لازمه التأجيل كفاياك كده عارفه انك بتحلم بليوم ده من زمان اوي زيي على فكره ومش معنى اني متوتره اني برفضك بس انا غصب عني فاهم ??
عمر باس جبينها وتابع بحب فاهم طبعا وحقك وعلشان كده بقولك خدي وقتك وانا بنسبالي والله عادي
زينب بابتسامه لا يعمري متخافش انا فعلا راضيه يلا هروح انا اخد شاور
عمر بحب مستنيكي
وبلفعل زينب خدت شاور وخرجت لبست قميص ابيض حمالات وقصير ومتزين فيه دانتيل ناحيه الصدر وفوقه الروب بتاعه منقوش نفس النقشه كانت شيلاه لليوم ده لانه مخليها ظاهره ومنوره وعروسه فعلا ووقفت فردت شعرها وحطت برفيوم وميكاب خفيف وتابعت بتنهيده بس كده زي الفل يارب استر يارب
وخرجت لعمر فلما شافها صفر باعجاب وتابع ايه القمر ده
زينب بحب ده والله عيونك اللي قمر
عمر قام وقف وشد وسطها ليه وتابع بحب حقيقي زي القمر ربنا يحميكي مش حاجه جديده عليكي يا بت يازوزا
زينب ضحكت وتابعت هتخليني اتغر في نفسي كده
عمر بحب ماتتغري حقك طبعا وباس جبينها وتابع طول عمري شايفك احلى واحده في الدنيا كلها فحقيقي فكل حالاتك بتبهريني اكتر من الاول وبصلها وتابع تعرفي مش مصدق اننا خلاص في بيت واحد وانتي بقيتي معايا وبين ايدي ومن حقي حاسس اني بحلم بس لو ده حلم متمناش اصحى منه ابدا انتي دخلتي حياتي حقيقي نورتيها وماليتيها الوان العمر قبلك باهت اوي وكان مستنيكي
زينب الدموع اتجمعت في عينيها وقفت على اطراف صوابعها ولفت ايديه حوالين رقبته وحضنته جامد وتابعت بحب بحبك اوي والله ربنا ميحرمني منك ويديمك نعمه في حياتي يا عمر بجد يبختي انك نصيبي
عمر بحب لو مكنتش نصيبك مكنتش هتجوز خالص القلب دق ليكي وحلف مايدق لغيرك خلااص ووطي وشالها بين ايديه فشقهت وتابعت بضحك يخربيتك ياعمر خضتني
عمر بضحك يابت ميبقاش قلبك خفيف كده ده انتي جوزك ظابط جيش ومش قعدتي تقولي يوم الفرح شيلني شيلني اديني شيلتك اهو
زينب لفت ايديها حوالين رقبته وتابعت بضحك لا طبعا مخوفتش بس متوقعتهاش فاتخضيت
عمر بضحك اه انتي هتقوليلي ودخل بيها اوضتهم ونزلها على الارض وشدها ليه فحطت ايديها حوالين رقبته
عمر بحب زينب متاكده انك تمام ??
زينب قربت من وشه وسندت جبينها علي جبينه وهي مغمضه وتابعت انت قولتلي جمله صح مينفعش اتوتر وانا معاك فانا تمام والله اصلا لما ااتكلمنا شويه التوتر خف
عمر بابتسامه طب الحمدلله طمنتيني
وقربها منه اكتر وباسها بحب وهي حطت ايديها حوالين رقبته وتجاوبت معاه بحب ونسيت كل توترها وبعد شويه وقت زينب كانت نايمه على صدر عمر العاري فبصلها عمر وتابع انتي كويسه يحبيبتي
زينب بحب اه كويسه يحبيبي متخافش عليا وباست خده ورجعت نامت في حضنه تاني
عمر بضحك كده اقولهالك بقلب جامد بقيتي مراتي قولا وفعلا مش نص نص
زينب بضحك ياعمر بجد اتلم بقى وضربته في صدره
عمر بضحك يادي اتلم دي اللي مش هنخلص منها مفروض خلاص بقى الكلمه دي قدمت ولا ايه
زينب بضحك لا مقدمتش وخد بالك انت مجرد ماتروح سينا وترجع هتعيد من الاول الكلام الحلو اللي يهدي خوفي ده علشان هقولك اتلم كتير وهتحرج تاني من الاول لاني هبقى بقالي شهور مشوفتكش والاجازه اقل بكتير من فتره الشغل اصلا فانت متخيل هفضل محروجه ازاي فكل اجازه لانك بتبعد عني كتير ولما اهو ابقى قربت اخد عليك في ايام الاجازه هتسافر تاني فترجع تعيد تاني
عمر بضحك يالهويي علي سنيني السودااا هو انا كل شويه هعيييد انا لو واكل مال يتامه مش هيحصل فيا كده
زينب فضلت تضحك بشده فتابع عمر بضحك لا بجد طب حلها ايه دي اسيبلك الشغل علشان تتعودي عليا ???
زينب بلهفه قامت بصتله وتابعت طب والله ياريت هو ينفع
عمر بضحك شدها لحضنه وتابع اتخمدي يحبيبتي زي ما كونتي قال ينفع قال لا هو مينفعش طبعا ولو ينفع اسيب الشغل واشحت بيكي انا ???
زينب بضيق جتك الارف عشمتني
عمر بضحك بذمتك عايزاني جمبك على ايه مانتي بتحرقي دمي كل دقيقه
زينب رفعتله وشها وتابعت برفعه حاجب بحرق دمك بردو ??
عمر ضحك وتابع مترفعليش حاجبك بس وباسها بحب وتابع الشهاده لله انهارده لا
زينب بابتسامه طب حلو ننكد بكره بقى
عمر بضحك انتي مسكاها شيفتات يعني ولا ايه مش فاهم يابنتي ارحمي امي اومال لو مش حب عمرك يعني
زينب بضحك لا طبعا يعمري انا بغيظك وحضنته وابتسمت وتابعت ده انا عشت احلم بليوم اللى هكون معاك فيه
عمر باس راسها وتابع بحب الحمدلله بجد الواحد مش مصدق انه وصل لهنا ربنا يحفظك ليا ويباركلي فيكي ويرزقني منك باولاد صالحين ينورعيني
زينب بصتله بحب وتابعت على فكره دي بقيت امنيتي فعلا بس انا عايزه ولد
عمر بضحك اشمعنا ولد يعني
زينب بحب علشان يكون شبهك فكل حاجه ويفكرني بيك في غيابك ابقى شايفه عمر تاني بس على اصغر وبصتله بضيق وتابعت بس ابني مش هيدخل حربيه زيك ده على جثتي
عمر فضل يضحك وتابع انا بحس ان الحربيه دي ضرتك قسما بالله
زينب بضيق ضرتي مين ده انا اللي ضرتها دي بتاخدك اكتر مني
عمر اتعدل في قاعدته وحط ايديه على وسطها وقربها ليه وتابع بحب متهيالك مفيش حاجه تقدر تاخدني منك يا زوز انا حتى وانا هناك قلبي وعقلي وروحي معاكي
زينب بحزن اممم كلام كله كلام منتا هتسبني مرميه لوحدي بعد كده
عمر بضحك عيب عليكي والله الكلام طالع من قلبي طب ده قسما بالله على عيني اسيبك وارجع سينا ربنا يعلم انا مش عايز اليوم ده يجي قد ايه
زينب دخلت في حضنه وتابعت وهي مغمضه عينيها والله وانا ياريت الوقت يقف سنتين تلاته كده
عمر بضحك سنتين تلاته مره واحده مكنتش اعرف انك بتحبيني كده
زينب رفعت وشها وهي في حضنه وتابعت بحب انا بعشقك ياعمر انت الحب مش مقامك وحقيقي كل يوم بشكر ربنا انه استجاب وجعلك نصيبي
عمر باسها بحب وسند جبينه على جبينها وتابع بحب والله بكلامك ده بتخليني يصعب عليا نفسي اكتر اني لما ارجع هشوف الاشكال اللي تسد النفس هناك دي واضرب وانتباه واستعد وحرقه دم واسيب الكلام الحلو ده
زينب فضلت تضحك وتابعت علشان تدخل حربيه كويس خليك بقى
عمر بضحك : بحب وطني يابنتي ومستعد اتعب علشانه بس بالله الواحد لما اتجوز وقارن بين وقفته بلسلاح في عز التلج ولا قعدته مع القمر بتاعتي كده حسيت بلحسره
زينب فضلت تضحك وتابعت مفيش مقارنه اصلا بس عارف بالله لو سيف سمعك ليعلقك
عمر بضحك محدش هيقوله بقى
زينب بضحك بلظبط كده علشان ميتحولش عليك
عمر ضحك وزينب نامت في حضنه فدفن وشه في حضنها وباس رقبتها بحب وتابع هتنامي ?
زينب وهي مغمضه اممم انت عايز تقعد معايا اقوم ?
عمر ضمها ليه اكتر وطبطب على ضهرها وتابع بحب لا يعمري انا بسالك انما نامي وارتاحي خلاص
زينب ابتسمت بحب وباست خده وتابعت تصبح على خير
عمر بحب خير طبعا علشان انتي معاايا ونيمها بارتياح في حضنه وغطاهم كويس وباس جبينها وغمض عينيه يناموا
——————————————-
بعد مرور الاربع ايام الصبح سيف كان سافر القاهره من ساعه ما كان عند زينب علشان العميد هناك وطلبه يكلمه في شغل قبل العوده وياسمين رجعت بيتها وواقفه بتحط ميكاب وهي الدموع ماليه عينيها وعينيها حمرا اوي
جودي بتنهيده متاكده من قرارك ده ???
ياسمين بسخريه ليه وهو ينفع يتغير ده انتي في الصعيد يا جودي فوقي
جودي بتنهيده حزينه انا مش عايزه غير سعاتك تولع الناس فيارب يختارلك الصالح يا حبيبتي لسه الحكايه مخلصتش
ياسمين بوجع خلصت يا جودي وماتت وخدنا عزاها اصلا ان توصل علاقتنا لكده معناها ان مكانتش ثابته وحقيقيه من البدايه
وقطع كلامهم تخبيط الباب ودخلت عايده وتابعت بحب بسم الله مشاء الله قمرين يابت يا ياسمين مش قمر واحد
ياسمين بابتسامه تسلميلي ياحبيبتي
عايده بحب طب يلا روحي انتي انزلي لاحمد تحت في عربيته مستنيكي علشان الناس زمانها جات
جودي بتنهيده عملتوها الصبح ليه بجد ما كان بليل احسن يا خاله عايده
عايده بحب القاعه اللي عجبتهم محجوزه بليل فرضيوا بلصبح وخلاص وبعدين ده تبقى في نور ربنا احسن
زينب دخلت وتابعت بضحك مش مسمحاكي انك نزلتيني وانا لسه عروسه بس فداكي يا عمري وحضنتها وتابعت بحب الف الف مليون مبروك ربنا يسعدكم يارب احمد لو لف الدنيا كلها مش هيلاقي احن منك
ياسمين ابتسمت بوجع وتابعت الله يبارك فيكي ينورعيني عقبال عوضك
زينب بحب يارب اللهم امين
امنيه دخلت وتابعت بلهفه كويس لحقتك ياسمين عايزاكي
عايده بحب طب مينفعش بعدين علشان الواد مستنيها تحت دلوقتي ??
امنيه بتوتر هما كلمتين والله يا خاله عايده متقلقيش وراحت مسكتها ودخلت بيها البلكونه اللي اخر الاوضه وتابعت بحده يعني بتتهربي مني واقولك قوليلي عنوان خالك مترديش بس حضرتك قولتيلي ان مازن كان عندك فانا سالت مازن وقالي مشيت وراها هي يونس بليل لما شوفتها نزلت وعرفت العنوان قولتله ابعتهولي قالي كبري دماغك ومتتعبيش نفسك ليه توصلوا نفسكم لكده هاا ??? انا لما حسام قالي مصدقتش وكمان موضوع باباكي ده وكنت مصدومه اوي من كل حاجه وبعدين انتي ومازن يا ياسمين انتوا اللي كنا بنضرب بيكم المثل! !!!!! وتخبي عني حاجات زي كده انتي اتجننتي
ياسمين بوجع امنيه انا مردتش اقابلك ولا اتكلم مش لاني مش بعزك ده انتي من غلاوه شهد ومقصدش اخبي عليكي بس خدت اقلام كتير ورا بعض و انتي كمان باباكي كان تعبان و لان كلامك انا عارفاه زي كلام جودي وزي كلام كل الناس اللي كانت تعرف بعلاقتنا بس خلاص الواقع خلف كل ده و اه انا ومازن يا امنيه لان انا ومازن علاقتنا كانت هاشه من البدايه ومع اول تجربه كبيره اديها وقعت ومستحملتش
امنيه بحده حتي لو مش معناها تدمري حيااتك وتوافقي تتخطبي لاخوه بذمتك هتقدري تعمليها
ياسمين بحده ودموع مضطره يا امنيه انا مش بايدي وافقت واديتهم كلمه ولازم انفذها انما هكمل او لا دي هعرفها بلوقت انما مازن خلاص صفحه واتقطعت من حياتي
امنيه بحزن بس انا خايفه عليكي يا ياسمين وبحبك فنبصحك
ياسمين مسحت دموعها وتابعت بابتسامه مكسوره لا متخافيش عليا انا اتعودت على كل ده عن اذنك دلوقتي
وطلعت فتباعت عايده بحب ها جاهزه
ياسمين هزت راسها ب اه وطلعت من الاوضه وكلهم بيزغرطوا وراها بفرح وباباها كان واقف فتابع بحزن ياسمين
ياسمين بجمود ارجوك اجل اي كلام دلوقتي انا مش قادره لأي جدال ومشيت من جمبه ونزلت ومعاها البنات فتنهد بحزن ونزل وراهم
وشهد في اوضتها واقفه بتعيط قدام المراايا وحاطه ايديها على بوقها بتكتم عياطها ومش قادره تقوم تلبس فقعدت على الارض وضمت رجليها ليها وتابعت بعياط وقهر ااه ياربي .. ياربي مش قادره ياريتني ما حبيته يارب ياريتني بس مش بايدي دي مش بمزاجي يارب طب خليت قلبي يدقله ليه طلما هو مش نصيبي انا مش قادره ولا فيا حيل لاي وجع يارب قولتلك متحملنيش فوق طاقتي بس الشيله تقلت اوي .. تقلت اوي لحد ما كسرت ضهري وفضلت تعيط والباب فتح فكان يونس وتابع بتنهيده حزينه ووجع علشانها: طب واخره ايه ?? كل ده لسه ملبستيش
شهد مسحت دموعها وتابعت بلهفه هو ممكن مروحش يا يونس ??? انا تعبانه اوي بصراحه وعندي مذاكري كتير ومش هلحق اخلصها وكمان
يونس بمقاطعه ووجع تعالي يا شهد وفتح ايديه
شهد جريت حضنته وكانها مستنيه يقولها كده كانت مستنيه حد يحضنها ويطبطب عليها مهمهاش انه ممكن يسالها مش عايزه تروحي ليه بس هي حاليا تعبانه وموجوعه ومش قادره تجمد اكتر من كده وفضلت تعيط بانهيار
فطبطب يونس على ضهرها وتابع بوجع حاسس بيكي وفاهم وجعك جداا ومش قادر الومك لاني عارف انه مش بايدك وانتي واحمد كنتوا مع بعض طول الوقت فحقك تتشديله غصب عنك وتحبيه واصلا الحب مالوش شروط سبحانه يهب القلوب لمن يشاء فانا مش بغلطك ابدا لان دي حاجه غصب عنك بس مش هينفع متروحيش
شهد بصتله بتوتر والدموع مغرقه وشها انه فهمها فتابع يونس بوجع : مستغربه ليه ومتخافيش مني وطلعي اللي جواكي ده انتي بنتي ياشهد يعني لو كدبتي علي الكل ومثلتي انك جامده انا كاشف جوه في ايه وشاور على قلبها
شهد بعياط ووجع مش هقدر يا يونس وحياتك عندي مش هقدر اشوف احمد جمب واحده تانيه هحس بنار وانا شايفه اختي! !! اختي انت متخيل ??? لابسه دبله حلمت بيها والله مش هقدر يارب ووطت على ركبتها وفضلت تعيط بانهيار
يونس غمض عينيه بوجع ووطي على ركبته قدامها ورفع وشها ليه وتابع هتقدري انتي اخت يونس يابت ومش اي حاجه تكسرك انا عارف انها صعبه وبتقتل وبتموت بلحيا بس حاليا مضطرين نستحمل حقك علي عيني ينورعيني ياريت اقدر اخد وجعك ده منك مكنتش اترددت
شهد هزت راسها ب لا كتير وتابعت والله ابدا حقيقي مش هقدر وغلاوتك عندي وانت عارف انك الدنيا كلها في عيني مش هقدر امسك نفسي وهعيط وهخرب الدنيا وهيبان عليا ارجوك افهمني وسبني مروحش قول اي حاجه اي حاجه امتحان مفاجئ اي حاجه وخلاص بس مش هقدر اروح والله ابوس ايدك يا يونس ساعدني ورايحه تبوس ايديه شد ايديه منها وخدها في حضنه جامد وفضل يطبطب عليها ودموعه نزلت بوجع علشانها وهي عماله تنهار وتعيط جوه حضنه وتابعت ااه ياربي شوفت كتير يا يونس شوفت كتير اوي امي ماتت وانا لسه داخله اولى ثانوي ودلوقتي حتى احمد اللي قول هيبقي عوضي عن اللي شوفته وحسيته هيخطب اختي انا بجد مش قادره اصدق ولا استوعب انا صغيره اوي على كل ده ياارب
يونس بوجع ودموع على عيني انك تروحي والله بس لازم يا شهد ده ابن عمك ودي اختك الناس تقول ايه يحبيبتي انا لو بايدي مودكيش مكان عارف انه هيأذيكي لاني حااسس ولامس وفاهم وجعك بس للاسف مضطرين
شهد بصتله بوجع وتابعت اهو هو ده اللي قاهرني انا عشت طول الوقت برضيه وبخاف عليه اكتر من نفسي وبحبه وهو يوم ما اختار مختارنيش لا ومش كده بس ده ساب بنات الدنيا كلها واختار اختي !!! فاهم يعني ايه اختي! !!! انا بقيت بغير منهاا ومش بحب اشوفها يا يونس كل ما اشوفها اضايق انها خدت مكان حلمت بيه واحس اني بحقد عليها بس انا مش كده انا عمري ماكنت وحشه كده يارب ومع ذلك مش قادره اكرها علشان دي اختي يا يونس اختيي يارب وفضلت تعيط بهستريه
يونس دموعه نزلت وباس جبينها ومسح دموعها وتابع كفايه ياشهد هتتعبي يحبيبتي انتي لسه مقومتيش من التعب اللي انتي فيه انا عارف انها صعبه وجدا كمان بس انا جمبك وهنعدي كل ده سوا واهو يوم وهيعدي وربنا يختار الصالح بعدها
شهد بوجع يوم اه وهيعدي اه بس مع الكل الا انا هقف عند اللحظه دي يا يونس حياتي هتقف لما اشوفه بعيني بيلبس اختي دبله حلمت بيها وداعيت بيها من كل قلبي هحس ان قلبي اتكسر والنغزه اللي فيه هتعلم فيا العمر كله انا مش قادره اوصفلك مقهوره انا قد ايه بس حاسه احساس ميتقالش في كلام
يونس غمض عينيه بوجع وحضنها وباس راسها وتابع حقك عليا ياقلب ونورعين يونس حاسس والله من غير ماتتكلمي وفاهم انتي بتقولي ايه كويس اوي دي نار جواكي وانتي وحدك اللي فيها بس والله العظيم بموت بدل المره الف وانا شايفك كده ولو بايدي هريحك واشيل وجعك بس قولي يارب يا شهد مش بعيد على ربنا لان انا اللي بقولك اسمعيها مني انتوا الاتنين عيوني ومقدرش اعيش من غيركم وسعادتكم من سعادتي بس اختك مش مخلوقه لاحمد وهتقولي يونس قال وباس جبينها وتابع وهو بيمسح دموعها قومي يلا اجهزي بسرعه وانا جمبك والله مش هسيبك لو كان ينفع متروحيش والله ما كنت اترددت بس مجبرين
شهد هزت راسها ب ماشي وهي ساكته تماما والدموع اتحجرت في عينيها فقامت مسكت الدريس ودخلت الحمام وقفلت الباب وشغلت الحنفيه وبدات تغسل وشها وغلبها العياط ففضلت تعيط بهستريه وتكتم بوقها ويونس كان سامعها وقلبه وجعه عليها اوي فتابع بصوت مليان وجع وهو بيبص لفوق: طب انا راضي يارب انما دي عيله صغيره لسه بتبدا حياتها زودها عليا انا مش مشكله وشيل من وجعها وادهوني بدالها بس بترجاك ارحم قلبها
———————————————-
في الخطوبه كان الكل جيه والناس قاعده وياسمين واحمد على الكوشه والناس بتيجي تباركلهم
علي واحده من الترابيزات قاعد مازن مع حسام وقاسم
حسام بصدمه هو سكران ???
قاسم بحده اه يعلم ربنا دماغه طقت خالص رايح جايبه من البار البيه صاحبي كان هناك وشافه
حسام بصدمه يانهار اسود طب الناس تقول ايه باين انه شكله تايهه اوي
قاسم نفخ بضيق وتابع ربنا يعدي اليوم ده على خير بجد
مازن بسكر : هششش على فكره انا تمام مسمعش حد فيكم يتكلم تاني
حسام ضرب كف في كف وتابع يا حول الله يارب تمام ايه بس تمام ايه انت ايه اللي عملته في نفسك ده
مازن بدموع قصدك هي يا حسام هي ايه اللي عملته فياا ده ياريتني ماحبيتها وشاور عليهم وتابع بوجع ودموع الهانم اللي فضلت احبها عمري كله قاعده جمب اخويا وعادي ولا على بالها يا شيخ ينعل ابو قلبي اللي حبها ياسمين متستاهلش حبي ليهاا ابداا شوفتها حاجه كبيره اوي وهي صغرت نفسها في عيني بشكل انا متخيلتوش
قاسم نزل ايديه وتابع بخوف ابوس ايدك اسكت هنتفضح
حسام بحزن مازن مش هيتفع كده قوم اغسل وشك الناس تقول ايه يحبيبي
مازن بوجع ودموع انا زي الفل متخافش عليا بس عارف ايه اللي واجعني اني روحت اسكر علشان انسي بس مش قادر كلامها بيوجعني اوي يا حسام ياسمين شافتني شخص وحش اوي عمري ماكنت هو وحسستني احساس عمري ما حسيته
قاسم بحزن حقك عليا هي حقيقي صدمتنا كلنا مش انت بس انا كمان متخيلتش الوضع يوصل لكده
حسام بتنهيده حزينه لا حول ولا قوه الا بالله الواحد مش عارف يقول ايه حقيقي الاتنين غلطانين ربنا يهدي نارك يا مازن بجد
قاسم بحزن يارب اللهم امين وبص حواليه وتابع صحيح سيف فين مش باين يعني
حسام سيف في القااهره بقاله كام يوم العميد عايزه
قاسم بتنهيده ربنا معاه يارب يلا يا مازن قوم اغسل وشك مينفعش كده وقومه يغسل وشه
مازن بحده يا عم انا فايق سبني في حالي بقى يا قاسم الله يرضى عنك
حسام بحده فايق ايه وزفت ايه روح معاه واخلص الناس عماله تبصلنا يقولوا ايه يا بيه وانت بلمنظر ده
قاسم بحده سيبك منه لازم يفوق ده شكله اتجنن ودخل بيه الحمام االلي في القاعه
عند ياسمين واحمد زينب باركتلهم وعمر جيه يباركلهم
عمر بابتسامه الف الف مليون مبروك عقبال فرحكم يارب
ياسمين بوجع الله يبارك فيك يا عمر
احمد بحب تسلم يا غالي عقبال مانفرح بعوضك
عمر بحب تعيش يحبيبي في حياتك
ومشي شويه في القاعه فنرمين جات وتابعت بحب واد يا عمر واحشتنا اتعودنا على وجودك وسطنا البت زينب خدتك مننا خالص
زينب كانت واقفه حاطه ايديها في ايه وتابعت بصدمه وضحك بتهزري بقى انا اللي خدته منك يوليه يا مفتريه يعني مش انا بنتك اللي مشيت
عمر فضل يضحك وباس جبينها وتابع بحب انتي كنتي واحشاني اكتر والله يا ست الكل
نرمين بضحك مانتي كنتي في وشي العمر كله انما هو ملحقناش نشبع منه ومشي وبعدين انتي ايه مضايقك الله ابني يستي وواحشني
عمر بضحك والله انتي حبيبتي وامي التانيه مش حماتي ربنا يخليكي ليا يا غاليه
نرمين بحب ويخليك يا ابني ونشيل عيالكم يارب
زينب بضحك طبلي يا نرمين طلبي بذمه
نرمين بضحك اسمها نرمين يابت الجزمه
عمر بضحك بس يابت اتلمي ماما تقول اللي هي عايزاه
زينب بضحك اه علشان الكلام داخل دماغك
عمر بضحك بلظبط كده
نرمين بحب صحيح يا واد يا عمر البت دي عامله ايه معاك
عمر حط ايديه على كتفها وقربها ليه وتابع بحب زي الفل والله ربنا يباركلي فيها وباس جبينها
نرمين بحب ربنا يسعدكم يا ابني شدوا حيلكم بقي عايزين عمر الصغير
عمر بضحك دعواتك بقي ياست الكل
نرمين بحب والله يا ابني بدعيلكم علطول
عمر بحب ربنا مايحرمنا منك يارب
علي ترابيزه قاسم ومازن وحسام نور جات قعدت جمب قاسم وتابعت تعبت اوي اقوم لما يجوا يلبسوا الدهب بقى
قاسم بضحك انا بردو رايي كده اتهدي شويه بقي
نور بضحك منا اتهديت اهو
قاسم نور ارفعي الطرحه داري كتفك اللي باين ده علشان مهزقكيش
نور بضيق رفعتها وتابعت ياباي منك
قاسم طب دي يتقالها ايه بذمتك
حسام بضحك هزقها حقك بس مش وقته
قاسم خطيبتك جات ??
حسام بضحك اه لازقه جمب ياسمين وسيباني انا ياعم قاسم
قاسم ضحك فتابعت نور بستغراب مالك يا مازن مسهم كده وسرحان في ايه
مازن بتنهيده حزينه لا مفيش حاجه نور رايحه تتكلم قاطعهم صوت الراجل بتاع الدي جي وهو بيقول ان هيلبسوا الدبل دلوقتي فتابعت نور بحماس قومو يلا
قاسم قام وسند مازن وتابع بتنهيده اجمد هاا
مازن بوجع متشلش همي وراحوا وقفوا وبدا بلفعل احمد يلبس ياسمين الدبله وهنا مازن غمض عينيه بألم وشهد دفنت وشها في حضن يونس وتابعت بهمس ووجع مكتوم مش قادره وحياتك مش قادره يلا نمشي
يونس باس راسها وتابع بهمس ووجع شهد اهدي علشان خاطري
جودي بستغراب مالها شهد كويسه ??
يونس كويسه كويسه متخافيش بطنها واجعها بس
جودي بابتسامه الف سلامه
شهد بالم الله يسلمك يارب
وكلوا زغرط بفرح لما ابتدت ياسمين تلبس احمد هي كمان الدبله وقلبها واجعها اوي من نظره مازن ومسكت دموعها بلعافيه وتابعت في سرها مش قادره اسامحك يا مازن انت اللي وصلتنا لكل ده
مازن دموعه نزلت وتابع بوجع لالا بقولك ايه انا كده بموت بلبطيئ حاسس روحي بتطلع ومش قادر اخد نفسي ولا اقف على رجلي انا مروح
حسام بحده تروح فين انت اتجننت
مازن بدموع وبحده مروح يا حسام ارحمني ياخي وحس بياا مش قادر اشوف حته مني جمب اخويا انت عمرك ماهتفهمني علشان مش في مكاني انا ضحيت بكل حياتي حتى البنت اللي بحبها وكانت كل املي خسرتها الدنيا جات عليا كتير اوي وانا استحملت كتير بس معتش قادر ااجي على نفسي اكتر من كده حاسس اني بقيت عايش جسد بس يحصل اللي يحصل بقى مبقاش ليا حاجه ابكي عليها انا همشي ولما حد يسال اتنيلوا قولوا اي حاجه يخش تقولوا مات
قاسم بتنهيده سيبه يا حسام اتفضل روح وانا هقولهم ان جالك اتصال مهم من مدير الكافيه لانك غلطان في الحسابات في مبلغ كبير وعايزك ضروري
مازن بوجع ودموع تمام عن اذتكم وخرج وياسمين شيفاه وهو بيتكلم وخارج بس مكانتش سامعه من صوت الاغاني والدموع اتجمعت في عينيها بقهر وتنهدت بعمق وتابعت يارب ارجوك انا مش عارفه انا صح ولا غلط بس اللي متاكده منه اني بموت فارحم قلبي وساعدني وفاقت على صوت احمد وهو بيقول بابتسامه ياسمين بصي للفون بيصوروا
ياسمين بوجع حاضر اهو وبصت للفون وابتسمت فشهد بصت على ايديها وايد احمد وقلبها وجعها اوي وتابعت يونس مش قادره حاسه مش قادره اخد نفسي ابوس ايدك روحني
يونس راح قعد وقعدها جمبه وخدها في حضنه وتابع بوجع هانت ينورعيني ونروح اهدي ابوس ايدك الناس
شهد وهي في حضنه مسكت قميصه بقبضه ايديها وتابعت بقهر وعياط ازاي يا يونس ازاي اشوفه بعيني قاعد جمب اختي وبيلبسها دبله ازاي بجد انا بموت حاسه روحي بتتسحب مني بلبطئ مش مستوعبه ان خلاص كده احمد مش ليا وهيبقى لاختي وبكره وبعده اشوفه جمبها وكاتب كتابه وحقه يحضنها ويلمسها والله هموت فيها انا مش مستحمله قعدته جمبهاا يارب حاسه بنار بتكوي قلبي اللي حبه بكل صدق عملت ايه وحش استاهل عليه ده يكون وجعي يا يونس ليه بنت في سني تعيش كل القهر ده كده ذمبي ايه طيب اني حبيته ?? الدنيا كلها ضد الحب اللي من طرف واحد بس ميعرفوش انه اصدق وانقى انواع الحب انت مش بتحب علشان هو بيحبك وبتتبادلوا المشاعر والتقدير لا ده انت بتبقي مستعد تضحي بحياتك وبتهتم وبتحب وبتخلص من كل قلبك لواحد ممكن يكون معملش كل ده علشانك بس الا انك مستمر في انك تحبه بصدق لانك قلبك مش بايدك ومش عارف تبطل تحبه انت حبيته رغم عيوبه وتاثيره معاك فا ده حب غير مشروط اني هفضل احبك طول الوقت ومهما حصل ومش مستنيه حاجه تخليني احبك واصدق بكتير من اني احبك علشان بتحبني وفارشلي الارض ورد لان ده الطبيعي والبنت بتتشد للي يوريها انها الكل في الكل فتحبه وبيحصل كتير عادي بس محصلش معايا يا يونس محصلش الدنيا استكترت عليا اكتر حد حبيته وشوفته عوضي بقيت احس اني مذنبه وعامله مصيبه بحبي لواحد محبنيش
يونس دموعه نزلت من كلامها وتابع بوجع ابوس ايدك كفايه قلبي واجعني اهدي يحبيبتي اهدي هانت خلاص ونروح وطلعي كل اللي جواكي ومش هقولك لا بس اهدي مش عايز حد يقول عليكي كلمه
شهد فضلت تعيط بهستريه في حضنه وهو بيزيد من احتضانها وبعد شويه الليل ابتدي يليل والخطوبه خلصت وكله روح البيت
في بلكونه بيت جودي كانت بتتكلم مع حد
جودي بتنهيده حزينه انت متاكد انك هتكون قد كلامك ده
الشخص بتنهيده متاكد لان مقدميش حل غير كده
جودي بوجع هو انت مجبر تتجوزني ??
الشخص لالا طبعا انتي فهمتي ايه وتنهد بعمق وتابع كده كده هتجوزك متحسبيهاش كده ارجوكي
جودي بدموع صدقني انا مش عارفه ااحسبها غير كده بس عموما انت لو مش عايز خلاص
الشخص بحده خلاص ايه انتي عبيطه لا طبعا وعدتك مش هتخلى عنك وانا قد وعدي اعقلي كده يا جودي
جودي تنهدت بعمق وتابعت عارف انا بحبك وبتمنى اليوم ده بقالي قد ايه ???
الشخص بصدمه انتي كنتي بتحبيني !!!!
جودي بدموع اممم تخيل بقى ومحبتش غيرك ولا قدك وعشت اتمناك مع اني عارفه انك مبتحبنيش بس اهو يشاء القدر يجعل بينا نصيب
الشخص بتنهيده صدقيني انا مكنتش اعرف اي حاجه عن مشاعرك دي فمصدوم متخيلتش تكوني بتحبيني
جودي بابتسامه حزينه المهم اللي جاي وسمعت صوت مامتها وراها بتقولها: بتكلمي مين يا جودي
فاتخضت والفون وقع من ايديها على الارض
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غموض الحب)
رواية تحفه جداا بس اتمني ان تستعجلي في كتابة الروايه
الروايه جميله جددا
الروايه جميله قوي وانا فعل بحبها بس اكمل الروايه