رواية غموض الحب الفصل الأربعون 40 بقلم لولا
رواية غموض الحب البارت الأربعون
رواية غموض الحب الجزء الأربعون

رواية غموض الحب الحلقة الأربعون
عند سيف كان بيجري بكل قوته لحد ماقلبه وجعه من كتر الجري ونفسه اتقطع فبص لقاها فاضل دقيقه ففضل يجري اكتر لحد ما شاف حفره كبيره في الصحرا وبص للتيمر لقااه بيعد 30 ثانيه فرماهاا بكل قوته في الحفره دي ولف في طريقه يرجع ومشي شويه كانت انفجرت ومن قوتها خلته اترفع عن الارض ووقع جامد وفضل يتقلب على الارض وجبينه ودراعه اتعوروا جامد فجري عليه عمر بخوف وتابع بدموع ولهفه سيف .. سيف انت كويس
سيف بوجع وتعب ااه ااه كويس كويس وبصله وتابع بتعب مش .. قولتلك ..متج يش ورا يا
عمر بدموع وخوف : اول مره اكسر كلمتك ومقدرتش مكسرهاش الحمدلله جات على قد كده ده انت وقعت قلبي يجدع وباس راسه وتابع قوم .. قوم اتسند عليا هتبقى كويس والله
سيف ابتسم بتعب وتابع بصوت منخفض طمر ت فيك العشره ياض يا عمر بس مش حرام عليك اللي هيتعاقبوا بسببك دول وانت معاهم
عمر بدموع يا عم اعمل اللي انت عايزو بس قوم بالف خير الاول وبص لدراعه وتابع فيه رصاصه واتجلط من الواقعه جامد في الارض
سيف بتعب وهو بيحاول يقف وعمر بيسنده تابع جسمي كله حاسه اتجلط مش دراعي بس حقيقي مش قادر
عمر بخوف وراسك بتنزف كمان لالا خليك هنا وهروح اجبلك الاسعاف لحد عندك انت مش هتقدر تمشي كل ده
سيف بتعب لالا هقدر يلا بس اسندني وفضل يكح بتعب واضح
عمر بخوف المشكله مش هأمن اسيبك هنا لوحدك واروح اجيبهم بردو وسنده وتابع وهو بيمشي بيه حرام على اهلك يا سيف بجد
سيف بتعب : يلا يا عمر اخلص مترغيش كتير
وفضل يمشي بيه لحد ما وصلوا فكل الكتيبه جريت عليه بخوف ولهفه
حسن بخوف ايه ده مالك يا قائد فيك ايه
سيف ابتسم بتعب وتابع زي الفل متخافوش والله انا بخير
عمر بحزن هات عربيه الاسعاف هنا يا ادم
ادم بخوف حاضر حاضر حالا
سيف بتعب مش قادر اقف يا عمر سبني
مؤمن بخوف تعالى يا عمر قعده هنا على الطوبه دي
عمر راح قعده على طوبه كبيره في الصحرا وسيف سند راسه عليه وهو بينهج بتعب شديد فتابع عمر بحزن اجمد كده انت قدها والله العظيم
سيف ابتسم بتعب وتابع انا زي الفل متخافش عليا
حسن بحزن فل ايه بس يا قائد
احمد بحزن ده انت متصاب جامد بجد
سيف فضل يكح بتعب وتابع اهو علشان ترتاحو شويه وضحك بتعب
حسن ابتسم بحزن وتابع لا والله انا قولتلك اني بهزر ده انت وجودك وسطنا بصحتك بلدنيا كلها
سيف ابتسم بتعب وتابع تسلم يا حسن
ادم بلهفه اهي عربيه الاسعاف يا عمر
عمر بص لحسن وتابع اسنده معايا ويلا
حسن سنده معاه وبلفعل حطوه على الترولي ونقلوه للمستشفى وبعد شويه دخلوا يطمنوا عليه كان قاعد على السرير ومرجع راسه لورا ودماغه مربوطه بشاش وايديه فدخل عمر باس راسه وتابع بحزن حمدلله على سلامتك يا غالي
سيف ابتسم بتعب وتابع الله يسلمك يحبيبي
صاالح بحزن والله يا فندم وقعت قلوبنا الحمدلله انك بخير
سيف بتعب الحمدلله انكم انتوا بخير طمنوني على اخواتكم المصابين ايه الدنيا
عمر بتنهيده متخافش زي الفل اصاباات خفيفه كلها
سيف تنهد بعمق وتابع الحمدلله
حسن بحزن حمدلله على سلامتك يا فندم حقيقي كلنا فخورين بيك جداا ربنا يحميك ويحفظك ويديم وجودك وسطنا
سيف ابتسم بتعب وتابع الله يسلمك يا حسن وانا فخور بيكم كلكم لان لولا وقفتنا في ضهر بعض بعد ربنا طبعا لولا وصلنا لهنا وحقيقي كلكم رجاله ويعتمد عليكم
مؤمن بحب رجالتك وتحت امرك يا فندم
سيف بحب ربنا يحميكم ويحفظكم وطمنوني على اخواتكم كل شويه
عمر بحزن هما زي الفل المهم انت تقوم بالف خير والله العظيم وجعت قلبي وخوفتني انا عارف انك اسد وقد اي حاجه بس والله شكلك كده بيتعبني
سيف بحب ربنا يديمك ليا ياعمر ومتخافش يحبيبي انا زي الفل والله
——————————————
عند مازن وياسمين
مازن واقف بيعمل نسكافيه وياسمين كانت بتاخد شاور فخرجت وهي لابسه شورت احمر وتيشرت حمالات ابيض عليه كتابه بلاحمر وفارده شعرها وحاطه ميكاب رقيق فمازن لما شافها صفر باعجاب وتابع ايه الحلاوه دي
ياسمين بضحك احترم نفسك واسكت
مازن بضحك ده انا ابقى راجل مبفهمش لو شوفت الجمال ده كله وسكت
ياسمين ابتسمت بحب وتابعت بضحك اممم بتثبتني بقى وكده
مازن وهو بيصب المايه في كوبايات النسكافيه تابع بحب لا بقول الحقيقه والله
ياسمين بحب طب ايه اختارت الفيلم ولا لسه
مازن لا هاتي انتي اللي انتي عايزاه يلا حضرتلك كل التسالي برا وادي النسكافيه اهو
ياسمين بحماس وابتسامه يلا وخرجت ومازن وراها وحط الحاجه على الترابيزه اللي قدامهم وقعد وفتح دراعه فياسمين نامت في حضنه وتابعت هات الريموت
مازن اداهولها وباس خدها بحب فابتسمت وتابعت وهي بتجيب الفيلم: صحيح يا مازن عايزه اسالك سؤال
مازن بحب اؤمريني يا عيون مازن
ياسمين يعني اي اشد حيلي دي بقى اللي طنط بتقولها
مازن ضحك وتابع هو انتي متعرفيش بجد ??
ياسمين بضحك اه والله معرفش في ايه بتضحك على ايه انت
مازن بضحك لا ولا حاجه على حظي الحلو بس
ياسمين بضحك يا مازن بجد فهمني
مازن بضحك ما انتي هتعملي فيها مكسوفه وبنت ناس وانا اللي قليل الادب ومتربتش
ياسمين بضحك لالا انا مبتكسفش منك وانت عارف
مازن بضحك ماشي انتي اللي قولتي اهو تقصد انك تدلعي كده وتلبسي ده وده فتحببيني في وقتي معاكي وتقعديني جمبك في البيت وطبيعي لما افضل جمبك يبقى
ياسمين بضحك بسس اخرس خلاص فهمت ودفنت وشها في صدره من الحرج
مازن فضل يضحك وتابع ماقولتي مش بتتكسفي مني
ياسمين بضحك اه مبتكسفش منك بس اتكسفت من مامتك انها بتقولي اعمل كده ايه قله الادب دي بجد
مازن فضل يضحك وتابع انتي عبيطه يابت ما اي عروسه بتعمل كده من غير ما حد يقول ولا دي كمان مكنتيش تعرفيها يا اخره صبري
ياسمين بضحك اسكت خالص انا غلطانه اني سالتك مش هنشد ولا هنيل سيبها زي ما ربنا يريد
مازن بضحك ماهو بيريد لما نشد يا ام زين نعمل اللي علينا والباقي عليه مش هتحصل بمعجزه هي يعني وشدها ليه واعتلاها تابع ولا انتي مش عايزه زين ولا ايه حكايتك
ياسمين بضحك عايزه ابو زين يتربى شويه ايه رايك انت
مازن بضحك لا انسي الكلام ده خلاص
ياسمين بضحك طب اوعى مفروض بنتفرج على فيلم
مازن بضحك لو غيرنا الخطه حد هيزعل مثلا
ياسمين بضحك اه انا
مازن بضحك يانهار ابيض ده احنا نراضيكي حالا وقام وشالها بين ايديه
ياسمين بضحك لالا مازن نزلني وفضلت تتحرك بين ايديه
مازن بضحك الله براضيكي مش قولتي هتزعلي
ياسمين بضحك لا انا ااقصد هزعل لو قومنا من على الفيلم فانت كده زعلتني
مازن بضحك منا عارف فهراضيكي اهو
والباب خبط فتابعت ياسمين بستغراب ده مين ده
مازن بضيق اكيد حد من البيت هيكون مين يعني بالله انا عايز اخدك انتي ونمشي من البيت ده مش جودي ونزلها وراح يفتح وتابع خليكي ورا الباب متتحركيش بلبسك ده وفتح وتابع بستغراب جودي
جودي بتوتر مازن انا كنت عايزه اطلب منك طلب
مازن بتنهيده ادخلي طيب
جودي دخلت وشافت ياسمين فاتصدمت من شكلها كانت جميله ولبسها القصير مزودها جمال فحست بغيره شديده منها
فتابعت ياسمين بكيد: طب بذمتك ده وقته طلبات احنا لسه عرسان جداد لو حاجه يعملهالك بلاش تقولي احسن علشان مش هيقدر كفايه عليه انا جايبه صحته الارض وضحكت
مازن اتفاجئ من كلامها وفضل يضحك بشده وتاابع بت اسكتي واتلمي وبص لجودي وتابع قولي يا جودي خير في ايه
جودي اتعصبت منها جدا بس مبينتش وتابعت انا مقصدش اجي اخبط عليكم حقك عليا بس هنزل لواحده صاحبتي فكنت بستأذنك
ياسمين راحت نامت على صدر مازن ورفعت ايديه حطتها على كتفها وتابعت بدلال لا يروحي ولا يهمك اصل احنا كده كده مش بنزهق من بعض فانتي خبطتي فصلتينا اه بصراحه بس ومالو نسترجع المود تاني مش كده يعمري؟
مازن ضحك لانه فاهم انها عايزاها تغير وتابع بابتسامه وهمس اه كده واتلمي ها كفياكي كيد وبص لجودي وتابع لا ولا يهمك خلاص روحي بس خلي بالك من نفسك
جودي ابتسمت بضيق وتابعت تمام حاضر ولفت وشها وبتفتح الباب فتابعت ياسمين بدلال وضحك بس بس يا مازن البت واقفه الله دي حتى لسه ممشيتش مش كده يحبيبي
مازن بصلها بذهول ورايح يتكلم فهمست اسكت وهديك مكافاه لما تمشي فضحك بشده وسكت وجودي مبصتش عليهم وفتحت وقفلت جامد ونزلت فتابعت ياسمين بحماس يس
مازن بضحك انتي ايه يابت الافلام اللي بتعمليها دي هو انا جيت جمبك ولا لمستك بس بس على ايه يخربيت ابوكي
ياسمين ضحكت وتابعت اعتبر جيت جمبي منتا من شويه كنت بتتحرش بيا وكنت سكتالك في ايه لما اقول بس قدام الناس تبقي تبس
مازن حط ايديه على وسطها وشدها ليه فحطت ايديها حوالين رقبته وتابع بضحك انا براحتي مش مراتي يبقى تحرش حلال ده وبعدين اخص عليكي يا ياسمين انا صحتي بقيت في الارض ??
ياسمين بضحك مراتك وحبيبتك وحلالك طبعا مقولناش حاجه يعمري و ربنا يحميك يحبيبي بعد الشر عليك انا بكيدها بس مش اكتر
مازن بضحك تقولي كلام يحرك مشاعر الواحد وترجعي تكشي بعد كده وتقولي بطل قله ادب
ياسمين فضلت تضحك وتابعت اه بطل قله ادب و اوعى خلاص هي مشيت
مازن بضحك اوعى مين مش عماله تقولي للبت فصلتينا بس هنسترجع المود ولا هو كلام وخلاص وبعدين فين المكافاه بتاعتي انا سكت زي ماطلبتي وانا مهببتش حاجه اصلا
ياسمين فضلت تضحك وتابعت ده كيد حريم ده انت مش هتفهمه ولازم تعرف ليس كل ما تقوله المرأه تعنيه ياروحي وبلنسبه لمكافأتك فانا مبقولش كلمه وارجع فيها علشان تعرف بس ووقفت على اطراف صوابعها وباسته بحب ورايحه تبعد فمازن شدها ليه اكتر وباسها بحب بعدين وطى شالها مابين ايديه فتابعت ياسمين بضحك والحاجات اللي حضرناها والفيلم اللي شغال ده يا مازن
مازن بضحك سيبك منهم ناكلهم بعدين هيروحوا فين يعني فضحكت ودخل اوضتهم وبعد شويه وقت كانت ياسمين بتاخد شاور ومازن خرج من الشاور ولبس بنطلون بس وقاعد على السرير بيشرب سجاير ودقايق وخرجت ياسمين ولافه عليها الفوطه ورجليها اغلابها باينه وتابعت طب ليه طيب ما كنت ماشي اليوم كويس وقولت واحده واحده هيبطلها
مازن بضحك لا انسي الموضوع ده
ياسمين برفعه حاجب يعني كنت بتحور عليا لما قولتلي ببطلها يعني ولا ايه
مازن نفخ دخان السيجاره وتابع بضحك وغلاوتك عندي لا ابدا كنت فعلا بحاول وبقللها بس معرفتش حقيقي
ياسمين دخلت الدريسنج روم ولبست قميص قبل الركبه حمالات ماسك شويه من عند الصدر لونه بينك وطلعت وتابعت وبعدين يعني يا مازن
مازن نفخ بضيق وتابع استغفر الله العظيم يارب وبصلها وتابع يحبيبتي هو انتي لو عديتي يوم من غير خناق بتتعبي نفسيا ?? عرفيني بس ??
ياسمين راحت قعدت قدامه وتابعت بضيق مازن انا خايفه عليك وعلى صحتك وبكره وبعده هيبقى عندنا بيبي اولى بلفلوس دي اللي بتصرفها في القرف ده
مازن بضيق لما تشوفيني بقصر مع عيل ابقي اتكلمي يا ياسمين مش عايز صداع بقى الله يباركلك
ياسمين بضيق تمام يا مازن تمام وراحت نامت جمبه وادته ضهرها وتابعت خد بالك ان جودي ملهاش صحاب في القوصيه هنا غيري هاا
مازن برفعه حاجب قصدك ايه ??
ياسمين وهي مدياه ضهرها تابعت بتنهيده قصدي اللي انت فاهمه كويس ابقى شوف بتروح فين وبتيجي منين لان دي مبقيتش مضمونه
مازن مسك دراعها وعدلها قعدت قدامه فبصتله وتابع بحده ياسمين انتي اتجننتي في عقلك ولا ايه تقصدي ايه بلكلام ده ??
ياسمين بحده اقصد ان دي واحده زباله وخاينه خانت وغدرت بصاحبتها اللي كلت وشربت معاها العمر كله فمتفكرش علشان بتحبك هتصونك جودي خلتك تقربلها بمزاجها وهي كانت عايزه كده يعني لحم رخيص وطلما سمحت مره هتسمح الف مره ماهي بقيت مدام بقى ومش هتعرف تكشفها
مازن اتصدم من كلامها وتابع بعصبيه بت انتي اتجننتي ولا ايه دي واحده زيك ازاي تسمحي لنفسك تتكلمي عن شرف واحده كده انتي ممعكيش دليل انها قصدت تخليني اقرب منها ولو ده حقيقي فمش معناه ابدااا انها وحشه وهتسمح لغيري احترمي نفسك واتربي وانتي بتتكلمي ونقي كلامك دي هتبقى مراتي يعني هتشيل اسمي وشرفي ومسمحش لاي حد مهما كان يقول عنها كده
ياسمين بدموع مراتك اه ..لا والله يعني انت شايف كده ??
مازن بعصبيه اه شايف كده ومتخلقتش ولا هتتخلق اللي تخوني اصلا يا ياسمين ده انا ادفنهاا حيه وهي نفسها عارفه يعني ايه هتتجوز مازن الرفاعي انا اه بحبك وانتي فوق الكل بس مش معناه هدوس على انسانه ليها حقوق وواجبات واتهمها لمجرد انك رميتي في وداني الكلام ده فاحترمي نفسك كده ياياسمين واتكلمي عدل وبلاش اتهامات بلباطل وكيد الحريم يشتغل في حاجه زي دي
ياسمين بوجع انا اصلا مقولتش اكيد انا قولت اني شاكه فيها لان فعلا اخلاقها مش كويسه ومتعرفش حد هنا وواجبي كمراتك اوعيك وابتسمت بسخريه وتابعت علشان شرفك زي مابتقول وفي النهايه تمام انا ماليش دعوه تاني ربنا يخليهالك يحبيبي ونامت وادته ضهرها فحط السيجاره في الطفايه وطفاها بعصبيه ونفخ بضيق وتابع طب انا معملتلكيش حاجه علشان تتقمصي انتي اللي غلطانه اصلا
ياسمين بدموع خلاص يا مازن بجد
مازن نام على جمبه وحط ايديه على وسطها وشدها لحضنه وباس رقبتها وهمس بحب حقك عليا مقصدش اعيطك
ياسمين بدموع وانا بوعيك مش قصدي اتهمها بلباطل ولا اتكلم على شرفها
مازن بتنهيده ياسمين انتي غلطانه فمش هنقاوح في الغلط مينفعش اي ان كان تقولي عنها كده وانتي لو طلعتي فكره انها هتبقى مراتي دي من دماغك خالص .. والله حياتنا هتتحسن انا حقيقي مش هقدر فكل وقت في حياتنا تجيبيلي سيرتها وتفصليني فعز لو هي مكانك مش هتفتكرك اصلا وهتحاول تكسبني وبس
ياسمين لفتله وتابعت قصدك ايه يا مازن انت بتحرق دمي ?? بتعرفني انها هتحاول تكسبك بس مش هتجيب سيرتي ??
مازن بحده ارحمناا ياارب اقصد انها مش هتجيب سيرتك وده طبيعي لانها مدركه انها في حته وانتي في حته تانيه خاالص فهتحاول تتجاهل الحقيقه دي ومتجبش سيرتها في الوقت اللي انا معاها فيه فمبالك بيكي انتي اللي واثقه وعارفه مكانتك
ياسمين بدموع منا علشان واثقه وعارفه مكانتي فبتوجع ان واحده زي دي تشاركني فيك لان هي بنسبالها هتتجوزك وهتعيش في غيره نسوان انما انا بنسبالي كسره قلب ووجع
مازن مسح دموعها وباس جبينها وتابع تغيري من حد شيفاني بفضله عليكي انما ده انتي فوق الكل فبطلي عبط يا ياسمين واعقلي شويه
ياسمين دفنت وشها في حضنه وعيطت بصمت فحس بيها وباس راسها وضمها لحضنه وفضل يطبطب على ضهرها وتابع خلاص حقك عليا انا غلطان ياستي
ياسمين رفعت وشها وهي عينيها وخدودها حمر من الدموع وتابعت اه غلطان ماخلاص ضمنت اني مراتك بقي فكل شويه تزعقلي
مازن بضحك والله انتي مجنونه ودماغك دماغ عيله وضمها لصدره وباس راسها وتابع وهو بيطبطب عليها حقك عليا ماهو طلما وصلت لدموعك فخلاص انا فعلا غلطان ورفع ايديها باسها وتابع هو انا ليا الا انتي يا سمسم
ياسمين ابتسمت وتابعت ايوه كده حب فيا
مازن فضل يضحك وتابع حاضر هحب فيكي بس كده وقرب عليها واعتلاها فتابعت ياسمين بضحك لالا انا مقصدش كدده
مازن بضحك لكل واحد اسلوبه بقى دي طريقتي في التعبير عن الحب
ياسمين بضحك هو انت مبتزهقش يحبيبي
مازن بحب بلذمه ده كلام يعني حد يبقي معاه القمر ده ويزهق
ياسمين بضحك طب القمر ده عايز يقوم نتفرج علي الفيلم اللي خلص 3 مرات برا ده
مازن فضل يضحك وتابع خلاص تعالي نشوف الفيلم وقام شالها بين ايديه وخرجوا برا
——
في المطعم عند نور وقاسم
نور بضيق قاسم انت بتعمل ايه والاسم بتخرجني يعني
قاسم قفل الفون وحطه على الترابيزه وتابع بحب اهو يعمري حقك عليا بكلم مدير الحسابات في الشغل علشان في غلطه جيبالنا صداع من صباحيه ربنا
نور بتنهيده الشغل بقى واخد كل وقتك على فكره
قاسم شايفو على فكره جاي من بعيد
نور بستغراب هو ايه ده
قاسم بضحك النكد ..النكد يحبيبتي اصل انا بشتغل علشان اصرف على امي الله يرحمها مش كده
نور بضيق والله مش حكايه نكد بس مبقتش فاضي خالص
قاسم بتنهيده ولا انتي فاضيه وانا عامل نفسي مش واخد بالي من ده لان دراستك مهمه عندي فمش هقولك مقصره معايا بسببها فاهو نفس الوضع انا بتعب في الشغل ليل ونهار علشان اخلص شقتنا مش بلعب يعني يا نور علشان كلامك ده
نور بتنهيده خلاص يا قاسم خلاص انا كنت عارفه مش هاخد معاك حق ولا باطل
قاسم يحبيبتي منا نزلت معاكي اهو وانا كمان اللي كنت طالب اشوفك مالك في ايه
نور بحزن مش عارفه اول ما لاقيتك انشغلت عني كده اضايقت اوي وحسيت اني لوحدي
قاسم بتفاجئ لوحدك !! لالا طبعا وقام قعد جمبها على الكنبه بتاعتها وخدها في حضنه وتابع حقك عليا يحبيبي مقصدش احسسك كده طبعا انا جمبك ومعاكي اي وقت وافضالك مخصوص وباس راسها
نور بحرج قاسم الناس
قاسم بضحك تولع الناس يعني انا براضيكي تقومي تقوليلي الناس ياشيخه الهي يسد نفسك
نور بضحك والله انت حبيبي بس انا محرجه اوعى خرجني من حضنك
قاسم بضحك عادي فكك مش حاطين الدبله في الشمال من فراغ انا دافع دم قلبي
نور بضحك والله انت متربتش اوعى كده
قاسم ضحك وجات بنت تابعت بابتسامه ايه ده قاسم … ازيك عامل ايه
قاسم ساب نور وقام وقف ومد ايديه سلم عليها وتابع بابتسامه الحمدلله يا رانيا ازيك انتي طمنيني عنك
رانيا بابتسامه زي الفل نحمد ربنا
نور بصتله برفعه حاجب وغيره وقامت وقفت وتابعت مين الحلوه مش تعرفني
رانيا بستغراب اه مين صح
نور بكيد انا مراته يحبيبتي ده حتى دبلته في الشمال بس معلش يمكن مخدتيش بالك انتي اللي مين
رانيا بتفاجئ ايه ده انت اتجوزت
قاسم ضم نور ناحيته وتابع بابتسامه اه دي نور مراتي
رانيا بتفاجئ وضحك مش ممكن بجد يظهر ال 3 سنين اللي غبت فيهم حصل فيهم حاجات كتير
قاسم بضحك اه الدنيا بتتغير بقى وقعتني واتخطبنا وادينا مكتوب كتابنا اهو
نور بصتله بحده وتابعت ميين دي
قاسم بهمس حاد: اتلمي ووطي صوتك شويه اللي عايز يتخفي حسه خالص من الدنيا ده وتابع دي رانيا زميلتي في الشغل ومشيت منه بقالها 3 سنين ونقلت مكان تاني
نور بحده لا والله طيب يلا عايزه امشي
قاسم مسك دراعها وتابع بهمس حاد مش عايز اهزقك فاقعدي واسكتي محصلش حاجه لكل ده
نور بحده وانا عايزه امشي يا قاسم ورمت ايديه بعيد عنها وخدت شنطتها وخرجت
رانيا بستغراب هي مالها في ايه
قاسم بحرج غيوره شويتين معلش يا رانيا بس انا مضطر استأذن
رانيا بضحك اه فهمت خلاص روحلها
قاسم باي وخرج ورا نور وشافها واقفه عند عربيته فتابع بحده ده انا هطلع عين اهلك بس الصبر وفتح باب العربيه وقعدها وقفل الباب جامد ولف قعد جمبها
نور بحده روحني انا مش هروح شقتنا خلاص اجل اني اشوف اللي عملته ده لوقت تاني
قاسم بحده اخلصي مش ناقص قرف علشان لو هتتنيلي تغيري حاجه تتعمل قبل ما العمال يسلموها
نور بحده ودموع وانا مش عايزة اشوف خلاص
قاسم بحده نووور اعقلي انا مش فاضي لشغل العيااال ده كفاايه اوي قله الادب اللي عملتيها جوه ومش هسكتلك على فكره
نور بغيره اممم خوفت على شكلك اوي قدام الحلوه مش كده
قاسم بحده يخش تولع بجااز بس انا مفيش واحده اتخلقت تعلي صوتها عليااا وقسما بالله لو واحده غيرك كنت وريتها مقامها ومش هيفرق معاياا اننا في مكان عام
نور بضيق اممم بس مفرقش معاك انا عملت كده ليه مش كده
قاسم بتنهيده علشان عارف عملتي كده ليه ومش شايف سبب للغيره انا معملتش حاجه تخليكي تغيري
نور بحده يا برووودك يا شيخ هو انا هستناك تعمل كماان انت بتعصبني ليه
قاسم بعصبيه اقسم بالله العظيم يا نور هتعلي صوتك تاني هديكي قلم يبلعك لساانك الطويل اللي عايز يتقص ده
نور نفخت بضيق وتابعت طب روحني
قاسم بحده قولت هنتنيل تشوفي الحاجه ونغور نروح
وشويه ووصل بيتهم ونزلت وطلعت معاه ففتح الباب وتابع ادخلي شوفيها
نور دخلت وفضلت تبص فكل ركن وهو قعد اخر الصاالون وحط ايديه على جبينه وشويه وجاتله نور وتابعت بتنهيده كله تمام بس انا مش عايزه العمود ده
قاسم بستغراب انهي عمود
نور اللي في نص الصالون قدام ده
قاسم بتنهيده هشوف لو ينفع يتشال بس لو من اساس البيت فاكيد مش هينفع البيت يقع لو اتشال
نور بضيق لا مش عاجبني بجد وقيلالك عليه من بدري هفرش ازاي انا كده يعني والعمود ده محطوط كده
قاسم بضحك يا شيخه اتنيلي علي عين اهلك قال تفرشي قال هتبقى ست بيت نور على اخر الزمن وبتفكر في الفرش
نور بضحك قاسم مبهزرش بجد
قاسم هشوف والله وهقولك بس لو مش هينفع مضطرين
نور بتنهيده تمام تعالى روحني
قاسم قام وشد وسطها ليه وتابع بحب تروحي كده من غير ما تصالحيني بقيت بهون عليكي على فكره
نور برفعه حاجب لا عمرك مابتهون بس انا اللي اصالحك بردو
قاسم بحب اه والله ده المفروض يعني علشان قله ادبك وعلو صوتك ده
نور بغيره انت اللي مستفز وواقف تتكلم مع الزفته دي ومش عامل اعتبار ليااا خالص
قاسم انتي تزعلي لو انا واقف بكلمها من وراكي لو حد شافني وقالك انما معني عملت كده قدامك يعني مبعملش حاجه غلط دي زميله سطحيه جدا ثقي في جوزك شويه يا نور
نور بحب بثق فيك واكتر من نفسي كمان وانت عارف كده كويس بس مش معناه اني ابطل اغير دي بلذات مش بايدي وانت نفسك قولتلي كده لما بتغير عليا ولا مش فاكر
قاسم باس خدها وتابع بحب فاكر طبعا
نور بحرج طب يلا اوعى واتلم بقى ورايحه تمشي بس ايديه منعتها فبصتله وتابعت بحرج قااسم
قاسم بحب وهيام فيها : يعيون قاسم
نور بحب حطت ايديها الاتنين على خده وتابعت بضحك اوعى يحبيبي واتلم ممكن ??
قاسم بضحك مش جايلي قلب اوعا والله وبيقرب رايح يبوسها فحطت ايديها على شفايفه وتابعت بضحك لالا قولت لا
قاسم عض ايديها فتابعت بضحك وتأوه ااه يخربيتك يا ابن العضاضه
قاسم بضحك تستاهلي علشان منكده عليا خدي بالك انا يحق ليا كل حاجه الا حاجه واحده فبلاش ام التقفيله السودا دي وحياه امك
نور بضحك لا انا بنسبالي كله لا
قاسم دفن وشه في رقبتها بحب وهيام وضمها ليه اكتر وتابع طب بالله انتي فعلا نشفتي ريق اهلي
نور بتوتر قاسم اوعى يحبيبي
قاسم بحب متخافيش والله
نور بتوتر لا اخاف انت مش شايف انت بتبصلي ازاي والله هتعمل حاجه نندم عليها فابعد علشان خاطري
قاسم نور انتي مرااتي يحبيبتي الله يخليكي سبيني حاضنك شويه دي مفيهاش حاجه
نور بتوتر وهي لو هترسي على الحضن بس مكنش حد غلب انت مش هتعديها على خير يا قاسم فا يلا ننزل ابوس ايدك وبتبعده
قاسم بحب خلاص خلاص اهدي وباس ايديها وتابع حقك عليا يحبيبي مش قصدي اخوفك والله انا بس علشان بحبك
نور ابتسمت بحب وتابعت عارفه والله مش انت اللي هتقولي بس علشان خاطري اصبر شويه
قاسم باس جبينها وايديها وتابع بحب وماله نصبر ياست البنات لاجل عيونك
نور بحب حبيبي والله ربنا يديمك ليا … يلا بقى تعالى روحني
قاسم مسك ايديها وتابع بحب يلا
———-
بعد مرور اسبوعين فتم باقي الشهر ومازن كلم مامت جودي واتقدملها وعمر كان نازل اجازه مبسوط جدا انه اخيرا هيشوف زينب وكلمها في الفون قالها
عند زينب كانت واقفه متحمسه وفرحانه اوي وبصت على اوضتهم اللي زينتها بفرح وتابعت بس كده زي الفل
والاوضه كانت مليانه زينه وورود وفي شرايط ستان نازله من السقف ملزوق عليها الايكو ( صور الحمل ) وشرايط تاني عليها جزم بيبي صغيره وشرايط تاني فيها مربعات من الفوم بحجم واضح مكتوب عليها مبرووك هتبقى اجمل بابي في الدنيا وجمل عن ان في بيبي جديد في العيله .. وابتسمت بفرح وحماس وسقفت بايديها وتابعت تحفهه كده خلاص يلا هطلع واقفلها لحد مايجي وبصت على نفسها في المرايه كانت حلوه جدا لابسه قميص قصير حمالات لونه احمر بلروب بتاعه وحاطه روج احمر وفارده شعرها بتمويجه شكلها جميل وفضلت رايحه جايه في الشقه بتوتر وتابعت ماتخلص ياعمر كل ده الخمس دقايق
وراحت قعدت على الكنبه ودقايق ولقيت باب الشقه بيتفتح بلمفتاح فقامت وقفت بحماس وعمر فتح بصلها بفرح بعدين ملامحه اتغيرت وتابع بحده الله يخربيت اهلك انتي واقفه قدام الباب كده ازاي امشي خشي جوه
زينب بتوتر اه اه صح حقك عليا ودخلت بسرعه فعمر دخل من الباب ودخل شنطته وقفل الباب وراح للصالون فلما شافته زينب جريت عليه حضنته بفرح واتعلقت في رقبته وهو ضمها ليه اكتر باشتياق شديد
زينب بدموع فرح واحشتني اوي اوي اوي بجد
عمر ضمها اكتر وتابع بفرح انتي اكتر والله العظيم ما مصدق لحد دلوقتي اني شوفتك ووطى راسه باس كتفها وهو ضاممها
زينب انزعجت من ريحه البرفيوم وتابعت عمرر
عمر بصلها وباس جبينها باشتياق وتابع ايه ينورعين عمر
زينب بضيق انت حاطط من البرفيوم ده ليه مش قولتلك مبقتش حباه
عمر بضحك يااادي ام البرفيوم من امتى يعني الكلام ده عموما ياستي ولا تزعلي وبدا في فك زراير الافارول
زينب بضحك بس بس يخربيتك بتعمل ايه
عمر بضحك ايه بعمل ايه في بيتي وقدام مراتي بقلع هدومي مفيهاش اي حاجه يعني ولا انتي اتهبلتي بجد وعايزانا نعيد من الاول ولا ايه وقلع الافارول والتيشرت ورماهم على الكنبه وفضل عاري الصدر
زينب بصت على الكنبه وتابعت لعمر برفعه حاجب هو ده النظام اللي بتتعلموا في الجيش يعني ?? انا لسه مروقه البيت
عمر بضحك لا انا عايز ال 3 ايام دول مسمعش سيره الجيش خالص وشد وسطها ليه وتابع بحب سيبك من البيت وروقي صاحب البيت
زينب فضلت تضحك وتابعت طب حتى يا شيخ ده انت لسه راجع ومفروض عايز ترتااح وفي اكل عملاه وليله تعالى بس غير هدومك وناكل وبطل اوهام ورايحه تمشي فا إيده اللي على وسطها رجعتها تاني فتابع عمر بحب يعني واحد بعيد عن مراته بقاله شهر كامل يوم مايجي تقولي اكل وراحه طب والله عيب
زينب بضحك انا مكنتش بهزر لما قولتلك تنسي الكلام ده بجد فاوعى كده ياقلب مراتك انا صحتي تعبانه وانت شكلك يقلق المره دي وحطت ايديها على دراعه وتابعت ايه دول انت كنت بتأكلهم اكلك هناك الشهر كله ولا ايه
عمر بضحك يعني انتي عايزة واحد بيتدرب تحت ايد سيف درعاته متعملش عضلات بالله بتهزري ده مره عاقبنا ب 250 ضغط في يوم
زينب اتفاجئت وفضلت تضحك بشده وتابعت ايه بتتكلم جد والله
عمر بضحك اضحكي اضحكي انتي احكيلك تضحكي وهو هناك طلع عين اللي خلفونا
زينب بضحك طب ليه طيب عملتوله ايه
عمر بضحك علشان سهرنا من وراه
زينب بضحك طب والله تستاهلوا وفضلت تضحك وتابعت لا بس دي هتيجي على دماغي انا انت بسم الله مشاء الله صحتك حلوه يحبيبي وانا زي ما انت شايف كتكوته فلما درعاتك يجيلها السول شويه نفكر في الكلام ده
عمر فضل يضحك وتابع زينب بالله عليكي متستعبطيش منا طول عمري رياضي
زينب بضحك ااه بس مش كده
عمر بص في المرايه اللي في الصالون وتابع طب بالله شكل جسمي احلى
زينب بضحك هو احلى بصراحه بس في الصور وقدام الناس افتخر بيك ماشيه بظابط صحيح ومن بعيد لو خليتك بأدبك انما اي تفكير تاني انسى
عمر بضحك ده انسي انتي الكلام ده بقولك بقالي شهر بعيد عن مراتي خلي في شويه دم وشدها ليه وباسها بحب واشتياق وايديه جات على الروب ونزله وقع على الارض وزينب حاطه ايديها حوالين رقبته وبتبادله المشاعر باشتياق فبعد عنها لما حس انها عايزه تتنفس وسند جبينه على جبينها وتابع بهمس وحب والله واحشتيني
زينب ابتسمت بحب وتابعت والله وانت اكتر وضحكت وتابعت بس افتكر اني قولتلك بلاش الحماس ده
عمر وطى شالها بين ايديه وتابع بحب هنشوف الكلام ده بعدين وراح عند اوضتهم وتابع يعني بالله عليكي قفلاها ليه
زينب بضحك استنى نزلني طيب
عمر بحب لا خليكي ومد ايديه فتح الاكوره ورفع زينب حلو على ايديه تاني وزق الباب برجله ودخلوا الاوضه فعمر اتفاجئ بشده بلديكور ومكنش مستوعب فنزلها بهدوء وراح يبص عليهم وعينيه عماله تروح على كل المتعلق ومكتوب فالدموع اتجمعت في عينيه بتفاجئ شديد وعدم تصديق فبصلها وتابع ايه ده ???
زينب بدموع فرح بذمتك في ايه مش واضح
عمر بدموع فرح حط ايديه على جبينه بعدم استوعاب وتابع بضحك لالالا انا مش مصدق بالله عليكي بتتكلمي جد ??? وراح مسك دراعاتها وتابع بلهفه ودموع فرح زينب علشان خاطري وغلاوتي عندك بلاش هزار في الحاجات دي انتي وسكت وفضلت دموعه تنزل بغزاره بفرح وتابع بلهفه وضحك انتي حامل فعلااا !!
زينب هزت راسها ب اه وتابعت بدموع فرح هو انا ههزر في حاجه زي دي حامل والله وعرفت من يوم ما سافرت كمان
عمر ضحك بدموع فرح وتابع يحبيبتي بجد وحضنها جامد وشالها لف بيها بفرح وهي بتضحك ودموعها بتنزل ونزلها وهو حاضنها ودموعه فضلت تنزل بغزاره وتابع مش قادر اصدق بجد اللهم لك الحمد .. اللهم لك الحمد ايه الاخبار الحلوه اللي نستني تعب الشغل دي بجد يارب
زينب بدموع فرح وهي حضناه ده والله انا اللي من ساعه ماعرفت الفرحه مش سيعاني
عمر بفرح ودموع والله ولا انا مصدق ولا مستوعب حاسس عايز اطير من الفرح ربنا يخليكي ليا وميحرمنيش منك ابداا انتي من يوم مادخلتي حياتي وجبتي الخير كله معاكي بقيتي كل دنيتي واكتفيت بيكي وباس راسها ودموعه نزلت
زينب بدموع فرح متخيلتش هتفرح كده بجد ربنا ميحرمنيش منك
عمر بدموع فرح : افرح بس ده انا هطير .. يا زينب انتي كنتي حلم وحلم بعيد اوي كمان فانتي متخيله يعني ايه بقيتي مراتي وبين ايدي وربنا متأخرش عني وبقيتي شايله ابني كمان وغمض عينيه وتابع حقيقي كلمه الحمدلله الف مره مش هتوفي ربنا حقه ولا هتوصف احساسي الحمدلله الحمدلله الحمدلله بجد ووطى على ركبته وباس بطنها بحب ودموعه نزلت
زينب ابتسمت بدموع فرح وتابعت طب والله يبخته او يبختها ب أب زيك
عمر بصلها بدموع فرح وتابع ده والله انا بموت فيه او فيها من قبل مايجوا يارب بس اكون هنا اليوم ده حقيقي لو مكنتش موجود هضايق جدا
زينب بحزن لالا بالله عليك قول الخير ان شاء الله هتبقى هنا
عمر غمض عينيه وباس بطنها بحب وتابع يارب يحبيبتي يارب بجد
زينب ضحك خد بالك انا هغير كده من ساعه ماعرفت فرحان وبتعيط وبتبوس بطني علشان البيبي وام البيبي ايه بقى
عمر قام وقف وتابع بضحك انا بوست ام البيبي الاول احنا هنهزر ولا ايه ده هي الرزق والعوض اللي ربنا بعتهولي وجيه من وراها كل الفرح ده بس علشان متزعلش وتغير من ابني مقدرش على زعلها نبوسها تاني انا معنديش مشاكل
زينب ضحكت وعمر شدها ليه وباسها بحب فتابعت زينب بحب لا مش كده بس انت كمان ساعه فرحنا مفرحتش زي كده
عمر بضحك انتي هبله يابت بتغيري منه من قبل مايجي وبعدين يا اذكي اخواتك منا فرحان كده علشان منك انتي يا عبيطه ده انا مش قادر اصدق يعني ايه خلاص 8 شهور وهيبقى ليا ابن او بنت منك .. من زينب اللي عشت عمري كله بتمناها وبحلم بخطوبتنا بس على الاقل يخرابي بجد حقيقي مش مستوعب وضحك بفرح وحضنها جامد ودموعه نزلت على كتفها وتابع مباارك ياست البنات مباارك بجد
زينب بحب ودموع مباارك علينا ولينا ينورعيني والله انا زيك مش قادره اوصف احساسي بردو بس الااكيد اني بحمد ربنا كل دقيقه ان حلمنا بقى واقع عايشينه الحمدلله يارب وضحكت وتابعت صدقتني بقى لما قولتلك متحلمش كتير وتتعشم بحاجه
عمر بضحك من بين دموعه : يابنت الجزمه اتاريكي محصنه نفسك بس ده بذمتك كلام دكتوره ولا هبد من عندك
زينب برفعه حاجب دكااتره مين يعسل انا ممرضه وفاهمه
عمر شدها ليه وتابع بضحك منقدرش ننكر طبعا بس ياممرضه يا فاهمه ساعات بيبقى مسموح عادي
زينب بضحك اه حالات وحالات بس انا بقرف اصلا فمفهياش تفكير
عمر بضحك بتقرفي والله انتي مهزقه اوعي كده ورايح يمشي زينب مسكته وتابعت بضحك لالا يعمري انت نضيف ومفيش منك بس ده من الحمل والله بيحصل احساس قرف كده ومن الاكل بردو والله مش انت بس متزعلش
عمر فضل يضحك وتابع ده بجد والله ? هو علشان كده مش بتطيقي احضنك
زينب بضحك اه والله لما اروح اكشف مره وانت معايا شوف الدكتوره هتقولك ايه
عمر بضحك يخربيتك اتجننتي ولا ايه هقول للدكتوره هو عادي تقرف مني ولالا
زينب بضحك ضايقتك اوي بتقرف ولالا ماهي سالت عليك لما روحتلها امبارح قالتلي بلنسبه لابو البيبي قوليله رايحه تكمل قولتلها ده ظابط جيش ومش بشوف وشه غير كل فين وفين فمتخافيش انا في امان فضحكت وقالتلي ايوه بلظبط كده خلاص تمام
عمر فضل يضحك وتابع يانهار ابيض بجد مش قادر .. بس عادي يحبيبتي المهم حبيب بابا يبقى كويس دي عندي بلدنياا وحط ايديه على بطنها ومشاها عليها بحب
زينب برفعه حاجب حبيب باباا بس هاا
عمر بضحك اه بس لانه هو اللي ممكن يتضرر انما انتي ليه محسساني اني بضربك بلنار مش فاهم
زينب ضحكت وتابعت طب بلعكس والله انا بهزر معاك انت اصلا واحشني وحطت ايديها على رقبته وقربت سندت جبينها على جبينه وباست خده بحب وتابعت بس نعمل ايه في حبيب بابا بقى
عمر غمض عينيه بتأثير من قربها وكلامها وتابع بضحك زينب احترمي نفسك علشان انا فاهم الحركات دي
زينب فضلت تضحك وتابعت ماهو انت جاي 3 ايام من تعب اعصاب لتعب اعصاب
عمر بضحك لا ودوني الجيش ارحم
زينب فضلت تضحك وتابعت اخص عليك يا عمر يعني دلوقتي الجيش حلو
عمر بضحك اه والله ارحم من اللي انتي بتعمليه فيا ده اصل طلما فيها صيام يبقى نتعب اعصابنا هناك احسن على الاقل مش هحس اللي انا حاسه ده
زينب فضلت تضحك بشده وتابعت لالا خلاص صعبت عليا هسيبك في حالك والله
عمر بضحك ايوه كده ربنا يهديكي يابنتي وراح وقف قدام الصور وشد واحده من صور الايكو وفضل يبص فيها باهتمام وحب والدموع اتجمعت في عينيه وتابع بجد مش عارف اوصف حاسس بايه لسه مش قادر استوعب بس حقيقي الحمدلله حمدا كثيرا يارب ال 8 شهور دول يجروا باسرع وقت .. فجات زينب وقفت جمبه وتابعت بحب شايف شبهي ازاي
عمر فضل يضحك من بين دموعه وتابع ده انتي فصيله يا شيخه عرفتي منين انه شبهك انتي من الصوره معلش
زينب بضحك بغيظك انما واثقه هيطلع حته منك سواء ولد او بنت
عمر ضمها لحضنه وباس راسها وتابع بحب وهو بيبص للصوره حقيقي ربنا ميحرمنيش منكم ويقومكم ليا بالف سلامه بجد يا زينب بلخبر اللي قولتيهولي ده هونتي عليا تعب الحياه كله مش الشغل بس حقيقي اجمل هديه ربنا اداهاني في الحياه انتي وابني وباس الصوره بحب ودموعه نزلت
زينب بحب وابتسامه يارب ينورعيني ميحرمناش منك ابدا ويديم دخلتك علينا البيت العمر كله وباست خده وحضنته
عمر بضحك يا زييينب
زينب ضحك خلاص خلاص اسفه حقك عليا
عمر بضحك لا انتي مش هتجبيها لبر انهارده روحي البسي اخدك ننزل نفطر برا الساعه لسه 1 على الاقل مكان هبقى ضامن فيه تصرفاتك ورده فعلي
زينب فضلت تضحك بشده وتابعت بفرح ده تمام جداا هروح جري اهو والله كويس غيظي ليك جيه بفايده اهو
عمر بضحك لا ياروح امك ده علشان بعوضهالك لان المره اللي فاتت سافرت
زينب بحب والله انت نور عيوني وراحت تلبس في الدريسنج روم وعمر كان خد بنطلون جينز وتيشرت ابيض وجاكت جلد اسود ولبس ووقف قدام المرايه يحط برفيوم فافتكر ان زينب مش حباه فتابع خلاص اغيره وسابه ومسك غيره فتابع لالا بلاش خالص احسن ترجع وتتعب مش ناقص خلينا كده وسرح شعره وحط النضاره الشمسيه وتابع بضيق ما يلا يا زينب ايه يحبيبتي هتلبسي الدولاب كله
زينب خرجت وتابعت خلاص اهو خلصت هلبس الكوتش بس
عمر قلع نضارته وبصلها من فوق لتحت وتابع نهاار ابوكي اسود خلصتي ايه هو انتي بتنزلي كده وانا مساافر !!!
زينب بخضه ايه في ايه
عمر بحده انتي بتتنيلي تلبسي البناطيل دي كده
زينب بضيق اه ياعمر ما انت عارف اني بلبسها ايه الجديد
عمر بحده لا عارف انها بتبقى بوي فريند واسع مش ضيقه بلشكل ده
زينب بضحك طب ما ده بوي فريند والله
عمر بحده انتي تخنتي مبقاش بوي فريند خالص ده بقى قله ادب ومسخره
زينب برفعه حاجب نعم نعم مين دي اللي تخنت
عمر بحده اخلصي بس وادخلي غيري هدومك والبسي بنطلون واسع اما قسما بالله مفيش نزول خاالص
زينب بضيق لا بجد متهزرش فين تخنت ده ماهو حلو عليا اهو
عمر بحده حلو اوي هو من ناحيه حلو فاحلو اوي بصراحه لفي كده وامشي قدامي
زينب بضحك طب بامانه انت قليل الادب
عمر بحده قليل ادب اه وامه لا اله الا الله كلها اللي هتشوفك كده هيبقوا عادي محترمين ده على الاقل انا حلال اخلصي لفي وتاني مره تضحكي وانا متعصب وبتكلم جد هزعلك
زينب بضيق عمر انا مش العساكر بتاعتك يحبيبي فاسمع وانفذ في ايه انت مش في الشغل للأوامر دي
عمر بعصبيه من غير شغل خاالص انا جوزك واحكمك وتسمعي وتنفذي انتي اتجننتي ولا ايه اخلصي لفي علشان والله لو قولتها تاني يا زينب هتزعلي مني وبلجامد
زينب ضربت برجليها بضيق جامد على الارض فتابع عمر بحده يا مهزقه متتنطتيش علشان مجيش انكد عليكي والله العظيم
زينب لفت ومشيت وتابعت بضيق طيب اهو
عمر بصلها وغمض عينيه بضيق وتابع مش ضيق اه مش ضيق خاالص وقعد على السرير وشاور على الدريسنج روم وتابع يتغير ويتلبس واسع مفيش واسع مفيش نزول عادي جدا
زينب بضيق طب بجد فعلا اجيب منين هفضل اقيس فيهم كلهم يعني
عمر بحده ميخصنيش اتصرفي واخلصي يلا وعدي ليله اهلك اللي مش معديه دي وشوفي واحد واسع وهنعدي اجيبلك واحنا مروحين
زينب بضيق يابااي منك بجد دايما كاسر نفسي في اللبس ودخلت تغير
عمر بحده ولو متربتيش هكسرك انتي وبلاها نزول من البيت خالص ويبقى احسن علشان الواحد دمه محروق وبيغلي من ساعه ما شافك كده والمفروض انك شيفاه عادي وبتنزلي بيه يعني ابقي انا طالع عين اهلي في سينا ومراتي شهر كامل بتتحرك وبتنزل بلمسخره دي ماشي يا زينب ماشي مانتي ملكيش راجل يحكمك
زينب من جوه بضحك: عمر متعصبنيش ماهو ده لبسي اللي جبته قبل الجواز علشان كنت عصايه ايش عرفني انا اني هبقى بطايه والهدوم هتبقى عليا قمر كده
عمر بعصبيه وغيره : يا زينب والله العظيم هقوم اديكي علقه وازعلك مني انا ماسك نفسي عنك بلعاافيه فاسكتي خالص مسمعش حسك
زينب حطت ايديها على بوقها وفضلت تضحك بصمت وبعد شويه غيرت هدومها لاكتر بنطلون واسع عندها وطلعت بضيق وتابعت الوحيد بجد اللي واسع ولاقيته باعجوبه لان ماما قالتلي هاتيهم واسعين شويه هتتخني مصدقتش فجابتلي واحد اجربه
عمر بصلها بتفحص من فوق لتحت وتابع ماما بتتكلم صح بس انتي اللي عايزه تتربي معروفه 90% من الناس بتتجوز بتتخن لفي
زينب لفت وتابعت بضيق خلاص هجيب انهارده بلاش وش
عمر وش اه ده انتي صبرك عليا هوريكي الوش صح وبصلها بتفحص وتابع بضيق تمام يلا اخلصي تعالي ورايا وخرج ونزل يركب عربيته وزينب كانت وقفت ظبطت الميكاب والطرحه ونزلت قعدت جمبه وهو ساق من غير مايتكلم فتابعت بحب خلاص حقك على عيني
عمر سكت فتابعت زينب بحب طب بذمتك يهون عليك تزعل زوزا
عمر بسخريه انا اللي مزعلها بردو
زينب بحب والله خلاص مش هتقرر تاني وقربت شمت هدومه وتابعت بضحك انت مش حاطط البرفيوم جدع يلا خدني في حضنك
عمر ابتسم غصب عنه وتابع لا انا مش عايز احضن حد هو برود
زينب بحب بذمتك من قلبك
عمر بضحك لا للاسف الشديد وفتح دراعه فقربت منه ونامت في حضنه فباس راسها بحب وبص للطريق وهو بيسوق وتابع بلاش الله يخليكي تعصبيني عليكي انا مبحبش ازعلك
زينب بحب حاضر والله مش هتقرر
عمر ها اوديكي تاكلي ايه
زينب بحب اي حاجه على ذوقك عادي
عمر بحب خلاص اتفقنا
——
في بيت مازن وياسمين
مازن كان واقف قدام المرايه جاهز وبيسرح شعره وياسمين كانت واقفه في المطبخ بتحضر الاكل للغدا شويه كده ودخلت الاوضه وتابعت مازن معلش افتحلي البرطمان ده ووقفت مستغربه انه جاهز
مازن مسكه منها وفتحه وتابع بحب امسكي يعمري اهو
ياسمين برفعه حاجب انت لابس كده ورايح فين
مازن قعد وجاب الكوتش وبدا يلبسه وتابع قاسم والشباب عايزني على القهوه في ماتش اجنبي انهارده
ياسمين نعم ?? هو انت هتنزل يا مازن
مازن بضحك اومال لبست ليه مثلا
ياسمين بضيق لا متهزررش مفيش نزول احنا مكملناش شهر في عريس ينزل من بيته بعد اسبوعين
مازن بضحك لا ده العريس بينزل من بعد اسبوع وحياتك الشهر ده انتي تقعديه انا بيتي خرب خلاص من بكره نازل الشغل اصلا
ياسمين بضيق لا بجد متهزرش اقعد معايا نسمعه هنا متنزلش
مازن بحده ياسمين انا عمال اسايسك مالك في ايه انا اديت كلمه للرجاله وهتنيل انزل اسمعه معاهم خلاص ده كل الحوار ساعه ونص
ياسمين بضيق ماهو لو حد فيهم متجوز مش هينزل ويسيب مراته
مازن متجوزين مفيش الا قاسم مش ناقص وش بقى
ياسمين بضيق ياشيخ الهي تولع القهوه وصحابها على الماتش
مازن بصلها وتابع طب اتلمي انا مش عايز اهزقك لحد دلوقتي انتي كده كده كنتي تحت واديكي لابسه تعالي انزلي اقعدي تحت لحد ما ارجع
ياسمين بضيق وهمس اممم فالح بس اول الجواز يقول مش هنزلها غير بعد شهر كله صنف بتاع كلام والله
مازن بحده انتي بتتنيلي بتبرطمي بتقولي ايه
ياسمين بضيق لا ولا حاجه وطفت على الاكل مؤقتا ونزلت معاه فتابعت صافيه بحب يا اهلا يا قلب ستك
مازن باس ايديها وتابع بحب حبيبت قلبي يا صفصف والله وبص لياسمين وتابع خلي بالك من عروستي بقى ساعه ولا ساعتين كده وجاي
عايده بستغراب عنيا بس رايح فين يا ابني
نور اكيد الماتش مع قاسم
مازن بضحك اه بلظبط كده ومش هتاخر
جودي بحب تروح وتيجي بلسلامه يحبيبي
ياسمين بصتلها بحده فتابع مازن بابتسامه مصطنعه تسلمي يا جودي ربنا يخليكي
جودي بحب انا قولت لماما ان باذن الله كتب كتابنا هيبقى الشهر الجاي بعد فرح حسام وامنيه
مازن بتنهيده تمام هتكوني شهرين صح
جودي بحب اه شهرين ده انا والله متحمسه من دلوقتي لليوم اللي هنكون فيه سوا ده
ياسمين قلبها وجعها جدا فتابع مازن بابتسامه مصطنعه طب بصي انا هتاخر هروح واجي ونبقى نتكلم براحتك
جودي بحب ماشي يحبيبي وصح لما نكتب تعالى معايا للدكتوره انا جبتلك صوره البيبي في الحمل بس عايزاك تبقى تشوفه بنفسك وفتحت شنطتها وراحت ادتهاله وياسمين واقفه قلبها قايد نار فمازن بص للصوره وابتسم بحب وتابع جميله عقباال ماتقوموا بالف خير يارب
جودي بحب يارب يعيوني ويخليك لينا
مازن اتنهد بوجع لانه حاسس بياسمين واداها الصوره وبص لياسيمن اللي عينيها كانت حمرا من الدموع فباس جبينها وخدها في حضنه وفضل يطبطب عليها وتابع بحب هتواحشيني اوي اوي اوي الساعه ونص دول
ياسمين دموعها نزلت ودفنت وشها في صدره فا اتمسحت دموعها وتابعت بصوت منخفض وانت كمان
فباس ايديها وجبينها وتابع يلا هنزل انا فياسمين هزت راسها بتمام فمازن نزل وهو بيتنهد بضيق ووجع علشانها
فتابعت جودي بكيد : معلش ياروحي هو الماتش عند الرجاله كده اهم من اي حاجه
ياسمين بكيد اه ده كل الرجاله الا مازن علشان مازن مفيش حاجه عنده اهم مني ولو عايزه ارجعه هرجعه
جودي بضحك اه ما واضح بصراحه وواضح كمان ان عجباه العروسه
ياسمين بكيد اه يحبيبتي عجباه وطاير بيها كمان كنتي بتشوفينا انتي في شقتنا علشان تحكمي ده اسبوعين متحركش من جمبي واستأذني انه نازل ساعه ونص وجاي تاني فاخرجي انتي براها اللي مش هتعجبه صحيح اللي بنسباله رحم شايله عيل وخلاص مش انا اللي حبيبت عمره
جودي بحده انت قليله الادب
ياسمين بحده بنعرف ياروحي نبقى كل حاجه قلالات ادب ومرتبناش ومحترمين وولاد ناس بس مع الاشكال اللي تستاهل
صافيه بحده بس انتي وهي خلاص اتلموا واتهدوا شويه مش كل شويه كده هتزهقوا الراجل منكم
نور بضحك باالله ما عارفه اقول ده انتي يا دوب لسه مكلم امك ان شهر ويكتب عليكي يعني متجوزتوش ولا بقيتوا ضراير لسه وبتعملوا كل ده اهدي يا جودي يحبيبتي مش كده ده انتوا فظاع
جودي بحده انتي مش سمعاها قالت ايه يا نور
عايده بحده مانتي اللي بداتي معاها يابنتي
نرمين بتنهيده بصوا اختصروا بعض واسكتوا جدكم نايم مش ناقصين يصحى يشوف الخناقات دي
عايده بتنهيده قومي يا ياسمين اعمليلي كوبايه قهوه يابنتي معلش دماغي صدعت
ياسمين بتنهيده حاضر وقامت وهي مش طايقه جودي فتابعت نور لجودي بضحك يابت بطلي كيد وغيظ
جودي ضحكت وسكتت فتابعت نور بضحك لا دول فظاع الواحد يتفرج عليهم يموت من الضحك بجد
ودقايق وطلعت ياسمين وحطت القهوه وتابعت بحب امسكي اهي يا ماما
عايده بحب تسلمي يا قلب ماما
ياسمين بحب تراهنيني يابت يا نور ان ارجعلك مازن شويه كده وسط الماتش
نور بضحك اراهنك هتخسري طبعا
ياسمين بحب طب هتشوفي .. يا بنتي ماتش اي وكلام فاضي ايه ده انا سمسم
نور بضحك وماله هنشوف
بعد شويه عند مازن على القهوه قاعد مع صحابه
قاسم بضحك طبعا انت مضايق ان نزلناك من بيتك مش كده
مازن بضحك بس يحبيبي انا زي الفل اهو وبعمل اللي انا عايزه هتروح فين مراتي يعني ماهي قاعده
خالد بضحك ده على اساس انك مضربتش خناقه زي اللي كلنا ضربناها دي
مازن بضحك لا حصلت بصراحه بس بردو بعمل اللي عايزو وقايلها هروح بعد الماتش بس هكبر دماغي منها وهقعد معاكم شويه كمان علشان تعرف بس
فهد بضحك لا مسيطر يا جدع ظلمناك
مازن بضحك يا ابني انتوا متعرفونيش لسه مش انا اللي واحده تأثر عليا
قاسم بضحك والله ما حاسسها
مازن بضحك منا هثبتلك اهو
ودقايق وفونه رن فرد وتابع ايه يحبيبي
ياسمين بحب وصوت رقيق ايه يعمري واحشتني
مازن استغرب وبص للفون يتأكد بيكلم مين فشافها متسجله فعلا “« حبيبت عمري »” فاستغرب و حطه على ودنه تاني وتابع عمرك !! وواحشتك !! خير يحبيبتي حصل ايه في الدنيا
ياسمين فضلت تضحك وتابعت الحق عليا يعني بقولك كلام حلو
مازن بتركيز مع الماتش لا طبعا تشكري بس خير قولي بسرعه لاني مش فاضي
ياسمين قعدت جمب صافيه وتابعت بدلع مفيش يعمري انت واحشتني بس علشان مش متعوده عليك تبعد عني كل ده من ساعه ما اتجوزنا فاتصلت اكلمك
مازن بضحك ياسمين هو انا لحقت دي هي نص ساعه يحبيبتي في ايه
ياسمين بحب بقولك ايه سيبك من الماتش ده وتعالى انا محضرالك حته مفاجاه هتعجبك وعملالك اكل حلو اوي فوق والله
مازن حاضر يحبيبي ساعه وهجيلك والله
ياسمين بحب لا دلوقتي وشاورتلهم يستنوا ودخلت البلكونه وتابعت فاكر البتاع القليل الادب اللي انت قولتلي امبارح قيسيه اشوفه عليكي ده وانا مردتش
مازن بضحك اه فاكر ماله يعني خير
ياسمين بحب وصوت رقيق اصل انا قيسته دلوقتي ولاقيته تحفه اوي عليا فتعالى قولي رايك
مازن بضحك جايه تقيسيه دلوقتي يعني حبكت في معاد الماتش ده انتي سوسه يعلم ربنا عموما ساعه بجد وهكون عندك خليكي بيه
ياسمين بحب يا مازن انا ماصدقت الشجاعه خدتني وقومت لبسته حقيقي هو مش محترم خالص
مازن بضحك نربيه يحبيبتي وماله بس لما ارجع
ياسمين بحب لا تعالى دلوقتي بجد انت واحشتني اوي اوي ده انا رايقه وبتحايل عليك ترجع ودي مبتحصلش هاا
مازن بضحك ما ده اللي مقلقني بصراحه خير يحبيبتي اي سر التغير كل ده علشان نزلت على القهوه شويه
ياسمين بحب لا طبعا يعمري براحتك ده حقك تشوف صحابك الله بس انا بلصدفه بقلب في الدولاب شوفته فقيسته وحطيت الروج اللي انت بتقولي احط منه ده وفردت شعري فبص انا نفسي عاكستني وشوفتني بيرفكت انا بكلمك واقفه قدام المرايا دلوقتي مش عارفه اوصفلك حقيقي القمر بس هو انبهار حرفيا .. فالو طولت بجد هغير علشان عايزه اكمل الاكل فمش هطبخ بيه طبعا وهمست بحب ودلع وبعدين بقولك واحشتني ايه يحبيبي من امتى قلبك بيطاوعك تبعد عن سمسم كده وكمان هي بتقولك واحشتني
مازن دقات قلبه بقيت سريعه من صوتها وكلامها فغمض عينيه وتابع بضحك طب اقفلي يا ياسمين جاي خلاص
ياسمين بضحك ايوه كده انت ميزو حبيبي بجد
مازن بضحك وهمس طب اقفلي ياختي اما اشوف هتصرف في المصيبه دي ازاي
ياسمين ضحكت وتابعت ماشي يعيوني مستنياك متتاخرش ها
مازن بضحك حاضر طياره
وقفل معاها
وخرجت ياسمين وتابعت بابتسامه كلها انتصار وكيد : جاي خلاص كسبت الرهان
نور بضحك لابتهزري بجد والله جاي ?
ياسمين بحب وابتسامه واثقه: اه يابنتي قولتلك انا عند مازن فوق كل حاجه
عايده بضحك ان كيدهن عظيم بصحيح جبتيه ازاي يابت ده محدش بيعرف يعملها دي
ياسمين ضحكت وتابعت بكيد في جودي: الله بقى يا ماما بتحرجيني ليه دي اسرار المهنه
نور بضحك لا انا هاخد كورس عندك ده انتي كوين وربنا
ياسمين بضحك عيوني يا غاليه بصي اول درس هدهولك دلوقتي اهو تعرفي نقطه ضعف اللي معاكي ومازن ابتسمت بحب وتابعت مبيضعفش غير بسببي وعلشاني
جودي كانت قاعده متعصبه وبتغل فتابعت صافيه بضحك بنات قادره ياختي مكناش بنات احنا
نرمين بضحك اه والله ياما صدقتي
ياسمين بضحك المهم هطلع انا علشان جوزي جاي في الطريق وطلب مني حاجه وانا عيوني ليه عايزه اعملها بسرعه قبل ما يجي يلا عايزين حاجه
عايده بضحك سلامتك يااختي اجري على شقتك
نور بضحك طول ماهي ورا مازن هنشوف العجب والله
نرمين بضحك لا بت جدعه والله قالت كلمه وعملتها صحيح
نور بضحك منا بجد مبهوره بيها كوين بنت كوين
صافيه ضحكت وجودي اتعصبت جدا وحست بغيره وسكتت
———
عند مازن على القهوه بص للفون وتابع بتمثيل خضه ايه ده يانهار اسود
قاسم بخوف ايه في ايه يا ابني
مازن بتمثيل خوف: المدام وقعت على رجليها جامد وبعتالي الصوره رجليها ازرقت خالص انا لازم اروحلها
خالد بقلق يالهوي وقعت ازاي بس
مازن وهو بيقوم بتمثيل قلق: معرفش معرفش هروح انا معلش يا رجاله تتعوض
فهد بقلق يا ابني روح طبعا انت بتهزر ولا ايه دي مراتك وقعت قعدتنا تتعوض بعدين
قاسم بقلق طب ايه اجي معاك نوديها للدكتور ??
مازن وهو بياخد مفاتيحه وعلبه السجاير تابع لالا انا هجبلها مرهم وانا مروح تسلم يا قاسم يلا السلام عليكم
قاسم بصله بشك وتابع بضحك متاكد انها وقعت
مازن بتمثيل حده : انت هتهزر يا قاسم هو ده وقته مراتي واقعه ورجليها زرقت واعصابي تعبانه ياخي مش كده
خالد انت اتجننت صح هي دي حاجه فيها هزار يا قاسم
قاسم بضحك يجدع اصل ده صاحبي وانا عارفه تلاقيه اتحرج يقول انه عايز يروحلها بس
مازن بتمثيل لالالا انت جايب دماغك دي منين بجد ازاي مخك فكر في كده مش للدرجه دي يعني
قاسم بضحك طب روح اجري الحقها تلاقيك محتاجلها قصدي هي محتجالك وبعتتلك فا لازم تروحلها جري
مازن كتم ضحكه بلعافيه وتابع بتمثيل لا حول ولا قوه الا بالله العلي العظيم يا ابني بقولك مراتي تعبانه انما انا مفيش واحده تسيطر علياا انا كنت هقعد معاكم بس قدر الله وما شاء فعل احترم نفسك بقى ان بعد الظن اثم
فهد حقك عليا انا سيبك منه ده دماغه تعبانه وروح انت للمدام وطمنا بسرعه
خالد ده حيوان بيهزر في حاجات مينفعش فيها هزار حقك عليا روح انت
مازن بتمثيل لا ده بني ادم غريب بجد والله .. تسلموا يا رجاله يلا هروح انا ابقى اكلمكم وتتعوض باذن الله
قاسم بضحك روح يا غالي روح
مازن كان كاتم ضحكه ولما مشي فضل يضحك بشده وركب عربيته وتابع ادي ياسمين واللي جايلنا من ورا ياسمين عملالي عمل بنت الجزمه ومشي بعربيته في اتجاه يروح البيت
——
في مكان تاني كان حسام ماشي بعربيته ووقف مستغرب عند مكان وشاف امنيه نازله من التاكسي ودخلت عماره فنزل وبص للعماره لقى مكتوب عياده الدكتوره منال سعيد النفسيه فهمس لنفسه بستغراب : امنيه بتتعالج نفسيا من ايه وازاي بتخبي عليا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غموض الحب)