رواية عشقت مطلقة وأولادها 2 الفصل الخامس 5 بقلم مارلي إيهاب
رواية عشقت مطلقة البارت الخامس
رواية عشقت مطلقة الجزء الخامس

رواية عشقت مطلقة الحلقة الخامسة
في السرايا كان سلطان قاعد مع ريان و بيقول بضيق
طب احنا دلوقتي هنعرف منين ابوك عايز المحامي في ايه اذا كان رفض وجودنا معاه
ريان بهدوء
لما المحامي ينزل هنعرف
سلطان بتريقة
ده علي اساس يعني ان ابوك هيخليه ينطق كلمة واحدة عاد انت طيب يا ريان يا تري ابوك بيخطط لايه بس
زهرة بخبث
انا خايفة لا يكون رايد ينقل كل حاجه لزفته مراته و ساعتها هتخرجوا انتم الجوز من المولد بلا حمص
سلطان بعصبية
ايه اللي بتقوليه ده يا زهرة اتجننتي ولا ايه
زهرة بهدوء
لا متجننتش تفتكر هو طلب المحامي في الوقت ده بالذات ليه و بعدين انا ناسي ان تسنيم مشيت من اهنا و هي كانت حبله يعني زمانها خلفت و عايز يضمن انكم متكلوش حق ابنه او بنته اللي جابتهم و يمكن يكون هيكتبله نص اللي عنده كله
سلطان بصدمة
انا استحالة اقبل بحاجة. زي دي
ريان بغضب
هتعمل ايه يعني يا سلطان زهرة معاها حق ابوك كبير كفاية و يعمل اللي هو رايده احنا مش هنحسبه
سلطان بهدوء
طيب اديني سكت
وبعد شوية نزل المحامي و سلطان قال بلهفة
ابوي كان رايدك في ايه يا عصام
عصام بجدية
اسف مقدرش اخرج اسرار العملاء بعد اذنكم
وسابهم مشي و سلطان طلع هو و ريان لابوهم اللي كان باين عليه التعب
القناوي بتعب
اهدي يا سلطان انا منظلمتش حد فيكم ابدا كل واحد هياخد حقه تالت و متلت انا مش علي اخر الزمن هظلمكم وانا رجلي و القبر
سلطان بهدوء
بعد الشر عليك يا بوي ايه اللي بتقوله ده ربنا يديك الصحه والعافية يارب
القناوي بتعب
خلاص يا ولدي مش هعيش قد ما عيشت بكفاية تعب انا رايد اوصيكم وصية لو لقيتوا تسنيم و ولدي او بتي اللي جابتهم اديهم حقهم و احتضنهم انا مش رايد ابقي ظالم يا ولدي ودوروا عليهم يا ولاد متسبهومش و انا رايد اقولكم علي الحقيقة اللي خبيتها سنين علشان لما تجي اهنا تطلبوا منها تسامحني علي كل اللي عملته فيها و رايدكم كلكم تدعولي ربنا يسامحني و يغفرلي
سلطان باستغراب بص لريان اللي مش فاهم حاجه
ريان بهدوء
في ايه يا بوي انا مفهمش حاجة
القناوي بتعب
انا مش زي ما انتم فاكرين يا ولاد الراجل العمدة الوقور والعادل انا عمري ما كنت عادل بالعكس طول الوقت كنت ظالم ظلمت تسنيم كتير قوي خليتها تكره حالها و مش انا لوحدي لا اني و اخوي هاشم ربنا يرحمه
سلطان بهدوء
انا مفهمش حاجة يا بوي اتكلم
القناوي بدموع
تسنيم كانت بتجي مع اختها كتير السرايا تشتغل وهاشم كان بيشوفها كتير و معجب بيها ووقتها كان متجوز بت عمه سنية وحاول يتقرب منها كتير ولكن رفضته و مرة رحلها لغاية البيت و اعتدي عليها كان مفكر انه لما يعمل كدة غصب عنعا هتوافق انه يتجوزها ولكن البت رفضت تاني خصوصا بعد ما سنيه عرفت الموضوع و هددتها
انها لو قربت من جوزها هتخلص عليها و ساعتها انا علشان اسكت رشا كانت كلبة فلوس هي وجوزها علشان اسكتهم ادتلهم 2 مليون جنية علشان يبعدوا و ينزلوا الحمل
سلطان بصدمة
هي حملت كمان
القناوي بتعب
ايوة و قالتلي انها فعلا نزلت الحمل بس بعد تسع شهور جبتلي البت وقالت انها منزلتهاش علشان صحتها كانت تعبانة وادتني البت علشان نربيها احنا و طلبت مني فلوس برضه علشان تسكت و انا غصب عني اديتها بس مهنتهاش علي الفلوس بالعكس بعت رجلتي و هما في العربية طلعوا عليهم و اخدوا منهم الفلوس و كمان رموا العربية من علي الجبل علشان محدش يدري بالموضوع و يبان حادثة عادية وروحت البيت وكانت تسنيم في المستشفى وولاد اختها معاها و اخدت باقي 2 مليون اللي خدتهم في الاول و ساعتها تسنيم. مكنتش معاها ولا مليم و عرفت باللي حصل لاختها و جوزها و انهارت وكانت بتدور علي شغل و احنا كنا طلبين شغالين عندينا اهنا وواحدة جابتها وشغلتها اهنا بعد ما الست قالتلي انها حالتها صعبة جدا هي و بنات خيتها و مش لاقيين ياكلوا بدات تشتغل هنا و انا كمان بدات اعجب بيها غصب عني و حاولت اطلبها للجواز ولكن رفضت و اترجتني اسيبها تاكل عيش بس انا كنت بجد حبيتها لغاية ما امكم شافتني مرة و انا قريب منها و طردتها و بهدلتها و من ساعتها و هي عايشة في شقتها وانا كمان منعت اي راجل يقرب منها و لا يتجوزها و لا حتي يبصلها و كنت طول الوقت بحاول اخليها توافق علي الجواز و لكن كانت بتكرهني بسبب هاشم لحد ما اتجوزتها غصب عنها و اهي هربت مني
ريان بهدوء
السؤال اهنا يا بوي فين البت الصغييرة دي وحضرتك و ديتها فين
القناوي بدموع
شمس
سلطان بصدمة
شمس طلقتي يا بوي
القناوي بتعب
ايوة عمك كان انتحر بعد ما رفضته ومكنش ينفع اطلعها للناس هقولهم ايه اخدتها و سافرت القاهرة و تديتها لوحد صاحبي مش بيخلف و قالي انه يتقي ربنا فيها و هيربيها و ده اللي حصل و كنت كل فترة اروح اشوفها ة اطمن عليها و كانت عايشة زينة و طبعا هي متعرفش الموضوع ده ومش عايزها تعرف بيه واصل فاهمين ولا لاء
سلطان بحزن
ايه يا بوي ده كنت مخبي كل ده عملتوه
ريان بهدوء
مش وقته الحديت ده يا سلطان المهم انك تقوم بالسلامه
القناوي بتعب
كنت رايدك تبقي زوج ليها يا سلطان بس خلاص راحت لراجح طلع راجل و حافظ عليها زين مش رايدها تعرف الحديت ده واصل انا قولت اعرفكم كل حاجه قبل ما اقبل وجهه كريم و تدعولي بالرحمة لان متاكد حتي لو تسنيم ظهرت و قالت الحديت ده عمركم ما هتصدقوها اديني قولتلكم بنفسي خدوا بالكم من ولادكم و من نفسكم و متبقوش زي ظالمين ادوا لكل واحد حقه فاهمين
ريان بحزن
هدي حالك يا بوي و بفكياك حديت عاد هتتعب اكدة
ولكن القناوي مردش عليهم ومات وسلطان وريان عيونه دمعت وخرجوا بحزن واول ما الحريم شافهم صرخوا بقوة
ريان بغضب
اخرسي يا مرة منك ليها في ايه عاد مرايدش صريخ مفهوم
وفعلا سكتوا وكانوا منهارين من العياط وريان بدا يعرف الناس
في سرايا راجح
قرب راجح من شمس وقال بحزن
شمس
شمس بقلق
في ايه يا راجح مالك
راجح بتوتر
اسمعيني زين ومش رايدك تعيطي ده قدر و مكتوب
شمس بخوف
ولادي فيهم حاجه انطق
راجح بتوتر
عمي القناوي مات
شمس عيطت بقوة
لا ده كان كويس انا كنت عنده امبارح يا راجح
راجح بهدوء
يا حبيبتي ده نصيبه و بعدين كان تعبان قوي يا شمس وربنا رحمه بكفايكي عياط وقومي جهزي حالك علشان نروح العزاء
شمس بدموع
حاضر
وفعلا طلعت لبست الاسود و راحوا علي العزاء وكانت فاطمة هناك و منهارة من العياط عملوا العزاء
وعدة تلات ايام العزاء وكانت شمس باولادها في سرايا راجح
بعد العزاء قرب المحامي وقال بهدوء
لو سمحتم هدوء علشان اقولكم علي الاملاك اللي سايبها العمدة ليكم
كلهم كانوا قاعدين ساكتين
المحامي بهدوء
العمدة كاتب لسلطان ربع السرايا و الارض وكاتبله 5 مليون جنية
اما ريان كاتبله الشركة بيع و شراء ونص السرايا التاني و برضه 5 مليون جنية
اما
سلطان قاطعه وقال بضيق
اما ايه احنا اتنين لو مش واخد بالك.
المحامي بهدوء
هتعرف دلوقتي اما ايه
وكمل المحامي كلامه وقال
بعد ظهور زوجته تسنيم و ابنها او ابنتها التي منسوبه للقناوي يكتب ليها 20 مليون جنية مع البيت الخمس ادوار اللي بجانب السرايا
سلطان بغضب
عشرين مليون عفريت يعفرتوك ايه اللي بتقوله ده
المحامي بحدة
وانا مالي يا استاذ هو انا كنت عملت حاجه ابوك كاتب كدة و الكلام ده من سنة يعني مش من كام يوم لما جتله
ريان بهدوء
اهدي يا سلطان احنا اسفين يا متر كمل
المحامي بهدوء
و كاتب للمدام شمس مبلغ اتنين مليون جنية وللمدام وفاء ليها ربع السرايا اللي اتاخد. منها قبل كدة و كمان كاتب للام مهرة مراتك يا استاذ ريان البيت القديم و اتنين مليون جنية و بكدة يبقي خلصنا و كل واحد يجيلي المكتب علشان اجهزله اوراقه و حاجته
ريان بهدوء
تمام يا متر متشكرين
خرج المحامي
شمس بهدوء
انا مش محتاجة الفلوس دي و هتنازلكم عنها
سلطان بهدوء
لا يا شمس ابوي بما انه كاتبهم ليكي يبقي انتي اللي هتاخديهم
شمس حاولت تعترض ولكن سلطان قال بهدوء
قولت خلاص
شمس بهدوء
يلا يا راجح كفاية قاعدة هنا خلينا نرجع البيت
راجح
تمام
وبصلهم. بهدوء
الباقية في حياتكم يا جماعة بالاذن
واخد مراته و مشي وكل واحد طلع اوضته و هو بيفكر في الورث في اوضة ريان كانت قاعدة معاه زهرة و بتقول بغل.
امال فين ورثي هو مش ابوك المسؤل عنه برضه حق ابوي حسين فين
ريان بغضب
هتستعبطي ولا ايه يا زهرة حق ايه يا ام حق انتي ناسية يا بت ان اخوكي جه من بره من عشرين سنه و قسمتي الورث ما بينك و ما بينه و كان قدمنا كلنا و لا نسيتي
زهرة بتوتر
اديك قولت نسيت دي حاجه عدي عليها عشرين سنه
ريان بضيق
لا يا حبيبتي دي حاجه متتنسيش تصبحي علي خير
وسابها و نام و هو مضايق منها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقت مطلقة)